عاجل انتبهوا لأطفالكم أثناء التسوق

[عبير يونس]

هذه رسالة وصلتني منذ قليل على الايميل

و الموضوع خطير

اللهم احفظ أبناءنا آمين

و إليكم نص الرسالة

..:: السلام عليكم و رحمة الله و بركاته ::.

طريقة جديدة للخطف .. تحذير لكل أولياء الأمور

حتى لو لم يكن لك أولاد، انشر هذه الرسالة لك لمن تعرف، فلا تدري من قد تنقذ برسالتك هذه..

هذه الحادثة وقعت في كارفور.

كانت أم تنحني بحثًا عن نوع من اللحوم و التفتت فلم تجد ابنتها ذات السنوات الأربع. كنت و اقفًا بجوارها و هي تنادي على ابنتها بلا جدوى.

طلبت إلى رجل من العاملين في كارفور أن يعلن ذلك في المذياع الداخل ي فقام بذلك فورًا و أعطى تعليمات بغلق الأبواب لمنع خروج أي شخص.

مرت ثلاث دقائق منذ طلبت من العامل ذلك. و بعد خمس دقائق وجدوا البنت في دورة المياه مخدرة و رأسها نصف محلوق بالموس و بملابسها الداخلية و بجوارها حقيبة ملابس و موس حلاقة و شعر مصطنع (باروكة) لتغيير شكلها. أيًا كان ذلك الشخص فقد أخذ الفتاة و خدرها و حملها إلى الحمام و خلع ملابسها و حلق نصف رأسها في أقل من عشر دقائق، الأمر الذي يثير الرعب.

رجاء لا تبعدوا أعينكم عن أبنائكم أثناء التسوق خاصة في الأماكن الواسعة حيث يسهل انفصال الأبناء عن آبائهم. لو كانت أتيحت للمجرم خمس دقائق أخرى لكانت البنت بعيدة عن متناول الأيدي.

للأسف، انتهت الأيام التي كان أبناؤنا يعبثون حولنا بحرية في الأسواق و أسوأ ما قد يسببونه هو مضايقة الآخرين.

جزى الله خيرًا ذلك العامل لسرعة تصرفه و المسئولين هناك لسرعة استجابتهم و غلقهم الأبواب

و حسبنا الله و نعم الوكيل.

تم تعديل 26 مايو 2009 بواسطة مصرية متغربة

[pink rose]

انا كمان سمعت عن الموضوع دا

بس من قبل ما اسمعه اصلا دايما بنتي باقعدها في عربية التسوق و لو نزلتها عيني دايما عليها ما باخليهاش تغيب عني

و ربنا يحفظ ولادنا من كل شر

اللهم آمين

[jessika]

اختى مصرية مغتربة الواقعة دى من فترة طويلة يمكن سنة واعتقد متكررش حاجة بعدها بس عموما الحزر مطلوب طبعا

وربنا يستر ويحمى ولادنا من اى شر

[Ahmed Unknown]

الكلام ده فى كان فى مصر ولا فى السعودية ؟ !!!!!!!!

تم تعديل 26 مايو 2009 بواسطة Ahmed Unknown

[yasser6666]

السلام عليكم جميعا..لسه فيه صديق مصري راجع من أجازة في مصر وبلغني بالموضوع ده وكان قلقان جدا وبيقولي ان الجريمة دي انتشرت في مصر بشكل كبير وليس في أماكن التسوق فقط ولكن علي الشواطئ وفي الشوارع وأي مكان وللأسف الغرض منها هو (تجارة الأعضاء البشرية) حسب كلامه بمعني ان الأطفال دي بعد تخديرها اكيد بتروح اماكن أو عيادات بالأتفاق مع دكاترة معدومي الضمير لقتل هؤلاء الأطفال الأبرياء والحصول علي أعضائهم البشرية مقابل مبالغ مالية خيالية طبعا لمن يدفع وخاصة لأمراض الكلي ومن يريد قرنية للعين وخلافه

يارب أحفظ أبنائنا وأبناء المسلمين من كل شر أو مكروه يارب

وأنت خير الحافظين

اللهم امين

[الباشمهندس ياسر]

السلام عليكم جميعا..لسه فيه صديق مصري راجع من أجازة في مصر وبلغني بالموضوع ده وكان قلقان جدا وبيقولي ان الجريمة دي انتشرت في مصر بشكل كبير وليس في أماكن التسوق فقط ولكن علي الشواطئ وفي الشوارع وأي مكان وللأسف الغرض منها هو (تجارة الأعضاء البشرية) حسب كلامه بمعني ان الأطفال دي بعد تخديرها اكيد بتروح اماكن أو عيادات بالأتفاق مع دكاترة معدومي الضمير لقتل هؤلاء الأطفال الأبرياء والحصول علي أعضائهم البشرية مقابل مبالغ مالية خيالية طبعا لمن يدفع وخاصة لأمراض الكلي ومن يريد قرنية للعين وخلافه

يارب أحفظ أبنائنا وأبناء المسلمين من كل شر أو مكروه يارب

وأنت خير الحافظين

اللهم امين

رغم انى م بحب انشر اخبار ممكن تسبب فزع للناس

الا ان التحذير واجب

المداخلة دى حقيقية بنسبة 100%

احد اقاربى قص لى حادثة اختطاف كالتالى

احد محطات اتوبيس ف العتبة على ما أتذكر

الام تقف و معها طفلان

تداعب احدهم و تغفو عن الاخر فتأتى امراءة و تأخد الطفل المغفو عنه

تنظر الام لتجد ولدها غاب عن ناظريها فتصرخ

فتاتى امراءة لتقول لها لقد اخذته امراءة صفاتها كذا و كذا ... تعطينى هذا الولد احمله عنك و اذهبى خلفها ف هذا الاتجاه

و النتيجة كما تتوقعون

اختفاء الطفلين

[pink rose]

السلام عليكم جميعا..لسه فيه صديق مصري راجع من أجازة في مصر وبلغني بالموضوع ده وكان قلقان جدا وبيقولي ان الجريمة دي انتشرت في مصر بشكل كبير وليس في أماكن التسوق فقط ولكن علي الشواطئ وفي الشوارع وأي مكان وللأسف الغرض منها هو (تجارة الأعضاء البشرية) حسب كلامه بمعني ان الأطفال دي بعد تخديرها اكيد بتروح اماكن أو عيادات بالأتفاق مع دكاترة معدومي الضمير لقتل هؤلاء الأطفال الأبرياء والحصول علي أعضائهم البشرية مقابل مبالغ مالية خيالية طبعا لمن يدفع وخاصة لأمراض الكلي ومن يريد قرنية للعين وخلافه

يارب أحفظ أبنائنا وأبناء المسلمين من كل شر أو مكروه يارب

وأنت خير الحافظين

اللهم امين

رغم انى م بحب انشر اخبار ممكن تسبب فزع للناس

الا ان التحذير واجب

المداخلة دى حقيقية بنسبة 100%

احد اقاربى قص لى حادثة اختطاف كالتالى

احد محطات اتوبيس ف العتبة على ما أتذكر

الام تقف و معها طفلان

تداعب احدهم و تغفو عن الاخر فتأتى امراءة و تأخد الطفل المغفو عنه

تنظر الام لتجد ولدها غاب عن ناظريها فتصرخ

فتاتى امراءة لتقول لها لقد اخذته امراءة صفاتها كذا و كذا ... تعطينى هذا الولد احمله عنك و اذهبى خلفها ف هذا الاتجاه

و النتيجة كما تتوقعون

اختفاء الطفلين

يا ستير يا رب

معقول في ناس كده هو ما حدش بقى عنده رحمة كده

ربنا يحفظ ولادنا من كل سوء

[بركة]

سبحان الله النهارده كنت لسه هفتح موضوع لنفس الغرض

بس المرة دي أنا ما سمعتش أنا شخصيا اللي حصل لبنتي كده

من سنتين ونصف كنت مع صديقة لي وأبنائها الاتنين و ابني 6 سنوات وبنتي

3سنوات في ايكيا اللي في جدة وبالتحديد في المطعم و كنا بنشرب شاى والولاد

بيلعبوا قدامنا ولا تغيب عيني عنهم وفي ثانية كنت بلتفت بعيني ناحية صديقتي

ثم الى اولادي لقيت واحده مغطية وجهها ولابسة شيك واخده بنتي ساحباها من ايدها

وخارجة بيها خارج حدود المطعم .......انا شفت المنظر قعدت أصرخ بنتي بنتي والناس اللي

قاعدين كلهم انتبهوا لصوتي والست ولا هي هنا ...كنت حامل في السابع طلعت أجري وراها

وأنا بقول بنتي وهي برده مكمله في طريقها ...المسافة دي حوالي 15 متر معرفش انا طرت

إزاي لحد مامسكت ايد بنتي التانية وشديتها من الست وبقيت والله متوقعة إنها تقول أي

حاجة تهديني مثلا اسفه انا كنت فاكراها بنتي ( لأن فعلا كان معاها بنت قد بنتي بالظبط )

ماقالتش غير طولي بالك طولي بالك بلهجه سورية أو حاجة كده....

المهم أنا كنت هقع من طولي من المفاجأة وخدت بنتي من ايدها ولم أفكر ثانية أنده لها

الأمن اللي واقف على بعد خطوات كل اللي عملته إني مسكت بنتي ومشيت وانا مش في

وعيي لحد مارجعت مكاني وسط صمت الناس الي لم يتحرك لهم ساكن وصديقتي من الصدمة

بقت مش مصدقة عنيها ومش عارفة تنطق ومسكنا الولاد ونزلنا روحنا ......

ومن يومها بحمد ربنا انه حفظ بنتي و مش بسامح نفسي اني سيبت الست دي تفلت من الشرطة

وبحاول اني أحذر كل واحدة بشوفها سايبة ولادها في أي مكان بدون ماتاخد حذرها وربنا يستر على ولادنا

ويحميهم ويحفظهم آمين .......

[newcomer]

اكيد الحذر واجب ...و ما فيش اهم و لا اغلى من و لادنا نخاف عليهم

بس عندى ملحوظة على الخبر اللى فى الايميل ده:

انا جالى الايميل ده من اكتر من سنة بنفس التفاصيل

و كان مكتوب بلهجة عامية عربية مش مصرية

و ماكنش متوضح انهى كارفور فى اى بلد

بعدين جالى تانى بنفس الصيغة اللى جت ل م. مصرية مغتربة

بس لا فى اسماء و لا منين جابوا الخبر ده و لا فى اى جريدة مكتوب

و لا حاجة ابدا.....!!

الظريف بقى انى باكلم ناس صحابى الاسبوع اللى فات

الام مرعوبة و بتحلف لى ان صاحب ابنها فى المدرسة حكى له

ان اخته كانت هاتتخطف و.....و.....نفس تفاصيل القصة

بس الفارق الوحيد الوقت ....ان ده حصل الاسبوع اللى فات!!!

كل اللى قلته لصاحبتى ....ان القصة دى بتلف فى النت من سنة

و ان اللى حكاه الولد ده ما هو الا خيال تأثرا بالحكاية دى

لأن مش معقول نفس التفاصيل م فى نفس سلسلة السوبر ماركت ( كارفور)

بنفس الباروكة و حلاقة الشعر......مش معقول؟؟!!

لأننا كمان ما سمعناش اى حاجة عن الحادثة دى لا فى جرايد قومية و لا معارضة

ربنا ما يوريناش اى حاجة وحشة فى ولادنا يا رب

بس كمان ....خلينا نشوف الكلام ده حقيقى و لا بس اشاعة

الله وحده اعلم بغرضها...

[أسد]

رسالة البريد الاكتروني المذكورة .. منتشرة منذ أعوام على شبكة الانترنت ..

وترسل بالبريد الالكتروني لناس كتير على فترات ..

وبالبحث باستخدام الجوجل ..ز ستجدون الموضوع موجود في مئات المنتديات ..

ومنتشر بشكل كبير ..

وفي جميع الأحوال .. لم يشر أحد إلى حقيقة الموضوع ..

اللهم تحذير .. والإشارة إلى رسالة بريد الكتروني ..

هذا لا يمنع أن الحذر واجب .. ويجب الإلتفات بشدة للأطفال والحفاظ عليهم ...

الإهمال في رعاية الأطفال أمر خطير وغير مقبول بالمرة ..

اللهم احفظهم

[se_ Elsyed]

طب الحمد لله إن مدام بركه حكت موضوع حقيقي حدث هنا في السعودية

وإلا كانت الدنيا هاتتقلب على مصر والمصريين ويصوروا مصر إن فيها ما لا يقل عن 75 ألف حادثة من هذا النوع يومياً ...

الحذر واجب في كل مكان وكل زمان ..

وإن لم يتم إختطاف الطفل لا قدر الله

فممكن يسرح مع نفسه ويكون صغير ما يعرفش يتكلم مثلاً وبالتالي لا يُنمكن الإتدالال على أهله بسهولة ...

او يحدث له مكروه نتيجة البعد عن أهله ...

[فركيكو]

الاخوة و الاخوات الاعزاء

الموضوع دة مهم جدا و منتشر فعلا و ارجو من كل اب و ام ان يعملوا اقصى ما فى وسعهم للمحافظة على ابنائهم .

لانى و سبحان الله رأيت الامر بعينى هذة المرة اثناء وقوفى فى بلكونة شقتى و فى القاهرة الساعة 12 مساء او اقل بقليل و فى احد المناطق الشعبية و وسط صحيان الناس فى الشارع !

رأيت احد الاولاد اللى بيلموا الكرتون من الشوارع ترك شوال الكرتون الصغير من يدة و جرى ناحية ام تمسك بيد ابنها ( حوالى أربع سنين ) وشدة منها عنوة وحملة تحت ابطة و جرى واذا بالام

تبدأ فى الصراخ ابنى و تصرخ

و اظهر الله سائق تاكسى من تحت الارض للأم

اركبى بسرعة فجرت الام و ركبت مع السائق الذى لحق بالسارق على بعد 150 متر تقريبا و خبطة بالسيارة فوقع على الارض و ترك الولد و جرى .

كان الولد فى حالة اعياء نام بعدها بثوانى ( من الواضح انة مخدر ) و ساعدة الايمن مجروح من الكوع الى الكف تقريبا من مسكة الام لة اثناء اختطافة .

هذا المشهد كاملا رأيتة انا بنفسى منذ ثلاثة ايام فقط .

و العجيب ان السارق جرى و فر من الناس و الكل ظل يحكى الحكاية و لم يكلف نفسة بأى تدخل اللهم الا سائق التاكسى الذى ارجو من الله ان يكرمة و يجازية خيرا .

[محمد عبدالعزيز]

واضح إن الموضوع ده خطير وابتدى ينتشر ولازم ناخد بالنا كويس جداً من أولادنا.

من حوالى أسبوعين كده بنت أخويا عندها حوالى 10 سنين كانت راجعة من الدرس هى وبنت زميلتها, وحكت إن كان فى اتنين ستات لابسين نقاب استقبلوهم بعد خروجهم من الدرس وفى طريقهم للبيت وقالوا لكل واحدة فيهم إن أمها اضطرت تروح مشوار وإنها طلبت من الست المنقبة تروح تجيب بنتها من الدرس وتخليها معاها فى البيت لحد ماترجع, وعشان تقنع البنت بالكلام ده قالت لها حتى بالأمارة مامتك قالت لى إنك لابسة كذا وكذا ووصفت الملابس بتاعة البنت - بيعتمدوا على سذاجة الأطفال طبعاً- المهم الحمد لله البنتين ماسمعوش كلامهم وسابوهم وروحوا بس الاتنين الستات فضلوا ماشيين وراهم برضه لغاية ما وصلت البنت لغاية بيت أختى وهو قبل بيتهم بمسافة ومن خوفها راحت طالعة جرى على أختى ولما بصت من البلكونة لقت الاتنين ستات طبعاً اختفوا.

المهم أخويا لما عرف الحكاية راح تانى يوم يستنى بنته وهى طالعة من الدرس عشان يشوف الاتنين ستات دول, بس للأسف طبعاً مكانش فى حد موجود.

فى البداية شكيت إن بنت أخويا تكون بتحكى الحكاية دى من خيالها لأن واحنا صغيرين قدها كده كانت فى حكايات بتنتشر فى كل المدارس انتشار النار فى الهشيم عن ظهور غوريللا مثلاً فى المدرسة أو العثور على أحد التلاميذ مقتول فى حمام المدرسة أو ماشابه, وكانت الإشاعات دى بتتكرر كل سنة تقريباً فى المرحلة الابتدائية.

فقلت يمكن يكون هو ده التطور الطبيعى للإشاعات دى, ولكن بعد ما قرأت الموضوع ده حسيت بخطورة الموضوع بجد وإن ممكن تكون حكاية بنت أخويا حقيقية فعلاً.

فعلاً ربنا يستر على أولادنا ويحفظهم من كل سوء.

[doha]

هو انا شخصيا مش بصدق القصص الي من النوع ده بس المشكلة ان امبارح بالذات سمعت خبر ( مش ولابد )

الخبر قالته لي والدتي وهي بالنسبة لي مصدر ثقة بكل تأكيد .

والدتي طبيبة في احد المستوصفات في الرياض وبتقول ان من يومين جات لهم واحده مراجعه ( مريضه ) وبترتعش وحالتها حاله وبتقول انها كانت ماشية رايحه المستوصف هي والشغاله بتاعتها وان اعترضتهم سياره فتحت الباب وخرج منها واحد شد الشغاله وحاول يدخلها في السيارة بالقوه والمصيبة ان كان معاه اثنين ثلاثه كمان طلعوا يساعدوه ..

بتقول انهم قعدوا يصرخوا ويقاوموا لغايه مالسيارة هربت .. ده حصل من يومين

الكارثة ان امبارح وحده موظفة في المستوصف ( طول بعرض ) على كلام ماما جات وقالت لهم انها تعرضت لنفس الموقف يعني تكرر تاني وقالوا انهم بلغوا الشرطه ومازال البحث جاري عن السيارة او العصابه الله اعلم بيهم .

طبعا الي يخوف في الموضوع ان الكلام ده حاصل في عز النهار وفي مدينة زي الرياض ان مكانتش امان يبقى على بقية الدنيا السلام . .

عندي امل ان يكون الموقف الاول فيه مبالغه من المراجعه والموقف التاني ممكن يكون تهويل من الموظفة .. انا معرفهاش يمكن هي من النوع الي بيحب يلفت النظر الله اعلم .. بس بما ان حصل في الموضوع تبليغ شرطه فاكيد هو حقيقي .. ربنا يستر ..

[عبير يونس]

بصراحة يا جماعة انا نقلتلكم الايميل اول ما جالي

و كل الموضوع اني تخيلت ولادي في الموقف ده

و قلبي مع حضرتك يا مدام بركة

دمي نشف و انا بقرأ المشاركة بتاعتك و قلبي دق بسرعة و بقيت بانهج و ان متخيلة أم حامل في السابع و بتجري و بتصرخ عشان بنتها

ده موقف في منتهى البشاعة

انا مريت بموقف قريب منه

كنت في حديقة من الحدائق اللي في مكة

و طبعا الحدائق هنا مفتوحة ع الشارع و على طرق سريعة كمان

و بتبقى مليانة مخاطر من كل نوع

صراحة انا بافضل الحبسة في البيت عن الفسح اللي من النوع ده

بس واحدة صاحبتي اصرت ان احنا نخرج نفك عن نفسنا شوية

المهم بعد ضغط وافقت

و طبعا ولادي صغيرين و ما شاء الله ورا بعض

يعني الخروج بيهم توتر عصبي مستمر لحد الوصول لباب البيت

المهم طبعا جوزي معايا

و احنا الاتنين اشد من بعض في حكاية الخوف ع الولاد

في ثانية

ملقتش ابني يوسف كان عمره سنتين

برغم اني طول الوقت عاملة قلق و عيني مبتنزلش من عليهم

و مش مركزة في كلام الست من أصله

خلال ثواني كانت دهر

و كنا بالليل و نظري ضعيف حتى بالعدسات

لكن زي ما بيقولوا قلبي هو اللي شافه

كان ماشي و سط واحد و واحدة و جايبين له كوباية بيبسي

ما لقتني غير بأصرخ بأعلى صوتي يوسف.. يوسف

راح الولد التفت لي

و طبعا كل اللي معايا جريوا عليه و جابوه

بصراحة مقدرش اقول انهم كانوا خاطفينه

ممكن كانوا بيدوروا على أهله و ده اللي أنا بأرجحه

بس هوة طبعا كان صغير و عمره ما كان حيعرف يوصل لنا حتى مع حسن نية اللي كان معاهم

و كانت توبة أخرج بيهم تاني

ده حتى الحرم محرومة منه بسببهم

و التسوق غالبا بنسيبهم في البيت و نروح نشتري انا و باباهم

و لو ماكانش وجودي ضروري باكتب لستة لزوجي و هو ربنا يكرمه اللي بيجيب كل حاجة

و ممكن لو خدناهم بنحطهم في اتنين تروللي و نمشي بيهم في السوبر ماركت

و طبعا بنبقى فرجة

المهم ان موضوع الخطف ده موجود في كل مكان و كل زمان

و الأهداف مختلفة

في اللي مبتخلفش و عايزة طفل تعمله ابنها

و في اللي بيبيعوهم للناس اللي مبتخلفش

و في اللي بيخطفوا و يطلبوا فدية

و في اللي بيخدوهم يعلموهم السرقة او التسول

و في اللي بيتحرشوا بيهم و بعدين يتخلصوا منهم

و أخيرا حكاية بيع الأعضاء دي

و في الثمانينات كان في واقعة كتبت عنها الجرايد لفترة و كنت وقتها في اعدادي و فاكرة كويس الملابسات

كان فيه عصابة تهريب مخدرات استخدموا طفل قتلوه و حنطوه زي الفرعنة و ملوا جسمه اكياس مخدرات و ملبسينه هدومه عادي و شكله نايم

و بيعدوا بيه بالعربية اللجان بتاعة التفتيش

و نجحوا اكثر من مرة

و في مرة الضابط كان بيفتش العربية

شك في الطفل اللي نايم ان شكله مش طبيعي

و اصر انه يصحيه و طبعا ملقاش استجابة و الموضوع انكشف لما الضابط تأكد ان الطفل ميت!

طبعا دي كانت جريمة حقيقية

الموضوع حقيقي وموجود في كل حتة من زمان جدا و حيفضل موجود طول ما في ناس

كل اللي نقدر نعمله اننا نثق في الله سبحانه و تعالى و نحصن أولادنا بقراءاة الأذكار عليهم و الدعاء لهم ربنا يحفظهم من كل سوء

و بعد كده ناخد بالأسباب

يعني مش نسيبهم بدون رقابة و نقول ربنا يحفظهم

ده انا بأشوف أطفال مش باينين من الأرض و ماشيين لوحدهم في الشارع اللي مليان عربيات

و لو معاهم حد بيبقى الحد ده طفل اشد منه شوية

و باترعب من المنظر

و اتساءل فين أهاليهم اللي سايبينهم كده

و بصراحة كل شيء مقدر ومكتوب

و ياما ناس عاشوا و انبسطوا بولادهم و ولاد ولادهم لحد ما قابلوا رب كريم

ربنا يجعلنا منهم و يحفظهم لنا جميعا

آمين

تم تعديل 27 مايو 2009 بواسطة مصرية متغربة