قهوة العربى

[ssmaly]

قهوة العربى

--------------------------------------------------------------------------------

[size="5"]بسم الله نفتتح القهوة

القهوة عبارة عن مكان للقاء الاصدقاء

وقضاء الوقت بطريقة مفيدة وجذابة

ويفتح باب الحديث فى كل المجالات بطريقة بسيطة و ودودة و مرحة

وكل واحد يدخل القهوة عليه ان يشارك مشاركة فعالة بالاحاديث المثارة حتى تزيد الفائدة والتقارب بين الاعضاء

واليوم الطلبات على حساب صاحب القهوة كل واحد يطلب الطلب اللى يحبه (اليوم فقط)

مافيش أرجيلة ----

طاولة كوتشينة برضه ممنوع

شاى اخضر أوكى

شاى احمر أوكى

شاى اسود صعيدى ماشى يا معلم

و عبال الطلبات تنزل

نتسمع الى التلفاز(لغة عربية )

فى برنامج مهم ممكن الصوت شوية علشان نسمع [/size]

مذيع مكشر: لوحظ اختفاء الشعراء العرب من الساحة الفنية ومن المنتديات فى الفترة الأخيرة

لدرجة تبعث على الحيرة لمعرفة الاسباب

تم ارسال مراسلنا سيد فرقعة لتقصى الحقائق

وبعد البحث والتحرى من مندوبنا المجتهد تم العثور على مصدر مسؤول(هو أسمه كدة مصدر مسؤول ابراهيم مسؤول)

سيد فرقعة:ماهو تفسير سيادتك عن اختفاء الشعراء العرب وقلة نشاطهم هذه الايام؟

مصدر مسؤول:الأزمة المالية العالمية

سيد فرقعة: ايه علاقة الازمة المالية العالمية هى كمان و الشعراء؟ ياأستاذ مصدر-- قول كلام معقول

مصدرمسؤول:شوف بأ يا سيدى سيبنى اشرحلك الموضوع من اوله

الازمة بدأت بالبنوك التى تقرض الأموال صح و لا لأ

سيد فرقعة:أيوه ياباشا

مصدر مسؤول: والشعراء العرب من زمان وهم بيقرضوا الشعر صح و لا لأ؟ كان لازم من الطبيعى أن يتأثروا مع البنوك

سيد :وليه الشعراء الجانب لم يتأثروا

مصدرمسؤول: زى ما قلت الشعراء العرب يقرضوا الشعر

والشعراء الأجانب لم يتأثروا علشان شعرهم كله كاش

سيد:صحيح عندك حق ---وايه تانى؟

مصدر مسؤول:تانى حاجة تأثرت بالأزمة ايه؟ وبشدة اقولك انا

العقارات و سوق العقارات تأثر بشدة بالأزمة المالية العالمية

و الشعراء العرب كل شغلهم فى بناء البيوت

سيد:بيوت ايه باباشا؟

مصدر مسؤول:بيوت الشعر صح ولا انت مش واخد بالك

دلوقتى هما مش لاقين حد يشتريى بيت واحد تمليك

والبعض بيحاول ان يمشى حاله ويؤجر البيوت أيجار جديد

سيد :للدرجة دى

وانت سيادتك شايف ايه الحل علشان نخلى الشعراء يرجعوا للساحات والمنتديات

مصدرمسؤول:اول شىء ندعم الحديد والاسمنت علشان نساعدهم فى بناء بيوت الشعر و ممكن نصرف الاسمنت المدعوم على البطاقة يعنى لكل شاعر 2 شكارة اسمنت مدعومة كل شهر

وتانى حاجة ننصح كل شاعر انه يبقى معاه جهاز للفيزا و ماستر كارد متنقل

كان معاكم سيد فرقعة من قناة أوعى تصدق

و انا من هنا من القهوة اطالب اخواننا الشعراء وكل محب للشعر ان يشاركونا فى المنتدى

وياريت بيتين تلاتة تحية للقهوة والافتتاحية من شعراءنا العظام

المشاريب وصلت

فاصل و نواصل بعد مشاركتم

[size="6"]ده موضوع مقتبس بس انا اللى كاتبه

غريبة دى

تم تعديل 26 مايو 2009 بواسطة ssmaly