الاخوة اعضاء المنتدى الكرام .. انت وظيفتك ايه .. ؟

[أبو يمنى]

موضوع جميل .

أخوكم تامر مهندس في مجال تصميم الطرق وهندسة النقل والمرور .

الف اهلا بيك يا م. تامر

و اتشرف اني ايضا زميل لحضرتك

هو حضرتك خريج هندسة ايه ودفعة كام !

خبر جميل والشرف لي .

خريج هندسة الاسكندرية مدني دفعة 2000.

تم تعديل 2 يوليو 2011 بواسطة تامر حسن محمد

[م تيمور المراغي]

موضوع جميل .

أخوكم تامر مهندس في مجال تصميم الطرق وهندسة النقل والمرور .

الف اهلا بيك يا م. تامر

و اتشرف اني ايضا زميل لحضرتك

هو حضرتك خريج هندسة ايه ودفعة كام !

خبر جميل والشرف لي .

خريج هندسة الاسكندرية مدني دفعة 2000.

اجدع ناس

[أمل حياتي]

موضوع جميل .

أخوكم تامر مهندس في مجال تصميم الطرق وهندسة النقل والمرور .

مرحبا بك اخي تامر ......

مهندس تصميم الطرق والمرور .....

تخصص شيق سبق وان تحدثت مع بعض المهندسين عن مشاكل

الطرق في دولة مثل دولتي صغيره ومزدحمه ......

المهندسين موجودين بكثره ولكن التخطيط غائب.....نوعا ما

تحياتي لك .....

المشكلة الأساسية أختنا في دول الخليج بشكل عام هي الزيادة العالية في نسبة ملكية السيارة الخاصة ، وغياب وسائل النقل الجماعي .

مما يجعل شبكات الطرق رغم حداثتها واتقان تصاميمها لا تستوعب هذه الأحجام العالية للمرور .

وكذلك تبقى فعالية وسائل التحكم في المرور محدودة .

بارك الله في الكويت وأهلها .

رأيك صحيح جدا اخي تامر حسن محمد ........

ومبروك على تعديل اسم حضرتك كنت باشوفه ينرفزني انه لازق ببعض

هههههه ..... معلش باهزر معاك ياريت تفيدنا بخبرتك في مجالك القيم

[أمل حياتي]

أعرفكم بنفسي إن كان يهمكم يعني شخصي المتواضع

بإختصار عشان ما اطولش عليكم .....

قديمه حبتين خريجة آداب لغه انجليزيه وكان مفروض اكمل وبأجهز للماجستير

لكن ربنا ما أرداش الكلام ده من زمن طويل من 22 سنه.....

اشتغلت بعدها في وزارة حكوميه طبعا كمترجمه أولى .....

اتنقلت بعدها لمكتب وكيل الوزاره وبقيت دراعه اليمين بعد 8 سنوات

وتعينت بعدها مدير تنفيذي لجهة مهمه في الدولة ....

من 14 سنه واشتهرت بالقطاع ده .....

ولسه بالهم ده ربنا يعينا جميعا....

عندي فرص قطاع خاص وعروض جامده بره بس بأخاف لأن الحكومه أضمن بالكويت

ده بإختصار شديد .... واللي يحب يسأل مستعده للرد....

تحياتي ......

[عصام أبوالفتح]

انا بقى حكايتي حكاية

يا ريت تجيبوا كوباية شاي معتبرة تشربوها و انتوا بتقروا وظيفتي

:)

يللا نبتدي

من حوالي 14 سنة كده حصلت على بكالوريوس محاسبة من جامعة عين شمس الغالية

و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية

طبعا اتظلمت و خدت التقدير الشعبي المعتبر

مع اني جبت جيد في تالتة

و طبعا اللي من دفعتي و قبلي عارفين يعني ايه جيد في تجارة عين شمس

المهم خدت في وشي و قعدت في البيت مكتئبة

لحد ما واحدة صاحبتي من ألسن قالت لي تعالي درسي انجلش في مدرسة لغات معتبرة في طريق مصر الاسماعيلية

قلت لها مش لازم اعمل تربوي و الكلام ده

قالت تعالي يا بنتي همة حيخدوكي عشان اللغة عندك قوية

المهم رحت قدمت و فعلا الست المديرة الله يذكرها بالخير قالت لي تداومي معانا من بكرة

و كنا في مايو و كان وقتها عندهم (ماي سكول) و دي مدرسة صيفية قبل الأجازة الصيفية

دي كانت مديرة المدارس

لكن ناظرة ابتدائي كان لها وجهة نظر دايما معاكسة لتلك المديرة

فأصرت اني ما ادرسش انجلش

رغم ان كان في مدرسة برضه تجارة و كان الانجلش بتاعها مش اد كده

المهم خللوني ادرس ماث

و اشتغلت معاهم سنتين و نص

حاولت خلالهم بشتى الطرق اني ادرس انجلش

و الناظرة راسها و ألف سيف انا ده ما يحصلش ابدا

كان والدي الله يرحمه توفى و أنا في تالت سنة معاهم يدوب كملت الترم

و تركتهم و كانوا مستغربين لأني كنت الحمد لله ناجحة معاهم و متأقلمة في جوهم

انا كنت في حالة نفسية صعبة

و كنت حاسة اني لازم اتوقف شوية عشان أعرف انا رايحة فين

لأني مكنتش مبسوطة بتدريس الماث

انا مغرمة باللغات عموما و بالانجلش خصوصا

كنت بأنا اعجاب كل الأجانب اللي اتكلمت معاهم

الا الناظرة :sad:

المهم ريحت لي تيرم

و طبعا خلال الراحة دي فكرت ادرس

لكن ملقتش حاجة ترضيني

يعني زمايلي كانوا بيقولولي اعمل دبلومة تسويق ما رضيتش

كنت حأعمل دبلومة ترجمة

لكن ما كانش متاح غير ترجمة مهنية و كنت عايزة ترجمة فورية ماكانتش متاحة الا للي دارسين انجلش في مرحلة البكالوريوس

وقتها مكنتش اعرف حاجة عن التيسول انو ممكن يتاخد تبع المعهد البريطاني

لأني حاولت آخد TEFL في ال AUC و برضه ما نفعش عشان المؤهل

طبعا كانت معلوماتي غير دلوقت لأني مكنتش من رواد النت و المنتديات وقتها من عشر سنوات تقريبا

المهم فكرت ارجع للمدارس تاني و انا متضررة

عمري في حياتي ما حأنسى الانترفيو في المدرسة دي

كنت مقدمة مع اتنين من صاحباتي كانوا معايا في المدرسة الأولانية

دول بقى كانوا مدرسات انجلش

واحدة ليسانس ألسن و بتحضر ماجيستير و التانية آداب انجلش و هاف بريتيش ( مامتها بريطانية)

و بلا فخر كنت انا اللي باتكلم انجلش طول المقابلة و همة كانوا بيردوا بيس و نو !!!!

همة اكيد على علم بس معندهمش طلاقة

و مع ذلك كان راسها و ألف سيف اني ادرس ماث عشان ان مش خريجة انجلش

بقيت حاتجنن

هو المؤهل ضروري مفيش كلام

بس كام واحد من الآلاف المؤلفة من خريجي ليسانس الآداب و الألسن و التربية كام واحد منهم نطقه حلو و نير نيتف؟؟؟ ده فيه دكاترة جامعة و نطقهم .....

ما علينا

الأجانب عشان تدرس معاهم الانجلش كلغة تانية بيشترطوا مؤهل جامعي أي تخصص و تكون نيتف او نير نيتف

أنا بفضل الله كل الأجانب اللي قابلتهم و اشتغلت معاهم بعد كده كانو بيصنفوني نير نيتف

يعني شهد شاهد من أهلها

الست دي بصراحة احبطتني جدا

بعد الموضوع ده بشهر

اتكلبشت و دخلت قفص الزوجية في ظرف شهرين!!!

و كان المفروض اسافر مع زوجي الدمام حيث يعمل

فركشتله السفرية

و قعدنا في مصر 3 سنين

كان بيدور فيهم ع السفر كل يوم

و يا ما حاولت اقنعه ندرس سوا

لكن ربنا ما أرادش

لما جيت مكة

بدأت اشتغل برايفت انجلش

و طبعا كنت بانحت في الصخر

لأن أهل مكة ما بيحبوش الانجلش و مفيش بينهم و بينه عمار

المهم نجحت بفضل الله و بقيت اعمل من الفسيخ شربات

و بقوا البنات اللي درستهم يحبوا الانجليزي

اشتغلت برايفت و ترجمة و مدارس و معهد لغة و مذيعة في القناة التانية السعودية

و كله فري لانس (عمل حر) من الباطن و بدون تعاقد رسمي

طبعا الشغل بيزود الخبرة و الكفاءة

لكن باحتار لما حد بيسألني بتشتغلي ايه؟؟

ما هو أصل مش معقول كل ما حد يسألني احكيله الحكاية دي كلها

حتى لما بأملا البيانات لولادي في المدرسة بأسيب خانة عمل الأم فاضية

تفتكروا يبقى انا وظيفتي ايه بقى؟؟؟

:blink:

( ربة منزل ) هايلة أكيد . . لانك لم تستسلمى لطبيعة السعودية واستخدمتى مهاراتك لتشعرى بتغيير دائم ودى من أهم صفات ربة المنزل الناجحة وتنعكس بدون شك على بيتك وحياتك الاسرية اذا كان لهما الاولوية فى اللحظات الحرجة. . تحياتى

[عصام أبوالفتح]

ولله الحمد قصتى تبدأ منذ ابتدائى حين عملت كاتبا روائيا صغنونن و ألفت عدة قصص قصيرة فى حجم كف يدى الصغيرة فى ذلك الوقت وبعدتها فى المدرسة فى مزاد بمبلغ وصل ل 25 قرشا واذكر اسم احداها وهى عدل ألمانيا ومستعد ادفع فيها الان 25الف جنيه

لحسن الحظ احتفظت بقصة اسمها السفاح الشرس لم استطع بيعها حينها وهى فى حجم الكراسة . . متتعبوش نفسكم مش للبيع

حاليا اعمل منسق مشاريع ومهندس تخطيط أول بشركة الفوزان للمقاولات

فيما بينهما . .

درجن درجن درجن

-----------------------

ملحوظة للاخت مصرية مغتربة : انا علقت على مشاركتك الاولى وبعد ماوصلت لمشاركتك اللى رسيتى فيها على مسمى مدربة لغة كان وقت تحرير المشاركة انتهى لكن انا مقتنع باللى قولته وانتى اكدتى فعلا حبك للتغيير . . وقصتك جميلة هى وقصص جميع الاخوة والاخوات اللى شاركوا فى الموضوع الرائع ده . . وكنتم فعلا خير ونيس فى وحدتى المؤقتة . . تحياتى

ملحوظة تانية لسى السيد : أمن الدولة اعترض على الموضوع ده برضو ولا مجاش فى بالكم لما عملتو الكتاب . . انا بارشحه للكتاب الجديد ?

تم تعديل 2 يوليو 2011 بواسطة عصام أبوالفتح

[mustafagamiel]

أعرفكم بنفسي إن كان يهمكم يعني شخصي المتواضع

بإختصار عشان ما اطولش عليكم .....

قديمه حبتين خريجة آداب لغه انجليزيه وكان مفروض اكمل وبأجهز للماجستير

لكن ربنا ما أرداش الكلام ده من زمن طويل من 22 سنه.....

اشتغلت بعدها في وزارة حكوميه طبعا كمترجمه أولى .....

اتنقلت بعدها لمكتب وكيل الوزاره وبقيت دراعه اليمين بعد 8 سنوات

وتعينت بعدها مدير تنفيذي لجهة مهمه في الدولة ....

من 14 سنه واشتهرت بالقطاع ده .....

ولسه بالهم ده ربنا يعينا جميعا....

عندي فرص قطاع خاص وعروض جامده بره بس بأخاف لأن الحكومه أضمن بالكويت

ده بإختصار شديد .... واللي يحب يسأل مستعده للرد....

تحياتي ......

تشرفنا بيكي يامدام أمل حياتي

ممكن اعرف حضرتك كنتي جامعة ايه؟؟ هل هي داخل الكويت أم خارج الكويت

[أمل حياتي]

أهلا اخي mustafagamiel

كنت في جامعة الكويت أداب قسم اللغة الإنجليزيه

والحقيقه انهم حاولوا معي في الدولة لإستقطابي في العمل في قطاع التدريس

للحاجه والنقص ولكني لم اذهب أبدا رغم وجود حوافز ماديه كبيره

في الراتب ورغم كوني لم أدرس في كلية التربية ولكنهم وقتها كانوا

بتغاضون عن هذا الشرط.......

وكذلك كنت أهوى الكتابة في الصحف كتابة النثر والقصص القصيرة

وحصلت على جوائز وقتها وكل هذا طبعا قبل زواجي وانشغالي بتربية

أبنائي ........

وأود ان أوضح بأن عملي في مجال الترجمة أفادني كثيرا حيث كنت أهوى

هذا العمل وكانت ترد علينا في بداية حياتنا العملية مذكرات تخص كافة القطاعات

وهو ما أكسبني الخبرة العملية المتنوعة بالإضافة الى خبرة في العمل الإداري نفسه

وقد عملت خلال عملي الحالي مع العديد من الوزراء عن قرب ومعظم مسئولي الدولة

لان القطاع الذي اعمل به يمس شريحة مهمه تهتم بها الدولة كثيرا بحكم قانون خاص بها

تم تعديل 3 يوليو 2011 بواسطة أمل حياتي

[أمل حياتي]

أخي الفاضل عصام أبوالفتح

وأخي الفاضل أيضا mustafagamiel

لم نسمع منكم تاريخكم الوظيفي .....

واعتقد ان في جعبتكم الكثير كما هو الحال دي ....

وشي جيد أنني لم أعد بحاجه للذهاب الى مواقعي وصفحاتي المفضلة

للعودة الى هذا الموضوع .....

فقد أصبحت أراه متصدرا كل يوم مما أسعدني فعلا وأسعدني مروركم القيم عليه

[أبو يمنى]

رأيك صحيح جدا اخي تامر حسن محمد ........

ومبروك على تعديل اسم حضرتك كنت باشوفه ينرفزني انه لازق ببعض

هههههه ..... معلش باهزر معاك ياريت تفيدنا بخبرتك في مجالك القيم

حقيقة لم أطلب تعديل الاسم .

الزملاء في الادارة لديهم خدمة توصيل الطلبات للمنازل . :)

تواصلوا معي وعرضوا تغيير الاسم ورحبت بذلك .

يبدو أن الوضع كان مثير (للنرفزة) بالفعل !

[أبو يمنى]

موضوع جميل .

أخوكم تامر مهندس في مجال تصميم الطرق وهندسة النقل والمرور .

الف اهلا بيك يا م. تامر

و اتشرف اني ايضا زميل لحضرتك

هو حضرتك خريج هندسة ايه ودفعة كام !

خبر جميل والشرف لي .

خريج هندسة الاسكندرية مدني دفعة 2000.

اجدع ناس

الله يخليك ، وحضرتك ؟

[أمل حياتي]

موضوع جميل .

أخوكم تامر مهندس في مجال تصميم الطرق وهندسة النقل والمرور .

المشكلة الأساسية أختنا في دول الخليج بشكل عام هي الزيادة العالية في نسبة ملكية السيارة الخاصة ، وغياب وسائل النقل الجماعي .

مما يجعل شبكات الطرق رغم حداثتها واتقان تصاميمها لا تستوعب هذه الأحجام العالية للمرور .

وكذلك تبقى فعالية وسائل التحكم في المرور محدودة .

بارك الله في الكويت وأهلها .

اخي الفاضل تامر ....

لا أود أن أخرج عن إطار الموضوع لكن الحديث شيق عن الطرق

وقد كنت كتبت مره على صفحتي على الفيس بوك عن الخطوط السريعه

وأن الوضع في شوارع الكويت اصبح سيئا ويجب على الدولة التي ابتدعت

ما يسمى بالخط السريع ان تسميه بالخط البطيء وذلك لانه لم يعد ممكننا ان نقود

السياره على الخطوط السريعه دون استخدام الفرامل ولا نصل ابدا انما ياخذ كل مشوار ساعه

على الاقل ومع ذلك لا زال جيدا اننا لا زلنا نوعا ما نحترم القياده وصدق من قال القياده فن وذوق واخلاق

[Simba]

سلامات كده

في الحقيقة انا زمان لما والدي جاب تلفزيون ملون ضربت في دماغي اني ابقي مخرج اعلانات

وشوية ابقي ممثل

ولما اشتركت في فرقة المسرحية في قصر الثقافية ابويا قالي نهارك اسود عايز تبقي مشخصاتي :happy:

وكان يوم مش معدي

عموما انا اخدتها من اقصر الطرق ودخلت التمريض بعد الاعدادية مع ان مجموعي كان يدخلني ثانوي عام مرتاح خالص انا وال 39 طالب اللي كانوا معايا مفيش كان فيه حد فينا درجاته قليلة

وحاليا

ممرض بمستشفي الطب النفسي

ومن وانا عندي 18 سنة وانا شغال في مسشتفيات الطب النفسي والحمدلله حابب شغلي جدا جدا

[أمل حياتي]

سلامات كده

في الحقيقة انا زمان لما والدي جاب تلفزيون ملون ضربت في دماغي اني ابقي مخرج اعلانات

وشوية ابقي ممثل

ولما اشتركت في فرقة المسرحية في قصر الثقافية ابويا قالي نهارك اسود عايز تبقي مشخصاتي :happy:

وكان يوم مش معدي

عموما انا اخدتها من اقصر الطرق ودخلت التمريض بعد الاعدادية مع ان مجموعي كان يدخلني ثانوي عام مرتاح خالص انا وال 39 طالب اللي كانوا معايا مفيش كان فيه حد فينا درجاته قليلة

وحاليا

ممرض بمستشفي الطب النفسي

ومن وانا عندي 18 سنة وانا شغال في مسشتفيات الطب النفسي والحمدلله حابب شغلي جدا جدا

عزيزي Simba صديقنا العزيز في مغتربي الكويت

نورت الصفحه ..... والموضوع .... التمريض مهنه ساميه وجميله جدا

انا شخصيا بأحبها جدا وأحب المجال الطبي الإنساني فيها ....

وبأندم اني ما دخلتش طب لكن عملت كتير مع لجان طبيه كلها أطباء

وكنت باسمع منهم ويسمعوا مني لدرجة شكوا بتخصصي الأساسي ....

لكن الحمد لله على كل حال الترجمه ايضا بتفتح أفاق كتيره ....

واعتقد حاليا ان الممرض بيلعب دور اهم من الطبيب نفسه في معالجة المريض

ودي وقائع وحقائق نراها بانفسنا ....

[ام محمد]

الموضوع شيق واول مرة اشوفه ... وجميلة قصص نجاحاتهم ...ومعروف عن اهل مصر كفاحهم وطموحهم اللامحدود ..ولكل مجتهد نصيب ...اما عني فانا لم اغير عملي من يوم ما اتخرجت اكتر من 25 سنة وانا عملي في نفس الوظيفة ...الا وهي تدريس الرياضيات ..للمرحلة الثانوية ومع انها متعبة الا اني بعتبرها هواية ومتعة ...وفن انك تجعل من الرياضيات الجامدة في نظر الطلبة ..مادة ممتعة ..ويحبوها ويفهموها بعتبره تحدي ..والحمدلله ..حققت فيه نجاح اعتز بيه

تم تعديل 30 يوليو 2011 بواسطة ام محمد

[suma]

بسم الله الرحيم

اعزائي بصفتي جديده في تلك المحاورات التي اسعدتني اينما سعاده اقول وظيفتي كانت التدريس عشقته طالبة واخترته عن عمد وتدرجت في الوزاره من معلمه اليمديرة مدرسه داخل المحروسه وخارجها ( المملكة السعودية والإمارات ) اما الحين انا ربة منزل

[Scorpion]

ايه الموضوع ده ؟؟ اول مرة اقراه ..

بصراحة في وسط الأمواج العالية اللي عمالة تشيلنا و تهبدنا دلوقتي .. لقيت نفسي بقراه من اوله لآخره بانسجام شديد..

و دلوقتي حاسس براحة نفسية رائعة مش عارف ليه ..

مافيش زميل لينا بيشتغل دكتور نفسي يحلل الحالة دي ؟؟

[YOUR BROTHER]

جميلة جدا الصفحة دى

ممكن جدا رحلة كفاح ناجحة زى اللى حكاها الزملاء الافاضل تكون دافع قوى لأى زميل لسة على البر وخايف يبدأ مشروع معين

أما انافمافيش رحلة كفاح عندى أو ممكن تقولوا رحلة كفاحى روتينية تمام زى الاغلبية الصامتة

بكالويوس هندسة البترول

مهندس بترول بشركة داخل مصر

مهندس بترول بالكويت

تم تعديل 10 فبراير 2012 بواسطة YOUR BROTHER