الاخوة اعضاء المنتدى الكرام .. انت وظيفتك ايه .. ؟

[عطر الجنة]

مهندسة ميكانيكا انتاج و تصميم

عملت لفترة كمدرسة فى الكويت بمدارس المقررات

ثم غيرت المسار بدورات فى الحاسب ثم دبلوم سنتين فى الحاسب

و قمت بالتدريس فى معاهد تكنولجيا المعلومات

و الان مسوقة عقارية لاراضى و شقق و عمارات و فيلات فى مدينة الشروق و الاسكندرية

[عبير يونس]

الوظيفة الحالية: سكرتيرة تنفيذية في احدي فنادق القاهرة

الوظيفة السابفة: Technical supprot for a canadian compagny at Quebec

المؤهل الاصلي : ليسانس ادآب قسم لغة فرنسية جامعة القاهرة

اختي الفاضلة برنسيس

لا أقصد التطفل و لكن

بما أن حضرتك كنت في كيبيك ممكن تفيدنا في موضوع كيبك و تقولي لنا تجربتك هناك :) ؟؟

http://www.egyptiantalks.org/invb/index.php?showtopic=74687

و لك كل الشكر

[عبير يونس]

بكالوريوس محاسبة جامعة عين شمس

امتهنت أعمال صناعة الديكور والهدايا ورسم الزجاج وكلها عمل حر لمدة 6 سنوات

دورات في تصميم الباترون والملابس من الشركة القابضة للغزل

عملت بهذا المجال لمدة سنتين عمل حر

درست تجويد القران في السعودية

أعمل حاليا مونتيره أفلام وثائقية عمل حر ... :sad:

وصلنا سبع صنايع وللا لسة ..... :blink:

لسه 3 صنايع كمان يافندم :)

[عبير يونس]

انا بقى حكايتي حكاية

يا ريت تجيبوا كوباية شاي معتبرة تشربوها و انتوا بتقروا وظيفتي

:)

يللا نبتدي

من حوالي 14 سنة كده حصلت على بكالوريوس محاسبة من جامعة عين شمس الغالية

و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية

طبعا اتظلمت و خدت التقدير الشعبي المعتبر

مع اني جبت جيد في تالتة

و طبعا اللي من دفعتي و قبلي عارفين يعني ايه جيد في تجارة عين شمس

المهم خدت في وشي و قعدت في البيت مكتئبة

لحد ما واحدة صاحبتي من ألسن قالت لي تعالي درسي انجلش في مدرسة لغات معتبرة في طريق مصر الاسماعيلية

قلت لها مش لازم اعمل تربوي و الكلام ده

قالت تعالي يا بنتي همة حيخدوكي عشان اللغة عندك قوية

المهم رحت قدمت و فعلا الست المديرة الله يذكرها بالخير قالت لي تداومي معانا من بكرة

و كنا في مايو و كان وقتها عندهم (ماي سكول) و دي مدرسة صيفية قبل الأجازة الصيفية

دي كانت مديرة المدارس

لكن ناظرة ابتدائي كان لها وجهة نظر دايما معاكسة لتلك المديرة

فأصرت اني ما ادرسش انجلش

رغم ان كان في مدرسة برضه تجارة و كان الانجلش بتاعها مش اد كده

المهم خللوني ادرس ماث

و اشتغلت معاهم سنتين و نص

حاولت خلالهم بشتى الطرق اني ادرس انجلش

و الناظرة راسها و ألف سيف انا ده ما يحصلش ابدا

كان والدي الله يرحمه توفى و أنا في تالت سنة معاهم يدوب كملت الترم

و تركتهم و كانوا مستغربين لأني كنت الحمد لله ناجحة معاهم و متأقلمة في جوهم

انا كنت في حالة نفسية صعبة

و كنت حاسة اني لازم اتوقف شوية عشان أعرف انا رايحة فين

لأني مكنتش مبسوطة بتدريس الماث

انا مغرمة باللغات عموما و بالانجلش خصوصا

كنت بأنا اعجاب كل الأجانب اللي اتكلمت معاهم

الا الناظرة :sad:

المهم ريحت لي تيرم

و طبعا خلال الراحة دي فكرت ادرس

لكن ملقتش حاجة ترضيني

يعني زمايلي كانوا بيقولولي اعمل دبلومة تسويق ما رضيتش

كنت حأعمل دبلومة ترجمة

لكن ما كانش متاح غير ترجمة مهنية و كنت عايزة ترجمة فورية ماكانتش متاحة الا للي دارسين انجلش في مرحلة البكالوريوس

وقتها مكنتش اعرف حاجة عن التيسول انو ممكن يتاخد تبع المعهد البريطاني

لأني حاولت آخد TEFL في ال AUC و برضه ما نفعش عشان المؤهل

طبعا كانت معلوماتي غير دلوقت لأني مكنتش من رواد النت و المنتديات وقتها من عشر سنوات تقريبا

المهم فكرت ارجع للمدارس تاني و انا متضررة

عمري في حياتي ما حأنسى الانترفيو في المدرسة دي

كنت مقدمة مع اتنين من صاحباتي كانوا معايا في المدرسة الأولانية

دول بقى كانوا مدرسات انجلش

واحدة ليسانس ألسن و بتحضر ماجيستير و التانية آداب انجلش و هاف بريتيش ( مامتها بريطانية)

و بلا فخر كنت انا اللي باتكلم انجلش طول المقابلة و همة كانوا بيردوا بيس و نو !!!!

همة اكيد على علم بس معندهمش طلاقة

و مع ذلك كان راسها و ألف سيف اني ادرس ماث عشان ان مش خريجة انجلش

بقيت حاتجنن

هو المؤهل ضروري مفيش كلام

بس كام واحد من الآلاف المؤلفة من خريجي ليسانس الآداب و الألسن و التربية كام واحد منهم نطقه حلو و نير نيتف؟؟؟ ده فيه دكاترة جامعة و نطقهم .....

ما علينا

الأجانب عشان تدرس معاهم الانجلش كلغة تانية بيشترطوا مؤهل جامعي أي تخصص و تكون نيتف او نير نيتف

أنا بفضل الله كل الأجانب اللي قابلتهم و اشتغلت معاهم بعد كده كانو بيصنفوني نير نيتف

يعني شهد شاهد من أهلها

الست دي بصراحة احبطتني جدا

بعد الموضوع ده بشهر

اتكلبشت و دخلت قفص الزوجية في ظرف شهرين!!!

و كان المفروض اسافر مع زوجي الدمام حيث يعمل

فركشتله السفرية

و قعدنا في مصر 3 سنين

كان بيدور فيهم ع السفر كل يوم

و يا ما حاولت اقنعه ندرس سوا

لكن ربنا ما أرادش

لما جيت مكة

بدأت اشتغل برايفت انجلش

و طبعا كنت بانحت في الصخر

لأن أهل مكة ما بيحبوش الانجلش و مفيش بينهم و بينه عمار

المهم نجحت بفضل الله و بقيت اعمل من الفسيخ شربات

و بقوا البنات اللي درستهم يحبوا الانجليزي

اشتغلت برايفت و ترجمة و مدارس و معهد لغة و مذيعة في القناة التانية السعودية

و كله فري لانس (عمل حر) من الباطن و بدون تعاقد رسمي

طبعا الشغل بيزود الخبرة و الكفاءة

لكن باحتار لما حد بيسألني بتشتغلي ايه؟؟

ما هو أصل مش معقول كل ما حد يسألني احكيله الحكاية دي كلها

حتى لما بأملا البيانات لولادي في المدرسة بأسيب خانة عمل الأم فاضية

تفتكروا يبقى انا وظيفتي ايه بقى؟؟؟

:blink:

[elfakhrany]

مطور ومنفذ خطط تسويقية خاصة بأعمال الكونتاكت سنتر

وأنا فى الأصل معايا بكالوريوس ادارة أعمال

[yasser6666]

مهندس اختبارات للسيرفر بشركة IBM الايرلندية

Test Eng.eServers-in IBM

خريج كلية هندسة جامعة الاسكندرية عام 1989

[م ب ع ث ر]

محلل اقتصادي

خبرة في اعداد دراسات الجدوي والدراسات الاقتصادية

وخريج بكالوريوس زراعة

والعمل الحالي محاسب بشركة مواد غذائية :wub: بالدمام

:winner: ولو جدع قولي ايه العلاقة بين كل اللي سبق ( مؤهل دراسي - خبرة - العمل الحالي )

[عاشق]

انا بقى حكايتي حكاية

يا ريت تجيبوا كوباية شاي معتبرة تشربوها و انتوا بتقروا وظيفتي

:winner:

يللا نبتدي

من حوالي 14 سنة كده حصلت على بكالوريوس محاسبة من جامعة عين شمس الغالية

و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية

طبعا اتظلمت و خدت التقدير الشعبي المعتبر

مع اني جبت جيد في تالتة

و طبعا اللي من دفعتي و قبلي عارفين يعني ايه جيد في تجارة عين شمس

المهم خدت في وشي و قعدت في البيت مكتئبة

لحد ما واحدة صاحبتي من ألسن قالت لي تعالي درسي انجلش في مدرسة لغات معتبرة في طريق مصر الاسماعيلية

قلت لها مش لازم اعمل تربوي و الكلام ده

قالت تعالي يا بنتي همة حيخدوكي عشان اللغة عندك قوية

المهم رحت قدمت و فعلا الست المديرة الله يذكرها بالخير قالت لي تداومي معانا من بكرة

و كنا في مايو و كان وقتها عندهم (ماي سكول) و دي مدرسة صيفية قبل الأجازة الصيفية

دي كانت مديرة المدارس

لكن ناظرة ابتدائي كان لها وجهة نظر دايما معاكسة لتلك المديرة

فأصرت اني ما ادرسش انجلش

رغم ان كان في مدرسة برضه تجارة و كان الانجلش بتاعها مش اد كده

المهم خللوني ادرس ماث

و اشتغلت معاهم سنتين و نص

حاولت خلالهم بشتى الطرق اني ادرس انجلش

و الناظرة راسها و ألف سيف انا ده ما يحصلش ابدا

كان والدي الله يرحمه توفى و أنا في تالت سنة معاهم يدوب كملت الترم

و تركتهم و كانوا مستغربين لأني كنت الحمد لله ناجحة معاهم و متأقلمة في جوهم

انا كنت في حالة نفسية صعبة

و كنت حاسة اني لازم اتوقف شوية عشان أعرف انا رايحة فين

لأني مكنتش مبسوطة بتدريس الماث

انا مغرمة باللغات عموما و بالانجلش خصوصا

كنت بأنا اعجاب كل الأجانب اللي اتكلمت معاهم

الا الناظرة :lol:

المهم ريحت لي تيرم

و طبعا خلال الراحة دي فكرت ادرس

لكن ملقتش حاجة ترضيني

يعني زمايلي كانوا بيقولولي اعمل دبلومة تسويق ما رضيتش

كنت حأعمل دبلومة ترجمة

لكن ما كانش متاح غير ترجمة مهنية و كنت عايزة ترجمة فورية ماكانتش متاحة الا للي دارسين انجلش في مرحلة البكالوريوس

وقتها مكنتش اعرف حاجة عن التيسول انو ممكن يتاخد تبع المعهد البريطاني

لأني حاولت آخد TEFL في ال AUC و برضه ما نفعش عشان المؤهل

طبعا كانت معلوماتي غير دلوقت لأني مكنتش من رواد النت و المنتديات وقتها من عشر سنوات تقريبا

المهم فكرت ارجع للمدارس تاني و انا متضررة

عمري في حياتي ما حأنسى الانترفيو في المدرسة دي

كنت مقدمة مع اتنين من صاحباتي كانوا معايا في المدرسة الأولانية

دول بقى كانوا مدرسات انجلش

واحدة ليسانس ألسن و بتحضر ماجيستير و التانية آداب انجلش و هاف بريتيش ( مامتها بريطانية)

و بلا فخر كنت انا اللي باتكلم انجلش طول المقابلة و همة كانوا بيردوا بيس و نو !!!!

همة اكيد على علم بس معندهمش طلاقة

و مع ذلك كان راسها و ألف سيف اني ادرس ماث عشان ان مش خريجة انجلش

بقيت حاتجنن

هو المؤهل ضروري مفيش كلام

بس كام واحد من الآلاف المؤلفة من خريجي ليسانس الآداب و الألسن و التربية كام واحد منهم نطقه حلو و نير نيتف؟؟؟ ده فيه دكاترة جامعة و نطقهم .....

ما علينا

الأجانب عشان تدرس معاهم الانجلش كلغة تانية بيشترطوا مؤهل جامعي أي تخصص و تكون نيتف او نير نيتف

أنا بفضل الله كل الأجانب اللي قابلتهم و اشتغلت معاهم بعد كده كانو بيصنفوني نير نيتف

يعني شهد شاهد من أهلها

الست دي بصراحة احبطتني جدا

بعد الموضوع ده بشهر

اتكلبشت و دخلت قفص الزوجية في ظرف شهرين!!!

و كان المفروض اسافر مع زوجي الدمام حيث يعمل

فركشتله السفرية

و قعدنا في مصر 3 سنين

كان بيدور فيهم ع السفر كل يوم

و يا ما حاولت اقنعه ندرس سوا

لكن ربنا ما أرادش

لما جيت مكة

بدأت اشتغل برايفت انجلش

و طبعا كنت بانحت في الصخر

لأن أهل مكة ما بيحبوش الانجلش و مفيش بينهم و بينه عمار

المهم نجحت بفضل الله و بقيت اعمل من الفسيخ شربات

و بقوا البنات اللي درستهم يحبوا الانجليزي

اشتغلت برايفت و ترجمة و مدارس و معهد لغة و مذيعة في القناة التانية السعودية

و كله فري لانس (عمل حر) من الباطن و بدون تعاقد رسمي

طبعا الشغل بيزود الخبرة و الكفاءة

لكن باحتار لما حد بيسألني بتشتغلي ايه؟؟

ما هو أصل مش معقول كل ما حد يسألني احكيله الحكاية دي كلها

حتى لما بأملا البيانات لولادي في المدرسة بأسيب خانة عمل الأم فاضية

تفتكروا يبقى انا وظيفتي ايه بقى؟؟؟

:wub:

بصراحة وبدون مجاملات

كفاح مشرف

ولكني مختلف في شيئ واحد مع حضرتك

القعده دي مش محتاجة كباية شاي

دي بجد عوزة براد شاي

تقبلي تحياتي

[عاشق]

محلل اقتصادي

خبرة في اعداد دراسات الجدوي والدراسات الاقتصادية

وخريج بكالوريوس زراعة

والعمل الحالي محاسب بشركة مواد غذائية :wub: بالدمام

:winner: ولو جدع قولي ايه العلاقة بين كل اللي سبق ( مؤهل دراسي - خبرة - العمل الحالي )

بجد الشعب المصري ده مكافح جدا

بس الغريبه انك كل يوم تسمع من المسئولين بمصر

ان الشباب بمصر كسلنين ومستنيين الشغل يجي يخبط على بابهم

تحياتي لشخصك

[عاشق]

مدير مشاريع فى مجال تكنولوجيا المعلومات وخصوصا فى E-business solutions

شركة IBM السعوديه

مرحبا برجال SBM

[yasser6666]

السلام عليكم جميعااختي العزيزة مصرية متغربة ....اكيد وظيفتك هي محاسبة لانها اساس الدراسة الجامعية بينما العمل باللغات الاجنبية دي هوايتك وبالرغم من ابداعك وتألقك بالأنجليزية الا انها لاتزال هواية طالما مافيش دراسة اكاديمية معترف بها .......وعلي فكرة دي مش نظرية في مصر بس علشان بعض الناس بيقولوا احنا بلد شهادات ولكن تقريبا في العالم كله ...... والله عندي هنا علشان واحد يشتغل حلاق او سباك كهربائي لازم يدرس المهنة ويبقي معترف بيها حتي الحلاقة سبحان الله والاغرب من كده شغل المطاعم برضه لازم يكون شيف وبالدراسة مش بالفهلوة وحتي لو عنده اطنان من الخبرة

[Falcon Crest]

بتاع جاز

مهندس بترول

بترول السويس 2000

[بندق أفندى]

ايه ده كل واحد بيحكى حكايته وانا دخلت قلت (جدى ومات)

فى قصة جحا اللى عزمه جاره على الغدا وسأله أبوك سابلك ايه؟ الراجل قعد يحكى واتلهى فى الحكاية .. حجا أكل الأكل .. لما رد العزومة .. الجار سأل جحا ابوه سابلك ايه؟ رد جحا وقال جدى (معزة ولد يعنى) ومات هههههه

لو رجعنا مرجعونا هتلاقينى اشتغلت كل حاجة ممكن تخطر على بالى أى حد .. ولى معاناة طويلة مع الشغل .. بس حقيقة أصعب حاجة انه الانسان يكون عنده خيارات كتير ويخطئ الاختيار مرة واحد

[عنبو]

اولا السلام عليكم ورحمة الله وبركاته طالما بتكلموا عن الوظيف فانا هتكلم وامرى لله

اول مهنه اشتغلت بيها وهى كنت شغال صبى فى الورشه عند والدى الله يرحمه وفضلت اترقى اترقى لحد لما وصلت الى معلم اقد الدنيا وكان نشاط الورشه فى ذالك الوقت دهان غرف النوم والانتريهات وكده يعنى

وبعدين اتعلمت مهنة النقاشه بما انها اقريبه منها والحمد لله صرت فيها معلم برضه وكانت بشيل شغل فى الاتنين سواء فى النقاشه او الدهانات وهو كله ماشى والحمد لله

طيب خلصت الكليه "" بكالوريوس علوم قسم كيمياء وبعدها دبلومه فى الكيمياء الحيوى والفسيولوجى وبعدها دورتين فى التنميه البشريه "" التعليم ""

بعد ده كله اقلت لا انا لازم اشتغل شويه افندى رحت ادربت شويه فى معمل ومستشفى ايام الدبلومه وطبعا كانت الفلوس اللى باخدها مش تيجى يوميه من اللى بيدها للولاد اللى شغالين معايا لكن كنت مبسوط وخلاص

طيب بعد كده اقولت لا لازم اشتغل فى شركه بقى رحت اشتغلت ميديكل ريب فى شركه ادويه وبعدين اقلت اغير اشتغل كيميائى

رحت اشتغلت فى شركه فى العاشر وكانت ايام ما يعلم بيها الا ربنا وبعدين سبت الشركه دى ورحت اشتغلت برضه كيميائى فى شركة مياه وكانت شركة محترمه اقوى سواء ماديا او معامله

وبعدين سفرت على السعوديه للعمل فى شركة مياه فى السعوديه والحمد لله

[عبير يونس]

السلام عليكم جميعااختي العزيزة مصرية متغربة ....اكيد وظيفتك هي محاسبة لانها اساس الدراسة الجامعية بينما العمل باللغات الاجنبية دي هوايتك وبالرغم من ابداعك وتألقك بالأنجليزية الا انها لاتزال هواية طالما مافيش دراسة اكاديمية معترف بها .......وعلي فكرة دي مش نظرية في مصر بس علشان بعض الناس بيقولوا احنا بلد شهادات ولكن تقريبا في العالم كله ...... والله عندي هنا علشان واحد يشتغل حلاق او سباك كهربائي لازم يدرس المهنة ويبقي معترف بيها حتي الحلاقة سبحان الله والاغرب من كده شغل المطاعم برضه لازم يكون شيف وبالدراسة مش بالفهلوة وحتي لو عنده اطنان من الخبرة

على فكرة الفهلوة دي اكتر حاجة باكرهها في الدنيا

و بيتحرق دمي بجد انهم صفة بقت ملتصقة بالمصريين

و عن نفسي عمري ما اشتغلت بالفهلوة

انا خبرتي في تدريس لغة اجنبية لغير الناطقين و ده بخبرة و تجارب كتير قدرت اضع يدي على مواطن الضعف و بأحاول اتجاوزها

و على فكرة أنا أجيد أربع لغات غير العربية الفصحي بقواعد النحو والصرف مش العامية فقط

و على فكرة برضه أنا منهجي في اللغات ما اعتمدش فقط على دورات و كتب

أنا أقدر أقول اني اخترقت الثقافات دي لأن اللغة توأم الثقافة للمتحدثين بها

و ده خلاني أدخل مجال الترجمة اللي الحمد لله متميزة فيها

مش بكلامي

ده بكلام دكاترة جامعة ترجمتلهم أبحاث أجنبية

و كمان ترجمت مع مكتب معتمد وثائق و شهادات و عقود و تقارير طبية بفضل الله

يعني انا ما دخلتش نفسي في الأدب مثلا

رغم أنني قارئة نهمة

و بعدين في نقطة مهمة جدا

خريج ألسن غير خريج آداب غير خريج لغات و ترجمة و أكيد كل دول غير خريجين تربية

لكن كله عند العرب صابون

مادام معاه انجليزي خلاص يبقى يشتغل أي حاجة

على فكرة في كندا لازم تربية عشان التدريس و ما تاخدش الترخيص الا بامتحانات

لأنك حتتعامل مع النشأ

اما اللي انا بأقول عليه في كندا هو التدريس في معاهد اللغات الانجليزي او الفرنسي كلغة أجنبية

و ده لا يتطلب ترخيص

و الترجمة كمان بتخضع لامتحانات قبل ما تاخد ترخيص في بعض المقاطعات

و لا يلزمها ترخيص في مقاطعات أخرى

همة دول منطقتي بس

و ما قلتش اني حأدرس أدب انجليزي مثلا

و طول عمر المنطقتين دول بيعتمدوا على الخبرة و الثقافة أولا

ثم الدراسة اذا موجودة فبتكمل النقص

في فرق بين الدراسة و الخبرة العملية

يعني أنا دارسة محاسبة و لا أجرؤ أن أعتبر نفسي محاسبة

نحن في الكليات النظرية

ندرس نظريات حول العلم

و لا ندرس العلم نفسه

و هذا ما يسمونه

"Aboutology"

كام واحد بيتخرج من الكلية

و كام واحد فعلا بيخش مجاله

و كام واحد بيتميز في مجاله

أنا كنت فعلا حأدرس ألسن بعد بكالوريوس التجارة

لكن ربنا ما أرادش و دخلت الحياة العملية على طول كمدرسة في مدرسة لغات

و صحيح انا ما اخدتش منها ما يرضيني

لكن ما قدرش انكر اني اخدت منها خبرات كتيرة جدا أقلها انها نفعتني في تربية أولادي

انا دلوقتي كل توجهي ان اركز و أخد دبلومات تيسول أو تيفل و هو ده اللي عندي خبرة فيه فعلا

و فعلا بأراسل معاهد

بس المشكلة مش عارفة أدرس فين

و طبعا أون لاين زي قلتها

و مفيش عندي هنا مكان بيقدمها

او دبلومة ترجمة

و ياريت الاتنين

أما المحاسبة بالنسبة لي مجرد دراسة استمتعت بها جدا و بس

[مصطفى عبد الوهاب]

بسم الله الرحمن الرحيم

الأخوة الأفاضل

المؤهل: بكالوريوس سياحة و فنادق شعبة ادارة فنادق

العمل : مساعد رئيس قسم "Demi chef"

الخبرات الأخرى : مدمن و هاوي ركوب موتوسيكلات و تصليحها عدا الصيني

و تعليقا على كلام الأخ yasser6666 بالنسبة لموضوع الشيفات فماينفعش واحده من غير التانية يعني مثلا لو سيادتك دارس سياحة و فنادق و مافيش خبرة أو مش بتحب المهنة دي و مش عاوز تدي فيها فبكده بيكون الوضع مش تمام و العكس أيضا لو معاك خبرة و مافيش شهاده فملهاش لازمة

و لي تعليق آخر و لاكن على كل الأخوة

ليه على طول أول مانتكلم عن الطباخين عموما سواء كانوا شيفات أو طهاه مبتدئين بنتكلم بصيغة انهم ناس ناقصين او وظيفة درجة تالته مع ان على حد علمي كانت كلية السياحة من كليات القمة "هي نزلت في القاع و انا ماعرفش" و هي دي الكلية اللي بتخرج الناس دول

و بالنسبة ليا انا دخلت الوظيفة دي لأن بحب أخدم الناس مش أكتر و لا أققل و كنت في أول مكان اشتغلت فيه أصغر طباخ فيه 15 سنه و ده لأن مؤهلي من البداية فندقي "دبلوم ادارة فنادق 5 سنين" و ده لأني عارف انا عاوز ايه من الأول و ياريت مانحاولش نقلل من قيمة حد

[president]

مدير مشاريع فى مجال تكنولوجيا المعلومات وخصوصا فى E-business solutions

شركة IBM السعوديه

مرحبا برجال SBM

تحياتى ليك . بس SBM غير IBM KSA من سنتين فاتوا كانت SBM هى IBM بس دلوقت IBM بقى ليها وجود فعلى فى السعوديه بعد مارفضت SBM ان IBM تشتريها . بس دا مايمنعش ان SBM مازالت أكبر شركه فى السعوديه فى مجال تكنولوجيا المعلومات واكبر شريك ل IBM . وعلى فكره انا فى فتره من الفترات كنت من رجالة SBM :lol:

تحياتى

[مغتربة]

vice president - brokerage

[hamoudi]

بندق

مدير مالى صباحا .. ومعاه مدير خدمات مسندة ومشتريات ونظم والذى منه لأنه مفيش حد يقوم بالوظائف دى ..

خبرتى النظم المحاسبية ERP وخلفيتى البرمجة

وبعد الضهر شيف من منازلهم ..

السعودية .. وأى خدمة

لو تقول ليا الهوايه دي اكتسبتها ازاى

عموما انا اعرف محاسبين برده هوايتهم الطبيخ بس اخرهم طبق فول

[Egypt]

طبيب بشرى