الاخوة اعضاء المنتدى الكرام .. انت وظيفتك ايه .. ؟

[عبير يونس]

بسم الله الرحمن الرحيم

الأخوة الأفاضل

المؤهل: بكالوريوس سياحة و فنادق شعبة ادارة فنادق

العمل : مساعد رئيس قسم "Demi chef"

الخبرات الأخرى : مدمن و هاوي ركوب موتوسيكلات و تصليحها عدا الصيني

و تعليقا على كلام الأخ yasser6666 بالنسبة لموضوع الشيفات فماينفعش واحده من غير التانية يعني مثلا لو سيادتك دارس سياحة و فنادق و مافيش خبرة أو مش بتحب المهنة دي و مش عاوز تدي فيها فبكده بيكون الوضع مش تمام و العكس أيضا لو معاك خبرة و مافيش شهاده فملهاش لازمة

و لي تعليق آخر و لاكن على كل الأخوة

ليه على طول أول مانتكلم عن الطباخين عموما سواء كانوا شيفات أو طهاه مبتدئين بنتكلم بصيغة انهم ناس ناقصين او وظيفة درجة تالته مع ان على حد علمي كانت كلية السياحة من كليات القمة "هي نزلت في القاع و انا ماعرفش" و هي دي الكلية اللي بتخرج الناس دول

و بالنسبة ليا انا دخلت الوظيفة دي لأن بحب أخدم الناس مش أكتر و لا أققل و كنت في أول مكان اشتغلت فيه أصغر طباخ فيه 15 سنه و ده لأن مؤهلي من البداية فندقي "دبلوم ادارة فنادق 5 سنين" و ده لأني عارف انا عاوز ايه من الأول و ياريت مانحاولش نقلل من قيمة حد

يا خبر يافندم

مين قال كده بس

دي مهنة محترمة جدا

و دي كانت من أمنياتي

طب ده انا بانهبل لما اتفرج على قنوات الأكل في الفضائيات

زي مارثا و ريتشل راي و جيادا و الكونتيسة و غيرهم

حد يقدر يقول على صنع الطعام مهنة قليلة

ده انا باحترمها جدا

حتى لو من غير بكالوريوس

و طبعا حضرتك معاك حق

الإنسان الناجح هوة اللي بيحدد طريقه من البداية و بيكون عارف هوة عايز ايه من البداية

مش زي حالاتي مثلا

ضيعت نفسي

و تجاهلت ميولي اللغوية اللي كانت متوفرة منذ الصغر

بس ارجع و أقول قدر الله ما شاء فعل

أما حضرتك فتستاهل التقدير فعلا

و ربنا يكرمك في مهنتك و يرزقك خيرها و يكفيك شرها

[مصطفى عبد الوهاب]

بسم الله الرحمن الرحيم

الأخوة الأفاضل

المؤهل: بكالوريوس سياحة و فنادق شعبة ادارة فنادق

العمل : مساعد رئيس قسم "Demi chef"

الخبرات الأخرى : مدمن و هاوي ركوب موتوسيكلات و تصليحها عدا الصيني

و تعليقا على كلام الأخ yasser6666 بالنسبة لموضوع الشيفات فماينفعش واحده من غير التانية يعني مثلا لو سيادتك دارس سياحة و فنادق و مافيش خبرة أو مش بتحب المهنة دي و مش عاوز تدي فيها فبكده بيكون الوضع مش تمام و العكس أيضا لو معاك خبرة و مافيش شهاده فملهاش لازمة

و لي تعليق آخر و لاكن على كل الأخوة

ليه على طول أول مانتكلم عن الطباخين عموما سواء كانوا شيفات أو طهاه مبتدئين بنتكلم بصيغة انهم ناس ناقصين او وظيفة درجة تالته مع ان على حد علمي كانت كلية السياحة من كليات القمة "هي نزلت في القاع و انا ماعرفش" و هي دي الكلية اللي بتخرج الناس دول

و بالنسبة ليا انا دخلت الوظيفة دي لأن بحب أخدم الناس مش أكتر و لا أققل و كنت في أول مكان اشتغلت فيه أصغر طباخ فيه 15 سنه و ده لأن مؤهلي من البداية فندقي "دبلوم ادارة فنادق 5 سنين" و ده لأني عارف انا عاوز ايه من الأول و ياريت مانحاولش نقلل من قيمة حد

يا خبر يافندم

مين قال كده بس

دي مهنة محترمة جدا

و دي كانت من أمنياتي

طب ده انا بانهبل لما اتفرج على قنوات الأكل في الفضائيات

زي مارثا و ريتشل راي و جيادا و الكونتيسة و غيرهم

حد يقدر يقول على صنع الطعام مهنة قليلة

ده انا باحترمها جدا

حتى لو من غير بكالوريوس

و طبعا حضرتك معاك حق

الإنسان الناجح هوة اللي بيحدد طريقه من البداية و بيكون عارف هوة عايز ايه من البداية

مش زي حالاتي مثلا

ضيعت نفسي

و تجاهلت ميولي اللغوية اللي كانت متوفرة منذ الصغر

بس ارجع و أقول قدر الله ما شاء فعل

أما حضرتك فتستاهل التقدير فعلا

و ربنا يكرمك في مهنتك و يرزقك خيرها و يكفيك شرها

شكرا على ذوق حضرتك بس للأسف الكلام ده واقع انا ملاحظه هنا في المحاورات

و ربنا يوفقك يارب

[مصطفى عبد الوهاب]

بندق

مدير مالى صباحا .. ومعاه مدير خدمات مسندة ومشتريات ونظم والذى منه لأنه مفيش حد يقوم بالوظائف دى ..

خبرتى النظم المحاسبية ERP وخلفيتى البرمجة

وبعد الضهر شيف من منازلهم ..

السعودية .. وأى خدمة

لو تقول ليا الهوايه دي اكتسبتها ازاى

عموما انا اعرف محاسبين برده هوايتهم الطبيخ بس اخرهم طبق فول

و أنا أعرف ان الطباخين بيعملوا شغل المحاسبين "مش هواية يعني"

و على فكرة اكتر ماده كنت باحبها ايام الدراسة كانت محاسبة التكاليف

[بندق أفندى]

بندق

مدير مالى صباحا .. ومعاه مدير خدمات مسندة ومشتريات ونظم والذى منه لأنه مفيش حد يقوم بالوظائف دى ..

خبرتى النظم المحاسبية ERP وخلفيتى البرمجة

وبعد الضهر شيف من منازلهم ..

السعودية .. وأى خدمة

لو تقول ليا الهوايه دي اكتسبتها ازاى

عموما انا اعرف محاسبين برده هوايتهم الطبيخ بس اخرهم طبق فول

قبل ما اقول عن الهواية هاقول عن التاريخ الوظيفى ..

فى الأول انا فلاح ابن فلاح متنور (رحمه الله) كان خبير ضرائب وضالع فى العمل السياسى ووفدى قديم . . يطبق الأساليب العلمية فى الزراعة ويؤمن بشدة انه الأولاد لازم عودهم يجمد وبالتالى يشتغلو فى الأرض زيهم زى أى أجير .. وكنا بناخد أجر زى أى أجير ..

المهم تمردت على الفلاحة عشان طاقتى ما كانتش بتكفيها وكنت أومن بأنه هناك مجالات أوسع ..

أول حاجة كنت اعمل فى تربية الخرفان والفراخ البلدى .. من وراهم وكان عقابى دايما مصادرة أموالى عند اكتشاف التجارة .. طيب اعمل ايه .. تركت كل ده ورحت لمدرس الكيمياء بتاعى وقلتله عاوز أشتغل معاك هو كان بيشتغل نقاش بعد الظهر .. وفى الصيف .. المهم اشتغلت معاه سنة كاملة .. وطبعا كنت بأتعاقب عشان دى مهنة والدى شايف انها مش ولابد يعنى .. عشان بتروح تشتغل فى بيوت الناس .. عشان كده هجيت لمرسى مطروح .. كنت بأعرف مهندس بيشتغل فى شركة مقاولات كبيرة .. قالى تعالى اشتغل مع مقاول الدهانات .. المهم رحت لقيت الراجل مسافر .. قلت أشتغل مع العمال أشيل رمل وزلط وطوب لحد ما يرجع .. وكل كان بيتفاجأ انى أصلب منهم مع انه شكلى لا يوحى انى وش مرمطة ولا بنيتى تسمح ..

بعد 20 يوم رجع المعلم المقاول .. كان المهندس مكلمه .. انا ما كنتش شفته من قبل ... نادانى من وسط العمال .. قلتله انت عرفتنى ازاى .. قالى شكلك باين .. المهم اشتغلت معاه حوالى شهرين بأضعاف الدخل .. المهم اتفقت معاه اشتغل بالانتاج .. وعملت اختراعات فى الخلطات مناسبة لطبيعة الجو والعمل وتسهل الشغل جدا وبدون تكلفة زيادة .. بعد فترة اقترح على أشيل شغل منه لحسابى .. وقعدت أشتغل معاه فترة كبيرة وانا فى الجامعة .. اتجمع معايا مبلغ محترم شيلته بين الجلد واللحم عشان ما يتصادرش .. لأنه والدى كان بيخشى انه الفلوس تسبب الانحراف ..

رجعت المنصورة أخدت كم مقاولة كبيرة .. وكان ليا أقارب مطرودين من ليبيا فى احدى جنونات الأخ العقيد .. وكانوا بيدرسو معايا فى نفس السنة فى كلية التجارة .. وكان عاوزين يفهم القصة ماشية ازاى .. قال يعنى فالح أوى هههههه .. المهم كان كبيرهم متزوج وهو طالب . وكانت زوجته عبقرية اقترحت عليهم يفتحو مركز كمبيوتر .. وحيث انى صاحبهم بقت دورة مجانية فى دورة مجانية .. لحد ما قالو ابتدى تدريب .. واتخصصت فى حاجات معينة كان بيجيلى عليها زباين من كل الدنيا وكنت بأشتغل تقريبا فى كل مراكز الكمبيوتر اللى كانت مفتوحة وقتها .. المهم كنت درست برمجة شوية وكان فيه دكتور عندنا فى الجامعة فاتح مركز متخصص فى ترديب البرمجة بس .. رحت أخدت كم دورة عنده وبدأت أشتغل مبرمج ..

جه خالى اللى كان عنده شركة توزيع مواد غذائية قاللى الحقنى كل فلوسى فى السوق وعندى بضاعة كتير عاوز أوزعها كاش .. اشتغلت معاه سنة تقريبا ..كان بيبيع ليا البضاعة وانا أبيعها .. كان فهيا لقمة حلوة .. فى هذه السنة اتخرجت .. وبعد التخرج بكم شهر اتجوزت .. ودخلت الجيش .. بيسألونى بتعرف ايه؟ قلتلهم كمبيوتر قالولى جميل عندنا سيستم كبير هنا .. عليك وعلى النقيب خالد .. رجعنا تانى للبرمجة

نسيت أقول انى محدد هدفى فى الكمبيوتر بالجرافيكس اللى كانت بوووووور جدا وقتها .. لأنى رسام وكان ليا معارض تلقى استحسان الخطوط الغير تقليدية .. وكنت بأرسم بورتريهات لايف .. يعنى أشوف حد أرسمه .. مرة عملتها وانا واقف فى مدرج ورسمت بنت .. وبعد المحاضرة جه ولد عامل نفسه حامى الحما .. وقال لازم آقطع الصورة دى .. قلت لا .. صاحبتها تاخدها تقطعها .. واداناها لها .. وهى بتبص فيها قام الحمار خاطفها منها ومقطعها .. .. بجد غباء لأنه ما كانش فى ذهنى انها تعرف انى رسمتها هو عمل فضيحة ووصلها الرسم .. المهم فى الجيش عملت شوية جرافيكس معتبرين .. خلصت الجيش .. والحال كان واقف أوى .. زوج أختى رحمه الله قالى تعالى عمرة .. رحت عمرة واشتغلت فى جريدة المدينة من تانى يوم .. وبعيدن رحت شركة كبيرة اشتغلت مبرمج ومحاسب ومستودعجى والذى منه .. وهنا كانت القصة .. وبتاع شبكات أيام النوفيل .. ومتخصص فى سوفت وير تيوننج قبل ما القصة تبقى برامج بتعملها ..

باقى انى اشتغلت فى تجارة وتصنيع الموبيليا الهاند ميد على مستوى دولى .. وخسرت فيها مبالغ محترمة بسبب سوء ادارة الموارد ..

نيجى بقى للطبخ .. زى أى عمل يدوى اتقانه بيكون متعة حقيقة .. مثلا بألزق سيراميك وقيشانى باحتراف وأشتغل نجار باحتراف وكهربائى لا يشق له تيار .. وسباك لا تنقطع له مياة ودايما أخطط للى هأعمله وأفكر بحلول غير تقليدية نهائى .. عشان كنت بأقعد فترات لوحدى ولما جيت السعودية ما عجبنيش اللحمة بتاعتهم خالص .. فاتجهت للاسماك .. طيب هآكل 5 أيام سمك فى الأسبوع مشوى ومقلى؟ بدأت أدور على طرق الطبخ اشتريت كتاب .. وبقيت اقتبس منه بعض الوصفات ده قبل النت طبعا .. وبقيت شيف مشهور فى الأسماك لكل أصحابى .. وصاحب نفس .. وكنت دايما أدور على العلامة الفارقة فى الوصفة واللى بتخليها تختلف عن غيرها .. وأبدعت الى حد كبير .. لما بدأ أسامة السيد يقدم برنامجه على ام بى سى كنت بأشوف وصفات له كان بيعملها زيى تمام وانا لا حد علمها ليا ولا قريتها فى كتب .. وكان فيه قناة اجنبية كنت بأتابعها على طول بى بى سى فوود وكمان أليس .. وظهرت فتافيت .. بس كنت شبه متخرج فى مطبخ الهواة ههههه

طولت عليكم وبس دى حكايتى من أول البيضة لحد اللى أكلها ههههه

[بندق أفندى]

نسيت أقولك انى بارع فى محاسبة التكاليف وفى التحليل المالى ودراسة المتغيرات ..وتخصص انشاء تقارير صعب انه يكون البيانات فيها من الأول لها علاقة ببعض

[الباشمهندس ياسر]

السلام عليكم

اولا مينفعش حد يقلل من حد .. لان المعيار المفترض ف الدنيا هو الاخلاق بينما ف الاخرة هو التقوى و العمل الصالح

متفقين ... يبقى اشطه جدا

و بعدين الواحد بتيجى عليه اوقات مبيبقاش عارف يصرف الفلوس فين

و اوقات تانية و الله بيبقى لا يملك الالف جنيه

و اخيرا

الدنيا منفاته و النصيب غلاب... الجملة دى اتعلمتها من احد الفنيين اللى اشتغلوا معايا زماااان

[abdulmuttaleb]

تحية خاصة لمسيرة مصرية متغربة ومحمد العنبي وبندق أفندي

حق لأولادكم أن يفخروا بكم

حفظكم الـله لأسركم ومحبيكم

وختم لنا ولكم بحسن الختام على العمل الصالح والذرية الصالحة والرزق الواسع.

[السويفي]

السلام عليكم

اخصائي علاج طبيعي

الدوحه

تم تعديل 28 مايو 2009 بواسطة السويفي

[abdulmuttaleb]

http://www.youtube.com/watch?v=fnAhV_52WZw...feature=channel

مواطن يعمل مدرس صباحا و قهوجي ليلا ج2

[عبير يونس]

http://www.youtube.com/watch?v=fnAhV_52WZw...feature=channel

مواطن يعمل مدرس صباحا و قهوجي ليلا ج2

ياااااااااااااااااه

صحيح اللي يشوف بلاوي الناس تهون عليه بلاويه

مسيرة كفاح ايه؟؟

هوة انا آجي ايه في بني آدم زي ده

ربنا يصلح له الحال هوة و اللي زيه و ما يحرموش من نعمة التفاؤل اللي عايش بيها و يباركله في والدته و مراته و ولاده

آمين للجميع يارب

لك الله يا مصر

شكرا أستاذ عبد المطلب على اللينك الرائع ده

تم تعديل 29 مايو 2009 بواسطة مصرية متغربة

[عبير يونس]

تحية خاصة لمسيرة مصرية متغربة ومحمد العنبي وبندق أفندي

حق لأولادكم أن يفخروا بكم

حفظكم الـله لأسركم ومحبيكم

وختم لنا ولكم بحسن الختام على العمل الصالح والذرية الصالحة والرزق الواسع.

الله يبارك لحضرتك على الدعوات الحلوة دي

و لك مثلها بإذن الله :unsure:

[بندق أفندى]

تحية خاصة لمسيرة مصرية متغربة ومحمد العنبي وبندق أفندي

حق لأولادكم أن يفخروا بكم

حفظكم الـله لأسركم ومحبيكم

وختم لنا ولكم بحسن الختام على العمل الصالح والذرية الصالحة والرزق الواسع.

على فكرة كثر من هذه الأمور لا أحد من عائلتى يعرفها .. ومن حين لآخر أحكى لابنى قطوف منها .. فهناك أجزاء أصعب بكثير خصوصا فى بداية رحلتى فى جدة فلك تكن الحياة وردية اطلاقا وانما عشان أيام صعبة للغاية .. بسبب عدم وجود اقامة وفى انتظار استخراج التأشيرة .. لكن أصعب شئ فى الدنيا أن تنام وذهنك شغال فيما كنت تعمله طوال النهار والغريب تأتيك الحلول فعلا .. لكن منظومتنا العربية عن جد محرقة للكوادر البشرية ..

من أغرب المواقف التى تعرضت لها فرض على ذات مرة أساعد فى أعمال فلاحية بعد ان توقفت عنها طويلا .. وحيث انه أصبح تحدى أنجزت أكثر من المتمرسين بشدة .. لدرجة انه والد صديقى الذى ورطنى .. علق له مستغربا .. وقال باللفظ انا كنت فاكر بندق ده زى الفراخ البيضة ههههههههههه .. طلع أجد من أجدع راجل ..

قلتله بص على فيما بعد ما هانام فيها 6 أيام دى ههههههههههههههههههه

[abdulmuttaleb]

قبل الكلام صلوا على سيد الأنام محمد عليه الصلاة والسلام

أنا يا سادة يا كرام خريج الأكاديمية العربية للعلوم والتكنولوجيا والنقل البحري من كلية الهندسة والتكنولوجيا (اسمها كده) قسم الكترونيات واتصالات

التخرج كان في صيف 2006م

تم تعييني في شركة سماعات أذن طبية (والدي شريك فيها) في أكتوبر 2006م

قبل الشغل ده كنت أدور على شغل في كذا شركة وفي برج العرب وقدمت على مدير تسويق في جامعة فاروس وعملت خطة تسويق اكتشفت أنها كانت هايلة جدا لما درست تسويق في ماجستير إدارة الأعمال

ربنا اداني ميزة كبيرة بأحمد ربنا عليها ليل نهار وهي إني كل ما أروح شركة أقدمCVأكلم أصحابي عليها دون أي تحفظ وأشجعهم يقدموا وعملت مع بعض زملاءي موقع لتجميع الوظائف والإجراءات الخاصة بها:

http://www.freewebs.com/ece2006

كان التفكير الإداري والاستراتيجي هوايتي وكنت سألت وأنا في الكلية على مصاريف ماجستير إدارة الأعمال ولقيتها غالية، وما جعلني ألتفت لهذا الماجستير هو أنني درست مادة إدارة أعمال دولية مع دكتور اسمه د.عزيز عزّت هو الآن عميد كلية الهندسة بالأكاديمية وهو أصلا أستاذ بكلية الهندسة بجامعة الإسكندرية قسم هندسة صناعية أو إنتاج وحبيت جدا مجال إدارة الأعمال.

المهم اشتغلت في شركة السماعات الطبية كمدير لفرع الإسكندرية، وأسرتي كانت عايزاني أشتغل في الجامعة لأنني كنت جايب تقدير امتياز الرابع على الدفعة

وأنا كنت مش حابب التدريس في مجال الهندسة

ومع الضغط قلت لهم طيب ايه رأيكم آخذ ماجستير هندسة والماجستير ح يخليني أشتغل في الجامعة طالما ده اللي انتم عايزينه

وفعلا أخذت منحة تفوق لدراسة الماجستير من رئيس الأكاديمية العربية د.جمال الدين مختار عن طريق مدير مكتبه ربنا يكرمه اسمه أ.آمال الشافعي بتدخل من خالي حفظه الله-ضابط شرطة متقاعد وعضو بالحزب الوطني:unsure:

[بالمناسبة التقديم للمنحة متاح للجميع بمكتب مدير عام الأكاديمية فقط المطلوب طلب مكتوب وأصل الشهادة وكشف الدرجات ولو فيه توصيات مكتوبة من أساتذة جامعيين ولي زملاء بعضهم غير مصريين قدموا للمنحة وحصلوا على تخفيضات 30% و50% دون واسطة أو كارت فقط قدموا الأوراق المشار إليها]

كنت باشتغل في شركة السماعات وأذهب للكلية 3ساعات مساء 3أيام في الأسبوع

ظللت شهرا أحضر محاضرات الماجستير وخلال هذا الشهر الذي هو أيضا أول شهر لي في العمل داخل شركة السماعات، كنت أضع خططا وتصورات عن التسويق والإدارة نالت إعجاب مدير الشركة (وهو في نفس الوقت أحد شركاء والدي) لدرجة أنه قال لي أنت يا محمد لخصت في شهر شغلنا في 14عاما

بعد هذا الشهر أخذت قرارا بتحويل منحة التفوق للماجستير من كلية الهندسة إلى كلية الدراسات العليا في الإدارةMBA

طبعا الأسرة اعترضت جدا وكانوا شايفين أن التطور الطبيعي للحاجة الساقعة أقصد للمهندس المتفوق هو ماجستير هندسة ثم عضو هيئة تدريس فأستاذ دكتور جامعي

لكن الحمد لله اقتنعوا أو بمعنى أصح لما شافوني مقتنع قالوا لي ربنا يوفقك

قمت بأخذ ورق المنحة وقدمت في كلية الدراسات العليا والحمد لله لم تحصل مشكلات لأنني كنت خائفا من ألا يسمحوا لي بالتحويل أو أن أدفع المصاريف للماجستير

كان الترم يبدأ في مايو 2007م

دخلت الماجستير والحمد لله كنت متميزا فيه رغم أنني كنت أصغر طالب في الدفعة كلها وزملاءي كلهم أكبر مني سنا وخبرة ومقاما

بعد ذلك وقبيل بضعة أشهر قدمت استقالتي من الشركة وتفرغت للماجستير وقمت مؤخرا بإنشاء شركة لاستشارات الموارد البشرية تتعامل مع الأفراد من الباحثين عن عمل في تقديم الاستشارات اللازمة لهم وكيف يخططون لحياتهم الوظيفية وكيف يختارون الوظائف وكيف يبحثون عن عمل وكيف يقدمون للوظائف وكيف يفاوضون على المرتب الشهري وبعض المشاهد الواقعية من الحياة العملية.

كما تتعامل مع الشركات في مجال استشارات الموارد البشرية عموما وبشكل خاص خطط التطوير الوظيفي، وفي هذا المجال كنت أعددت خطة تطوير لشركة السماعات تشمل كل الوظائف الرئيسية في الشركة، وهذا المجال مهضوم حقه في معظم الشركات وحتى في مجال الاستشارات رغم أهميته الشديدة للشركات وللموظفين أيضا.

فيما يخص الأفراد،

سبب اختياري لاستشارات التخطيط الوظيفي للباحثين عن عمل (أتعامل مع حديثي التخرج وذوي الخبرة العملية 4سنوات فأقلّ) هو أنني كنت أمارس هذه الاستشارات لأصدقائي ومعارفي، وكنت ألاحظ كثيرا وجود تخبط وضبابية في الرؤية لدى حديثي التخرج، فالأهل يريدون ماجستير، والشاب لا يعرف الفرق بين شركة وأخرى، بعض المهندسين يتخرجون مثلا ولا يعرفون ماهو الفرق بين مهندس مبيعات ومهندس صيانة، هنالك حالة غياب شبه كامل للمعلومات الواقعية عن سوق العمل،

أذكر حين تخرجنا قيل لنا أن شركة سيمنز لا تعين أحدا إلا بعد أن يعمل لديها كمتدرب لمدة سنتين بدون مرتب ثم بعد ذلك إذا كان كفؤا يتم تثبيته وإلا يتم إنهاء خدمته دون أن يتقاضى مليما واحدا ولا زلت محتفظا بالايميل الذي وصلني بهذا المعنى من صديق نقلا عن بعض أصدقاءه، وهذا الصديق خريج مدرسة سان مارك ووالده رحمه الله أستاذ جامعي مرموق، وهذا يدلل على أن غياب المعلومات عن سوق العمل ليس حكرا على شريحة أو فئة دون بعينها وإنما هو مشكلة عامة لمعظم الخريجين.

حين يعمل الشاب أو الفتاة في شركة ليس لديهم تصور عن تطورهم الوظيفي داخلها، بل حتى ليس لديهم فكرة عن مدى توافقها مع مهاراتهم الخاصة وخبراتهم التدريبية فإنّ هنالك مشكلة كبرى يعاني منها ليس فقط حديثو التخرج، ولكن أيضا الشركات التي توظفهم، بل وحتى أسرهم ومحيطهم المجتمعي.

بعض زملاءي بضغط من أسرهم سجلوا ماجستير هندسة وهم لا يريدون أن يعملوا في مجال التدريس كأكاديميين، طيب ليه الماجستير؟ الرد: عشان يزود فرص العمل والراتب.

رغم أن هذا خطأ فظيع جدا ومدمر لأنّ من يحتاج مهندسا بالبكالوريوس لن يدفع قرشا واحدا لمهندس معه ماجستير، وبالتالي حامل الماجستير إما أن يسقطه من اعتباره وإما أن يتنازل ويعمل بمرتب ووضع وظيفي للمهندس العادي.

هنالك كثيرون يعتقدون أن السي في هو أهم شيء للبحث عن عمل،بينما في الواقع أن السي في هو آخر حلقة في سلسلة التخطيط الوظيفي

فأولا يجب أن يعرف حديث التخرج ماذا يريد أن يعمل، وما هي مهاراته، وما هي قدراته، وماذا يحب، وما هي نقاط قوته وضعفه وما هو طموحه، ثم بعد ذلك نفكر ونخطط للعمل وبعد ذلك نقوم بصياغة السيرة الذاتية

موقع انترنت

http://sites.google.com/site/NewEgyptHR

سامحوني على الإطالة والدعاية المجانية:unsure: وادعو لي بالتوفيق،

م.محمد أحمد عبدالمطلب أبوأحمد

المدير العام والموظف الوحيد wst::

تم تعديل 30 مايو 2009 بواسطة Folana

[abdulmuttaleb]

تحية خاصة لمسيرة مصرية متغربة ومحمد العنبي وبندق أفندي

حق لأولادكم أن يفخروا بكم

حفظكم الـله لأسركم ومحبيكم

وختم لنا ولكم بحسن الختام على العمل الصالح والذرية الصالحة والرزق الواسع.

على فكرة كثر من هذه الأمور لا أحد من عائلتى يعرفها .. ومن حين لآخر أحكى لابنى قطوف منها .. فهناك أجزاء أصعب بكثير خصوصا فى بداية رحلتى فى جدة فلك تكن الحياة وردية اطلاقا وانما عشان أيام صعبة للغاية .. بسبب عدم وجود اقامة وفى انتظار استخراج التأشيرة .. لكن أصعب شئ فى الدنيا أن تنام وذهنك شغال فيما كنت تعمله طوال النهار والغريب تأتيك الحلول فعلا .. لكن منظومتنا العربية عن جد محرقة للكوادر البشرية ..

من أغرب المواقف التى تعرضت لها فرض على ذات مرة أساعد فى أعمال فلاحية بعد ان توقفت عنها طويلا .. وحيث انه أصبح تحدى أنجزت أكثر من المتمرسين بشدة .. لدرجة انه والد صديقى الذى ورطنى .. علق له مستغربا .. وقال باللفظ انا كنت فاكر بندق ده زى الفراخ البيضة ههههههههههه .. طلع أجد من أجدع راجل ..

قلتله بص على فيما بعد ما هانام فيها 6 أيام دى ههههههههههههههههههه

سيدي الكريم،

أنحني لك احتراما،

واسمح لي بأن أختلف مع حضرتك في جزئية عدم معرفة العائلة، ربما قد لا تعنيهم كثيرا التفاصيل، لكن على الأقل أسرتك الصغيرة وابنك بارك الله لك فيه يجب أن يعرفوا ذلك

وأتصور أنه لا شيء يدعو للخجل فمن من الأحياء في هذه الدنيا دامت له الحياة صافية آمنة؟! كلنا تمر بنا ونعيش أكدارا وأحزانا ومواقف صعبة

نحن في حاجة إلى زرع ثقافة العمل الحلال المباح، بدلا من الجلوس بلا عمل أو اقتراف الآثام

وفي الواقع، فإنّ الخبرات التي تراكمت لدى حضرتك حتى من الأيام التي تصفها بأنها صعبة، ففي الواقع ففيها تعامل مع أناس من مختلف المشارب والخلفيات والأذواق، وفيها قرب أكثر من الـله لأن الواحد يكون معرضا للترحيل مثلا، بالعكس هذه كلها فوائد، يكفي أن يتذكر الإنسان إذا دعته نفسه للظلم أو البغي أنه عاش أياما صعبة وأن الله وحده يسر له الخروج منها سالما فيتراجع عن الإقدام على الشر

تحياتي وآسف لتطفلي،

[بندق أفندى]

تحية خاصة لمسيرة مصرية متغربة ومحمد العنبي وبندق أفندي

حق لأولادكم أن يفخروا بكم

حفظكم الـله لأسركم ومحبيكم

وختم لنا ولكم بحسن الختام على العمل الصالح والذرية الصالحة والرزق الواسع.

على فكرة كثر من هذه الأمور لا أحد من عائلتى يعرفها .. ومن حين لآخر أحكى لابنى قطوف منها .. فهناك أجزاء أصعب بكثير خصوصا فى بداية رحلتى فى جدة فلك تكن الحياة وردية اطلاقا وانما عشان أيام صعبة للغاية .. بسبب عدم وجود اقامة وفى انتظار استخراج التأشيرة .. لكن أصعب شئ فى الدنيا أن تنام وذهنك شغال فيما كنت تعمله طوال النهار والغريب تأتيك الحلول فعلا .. لكن منظومتنا العربية عن جد محرقة للكوادر البشرية ..

من أغرب المواقف التى تعرضت لها فرض على ذات مرة أساعد فى أعمال فلاحية بعد ان توقفت عنها طويلا .. وحيث انه أصبح تحدى أنجزت أكثر من المتمرسين بشدة .. لدرجة انه والد صديقى الذى ورطنى .. علق له مستغربا .. وقال باللفظ انا كنت فاكر بندق ده زى الفراخ البيضة ههههههههههه .. طلع أجد من أجدع راجل ..

قلتله بص على فيما بعد ما هانام فيها 6 أيام دى ههههههههههههههههههه

سيدي الكريم،

أنحني لك احتراما،

واسمح لي بأن أختلف مع حضرتك في جزئية عدم معرفة العائلة، ربما قد لا تعنيهم كثيرا التفاصيل، لكن على الأقل أسرتك الصغيرة وابنك بارك الله لك فيه يجب أن يعرفوا ذلك

وأتصور أنه لا شيء يدعو للخجل فمن من الأحياء في هذه الدنيا دامت له الحياة صافية آمنة؟! كلنا تمر بنا ونعيش أكدارا وأحزانا ومواقف صعبة

نحن في حاجة إلى زرع ثقافة العمل الحلال المباح، بدلا من الجلوس بلا عمل أو اقتراف الآثام

وفي الواقع، فإنّ الخبرات التي تراكمت لدى حضرتك حتى من الأيام التي تصفها بأنها صعبة، ففي الواقع ففيها تعامل مع أناس من مختلف المشارب والخلفيات والأذواق، وفيها قرب أكثر من الـله لأن الواحد يكون معرضا للترحيل مثلا، بالعكس هذه كلها فوائد، يكفي أن يتذكر الإنسان إذا دعته نفسه للظلم أو البغي أنه عاش أياما صعبة وأن الله وحده يسر له الخروج منها سالما فيتراجع عن الإقدام على الشر

تحياتي وآسف لتطفلي،

يا عزيزى ليس خجلا وانما اراحة للنفس من عناء الدخول فى صراع صعب .. أصلا والدى كان يخاف بشدة أن تجرى الفلوس فى أيدينا ونحن صغار السن .. وقد ارتكبت خطأ قاتل يوما ما .. ولم أنتبه الى انه يختبرنى أو يمزح .. لما كان لديه أزمة سيولة وقال لى ل معك أى فلوس هاتها سألتها كم؟ قاللى هات اللى معاك فأعطيته اللى معى فكان خطأ كبير جدا .. لأنه المبلغ كان كبيرا جدا بمقاييس عصره .. وهذا ما وضعنى تحت رقابة صارمة .. وكان لا يهدأ له بال الا أذا أعطيت كل نقودى لأمى .. صحيح انى آخذها وقت الحاجة لها لكن بعد التمحيص والتدقيق فيما سوف أفعله بها ..

فكان لابد دائما من ان أقول منين ياااااافرج .. هههههههههههه حتى أكون بحريتى .. خصوصا انى كنت مسرف الى حد ما .. ولكن الحمد لله ليس على سيجارة حتى ..

[Princesse]

الوظيفة الحالية: سكرتيرة تنفيذية في احدي فنادق القاهرة

الوظيفة السابفة: Technical supprot for a canadian compagny at Quebec

المؤهل الاصلي : ليسانس ادآب قسم لغة فرنسية جامعة القاهرة

اختي الفاضلة برنسيس

لا أقصد التطفل و لكن

بما أن حضرتك كنت في كيبيك ممكن تفيدنا في موضوع كيبك و تقولي لنا تجربتك هناك :unsure: ؟؟

http://www.egyptiantalks.org/invb/index.php?showtopic=74687

و لك كل الشكر

الاخت العزيزة مصرية مغتربة

اسمحي لي ارد علي حضرتك هنا و احكي لك الحكاية من الاول.. بس جهزي كباية الشاي. :unsure: .

انا عمري ما خرجت برة مصر wst::

كنت في الجامعة الحمدلله من الاوائل..بعد ما اتخرجت مكنتش لاقية شغل..مفيش اي حد من معارف والدي ساعدني اني اشتغل بالرغم من اني خريجة مدارس فرنساوي و كنت خريجة ادآب فرنساوي فبطريقة نظرية المفروض يكون مستقبلي كويس...قررت اني اضيع وقت و التحقت بالدراسات العليا علشان ادرس الترجمة..طبعا الدراسة في الجامعة مجانا بس الكتب و القواميس الفرنساوي اسعرها عالية جدااااااا.

بدأت ادور علي شغل في الجرايد..وفعلا وجدت شغل في بازار باردي في شارع الهرم..اشتغلت هناك و اتعاملت مع كل الجنسيات حتى اني بدأت اكلم ايطالي و اسباني بالاضافة الي فرنساوي..كان الفرنسيين بيفتكروني اتعلمت في باريس..

بس الشغل و المواعيد مكنتش مناسبة مع دراستي و الدكاترة مش بيسمحوا بأي غياب..سبت الشغل و اشتغلت مدرسة فرنساوي في معهد لغات..مكنتش مصدقة نفسي اني بدرس لدكاترة و مهندسيين و انا يدوبك عندي 22 سنة...المرتب كان 140 جنيه في الشهر .. وتاني سبت الشغل علشان الدخل مش كفاية.

واخيرا نجحت في السنة الاولي من الدبلومة و فاضل سنة تانية..

وبعدين جاءت اكبر مرحلة في حياتي (من الجرايد برضه) ..اشتغلت في كول سنتر في القرية الذكية..كنا بنقدمت خدمات للعملاء في فرنسا و بلجيكا و سويسرا..

الحمدلله الشغل كان كويس و التعامل مع الاجانب حاجة بجد محترمة..

لحد ما في يوم اتفتح PROJECT جديد يتبع شركة اتصالات كبيرة في كيبيك..الشغل كله بيعتمد على حاجات TECHNICAL & NETWORK و انا خريجة ادآب معرفش اي حاجة في هندسة الكمبيوتر.. بس الجماعة الكنديين دول قالوا لينا مش مهم احنا هنعلمكم كل حاجة و هنخليكوا مهندسين.. وفعلا و لمدة 3 شهور متواصلة من المحاضرات و الامتحانات و التدريب..طبعا مش محتاجة اوصف لحضرتك الكنديين دول قد ايه عندهم دقة و التزام في شغلهم، مفيش لعب و لا دلع..و الامتحانات صعبة..الحمدلله كل المجموعة بتعتنا نجحت و بدأنا شغل ty:) ... و الشغل كمان كان صعب

الشغل عبارة ان عميل في كندا "زي حضرتك كدة" عنده مشكلة مع الانترنت او التليفون او التليفزيون بيتصل بخدمة العملاء و احنا هنا في مصر بنرد عليه..و نقدم ليه الخدمة و المكالمة دي ببلاش.. :D

كنت ببقي فخورة اوي اني لما اقول اني مصرية. gt: . و يا سلام لو كلمني واحد مصري.. او عربي..نفضل نكلم بالعربي .. و كل مكالمة ليها حكاية تكتب في كتاب الكنديين شعب لذيذ جداا و طيب بطريقة هبلة زي الفلاحيين كدة عندنا في القرى المصرية..بجد حبيت البلد من غير ما اشوفها..وحبيت زمايلي في كندا لانهم ساعدونا كتير...

تخيلي حضرتك اني كنت بحس اول ما ابتدي شغل و البس السماعة اني سافرت و عايشة هناك.. عرفت اسماء الشوارع و درجة حرارة الجو :D ..و طبيعة الحياة هناك

بختصار شعب جميل..و نفسي اهاجر هناك بس لسة مفيش نصيب..المهم اني ضامنة اني هلاقي شغل لو رحت هناك.. B)

دي كل الحكاية و يا رب تكون حكايتي فيها رد على حضرتك و فايدة للأخرين

[se_ Elsyed]

تحية عطرة لكل المشاركين في الموضوع الظريف ده اللي افتكرت المشاركات فيه هاتبقى عبارة عن كلمتين ورد غطاهم

يعني الاقي مثلاً واحد داخل يقول : محسوبكم عبد السميع حندوسة .... بأشتغل كهربائي سيليسيون .. وكده يعني

------------

لكن بجد بعد ما قرأت قصص الكفاح المشرفة دي اللي يفخر بها اي مصري

اقدر اكلمكم عن نفسي وأقول

س س ... مكوجي رِجل .

[عبير يونس]

الوظيفة الحالية: سكرتيرة تنفيذية في احدي فنادق القاهرة

الوظيفة السابفة: Technical supprot for a canadian compagny at Quebec

المؤهل الاصلي : ليسانس ادآب قسم لغة فرنسية جامعة القاهرة

اختي الفاضلة برنسيس

لا أقصد التطفل و لكن

بما أن حضرتك كنت في كيبيك ممكن تفيدنا في موضوع كيبك و تقولي لنا تجربتك هناك ؟؟

http://www.egyptiantalks.org/invb/index.php?showtopic=74687

و لك كل الشكر

الاخت العزيزة مصرية مغتربة

اسمحي لي ارد علي حضرتك هنا و احكي لك الحكاية من الاول.. بس جهزي كباية الشاي. .

انا عمري ما خرجت برة مصر

كنت في الجامعة الحمدلله من الاوائل..بعد ما اتخرجت مكنتش لاقية شغل..مفيش اي حد من معارف والدي ساعدني اني اشتغل بالرغم من اني خريجة مدارس فرنساوي و كنت خريجة ادآب فرنساوي فبطريقة نظرية المفروض يكون مستقبلي كويس...قررت اني اضيع وقت و التحقت بالدراسات العليا علشان ادرس الترجمة..طبعا الدراسة في الجامعة مجانا بس الكتب و القواميس الفرنساوي اسعرها عالية جدااااااا.

بدأت ادور علي شغل في الجرايد..وفعلا وجدت شغل في بازار باردي في شارع الهرم..اشتغلت هناك و اتعاملت مع كل الجنسيات حتى اني بدأت اكلم ايطالي و اسباني بالاضافة الي فرنساوي..كان الفرنسيين بيفتكروني اتعلمت في باريس..

بس الشغل و المواعيد مكنتش مناسبة مع دراستي و الدكاترة مش بيسمحوا بأي غياب..سبت الشغل و اشتغلت مدرسة فرنساوي في معهد لغات..مكنتش مصدقة نفسي اني بدرس لدكاترة و مهندسيين و انا يدوبك عندي 22 سنة...المرتب كان 140 جنيه في الشهر .. وتاني سبت الشغل علشان الدخل مش كفاية.

واخيرا نجحت في السنة الاولي من الدبلومة و فاضل سنة تانية..

وبعدين جاءت اكبر مرحلة في حياتي (من الجرايد برضه) ..اشتغلت في كول سنتر في القرية الذكية..كنا بنقدمت خدمات للعملاء في فرنسا و بلجيكا و سويسرا..

الحمدلله الشغل كان كويس و التعامل مع الاجانب حاجة بجد محترمة..

لحد ما في يوم اتفتح PROJECT جديد يتبع شركة اتصالات كبيرة في كيبيك..الشغل كله بيعتمد على حاجات TECHNICAL & NETWORK و انا خريجة ادآب معرفش اي حاجة في هندسة الكمبيوتر.. بس الجماعة الكنديين دول قالوا لينا مش مهم احنا هنعلمكم كل حاجة و هنخليكوا مهندسين.. وفعلا و لمدة 3 شهور متواصلة من المحاضرات و الامتحانات و التدريب..طبعا مش محتاجة اوصف لحضرتك الكنديين دول قد ايه عندهم دقة و التزام في شغلهم، مفيش لعب و لا دلع..و الامتحانات صعبة..الحمدلله كل المجموعة بتعتنا نجحت و بدأنا شغل :yahoo: ... و الشغل كمان كان صعب

الشغل عبارة ان عميل في كندا "زي حضرتك كدة" عنده مشكلة مع الانترنت او التليفون او التليفزيون بيتصل بخدمة العملاء و احنا هنا في مصر بنرد عليه..و نقدم ليه الخدمة و المكالمة دي ببلاش.. phn:

كنت ببقي فخورة اوي اني لما اقول اني مصرية. :phar: . و يا سلام لو كلمني واحد مصري.. او عربي..نفضل نكلم بالعربي .. و كل مكالمة ليها حكاية تكتب في كتاب الكنديين شعب لذيذ جداا و طيب بطريقة هبلة زي الفلاحيين كدة عندنا في القرى المصرية..بجد حبيت البلد من غير ما اشوفها..وحبيت زمايلي في كندا لانهم ساعدونا كتير...

تخيلي حضرتك اني كنت بحس اول ما ابتدي شغل و البس السماعة اني سافرت و عايشة هناك.. عرفت اسماء الشوارع و درجة حرارة الجو cld: ..و طبيعة الحياة هناك

بختصار شعب جميل..و نفسي اهاجر هناك بس لسة مفيش نصيب..المهم اني ضامنة اني هلاقي شغل لو رحت هناك.. :lol:

دي كل الحكاية و يا رب تكون حكايتي فيها رد على حضرتك و فايدة للأخرين

و مستنية ايه ؟؟؟

ايه العوائق ان حضرتك تهاجري ؟؟؟

و يا ترى لو الواحد اشتغل في حاجة تبع كندا في البلد اللي هوة فيها بيعتبروا

دي خبرة كندية؟

يعني مدرسة كندية مثلا او معهد لغات بفرانشايز من معهد في كندا؟؟؟

تحياتي

[عبير يونس]

تحية عطرة لكل المشاركين في الموضوع الظريف ده اللي افتكرت المشاركات فيه هاتبقى عبارة عن كلمتين ورد غطاهم

يعني الاقي مثلاً واحد داخل يقول : محسوبكم عبد السميع حندوسة .... بأشتغل كهربائي سيليسيون .. وكده يعني

------------

لكن بجد بعد ما قرأت قصص الكفاح المشرفة دي اللي يفخر بها اي مصري

اقدر اكلمكم عن نفسي وأقول

س س ... مكوجي رِجل .

برضه معرفناش قصة كفاح حضرتك من أول ما كنت صبي مكوجي و كده يعني

و يا ترى ما حاولتش تطور من نفسك

و تستخدم المكواة بالبخار مثلا؟؟

[se_ Elsyed]

تحية عطرة لكل المشاركين في الموضوع الظريف ده اللي افتكرت المشاركات فيه هاتبقى عبارة عن كلمتين ورد غطاهم

يعني الاقي مثلاً واحد داخل يقول : محسوبكم عبد السميع حندوسة .... بأشتغل كهربائي سيليسيون .. وكده يعني

------------

لكن بجد بعد ما قرأت قصص الكفاح المشرفة دي اللي يفخر بها اي مصري

اقدر اكلمكم عن نفسي وأقول

س س ... مكوجي رِجل .

برضه معرفناش قصة كفاح حضرتك من أول ما كنت صبي مكوجي و كده يعني

و يا ترى ما حاولتش تطور من نفسك

و تستخدم المكواة بالبخار مثلا؟؟

انا بقى حكايتي حكاية

يا ريت تجيبوا كوباية شاي معتبرة تشربوها و انتوا بتقروا وظيفتي

يللا نبتدي

من حوالي 14 سنة كده حصلت على بكالوريوس محاسبة من جامعة عين شمس الغالية

و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية

طبعا اتظلمت و خدت التقدير الشعبي المعتبر

مع اني جبت جيد في تالتة

و طبعا اللي من دفعتي و قبلي عارفين يعني ايه جيد في تجارة عين شمس

مش حضرتك اللي كاتبه الكلام اللي فوق ده ؟

طب تخيلي احنا نفسه الدفعة في تجارة عين شمس

حتى بالامارة المرحوم الدكتور حسن غلاب هو اللي طبق علينا النظام ده .... ولما الطلبة الخايبين اللي كانوا ماشيين بالزق 3 سنين وييجوا في سنة رابعه يقفوا على راسهم وياخدوا دروس وحركات عشان يجيبوا تقدير ... فوجئوا بالقرار قاموا سألوه في احدى محاضراته واحنا في تالته وقالوا له ازاي نظام يتطبق في اي مكان في العالم بأثر رجعي ؟

رد عليهم وقال لهم : انتو ولادنا ومش هانظلم حد وهاتشوفوا النتيجة في البكالوريوس

طلعت النتيجة وتشوفي البهدلة بقى .. بعيد عنك

المهم ... كان معايا عيال من المكريحين بتوع مقبول واخوانه ( انا 4 سنين جيد ما قلتش اي .. وكنت عايز كده وشاكر وراضي )

والله يا مصرية يا أختي ... روحت معاهم لمكتب الباشا وقلت لهم هاستناكم بره عشان عندي ظروف - اصلي عارف اللي هايحصل - الاخوة المقبولين دخلوا لحسن باشا غلاب ... ما فيش دقايق لقيتهم مرميين بره المكتب تتبعهم اللعنات وانا واقف بأضحك .

بالمناسبة برضوا .. خلصت تجارة وروحت اقدم في ألسن ... بس لقيت العملية هاتخسر معايا وفي حضور ومشقة ... وانا كنت بأدور على عدلي وعايز اكون نفسي واتجوز واتلم ... فما قدمتش واكتفيت بالدراسات الحرة للغات حتى الان .