الاخوة اعضاء المنتدى الكرام .. انت وظيفتك ايه .. ؟

[sherifhfm]

انا باكالوريوس تجارة دفعة 98

وبشتغل فى مجال الكمبيوتر من قبل التخرج تخصصت فى البرمجة

طبعا عندى فكرة كويسه عن حاجات كتير فى الكمبيوتر بس تخصصى وشغلى الاساسى فى البرمجة

كنت بشتغل فى مصر وبعدين سافرت الكويت بقالى فى الكويت 3 سنوات وحاليا بشتغل analyst ويمكن عن قريب اترقى لمدير تطوير

املى فى الحياه حاليا انى اهاجر كندا او استراليا طمعاً فى مستقبل افضل لاولادى

وكله على الله

[عبير يونس]

تحية عطرة لكل المشاركين في الموضوع الظريف ده اللي افتكرت المشاركات فيه هاتبقى عبارة عن كلمتين ورد غطاهم

يعني الاقي مثلاً واحد داخل يقول : محسوبكم عبد السميع حندوسة .... بأشتغل كهربائي سيليسيون .. وكده يعني

------------

لكن بجد بعد ما قرأت قصص الكفاح المشرفة دي اللي يفخر بها اي مصري

اقدر اكلمكم عن نفسي وأقول

س س ... مكوجي رِجل .

برضه معرفناش قصة كفاح حضرتك من أول ما كنت صبي مكوجي و كده يعني

و يا ترى ما حاولتش تطور من نفسك

و تستخدم المكواة بالبخار مثلا؟؟

انا بقى حكايتي حكاية

يا ريت تجيبوا كوباية شاي معتبرة تشربوها و انتوا بتقروا وظيفتي

يللا نبتدي

من حوالي 14 سنة كده حصلت على بكالوريوس محاسبة من جامعة عين شمس الغالية

و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية

طبعا اتظلمت و خدت التقدير الشعبي المعتبر

مع اني جبت جيد في تالتة

و طبعا اللي من دفعتي و قبلي عارفين يعني ايه جيد في تجارة عين شمس

مش حضرتك اللي كاتبه الكلام اللي فوق ده ؟

طب تخيلي احنا نفسه الدفعة في تجارة عين شمس

حتى بالامارة المرحوم الدكتور حسن غلاب هو اللي طبق علينا النظام ده .... ولما الطلبة الخايبين اللي كانوا ماشيين بالزق 3 سنين وييجوا في سنة رابعه يقفوا على راسهم وياخدوا دروس وحركات عشان يجيبوا تقدير ... فوجئوا بالقرار قاموا سألوه في احدى محاضراته واحنا في تالته وقالوا له ازاي نظام يتطبق في اي مكان في العالم بأثر رجعي ؟

رد عليهم وقال لهم : انتو ولادنا ومش هانظلم حد وهاتشوفوا النتيجة في البكالوريوس

طلعت النتيجة وتشوفي البهدلة بقى .. بعيد عنك

المهم ... كان معايا عيال من المكريحين بتوع مقبول واخوانه ( انا 4 سنين جيد ما قلتش اي .. وكنت عايز كده وشاكر وراضي )

والله يا مصرية يا أختي ... روحت معاهم لمكتب الباشا وقلت لهم هاستناكم بره عشان عندي ظروف - اصلي عارف اللي هايحصل - الاخوة المقبولين دخلوا لحسن باشا غلاب ... ما فيش دقايق لقيتهم مرميين بره المكتب تتبعهم اللعنات وانا واقف بأضحك .

بالمناسبة برضوا .. خلصت تجارة وروحت اقدم في ألسن ... بس لقيت العملية هاتخسر معايا وفي حضور ومشقة ... وانا كنت بأدور على عدلي وعايز اكون نفسي واتجوز واتلم ... فما قدمتش واكتفيت بالدراسات الحرة للغات حتى الان .

يا ميت مرحبا يا فندم

و ما شاء الله طلعنا دفعة واحدة كمان

ده ايه الهنا ده

أهلا بزميل الكفاح

ده انا كمان ما قلتش اني طلعت بمادة في دور نوفمبر في رابعة و هي محاسبة التكاليف

و الله ما أنا فاكرة اسم الدكتور اللي كان بيدرسها

تصور ان الأمور التبست عليا

هو احنا خدنا محاسبة التكاليف في شركات البترول في تالتة مش كده و كان بيدرسها دكتور أحمد الخطيب و الا في رابعة وكان مشترك مع دكتور تاني؟؟

امال مين اللي كان بيدرسها في رابعة و كان التيرم الأول بيدرسنا منحنى التعلم؟؟؟

هو كان اسمه على بالي بس مش فاكراه

انا كنت بأحب محاسبة التكاليف جدا

بس كنت تعبانة في امتحان التيرم الأول و خرفت في الورقة و طبعا درجة التيرم التاني مع الاحباط ما شالتنيش فطلعت بالمادة دور نوفمبر

و لما ذاكرتها قبل الامتحان

قفلت الورقة 20 من 20 بس طبعا التقدير اتحجب عشان مادة إعادة

و الله أنا كنت أنفع

بس استسلمت للإحباط

و ياما زمايلي اتحايلوا عليا آخد معاهم دبلومة تسويق و ما رضيتش

يلا الخيرة فيما اختاره الله

مش عارفة ليه حاسة اني أعرف حضرتك شخصيا

حضرتك كنت تعرف واحد اسمه ابراهيم فليفل ؟؟

[se_ Elsyed]

ايه ده ده الموضوع هايقلب شات

ده انا كمان ما قلتش اني طلعت بمادة في دور نوفمبر في رابعة و هي محاسبة التكاليف

و الله ما أنا فاكرة اسم الدكتور اللي كان بيدرسها

حضرتك لو سألتيني كلت ايه امبارح .. مش هافتكر ؟

انا فاكر بس اشهر الدكاترة

لكن تخيلي معظمهم نسيت كانوا بيدرسوا لنا ايه

علي لطفي ... خير اللهم اجعله خير اعتقد ماليه عامة

هشام حسبو ( حزب وطني ) محاسبة .. بش مش فاكر محاسبة ايه

يُمن الحماقي ( عضو مجلس الشورى الان وصقر من صقور الحزن الوطني ) مش فاكر كانت بتبيع ايه

كمال ابو الخير ( مباديء ادارة في اولى )

عباس حجازي .. محاسبة اولى

حسن غلاب .. مش عارف درس لي ايه في تالته

رضا العدل

يا نهار مش فايت ... ده انا هييست ومش فاكر حاجه تاني .... انا اتعميت يا سعاد ... انا جالي حالة فقدان ذكريات يا رجاله

حضرتك كنت تعرف واحد اسمه ابراهيم فليفل ؟؟

يعني الدُفعة كانت 6 الاف نفر تقريباً ...

اشمعنى فليفل هو اللي هاعرفه ؟

الا لو كان مشهور بقى وبيدرب فريق الشرقية للدخان يعني

تشرفنا يا فندم

على فكرة انا محاسب غير عامل .. يعني ماشتغلتش محاسبة ولا مسكت دفتر استاذ ولا ابله حتى

طب استني ... كنتي بتضربي ساندوتشات كبده في انهي كافيتريا ؟

لو جاوبتي صح ... يبقى فعلاً انتي من نفس الدفعة بتاعت كبده الحيوانات اللي لسه مقتوله وكانت لذيذة وسر من اسرار تفوقنا

[عبير يونس]

ايه ده ده الموضوع هايقلب شات

ده انا كمان ما قلتش اني طلعت بمادة في دور نوفمبر في رابعة و هي محاسبة التكاليف

و الله ما أنا فاكرة اسم الدكتور اللي كان بيدرسها

حضرتك لو سألتيني كلت ايه امبارح .. مش هافتكر ؟

انا فاكر بس اشهر الدكاترة

لكن تخيلي معظمهم نسيت كانوا بيدرسوا لنا ايه

علي لطفي ... خير اللهم اجعله خير اعتقد ماليه عامة

هشام حسبو ( حزب وطني ) محاسبة .. بش مش فاكر محاسبة ايه

يُمن الحماقي ( عضو مجلس الشورى الان وصقر من صقور الحزن الوطني ) مش فاكر كانت بتبيع ايه

كمال ابو الخير ( مباديء ادارة في اولى )

عباس حجازي .. محاسبة اولى

حسن غلاب .. مش عارف درس لي ايه في تالته

رضا العدل

يا نهار مش فايت ... ده انا هييست ومش فاكر حاجه تاني .... انا اتعميت يا سعاد ... انا جالي حالة فقدان ذكريات يا رجاله

طب كويس انا مش انا لوحدي اللي فاقدة الذاكرة

حضرتك كنت تعرف واحد اسمه ابراهيم فليفل ؟؟

يعني الدُفعة كانت 6 الاف نفر تقريباً ...

اشمعنى فليفل هو اللي هاعرفه ؟

الا لو كان مشهور بقى وبيدرب فريق الشرقية للدخان يعني

لأ يافندم انا بس اشتبهت ان حضرتك من جروب معين من الجروبز اللي كنت اعرفها

لأن كلام حضرتك لايق تمام على شخصية معينة كان بيعرف المدعو فليفل ده عشان كده سألت

و طبعا أنا فاكرة الاسم لأنه مميز

لكن صعب افتكر ألقاب الا قليل جدا

طب استنى استنى اوعى تطلع وليد رأفت صاحب تامر بندق

كلام حضرتك برضه لايق عليه جدا

و لو سمحت ما تتريقش على الاسم لأن تامر ده من الناس المحترمة جدا جدا

و عموما أنا لما أكون بأسأل عن حد يمكن أعرفه شخصيا ده ما يخليش الموضوع ينقلب شات

حقيقي صدق اللي سماك سي السيد

تشرفنا يا فندم

على فكرة انا محاسب غير عامل .. يعني ماشتغلتش محاسبة ولا مسكت دفتر استاذ ولا ابله حتى

طب استني ... كنتي بتضربي ساندوتشات كبده في انهي كافيتريا ؟

لو جاوبتي صح ... يبقى فعلاً انتي من نفس الدفعة بتاعت كبده الحيوانات اللي لسه مقتوله وكانت لذيذة وسر من اسرار تفوقنا

انا كبيري كان شيبسي و كرواسان في كافيتريا ألسن

و طبعا برضه في كافيتيريا تجارة

عارفاها سندوتشات الكبدة دي بس من بعيد لبعيد لأني ما بأثقش في اللحوم اللي برة البيت

و دلوقتي عرفت السر في اني متفوقتش زي سعادتك

[mandoo]

لكن بجد بعد ما قرأت قصص الكفاح المشرفة دي اللي يفخر بها اي مصري

اقدر اكلمكم عن نفسي وأقول

س س ... مكوجي رِجل .

يا س س كان فيه واحد برده مكوجى رجل كلنا نعرفه ربنا فتحها عليه وبقى مطرب وإنت لسه ماسك المكوى برجليك ،، ياعم روح إعملك شريط ولا إتنين وعيش حياتك

بس بالله عليك أول نسخة من الشريط تبقى تبعتهالى

[Princesse]

و مستنية ايه ؟؟؟

ايه العوائق ان حضرتك تهاجري ؟؟؟

و يا ترى لو الواحد اشتغل في حاجة تبع كندا في البلد اللي هوة فيها بيعتبروا

دي خبرة كندية؟

يعني مدرسة كندية مثلا او معهد لغات بفرانشايز من معهد في كندا؟؟؟

تحياتي

العزيزة مصرية مغتربة

العائق عندي هو : بابا و ماما و اخويا رافضين فكرة الهجرة تماما..و بالتالي فكرة اني اهاجر لوحدي دي مرفوضة..انا كمان مقدرش اعيش كدة لوحدي.

بالنسبة لسؤال حضرتك الثاني: لو حضرتك كنتي بتشتغلي في حاجة تبع كندا يبقى لازم تسألي الأدارة انهم يدوكي جواب انك كنتي شغالة عندهم..او اي حاجة تثبت انك اشتغلي عندهم..دا هيخلي فرصتك كبيرة اوي في العمل في نفس الشركة في كندا..

اعرف ناس عندنا في الشغل اقدروا يسافروا كندا..و اول ما راحوا هناك اشتغلوا في الشركة الام في كندا.

هو حضرتك ساكنة في كيبيك؟ اظن ان المصريين هناك عددهم مش كبير، الاغلبية هناك مغربة او من لبنان صح؟

و ياترى حضرتك بدأتى تتعودي على الحياة هناك؟ و اهم شئ بتعملي ايه لما بتشتاقي للأهل و الاصدقاء في مصر؟

اتمنى لكي التوفيق و السعادة و ربنا يحفظ اسرتك

[doudy]

ازيكم وحشتونى انا بقالى حوالى اكتر من اسبوعين بدخل زائرة

ابص بصة و اخرج عشان مشغولة مع ولادى فى المذاكرة و امتحانهم

بكرة باذن الله ادعولنا

بس بصراحة الموضوع لذيذ قوى و عجبنى فقلت لازم ادخل و اكتب فيه

انا و اعوذ بالله من كلمة انا

خريجة مدارس فرنسيه و بعد كدة

بكالوريوس تجارة شعبة محاسبة جامعة اسكندرية تقدير عام جيد دفعة 97

و بعدين ما اشتغلتش بالمحاسبة نهائى على فكرة اشتغلت مدرسة ماس

فى مدارس لغات فى اسكندرية و برة كمان

و بعدين اخدت فى الاكاديمية العربية كورس Maths Teacher Training

و كمان اخدت الICDL

و كل خبرتى فى التدريس

يا رب ما اكونش طولت عليكم

تم تعديل 29 مايو 2009 بواسطة doudy

[abdulmuttaleb]

الوظيفة الحالية: سكرتيرة تنفيذية في احدي فنادق القاهرة

الوظيفة السابفة: Technical supprot for a canadian compagny at Quebec

المؤهل الاصلي : ليسانس ادآب قسم لغة فرنسية جامعة القاهرة

اختي الفاضلة برنسيس

لا أقصد التطفل و لكن

بما أن حضرتك كنت في كيبيك ممكن تفيدنا في موضوع كيبك و تقولي لنا تجربتك هناك ؟؟

http://www.egyptiantalks.org/invb/index.php?showtopic=74687

و لك كل الشكر

الاخت العزيزة مصرية مغتربة

اسمحي لي ارد علي حضرتك هنا و احكي لك الحكاية من الاول.. بس جهزي كباية الشاي. .

انا عمري ما خرجت برة مصر

كنت في الجامعة الحمدلله من الاوائل..بعد ما اتخرجت مكنتش لاقية شغل..مفيش اي حد من معارف والدي ساعدني اني اشتغل بالرغم من اني خريجة مدارس فرنساوي و كنت خريجة ادآب فرنساوي فبطريقة نظرية المفروض يكون مستقبلي كويس...قررت اني اضيع وقت و التحقت بالدراسات العليا علشان ادرس الترجمة..طبعا الدراسة في الجامعة مجانا بس الكتب و القواميس الفرنساوي اسعرها عالية جدااااااا.

بدأت ادور علي شغل في الجرايد..وفعلا وجدت شغل في بازار باردي في شارع الهرم..اشتغلت هناك و اتعاملت مع كل الجنسيات حتى اني بدأت اكلم ايطالي و اسباني بالاضافة الي فرنساوي..كان الفرنسيين بيفتكروني اتعلمت في باريس..

بس الشغل و المواعيد مكنتش مناسبة مع دراستي و الدكاترة مش بيسمحوا بأي غياب..سبت الشغل و اشتغلت مدرسة فرنساوي في معهد لغات..مكنتش مصدقة نفسي اني بدرس لدكاترة و مهندسيين و انا يدوبك عندي 22 سنة...المرتب كان 140 جنيه في الشهر .. وتاني سبت الشغل علشان الدخل مش كفاية.

واخيرا نجحت في السنة الاولي من الدبلومة و فاضل سنة تانية..

وبعدين جاءت اكبر مرحلة في حياتي (من الجرايد برضه) ..اشتغلت في كول سنتر في القرية الذكية..كنا بنقدمت خدمات للعملاء في فرنسا و بلجيكا و سويسرا..

الحمدلله الشغل كان كويس و التعامل مع الاجانب حاجة بجد محترمة..

لحد ما في يوم اتفتح PROJECT جديد يتبع شركة اتصالات كبيرة في كيبيك..الشغل كله بيعتمد على حاجات TECHNICAL & NETWORK و انا خريجة ادآب معرفش اي حاجة في هندسة الكمبيوتر.. بس الجماعة الكنديين دول قالوا لينا مش مهم احنا هنعلمكم كل حاجة و هنخليكوا مهندسين.. وفعلا و لمدة 3 شهور متواصلة من المحاضرات و الامتحانات و التدريب..طبعا مش محتاجة اوصف لحضرتك الكنديين دول قد ايه عندهم دقة و التزام في شغلهم، مفيش لعب و لا دلع..و الامتحانات صعبة..الحمدلله كل المجموعة بتعتنا نجحت و بدأنا شغل ... و الشغل كمان كان صعب

الشغل عبارة ان عميل في كندا "زي حضرتك كدة" عنده مشكلة مع الانترنت او التليفون او التليفزيون بيتصل بخدمة العملاء و احنا هنا في مصر بنرد عليه..و نقدم ليه الخدمة و المكالمة دي ببلاش.. :lol:

كنت ببقي فخورة اوي اني لما اقول اني مصرية

. :yahoo: . و يا سلام لو كلمني واحد مصري.. او عربي..نفضل نكلم بالعربي .. و كل مكالمة ليها حكاية تكتب في كتاب الكنديين شعب لذيذ جداا و طيب بطريقة هبلة زي الفلاحيين كدة عندنا في القرى المصرية..بجد حبيت البلد من غير ما اشوفها..وحبيت زمايلي في كندا لانهم ساعدونا كتير...

تخيلي حضرتك اني كنت بحس اول ما ابتدي شغل و البس السماعة اني سافرت و عايشة هناك.. عرفت اسماء الشوارع و درجة حرارة الجو phn: ..و طبيعة الحياة هناك

بختصار شعب جميل..و نفسي اهاجر هناك بس لسة مفيش نصيب..المهم اني ضامنة اني هلاقي شغل لو رحت هناك.. :phar:

دي كل الحكاية و يا رب تكون حكايتي فيها رد على حضرتك و فايدة للأخرين

ربما كادت دموعي أن تقفز من عيني وأنا أقرأ تعليق حضرتك يا أ.Princesse عن الفخر بالانتماء لمصر، رغم أن حضرتك كنت من الأوائل في الجامعة ووجدت صعوبة في العثور على عمل لدرجة اضطرت حضرتك لتسجيل الدراسات العليا كبديل للبحث عن فرصة أفضل، ورغم كل ذلك يظل الحب لمصر والفخر بالانتماء لها موجودا ومتمكنا.

تحياتي وخالص احترامي، ويا ليت الشباب والخريجين ينتبهوا للنقطة دي حتى لو وجدوا صعوبات في بداية الطريق.

تم تعديل 29 مايو 2009 بواسطة abdulmuttaleb

[se_ Elsyed]

اوعى تطلع وليد رأفت صاحب تامر بندق

ههههههه

تعرفي حد طيب اسمه حندوسه ؟

يعني ده منظر بندق برضوا ؟

لأ .... لا بندق ولا عين جمل ولا اي نوع من المكسرات

انا كبيري كان شيبسي و كرواسان في كافيتريا ألسن

عشان كده شيلتي مادة

كنا احنا يا فاقدين بتوع تجارة لما نعوز نحس اننا فرافير او نتفرح على مخلوقات حلوه غيرنا كنا نروح كافيتريا كلية الالسن ...

اما بقى لما كنا نعوز نحس ان هناك مخلوقات شريرة تشاطرنا نفس الشروريات .. كنا نعدي الشارع ونروح كافيترية أداب .. ومش هاكمل عشان في حاجات بتتسرق ومراتي ممكن تسيب كل المواضيع وتقرا الموضوع ده بالذات .. وما شفوهمش وهما بيضربوا كبده .. شافوهم وهما بيتحاسبوا بعد 37 سنة

عارفاها سندوتشات الكبدة دي بس من بعيد لبعيد لأني ما بأثقش في اللحوم اللي برة البيت

شوفتي

بعد العمر ده كله .. طلعتي فاهمه الدنيا غلط

ما هي دي مش لحوم عشان ما تثقيش فيها

دي كائنات مجهولة المنشأ بنضربها - مش ناكلها - من غير ما نسأل ..

عارفه الاغنية بتاعت نجات الصغننه ؟

حبيتك يا حبيبي من غير ما اسال سؤال

اهي الكبده دي كده .. لإن كتر الاسئلة كان ممكن يبوظ العلاقة الكبداوية اللي بيننا لمدة 4 سنوات واللي مدبلر كانت الفترة بتطول

---------------

يا س س كان فيه واحد برده مكوجى رجل كلنا نعرفه ربنا فتحها عليه وبقى مطرب وإنت لسه ماسك المكوى برجليك ،، ياعم روح إعملك شريط ولا إتنين وعيش حياتك

بس بالله عليك أول نسخة من الشريط تبقى تبعتهالى

عارفه

مطرب الجيل " شعبولا "

المهم عملتوا اي في اجتماع الرياض النهاردة ؟

على فكره انا كنت حاضر معاكو وشايفكو ومسجل كل خلجاتكم وسكناتكم ؟ بش متخفي في صورة الجرسون الفلبيني

هههههههه

--------

مدام دودي طلعت خريجة كلية الشعب هي كمان ؟

طب تسمحوا لي نُدشن نقابه - زي نقابة الشيالين كده - ونسميها " نقاية الشطارة ...... لخريجيين التجارة "

يعني التجاريين ييجوا عاليمين ... وغيرهم اللي ما جابوش مجموع ييجيوا الناحية التانية عكس الاتجاه

ومبدئياً هانعمل اشتراك رمزي

1000 يورو في السنة

هالمهم انا طبعاً

لكن هاقدم لكم خدمات حقيقية

شاليهات في مارينا

شقق في منشية ناصر

عربيات 124 بالقسط من مصنع النصر اللي هايتباع

وجوايز اخرى كثيرة من بم بم

[yasser6666]

اولا اسف علي التأخير في الرد

الأخت الكريمة (مصرية متغربة) اكيد طبعا لا أقصد حضرتك بكلمة الفهلوة فواضح ان حضرتك ماشاء الله خبرة في اللغات والترجمة وربما افضل من ملايين المسافرين لدول اجنبية ويتعاملون باللغة يوميا ولكن تقريبا مستواهم اللغوي لايرتفع بالرغم ان امامهم فرصة جيدة لتقوية لغتهم عن طريق المشاركة في الحياة اليومية والراديو التليفزيون والناس حواليهم في المعاملات اليومية ولكن المسألة فعلا هي حب تعلم اللغة...

وانا شايف ان حضرتك فعلا بتحبي تعلم اللغات وخبرتك فيها فاقت الخريجيين الأكاديميين بمراحل

ولكن انا بتكلم عن الحصول علي وظيفة لشخص بهذه القدرات ربما تقابله بعض العوائق

عادة صاحب أي عمل أول مايهتم بيهتم بالمؤهل الدراسي وبعده تأتي الخبرة وسابقة الأعمال

وفيه مقولة اعتقد انها صحيحة وحقيقية جدا ويمكن تطبيقها علي مجال الأعمال والتوظيف وهي

(Interest comes first)

طالما فيه اهتمام وجدية للمعرفة اكيد حيكون فيه مقابل وتألق بصرف النظر عن الدراسة الأكاديمية والتخرج من أي مكان

ربنا يوفقك ويزيدك

.

بالنسبة للأخ (مصطفي عبد المطلب) طبعا بتفق معاه 100% ان لازم نحب المهنة علشان نكون متميزين وبرضه لازم الدراسة معاها

يعني حبي للتطبيب وشفاء الناس لايجعلني اروح افتح عيادة واستقبل الناس واكتب لهم روشتات

اما بالنسبة لموضوع الشيفات وانهم وظائف درجة اقل فهذا غير صحيح بالمرة وخاصة في مجال البزنس

صحيح ممكن أي حد يقف امام البوتاجاز ويحاول يطبخ وفعلا ممكن ياكل من صنع ايديه ويقول الله

لكن لو اتكلمنا عن البزنس ده شئ مختلف تماما ولازم فعلا الشيف يكون عنده دراية وعلم وحب لعلمه وحسن ادارة لمن حوله لانه مسئول عن بزنس يدير دخلا لنفسه ولمن حوله ويعتمد بالكلية علي السمعة وجودة المعروض...فاكيد هي وظيفة صعبة جدا ومسئولية كبيرة

وعلي فكرة انا في بداية حياتي (اثناء الدراسة بالخارج) اشتغلت في مطابخ كتير ولكن مش شيف طبعا وعرفت اد ايه الوظيفة دي محتاجة هدوء اعصاب ودقة عالية مع السرعة في ان واحد

ربنا يعينك ويوفقك

[doudy]

مدام دودي طلعت خريجة كلية الشعب هي كمان ؟

طب تسمحوا لي نُدشن نقابه - زي نقابة الشيالين كده - ونسميها " نقاية الشطارة ...... لخريجيين التجارة "

يعني التجاريين ييجوا عاليمين ... وغيرهم اللي ما جابوش مجموع ييجيوا الناحية التانية عكس الاتجاه

ومبدئياً هانعمل اشتراك رمزي

1000 يورو في السنة

هالمهم انا طبعاً

لكن هاقدم لكم خدمات حقيقية

شاليهات في مارينا

شقق في منشية ناصر

عربيات 124 بالقسط من مصنع النصر اللي هايتباع

وجوايز اخرى كثيرة من بم بم

مالها كلية الشعب يا س س

اوعى تكون بتتريا احسن ازعل

و اشمعنى شبهت النفابة بنقابة الشيالين

على فكرة انا مش هشترك فى النقابة اللى هتعملها

عشان انا عضوة فى نقابة تانية

[عبير يونس]

العزيزة مصرية مغتربة

العائق عندي هو : بابا و ماما و اخويا رافضين فكرة الهجرة تماما..و بالتالي فكرة اني اهاجر لوحدي دي مرفوضة..انا كمان مقدرش اعيش كدة لوحدي.

ايوة طبعا

كده تمام

مادام لسه مودموازيل يبقى ما ينفعش

ان شاء الله ربنا يرزقك بواحد كيبكاوي يحل المشكلة

او واحد ان ذا بروسيس

او واحد كونسيدرينج كندا

او أي واحد يسعدك و يهنيكي و السلام بالنسبة لسؤال حضرتك الثاني: لو حضرتك كنتي بتشتغلي في حاجة تبع كندا يبقى لازم تسألي الأدارة انهم يدوكي جواب انك كنتي شغالة عندهم..او اي حاجة تثبت انك اشتغلي عندهم..دا هيخلي فرصتك كبيرة اوي في العمل في نفس الشركة في كندا..

اعرف ناس عندنا في الشغل اقدروا يسافروا كندا..و اول ما راحوا هناك اشتغلوا في الشركة الام في كندا.

كده حلو اوي

هو حضرتك ساكنة في كيبيك؟ اظن ان المصريين هناك عددهم مش كبير، الاغلبية هناك مغربة او من لبنان صح؟

و ياترى حضرتك بدأتى تتعودي على الحياة هناك؟ و اهم شئ بتعملي ايه لما بتشتاقي للأهل و الاصدقاء في مصر؟

اتمنى لكي التوفيق و السعادة و ربنا يحفظ اسرتك

هاعتبر ده فال و يكون ان شاء الله

يسمع من بقك ربنا يا برينسيس

لسه يا جميل

ما حصلش نصيب

و شكرا ع الدعوات الحلوة اللي زي السكر زيك يا قمر

لو عايزة تستمتعي بجد ادخلي على موضوع مدام دعاء

تحياتي من كيبيك سيتي و عيشي حياتك

http://www.egyptiantalks.org/invb/?showtop...4687&st=435

[عبير يونس]

اوعى تطلع وليد رأفت صاحب تامر بندق

ههههههه

تعرفي حد طيب اسمه حندوسه ؟

يعني ده منظر بندق برضوا ؟

لأ .... لا بندق ولا عين جمل ولا اي نوع من المكسرات

عرفتك و اوعى تنكر

انت أحمد حندوسة

و دلوقتي الكل عرفك يا حندوسة

و قال عامل لي موضوع عن اسم حندوسة قال

قال يعني بيبعد الشبهة عن نفسه

انا كبيري كان شيبسي و كرواسان في كافيتريا ألسن

عشان كده شيلتي مادة

كنا احنا يا فاقدين بتوع تجارة لما نعوز نحس اننا فرافير او نتفرح على مخلوقات حلوه غيرنا كنا نروح كافيتريا كلية الالسن ...

اما بقى لما كنا نعوز نحس ان هناك مخلوقات شريرة تشاطرنا نفس الشروريات .. كنا نعدي الشارع ونروح كافيترية أداب .. ومش هاكمل عشان في حاجات بتتسرق ومراتي ممكن تسيب كل المواضيع وتقرا الموضوع ده بالذات .. وما شفوهمش وهما بيضربوا كبده .. شافوهم وهما بيتحاسبوا بعد 37 سنة

يعني خايف ان مراتك تقرا الموضوع ليه بقى؟

و بعدين قصدك يعني انها تعرف .. احم أحم

و الا بلاش

انا برضه عندي اخوات صبيان

عارفاها سندوتشات الكبدة دي بس من بعيد لبعيد لأني ما بأثقش في اللحوم اللي برة البيت

شوفتي

بعد العمر ده كله .. طلعتي فاهمه الدنيا غلط

ما هي دي مش لحوم عشان ما تثقيش فيها

دي كائنات مجهولة المنشأ بنضربها - مش ناكلها - من غير ما نسأل ..

عارفه الاغنية بتاعت نجات الصغننه ؟

حبيتك يا حبيبي من غير ما اسال سؤال

---------------

حتى أغنيتك المفضلة لايقة على طبع سي السيد

عايزها تحبه من غير ما تسأل سؤال

ما هم بيقولوا في علم النفس الانسان السادي ( اللي عنده حب تعذيب الآخرين) بيكون مر بالماسوكية ( اللي هي حب تعذيب الذات)

و عشان كده يا جماعة س س تحول إلى السادية لإنه كان عنده حب تعذيب الذات بسندوتشات الكبده اياها

و بكده تنتهي حلقتنا

تحب تسمع ايه يا س س ؟؟

[عنبو]

تحية خاصة لمسيرة مصرية متغربة ومحمد العنبي وبندق أفندي

حق لأولادكم أن يفخروا بكم

الف شكر يابشمهندس على المجامله دى

حفظكم الـله لأسركم ومحبيكم

وختم لنا ولكم بحسن الختام على العمل الصالح والذرية الصالحة والرزق الواسع.

وحفظ جميع المسلمين اللهم امين

[se_ Elsyed]

يا دودي هانم .. بأقول لحضرتك أنا عضو مؤسس لنقابة التجاريين .. مانا خريج تجارة زيكم .. يبقى أتريق على نفسي يعني ؟

أما أنتي يا مصرية مغتربة ... فمش هاكلمك ... عشان كفاية عليكي إنك كنتي محرومه من نعمة الكبدة ...

وسمعيني أغنية ..

الكبدة دي قامت تعجن من الفجرية ...

[elfakhrany]

لا احنا متفقناش على كدة يا جماعة .. مدام كل واحد بياخد راحته فى الكلام انا كمان هالبس جلابية واسعة فضفاضة عشان اعرف افضفض شوية...

أول شغل بدأت اشتغله ده كان فى اجازة 2 ثانوى وده كان عن صديق والدى فى معرض اكسسوارات سيارات وبجد اتعلمت فيه كتير وكنت كثير الأسئلة عن كل قطعة دى بتركب فين ولازمتها ايه ;) و عملت علاقات مع كتير من الفنيين اللى ظبطونى بعد كده لما اتعلمت السواقة وبدأت اللف على الورش لتصليح السيارة من الحوادث والأعطال وخلافه :wub:

بعد كده بدأت فى اجازة 3 ثانوى فى الدخول على شبكة الانترنت وفاكر موقف لحد دلوقتى لما قلت لواحد صاحبى عايز أتعلم النت قالى تعالى وملكش دعوة ورحنا نت كافيه واستأجرت ساعة كانت وقتها ب 6 جنيه وقعدت جمبه اتفرج ساعتها صاحبى فتح موقع ياهو وأنا طبعا انبهرت وقلتله بعدين قالى ولا قبلين هو ده الانترنت :lol: قلتله طيب يعنى ايه ايميل وازاى اعمل واحد قالى معرفش قلتله طب وسع كده ياعم سيبنى بقى الطارة عشان أسوق شوية ( قصدى يعنى الماوس والكيبورد عشان اتعامل ) و دخلت وعملت ايميل لوحدى وكنت فى غاية السعادة وبعدها الوقت خلص المهم لاقيت شغلانة فى نت كافيه امسك شفت اللى هو 8 ساعات ب 150 جنيه فرحت جدا مش عشان ال 150 لا عشان انى هقعد على النت واتعلم المهم فعلا بدأت اتعلم وكان ساعتها الاى سى كيو طفرة فى عالم الانترنت.

بعدها دخلت الكلية وسبت طبعا الشغل قبل الامتحانات ورجعت تانى فى اجازة سنة أولى برضه ب 150 جنيه

بعد كده اجازة سنة تانية قلت مش هينفع الكلام ده رحت اشتغلت فى شركة كمبيوتر أساعد مهندس صيانة وكان مرتبى برضه 150 جنيه وكان يفضل يقولى أنقل الألعاب دى هنا واعمل كذا شوية بشوية اتعلمت وبدأت أعرف أعطال الهارد وير ولأنى كثير الأسئله اتعلمت كتيرررر المهم جيت فى اجازة سنة تالتة قلت اشتغل لوحدى المهم ظبطت مع كذا نت كافيه أمسك صيانة الاجهزة ليهم سوفت وير وهارد وير مقابل 200 جنيه فى الشهر وبدأت بسايبر واحد ثم اثنان ثم ثلاثة وبقى دخلى 600 جنيه وفضلت على كده سنة لحد ماخلصت الكلية وطبعا بما انى مبحبش المحاسبة تخصصت ادارة أعمال اللى ملهاش أصلا شغل فى الاقاليم

قلت لازم نكتشف شىء جديد وطبعا ساعتها كان فى طفرة فى مجال المحمول دخلت وبدأت اتعلم برمجة سوفت وير للتليفون المحمول وطبعا مرتبى كان 200 جنيه

بس طورت نفسى ودخلت المنتديات الاجنبية واتعلمت وكان أصحاب محلات الصيانة يفرحو بأى فيروس جديد وخصوصا اللى بينتقل عن طريق البلوتوث ;) فات حوالى 4 شهور وصل مرتبى الى 350 جنيه طبعا فى وقتها قدمت ورقى للجيش ولاقيت نفسى داخل الجيش مع ان ثلاثة أرباع الدفعة خدت تأجيل :lol:

خلصت الجيش طبعا كان فات 14 شهر لقيت فيه تغييرات كتير حصلت فى مجال المحمول وعليه بدأت من جديد احاول أعوض اللى فاتنى وبعد 3 شهور كنت ملم بكل ماهو جديد وكنت قادر على التحديث بشكل مستمر ومرتبى بدأ بعد الجيش من 400 الى أن وصل تدريجيا الى 800 جنيه بعد سنتين .

بدأنا فى 2008 طبعا لأن طموحاتى كانت أكبر وكان مرتبى يتبقى منه القليل بعد فاتورة التليفون و الأكل الدلفرى لأنى كنت بشتغل اكتر من 12 ساعة يوميا قلت لازم يبقى فيه رديكال اتشنج B) طبعا كنت حوشت 400 على 300 الى أن وصلت الى 10 الاف جنيه بعد سنتين من الشغل والنفاذ قلت أنا عندى الخبرة الكافية لانى أفتح محل خاص بى واقترض من والدى 10 الاف كمان على أن أسددهم مرة أخرى من أرباح المشروع ووافق والدى وبدأت بتحديد المكان المناسب لأن كان ناس كتير فتحو محلات حتى من غير مايكون عندهم الخبرة ووجدت المحل فى شارع تجارى وصعقت عندما عرفت الايجار 8000 جنيه ( غالى أوى ) وبدأت عمل دراسة جدوى وحساب الايجارات وتكاليف الانشاء والتجهيزات وبعدها حسبت الأرباح المتوقعة لأنى كنت على دراية بالمجال ووجدت ان بعد كل هذه المسئولية صافى الربح سيكون 2000 جنية قلت مش مشكلة نتوكل على بركة الله وعندما ذهبت الى صاحب المحل قالى ان العقد سيكون سنوى مع ان عقود الايجار المتعارف عليها 3 سنوات او 5 سنوات

قلت مش هينفع كده خصوصا ان فيه مجانيات كتيرة فى المجال ( ظباط المصنفات - ظباط الحى - المجلس المحلى ) :lol: ولو اعترضت هيكون مصيرك أى بلاغ عن تليفون مسروق وتروح القسم وسين وجيم وتسلم التليفون المطلوب مع انك برىء بس هو ده الواقع

غيرت رأيى وقلت أبحث عن فرصة سفر وطبعا بما أن العروض فى مصر كانت ضعيفة 1200 ريال - 1500 ريال ولاقيت الناس بتتكلم عن الفيزا اللى بيقولو عنها حرة بدأت رحلة البحث على مكاتب السفريات وسمعت أسعار خيالية 30 ألف مصرى و25 ألف مصرى لفيزا عامل وسطت أحد أقاربى وسافرت فى شهر 7 الماضى والحمد لله ربنا كرمنى بكفيل محترم جدا وبعدين اشتغلت فى الشركة اللى موجود فيها حاليا مطور ومنفذ خطط تسويقية لخدمات الكونتاكت سنتر بدون نقل كفالتى بس .. ولأنى بحب العمل الحر بدرس حاليا مشروع مكتب مقاولات يكون بأسم كفيلى ونسبة من الأرباح وهو موافق بس لسه الموضوع تحت الدراسة لعدم تواجد الخبرة الكافية ....

طولت عليكم أروح أشرب الشاى بقى :wub:

تم تعديل 30 مايو 2009 بواسطة elfakhrany

[واحد تاني]

معماري

[ozoozo]

مادام دخلنا في لبس الجلاليب وكل واحد يحكي براحته اوكي

عموما انا بحب البزنس جدا جدا وبحب الفلوس جدا جدا جدا

1-في اولي ثانوي كنت باشتر ي الكتب الخارجيه القديمه من زمايلي بالمدرسه وبعد كده ابيعها للناس اللي في سور الازبكيه بربع التمن المكتوب علي الكتاب في حين كنت باشتري الكتاب من 75 قرش الي جنيه وكنت بدخل في اليوم الواحد من 15 الي 20 جنيه يعني حوالي 400 الي 500 جنيه في الشهر يعني كان اكتر يكتير من موظف حكومه ساعتها والعبه دي كانت بتاخد مني ساعتين الي ثلاثه كل يوم

2-في الكليه كنت طبعا ببيع الملخصات والملازم لمكتبه معينه وكنت باخد 10 % من نسبه التصوير وكنت مأجر بارتيشن من المكتبه دي وجايب بترينه وعامل فيها تركيب برفانات وجايب بنت موقفها فيها(ماكانش عندي وقت اقف فيها انتم عارفين كليه العلوم)

3-في الكليه برضه كنت باتفق مع المكاتب اللي في المركز التجاري في الجامعه اني اجيبلهم البلاطي لطلاب العلوم والصيدله بسعر اقل من السوق وكنت بفصل البلاطي دي في ورش في شارع كلوت بيه برمسيس وكنت بعملي في اللعبه دي 4 او 5 الاف سنويأ.

4-اتخرجت من الكليه وكنت الاول علي الدفعه واتعينت معيد لمده سنه ولقيت المرتب 500 جنيه في الشهر يعني 6000 في السنه ومطلوب منك في خلال خمس سنين تكون مخلص الماجيستير واللي هايتكلف علي الاقل 20000في حين كل اللي هاتقبضه في خمس سنين 30000 ده غير مصاريفك الشخصيه ...............قمت قلتيلهم مش لاعب وقدمت استقالتي لاني عرفت اني بعد الماجيستير ماشاء الله مرتبك هايوصل 700 جنيه حته واحده

5-اشتغلت ميديكال ريب في كام شركه اجهزه طبيه في مصر وفي الاخر ربنا اكرمني بشركه اجنبيه كبيره في السعوديه الي انا فيها دلوقتي.

تم تعديل 30 مايو 2009 بواسطة ozoozo

[عنبو]

مادام دخلنا في لبس الجلاليب وكل واحد يحكي براحته اوكي

عموما انا بحب البزنس جدا جدا وبحب الفلوس جدا جدا جدا

1-في اولي ثانوي كنت باشتر ي الكتب الخارجيه القديمه من زمايلي بالمدرسه وبعد كده ابيعها للناس اللي في سور الازبكيه بربع التمن المكتوب علي الكتاب في حين كنت باشتري الكتاب من 75 قرش الي جنيه وكنت بدخل في اليوم الواحد من 15 الي 20 جنيه يعني حوالي 400 الي 500 جنيه في الشهر يعني كان اكتر يكتير من موظف حكومه ساعتها والعبه دي كانت بتاخد مني ساعتين الي ثلاثه كل يوم

2-في الكليه كنت طبعا ببيع الملخصات والملازم لمكتبه معينه وكنت باخد 10 % من نسبه التصوير وكنت مأجر بارتيشن من المكتبه دي وجايب بترينه وعامل فيها تركيب برفانات وجايب بنت موقفها فيها(ماكانش عندي وقت اقف فيها انتم عارفين كليه العلوم)

اعلى مصالح فى الكليه موضوع المذكرات ده بس طبعا لازم تظبط المعيدين اللى بيدوا دروس ؟؟؟

3-في الكليه برضه كنت باتفق مع المكاتب اللي في المركز التجاري في الجامعه اني اجيبلهم البلاطي لطلاب العلوم والصيدله بسعر اقل من السوق وكنت بفصل البلاطي دي في ورش في شارع كلوت بيه برمسيس وكنت بعملي في اللعبه دي 4 او 5 الاف سنويأ.

عادى التجاره مطلوبه برضه وهو كله كيمياء

4-اتخرجت من الكليه وكنت الاول علي الدفعه واتعينت معيد لمده سنه ولقيت المرتب 500 جنيه في الشهر يعني 6000 في السنه ومطلوب منك في خلال خمس سنين تكون مخلص الماجيستير واللي هايتكلف علي الاقل 20000في حين كل اللي هاتقبضه في خمس سنين 30000 ده غير مصاريفك الشخصيه ...............قمت قلتيلهم مش لاعب وقدمت استقالتي لاني عرفت اني بعد الماجيستير ماشاء الله مرتبك هايوصل 700 جنيه حته واحده

طيب ينفع كده احنا مش اقولنا ان ده سر مش يطلع الا لبتوع علوم بس

5-اشتغلت ميديكال ريب في كام شركه اجهزه طبيه في مصر وفي الاخر ربنا اكرمني بشركه اجنبيه كبيره في السعوديه الي انا فيها دلوقتي.

طيب الحمد لله وربنا يارب يسهلك ويديك اكتر واكتر لانك بنى ادم جميل جداً

[ozoozo]

مادام دخلنا في لبس الجلاليب وكل واحد يحكي براحته اوكي

عموما انا بحب البزنس جدا جدا وبحب الفلوس جدا جدا جدا

1-في اولي ثانوي كنت باشتر ي الكتب الخارجيه القديمه من زمايلي بالمدرسه وبعد كده ابيعها للناس اللي في سور الازبكيه بربع التمن المكتوب علي الكتاب في حين كنت باشتري الكتاب من 75 قرش الي جنيه وكنت بدخل في اليوم الواحد من 15 الي 20 جنيه يعني حوالي 400 الي 500 جنيه في الشهر يعني كان اكتر يكتير من موظف حكومه ساعتها والعبه دي كانت بتاخد مني ساعتين الي ثلاثه كل يوم

2-في الكليه كنت طبعا ببيع الملخصات والملازم لمكتبه معينه وكنت باخد 10 % من نسبه التصوير وكنت مأجر بارتيشن من المكتبه دي وجايب بترينه وعامل فيها تركيب برفانات وجايب بنت موقفها فيها(ماكانش عندي وقت اقف فيها انتم عارفين كليه العلوم)

اعلى مصالح فى الكليه موضوع المذكرات ده بس طبعا لازم تظبط المعيدين اللى بيدوا دروس ؟؟؟

3-في الكليه برضه كنت باتفق مع المكاتب اللي في المركز التجاري في الجامعه اني اجيبلهم البلاطي لطلاب العلوم والصيدله بسعر اقل من السوق وكنت بفصل البلاطي دي في ورش في شارع كلوت بيه برمسيس وكنت بعملي في اللعبه دي 4 او 5 الاف سنويأ.

عادى التجاره مطلوبه برضه وهو كله كيمياء

4-اتخرجت من الكليه وكنت الاول علي الدفعه واتعينت معيد لمده سنه ولقيت المرتب 500 جنيه في الشهر يعني 6000 في السنه ومطلوب منك في خلال خمس سنين تكون مخلص الماجيستير واللي هايتكلف علي الاقل 20000في حين كل اللي هاتقبضه في خمس سنين 30000 ده غير مصاريفك الشخصيه ...............قمت قلتيلهم مش لاعب وقدمت استقالتي لاني عرفت اني بعد الماجيستير ماشاء الله مرتبك هايوصل 700 جنيه حته واحده

طيب ينفع كده احنا مش اقولنا ان ده سر مش يطلع الا لبتوع علوم بس

5-اشتغلت ميديكال ريب في كام شركه اجهزه طبيه في مصر وفي الاخر ربنا اكرمني بشركه اجنبيه كبيره في السعوديه الي انا فيها دلوقتي.

طيب الحمد لله وربنا يارب يسهلك ويديك اكتر واكتر لانك بنى ادم جميل جداً

شكرا يازميل وربنا يوفقك انت كمان