الاخوة اعضاء المنتدى الكرام .. انت وظيفتك ايه .. ؟

[محمد افندى]

محاسب فى السعودية فى جدة

خريج تجارة حلوان 2003

تقدير جيد

بفكر اخد cma

[doudy]

يا دودي هانم .. بأقول لحضرتك أنا عضو مؤسس لنقابة التجاريين .. مانا خريج تجارة زيكم .. يبقى أتريق على نفسي يعني ؟

أما أنتي يا مصرية مغتربة ... فمش هاكلمك ... عشان كفاية عليكي إنك كنتي محرومه من نعمة الكبدة ...

وسمعيني أغنية ..

الكبدة دي قامت تعجن من الفجرية ...

ميرسى بوكو

يا سى السيد على دودى هانم حلوة بجد

طيب يعنى حضرتك زميل اهه كويس

انا كمان عضوة فى نقابة التجاريين و غير عامل

على فكرة النادى بتاع اسكندرية لسة فاتح من كام يوم

اما تيجى اسكندرية ابقى زورا حضرتك و العائلة

حلو و فيه بيسين و قعدات جميلة ع البحر

[mokhtarelmalahy]

قبل الكلام صلوا على سيد الأنام محمد عليه الصلاة والسلام

أنا يا سادة يا كرام خريج الأكاديمية العربية للعلوم والتكنولوجيا والنقل البحري من كلية الهندسة والتكنولوجيا (اسمها كده) قسم الكترونيات واتصالات

التخرج كان في صيف 2006م

تم تعييني في شركة سماعات أذن طبية (والدي شريك فيها) في أكتوبر 2006م

قبل الشغل ده كنت أدور على شغل في كذا شركة وفي برج العرب وقدمت على مدير تسويق في جامعة فاروس وعملت خطة تسويق اكتشفت أنها كانت هايلة جدا لما درست تسويق في ماجستير إدارة الأعمال

ربنا اداني ميزة كبيرة بأحمد ربنا عليها ليل نهار وهي إني كل ما أروح شركة أقدمCVأكلم أصحابي عليها دون أي تحفظ وأشجعهم يقدموا وعملت مع بعض زملاءي موقع لتجميع الوظائف والإجراءات الخاصة بها:

http://www.freewebs.com/ece2006

كان التفكير الإداري والاستراتيجي هوايتي وكنت سألت وأنا في الكلية على مصاريف ماجستير إدارة الأعمال ولقيتها غالية، وما جعلني ألتفت لهذا الماجستير هو أنني درست مادة إدارة أعمال دولية مع دكتور اسمه د.عزيز عزّت هو الآن عميد كلية الهندسة بالأكاديمية وهو أصلا أستاذ بكلية الهندسة بجامعة الإسكندرية قسم هندسة صناعية أو إنتاج وحبيت جدا مجال إدارة الأعمال.

المهم اشتغلت في شركة السماعات الطبية كمدير لفرع الإسكندرية، وأسرتي كانت عايزاني أشتغل في الجامعة لأنني كنت جايب تقدير امتياز الرابع على الدفعة

وأنا كنت مش حابب التدريس في مجال الهندسة

ومع الضغط قلت لهم طيب ايه رأيكم آخذ ماجستير هندسة والماجستير ح يخليني أشتغل في الجامعة طالما ده اللي انتم عايزينه

وفعلا أخذت منحة تفوق لدراسة الماجستير من رئيس الأكاديمية العربية د.جمال الدين مختار عن طريق مدير مكتبه ربنا يكرمه اسمه أ.آمال الشافعي بتدخل من خالي حفظه الله-ضابط شرطة متقاعد وعضو بالحزب الوطني

[بالمناسبة التقديم للمنحة متاح للجميع بمكتب مدير عام الأكاديمية فقط المطلوب طلب مكتوب وأصل الشهادة وكشف الدرجات ولو فيه توصيات مكتوبة من أساتذة جامعيين ولي زملاء بعضهم غير مصريين قدموا للمنحة وحصلوا على تخفيضات 30% و50% دون واسطة أو كارت فقط قدموا الأوراق المشار إليها]

كنت باشتغل في شركة السماعات وأذهب للكلية 3ساعات مساء 3أيام في الأسبوع

ظللت شهرا أحضر محاضرات الماجستير وخلال هذا الشهر الذي هو أيضا أول شهر لي في العمل داخل شركة السماعات، كنت أضع خططا وتصورات عن التسويق والإدارة نالت إعجاب مدير الشركة (وهو في نفس الوقت أحد شركاء والدي) لدرجة أنه قال لي أنت يا محمد لخصت في شهر شغلنا في 14عاما

بعد هذا الشهر أخذت قرارا بتحويل منحة التفوق للماجستير من كلية الهندسة إلى كلية الدراسات العليا في الإدارةMBA

طبعا الأسرة اعترضت جدا وكانوا شايفين أن التطور الطبيعي للحاجة الساقعة أقصد للمهندس المتفوق هو ماجستير هندسة ثم عضو هيئة تدريس فأستاذ دكتور جامعي

لكن الحمد لله اقتنعوا أو بمعنى أصح لما شافوني مقتنع قالوا لي ربنا يوفقك

قمت بأخذ ورق المنحة وقدمت في كلية الدراسات العليا والحمد لله لم تحصل مشكلات لأنني كنت خائفا من ألا يسمحوا لي بالتحويل أو أن أدفع المصاريف للماجستير

كان الترم يبدأ في مايو 2007م

دخلت الماجستير والحمد لله كنت متميزا فيه رغم أنني كنت أصغر طالب في الدفعة كلها وزملاءي كلهم أكبر مني سنا وخبرة ومقاما

بعد ذلك وقبيل بضعة أشهر قدمت استقالتي من الشركة وتفرغت للماجستير وقمت مؤخرا بإنشاء شركة لاستشارات الموارد البشرية تتعامل مع الأفراد من الباحثين عن عمل في تقديم الاستشارات اللازمة لهم وكيف يخططون لحياتهم الوظيفية وكيف يختارون الوظائف وكيف يبحثون عن عمل وكيف يقدمون للوظائف وكيف يفاوضون على المرتب الشهري وبعض المشاهد الواقعية من الحياة العملية.

كما تتعامل مع الشركات في مجال استشارات الموارد البشرية عموما وبشكل خاص خطط التطوير الوظيفي، وفي هذا المجال كنت أعددت خطة تطوير لشركة السماعات تشمل كل الوظائف الرئيسية في الشركة، وهذا المجال مهضوم حقه في معظم الشركات وحتى في مجال الاستشارات رغم أهميته الشديدة للشركات وللموظفين أيضا.

فيما يخص الأفراد،

سبب اختياري لاستشارات التخطيط الوظيفي للباحثين عن عمل (أتعامل مع حديثي التخرج وذوي الخبرة العملية 4سنوات فأقلّ) هو أنني كنت أمارس هذه الاستشارات لأصدقائي ومعارفي، وكنت ألاحظ كثيرا وجود تخبط وضبابية في الرؤية لدى حديثي التخرج، فالأهل يريدون ماجستير، والشاب لا يعرف الفرق بين شركة وأخرى، بعض المهندسين يتخرجون مثلا ولا يعرفون ماهو الفرق بين مهندس مبيعات ومهندس صيانة، هنالك حالة غياب شبه كامل للمعلومات الواقعية عن سوق العمل،

أذكر حين تخرجنا قيل لنا أن شركة سيمنز لا تعين أحدا إلا بعد أن يعمل لديها كمتدرب لمدة سنتين بدون مرتب ثم بعد ذلك إذا كان كفؤا يتم تثبيته وإلا يتم إنهاء خدمته دون أن يتقاضى مليما واحدا ولا زلت محتفظا بالايميل الذي وصلني بهذا المعنى من صديق نقلا عن بعض أصدقاءه، وهذا الصديق خريج مدرسة سان مارك ووالده رحمه الله أستاذ جامعي مرموق، وهذا يدلل على أن غياب المعلومات عن سوق العمل ليس حكرا على شريحة أو فئة دون بعينها وإنما هو مشكلة عامة لمعظم الخريجين.

حين يعمل الشاب أو الفتاة في شركة ليس لديهم تصور عن تطورهم الوظيفي داخلها، بل حتى ليس لديهم فكرة عن مدى توافقها مع مهاراتهم الخاصة وخبراتهم التدريبية فإنّ هنالك مشكلة كبرى يعاني منها ليس فقط حديثو التخرج، ولكن أيضا الشركات التي توظفهم، بل وحتى أسرهم ومحيطهم المجتمعي.

بعض زملاءي بضغط من أسرهم سجلوا ماجستير هندسة وهم لا يريدون أن يعملوا في مجال التدريس كأكاديميين، طيب ليه الماجستير؟ الرد: عشان يزود فرص العمل والراتب.

رغم أن هذا خطأ فظيع جدا ومدمر لأنّ من يحتاج مهندسا بالبكالوريوس لن يدفع قرشا واحدا لمهندس معه ماجستير، وبالتالي حامل الماجستير إما أن يسقطه من اعتباره وإما أن يتنازل ويعمل بمرتب ووضع وظيفي للمهندس العادي.

هنالك كثيرون يعتقدون أن السي في هو أهم شيء للبحث عن عمل،بينما في الواقع أن السي في هو آخر حلقة في سلسلة التخطيط الوظيفي

فأولا يجب أن يعرف حديث التخرج ماذا يريد أن يعمل، وما هي مهاراته، وما هي قدراته، وماذا يحب، وما هي نقاط قوته وضعفه وما هو طموحه، ثم بعد ذلك نفكر ونخطط للعمل وبعد ذلك نقوم بصياغة السيرة الذاتية

موقع انترنت

http://sites.google.com/site/NewEgyptHR

سامحوني على الإطالة والدعاية المجانية وادعو لي بالتوفيق،

م.محمد أحمد عبدالمطلب أبوأحمد

المدير العام والموظف الوحيد :)

والله العظيم الراجل ده بيقول كلام زى الفل

ربنا يكرمك حضرتك مش عارف كلامك ده اثر فيا ازاى لانى برضه فى بكالوريوس اداره اعمال وبتخرج اليومين دول و اكيد الكلام ده فرق معايا ويارب مانتحرمش من نصايحك

[mandoo]

---------------

يا س س كان فيه واحد برده مكوجى رجل كلنا نعرفه ربنا فتحها عليه وبقى مطرب وإنت لسه ماسك المكوى برجليك ،، ياعم روح إعملك شريط ولا إتنين وعيش حياتك

بس بالله عليك أول نسخة من الشريط تبقى تبعتهالى

عارفه

مطرب الجيل " شعبولا "

المهم عملتوا اي في اجتماع الرياض النهاردة ؟

على فكره انا كنت حاضر معاكو وشايفكو ومسجل كل خلجاتكم وسكناتكم ؟ بش متخفي في صورة الجرسون الفلبيني

هههههههه

------

وهبشت البقشيش ،،، يالا مش خسارة فيك

عموما إجتماع الرياض كان فن الفن وكان ناقص تواجدك معانا بس المره الجاية مش حنسيبك ولازم نجيبك حتى ولو تخفيت فى صورة جرسون صينى

وأكيد يسعدنا ويشرفنا أن نتواصل ،، بس بالله عليك نفسى أعرف إنت إزاى بتعمل إقتباس سطر من مداخلة وترد وبعدين سطر من مداخلة تانية وترد وأوعى تقوللى إمكانيات بقى وتحسسنى إنى ماليش لازمة :)

مع خالص تحياتى

[Princesse]

ربما كادت دموعي أن تقفز من عيني وأنا أقرأ تعليق حضرتك يا أ.Princesse عن الفخر بالانتماء لمصر، رغم أن حضرتك كنت من الأوائل في الجامعة ووجدت صعوبة في العثور على عمل لدرجة اضطرت حضرتك لتسجيل الدراسات العليا كبديل للبحث عن فرصة أفضل، ورغم كل ذلك يظل الحب لمصر والفخر بالانتماء لها موجودا ومتمكنا.

تحياتي وخالص احترامي، ويا ليت الشباب والخريجين ينتبهوا للنقطة دي حتى لو وجدوا صعوبات في بداية الطريق.

الانتماء موجود في كل المصريين..بس يمكن الظروف الصعبة الي البلد فيها بتخلينا ننسى الانتماء و ننسى الجوانب الحلوة في بلدنا..

نفسي اقول لكم على حاجة: لما كنت بشتغل في البازار و كنت بشرح تاريخ بلدي..مفيش اي كلمة ممكن توصف نظرة الانبهار الي موجودة في عيون الاجانب امام الحضارة المصرية...برضه لما كان حد يسالني في شغلى خدمة العملاء و يعرف اني مصرية بيستغرب و بيقول ازاي انتم دولة من العالم الثالث ازاي عندكم التكنولوجيا دي و ازاي بتكلموا لغات اجنبية بالطلاقة دي..احنا المصريين ممكن نعمل انجازات كبيرة جداا نبهر بيها الدنيا..عندنا شباب و عندنا استعداد..

واخيرا يا استاذذ عبد المطلب: اسمح لي استعير كلمات صلاح جاهين:

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

[Princesse]

لا احنا متفقناش على كدة يا جماعة .. مدام كل واحد بياخد راحته فى الكلام انا كمان هالبس جلابية واسعة فضفاضة عشان اعرف افضفض شوية...

أول شغل بدأت اشتغله ده كان فى اجازة 2 ثانوى وده كان عن صديق والدى فى معرض اكسسوارات سيارات وبجد اتعلمت فيه كتير وكنت كثير الأسئلة عن كل قطعة دى بتركب فين ولازمتها ايه ;) و عملت علاقات مع كتير من الفنيين اللى ظبطونى بعد كده لما اتعلمت السواقة وبدأت اللف على الورش لتصليح السيارة من الحوادث والأعطال وخلافه :wub:

بعد كده بدأت فى اجازة 3 ثانوى فى الدخول على شبكة الانترنت وفاكر موقف لحد دلوقتى لما قلت لواحد صاحبى عايز أتعلم النت قالى تعالى وملكش دعوة ورحنا نت كافيه واستأجرت ساعة كانت وقتها ب 6 جنيه وقعدت جمبه اتفرج ساعتها صاحبى فتح موقع ياهو وأنا طبعا انبهرت وقلتله بعدين قالى ولا قبلين هو ده الانترنت wst:: قلتله طيب يعنى ايه ايميل وازاى اعمل واحد قالى معرفش قلتله طب وسع كده ياعم سيبنى بقى الطارة عشان أسوق شوية ( قصدى يعنى الماوس والكيبورد عشان اتعامل ) و دخلت وعملت ايميل لوحدى وكنت فى غاية السعادة وبعدها الوقت خلص المهم لاقيت شغلانة فى نت كافيه امسك شفت اللى هو 8 ساعات ب 150 جنيه فرحت جدا مش عشان ال 150 لا عشان انى هقعد على النت واتعلم المهم فعلا بدأت اتعلم وكان ساعتها الاى سى كيو طفرة فى عالم الانترنت.

بعدها دخلت الكلية وسبت طبعا الشغل قبل الامتحانات ورجعت تانى فى اجازة سنة أولى برضه ب 150 جنيه

بعد كده اجازة سنة تانية قلت مش هينفع الكلام ده رحت اشتغلت فى شركة كمبيوتر أساعد مهندس صيانة وكان مرتبى برضه 150 جنيه وكان يفضل يقولى أنقل الألعاب دى هنا واعمل كذا شوية بشوية اتعلمت وبدأت أعرف أعطال الهارد وير ولأنى كثير الأسئله اتعلمت كتيرررر المهم جيت فى اجازة سنة تالتة قلت اشتغل لوحدى المهم ظبطت مع كذا نت كافيه أمسك صيانة الاجهزة ليهم سوفت وير وهارد وير مقابل 200 جنيه فى الشهر وبدأت بسايبر واحد ثم اثنان ثم ثلاثة وبقى دخلى 600 جنيه وفضلت على كده سنة لحد ماخلصت الكلية وطبعا بما انى مبحبش المحاسبة تخصصت ادارة أعمال اللى ملهاش أصلا شغل فى الاقاليم

قلت لازم نكتشف شىء جديد وطبعا ساعتها كان فى طفرة فى مجال المحمول دخلت وبدأت اتعلم برمجة سوفت وير للتليفون المحمول وطبعا مرتبى كان 200 جنيه

بس طورت نفسى ودخلت المنتديات الاجنبية واتعلمت وكان أصحاب محلات الصيانة يفرحو بأى فيروس جديد وخصوصا اللى بينتقل عن طريق البلوتوث ;) فات حوالى 4 شهور وصل مرتبى الى 350 جنيه طبعا فى وقتها قدمت ورقى للجيش ولاقيت نفسى داخل الجيش مع ان ثلاثة أرباع الدفعة خدت تأجيل :)

خلصت الجيش طبعا كان فات 14 شهر لقيت فيه تغييرات كتير حصلت فى مجال المحمول وعليه بدأت من جديد احاول أعوض اللى فاتنى وبعد 3 شهور كنت ملم بكل ماهو جديد وكنت قادر على التحديث بشكل مستمر ومرتبى بدأ بعد الجيش من 400 الى أن وصل تدريجيا الى 800 جنيه بعد سنتين .

بدأنا فى 2008 طبعا لأن طموحاتى كانت أكبر وكان مرتبى يتبقى منه القليل بعد فاتورة التليفون و الأكل الدلفرى لأنى كنت بشتغل اكتر من 12 ساعة يوميا قلت لازم يبقى فيه رديكال اتشنج B) طبعا كنت حوشت 400 على 300 الى أن وصلت الى 10 الاف جنيه بعد سنتين من الشغل والنفاذ قلت أنا عندى الخبرة الكافية لانى أفتح محل خاص بى واقترض من والدى 10 الاف كمان على أن أسددهم مرة أخرى من أرباح المشروع ووافق والدى وبدأت بتحديد المكان المناسب لأن كان ناس كتير فتحو محلات حتى من غير مايكون عندهم الخبرة ووجدت المحل فى شارع تجارى وصعقت عندما عرفت الايجار 8000 جنيه ( غالى أوى ) وبدأت عمل دراسة جدوى وحساب الايجارات وتكاليف الانشاء والتجهيزات وبعدها حسبت الأرباح المتوقعة لأنى كنت على دراية بالمجال ووجدت ان بعد كل هذه المسئولية صافى الربح سيكون 2000 جنية قلت مش مشكلة نتوكل على بركة الله وعندما ذهبت الى صاحب المحل قالى ان العقد سيكون سنوى مع ان عقود الايجار المتعارف عليها 3 سنوات او 5 سنوات

قلت مش هينفع كده خصوصا ان فيه مجانيات كتيرة فى المجال ( ظباط المصنفات - ظباط الحى - المجلس المحلى ) mfb: ولو اعترضت هيكون مصيرك أى بلاغ عن تليفون مسروق وتروح القسم وسين وجيم وتسلم التليفون المطلوب مع انك برىء بس هو ده الواقع :)

غيرت رأيى وقلت أبحث عن فرصة سفر وطبعا بما أن العروض فى مصر كانت ضعيفة 1200 ريال - 1500 ريال ولاقيت الناس بتتكلم عن الفيزا اللى بيقولو عنها حرة بدأت رحلة البحث على مكاتب السفريات وسمعت أسعار خيالية 30 ألف مصرى و25 ألف مصرى لفيزا عامل وسطت أحد أقاربى وسافرت فى شهر 7 الماضى والحمد لله ربنا كرمنى بكفيل محترم جدا وبعدين اشتغلت فى الشركة اللى موجود فيها حاليا مطور ومنفذ خطط تسويقية لخدمات الكونتاكت سنتر بدون نقل كفالتى بس .. ولأنى بحب العمل الحر بدرس حاليا مشروع مكتب مقاولات يكون بأسم كفيلى ونسبة من الأرباح وهو موافق بس لسه الموضوع تحت الدراسة لعدم تواجد الخبرة الكافية ....

طولت عليكم أروح أشرب الشاى بقى :lol:

قصة كفاح جميلة...ربنا يوفقك في طريقك

بجد بلا استثناء الموضوع دا شيق جداا..و سمعنا قصص كفاح جميلة من الجميع

و اكيد كلنا استفدنا من خبرات الاخرين

[se_ Elsyed]

بس بالله عليك نفسى أعرف إنت إزاى بتعمل إقتباس سطر من مداخلة وترد وبعدين سطر من مداخلة تانية وترد وأوعى تقوللى إمكانيات بقى

هي فعلاً إمكانيات جسدية ونفسية

بُص

إنت تقوم كل يوم الصبح ... تجيب شويه ميه مبلوله وتسأ سأهم بشوية ميه زياده ... وبعدين تجيب علبة حليب المراعي - المراعي الله يكرمك .. صافي أو نجديه لأ - وتاخد بؤ .. وتلف حوالين الميه .. وتقول " يا حليله يا حليله " خمس مرات ... هاتلاقي نفسك زي الفل وتعمل أفتباسات وشقلبظات كمان

وتحسسنى إنى ماليش لازمة

لأ إوعى تحس بالعجز - العجز بانواعه ... فاهمني ؟ - بإذن الله هاتبقى زي الفل بس إعمل اللي قلت لك عليه

[صعيدي]

أخوكم خريج هندسة السويس 1991

عملت بعد التخرج فى تجارة الفاكهة ودهنت أرصفة تبع مشروع لتشغيل شباب الخريجيين (كنت دايما حريص على انى أخد الجردل الابيض مش الاسود) وبعدين اشتغلت فى مركز بحوث وبجانب العمل ودراسة الماجستير والدكتوراه اشتغلت عمل حر و استشارات وتدريب فى شركات كثيرة فى مجال هندسة اللحام و التفتيش الهندسي و تحليل الانهيارات واشتغلت شوية فى المكتب الثقافي الياباني

وحاليا انا أعمل باحث فى جامعة أوساكا فى اليابان

[عاشق]

ايه الموضوع أين باقي الاعضاء .....!؟

بجد مصر بخير والناس بتشتغل كل حاجة عشان لقمة العيش

اتمنى ان يقوم جميع الاعضاء بزيارة هذا الموضوع

ليضيفو اليه رونقا اكثر وأكثر

ولنتعرف على الاخوه والاخوات بهذا المنتدي الرائع

تحياتي

[Leedo]

oracle financial consultant

استشاري اوراكل

[pocy]

الموضوع ده للرجاله بس ولا مفيش مشكله ندخل على العموم ندخل قهرا لناس تانيه ههههههههههههه

يا اخوانى انا بقي مهندسه اتصالات والكترونيات خريجه جامعه قناه السويس فرع بورسعيد

اتخرجت في مايو 2002 وبعد تخرجى تقدمت للعمل في كثير من الشركات الموجوده بالعين السخنه وايضا الشركه التى يعمل بها والدى (شركه النصر للاسمده والصناعات الكيماويه بالسويس) وللاسف كل الشركات قالوا ان التخصص ده للشباب فقط توجهت الى السترال وقدممت بيه ولكنهم ياخدوا بس الاوائل ع الدفعه او الجيد جدا وفوجئن ان واحده صاحبتى جالها استثناء لان معاها واسطه (عمها عضو مجلس شعب ) مع تقديرها زى مقبول المهم وبعد شهر من البحث والاعتراف من كل الشركات مش عايزين بنات ولا ن عندى فى البيت جهاز كمبيوتر من وانا فى اولى ثانوى فكنت ممتازه فى الكمبيوتر المهم بدأت اكتب للمدرسات (معرفه) ملخصات ومذكرات في البيت وكانت كتابه الورقه وتنسيقها بنص جنيه بعملها وهم بيطبعوا المهم وكنت بكسب في المذكره للماده الواحده 48 جنيه (وساعات بيوصلوا ل50 جنيه بلاش نق وحسد بقي ) والحمد لله وبعد مرور اربع اشهر قررت ان احترف كورسات الكمبيوتر واعمل فى المعاهد المحترمه

قدمت فى الجامعه الامريكيه والمعهد البريطانى ولكنهم للاسف لم يعبرونى طبعا لانى مش عندى خبره المهم بعدها رحت على معهد كده ملوش اسم بس عندهم كام طالب كده المهم هناك كنت بروح صبح وليل وكنت بقبض 150 جنيه وافقت بس علشان اخد خبره اروح ادرس فى اى معهد تانى واتعلمت كمان صيانه الكمبيوتر هناك

وبعدها ب6 شهور قدمت ورقي تانى وسي في محترمه بالكورسات اللى اعرفها وذاكرت فى الفتره دى كورسات تانيه والحمد لله ربنا كرمنى واشتغلت فى المعهد البريطانى للغات والكمبيوتر بعد امتحان حصه كامله فى الاكسل والحمد لله ربنا وفقنى وبدأت بدوره رباعيه (ويندوز -وورد - اكسل - انترنت ) المهم وكانت التعامل بالراس وكل ما العدد زاد كل ما المرتب زاد ولو مش عندى كورس مش اقبض خالص المهم واحترفت التدريس فى الكورسات وده ولله الحمد عندى موهبه توصيل المعلومه بابسط الطرق وقبضت 500 جنيه وكنت فرحانه جدا لان العدد كان كبير وبدأت المجاميع وكان شهر اخد 200 وشهر اخد 1200 والحمد لله كانت ماشيه لحد ما اخد المعهد توكيل معهد القومى للاتصالات ودى عملتلى دخل ثابت 600 جنيه الصبح لان الساعه كانت ب10 جنيه ساعتها والكورسات بالليل بتترواح بين 200:500 والحمد لله وبعدين قدمت فى منحه الاتصالات واتقبلت وبقيت بروح المنحه الصبح فى اسماعليه وارجع ع الشغل فى السويس واروح مهدوده لحد ما اوصلت المنحه للجزء المهم اللى انا عايزاه وسبت الشغل والتفت للدراسه فى المنحه وبعدين خلصت المنحه ورحت على الجامعه الامريكيه اشتغلت فيها شهرين كان مرتبي وصل ل2000 جنيه فى الشهر وجالى بعد كده عقد الكويت وطرت على الكويت

واشتغلت فى الكويت مده 8 شهور ونزلت اسبوعين تزوجت ورجعت انا وزوجى والحمد لله كرمه بشغل واستقرينا هنا وبعد مرور ست شهور اخرى سيبت الشغل لانه كان مجهد جدا 12 ساعه فى اليوم (مع حدوث حمل مرتين واجهاض ) وعندما حلمت انى حامل للمره التالته سيبت الشغل (طبعا بمشاكل فى الشئون مع الكفيل لتحويل اقامتى ع زوجى والحمد لله القانون الكويتى نصرنى على كفيلي المؤذى) ثم اشتغلت بعد مرور تلات شهور على حملى فى معهد اخر فتره صباحيه فقط وكملت بيه بعد ولادتى لحد ما كان عمر ابنى حوالى 6 شهور وكانت هناك مشاحنات مع المدير اللى كان بيدخلى فى كل شئ وعايزنى اول على أ انها ب لانه عايزاها كده فسيبت الشغل ولمااتصلوا بي تانى علشان ارجع قلتلهم ارجع بس بشروطى وللاسف لم يتم الموافقه على شروطى والحمد لله ومنذ ذلك الوقت وانا عاطله عن العمل وابحث ولكنى اقول مفيش احلى من انى اكون جنب ابنى بربيه وبعلمه والحمد لله على كل شئ

ياه ايه الرغى ده كله انا اسفه للاطاله بس دى قصتى من البدايه للنهايه

[عاشق]

الموضوع ده للرجاله بس ولا مفيش مشكله ندخل على العموم ندخل قهرا لناس تانيه ههههههههههههه

يا اخوانى انا بقي مهندسه اتصالات والكترونيات خريجه جامعه قناه السويس فرع بورسعيد

اتخرجت في مايو 2002 وبعد تخرجى تقدمت للعمل في كثير من الشركات الموجوده بالعين السخنه وايضا الشركه التى يعمل بها والدى (شركه النصر للاسمده والصناعات الكيماويه بالسويس) وللاسف كل الشركات قالوا ان التخصص ده للشباب فقط توجهت الى السترال وقدممت بيه ولكنهم ياخدوا بس الاوائل ع الدفعه او الجيد جدا وفوجئن ان واحده صاحبتى جالها استثناء لان معاها واسطه (عمها عضو مجلس شعب ) مع تقديرها زى مقبول المهم وبعد شهر من البحث والاعتراف من كل الشركات مش عايزين بنات ولا ن عندى فى البيت جهاز كمبيوتر من وانا فى اولى ثانوى فكنت ممتازه فى الكمبيوتر المهم بدأت اكتب للمدرسات (معرفه) ملخصات ومذكرات في البيت وكانت كتابه الورقه وتنسيقها بنص جنيه بعملها وهم بيطبعوا المهم وكنت بكسب في المذكره للماده الواحده 48 جنيه (وساعات بيوصلوا ل50 جنيه بلاش نق وحسد بقي ) والحمد لله وبعد مرور اربع اشهر قررت ان احترف كورسات الكمبيوتر واعمل فى المعاهد المحترمه

قدمت فى الجامعه الامريكيه والمعهد البريطانى ولكنهم للاسف لم يعبرونى طبعا لانى مش عندى خبره المهم بعدها رحت على معهد كده ملوش اسم بس عندهم كام طالب كده المهم هناك كنت بروح صبح وليل وكنت بقبض 150 جنيه وافقت بس علشان اخد خبره اروح ادرس فى اى معهد تانى واتعلمت كمان صيانه الكمبيوتر هناك

وبعدها ب6 شهور قدمت ورقي تانى وسي في محترمه بالكورسات اللى اعرفها وذاكرت فى الفتره دى كورسات تانيه والحمد لله ربنا كرمنى واشتغلت فى المعهد البريطانى للغات والكمبيوتر بعد امتحان حصه كامله فى الاكسل والحمد لله ربنا وفقنى وبدأت بدوره رباعيه (ويندوز -وورد - اكسل - انترنت ) المهم وكانت التعامل بالراس وكل ما العدد زاد كل ما المرتب زاد ولو مش عندى كورس مش اقبض خالص المهم واحترفت التدريس فى الكورسات وده ولله الحمد عندى موهبه توصيل المعلومه بابسط الطرق وقبضت 500 جنيه وكنت فرحانه جدا لان العدد كان كبير وبدأت المجاميع وكان شهر اخد 200 وشهر اخد 1200 والحمد لله كانت ماشيه لحد ما اخد المعهد توكيل معهد القومى للاتصالات ودى عملتلى دخل ثابت 600 جنيه الصبح لان الساعه كانت ب10 جنيه ساعتها والكورسات بالليل بتترواح بين 200:500 والحمد لله وبعدين قدمت فى منحه الاتصالات واتقبلت وبقيت بروح المنحه الصبح فى اسماعليه وارجع ع الشغل فى السويس واروح مهدوده لحد ما اوصلت المنحه للجزء المهم اللى انا عايزاه وسبت الشغل والتفت للدراسه فى المنحه وبعدين خلصت المنحه ورحت على الجامعه الامريكيه اشتغلت فيها شهرين كان مرتبي وصل ل2000 جنيه فى الشهر وجالى بعد كده عقد الكويت وطرت على الكويت

واشتغلت فى الكويت مده 8 شهور ونزلت اسبوعين تزوجت ورجعت انا وزوجى والحمد لله كرمه بشغل واستقرينا هنا وبعد مرور ست شهور اخرى سيبت الشغل لانه كان مجهد جدا 12 ساعه فى اليوم (مع حدوث حمل مرتين واجهاض ) وعندما حلمت انى حامل للمره التالته سيبت الشغل (طبعا بمشاكل فى الشئون مع الكفيل لتحويل اقامتى ع زوجى والحمد لله القانون الكويتى نصرنى على كفيلي المؤذى) ثم اشتغلت بعد مرور تلات شهور على حملى فى معهد اخر فتره صباحيه فقط وكملت بيه بعد ولادتى لحد ما كان عمر ابنى حوالى 6 شهور وكانت هناك مشاحنات مع المدير اللى كان بيدخلى فى كل شئ وعايزنى اول على أ انها ب لانه عايزاها كده فسيبت الشغل ولمااتصلوا بي تانى علشان ارجع قلتلهم ارجع بس بشروطى وللاسف لم يتم الموافقه على شروطى والحمد لله ومنذ ذلك الوقت وانا عاطله عن العمل وابحث ولكنى اقول مفيش احلى من انى اكون جنب ابنى بربيه وبعلمه والحمد لله على كل شئ

ياه ايه الرغى ده كله انا اسفه للاطاله بس دى قصتى من البدايه للنهايه

\

ليه للرجالة بس .. محدش قال كده خالص

بجد مجهود عظيم ورائع ..

وربنا يوفقك في عمل جيد انشاء الله

تحياتي

[OReX]

لسلام عليكم

ما بلاش موضوع التدرج الوظيفى دا خلى الطابق مستور :blush2:

على العموم هقول بختصار

درست فى كلية الحاسبات المعلومات قسم علوم حاسب

اجمل حاجة فى الكلية دى ان كل الدكاترة فى سنة اولى (محضرتش غيرها) كانوا بيقولونا ان سوق العمل المصرى متعطش (جاية من عطش واروى عطشك بسبرايت وكدا) لناس يشتغلوا فى المجال دا

اتخرجت 2007 بالتقدير الشعبى مبلول جدا بس الحمد لله تقدير المشروع كان زى الفل لاننا عملنا مشروع من الاخر الصراحة

بعد التخرج قولت يلا بقى فين الشركات المتعطشة دى انا لسا طالع من مشروع زى الفل وعندى باور ولا اللى شارب ريدبول وكان الرد خليك صبوووووووووووووووور

اول لقب وظيفى هوا لقب لاعب طاولة درجة اولى فى قهوة السعادة لمدة تلات شهور (عاطل يعنى)

شهر وشوية انستراكتور فى شركة البطة المرتاحة للسفر والسياحة شركة مش ليها اسم خالص بمرتب رهيب بيكفى تزاكر المترو بالعافية واحيانا مبيكفيش

تلات شهور بالظبط وبدون يوم زيادة فى شريكة (تصغير شركة) اوراكل ديفيلوبر

اول وظيفتين دول كانوا ايام سودة شغل تقيل جدا ومرتبات لا تذكر والشغل مش مواعيد العمل الرسمية وكدا لا دا خلصت شغلك فى الشركة يبقى تمام مخلصتوش تاخدة معاك وانت مروح والتمن ساعات شغل رزع مرة واحدة مفيش راحة فى النص

قعت ادور على شركات تانية وشغل تبرعوا بأسم شركة يعدلكوا فى عينكم وفى عفيتكم عشان اقدم فيها وبالمرة شوفت الناس اللى متخرجين معايا على عكس اللى حصل مع مدام بوسى خالص لاقيت كل زمايلى البنات اشتغلوا واللى ما اشتغلوش هما اللى قرروا مايشتغلوش عشان الجواز وهتسافر مع جوزها وتربية العيال وكدا

الحمد لله لاقيت شغل فى شركة محترمة بمرتب كويس ولسا مكملتش اسبوعين واتعرض عليا عرض من شركة سعودية المهم المرتب بالنسبة للمرتبات فى مصر تعتبر مغرى سافرت ولسا راجع من كام اسبوع كدا

وان شاء الله هسافر تانى بس على مكان الحمد لله كويس جدا كاوراكل ديفيلوبر برضة بس بحاجات زيادة جمبيه

اسئل الله التوفيق لنا ولكم

[ahosny]

سلام عليكم

اخوكم احمد خريج كلية حاسبات ومعلومات جامعة القاهرة دفعة 2005 بتقدير جيد وانا كنت جايب في ثانوي 98% ودخلت الكليه برغم ان البيت كان متشكك منها لانها مش هندسه ولا طب ومش معروفه اوي وانا كنت الاول علي مدرستي في القسم الرياضي وبفضل الله دخولي الكلية كان من احسن الاختيارات في حياتي لحد دلوقتي لاسباب كتير وخلصت الكليه واشتغلت بعدها علي طول.

وانا دلوقتي Senior Software Engineer او مهندس اول برمجيات في شركة كندية في مصر شغاله في مجال برامج الاتصالات OSS & BSS وبسافر للخليج في فروع الشركه

انا شغال بالحاجات دي J2EE,EJBs,Oracle,Sql Server,.Net,UML, SW Design .... واي حاجه ليها علاقة بقواعدالبيانات والبرمجه وبرامجيات نظم وتشغيل الاتصالات

والحمد لله الشغل بتعنا دا ممتع ولذيذ جدا بس مجهد جدااااااااااا ذهنيا ونفسيا للاسف.

وان شاء الله بفكر اخد PMP واكون مدير مشروعات في مجال البرمجيات او ادرس MBA في مجال الاتصالات وتكنولوجيا المعلومات لما اهاجر ان شاء الله بخير wst::

وشكرا لكل الناس هنا في المنتدي الجميل دا

[OReX]

دا انا عكسك خالص يا باشمهندس ahosny

انا كنت هضرب عن التعليم كله بسبب انى مدخلتش كلية هندسة على درجة ونص وكنت حاسس انهم رمونى فى حاسبات

بس الحمد لله الواحد ما بيتعلمش بالساهل

تم تعديل 26 أكتوبر 2009 بواسطة OReX

[ahosny]

دا انا عكسك خالص يا باشمهندس ahosny

انا كنت هضرب عن التعليم كله بسبب انى مدخلتش كلية هندسة على درجة ونص وكنت حاسس انهم رمونى فى حاسبات

بس الحمد لله الواحد ما بيتعلمش بالساهل

والله ياأخ OReX انت مش عارف الخير فين واذا لم تجد ماتحب فحب ماتجد واسعي لما تحب wst::

انا مثلا قبل مااعرف حاسبات كان نفسي ادخل هندسة اتصالات وسبحان الله دخلت حاسبات واشتغلت في برامج لشركات الاتصالات وبقيت فاهم في المجال ده كويس قوي

وانت يمكن كنت تتصور هندسة هي كل حاجه وهي املك الوحيد ويمكن لو دخلت كنت هاتكرها واهم حاجة انك وفرت سنة دراسه ياعم الحج wst::

[saidkotb]

أخوكم خريج هندسة القاهرة - اتصالات

اعمل مدير لقسم الاتصالات بشركة مقاولات لبناء مواقع شبكات الموبايل

[الأقصرى]

اخوكم دكتور مهندس انشائى

حاليا أعمل فى احدى الجهات الحكوميه بالرياض

[mrs gehad ahmed]

السلام عليكم

بصراحه بعد ما قريت ال 7 صفح دول اللي بتحكي تجارب وخبرات وصبرررررررررررررررررررررر الناس الكويسه دول ..الواحد مش عارف يقول ايه

بس كفايه الاصرار والعزم والكفاااااااااح وتنوع المواهب ما شاء الله ..

انا خريجه 2007 ..((طازه نوعا ما ))

خريجه تجاره انجلش business administration

كانت احلامي الورديه طبعا اني اشتغل تاني يوم ما اخلص الامتحانات ..فكنت بقدم ف كل ال job fairs من وانا في سنه رابعه (اخر سنه )

وفعلا كانت فيه بنوك وشركات محترمه بتتصل بيا بس لاني كنت عاوزه اركز ف الدراسة والتقدير رفضت .. والحمد لله جبت ف سنه رابعه جيد جدا بقارق بسيط عن الامتياز (( وما ادراك ايه هيا النتايج دي في عين شمس الموقره :lol:)

وبعد النتيجه رحت اول انترفيو ف بنك كبير وكنت فيه كويسه والحمد لله ومن كتر الانفعال لما روحت البيت فقدت الوعي ..لافيق واعرف بعدها اني حامل (( اه نسييت اقولكم اني متزوجه من سنه تالته )

واسقط في يدي ..لان ده كان خارج الحسابات ليا انا واحمد زوجي ..ولكن لم ايأس ..وقدمت في دراسات عليا (( ماجستير ))

رغم ان ف عين شمس الغالية لازم ادرس دبلومه سنتين قبل سنوات التمهيدي الماجستير اللي هيا سنه او سنتين حسب المجال اللي هدرسه

واحترت بين الاداره الماليه وبين الاقتصاد عشقي الاول .فقدمت ف الانتنين . والحمد لله اتقبلت ف الاتنين .. وكان لزاما علي الاختيار وبعد الاستخاره قثررت الاقتصاد رغم انها سنتين تمهيدي وستضيع مني سنتان من مجال العمل

..ولكن قررت الاستمرار ..ةبالفعل حضرت ودرست وكنت انا اصغر واحده وانا الوحيده اللي دفعه 2007 وداخله علي تمهيدي ماجستير اقتصاد ع طول (( رئيسه القسم هيا المرأه الحديديه دكتوره يمن الحماقي ..وهي شخصيه اكاديميه وسيتسيه معروفه )

والحمد الله اراد اللي ان يمن علي بطفلي الاول ف يناير وبعد فتره قصيره رجعت للدراسه من تاني بعد تعجب واستنكار واستهجان زملائي ف الدراسه وتشجيع من زوجي اكرمه الله (لأنه هو ايضا يدرس ماجستير اداره اعمال وقرب يناقشه ان شاء الله فهو مشجعي ومحفزي الاول )

وانتهت السنه الدراسيه بتقدير جيد جدا والحمد لله والسنه الثانيه ولكن بتقدير جيد لانه بنتهايتها كان معايا طفلين ( قدر ربي و نعمته )

والان في مرحله تحضير البروبوزال تحت اشراف الاستاذ الدكتور علي لطفي (( رئيس الوزراء الاسبق )..وايضا في رحله البحث عن عمل في بنك لانه مرتبط بموضوع رسالتي ..

وللاسف واجهني موضوع الواسطه الشنيييييييييييييييع ده بالاضافقه الي اني اعتبر خريجه سابقه بلا خبره ورغم محاولاتي اني افهم الاخوه اياهم اني السنتين دول كنت بعمل ماستر مش قاعده ف البيت ..ولا حياه لمن تنادي وتبقي كل اسئلتهم هل انتي من اقارب العاملين ؟ :(

ولكن الامل موجوووووووووووووووووووووود ولن ينتهي ابدا لاني مصممه ان احصل علي عمل يليق بي قبل الهجره ان شاااء الله لاننا مقدمين من اوائل 2007.. دعواتكم لينا . ويارب ما اكونش صدعتكم بحكايتي

[الأقصرى]

لكا مجتهد نصيب ............ ولو بعد حين

لا تجعلى موضوع الواسطه (الفساد الأدارى) اللى ظلم معظمنا يؤثر على عزيمتك فى الأجتهاد

كملى فى اجتهادك وتأكدى ان الله لا يضيع من أحسن عملاُ .