الاخوة اعضاء المنتدى الكرام .. انت وظيفتك ايه .. ؟

[عنبو]

فتفوته انتى انسانه جميله قوى

بجد ينطبق عليكى ست بمية راجل

[Diab]

اخوكم البرادعى

المؤهل الثانوى دبلوم صناعى الشعبه المعماريه

المؤهل المعهد الفنى للمنشأت البحرية واقتصاديات النقل البحرى شعبة ميكنة وتشغيل السفن

المهارات ميكانيكا ديزل صيانة وصيانة الحاسب الالى وصيانة الدش والموبايل سوفت وشويه هارد وير

دورات فى الكمبيوتر واللغه الانجليزيه والصيانة ده حتى عملت دورات فى الطبيخ هههههههه من معهد ايجوس للسياحه والفنادق

العمل اشتغلت كتير من اول عامل نظافه فى بنزينه وسيلس فى محلات كتير وامين مخازن ومراقب عمال مبانى واشتغلت فاعل اشيل قصعه واشتغلت فى الوكاله ابيع منجه فى موسم المنجه لحد ماوصلت للمهنة اللى انا فيها حاليا مسوق عقارى

واعمل مسوق عقارى من 2007 وباءت مسوق اليكترونى اجيب واعلن شغل وشويه شويه بداءت اتعلم المهنه صح واللسان بداء يتحرك ونزلت اتعامل بقى مع العملاء واوريهم شغل وافرجهم شغل بس الشركة بتنصب علينا وبتدينا اقل اقل من حقنا بس اهو شغل

عمرى حاليا 23 سنه

ربنا يكرمك شكلك مجتهد

حاجتين حافظ عليهم طوووووووووووووووول حياتك

رضا الوالدين

البعد عن المال الحرام

هتلاقي الدنيا تحت رجليك بس ابقي متنساش تبقي تشترك في الخدمة دي

ادعيلي شكرا

هههههههه

دي ملهاش علاقة باي حاجة دي حاجة جت في بالي كدة وقولت اقولهالك والاجر عند الله

تحياتي

دياب

تم تعديل 12 مايو 2010 بواسطة Diab

[امير مجروح]

بسم الله الرحمن الرحيم

المؤهل : بكالوريوس تجارة قسم محاسبة .

سنة التخرج : 2010

العمل : لا اعمل حاليا وابحث عن عمل .

[لماضة مصرية جدا]

اخوكم البرادعى

المؤهل الثانوى دبلوم صناعى الشعبه المعماريه

المؤهل المعهد الفنى للمنشأت البحرية واقتصاديات النقل البحرى شعبة ميكنة وتشغيل السفن

المهارات ميكانيكا ديزل صيانة وصيانة الحاسب الالى وصيانة الدش والموبايل سوفت وشويه هارد وير

دورات فى الكمبيوتر واللغه الانجليزيه والصيانة ده حتى عملت دورات فى الطبيخ هههههههه من معهد ايجوس للسياحه والفنادق

العمل اشتغلت كتير من اول عامل نظافه فى بنزينه وسيلس فى محلات كتير وامين مخازن ومراقب عمال مبانى واشتغلت فاعل اشيل قصعه واشتغلت فى الوكاله ابيع منجه فى موسم المنجه لحد ماوصلت للمهنة اللى انا فيها حاليا مسوق عقارى

واعمل مسوق عقارى من 2007 وباءت مسوق اليكترونى اجيب واعلن شغل وشويه شويه بداءت اتعلم المهنه صح واللسان بداء يتحرك ونزلت اتعامل بقى مع العملاء واوريهم شغل وافرجهم شغل بس الشركة بتنصب علينا وبتدينا اقل اقل من حقنا بس اهو شغل

عمرى حاليا 23 سنه

السلام عليكم و رحمة الله و بركاته

اول مرة بشوف مداخلة حضرتك

و بجد يا استاذالبرادعي....بحييك علي كفاحك. في سنك الصغير ده...

و خليك موقن ان الشغل ده عبادة

متاكدة كمان 5 سنين....حضرتك هتيجي هنا....و هنسمع عنك خبر نجاح اكيد

ربنا يوفقك...و يوفق كل شاب مجتهد....بيكافح و يشمر دراعاته و ينزل للدنيا....مش بيستني الدنيا تنادي عليه

تحياتي مرة تانية

مساااك وش مصري....ملامحه الجدعنة

[لماضة مصرية جدا]

بسم الله الرحمن الرحيم

المؤهل : بكالوريوس تجارة قسم محاسبة .

سنة التخرج : 2010

العمل : لا اعمل حاليا وابحث عن عمل .

امير....مبروك التخرج

انت لسه هتقعد ع المحاورات...زدي ادمان يا ابني....(بص علي عدد مداخلاتي....و بص علي اللسعان اللي انا بقيت فيه.....وش حد بيشد في شعره)

نصيحة مني....ابتدي خد دورات لغة و اي تي....و لو فيه حاجات تنمية بشرية بجد...انت كده دلوقتي محتاجهم جدا

و ربنا يوفقك....و تيجي كمان شوية و تقولنا باركولي يا جماعة انا لقيت شغل....و حاجة حلوة كمان

مسااااك كفاح....لازم نشمر ليه دراعاتنا

[لماضة مصرية جدا]

و انا قاعدة في الجونينة و حواليا كل قصصكم الحلوة

قوووووووووووم ايه

لقيت مين....جه بص علي التوبيك....من خرم الباب و مشي

1 الاعضاء, 1 الزوار, 0 مجهولين

لماضة مصرية جدا

This topic has been visited by 10 user(s) [Expand][ Collapse ]

, أمل حياتي, لماضة مصرية جدا, امير مجروح, Dreamwithme, تخصص نادر, masraweya, mondeza, nightmare, شريف مان

طب يا ريتكوا كنتوا عرفتونا عليكم اكتر....ده هنا ارحم...و لا نعملكم استدعاء ع كورسي الاعتراف...(وش حد بيضحك في كمه)

مستنينكم....لانكم بجد....بقيتوا من الاسرة المحاوراتية

مساااكم لمة عيلة....علي العشا...و حكايات حلوة

[Dreamwithme]

و انا قاعدة في الجونينة و حواليا كل قصصكم الحلوة

قوووووووووووم ايه

لقيت مين....جه بص علي التوبيك....من خرم الباب و مشي

1 الاعضاء, 1 الزوار, 0 مجهولين

لماضة مصرية جدا

This topic has been visited by 10 user(s) [Expand][ Collapse ]

, أمل حياتي, لماضة مصرية جدا, امير مجروح, Dreamwithme, تخصص نادر, masraweya, mondeza, nightmare, شريف مان

طب يا ريتكوا كنتوا عرفتونا عليكم اكتر....ده هنا ارحم...و لا نعملكم استدعاء ع كورسي الاعتراف...(وش حد بيضحك في كمه)

مستنينكم....لانكم بجد....بقيتوا من الاسرة المحاوراتية

مساااكم لمة عيلة....علي العشا...و حكايات حلوة

ماشي يا لماضة :wub: .....قفشتيني :unsure: ....أروح منك فين دلوقتي i*: ...أستخبي فين؟! hypr:

الموضوع وما فيه إني معنديش قصة كفاح زي القصص اللي مالية التوبيك

أنا ببساطة صيدلانية دفعة 2000 وبعدين اتعينت في مركز البحوث وأنا دلوقتي مدرس مساعد flrt:

(معايا الماجيستير وبأحضر للدكتوراة)

يعني قصة بسيطة ياستي ....بس أبوس أيديك بلاش كوووووورسي الاعتراف ده

وميرسي يا أفندم إنك دخلتيني في الأسرة المحاورتية

[لماضة مصرية جدا]

و انا قاعدة في الجونينة و حواليا كل قصصكم الحلوة

قوووووووووووم ايه

لقيت مين....جه بص علي التوبيك....من خرم الباب و مشي

1 الاعضاء, 1 الزوار, 0 مجهولين

لماضة مصرية جدا

This topic has been visited by 10 user(s) [Expand][ Collapse ]

, أمل حياتي, لماضة مصرية جدا, امير مجروح, Dreamwithme, تخصص نادر, masraweya, mondeza, nightmare, شريف مان

طب يا ريتكوا كنتوا عرفتونا عليكم اكتر....ده هنا ارحم...و لا نعملكم استدعاء ع كورسي الاعتراف...(وش حد بيضحك في كمه)

مستنينكم....لانكم بجد....بقيتوا من الاسرة المحاوراتية

مساااكم لمة عيلة....علي العشا...و حكايات حلوة

ماشي يا لماضة :wub: .....قفشتيني :unsure: ....أروح منك فين دلوقتي i*: ...أستخبي فين؟! hypr:

الموضوع وما فيه إني معنديش قصة كفاح زي القصص اللي مالية التوبيك

أنا ببساطة صيدلانية دفعة 2000 وبعدين اتعينت في مركز البحوث وأنا دلوقتي مدرس مساعد flrt:

(معايا الماجيستير وبأحضر للدكتوراة)

يعني قصة بسيطة ياستي ....بس أبوس أيديك بلاش كوووووورسي الاعتراف ده

وميرسي يا أفندم إنك دخلتيني في الأسرة المحاورتية

إمممممم

مدرس مساعد.....

و ماجستير...و دكتوراة

يا بنتي....اسحبي بقي اي مخدتين و تعالي هنحكي للصبح

علي فكرة يا دريمي....انتي حضورك مميز...(أينعم نفسي تشدي الزعبوط من علي قبة عينيكي بس معلشي)...و كلنا هنا بنرحب بيكي في برنامج..."تعالي جنبي...و حط فكرك علي فكري....يطلعوا دماااغ"

ع جنب بقي

مش عايزة ارفعلك توبيك الكورسي و الكهربا و كده يعني....تدفعي كام..!!

مسااااكي اقتراب....محبب للروح

[Dreamwithme]

ماشي يا لماضة نحكي للصبح بس ياريت تكون حكاوي متفائلة وجميلة

مقولتيش إنت ليكي علاقة بالبحث العلمي ولا بالماجيستير؟ وأنت بتشتغلي إيه ؟

ما أقدرش أوعدك إني أشيل الزعبوط من علي عنيا لأن الصورة كان تحتها تعليق see no evil

وأنا عايزة أفضل كده أشوف الحاجات الحلوة بقلبي وبلاش الحاجات الوحشة تلوث عنيا

مسااااكي مودة وحب علي طول يارب

[arkan]

إمممممم

مدرس مساعد.....

و ماجستير...و دكتوراة

يا بنتي....اسحبي بقي اي مخدتين و تعالي هنحكي للصبح

وسعوا لي بنكم بتقولوا ايه هه مش هقول لحد- وش واحدة حشرية-

بهزر والله

باقرأ في التوبك ده كل فترة ومتجيش فرصة اعلق

اولا قصة كفاح مدام فتفوتة ربنا يديها الصحة اثرت في جامد ربنا يفتح على الجميع يارب واى عمل شريف هو اضافة للانسان حتى لو من غير فلوس في وقت ما

صباحكم نادي

تم تعديل 24 نوفمبر 2010 بواسطة arkan

[لماضة مصرية جدا]

السلام عليكم و رحمة الله و بركاته

دريمي....و تانت أركان....

يا مرحبا يا مرحبا....

هاتوا الشلتة...و تعالوا ع المصطبة

بالنوسبة لسؤال دريمي....أنا ايه علاقتي بالمنطق...(وش مورسي الزناتي)

هو طريقة كلامي توحي ان اقصي مدي ليا اني قاعدة و فارشة جرايد....و ببيع و بشاكل في ام فاروق بتاعت الجرجير اللي قاعدة جنب مني علي رصيف الحياة....صح...متنكريش...عيني في عينك...(وش عيل لمض بيقرب من اللي قدامه اوي...و مصدق اوي حكاية عيني في عينك)

و ايحانا انا بقعد اقرا نفسي هنا ع المنتدي...و اقول....مين دي...(وش مذبهل...احيانا يعني...بس هو البني ادم ايه غير شوية حاجات فوق بعضيها)

بجد بقي

الحمد لله رب العالمين....ربنا كرمني و عملت رسالة الماجستير في حاجة لطيفة اوي...

خليت الاطفال لمدة 3 شهور يعيشوا جو اليس في بلاد العجائب....و مغامرات ميكي....و عم دهب....و سنووايت و الاقزام السبعة....و ده يبقي بالعنجليزي

المشرفين بتوعي في وقتها انبسطوا اوي بالحكاية....لان عقلي كان طفولي...و كنت بعمل حاجات هما مش متعودين عليها....في البحث العلمي وصرامته الشديدة جدا

بس كنت دايما بقولهم...انا عايزة اعمل حاجة بحبها....مصدقاها....مش هعرف اكون غير كده

و كان واحد من اساتذتي الله يرحمه....كان حكالنا انه كتب رسالة الدكتوراة علي سيمفونية بيتهوفن....يعني كان حاسس بمتعة و هو بيدرس...او بيتعلم

و انا بحب اوصل للمرحلة دي في اي حاجة في حياتي....لازم استمخ....لازم استمتع حتي لو حاجة جامدة اوي زي البحوث و كده

فعشان كده قعدت "استمخ" بقي بعد الماجستير....و عجبتني اوي الشغل العملي

الدكتوراة مشروع مؤجل....و الله اعلم

دلوقتي المفروض اني بشتغل و بدرس....و كالمعتاد...(بشتغل حاجة...و بدرس حاجة تانية مختلفة شوية عن مجالي....نفسي الاتنين يصبوا جوا بعض....بس لعله خير)

لو حلمكم بجد.....الدكتوراة....دافعوا عنه بكل ما تملكوا و دايما احتسبوه انه العلم الصالح اللي ممكن ينتفع به.....صدقة جارية بعد الموت

و ربنا يوفقكم يا رب

ها هنحضر مناقشة مين قرررررريب...(وش واحدة رافعة ايديها للسما و بتدعي لدريمي و تانت اركان و كل الباحثين و الباحثات المتشحتفين في الارض....و المتشحتفات)

مسااااكم....خطوة في طاعة...تقربنا لربنا

[عادل أبو عمر]

أنا معرفش أقول حاجة عن حياتي غير إني مفيش حاجة اتمنيتها أو مااتمنيتهاش في الدنيا دي و إلا و ربنا كرمني بيها بجد و الله و كرم ربنا عليا أد طموحي مثلا بميت مرة على الأقل ... فيه حاجة احسن من كدة .. آه فيه إني أقول الحمد لله من جوة جوة جوة قلبي و أنا مصدقها و مقتنع بيها ...

حياتي العملية بدأت من تانية إعدادي إزاي ماعرفش بس دي كان سلو الحتة بتاعتنا الولاد يشتغلوا في الصيف .. مش المشكلة والدك بيشتغل إيه .. المهم تريحهم في البيت منك شوية و تعمل حاجة مفيدة .. في الوقت ده في التمانينات كان إجازة المدراس في الصيف طويلة يمكن 5 شهور يعني بناخد منها 4 لعب و شهر شغل و كان بالنسبة لينا كانه أحلى لعب

الغريبة إن والدتي ربنا يخليها و يبارك في عمرها و في صحتها هي اللي كانت بتشجعني على الشغل ووالدي - قصة كفاح - يقولها يا ستي أيامه لسة جاية .. اقعد يابني في البيت و انا هديك اللي هتاخده ف الشغل ... معلومة اليومية كانت خمسين قرش كنت بادهن أبواب نجارة بمادة السلئون .... بالخمسين قرش في الوقت ده كنت مع أصحابي نركب تاكس ونخش السيما و نتعشى و نجيب أي حاجة واحنا مروحين للبيت .

معلومة تانية انا ترتيبي في الوسط بين إخواتي ربنا مايحرمني منهم قبلي اتنين و بعدي اتنين أخويا اللي أكبر مني بالنسبة لي عبقري العيلة فعلا .. مهندس على حق و كاتم أسراري و أخويا اللي أصغر مني تجارة انجليزي روشنة و خفة دم ما شاء الله بحس جنبه إني لابس الطربوش .

أكملكم بئى .. في تالتة إعدادي الحمد لله طلعت الأول على المدرسة زي الابتدائية و بنظام احترس من القادمين من الخلف معرفش إيه التوفيق ده من عند ربنا .. كنت مع اخواتي تلاتة في اوضة واحدة في الوقت ده و كنا بنذاكر على المكتب بالدور مكنش فيه غير لمبة واحدة في الأوضة ..

في ثانوي بدأت أسافر مدينة تانية غير المدينة بتاعتي اشتغلت في مطبعة و بعدين سافرت مطروح برده مع الولاد بتوع الحتة .. الولاد دول على فكرة كان منهم أبطال جمهورية في ألعاب لأن من كرم ربنا علينا إن المنطقة بتاعتنا قريبة اوي من نادي رياضي مشهور و كنا بنلعب كل حاجة من صغرنا حتى السلة و احنا كلنا أوزعة أطول واحد فينا مايجيش متر و ربع

الثانوية العامية .. كنت مرتب نفس في الثانوية يا صيدلة يا تجارة ( أكون او لا أكون ) و الحمد لله دخلت تجارة و قضيت اربع سنين في الشمس و الهوا ...

كنت باسافر في الصيف أشتغل في شرم الشيخ و دهب .... .. أيون برده مع ولاد حتتي .. عشام تفهموا النظرية احنا كنا بنهاجر أفواج زي البط كدة .. بس كل شوية في بلد

في دهب اتعرفت على واحد انجليزي بيشتغل في القاهرة .. كان سبب إني اشتغلت في شركة أمريكية فرعها في مصر في مجال الميديا ... كانت مرحلة جميلة و مهمة جدا بالنسية لي .. بس كانت مشكلتي إني في وسط ناس كلهم AUC و زي ماانتو مش عارفين أخوكم جافرنمنت سكووووول .. يعني مدارس حكومة و افتخرررررررررر .. المهم مشفتش في أي فرصة إني اترقى فيها ... سيبتها واشتغلت في شركة صناعية و الحمد لله بكرمه وحده بئيت مدير إدارة التصدير .. والله ما اعرف إزاي .. بس إنا اتعودت أقول الحمد لله و بس ..

حلمي الوحيد كان إني أشوف الكعبة .. تخيلوا و الله جات لي دعوة للسعودية مدفوعة بكامل التكاليف و لمست الكعبة بإيدي و كمان خدت مكافأة بعد ما رجعت .. مش بأقولكم كرم ربنا معايا فوق طموحي و حتى احلامي ...

وربنا كرمه زاد عليا وسافرت بلاد اوربية و عربية الحمد لله ...

بس اللي مزعلني حاجة واحدة .... إني بسافر لوحدي مش مع ولاد حتتي

آسف للإزعاج

عادل و الحمد لله ..

[arkan]

مرحبا - من على المصطبة -

وان شاء نحضر مناقشة دريمي قريبا

الحمد لله ياقمرايا تجاوزت المرحلة دي

عقبالكم

[عبير يونس]

انا بقى حكايتي حكاية

يا ريت تجيبوا كوباية شاي معتبرة تشربوها و انتوا بتقروا وظيفتي

:)

يللا نبتدي

من حوالي 14 سنة كده حصلت على بكالوريوس محاسبة من جامعة عين شمس الغالية

و لأني اتطبق عليا نظام المعدل التراكمي و انا في سنة تالتة بعد ما خلصت اولى و تانية

طبعا اتظلمت و خدت التقدير الشعبي المعتبر

مع اني جبت جيد في تالتة

و طبعا اللي من دفعتي و قبلي عارفين يعني ايه جيد في تجارة عين شمس

المهم خدت في وشي و قعدت في البيت مكتئبة

لحد ما واحدة صاحبتي من ألسن قالت لي تعالي درسي انجلش في مدرسة لغات معتبرة في طريق مصر الاسماعيلية

قلت لها مش لازم اعمل تربوي و الكلام ده

قالت تعالي يا بنتي همة حيخدوكي عشان اللغة عندك قوية

المهم رحت قدمت و فعلا الست المديرة الله يذكرها بالخير قالت لي تداومي معانا من بكرة

و كنا في مايو و كان وقتها عندهم (ماي سكول) و دي مدرسة صيفية قبل الأجازة الصيفية

دي كانت مديرة المدارس

لكن ناظرة ابتدائي كان لها وجهة نظر دايما معاكسة لتلك المديرة

فأصرت اني ما ادرسش انجلش

رغم ان كان في مدرسة برضه تجارة و كان الانجلش بتاعها مش اد كده

المهم خللوني ادرس ماث

و اشتغلت معاهم سنتين و نص

حاولت خلالهم بشتى الطرق اني ادرس انجلش

و الناظرة راسها و ألف سيف انا ده ما يحصلش ابدا

كان والدي الله يرحمه توفى و أنا في تالت سنة معاهم يدوب كملت الترم

و تركتهم و كانوا مستغربين لأني كنت الحمد لله ناجحة معاهم و متأقلمة في جوهم

انا كنت في حالة نفسية صعبة

و كنت حاسة اني لازم اتوقف شوية عشان أعرف انا رايحة فين

لأني مكنتش مبسوطة بتدريس الماث

انا مغرمة باللغات عموما و بالانجلش خصوصا

كنت بأنا اعجاب كل الأجانب اللي اتكلمت معاهم

الا الناظرة :sad:

المهم ريحت لي تيرم

و طبعا خلال الراحة دي فكرت ادرس

لكن ملقتش حاجة ترضيني

يعني زمايلي كانوا بيقولولي اعمل دبلومة تسويق ما رضيتش

كنت حأعمل دبلومة ترجمة

لكن ما كانش متاح غير ترجمة مهنية و كنت عايزة ترجمة فورية ماكانتش متاحة الا للي دارسين انجلش في مرحلة البكالوريوس

وقتها مكنتش اعرف حاجة عن التيسول انو ممكن يتاخد تبع المعهد البريطاني

لأني حاولت آخد TEFL في ال AUC و برضه ما نفعش عشان المؤهل

طبعا كانت معلوماتي غير دلوقت لأني مكنتش من رواد النت و المنتديات وقتها من عشر سنوات تقريبا

المهم فكرت ارجع للمدارس تاني و انا متضررة

عمري في حياتي ما حأنسى الانترفيو في المدرسة دي

كنت مقدمة مع اتنين من صاحباتي كانوا معايا في المدرسة الأولانية

دول بقى كانوا مدرسات انجلش

واحدة ليسانس ألسن و بتحضر ماجيستير و التانية آداب انجلش و هاف بريتيش ( مامتها بريطانية)

و بلا فخر كنت انا اللي باتكلم انجلش طول المقابلة و همة كانوا بيردوا بيس و نو !!!!

همة اكيد على علم بس معندهمش طلاقة

و مع ذلك كان راسها و ألف سيف اني ادرس ماث عشان ان مش خريجة انجلش

بقيت حاتجنن

هو المؤهل ضروري مفيش كلام

بس كام واحد من الآلاف المؤلفة من خريجي ليسانس الآداب و الألسن و التربية كام واحد منهم نطقه حلو و نير نيتف؟؟؟ ده فيه دكاترة جامعة و نطقهم .....

ما علينا

الأجانب عشان تدرس معاهم الانجلش كلغة تانية بيشترطوا مؤهل جامعي أي تخصص و تكون نيتف او نير نيتف

أنا بفضل الله كل الأجانب اللي قابلتهم و اشتغلت معاهم بعد كده كانو بيصنفوني نير نيتف

يعني شهد شاهد من أهلها

الست دي بصراحة احبطتني جدا

بعد الموضوع ده بشهر

اتكلبشت و دخلت قفص الزوجية في ظرف شهرين!!!

و كان المفروض اسافر مع زوجي الدمام حيث يعمل

فركشتله السفرية

و قعدنا في مصر 3 سنين

كان بيدور فيهم ع السفر كل يوم

و يا ما حاولت اقنعه ندرس سوا

لكن ربنا ما أرادش

لما جيت مكة

بدأت اشتغل برايفت انجلش

و طبعا كنت بانحت في الصخر

لأن أهل مكة ما بيحبوش الانجلش و مفيش بينهم و بينه عمار

المهم نجحت بفضل الله و بقيت اعمل من الفسيخ شربات

و بقوا البنات اللي درستهم يحبوا الانجليزي

اشتغلت برايفت و ترجمة و مدارس و معهد لغة و مذيعة في القناة التانية السعودية

و كله فري لانس (عمل حر) من الباطن و بدون تعاقد رسمي

طبعا الشغل بيزود الخبرة و الكفاءة

لكن باحتار لما حد بيسألني بتشتغلي ايه؟؟

ما هو أصل مش معقول كل ما حد يسألني احكيله الحكاية دي كلها

حتى لما بأملا البيانات لولادي في المدرسة بأسيب خانة عمل الأم فاضية

تفتكروا يبقى انا وظيفتي ايه بقى؟؟؟

:blink:

28 مايو 2009

كنت تائهة من أنا و ماذا أكون؟

دلوقتي أقدر أقول و بكل ثقة اني بفضل الله تعالى قدرت أخرج من دوامة التوهان و عدم وحدة الهدف

بفضل الرغبة في تغيير حياتي للأفضل

بفضل الله يمكنني الآن أن أحدد وظيفتي

و هي بكل فخر

مدربة لغة انجليزية بأحد معاهد اللغات

هذا هو هدفي و بفضل الله أحققه

لم أعد محتارة في وظيفتي

أنا مدربة لغة

و هي وظيفة تعني لي الكثير

فهي هدف حياة و ليست مجرد وظيفة

التواصل مع الآخرين و إرشادهم لكيفية الوصول

هو غايتي و وسيلتي

عارفين ازاي ده حصل؟

- الرغبة في التغيير

- الصفح عن الماضي و تخطيه للحاضر مع الانتباه لباقي السلبيات الخمسة من لوم و مقارنة و انتقاد و أنانية

و كل ده كان مالي مداخلتي القديمة

- تقبل النفس و محبتها كما هي

ادعو من قلبي لكل من هو حائر في هذه الدنيا

أن يرزقه الله تعالى هدفا لحياته

[Dreamwithme]

مصرية متغربة ....

ما أجمل كلامك ....أنا سعيدة جدا جدا ليكي

وأدعو معك لكل من هو حائر في هذه الدنيا

ربنا يكرمك يارب ويكرم الجميع

[se_ Elsyed]

معليش سؤال خارج المقرر

موجه للاخ الزميل امير مجروح ..

إنت دخلت وروحت هابد الاخت لماضه تقييم سالب على المداخلة دي

السلام عليكم و رحمة الله و بركاته

اول مرة بشوف مداخلة حضرتك

و بجد يا استاذالبرادعي....بحييك علي كفاحك. في سنك الصغير ده...

و خليك موقن ان الشغل ده عبادة

متاكدة كمان 5 سنين....حضرتك هتيجي هنا....و هنسمع عنك خبر نجاح اكيد

ربنا يوفقك...و يوفق كل شاب مجتهد....بيكافح و يشمر دراعاته و ينزل للدنيا....مش بيستني الدنيا تنادي عليه

تحياتي مرة تانية

مساااك وش مصري....ملامحه الجدعنة

!!!!!!!!!!!!!!!!!!!!!!!!!! أنا أستعجبت بعدد العلامات اللي جنبي دي

بعد كده أول ما علقت هي هي نفسها لماضه على مداخلة حضترك دي

امير....مبروك التخرج

انت لسه هتقعد ع المحاورات...زدي ادمان يا ابني....(بص علي عدد مداخلاتي....و بص علي اللسعان اللي انا بقيت فيه.....وش حد بيشد في شعره)

نصيحة مني....ابتدي خد دورات لغة و اي تي....و لو فيه حاجات تنمية بشرية بجد...انت كده دلوقتي محتاجهم جدا

و ربنا يوفقك....و تيجي كمان شوية و تقولنا باركولي يا جماعة انا لقيت شغل....و حاجة حلوة كمان

مسااااك كفاح....لازم نشمر ليه دراعاتنا

روحت مديها تقييم إيجابي

وبعدها تقيمين إيجابيين في نفس الموضوع على مداخلات أخرى

بجد .. بقيت أشعر إن الناس بتستخدم التقييم بالكيلو .. لا له معايير ولا قواعد ولا يحزنون ..

[لماضة مصرية جدا]

أنا معرفش أقول حاجة عن حياتي غير إني مفيش حاجة اتمنيتها أو مااتمنيتهاش في الدنيا دي و إلا و ربنا كرمني بيها بجد و الله و كرم ربنا عليا أد طموحي مثلا بميت مرة على الأقل ... فيه حاجة احسن من كدة .. آه فيه إني أقول الحمد لله من جوة جوة جوة قلبي و أنا مصدقها و مقتنع بيها ...

السلام عليكم و رحمة الله و بركاته

استاذ مارو

حالة الرضا اللي حضرتك ودتنا ليه دي تستحق التوقف امامها طويلا

كل حد فينا في الدنيا لو شاف رجع بالشريط لورا...هيلاقي ان ربنا اداله زي ما حضرتك قولت اضعاف ما فيوم تخيل لنفسه

تحياتي استاذي

سؤال صحيح

يا تري هتخلي عمر....اللي عاوج الطاقية في الصورة دوت...هو كمان هيمشي علي نفس الخطوات....و لا هتخليه يشق طريقه في الدنيا ازاي؟؟؟

تم تعديل 26 نوفمبر 2010 بواسطة لماضة مصرية جدا

[لماضة مصرية جدا]

انا بقى حكايتي حكايةأنا مدربة لغة

و هي وظيفة تعني لي الكثير

فهي هدف حياة و ليست مجرد وظيفة

التواصل مع الآخرين و إرشادهم لكيفية الوصول

السلام عليكم و رحمة الله و بركاته

مبارك الوصول.....هتكتشفي انك في هذا المرفأ ستصلين لشواطيء اخري لم تحلمي بها من قبل

افردي الشراع....و خلي المركب بتاعك دايما منين ما تاخده الريح....و هتكتشفي ارضا خصبة جدا

لو حطيتي قدامك...انك بتبحري في عالم انساني....و مجدافك فيه اللغة....هتنقلي سريعا حيث لم تحلمي يوما

دعائي لكي بكل التوفيق

و هتيجي الحتة دي تاني....و تحكيلنا عن الشاطيء الجديد

[عبير يونس]

تقييمي الإيجابي ليكي لحاجتين يا ريهام

أولا الدعاء بإخلاص و محبة لمستهم في كلامك و جرعة عالية من التفاؤل في صورة رائعة رسمتيها بكلماتك

ربنا يزيدك تفاؤل و حب

و ثانيا على توقيعك الجديد

يارَبْ عَلمّنْي أنْ أحبّ النَاسْ كَما أحبّ نَفسْي

وَعَلّمني أنْ أحَاسِبْ نَفسْي كَما أحَاسِبْ النَاسْ

وَعَلّمنْي أنْ التسَامح هَو أكْبَر مَراتب القوّة

وَأنّ حبّ الانتقام هَو أولْ مَظاهِر الضعْفَ

يارَبْ إذا أسَأت إلى الناس فَاعْطِني شجَاعَة الاعتذار

وإذا أسَاء لي النَّاس فاعْطِنْي شجَاعَة العَفْوَ

يارَبْ إذا جَرَّدتني من المال فاتركْ لي الأمل

وَإذا جَرّدتني مِنَ النجَّاح فاترك لي قوّة العِنَاد حَتّى أتغلب عَلى الفَشل

وَإذا جَرّدتني مَن نعْمة الصَّحة فاترك لي نعمة الإيمان

يا رب

ايه الروعة دي يا بنتي

معاني جميلة جدا جدا جدا

الكلمات دي هي الحياة كلها

حاسة انها بس زاد الرحلة

هي الروشتة الفعالة للعلاقة الثلاثية بين الانسان و ربه و نفسه و الناس

ربنا ينفعنا و إياك بهذا الدعاء

آمين

[عطر الجنة]

سبحان الله

كل الناس اللى تعبوا ربنا كلل مسعاهم بالنجاح

ما اجمل ان يحصد الانسان ثمرة تعبه و جهده

كل قصة هنا كان اساس نجاحها الصبر و حب العمل و عدم الاكتراث بكون هذا عمل ضئيل الشأن

ليت شباب اليوم يقرئوا تلك السطور و يتعلموا الصبر و حكمة الايام و تقوى الله

تحياتى