فيزا عامل والمهنه محاسب

[ramyayash]

الحمد لله رب العالمين جائتني فرصه عمل كمحاسب وهذه هي الشروط

1/ المهنه محاسب

2/ الدوام من الساعه 7 الي الساعه 2 ظهرا ومن المغرب الي العشاء

3/ الراتب 1500 ريال

4/ الفيزا بمهنه عامل نظافه لحين السماح بتغيير المهنه مرة اخري من قبل السطات

5/ السكن مؤقتا مع الوالد لحين الزواج هاخد بدل سكن

6/ عمل الزوجه مضمون في مدرسه ثانوي

7/ الفيزا مجانا فقط مجرد 2500 ريال تمن استخراجها ومصاريف المكتب في القاهره

8/ اذا لما احب دفع 2500 ريال يتم خصمهم من الراتب علي 3 او 4 شهور

9/ السفر طيران سما عليهم

10/ لا يوجد سياره او اي مزايا عينيه من صاحب العمل

11/ لا يوجد سنين خبره ولا يوجد اي عمل محاسبي سابقا كما انني خريج 2007 جامعه المنصوره بتقدير مقبول

حتي الان لا اعرف اقبل او ارفض ولكن.... وظيفتين مضمونتين بدون دفع ثمن للفيزا شئ جيد وفرصه جيده

كما ان العمل الاضافي مقبول بالنسبه لي

ارجو معرفه رايكم يا اخواني

وارجو تحديد خطوات تغيير مهنة البطاقه والجواز لان صاحب العمل قالي انه ارسل رقم الجواز واسمي لمكتب بالسعوديه وسيتم التفويض خلال الاسبوع الحالي

كلمت المكتب قالي غير المهنه في البطاقه والجواز

وانا حابب الساده الافاضل يضعو لينكات المواضيع اللي توضحلي الخطوات من الالف الي الياء

وادعولي بالتوفيق

[elfakhrany]

3/ الراتب 1500 ريال

4/ الفيزا بمهنه عامل نظافه لحين السماح بتغيير المهنه مرة اخري من قبل السطات

نتمنالك التوفيق ...

ورأيى الشخصى هو أن العرض ضعيف جدا جداااا و قلت سابقا راتب المحاسب حديث التخرج حوالى 2500 ريال والسكن والتأمين الصحى وتذاكر الطيران تكون مؤمنة من قبل الشركة

[alex man]

عزيزى

لاتقبل هذا العرض عرض ضعيف كمان تغير المهنة الة محاسب صعبة فى ظل وجود هذة المهنة بالاضافة الى انه من الصعب عمل استقدام لانك مغير المهنة الا بعد العذاب

اهم العقد يكون مومن التذاكرة +بدل انتقال او سيارة لا تقبل اقل من 2500 ريال نحن نصحك لوجه الله تعالى

[زعلان]

معلش هو والدك بيشتغل ايه يعني هو في السعودية وانت حتعيش معاه لو هو راضي انك تعمل في نفسك كده يبقى احنا ملناش رأي

[KAhamid]

انا كان عندي اوفر والصراحة رفضتة

كان راتب 3000 ريال

السكن والانتقالات علي صاحب العمل

الشركة بالرياض

مدة العقد سنتان

ورفضت وقلت لصاحب العمل الراتب ده ممكن تدية لواحد خريج 2007 ويقبل بيه بالعافية

للعلم انا خريج 2005 وبقالي اربع سنين شغال في الحسابات

فراي ما تقبلش لان فعلا انا جبتله واحد صاحبي خريج 2007 وسافر معاه علي 2750 ريال

انما 1500 دي حراااااااااااااااااااااااااااام عليك

واحنا كدا بنرخص نفسنا جدا

[ramyayash]

شكرا لكم علي سرعه الرد اخواني الافاضل

بالنسبه لموضوع التامين الصحي فلم اتحدث فيه وكذلك السياره او بدل الانتقال فبرجاء توضيح كيفيه تحديدها مع الكفيل

اما موضوع تغيير المهنه الي محاسب فمع افتراض عدم استطاعه التغيير فلست في احتياج له ليتم الاستقدام لان الزوجه باذن الله ستحضر بصفه معلمه في المدرسه

وبالنسبه للاهل الوالد والوالده فمعهم اقامه ويستطيعون الدخول والخروج من البلد في اي وقت

والدي دكتور جامعي وانا سوف اعمل محاسب في الجامعه هناك

وهو راضي انني اكون داخل كيان العمل بحيث انني اقدر ارقي بنفسي سواء بدراسات عليا او بالرقي في مجال العمل نفسه

وشكرا

[jamalpody]

وبالنسبه للاهل الوالد والوالده فمعهم اقامه ويستطيعون الدخول والخروج من البلد في اي وقت

والدي دكتور جامعي وانا سوف اعمل محاسب في الجامعه هناك

وهو راضي انني اكون داخل كيان العمل بحيث انني اقدر ارقي بنفسي سواء بدراسات عليا او بالرقي في مجال العمل نفسه

وشكرا

يعني انت عاوز تقول ان والدك حيشغلك محاسب في الجامعة براتب 1500 ريال ؟؟؟؟؟؟؟؟؟؟؟؟؟

[ramyayash]

وبالنسبه للاهل الوالد والوالده فمعهم اقامه ويستطيعون الدخول والخروج من البلد في اي وقت

والدي دكتور جامعي وانا سوف اعمل محاسب في الجامعه هناك

وهو راضي انني اكون داخل كيان العمل بحيث انني اقدر ارقي بنفسي سواء بدراسات عليا او بالرقي في مجال العمل نفسه

وشكرا

يعني انت عاوز تقول ان والدك حيشغلك محاسب في الجامعة براتب 1500 ريال ؟؟؟؟؟؟؟؟؟؟؟؟؟

تقريبا

n2&( bv:- :) n2&(

[زعلان]

والدك دكتور في الجامعه و جايبك تشتغل بفيزة عامل ب 1500 ريال

قول لوالدك ربنا يسامحك

[خالد شحاته]

بصراحه انا مش عارف اقولك ايه

لان لولدك موافق علي الراتب الا مش يكفيك اي شي اخي الفاضل ياتري بعد

الزواج هتعمل ايه الراتب مش هيكفي مصاريف البيت

[عبير يونس]

أنا رأيي انك تخوض التجربة

حتخسر ايه يعني؟

انت لسه سنك صغير و خاطب

يعني حتى لو اتجوزت مفيش لسه اولاد

خوض التجربة

و حتى لو ما ارتحتش

اهي حتبقى خبرة كبيرة في الحياة

و فرصة عشان تشوف الوجه الآخر للسعودية مع الرواتب القليلة بتبقى عاملة ازاي

صدقني مهما قلنا لك انت ميال للموضوع

و لو رفضت من غير ما تروح حتقعد تأنب نفسك طول العمر ع الفرصة اللي ضيعتها

ده غير ان الوالد حيأنبك لآخر العمر ع الفرصة اللي جابهالك و انت ما رضيتش

فعلا لازم تجرب بنفسك

و مين عارف يمكن تنبسط

ما هو سبحان الله

كل واحد بينام ع الجنب اللي بيريحه

و لولا اختلاف الأذواق لبارت السلع في الأسواق

بجد والله و من قلبي باتمنا لك التوفيق

[عبير يونس]

انا كان عندي اوفر والصراحة رفضتة

كان راتب 3000 ريال

السكن والانتقالات علي صاحب العمل

الشركة بالرياض

مدة العقد سنتان

ورفضت وقلت لصاحب العمل الراتب ده ممكن تدية لواحد خريج 2007 ويقبل بيه بالعافية

للعلم انا خريج 2005 وبقالي اربع سنين شغال في الحسابات

فراي ما تقبلش لان فعلا انا جبتله واحد صاحبي خريج 2007 وسافر معاه علي 2750 ريال

انما 1500 دي حراااااااااااااااااااااااااااام عليك

واحنا كدا بنرخص نفسنا جدا

هوة احنا لسه ما رخصناش؟؟؟!!! :)

[زعلان]

عارفه يا مصرية 1500 ريال عن طريق والده مش مشكلة بس فيزة عامل نظافه لأ كده ما يصحش وعيب

[MZohairy]

عارفه يا مصرية 1500 ريال عن طريق والده مش مشكلة بس فيزة عامل نظافه لأ كده ما يصحش وعيب

اعتقد ان الأخ صاحب الموضوع وصل لقراره قبل كتابة الموضوع بصرف النظر عن آراء المشاركين هنا و مهما قالوا

بالتوفيق يا أخي الكريم

[زعلان]

كله منك يا زهيري

[alex man]

عزيزى صاحب الموضوع

ان لى صديق تم تعيينه فى الجامعة على راتب 4500 ريال بالاضافة الى 5تذاكر سفر سنويا+3 شهور بدل راتب +10% بدل انتقال كالمعتاد

ويا ابنى 1500 ريال لايفتح بيت نهائيا الا اذا كنت سوف تعتمد على الوالد وهذا لايصح وانت حر فى قرارك

[ramyayash]

اخواني واخواتي

المهنه عامل السعودي قالي ممكن تاني يوم بغيرلك المهنه في الاقامه محاسب ولكن عامل علشان ما تيجي الكومه ليهم تقولهم المهنه خلاص تسعودت سرحو الموظفين وهاتو مكانهم سعوديين

الشئ التاني انا مش بتكلم عن وظيفه واحده انا بتكلم عن وظيفتين لي ولزوجتي

ثالثا وده الاهم الشخص ده لو بعد 50 سنه عمره ما هيقول لي ارجع مصر ولن يتخلي عني

رابعا والدي عارف ان انا مش هعتمد عالوظيفه كدخل وانني هشتغل شغل اضافي وال1500 ريال دي ما تكفينيش اكل وشرب وبنزين وموبايلات ولكنها مبلغ ثابت لوازم الحياه والشغل الاضافي اكيد هيخلي الوضع افضل

[alex man]

عزيزى صاحب الموضوع

من الواضح انك واخد القرار ربنا يوافقك ان شاء الله نحن نصحك لوجه الله تعالى

عاوز اقوك لك حاجة مهمة جدا انت فى اول حياتك سوف تكون مهتم بالعمل الاضافى ومتحمس له جدا بس بعد مرور الوقت بعد 3 سنوات بعد الزواج وانجاب الاولاد ان شاء الله سوف تكون مشتاق انك تجلس فى البيت معك اسرتك وليس شغل فى ساقية هذا الكلام عن تجربة شخصية انا مرت بها كمان عاوز اقول لك ان العمل الاضافى مش على طوال دائما يعنى فى اى وقت ممكن يقول لك مع السلامة ومن السهل ان لا يعطيك راتبك ساعة كتير بينظر لك صاحب العمل الاضافى فى راتبك وعامة ربنا يوافقك ان شاء الله

اهم حاجة لا تنظر تحت أقدامك ان انظر الى الامام دائما

[banaga]

و الله انا شايف ان مصرية معاها حق مع انى رايى برضة ان المرتب قليل بس عشان يبقى جرب انا برضة بقول لنفسى كده على اد ما انا مش مستريح اوى بس عشان مندمش بعد كده و لان واحد صاحبى برضة جاى بقاله 4 شهور بس المدينة المنورة على 1800 ريال و والده هنا بقاله 20 سنة و هو اللى جايبله العرض ده فا انت جرب و مش هتخسر حاجة انشاالله حتى سنة و شوف هتعمل كام عمره و تعمل حج و دى طبعا لا تقدر بمال يعنى كمان هنا ممكن تشوف حاجة تانية لكن من عندك مش هتشوف اى حاجة و فعلا مصرية معاها حق فى هنود و سودانيين بيجو عندنا بنفس الراتب و اعلى و كمان سوريين و تعليمهم اقل و اصغر سنا و الانجليزى بتاعهم مش قوى اوى بس مش موع ان رخصنا نفسنا و لكن فى مصر العرض قليل و الطلب كتير يعنى تلاقى واحد نازل معاه 10 تاشيرات و يعمل اعلان فى الاهرام يجيله فى اسبوع 6 الاف واحد يقدمو

بالمرة بقى اخد رايكو فى حاجة انا برضه جالى عرض اعلى من اللى انا فيه فى الراتب و الوظيفة و المهنه عامل و قالولى منوعدكش اننا نغيرلك مهنه اساسا و انا عقدى هيخلصى فى شهر 1 و هنزل اتجوز ( هدخل انا نزلت اجازة و كتبت كتابى ) مش عارف اعمل لحد دلوقتى لو ملقتش حاجة تانيه لحد ما انزل و لا انزل خروج و عودة عشان لو مقدرتش اقعد فى مصر ارجع تانى و لا اعمل اية طبعا انا برضة بدور لان هنا هلاقى براتب كويس لكن مصر لاء عشان موضوع العرض و الطلب

اسف صدعتكوا معايا :winner: ش

[عبير يونس]

في موضوع حضراتكم مش واخدين بالكم منه

في قوانين صارمة بتمنع العمل عند غير الكفيل

و اذا كانت المواضيع بتعدي فده مش معناها ان ده قانوني

حضراتكم عارفين انهم عملوا كمين لناس بيدوا دروس خصوصية ورحلوهم؟؟؟!!!

كانوا بيكلموهم في التيلفون و ياخدوا معاد و يروح المدرس يلاقي الجوازات مستنياه و يرحلوه فورا!

ما بال حضراتكم بشغلانة محاسب عند غير كفيلك؟؟

همة بيعدوا حاجات كتير بمزاجهم

لكن ممكن الواحد يقع مع واحد بيكره الأجانب و ساعتها مش حيرحمه

يبقى ازاي الحال؟؟

دي بس نصيحة و طبعا حصرتكم أحرار في الأخذ بيها أو لأ

و طبعا في ناس كتير ما بيلتزموش بالقوانين دي

بعضهم بيعدي و البعض بيعاقب

يعني من الآخر الشغل الإضافي في السعودية عند غير كفيلك مغامرة

أنا مش بأخوف حضراتكم

أنا قصدي تخللوا الشغل الإضافي زي اسمه إضافي

و لايجب الاعتماد عليه كمورد للدخل

اللهم قد بلغت اللهم فاشهد