تعمل إيه لو كان إسمك " حندوسه " ؟!!!!

[se_ Elsyed]

بأتكلم مع احد أصدقائي المقربين - صديق من ايام الجيزة يعني - إمبارح ... فلقيته بيقولي مش عارف إيه المناسبة أهو كان كلام هات وخد .. لقيته بيقولي تخيل كان في واحد معايا في الجامعه إسمه " حندوسه "

فقلت له : حتدوسوه إزاي يعني ؟

قال : لأ هو إسمه كده " حندوسه ......................... بالمناسبة يا س س .. تعمل إيه لو كنت كبرت واللهم أحفظنا بعيد عن السامعين لقيت نفسك حندوسه ؟

فقلت له : فال الله ولا فالك أهو إنت .. أنا برضوا بتاع الكلام ده ؟ حندوست إيه يا عم ........... وكتاب الله كنت ازعل أوي من أبويا لو حندسني بالمنظر ده ...

وسيبته ملطوع وسرحت بخيالي إلى آفاق بعيده .. حيث الميتافيزيقا .. والأبعاد البؤرية من الجيل الثالث من شماغ أبو ربطه .. وقلت .. : يا نهار أبيض ... إلا لو كان بابا زعلان من أمي لإنه كان نفسه في بنت ساعتها .. وبعدين جيت أنا في ليلة مظلمه حالكة السواد ... راح قال لها : كده .. طب عقاباً ليكي هاسمي الواد حندوسه ... فكانت هاتقول له : يعني إيه حندوسه .. فهايقولها : مش عارف أهي أي حاجه غريبة ومبهمه والسلام عقاباً ليكي وللواد اللي ما كنتش عايزه ده ...

وكبر حندوسه .. ثم ماتت رابعة ... ودخل حندوسة المدرسة .... يا نهار بوس يا نهار بوس ... ده أنا كنت هاخد تريقه للرُكب خصوصاً كان معايا عيال زيي لسانهم زي مبرد ديل الفار .. وأضطر بقى أفتكس أي حاجه من مختار الصحاح أو اي مختار تاني عشان أجيب معنى كلمة حندوسه ، قأقول لهم مثلاً إن حندوسه ده إسم يُطلق على صغير عصفور الكناريا .. يعني الكناريايه الصغيره وهي لسه أبيض واسود وصغيرة بيسموها حندوسه ولما تكبر بيسموها كناريا .. أي حاجه بقى اومال أودي حنودسة دي فين؟

وقلت لصاحبي .. الله يسامحك .. أنا إسمي حلو يا عم الحمد لله يارب الحمد لله .. اللهم ألف حمد وشكر لك يارب أنك لم تجعلني محندساً لكي لا يتتريق علي عباد الله ..

سين سين معروفه ومش محتاجه تفنين .. لكن أهو وضع تخيلي وخلاص ..

وقلت ده أنا أبوس إيدي شعر ودقن إني مش حندوسه او الشمحطجي مثلاً او أي حاجه من الحاجات الوحشه يا عم ..

نيجي للجد بقى ...

- ممكن كتير منا ما يحسش بالمشكلة دي .. يعني الحمد لله أنا ما كنتش أعرف حد في مصر إسمه غريب قوي أو حش .. اللهم إلا لو كان إسم العيلة .. دي حاجه مش بإيدنا .. وإحنا عارفين إن في عائلات مشهورة في مصر أساميها بصراحة يعني . معليش إحنا بنتكلم .. يعني اللي مش مفهوم عارفينه ... وحندوسه بالنسبة لهم تبقى تامر بالنسبة لمخيمر مثلاً ..

فتلاقي مثلاً .. عيلة الجحش ( لأ يا عم ده حندوسه أشيك وارحم )

أو عيلة الحيوان ( الف رحمه ونور عليك يا حندوسه )

أو البغل ( لو سمعت البغل دي هاروح ابوس حندوسه من هنا ومن هنا )

أو الفار ( يعني بما إنه مخلوق صغير وبنضربه على قفاه إسألوني أنا - انظر الكتاب صفحة في بيتنا فأر - .. يبقى ممكن يمشي على قدم المساواة مع حندوسه في الطعامه والحلاوه )

فمش عارف هي الناس زمان كانت الحاجات دي عاديه عندهم ؟

يعني كونك تقول لواحد يا حمار من 200 سنة مثلاً كان بيتبسط ويقول لك : نعمين يابا العمدة إنت بتنده ؟

بما إني وأنا صغير إختلطت شويه بالريف وكنت بأسافر كتير .. فشوفت شويه حاجات من دي .. مش حندوسه لأ .. لكن شوفت إن تقريباً كل قرايبي اللي من سني ومقيمين في الريف كانوا لهم اسامي تانية غير أساميهم الحقيقة .. والله دي حقيقة ... الغريب بقى إني طول عُمري أعرف مثلاً إبن عمي على إن إسمه " عادل " أقوم اكتشف بعد 30 سنه إن إسمه الرسمي

" فتحي " .. !!!!!!! آه والله

وقس على ذلك كل العيال التانية والبنات كمان

فسألت وأتقطست ... وعرفت الحكيكة

- إنتو عارفين الريف يكاد يكون مجتمع مغلق ... وكل الناس تعرف بعضيها ... ولهم عادات وتقاليد مختلفه عن الحضر والمُدن .. فبيؤمنوا قوي قوي قوي بالحسد والسحر ..

فيقولك .. أنا لما أسمي الواد إسم تاني غير إسمه اللي في شهادة الميلاد .. يقوم الناس لما تيجي تحسده تحسد الإسم اللي مش حقيقي ..

يعني إحنا عقدنا العزم ورايحين نحسد فتحي ... نقوم على ما نوصل له ونيجي نحسده .. تيجي في عادل اللي هو فتحي بس إحنا ما نعرفش ..

فهمتو حاجه ؟

وفي بقى اللي بيسموا أسامي غريبة ووحشه عشان تبقى مقرفه وما يتحسدش .... و عشان يعيش .

انا باتكلم جد .. عارفين لما تيجي تشتري عربية ويحصل لها خدش مثلاً في الرفرف أو البرابريز القدماني .. تلاقي واحد بعيد عنك طلع لك يقول لك : إوعى تصلح الخدش ده .. طاوعني

تسأل ليه يا عم ؟ عندك حد قريبك سمكري وعايز تنفعه ؟

يقول لك : لأ يا عبيط ..

سيبه شويتين عشان ياخد العين ...

أهو في أسامي كانت كده ... تلاقيهم مثلاً يسموا " الشحات " او " ابو راسين " او حندوسه ..... والشيء بالشيء يذكر

يا عم ليه تعقد الواد وتجيبله إلتهاب نفساني ؟

يقول لك : عشان الناس لما تلاقي إسمه وحش ما تحسدوش .. إسكت إنت .. وكمان عشان يعيش ؟

يا سلام .. يعني الشحات هايعيش 70 سنه .. وأحمد مثلاُ مش هايعمر وأنبوبته تخلص وهو عنده 27 سنه ؟ وكل ذنبه عشان إسمه حلو ؟

يُتبع ,,,,,

تابعونا بعد الفاصل ..

هاضرب كوباية شاي وأرجع

[بندق أفندى]

بسيطة خالص أروح لدكتور جلدية ..

كانت ليا زميل سعودى اسمه هشام حندوسة على ما أذكر وكان أول مندوب مبيعات سعودى شفته .. كان ولد مجتهد بشدة ..

أظن فى اسم مشهور فى مصر طلعت حندوسة يمكن .. بس مش هتفرق برضه ..

[ramyayash]

حندوسه والله اسم ينفع لواحد شغال قهوجي او تباع في ميكروباص

فعلا اختيار الاسم لازم يكون اسم كويس ومعناه كويس وما يحرجش صحبه

الحمد لله علي نعمه الاسم الكويس

[rewsha]

بلغنا النباْالتالي: bv:-

كان يا مكان في طفل صغير .ابوه سماه حندوسه .

فالموضوع ده عمل له عقده

قام لما كبر

كل اللي يساْله اسمك ايه؟

يقول:

س س

يعني سي السيد : n2&(

n2&(

[فركيكو]

يا سلالالالالالالالالام يا استاذ س س

هوة دا الكلام حندوسة

بتجيب الحجات دى منين ؟

تصدق قلبت النت كلها على حندوسة واحد و ملقيتش

يعنى لقيت شحات

ولقيت زايط

ولقيت كمان عريان .............. و بحاول اقنعة يلبس و ميقعدش كدة

لكن حندوسة دة جديد خالص !

تحياتى.

[ذهبية]

و الله اللى يقولى يا حندوسة هادوسة انا

اية الناس اللى دماغها متركبة شمال دى يا ساتر هما جايبين العيال يطلعوا فيهم عقدهم و يخلفوهم

يدفعوا التمن العمر كلة اعوذ بالله هو علشان ام كارهة ابو الولد ولا ابو الولد كارهة الام يقوموا يدفعوا التمن لابنهم

ولا علشان اخاف من الحسد ااقوم القب الولد باقبح الاسماء علشان محدش يبصلة و الله تخلف و ياسلام بقى لو الولد فعلا كان لايق علية اسمة و شكلة ماشى معاة يبقى حاجة تجنن يا فرحة اهلة بية

اعتقد ان الكلام كان زمان و اكيد اتغير الان بشكل كبير جدا

لو كتب عليا القدر يا استاذ س س و طلعت الدنيا لاقيت نفسى حندوسة اكيد كنت هاغيرة فورا بعد ما كنت

هافضل طول عمرى اوجع ضمير ابويا و امى على الهدية الغير سارة اللى طلعت الدنيا لاقتها فى وشى

[Folana]

السلام عليكم ورحمة الله....

استاذ بندق كتب:

بسيطة خالص أروح لدكتور جلدية ..

هو كده فعلا...لانى كنت قرأت فى مجلة أمريكية ان الحندوس او الحنتوس...يعنى برص باللغة القبطية القديمة...

وعليه..فإن حنتوسة يعنى بُرصة ... n2&( (لكن مش متأكدة )

وكان غالبا فعلا السيدات بيسموا ابنائهم باسماء غريبة علشان يعيشوا.....زى برعى ...او حندوسه او اى اسامى اخرى تبعد العكوسات ...

.. bv:-

[عنبو]

بما انى متربى فى الشرقيه وعاشق للارياف وباحث فى الحضارات ولفيت تقريبا كل العالم يعنى القاهره والاسكندريه والاسماعليه وعشت فى كل دوله من دول برهه من الزمن لكن طبعا حنينى الاول للشرقيه

نقل فؤادك حيث شئت من الهوى ما الحب الا للحبيب الاولى

كم منزل فى الارض يألفه الفتى وحنينه ابداً لاول منزل

بس احب اطمنكم طبعا ان الحاجات دى ولله الحمد اختفت تماما وهى اساسا كانت بتعمد على الثقافه وكانت منتشره مش فى الارياف بس كانت منتشره فى معظم مصر لان الموضوع كان مرتبط بالثقافه بتعت الناس فى الوقت ده

بس برضه ما يزال هنا اثار تلك الفعله الشنيعه على بعض الناس فمثلا فيه واحد اعرفه وهو كبير فى السن يجيى من سن سى سى كده اسمه السحسوح وطبعا الغريب ان الراجل ده مش بيزعل لما حد يقوله ياسحسوح وهو صاحب صنعه لما كنت بيجيبه يعملى حاجه كان بيدور بينا الحوار ده

انا : ازيك ياسطى

هو : تسلم يافندى

انا : بعد فتره كده لما يشتغل هو احنا هنقضيها كلام

انت مش بتزعل ياسطى من اسمك ده

هو :: ازعل من اسمى مش احسن لما يكون اسمى تامر وتبقى عيبه وبعدين هو السحسوح " شين " وحش يعنى طيب فيه كام واحد اسمه تامر ولا هيثم فى مصر كتير لكن عمرك شفت حد اسمه السحسوح

انا : السحسوح لا طيب يامعلم ربنا يقويك لو احتجت اى حاجه ابقى اقلى سلام

هو : تسلم يافندى

هو بقى بينه وبين نفسه

قال مش عاجبه السحسوح شباب اليومين دول من بتوع الكمبروتر والتربتتت اذا كان انا كنت بنزل للحمار فى العق وكنت بغلبه

[عنبو]

:winner:

تم تعديل 28 مايو 2009 بواسطة محمد العنبى

[زعلان]

:wub: ليهبس تفكرني يا حندوسه اقصد يا سين سين

اصل انا اسمي غريب شوية و كنت كل ما اقول اسمي الي بيكلمني يقعد يقول ايه مين ليه

:winner: تفتكر بكره الموضوع ده يتغير

[elfakhrany]

حندوسة دة راحت عليه ... انا لما أتجوز ( بعد الشر يعنى ) بفكر أسمى ابنى حمبوذو لاوى بوذو :winner:

[banaga]

اية ده يا روشة هو س س اسمه (حندوسة ) ؟؟ :winner: :wub:

[بندق أفندى]

ريادة النظام العالمي لن تكون للصين

الاقتصادية هبة حندوسة: لا خطر على مستقبل الرأسمالية

الخبيرة الاقتصادية هبة حندوسة تؤكد استمرار الرأسمالية لقرن على الأقل (الجزيرة نت)

عبد الحافظ الصاوي-القاهرة

"الرأسمالية نظام قوي جدا ونحتاج إليه، وهو الذي سيسيطر خلال القرن الحالي على الأقل، وما حدث من وقوع الأزمة المالية وتداعياتها السلبية، مجرد مشكلات من الوزن الثقيل، ويتم معالجتها عبر إعادة ترتيب الأوراق، وليس نكوصا أو تراجعا عن فلسفة النظام الرأسمالي".

التصريح السابق من حوار أجرته الجزيرة نت مع الدكتورة هبة حندوسة الاقتصادية المصرية ونائبة رئيس الجامعة الأميركية بالقاهرة سابقا.

فمن وجهة نظرها سيتراجع الدور الأميركي في قيادة النظام الاقتصادي العالمي، ولكن هذا التغير لن يؤدي إلى وجود قيادة من الشرق تتمثل في الصين، ولكن ستكون الريادة في النظام الاقتصادي العالمي الجديد للاتحاد الأوروبي.

وتوقعت حندوسة تضرر البلدان الفقيرة بشكل كبير خاصة في أفريقيا، حيث ستتراجع معدلات النمو تأثرا بالركود المنتظر في السنوات الثلاث القادمة.

وعن مستقبل المشروعات الاقتصادية الإقليمية في المنطقة العربية، رأت أن الأورو متوسطية ستستمر في دورها دون تراجع أو تأثر بالأزمة المالية، بينما مشروع الشرق أوسطية سوف يتحدد مصيره على ضوء المتغيرات السياسية في كل من أميركا وأوروبا.

ورأت حندوسة أن الأضرار الواقعة على الدول العربية بشكل عام والخليجية بشكل خاص أقل من غيرها بكثير، نظرا لضعف ارتباطها بالاقتصاد العالمي، بغض النظر عن الصادرات البترولية.

ونبهت الاقتصادية المصرية مما سمتها أخطاء ارتكبتها الدول الخليجية فيما يتعلق بارتباط سلة احتياطياتها من النقد الأجنبي بالدولار فقط، أو ربط سياستها النقدية بالدولار، أو تركيز استثماراتها في الغرب وأميركا، وطالبت بتوجه الاستثمارات في المرحلة المقبلة نحو الدول العربية النامية والفقيرة.

[ابو حودة]

المجلس الأعلى للآثار في مصر يكرم تحفة حندوسة

أقام المجلس الأعلى للآثار في مصر... احتفالية لعالمة الآثار المصرية، والأستاذة في كلية الآثار- جامعة القاهرة الدكتورة تحفة حندوسة.

الأمين العام للمجلس الأعلى للآثار في مصر الدكتور زاهي حواس... قام بتسليم الدكتورة تحفة... العدد التذكاري من حوليات المجلس الأعلى للآثار بعنوان «عالم الفراعنة» يتكون من جزء باللغة العربية، وجزء باللغات الانكليزية والفرنسية والألمانية، وهي مقالات علمية كتبها مجموعة من علماء الآثار المصريين والأجانب، تقديرا لعطائها في مجال دراسة الآثار المصرية القديمة... وضم الاصدار مجموعة من الدراسات العلمية في مجال الآثار واللغة المصرية القديمة والتاريخ والفن والحضارة المصرية القديمة، والتي ينشرها علماء الآثار لأول مرة.

وتحدث الدكتور حواس... عن ذكرياته في العمل مع الدكتورة حندوسة، واصفا هذا العمل بأنه عمل مثمر، كما وصف علماء الآثار الذين حضروا احتفالية الدكتورة حدنوسة بأنها أم الآثاريين، خاصة وأنها قدمت رحلة من العطاء في عالم الآثار لأكثر من 55 عاما.

المصدر : الرأي - 7/2/2009

كما ان هناك شارع في القصر العيني باسم الدكتور حندوسة

[doha]

فكرتوني بنكته ..

بيقولك مرة واحد راح السجل المدني عشان يغير اسمه فالموظف قاله ليه هو انت اسمك ايه؟

الراجل انكسف ونزل راسه كده وقال بصوت واطي " سعد المنعاص "

( منعاص = متوسخ = عليه وساخه = ديرتي يعني )

المهم الموظف قاله ايوه فعلا معاك حق الاسم مش ولابد خالص .. بس انا عشان اغيره لك لازم اجيب اذن من رئيسي فانت خذ الاستمارة دي وروح للمدير وان شاء الله خير ..

الراجل خرج من عنده وراح للمدير واداله الاستماره وقاله عاوز اغير اسمي قاله ليه هو انت اسمك ايه . .

رد الراجل تاني بنفس الكسوف .. سعد المنعاص ..

المدير تفهم الوضع ومضى على الاستماره وقاله بس روح للي اعلى مني اختمها وان شاء الله خير ..

الراجل راح للرئيس الكبير بتاعهم واداله الاستماره وقاله لو سمحت اختم لي دي عشان اغير اسمي ..

قاله معلش احنا مش بنسمح بتغيير الاسماء غير في حالات قاهرة انت اسمك ايه ؟

رد الراجل وكله خجل ..

سعد المنعاص ..

الموظف قاله خلاص ولايهمك وآدي الختم .. وختم له الاستماره وقاله خلاص ارجع بقى للموظف الاولاني عشان يغير لك الاسم .

رجع الرالج جري على الموظف الاول واداله الاستماره الموظف قاله ابسط ياعم كده انت اخذت الموافقة على تغيير اسمك تحب بقى اسمك الجديد يبقى ايه؟

رد الراجل بفخر . .. " أسعد المنعاص .. "

[مصري أصيل]

كان فيه عميل بيتعامل مع الشركة بتاعنا في الكويت و لما جم يسألوه عن أسمه عشان الفاتوره قال لهم إسمي ( طالع نازل زعلان ) قالولوا يا عم ما تهرجش قول اسمك عشان الفاتورة و الكفالة . قال لهم و الله اسمي كده طيب مش مصدقني أدي بطاقتي.

طيب حندوسه بقي و لا طالع نازل زعلان بزمتكم

[samady]

على فكرةالدكتور حندوسة أحد مؤسسي قسم الأنف والأذن والحنجرة في جمهورية مصر العربية وابنه الدكتور أحمد حندوسة حاليا أحد أكبر استشاريين جراحة الأنف والأذن والحنجرة في الشرق الأوسط مش بس في مصر وليه نظريات وطرق علاج باسمه ويعمل استشاري في مستشفيات مغربي بصورة أساسية في قطر بس بيلف على كل الفروع المنتشرة في مصر والخليج تقريبا مرتين أو تلاتة في السنة ويكاد لا يخلو مؤتمر إقليمي أو عالمي في مجال الأنف والأذن والحنجرة إلا ويدعا إليه بالأسم الدكتور أحمد حندوسة.

إيه رأيك بأه تحب يكون اسمك حندوسه وتلف العالم في الفيرست كلاس وتكون بالشهرة والأهمية دي ولا يكون اسمك أشرف ونكرة ولا حد يعرفك غير قرايبك وأخرك تروح أخر الشارع اللي فيه بيتكم. :lol:

[Ahmed Unknown]

فكرتوني بنكته ..

بيقولك مرة واحد راح السجل المدني عشان يغير اسمه فالموظف قاله ليه هو انت اسمك ايه؟

الراجل انكسف ونزل راسه كده وقال بصوت واطي " سعد المنعاص "

( منعاص = متوسخ = عليه وساخه = ديرتي يعني )

المهم الموظف قاله ايوه فعلا معاك حق الاسم مش ولابد خالص .. بس انا عشان اغيره لك لازم اجيب اذن من رئيسي فانت خذ الاستمارة دي وروح للمدير وان شاء الله خير ..

الراجل خرج من عنده وراح للمدير واداله الاستماره وقاله عاوز اغير اسمي قاله ليه هو انت اسمك ايه . .

رد الراجل تاني بنفس الكسوف .. سعد المنعاص ..

المدير تفهم الوضع ومضى على الاستماره وقاله بس روح للي اعلى مني اختمها وان شاء الله خير ..

الراجل راح للرئيس الكبير بتاعهم واداله الاستماره وقاله لو سمحت اختم لي دي عشان اغير اسمي ..

قاله معلش احنا مش بنسمح بتغيير الاسماء غير في حالات قاهرة انت اسمك ايه ؟

رد الراجل وكله خجل ..

سعد المنعاص ..

الموظف قاله خلاص ولايهمك وآدي الختم .. وختم له الاستماره وقاله خلاص ارجع بقى للموظف الاولاني عشان يغير لك الاسم .

رجع الرالج جري على الموظف الاول واداله الاستماره الموظف قاله ابسط ياعم كده انت اخذت الموافقة على تغيير اسمك تحب بقى اسمك الجديد يبقى ايه؟

رد الراجل بفخر . .. " أسعد المنعاص .. "

:lol: :yahoo: :tease: wst:: :D :D :lol:

[MoTo]

انا شفت ورقة قبل كدة كان فيها طلبات تغيير الأسامي حاجات زي فعلاَ طالع نازل زعلان

من الأسامي اللي أفتكرها

ماشي حافي ليل نهار

ده علق معايا أوي

و علي فكرة بتاع الكاوتش اللي بتعامل معاه إسمه "حنوسة" مش حندوسة .. هو في شارع أحمد عرابي في بنزينة شل .

[se_ Elsyed]

اول حناديس شوفتهم بصراحة كانوا في السعودية

في جريدة هنا اسمها ام القرى وهي تعتبر الجريدة الرسمية .. ولا تُباع لكنها باشتراكات

وتهتم بأمور تسجيل واشهار الشركات المؤسسة حديثاً

وكمان المناقصات والمشاريع الحكومية الجديدة

لكن ما لفت نظري هو كمية الدعاوى المرفوعه امام القضاء لتغيير الاسماء الشخصية

بجد حاجه تعقد واسامي لو واحد عايز يفتكس .. فمش هايعمل كده

مش دي المشكلة

المشكلة اني شوفت ناس عايزة تغير من اجل التغيير

او عندها حاجه جوانيه مش مظبوطة

فلا ادرى سر مثلاً ان واحده عايزة تغير اسمها من نوف الى جوهرة

او كريمة الى خلود

؟؟؟؟؟؟