تعمل إيه لو كان إسمك " حندوسه " ؟!!!!

[النجم الثاقب]

انا شفت ورقة قبل كدة كان فيها طلبات تغيير الأسامي حاجات زي فعلاَ طالع نازل زعلان

من الأسامي اللي أفتكرها

ماشي حافي ليل نهار

أعتقد هى دى الورقة

بس حاسس ان فيها مبالغة

[ام بودى]

قد يبدو حندوسة اسم غريب ومضحك لكن ينفع لقب جامد وقوى يعنى الاستاذ الدكتور تامر حندوسة او سيادة المستشار محمود حندوسة او الفنانة دوسة حندوسة وكدة يعنى طب اية رأيك فى واحدة اسمها ( افندية) ادى كانت واحدة زميلتى فى الكلية وكانت بتتكسف من اسمها ومش بتحبة واصحابها الانديل قصدى الانتيم بينادولها فيفى عشان ما تزعلش وتبقى وتبقى زعلة كبيرة لو حد غلط وندهلها افندية كانة شتمها ومحدش عارف لحد دلوقتى السر ان ابوها سماها كدة لية لان محدش اتجرأ وسألها السؤال دة لحد ما حصلت الكارثة فى عز ما البنية بتحاول تنسى اسمها الحقيقى وتقنع نفسها انها فيفى كان يوم ماطلعتلوش شمس كان عندنا دكتور غتت ومحدش بيحضرلة كتير وتملى المدرج يعتبر فاضى فى محاضراتة وفى يوم اعلن انة حيلم الكارنيهات فى المحاضرة وينادى الاسامى وياخد الغياب زى السكاشن ويخلى على الحضور درجات طبغا المحاضرة اللى بعديها المدرج اتملى واخينا لم الكارنيهات وابتدى يندة الاسامى و كل مرة ينادى يدوب تلات اربع اسامى ويكمل المحاضرة لحد اليوم الموعود دونن عن ميت اسم ينادى بصوت عالى افندية..ية..ية..ية وصاحبتنا ياعينى غاصت فى الكرسى ومش عاوزة ترد وتكرر النداء فرفعت ايدها دون ان تنطق بكلمة يقوم اللة يسامحة مش يسكت لأ يقولها دا انتى ابوكى اليت الاتة وانفجر المدرج بالضحك وكان موقف بايخ جعلها تتخذ خظوة ايحابية ةراحت السجل المدنى ومشيت فى اجراءات تغيير الاسم مع انو قالولها ان الحكاية دى مش سهلة بس اصرت تكمل الاجراءات دون يأس بس واللة معرفش نجحت ولا لأ. شفت بقى اللى يشوف الناس يهون علية حندوسة