#@#@# عـمـار يا كـنـدا #@#@#

[ايهاب سالم]

موش عايش محترم ...يعني انسان كويس يعامل معاملة موش محترمة ..وفي ظروف غير محترمة ..ودي ناس موجودة في مصر فعلا ..دول انا قلت عنهم ان من حقهم لو مروا بالتجربة دي ..مايرجعوش حتى لو معاهم فلوس .لان باقي مقومات الحياة الكريمة في مصر موش متوافره عندهم ..حتى لو كانوا مروا بتجربة واحدة سابت في نفوسهم ذكرى اليمة

تعريف عدم الإحترام متفاوت بينا يا زناتي

أنا مثلا بأعتبر إني مش عايش محترم لما تطلع روحي و أنا سايق عربيتي المكيفه الأخر موديل في شوارع القاهره المختنقه الفوضاويه و بعد ما أوصل مشواري ملقيش مكان أركن فيه و أركن العربيه في أخر الدنيا و ملاقيش رصيف عدل أمشي عليه و أرجع ألاقي العربيه محكوكه من سواق ميكروباص معهوش رخصه بيسوق زي البهايم لأنه محمي بالباشا الضابط مالك الميكروباص

إنت ممكن تعتبر إن ده عادي بس أنا و ناس كتير زيي منحبش نعيش كده

أو إني أدوخ عشان أجيب رخصتي المسحوبه لأني معنديش واسطه زي اللي عندك و بتعتبرها من مقومات الحياه الكريمه

منظومة فساد و فوضى محدش عايز يفضل محترم يرضى يعيش فيها بمزاجه

وبعدين يا صديقي ؟؟طب هو فيه بلد في الدنيا برده مافيهاش الطبقية دي

الوطن الحقيقي بيوفر حد أدنى من الحياه الكريمه للجميع و يترك الأكثر من ذلك للتنافس بين الناس يا زناتي

يا صديقي انا كنت باتكعبل في الهومليس في كندا وانا ماشي ..حتى واحد منهم خد مني سيجارة والله

الظاهر أنا قدر عليا كل شويه أشرح حكاية المشردين دي

ياجماعه قلناها قبل كده و هنكررها تاني المشردين دول مشردين بمزاجهم لأنهم مرضى عقليين أو بتعبير هنا mentally sick و معظمهم بيكونوا مدمنين مخدرات و كحوليات و عايزين يعيشوا عيشه بوهيميه

الحكومه عامله لهم ملاجئ يناموا فيها و يأكلوا لكن هما مش بيرضوا يروحوها عشان بيفتشوهم و بيتمنعوا من تعاطي المخدرات و الخمور

مش هأتعب نفسي و أجيب لينكات و صور للملاجئ و عناوينها لأني عملت كده ٥٠٠ مره في ٣٠٠٠ موضوع

في أيام البرد الشديد عربيات الشرطه و البلديه بتعدي عليهم عشان ياخدوهم الملاجئ و بعضهم بيروح لحد ما العاصفه تخلص و أنا شفت بعيني واحد منهم رفض قام عمال البلديه ناولوه بطانيه عشان يلف نفسه فيها

زناتي حبيبي ... نصيحه ... ممكن تحاول تنخور في كندا الحبيبه من جهة الشغل و معادلات الشهادات إلخ

بس إبعد عن العداله الإجتماعيه و حقوق الإنسان لإنك خسران خسران

بس تعالي تفرج على (slum areas في لندن باريس وباقي دول اوروبا

امريكا زي مافيها بفرلي هيلز ...فيها اقذر مناطق العالم فقر وعشوائية ..وهومليس واطفال شوارع وكباري وانفاق وغيره

مفيش slums في كندا يا زناتي و مفيش أطفال مشردين و الكبار المشردين شرحت لك قصتهم

وبعدين ابقي خد الموبايل معاك الشغل لو سمحت :blink:

العتب ع الزهايمر

[znaty]

زناتي حبيبي ... نصيحه ... ممكن تحاول تنخور في كندا الحبيبه من جهة الشغل و معادلات الشهادات إلخ

بس إبعد عن العداله الإجتماعيه و حقوق الإنسان لإنك خسران خسران

كدة انا كسبت منك نقطة :rolleyes:

اني لو نخورت في كندا في موضوع الشغل ومعادلة الشهادات ..هاطلع كتير ..ودة اللي يهمني اكتر بالنسبة للاسر الكبيرة المستقرة ..لكن الشباب لا ..ان ماكانش يدرس ويتمرمط ويتعب دلوقتي ..هايتعب امتي

وبعدين انت ماركزتش معايا برده

عارف ليه ؟

علشان انا ..مالعبتش على نقطة العدالة الاجتماعية دي ..انا لما ذكرت موضوع الهومليس ومناطق الفقراء والعشوائيات كنت باتكلم عن ان اي مجتمع في الدنيا في كدة ..موش مصر بس ..ودة كان ردا على كلامك ترضي تعيش في مصر حتى لو كنت مبسوط

ماتكلمتش عن كندا ..والمثل اللي ضربته كان كلام عابر يعني

عموما منطقي ان الهومليس في كندا مجانين ...اصل اللي موش هيلاقي فيها شغل ..هايرجع بلده طبعا بعد الجنسية يا صاحبي :)

موضوع المرور بقة والخنقة والزحمة اتكلمنا فيه قبل كدة وكل واحد قال راية

اسيبك انا بقة علشان عندي وصفة من بندق عاوز اطبخها :)

[ايهاب سالم]

هل المهاجر يفترض انه غير وطنه الى كندا،

يفترض إنه إكتسب وطن تاني بجانب وطنه الأصلي

وهل يشترط عليه بعض الاشتراطات لمنحه الجنسية هذه الاشتراطات لها علاقة بموطنه الأصلي ؟

لأ ... كندا تسمح بإزدواج الجنسيه

ثانيا.. هل هناك مثلا فترة لا يسمح بتجاوزها خارج البلاد والا سيتعرض مثلا لسحب الجنسية ؟

لأ وعشان كده ناس كتير بتاخد الجنسيه كبوليصة تأمين

ثالثا.. من خلال المحاورات هنا أحسست بأن المهاجرين المصريين لكندا كثيرون، فلماذا لا يهتم بالهجرة الي استراليا بالرغم من انها زي كندا على حد علمي في الكثير من الأمور ؟

عشان أستراليا مبينزلش فيها تلج و المهاجرين بيحبوا التلج عشان مش موجود في بلدهم

تم تعديل 19 فبراير 2010 بواسطة ايهاب سالم

[ramyfathalla]

بجد والله مستمتع بقالى يومين بالمناقشة بين الزناتى و ايهاب سالم

و مش عايز أقطع المناقشة الجميلة دى و الحوار الراقى اللى المرة دى يستحق تسقيفة كبيرة لحبيبى الزناتى

يا جماعة الزناتى يقصد تنبيهانا فقط لشىء مهم جدا و ليس توحيش كندا أو التقليل من عزيمة الهجرة

هو جزاه الله كل خير بيقول لنا ما نحلمش بأكثر من اللازم علشان ما نتصدمش بواقع مرير

يعنى حايكون فيه تعب و مشقة عقبال ما الواحد يستقر و المحامى الكندى بتاعى قال لى نفس الكلام

و فى الأخر أنا أعرف ناس كتير هاجرت و نجحت و ناس تانية هاجرت و فشلت

و الناس اللى نجحت هى اللى صبرت و تعبت و استحملت فى الأول

أما اللى فشلوا فدول ما استحملوش و قرروا ان كندا جحيم

هو ده الفرق بين الناجح و اللى مش ناجح

يعنى الخلاصة الموضوع عايز صبر و تضحية من أجل معيشة كريمة بعد ذلك

و الموضوع فى رأيى يستاهل التضحية

أما أنت يا صديقى زناتى بك أنا متأكد لما تروح كندا و تستقر و تعيش فى دولة عالم أول لا يمكن حاتفكر فى الرجوع

أنا عارف ناس كتير راحت و حاولت ترجع و لم تستطع

و هذا رأيى و الله أعلم

تم تعديل 19 فبراير 2010 بواسطة ramyfathalla

[ايهاب سالم]

عموما منطقي ان الهومليس في كندا مجانين ...اصل اللي موش هيلاقي فيها شغل ..هايرجع بلده طبعا بعد الجنسية يا صاحبي :rolleyes:

أنا زي ما قلت لك سعيد لو كتير من الناس غادروا كندا بعد الجنسيه عشان خير البلد يفضل للي يستحقوه

المهم قولي إنت هتيجي إمتى عشان تستقر و تقعد الثلاث سنين عشان تاخدها

[znaty]

عموما منطقي ان الهومليس في كندا مجانين ...اصل اللي موش هيلاقي فيها شغل ..هايرجع بلده طبعا بعد الجنسية يا صاحبي :)

أنا زي ما قلت لك سعيد لو كتير من الناس غادروا كندا بعد الجنسيه عشان خير البلد يفضل للي يستحقوه

المهم قولي إنت هتيجي إمتى عشان تستقر و تقعد الثلاث سنين عشان تاخدها

هما مين الل يستحقوه :) ب ماهم لو فضلوا في كندا بعد الجنسية يبقوا يستحقوه برده زيك ؟؟ :rolleyes:

انا خطتي كالتالي يا صاحبي

1- معادلة ..دي هاتاخدلها من سنة ونص الى سنتين كدة رايح جاي على كندا

مع كام كورس مساعد كدة انا محتاجه في مهنتي ..بس كورسات انترناشيونال

2- مبلغ معين ..ادعوا الله اني اعرف احوشه وانا هنا .زهاقولك عليه في التليفون علشان الضرايب

3- اخر 6 شهور..وبعد الانتهاء من البندين الاولانيين ..بحث عن عمل في كندا باستخدام تليفون كندي مفتوح تجوال او اي وسيلة اتصالات تانية يتصلوا بيها عليا وانا هنا

ولو فيه نصيب او كلام مقنع وعديت الانترفيو التليفوني ..سهل ان اسافر في خلال 48 ساعة اي وقت للانترفيو العملي

والله الامور دي كلها مشيت حلاوة يبقي ..فورريرة

مامشيت لا قدر الله ..يبقي فرصة سعيدة يا ريس

دة اللي انا مقتنع بيه الصراحة

[ehabtaher]

عموما منطقي ان الهومليس في كندا مجانين ...اصل اللي موش هيلاقي فيها شغل ..هايرجع بلده طبعا بعد الجنسية يا صاحبي :)

أنا زي ما قلت لك سعيد لو كتير من الناس غادروا كندا بعد الجنسيه عشان خير البلد يفضل للي يستحقوه

المهم قولي إنت هتيجي إمتى عشان تستقر و تقعد الثلاث سنين عشان تاخدها

هما مين الل يستحقوه :) ب ماهم لو فضلوا في كندا بعد الجنسية يبقوا يستحقوه برده زيك ؟؟ :rolleyes:

انا خطتي كالتالي يا صاحبي

1- معادلة ..دي هاتاخدلها من سنة ونص الى سنتين كدة رايح جاي على كندا

مع كام كورس مساعد كدة انا محتاجه في مهنتي ..بس كورسات انترناشيونال

2- مبلغ معين ..ادعوا الله اني اعرف احوشه وانا هنا .زهاقولك عليه في التليفون علشان الضرايب

3- اخر 6 شهور..وبعد الانتهاء من البندين الاولانيين ..بحث عن عمل في كندا باستخدام تليفون كندي مفتوح تجوال او اي وسيلة اتصالات تانية يتصلوا بيها عليا وانا هنا

ولو فيه نصيب او كلام مقنع وعديت الانترفيو التليفوني ..سهل ان اسافر في خلال 48 ساعة اي وقت للانترفيو العملي

والله الامور دي كلها مشيت حلاوة يبقي ..فورريرة

مامشيت لا قدر الله ..يبقي فرصة سعيدة يا ريس

دة اللي انا مقتنع بيه الصراحة

يعنى لو الامور مامشيتش

المزرعه مش حا تنفع

ياراجل

طيب اعملها مزرعه سمكيه علشان بورسعيد على البحر ومابيعرفوش يزرعو فى الغالب غير سمك

[ايهاب سالم]

يبقى خلصت الحكايه خد الباسبور واشتغل فى الخليج

وبعدين ارجع على المعاش

حتلاقى معاش ورعايه صحيه وجو نضيف

طب عندي سؤال محرج

وإنت في الخليج هتدفع ضرائب لكندا عن دخلك

قانونا أنت مطالب بذلك

أصلك لما ترجع ع المعاش هتاخد معاشك و علاجك و إعاناتك و حبشتكناتك من ضرائب الناس الغلابه اللي شغاله زيي و زي هشام

طب مش تدفع أي حاجه و ألا كندا دي وان واي بس

هات هات

دي مش خليج يا إخوانا

بس اللي اعرفة في موضوع المعاش دة ..انك لازم تكون اشتغلت 10 سنين في كندا علشان تاخد معاش

صحيح بس ده إسمه CPP يعني Canada Pension Plan اللي هي التأمينات الإجتماعيه و دي مايستفدش منها غير اللي دفع فيها لا مؤاخذه :rolleyes:

وبعدين ماعرفش بصراحة كام ..والا هايكفي والا لا ..دي ايهاب سالم يفيدنا فيها

يا زناتي كلك مفهوميه

تتوقف على بقالك كام سنه بتدفع و بتدفع كام

[ايهاب سالم]

لكن انت لو بتدفع سنويا فى البنك مبلغ معين تحت بند المعاش فى الاخر حيدوك معاش

ده إسمه RRSP وده الحكومه كل اللي بتساعدك فيه إنها بتأجل (لم أقل تعفي) تحصيل الضرائب عليه حتى خروجك على المعاش لكن مش بتديك حاجه زياده يعني على قد ماتحوش على قد ما هتاخد

الحاجه التانيه لو معاك جنسيه و مفيش اى حاجه من دى بيدوك برضه معاش يمكن مايكفيش لكن برضه بيكفى تعيش بيه كويس فى مصر مثلا فى الغردقه على البحر

المعاش المجاني old age security ده حاجه بسيطه لا تكفي إيجار غرفه مش شقه و المفأجأه إنك لازم تكون عايش في كندا و لهم طرقهم للتأكد من ذلك

أما ال CPP وال RRSP فدي فلوسك عملتها من إدخارك و إستقطاعاتك من دخلك في كندا ومن حقك تستمتع بيها في أي مكان

إن السماء لا تمطر ذهبا و لا فضه يا رجاله

عايز كندا تساعدك في كبرك إشتغل و فيدها في شبابك

بلاش تفكير هات هات بس ده ..

المفروض إن إنت هنا مواطن و دي بلدك مش زي الخليج

كندا وطن .... مش فندق

تم تعديل 19 فبراير 2010 بواسطة ايهاب سالم

[ramyfathalla]

ايهاب باشا سالم أحب أقولك ان أنت فعلا تستاهل تكون كندى و يا بخت كندا بأمثالك

و للأسف كندا كسبتك و مصر خسرتك و زيك كتير والله ناس فعلا تحب تعطى علشان تأخذ

و ربنا يوفقك على مجهودك الجميل فى المنتدى بس يا ريت ما تقطعش و خليك معانا منورنا كده على طول

[Tarek Abdellatif]

الأخ الفاضل إيهاب سالم،

الاقتباس التالي كان فيه سؤال كنت سألته في الموضوع الخاص ب د. تهامي و أعتقد أن حضرتك مشفتوش.

اتمنى اني أعرف تجربة حضرتك أو أي تجارب مفيدة خاصة بهذا الموضوع.

و شكراً.

بره البيت .. لما أكون مضطر ... زي عزومه تبع الشغل مثلا .. بأسمي و أكل أي لحم طالما بقري مش خنزير

الأخ الفاضل إيهاب سالم،

الإخوة الأفاضل اللي عايشين في كندا،

سؤال محيرني بقاله فترة.......... طيب لو احنا بنقدر نمنع نفسنا من أشياء بنحبها أو متعودين عليها، ممكن نعمل إيه مع الأطفال بخصوص ماكدونالدز و الفاست فود بوجه عام أو أعياد ميلاد مع أصحابهم أو خلاف ذلك؟؟

و شكراً.

[znaty]

ايهاب باشا سالم أحب أقولك ان أنت فعلا تستاهل تكون كندى و يا بخت كندا بأمثالك

و للأسف كندا كسبتك و مصر خسرتك و زيك كتير والله ناس فعلا تحب تعطى علشان تأخذ

و ربنا يوفقك على مجهودك الجميل فى المنتدى بس يا ريت ما تقطعش و خليك معانا منورنا كده على طول

مداخلة في الجون ..ومركونة كمان :rolleyes:

اهو دة بالظبط ..بالظبط ...اللي كنت باتكلم عنه

ياريت مصر ماتخسرناش يا اخوانا ....علشان في الحقيقة ..برغم كل شيئ ..احنا اللي هانخسرها

ياريت حرقتنا في الدفاع عن كندا دي..وغيرتنا على فلوسها وضرائبها ...يبقي دفاع عن مصر ...مهما حصل فيها ..ومهما اسودت الدنيا

طبيعي اوي انك تدافع عن بلدك لو موش بتعاني فيها باي حاجة ...بس اللي يقول انا مصري بجد ..يدافع عنها حتى لو شاف فيها المر ..دة وطن ..موش حسابات منفعه

اومال لو طلبت دمكم ..موش بس ودكم ..هانعمل ايه

عايز كل واحد فينا يسال نفسه سؤالين اتنين

يا تري لو رحت كندا ..ولا قدر الله لا قدر الله ..اتبهدلت ومالاقيتش شغل فيها ..واتمرمطت وعشت على الاعانات ..هافضل امدح فيها ..وعنيا هاتشوف العدالة الاجتماعية والخضرة والشجر وشلالات نياجرا ؟؟ والا هاقول فينك يا غاليه ؟..ماهي اصل مصر ..مابتتبدلش بوطن تاني ابدا ..حتى لو عشت فيه عمري كله

ولو انا كنت اتولدت وعشت في كندا ..كنت هابقي مهندس ودكتور ..ولا علشان المصاريف الجامعية غالية ..كان زماني خت كوليج والا هاي سكول ولا دبلوما ..

انا موش عاوز اجابات ..بس كل واحد يسال نفسه بامانه ..وهو يعرف بلدة عملت معاه ايه ..ومن اللي يستحق الولاء الاول ..والاخير

[المعلم عتريس]

اعمل حسابك بس من دلوقت

المزرعه برضه فى كندا مشروع كويس و بنلم مساهمين

عايزين واحد بقى مهندس زراعه بس الشرط نور

خطر على بالي ادخل كلية زراعه بالرغم ان وظايفها محدودة جدا

اللي فهمته ان الزراعه في كندا ليست جذابة والرسك عالي في انشاء مزرعه

لكن ممكن تعملك زي مشتل في نياجرا للفاكهة والخضار

خريجين الزراعه بياخدو ٤٠ الف دولار في كيبك لتأسيس مزرعه

غير كده بياخدو خصم ٢٠ في المية على الاراضي والمعدات وخلافه

[arabi]

طب عندي سؤال محرج

وإنت في الخليج هتدفع ضرائب لكندا عن دخلك

قانونا أنت مطالب بذلك

الأخ الفاضل إيهاب

هل أنت متأكد من هذه المعلومة

أرجو الإفادة للأهمية القصوى

[arabi]

طب عندي سؤال محرج

وإنت في الخليج هتدفع ضرائب لكندا عن دخلك

قانونا أنت مطالب بذلك

الأخ الفاضل إيهاب

هل أنت متأكد من هذه المعلومة

أرجو الإفادة للأهمية القصوى

أنا في الواقع عاوز أمشي في الموضوع بتاع الهجرة ده زي ما القانون بيقول.

أنا هاعمل زيك بالضبط بمعنى 3 سنوات بره و بعدين أعيش في كندا.

هل أنا مطالب بأي ضرائب عن الفترة دي (بتاعة ال 3 سنوات بعد اللاندنج).

لا تتصور مدى أهمية هذا السؤال لي أرجو الإفادة و جزاك الله خيراً

[arabi]

طب عندي سؤال محرج

وإنت في الخليج هتدفع ضرائب لكندا عن دخلك

قانونا أنت مطالب بذلك

الأخ الفاضل إيهاب

هل أنت متأكد من هذه المعلومة

أرجو الإفادة للأهمية القصوى

أنا في الواقع عاوز أمشي في الموضوع بتاع الهجرة ده زي ما القانون بيقول.

أنا هاعمل زيك بالضبط بمعنى 3 سنوات بره و بعدين أعيش في كندا.

هل أنا مطالب بأي ضرائب عن الفترة دي (بتاعة ال 3 سنوات بعد اللاندنج).

لا تتصور مدى أهمية هذا السؤال لي أرجو الإفادة و جزاك الله خيراً

يجب قراءة هذا الرابط:

http://www.cra-arc.gc.ca/E/pub/tp/it221r3-...consolid-e.html

المسأله فيها شروط

و أظنني قرأت في أحد الأماكن في هذا المنتدى المحترم شيء عن نفس الموضوع بس مش فاكر مكانها. ياريت لو حد عنده اللينك بتاعة المنتدى يحطها توفيراً للوقت.

[arabi]

عموما منطقي ان الهومليس في كندا مجانين ...اصل اللي موش هيلاقي فيها شغل ..هايرجع بلده طبعا بعد الجنسية يا صاحبي wst::

أنا زي ما قلت لك سعيد لو كتير من الناس غادروا كندا بعد الجنسيه عشان خير البلد يفضل للي يستحقوه

المهم قولي إنت هتيجي إمتى عشان تستقر و تقعد الثلاث سنين عشان تاخدها

هما مين الل يستحقوه :blink: ب ماهم لو فضلوا في كندا بعد الجنسية يبقوا يستحقوه برده زيك ؟؟ :lol:

انا خطتي كالتالي يا صاحبي

1- معادلة ..دي هاتاخدلها من سنة ونص الى سنتين كدة رايح جاي على كندا

مع كام كورس مساعد كدة انا محتاجه في مهنتي ..بس كورسات انترناشيونال

2- مبلغ معين ..ادعوا الله اني اعرف احوشه وانا هنا .زهاقولك عليه في التليفون علشان الضرايب

3- اخر 6 شهور..وبعد الانتهاء من البندين الاولانيين ..بحث عن عمل في كندا باستخدام تليفون كندي مفتوح تجوال او اي وسيلة اتصالات تانية يتصلوا بيها عليا وانا هنا

ولو فيه نصيب او كلام مقنع وعديت الانترفيو التليفوني ..سهل ان اسافر في خلال 48 ساعة اي وقت للانترفيو العملي

والله الامور دي كلها مشيت حلاوة يبقي ..فورريرة

مامشيت لا قدر الله ..يبقي فرصة سعيدة يا ريس

دة اللي انا مقتنع بيه الصراحة

أخي الفاضل زناتي

خطة كويسة و أدعو الله أن يوفقنا جميعا....... أنا على فكرة نفس تخصصك و لكن أسبقك بشوية وقت

نصيحتي لك توفر كل فلوسك (أقصد كورسات انترناشيونال ) لأن كندا فيها كل حاجة.

لكن نصيحة مخلصة .........خليك حريص جداً من ناحية الضرائب و يجب أن تقرأ كويس جداً و تكون بإستمرار بتستشير أهل العلم في هذا الموضوع لأنه شائك جداً.

[ehabtaher]

طيب ايه رايك لو جبت شهاده من شغلك فى مصر بمفردات مرتبك فى الفتره اللى انت فيها بره كندا

تفتكر حياخدو منك ضرايب

والا حيقولولك

انت ليه تعبت نفسك 3 سنين بره

كنا حنديلك الفلوس اللى انت بتاخدها دى اعانه

[ايهاب سالم]

الأخ الفاضل إيهاب سالم،

الإخوة الأفاضل اللي عايشين في كندا،

سؤال محيرني بقاله فترة.......... طيب لو احنا بنقدر نمنع نفسنا من أشياء بنحبها أو متعودين عليها، ممكن نعمل إيه مع الأطفال بخصوص ماكدونالدز و الفاست فود بوجه عام أو أعياد ميلاد مع أصحابهم أو خلاف ذلك؟؟

بخصوص ماكدونالدز و البرجر عامة .. إحنا كرهناهم فيه من صغرهم ... و أخيرا فرجتهم على الفيلم ده

http://www.youtube.com/watch?v=YfBc-Rla0uI...feature=related

و ده خلاهم كرهوه خالص .... و مش بيطلبوه أصلا

أنا مش بأعتبر البيتزا و الكنتاكي فاست فوود ...

الحمد لله المدام عودت الأولاد عندي من صغرهم على الأكل الصحي ... خضروات و فواكه و عيش أسمر .... الخ

بالنسبه لأعياد الميلاد أنا مش شايف فيها مشكله ... ممكن توضح ؟  

تم تعديل 20 فبراير 2010 بواسطة ايهاب سالم

[ايهاب سالم]

طب عندي سؤال محرج

وإنت في الخليج هتدفع ضرائب لكندا عن دخلك

قانونا أنت مطالب بذلك

الأخ الفاضل إيهاب

هل أنت متأكد من هذه المعلومة

أرجو الإفادة للأهمية القصوى

نعم أنت مطالب بذلك و ده بيسموه world income

Who has to pay tax in Canada, and on what income?

Canadian residents

A person who is a resident of Canada is subject to Canadian income tax on their world wide income.

Are you a resident?

Whether or not a person is a resident of Canada is determined by many factors. The amount of time spent in Canada is not the only factor considered. Other factors include

maintaining a residence in Canada

relatives in Canada

bank accounts in Canada, and

other social and economic ties.

A person who is a resident of Canada, and moves to another country, could still be considered to be a resident of Canada for tax purposes.