#@#@# عـمـار يا كـنـدا #@#@#

[ايهاب سالم]

أبوسعد بنفسه حدانا

يادي الهنا يادي النور

طب أنا عشان خاطر خطوتك الغاليه دي هأعيد إفتتاح القهوه و اللي يحصل يحصل :closedeyes:

وسمعني أغنية عمرو دياب

راجعييييييين

[ramyfathalla]

يا مرحبا يا مرحبا يا بشمهندس ايهاب يا حبيب قلبى

والله فرحت لما شفت التوبيك بتاعك قصدى يغنى القهوة دى من أحب الأماكن الى قلبى

أنا كنت على وشك أجيلك كندا و اطمئن عليك بنفسى بسبب انقطاعك عن المنتدى بس الحمد لله وفرت على المشوار

م/ايهاب يا عزيزى فين صورك الحلوة الكاميرا ضاعت منك و لا ايه أظن احنا فى فصل الصيف و أكيد أنت عايز تفرجنا على الحر فى كندا شكله ايه

دعواتى لك و للأسرة بالخير و السعادة و بجد نورتنا النهارده

[ايهاب سالم]

شكرا يا رامي باشا

إبق معنا و هتغرق صور

[ايهاب سالم]

في 1 يوليو 1867 إتفقت 4 مقاطعات كنديه مستقله على إنشاء إتحاد فيدرالي و إعلان دولة كندا

هذه المقاطعات هي أونتاريو .. كيبيك .. نوفاسكوتشا .. نيو برونزويك

وفي السنوات التاليه إنضمت باقي المقاطعات تباعا للإتحاد الفيدرالي

هذا اليوم من كل عام أصبح هو العيد الوطني لكندا أو Canada Day و فيه تقام الإحتفالات و الليالي الملاح في الحدائق و المتنزهات و إستعراضات الطيران و الألعاب الناريه مساءا

و فيه يفتح القصر الملكي الكندي ليستقبل المواطنون و قد قدموا ليرفعوا أسمى أيات التهاني و التبريكات لمقام حضرة صاحب السمو رئيس وزراء كندا

و يقف الناس طوابير ليقوم رئيس الوزراء بالسلام عليهم من طراطيف صوابعه

و ينعم عليهم بمكرمه نصف شهر

هذا العام لم نذهب بعيدا للإحتفال ... ذهبنا للحديقه المجاوره لنا و هي Port Credit Memorial Park

كان هناك إحتفال بسيط و إلتقطنا تلك الصور

[ايهاب سالم]

[ايهاب سالم]

[أحمد سيف]

و فيه يفتح القصر الملكي الكندي ليستقبل المواطنون و قد قدموا ليرفعوا أسمى أيات التهاني و التبريكات لمقام حضرة صاحب السمو رئيس وزراء كندا

و يقف الناس طوابير ليقوم رئيس الوزراء بالسلام عليهم من طراطيف صوابعه

و ينعم عليهم بمكرمه نصف شهر

هيا كندا بقت دوله خليجيه من ورانا

تم تعديل 6 أغسطس 2009 بواسطة أحمد سيف

[ايهاب سالم]

تابع صور إحتفالات Canada Day

الحمد لله أخدنا إذن المدام للنشر

شكرا يا أم كريم

:unsure:

تم تعديل 10 أغسطس 2009 بواسطة ايهاب سالم

[ايهاب سالم]

إصنع كاب كيكك بنفسك

[ايهاب سالم]

تذوق كاب كيكك اللي صنعته بنفسك و إكتشف إنه وحش ........ برضه بنفسك

[ايهاب سالم]

[moheltohamy]

أنا فيه سؤال من زمان باساله لنفسي يا هوبا...

هيّه الناس دي دارسة فن وطريقة التعامل مع الأطفال ، ولا همّه طفوليين بطبعهم؟! wst::

أصلي شفت المياصة والمرقعة والنغنغة اللي العيال في كندا عايشين فيها لمّا كنت في متحف الفن في أوتاوا ، وباستغرب... دي كل أحلامنا واحنا صغيّرين كانت في شويّت اقلام ألوان وكرّاسة رسم ، أو صلصال نقعد نفعّص فيه ويلحوس فينا... وكانت بيطلع عينينا على ما يعبّرونا!

وحتى حلم الأورج اللي معايا من وانا حتت تفل ... العقدة كبرت معايا لغايت السنة اللي فاتت! :P

وبعد كل ده ممكن تلاقي حد يستغرب إن كندا جنة الأطفال... والكبار برضه :ninja:

[qenawy]

سؤال علي السريع للمبدع ايهاب بك

هو الاطفال بياخدوا الجنسية بعد 3 سنين زي الكبار ولا بينتظروا لغاية 16 او 18 سنة

وسؤال تاني

واحد شاري دماغه و ناوي يعمل معادلة لشهادته في روقان وبدون تسرع تبقي كلجاري احسن ليه في بدايته ام تورونتو وشكرا

[ايهاب سالم]

سؤال علي السريع للمبدع ايهاب بك

هو الاطفال بياخدوا الجنسية بعد 3 سنين زي الكبار ولا بينتظروا لغاية 16 او 18 سنة

مرحبا بدكتور قناوي بك

الأطفال يحصلون على الجنسيه بالميلاد أو بحصول أي من أبويهم عليها .... فورا

سن الطفل لا علاقه له بالحصول على الجنسيه

وسؤال تاني

واحد شاري دماغه و ناوي يعمل معادلة لشهادته في روقان وبدون تسرع تبقي كلجاري احسن ليه في بدايته ام تورونتو وشكرا

و الله إحنا نحب نشوفك معانا في تورونتو يا دوك لكن أنا لا انصح أي أخ بالإستقرار في تورونتو في الفتره التي يقوم فيها بعمل معادلات

تكاليف الحياه مرتفعه مقارنة بمدن كثيره اخرى في كندا ممكن تعمل فيها نفس المعادله لكن مع تكلفة معيشه أقل

بصراحه معرفش تفاصيل كتير عن تكلفة الحياه في كالجاري

لكن اللي عنده نت ميغلبش

Cost of Living in Calgary

بالتوفيق

:ninja:

تم تعديل 11 أغسطس 2009 بواسطة ايهاب سالم

[MZohairy]

يا أخي انا كل ماشوف تكاليف الحياه في اي ولايه بلاقيها تقريبا ما بتختلفش عن فانكوفر!!!!

يعني السكن هو هو تقريبا (بألف دولار تلاقي شقه كويسه غرفتين نوم)

و تكاليف الحياه تقريبا هي هي

أومال ليه فانكوفر واخده سمعه انها أغلى؟

[ramyfathalla]

أنا بس عايز أقولك يا دوك ايهاب انى أنا متابع صورك و تقريبا عامل save ليها كلها لو راحت منك حاجة ما تخفش فى الحفظ و الصون و ربنا يباركلك فى الكتاكيت الحلوين و يحميهم وأولاد المسلمين أجمعين ان شاء الله

[ايهاب سالم]

أنا فيه سؤال من زمان باساله لنفسي يا هوبا...

هيّه الناس دي دارسة فن وطريقة التعامل مع الأطفال ، ولا همّه طفوليين بطبعهم؟! wst::

أصلي شفت المياصة والمرقعة والنغنغة اللي العيال في كندا عايشين فيها لمّا كنت في متحف الفن في أوتاوا ، وباستغرب... دي كل أحلامنا واحنا صغيّرين كانت في شويّت اقلام ألوان وكرّاسة رسم ، أو صلصال نقعد نفعّص فيه ويلحوس فينا... وكانت بيطلع عينينا على ما يعبّرونا!

وحتى حلم الأورج اللي معايا من وانا حتت تفل ... العقدة كبرت معايا لغايت السنة اللي فاتت! :P

وبعد كل ده ممكن تلاقي حد يستغرب إن كندا جنة الأطفال... والكبار برضه :ninja:

كم من أحلام ماتت و دفنت معانا و مع اطفال غيرنا

الأورج بتاعك و الجيتار بتاع د/ هشام و غيره و غيره

إتربينا على عقد و كلاكيع كتير

النجاح الوحيد المسموح لك به في الدنيا هو إنك تذاكر و تصم عشان تطلع دكتور أو مهندس

ماعدا ذلك يبقى الضياع من وجهة نظر المجتمع ...... الضايع

إنما تتعلم مزيكا أو أي نوع من انواع الفنون .. غير مسموح لأن ده تضييع و قت و فلوس و كلام فارغ و قلة أدب

الوقت اللي هتضيعه في الكلام ده ممكن تصم لك فيه صفحتين عشان تجيب مجموع

مش مهم الفهم .. المهم المجموع

و الغريب إننا بنجيب المجموع و بندخل كليات مش بنحبها و نجيب تقديرات كمان متعرفش إزاي و نطلع نشتغل شغلانات مش بنحبها و نتربط في الساقيه ...

لازم تشتغل عشان تجيب شقه و تتجوز لأن كل الناس بتعمل كده و تسافر و ترجع و العيال تشرف و المسؤوليه تزيد و نفضل نحلم كل ما نشوف واحد بيشتغل الشغلانه اللي كان نفسنا فيها

أحكيلك حكايه

إحنا طبعا ساكنين في شقه بالإيجار حتى الأن و إنت عارف إن الإيجار متضمن إستهلاك الكهربا بدون تحديد .. عشان كده كنا و إحنا خارجين لا نهتم بإطفاء الأنوار

حتى جاء يوم و إحنا خارجين لقينا نورهان بنتي راجعه من على الباب و عماله تقفل في أنوار الشقه كلها

و لما سألتها إديتني محاضره عصماء (بالإنجليزيه طبعا) في ضرورة تقليل إستهلاك الطاقه لأن ذلك يؤدي لتقليل حرق الوقود و الذي يقلل بدوره من تلوث البيئه

هنا الأطفال عندهم ولاء فطري للبلد .. من غير دروس تربيه قوميه .. من غير أغاني وطنيه فارغه ..

لأنهم بيأخذوا تعليم و رعايه و ترفيه و ثقافه و لما بيكبروا بياخدوا حريه و ديموقراطيه و مساواه و عداله و أمان و فرص نجاح متساويه في الحياه .. تتعلق يالإجتهاد و التعليم و لا تتعلق بالواسطه أو المحسوبيه أو العيله أو مجموعك في الثانويه

خلينا ساكتين أحسن

تم تعديل 11 أغسطس 2009 بواسطة ايهاب سالم

[bent misr]

والله يا جماعه كلام جميل :happy: و الصور أجمل :lol:

بجد كلكم عندكم حق و تهامي أخويا عنده حق

و باش مهندس ايهاب عنده حق wst::

مين فينا ما حلمش و هوه صغيير و حلمه اتحطم

حتى احنا هنا في مصر بنكرر نفس المأسا مع أولادنا

كل حاجه لأ و ماينفاعش و كده غلط و دي غاليه أوي و دي

هتوسخ البيت و دي هتبقع الهدوم :sad:

أنا مره كده قعدت أفكر مع نفسي لقيت ان مافيش

حاجه اسمها طفوله في مصر :blink: الكلمه دي ملغيه

و تقريبا عييييب :unsure: :ninja:

شكرا يا م/ ايهاب على شفافيتك و محاولتك توضيح كل ما

يخص الحياه في كندا :happy:

[بركة]

أستاذ ايهاب ربنا يحميلك اولادك ويكرمك

كل ما بدخل موضوعك أو أقرألك رأي بيوجعني كلامك عن الاطفال

وبحس اني لازم أحاول في موضوع الهجرة....

ربنا يكرمكم جميعا .....

ملحوظة صغيرة : ياريت حضرتك تحكيلنا من الواقع اللي الاطفال بتتعرض ليه في التعليم

من ناحية الافكار الغربية , أقصد فكر المجتمع وتعارضة مع معتقداتنا وطريقة تنشئتنا للاولاد هناك؟

هناك مئات التساؤلات في رأسي وفي رأس كل أم وأب ......وشكرا على وقتك اللي بتدينا جزء منه لله ..... :happy:

[Bustami]

شوف كندا

http://www.watchmojo.com/index.php?id=104&tag=canada