#@#@# عـمـار يا كـنـدا #@#@#

[ABO ADAM]

اخيراً و بعد طول انتظار ......عمار يا كندا

جناين و بحيرة و فستيفال .........احمدك يا رب

تسجيل متابعة .....لايهاب باشا

[moheltohamy]

أيوه كده يا هوبا... ألفين حمد الله ع السلامة :lol:

القهاوي المتينة دخلت كده في المنطقة ، والقعدة هتحلوّ بجد ع المنتدى! :lol:

وتشيل عننا شويّة يا عم الحاج :lol:

وزي ما هشام يا خويا قال... أنا متنبئ للقهوة دي بالنجاح والازدهار ، لأنها عن خبرة واقعية ، ومعايشة يومية للحياة الكندية.

بس شويّت ضمير يا إيهاب يا خويا... بطّلوا نصب بقى! :winner:

فين اكوام الزبالة اللي شفتها بعينيّا اللي هياكلهم الدود دول ؛ اكوام اكوام ف الجنينة دي؟! :lol:

بطلوا الدعاية المُغرضة دي بقى شوية...

ألفين مبروك يا إيهاب يا حبيبي افتتاح القهوة دي بجد... md2:

إتأخرت كتير ، وانا عارف إنه قرار مش سهل ، وانتا عارف المسئولية بتاعته!

ربنا يعينك :wub:

[safaalabana]

الأعدقاء الاعزاء

رأيت انه قد يكون من الافضل فتح موضوع جديد أضع فيه إنطباعاتي عن الحياه في كندا

الموضوع سيكون أشبه باليوميات و أتعهد فيه بتقديم الجانب الجميل و القبيح للحياه في كندا ... طبعا من وجهة نظري المتواضعه

congratulations......mashaa ALLAH.....so sweet kids ..... I wish them all the hapiness I am sure this topic willbe

wonderfull

[MZohairy]

معلش حغلس عليكم بسؤال قد يبدو بره الموضوع لكنه ممكن يكون جوا الموضوع

التأمين الطبي الحكومي زي مانتو عارفين مبيغطيش الاسنان و العيون

المهاجرين بقى (و خصوصا اللي لسه ماشتغلوش) بيتصرفوا ازاي حيال مواضيع الأسنان و العيون (و بالذات الأسنان)؟

حتقولولي بتسرع ممكن تعمل تأمين طبي خاص على الاسنان و العيون

اكتشفت بعد البحث (وقد اكون مخطيئ) ان السقف التأميني السنوي للفرد بيكون في حدود 350 دولار

يعني لو تكلفة علاجك السنويه للأسنان مثلا للفرد الواحد 2000 دولار ...التأمين حيغطي منهم 350 دولار بس و انت تتكفل بالباقي

لو كلامي ده صح.....ايه الحل الدائم في وجهة نظركم؟

شكرا و آسف على الخروج بره الموضوع بس انا قلت كأننا على القهوه و بندردش شويه

[sherifhfm]

تسجيل متابعة واعجاب

موضوع جديد ينضم لقائمة العمالقة

بس طبعا مش غريب على م ايهاب هذه الموضوعات المميزة

ربنا يخليك لباب الهجرة لكندا ودايما تمتع نظرنا بالصور الجميله دى

[ناوية ع الهجرة]

الف مبروك يا استاذ ايهاب على افتتاح التوبيك بتاعك :winner:

وطبعا سيكون الموضوع عامر بالمعلومات الجديدة الرائعة الحيادية والموثقة بالصور

لكن مش عايزين كروتة يعني عايزين حضرتك تحكي لنا الحكاية من الأول :lol:

اولاد حضرتك حلوين قوي ربنا يخليهم لك ويبارك لك فيهم ويجعلم من الذرية الصالحة :wub:

[أبو نور]

مبروك يا باشمهندس إيهاب

عمار يا كندا شكلها كده هاتسحب زبائن أحد القهاوي المجاورة

مع الاعتذار طبعا لدكتورنا المحترم جدا جدا دكتور هشام

ربنا يكرمك يا باشمهندس ويحافظلك على أولادك ويوفقكم لما يحبه ويرضاه

[Nassarlink]

بسم الله مشاء الله

لعبه قويه وممتازه من لاعب قوي وممتاز

كنّا مستنيين من زمان اللعبه دي يا كابتن

ربنا يوفقك ومينقطعش عطاءك دائما

مباركين ومتابعين ومهنّئين يا باشمهندس

و صدق الي قال

القهاوي لعب وفن وهندسه

ربنا يحرسك من العين ومن الشياطين

ويخليك لنا عينين حلوين في كندا المحروسه

وطلب صغير من الرجل الاخضر :winner:

ارجوا تنقيه التوبيك ده من المداخلات الخارجه عن الموضوع اول باول بدون ندار لصاحبها

علشان لا نعكر صفو المستمتعين بها

واضح ان الزباين هاي كلاس

التوقيع

واحد من ضيوف البيت بيتك

[jessika]

مبروك يا بشمهندس ايهاب............صور جميلة فعلا وبنتى شافتها وفرحت جدا وبتقلى هانروح امتى كندابقى

تسجيل متابعة

[NavigatorEg]

موضوع ممتاز ..

ربنا يكرمك و يوفقك يا استاذ ايهاب ..

[أحمد سيف]

مبروك على افتتاح القهوه يا هندسه ... ونفسنا نشوفها بتكسر الأرقام القياسية للمنتدى اللي لسه الدكاتره محتكرينها

الدكتور الشامي أكبر عدد من المشاهدات

الدكتور التهامي أكبر عدد من الصفحات والردود

معليش احنا ولاد كار واحد ولازم نشجع بعض

تم تعديل 28 مايو 2009 بواسطة أحمد سيف

[hamoudi]

كنا بحاجه لهذا الموضوع (مع انه اتأخر جدا) ونتمنى ان نرى مواضيع مماثله لمقاطعات اخرى . تسجيل متابعه

تم تعديل 28 مايو 2009 بواسطة hamoudi

[ELSHAMY]

أخى الخبيب البوب الكبير

تسلم ايدك و ربنا يعينك دائما على مساعدة الجميع

أنت رجل صاحب فضل ..... و يجب الاعتراف بذلك...

لك جزيل الشكر....

خالص تحياتى و و حشتنى....

[helisinki]

السلام عليكم

جزاء الله خيرا يا أستاذ ايهاب موضوع ممتاز انا بصراحة كنت مستنى انك كنت تعمل موضوع زى دة و الصور بجد معبرة جدا وربنا يباركلك

[ايناس احمد]

الف الف مبروك ياباشمهندس ايهاب على عمار ياكندا وفعلا عمار ياكندا اسم على مسمى

ومتابعين وفى انتظار المزيد

وولادك ماشاء الله ربنا يبارك لك فيهم الاولاد فرحو جدا بصور ولاد حضرتك ومنتظرين المزيد من الصور والخواطر اليوميه

[أحمد سيف]

بالمناسبه الحلوه خلوني أشارك بكلمات جزء من أغنيه للمغني الكندي Bryan Adams

اسم الأغنيه Here I am

Here I am - this is me

I come into this world so wild and free

Here I am - so young and strong

Right here in the place where I belong

It's a new world - it's a new start

It's alive with the beating of a young heart

It's a new day - in a new land

And it's waiting for me - here I am

وعمار يا كندا

تم تعديل 28 مايو 2009 بواسطة أحمد سيف

[hamoudi]

معلش حغلس عليكم بسؤال قد يبدو بره الموضوع لكنه ممكن يكون جوا الموضوع

التأمين الطبي الحكومي زي مانتو عارفين مبيغطيش الاسنان و العيون

المهاجرين بقى (و خصوصا اللي لسه ماشتغلوش) بيتصرفوا ازاي حيال مواضيع الأسنان و العيون (و بالذات الأسنان)؟

حتقولولي بتسرع ممكن تعمل تأمين طبي خاص على الاسنان و العيون

اكتشفت بعد البحث (وقد اكون مخطيئ) ان السقف التأميني السنوي للفرد بيكون في حدود 350 دولار

يعني لو تكلفة علاجك السنويه للأسنان مثلا للفرد الواحد 2000 دولار ...التأمين حيغطي منهم 350 دولار بس و انت تتكفل بالباقي

لو كلامي ده صح.....ايه الحل الدائم في وجهة نظركم؟

شكرا و آسف على الخروج بره الموضوع بس انا قلت كأننا على القهوه و بندردش شويه

انا راي نشيل اسنانا ونريح نفسنا

او ممكن فى قرار اكثر اقتصاديه لو لقيت الموضوع ممكن يوصل لمبلغ كتير تنزل مصر

واخرها 500 جنيه فى الحالات الحرجه قوي + مصاريف الطيران

[Alrefaey]

مبروك يابشمهندس

اخيرا ياراجل فتحت التوبك منتظرينك من سنة

[arora]

انا لقيت الاعلانات مالية الدنيا علشان افتتاح القهوة الجديدة

قلت الحق احجزلى كرسى

ايه الناس الحلوة اللى مالية القهوة

والمهرجانات والاحتفالات الجميلة دى

والاولاد الطعمين اللى منورين الشاشة

الف مبروك للمعلم ايهاب

sorry الباشمهندس ايهاب صاحب القهوة

تسجيل متابعة

[mohamedadel]

بالتوفيق يا باشمهندس ....

وبجد ربنا يخليلك ولادك ويحفظهم ..

وإلى الأمام دائما يا كينج الديفينس :lol:

تم تعديل 28 مايو 2009 بواسطة mohamedadel