#@#@# عـمـار يا كـنـدا #@#@#

[znaty]

الكبير كبير برده يا هندسة :happy:

بس سؤال بجد يا بوب

لو انا خارج والا نازل من شغلي ولقيت العربية للسق كدة تلج ؟؟

المفروض اني اعمل ايه مثلا ؟؟

اخد كوريك واقعد احفر والا اخد معايا عامل هندي في شنطة العربية علطول والا اعمل ايه انا يعني ؟؟

صعب اوي يا اخي والله

انا وقفت بتاع دقيقة قدام صورة عربية فوق اتخيل بس نفسي في الموقف دة ؟؟

وبعدين في كرسي انت حاطط صورته ..موش عارف احكيلك تخيلت ايه لما تخيلت اني قعدت عليه ..والحدق يفهم بأه wst::

السيتي هول النافورة دي كانت تلج وانا هناك مع ان الجو كان في 8 او 9 درجات ..دة المكان اللي عملت منه السوشيال وبرده اول واخر ساندوتش هوت دوج كلته هناك

فصدي الحمام اللي اكله wst::

ماتحرمناش من عدستك يا صاحبي :closedeyes:

[ابنه النيل]

الصور رائعه واتمني نشوف حضرتك كتير في المنتدي يا باشمهندس عشان تثري

المواضيع بصورك ونصائحك الثمينه

ربنا يوفقك ويصلح حالك ان شاء الله

وجزاكم الله خيرا

[ehabtaher]

ابقى خد معاك سفنجه ثيرمال علشان تحطها تحت منك

وجاروف صغير تكسح التلج من الحته اللى حا تقعد فيها

[ehabtaher]

خلاص بلاش تقعد على الكرسى اللى عليه تلج

خليك بالبيت

[ايهاب سالم]

و أخيرا عندى سؤال أحنا هنا فى الاسكندرية الحرارة 14 و أقصاها ممكن توصل 7 أو 8 و بنتكتك أومال أنتم حاسين بأيه أنا مش قادر أتخيل و على العموم ربنا معاكم

أهلا بيك يا رامي

إحنا مش حاسين بحاجه :unsure:

أنا باكتب حاليا و أنا لابس صيفي في درجة حراره ٢٣

وفي الخارج درجة الحراره -12

الأماكن المغلقه كلها .. بيوت .. عمل .. شراء .. مدفأه مركزيا لدرجة حراره طبيعيه

التدفئه المركزيه هنا standard زي الكهرباء و الماء

في الجو المفتوح بتعمل إحتياطاتك و بيمشي الحال

[hiema]

و أخيرا عندى سؤال أحنا هنا فى الاسكندرية الحرارة 14 و أقصاها ممكن توصل 7 أو 8 و بنتكتك أومال أنتم حاسين بأيه أنا مش قادر أتخيل و على العموم ربنا معاكم

أهلا بيك يا رامي

إحنا مش حاسين بحاجه :unsure:

أنا باكتب حاليا و أنا لابس صيفي في درجة حراره ٢٣

وفي الخارج درجة الحراره -12

الأماكن المغلقه كلها .. بيوت .. عمل .. شراء .. مدفأه مركزيا لدرجة حراره طبيعيه

التدفئه المركزيه هنا standard زي الكهرباء و الماء

في الجو المفتوح بتعمل إحتياطاتك و بيمشي الحال

فعلا هنا البيوت في مصر اسقع كتير من البيوت في امريكا و كندا و ده بسبب ال heating system مثلما افاد م/ايهاب و ايضا بسبب Thermal insulation system of buildings

[ايهاب سالم]

فعلا هنا البيوت في مصر اسقع كتير من البيوت في امريكا و كندا و ده بسبب ال heating system مثلما افاد م/ايهاب و ايضا بسبب Thermal insulation system of buildings

الراجل ده بيقول كلام كبير

ده صح يا هيما

البيوت هنا بتكون معزوله بمواد داخل الحوائط تخليها زي ترموس الشاي كده

يزيد على كده كمان إن بعض البيوت الجديده تبنى حاليا حسب مواصفات Energy Star .... حسب طلب العميل

http://www.energystar.gov/index.cfm?c=new_homes.hm_index

وده بيخلي البيت أغلى حوالي ٧٠٠٠ دولار عن البيت العادي لكنه بيكون أدفأ و موفر للطاقه و كمان أحسن صحيا لأنه بيكون مزود بنظام تهويه حديث إسمه Heat recovery ventilation

http://en.wikipedia.org/wiki/Heat_recovery_ventilation

الحوائط الخارجيه بتكون معزوله بثلاث طبقات .... و أستك

من الخارج طوب حراري عازل ثم طبقة فووم ثم طبقة صوف زجاجي

و الأهم عزل الأتيك و هو المساحه الواقعه داخل سقف البيت الهرمي

كده

حيث ثبت أنه مسؤول بنسبة 45% عن تسريب حرارة البيت للخارج

طبعا كلنا كنا شاطرين في العربي و عارفين إن الهواء الدافئ دمه خفيف و يرتفع لأعلى حيث الأتيك

مره عملت تجربه في العيد اللي فات ..... كانت درجة الحراره -15 خارج البيت و ٢٢ داخل البيت ..... و إحنا خارجين لصلاة العيد ....

قفلت التدفئه خالص عشان أختبر العزل

قضينا اليوم كله بره و رجعنا بالليل لقيت الحراره 17 بس

وده يعتبر كويس جدا

تم تعديل 21 يناير 2010 بواسطة ايهاب سالم

[kodo]

السلام عليكم ورحمة الله وبركاته

ما شاء الله عليك يا باشمهندس ايهاب الجديد دايما عندك

بجد الصور تحفة ( الصورة ابلغ من الف كلمة )

في رعاية الله

[ايهاب سالم]

بس سؤال بجد يا بوب

لو انا خارج والا نازل من شغلي ولقيت العربية للسق كدة تلج ؟؟

المفروض اني اعمل ايه مثلا ؟؟

اخد كوريك واقعد احفر والا اخد معايا عامل هندي في شنطة العربية علطول والا اعمل ايه انا يعني ؟؟

عامل هندي

n2&(

حلوه يا زناتي

إنت فاكر نفسك في الخليج

هنا في حقوق إنسان .... مش حروق إنسان زي اللي عندكو :lol:

الحاله دي إستثناء

لعلك ملاحظ إن الثلج متكوم حوالين العربيه دي بس و قليل ورا

والسبب في كده إن الباشا صاحب العربيه سابها راكنه في باركنج البلازا طول الليل و ده ممنوع طبعا و عشان كده لما جت عربيات كسح التلج في الصباح الباكر و كانوا المفروض ميلاقوش و لا عربيه قرروا يخلوه عبره لمن يعتبر

الوضع الطبيعي إنك بتكون راكن عربيتك جوه جراج بيتك و إنت أساسا مش هتخرج إلا لما العاصفه تنتهي و بالتالي بتحتاج فقط إنك تشيل التلج من على Driveway و تخرج

و البلديه بتكون إتكفلت بالثلج اللي في الشوارع

تم تعديل 21 يناير 2010 بواسطة ايهاب سالم

[hiema]

الاخ العزيز م/ايهاب

شكرا علي المعلومات القيمة عن نظام العزل الحديث في المنازل........ و بعدين يا هندسة انا مش بقول كلام كبير و لا حاجة و بجد انا معجب جدا بالموضوع بتاعك و قرأته كله

[المعلم عتريس]

وده بيخلي البيت أغلى حوالي ٧٠٠٠ دولار عن البيت العادي لكنه بيكون أدفأ و موفر للطاقه و كمان أحسن صحيا لأنه بيكون مزود بنظام تهويه حديث إسمه Heat recovery ventilation

الباشمهندز ايهاب كبير مهندسي بورت كريدت ونواحيها n2&(

الشغل ده ممكن يكون له سوق في ج م ع ؟؟؟

[goodfaith]

استاذ إيهاب لو سمحت لي عندي سؤال بخصوص تكلفة بناء البيت مقارنة بالشراء

اذا ممكن معلومات عن الفرق ممكن يكون في حدود كام طبعا الموقع للارض بيفرق في السعر وانا حاليا بافكر في ماركام عشان تقدر تديني فكرة تقريبية بس الله اعلم يكون النصيب فين :aslam:

كمان تحية كبيرة على الصور الحلوة اللي بتميز مواضيعك

وعندي كمان سؤال لو سمحت

هل بتستخدم مواصلات معينة للتنقل من ميلتون لتورنتو كل يوم ولا بتعتمد على سيارتك الخاصة؟

[hishamtaher]

فيه بلد محترمة في الدنيا تسيب البط - اللي عامل زي الوز ده - يعمل كاكا ع الأرض اللي الناس بتمشي عليها؟!

لا لا طبعا يا دكتور ابسلوتلى ومهندس ايهاب غلطان من ساسه لراسه ايه عايز الراجل يضيع مننا يا هندسة

الراجل بقاله اكتر من 30 سنة بيشوف الناس هى اللى بتعمل كاكا على الارض وفجاة لقى البط ولا الوز هو اللى بيعملها

طبيعى لازم يتصدم

He has a nervous shock ومش ها نقدر نعمله حاجة يا شكرى

على راى محمود عبد العزيز فى فيلم العار تقوم انت كمان تقوله لا مفيش وبيلقح معرفش على مين

امسحها فينا دى يا طبيب :aslam:

[bent misr]

حلووووه أوي الصور يا باش مهندس / ايهاب

يا سلام رجعتنا لايام زمان :rolleyes:

سلامي للمدام و الاولاد :rolleyes:

[ايهاب سالم]

استاذ إيهاب لو سمحت لي عندي سؤال بخصوص تكلفة بناء البيت مقارنة بالشراء

اذا ممكن معلومات عن الفرق ممكن يكون في حدود كام طبعا الموقع للارض بيفرق في السعر وانا حاليا بافكر في ماركام عشان تقدر تديني فكرة تقريبية بس الله اعلم يكون النصيب فين

معلش مخدتش بالي من المشاركه دي إلا متأخر

أنا فهمت من كلامك إنك فاهم إني إشتريت أرض و بنيت عليها بيت عموله على طريقة بيوت التجمع الخامس و ماشابها في مصر و هذا غير صحيح و أنا لم أذكر ذلك

مفيش هنا في كندا مدن جديده و قرعة أراضي و تشتري أرض و تبني عليها بيت بمعرفتك بالشكل اللي يعجبك

شراء بيت جديد هنا عامل بالضبط زي نظام مدينتي و الرحاب في مصر .

شركة مقاولات ... بيسموها هنا Builder .. تشتري من سلطة المدينه قطعة أرض كبيرة مخططه و مقسمه لقطع أراضي مختلفة المساحات و تقوم الشركه بتصميم بيوت بأشكال متنوعه

يذهب العميل و يختار قطعة الأرض اللي تعجبه و يطلب بناء بيت عليها من أحد النماذج المعده مسبقا

يقوم العميل بدفع مقدم و كتابة عقد و تبدأ الشركه بالبناء و بعد الإنتهاء يستلم العميل البيت و يقسط الباقي مع البنك

مفيش هنا حاجه إسمها بيت جاهز أشتريه .. مفيش شركه هتغامر و تبني بيت و تشطبه و تنتظر مشتري

بيت جاهز معناها إنك تشتري بيت من مالكه اللي عايش فيه و اللي هو تعاقد عليه جديد من شركه أو إشتراه قديم من مالك سابق

كل حاله من الاتنين له مزايا و عيوب لكن السعر مش factor خالص في الموضوع

أحيانا البيت الجديد بيكون أغلى من نظيره ال resale و أحيانا العكس

فيه عوامل كتير بتتحكم

هنتكلم في الموضوع بإستفاضه بعدين

ماركام من المدن التي أصبحت الأراضي الفضاء بها قليله مثل مسيساجا ... لذلك فالبيوت أصبحت غاليه جدا و الجديد كله إما عمارات أو تاون هومز مساحتها صغيره لا تصلح لأسره عندها أطفال عايزين مساحه مناسبه لهم لممارسة أنشطتهم و لعبهم

هل بتستخدم مواصلات معينة للتنقل من ميلتون لتورنتو كل يوم ولا بتعتمد على سيارتك الخاصة؟

أي حد يعمل في داون تاون تورونتو لا يذهب بسيارته الخاصه لأن الباركينج تكلفته عاليه جدا

كل الناس تذهب لهناك بال Go train أو subway

أنا أذهب بال go train

تم تعديل 27 يناير 2010 بواسطة ايهاب سالم

[ramyfathalla]

عزيزى م/ ايهاب سالم

سؤال خارج الموضوع لو سمحت

بالنسبة للغة الكنديين هل سهل فهمهم و لا صعب زى الأمريكيين لأن فى الأفلام فيه كلام كتير الواحد ما بيفهموش بس بأكون فاهم من الحوار المعنى المقصود

و بحكم تعايشك معهم هل وجدت صعوبة و لا الموضوع بيمشى واحدة واحدة و شكرا

[goodfaith]

استاذ إيهاب لو سمحت لي عندي سؤال بخصوص تكلفة بناء البيت مقارنة بالشراء

اذا ممكن معلومات عن الفرق ممكن يكون في حدود كام طبعا الموقع للارض بيفرق في السعر وانا حاليا بافكر في ماركام عشان تقدر تديني فكرة تقريبية بس الله اعلم يكون النصيب فين

معلش مخدتش بالي من المشاركه دي إلا متأخر

أنا فهمت من كلامك إنك فاهم إني إشتريت أرض و بنيت عليها بيت عموله على طريقة بيوت التجمع الخامس و ماشابها في مصر و هذا غير صحيح و أنا لم أذكر ذلك

مفيش هنا في كندا مدن جديده و قرعة أراضي و تشتري أرض و تبني عليها بيت بمعرفتك بالشكل اللي يعجبك

شراء بيت جديد هنا عامل بالضبط زي نظام مدينتي و الرحاب في مصر .

شركة مقاولات ... بيسموها هنا Builder .. تشتري من سلطة المدينه قطعة أرض كبيرة مخططه و مقسمه لقطع أراضي مختلفة المساحات و تقوم الشركه بتصميم بيوت بأشكال متنوعه

يذهب العميل و يختار قطعة الأرض اللي تعجبه و يطلب بناء بيت عليها من أحد النماذج المعده مسبقا

يقوم العميل بدفع مقدم و كتابة عقد و تبدأ الشركه بالبناء و بعد الإنتهاء يستلم العميل البيت و يقسط الباقي مع البنك

مفيش هنا حاجه إسمها بيت جاهز أشتريه .. مفيش شركه هتغامر و تبني بيت و تشطبه و تنتظر مشتري

بيت جاهز معناها إنك تشتري بيت من مالكه اللي عايش فيه و اللي هو تعاقد عليه جديد من شركه أو إشتراه قديم من مالك سابق

كل حاله من الاتنين له مزايا و عيوب لكن السعر مش factor خالص في الموضوع

أحيانا البيت الجديد بيكون أغلى من نظيره ال resale و أحيانا العكس

فيه عوامل كتير بتتحكم

هنتكلم في الموضوع بإستفاضه بعدين

ماركام من المدن التي أصبحت الأراضي الفضاء بها قليله مثل مسيساجا ... لذلك فالبيوت أصبحت غاليه جدا و الجديد كله إما عمارات أو تاون هومز مساحتها صغيره لا تصلح لأسره عندها أطفال عايزين مساحه مناسبه لهم لممارسة أنشطتهم و لعبهم

هل بتستخدم مواصلات معينة للتنقل من ميلتون لتورنتو كل يوم ولا بتعتمد على سيارتك الخاصة؟

أي حد يعمل في داون تاون تورونتو لا يذهب بسيارته الخاصه لأن الباركينج تكلفته عاليه جدا

كل الناس تذهب لهناك بال Go train أو subway

أنا أذهب بال go train

انا شاكرة لحضرتك ردك جدا

انا من سنتين تقريبا رحنا انا وزوجي منطقة على اطراف تورنتو للاسف مش فاكرة اسمها وشفنا نماذج للبيوت هناك واخدنا خريطة للارض وكنا ناويين نشتري بيت لكن انتقلنا لكيتشنر فترة وبعدها انتقلنا لاوتاوا فانا عندي فكرة عن نظام شراء البيوت الجديدة هنا لكن كان سؤالي مثلا في حالة انك بعد تسلمك للبيت مباشرة حبيت تبيعه هل يكون هناك فرق في السعر؟؟

يعني بعد اختيار نوع التشطيبات والاخشاب وعمل كل ابجريد حسب الذوق الخاص ودفع مبالغ اضافيه على كل شيء وعلى افتراض اننا كمان فرشنا البيت هل في حال تم بيعه مباشرة يكون فيه فرق كبير بين تكلفة البناء والفرش وسعر البيع الجديد؟

اتمنى اكون كده وضحت قصدي

وبخصوص الباركنج انا كنت متصورة ان الشركة بتغطي تكاليف الباركنج للموظفين

[المعلم عتريس]

اتمنى اكون كده وضحت قصدي

احنا هنقطع على بعض والا ايه

متهيألي ان الفايدة الاكبر للي بيعمل التشطيبات بنفسه

دوري على

RENOVATING HOMES FOR PROFIT

وعلى فكرة لو حابة تتعمقي في الموضوع ده في جورج براون كولج برنامج

BUILDING RENOVATION TECHNOLOGY

نصه تكنيك للتشطيبات ونصه بزنس

عتريس احمد عتريس وشركاه

خمسون عاما من النجاح والتميز

[arabi]

سؤال للباشمهندس إيهاب أو أي من الأخوة المشاركين

أنا عملت لاندنج من أكثر من سنة و ساعتها فتحت حساب بنكي لي و آخر لزوجتي.

سمعت أنا ذلك له تأثير سلبي على الضرائب و من الأفضل أن يكون حساب مشترك. فلي سؤالين لو تسمحوا لي:

1- ما مدى صحة هذا الموضوع هل له فعلاً تأثير سلبي على الضرائب و من الأفضل أن يكون حساب مشترك؟

2- كيف يتم تدارك هذا الأمر؟

أجابت الأخت كيتي بأنه لا يوجد أي تأثير.

و السؤال الآن:

ما هي مميزات الحساب الفردي و المشترك؟

شكراُ مقدماً و دمتم بألف خير

عربي

[ايهاب سالم]

سؤال للباشمهندس إيهاب أو أي من الأخوة المشاركين

أنا عملت لاندنج من أكثر من سنة و ساعتها فتحت حساب بنكي لي و آخر لزوجتي.

سمعت أنا ذلك له تأثير سلبي على الضرائب و من الأفضل أن يكون حساب مشترك. فلي سؤالين لو تسمحوا لي:

1- ما مدى صحة هذا الموضوع هل له فعلاً تأثير سلبي على الضرائب و من الأفضل أن يكون حساب مشترك؟

2- كيف يتم تدارك هذا الأمر؟

أجابت الأخت كيتي بأنه لا يوجد أي تأثير.

و السؤال الآن:

ما هي مميزات الحساب الفردي و المشترك؟

شكراُ مقدماً و دمتم بألف خير

عربي

كلام كيتي صح

هذا لا يمنع اني أنا و مراتي عندنا حساب مشترك و كمان كل واحد فينا عنده حساب لوحده

تم تعديل 1 فبراير 2010 بواسطة ايهاب سالم