#@#@# عـمـار يا كـنـدا #@#@#

[ehabtaher]

ده رابط american idiom dictionary

http:///ru/files/gibzda9if

[ايهاب سالم]

حتى الأن لا أعلم لماذا تساهل معي هذا الضابط

التفسير الوحيد هو ستر ربنا

فاكر ديه يا كنج :

الشرطة شعارها To serve and protect و هو شعار على حق ... أفراد الشرطة في غاية الأحترام مع الجميع و لكنهم و في غاية الصرامة مع الخارجين على القانون حتي لو كانت مخالفة مرورية .... بالطبع المخالفات البسيطة يتغاضوا عنها .... مثلا كنت مرة أقود سيارة مأجرة في احدي ضواحي تورنتو و لم انتبه إن السرعة القصوي في الطريق كانت ٦٠ كم / ساعة .... تعديت السرعة المقررة (كنت لسه طالع من طريق سريع و ماشي على ٨٤ كم /س ) عندما انشقت الأرض على عربية دورية خلفي ... طبعا في هذه الحالة يجب أن أقف تماما على جانب الطريق و لا اتحرك من السيارة .... يقوم الشرطي بالكشف على نمرة السيارة بالكمبيوتر الموجود في سيارته ثم يتوجه إليك....في حالتي دار هذا الحديث بالانجليزية طبعا

- مساء الخير سيدي هكذا تحدث ...

- رديت عليه مساء الخير أيها السيد الظابط هل تعديت السرعة المقررة ...

- نعم كانت سرعتك ٨٤ كم / س في طريق ٦٠ .....

- أسف جدا لم انتبه إلي اللافتة .....

- هل هذه سيارتك (هو يعلم تماما مكنون السيارة كلها )

- لا يا سيدي هي سيارة مؤجرة من هيرتز ....

- أوراق السيارة و التأمين و رخصتك من فضلك .....

أخذهم ثم ذهب إلي سيارته للكشف عليهم و عاد بعد عدة دقائق .... حسنا لا يوجد لك مخالفات سابقة سوي مخالفة ركن في الممنوع ( حقيقة ....مهاجر مصري بقى حنعمل إيه :sad: ) و لكنك كنت مسرعا اليوم، أنا أريد مساعدتك و لذلك ساقيد المخالفة علي إن سرعتك ٦٤ كم /س حتي لا تتعرض لخصم نقاط من رصيدك و مخالفة كبيرة ....أنا أسف جدا (الظابط يتأسف لي ؟!!!)

- لا داعي للاسف يا حضرة الظابط أنا شاكر لك جدا و ممتن لك حقا ....Have a nice day

- Same to you

:) :)

لما باحكي القصة ديه للكنادوة بيستغربوا إن الظابط اداني مخالفة و شايفينه مفتري و منهم اللي نصحني أحاول ألغيها في المحكمة ..... البوليس بيتشدد في المخالفات في حالات معينة .....حوالين المدارس مثلا معاد خروج الأطفال ..... سرعة جنونية ١٥٠ كم و طالع ...... لو فيه كحول أو مخدرات في القصة ...وقت حملات المرور و حاجات كده .....لما الظابط بيكلمك هو بيحكم عليك .... موظف غلبان عايز يلحق شغله و ملفه نضيف و السرعة يعني مش مميتة ممكن قوي يعديهالك ....لو كان يعرف انك كنج هوبا :) .......

كنت ناسيها خالص المشاركه دي يا دوك

معلش العتب ع الزهايمر

على كده بقى شرطة كندا ... على رأي عمرو أديب

موز موز موز

[ايهاب سالم]

عشان برضه نذكر كل شئ

أنا قلت إن عندي ٣ أصدقاء إرتكبوا مخالفات و تم تطبيق القانون عليهم بصرامه

الأول ....... وش أنور وجدي

صاحبي ده دخل شارع من اللي بيكونوا إتجاه واحد في ساعات الذروه الصباحيه و إتجاهين باقي اليوم ... مخدش باله من اليافطه اللي على أول الشارع عشان كان مستعجل للحاق بالقطار و كمان مكنش رابط الحزام

الضابط إداله غرامه ماليه و خصم نقطتين

وطبعا تأمينه زاد من الشهر التالي

الثاني

زوجة أحد أصدقائي .. مكانوش مركبين winter tires في عربيتهم .... المدام داست فرامل .... العربيه إتزحلقت.... خبطت عربيه تانيه وطلعت على الرصيف و كسرت يافطه من يفط المرور

الضابط عملها إهمال في القياده و العقوبه كانت غرامه ماليه كبيره و خصم ٦ نقاط من أصل ٧ نقاط و إلزامها بدفع تكلفة إصلاح يافطة المرور حسب تقدير البلديه

طبعا التأمين الشهري بيرتفع إلى عنان السماء في الحالات دي

الثالث

وده اللي مظلوم فعلا

كان رايح مول يشتري حاجه و رابط الحزام و ملتزم .. دخل الباركينج فك الحزام و كان ماشي بالعربيه ببطء بيدور على مكان فاضي فجأه وجد ضابط مرور أمامه

صاحبي حاول يقنعه أنه لسه فاكك الحزام حالا و إنه مفيش داعي لربط الحزام في الباركينج وووو

الضابط قاله مادام العربيه متحركه يبقى لازم تكون رابط الحزام بغض النظر عن السرعه أو المكان ورزعه المخالفه

تم تعديل 4 فبراير 2010 بواسطة ايهاب سالم

[د هشام ابراهيم]

هو كده فعلا يا كنج هوبا الشرطة بتتساهل في حاجات و بتشدد في حاجات ...يعني نفس سرعتك ديه لو في منطقة مدارس أو منطقة فيها اصلاحات و شغل في الطريق ما كنتش فلت أبدا ....حزام الآمان ما فيهوش تفاهم .....القيادة تحت تأثير مخدر ما فيهاش تفاهم ....٥٠ كم فوق الحد الأقصي فيها سحب رخص و مصادرة العربية و غرامة ١٠ الآف دولار و محكمة ...الأيام ديه فيه حملة علي الموبايل من أول فبراير ...عارف طبعا الكنادوة و عشقهم للبلاك بيري و التكستينج

علي فكرة الونتر تايرس اجبارية في مقاطعات ....كيبيك مثلا .....في أونتاريو لسه مش اجباري بس لو مش مركبها و تسببت في حادثة برضه ما فيش تفاهم

[ايهاب سالم]

.٥٠ كم فوق الحد الأقصي فيها سحب رخص و مصادرة العربية و غرامة ١٠ الآف دولار و محكمة ...

50 كم فوق السرعه

طب أيه رأيك في الشاب الروش اللي إتمسك ماشي 143 كم فوق الحد المسموح به

يعني بسرعة 243 كم في الساعه

بس برضه مش هنا المشكله

كان راكب موتوسيكل سعاتك

http://www.stratfordbeaconherald.com/Artic....aspx?e=2235006

علي فكرة الونتر تايرس اجبارية في مقاطعات ....كيبيك مثلا .....في أونتاريو لسه مش اجباري بس لو مش مركبها و تسببت في حادثة برضه ما فيش تفاهم

حتى لو مش إجباري ..... بعد حادثة زوجة صاحبي ..... إحترمت نفسي و ركبتهم سعاتك و إن كنت أتمنى يعملوها إجباري في أونتاريو

[د هشام ابراهيم]

ده يا باشا من ميلتون ..... جارك يعني wst::

٢٤٣ كم ....يا نهار الدادي بتاعه نوار

لولا المحامي الشاطر بتاعه كان مفروض يلبس تهمة و غرامة ١٠ الآف دولار و حبس ١٥ يوم .....ده بس علشان السرعة ...... و مفروض يتعرض علي دكتور نفسي قبل ما يتسمح له يسوق تاني زي ما الراجل الكبارة قايل في نهاية المقال ....و حظه إنه ما كانش شارب كان لبسله تهمتين تلاتة كمان

الوينتر تايرس ضرورة ما فيش كلام و أنا فعلا مع انها تبقى اجباري

[أحمد سيف]

سؤال يا جماعه ممكن يكون غبي شويه

في كندا لو السرعه المحدده حسب اللوحة 60 كيلومتر في الساعه مثلا ... الواحد يقدر يمشي بسرعة كام قبل ما الرادار يلقطه وياخذ مخالفة سرعه؟

في أبوظبي مثلا لو السرعه المحددة 60 الرادار بيكون مظبوط على 80 ... لو السرعة 80 بيكون مظبوط على 100 ... لو السرعه 100 بيكون مظبوط على 120 ... ولو السرعه 120 بيكون مظبوط على 160 ... وبما إني حافظ أماكن الكاميرات فبسوق براحتي لما أكون بعيد عنها. على فكره دي معلومات عامه الكل عارفها هنا ولوحات التحذير من الرادار أحيانا بتحدد السرعه اللي مظبوط عليها ... يعني ممكن تلاقي لوحه مرورية على طريق سرعته 100 كم/ساعه بتقولك (سرعة ضبط الرادار 120 كم/ساعه) ... ناس محترمين بصراحه .

ايه الأخبار عندكم ...

[znaty]

صباح الخير باشمهندس ايهاب

تسجيل اعجاب بطريقة حضرتك في توصيل المعلومة بطريقة شيقة ومباشرة وحقيقة

انا كنت خايفة من موضوع المرور ده بالذات..... وخاصة حكاية خصم النقاط ده

بس حضرتك طمنتنا ان الناس دول بيفهموا في نوعية الناس المحترمين اللي سايقين ...( زي حضرتك كده).... وبين الشباب المتهور اللي بيسوق بتهور ويعرض الناس للخطر

الموقف ده حصل مع زوجي في الرياض...بس علي اكبر شوية....كان يوم شتاء والمطر مغرق الدنيا....وحصلت حادثة بين سيارة زوجي وسيارة واحد سعودي

في اقل من دقائق وصلت سيارة الشرطة واخدت زوجي والسعودي للقسم .... وفي الطريق زوجي اتصل بالمستشفي حتي يؤجل العملية...لانه دكتور التخدير( مساء الفل دكتور هشام)

الشرطي علي طول وقف السيارة واعتذز لزوجي علي تاخيره ...وكمان وصله الي المستشفي ...وقال له لما تخلص تعالي علشان نخلص المحضر.....الكلام ده في السعودية

اما هنا في مصر.....ياحبيتي يامصر... :lol: .صباح الفل باشمهندس زناتي.......

مرة كنا مسافرين عادي وطلعين المطار قبلها بمدة كبيرة تحسبا للظروف......قوم ايه... :sad: ..نلاقي صلاح سالم مقفول......ايه الحكاية.......فيه حادثة ولا حاجة..؟؟؟؟؟؟؟

تشريفة بتعدي يا فندم.. wst:: ......والناس اللي مسافرة تولع.. :ninja: ..عمار يا مصر

والله امرك عجيب يا باشمهندسة سمية ؟؟

كل حاجة الحكومة الحكومة وعمار يا مصر ؟؟؟

هما الحكومة دي موش ناس برده وراها شغل ؟؟

موش اللي كان في التشريفة دة برده رايح شغله ومستعجل وراه بلاوي ؟

وبعدين ان ماكناش احنا نقف ونشرفه ..مين اللي هايشرفه يعني ؟؟

وبعدين اصلا انتوا ايه اللي موديكم من صلاح سالم ؟؟..انتوا الغلطانيين طبعا ...ماخدتوش المحور ليه ؟؟وجيتو من عند مدينة نصر كدة ؟؟

شفتي ؟الحكومة عملتلكم المحور والشعب برده بيرازي فيها ورايح صلاح سالم

والله احنا اللي عاملين مشكلة للحكومة دي ..المفروض نسيبهالهم ونمشي ..علشان يعرفوا يحكموا براحتهم

ماااايحكمش :lol: :lol:

[znaty]

وده اللي مظلوم فعلا

كان رايح مول يشتري حاجه و رابط الحزام و ملتزم .. دخل الباركينج فك الحزام و كان ماشي بالعربيه ببطء بيدور على مكان فاضي فجأه وجد ضابط مرور أمامه

صاحبي حاول يقنعه أنه لسه فاكك الحزام حالا و إنه مفيش داعي لربط الحزام في الباركينج وووو

الضابط قاله مادام العربيه متحركه يبقى لازم تكون رابط الحزام بغض النظر عن السرعه أو المكان ورزعه المخالفه

دة بيتلكك عالصبح الظابط دة ..شكله مصطبح اصطباحه موش ولا بد وطلعها على صاحبك

انا قعدت في السعودية 6 شهور اول ماجيت اسوق من غير رخصة..ومسكوني 5 مرات ..كل مرة ااقولهم موش فاضي اروح المرور اعمل الرخصة

سالني شغال ايه ..اقوله مهندس ؟؟يقولي الله يعينك ..توكل على الله

في مصر اتذكر اخر يوم قبل ماجي السعودية

رخصة العربية كانت مسحوبة علشان فانوس مكسور ومعايا تصريح مدتة اسبوع والتصريح خلص من يوم واحد

وانا جاي على الطريق الزراعي من المنصورة لبورسعيد والاقي رادار انا عارف مكانه كويس وماشي محترم

الامين سحب التصريح وراح للظابط قاله التصريح دة خلص امبارح ..قاله اسحب التصريح ورخصة القيادة

انا رفضت وقلت اللي من حقك تسحبه هو التصريح بس موش القيادة

قاللي كلم الظابط

كلمته برده مصمم وفي منتهي التباته اللي في الدنيا ..رائد شرف كان امين يعني وكمل تعليمه

المهم قلتله انا مسافر بكره الصبح السعودية ورخصة القيادة المصرية مهمة علشان اعرف اعمل السعودية علطول وماتعمليش مشكلة هناك ووريته الباسبور كمان

قالي ولو برده هاسحبها ( وفي باله ..يابن المحظوظة ..تسلفر وتسيبني انا اتلط هنا ..على جثتي )

المهم كبرت في دماغي وقلتله طيب ..تسمح تديني رخصة القيادة ؟؟ واعملي محضر قياده من غير رخصة

قاللي انت قد الكلام دة ؟ دي نيابة وقضية ...قلتله اه

وفي دماغي اكلم اي حد اعرفه علبال مايخلص هو

اداني رخصة القيادة وقال للامين اتحفظ عليه وعلى العربية لغاية مانخلص الكمين وناخده على النقطة علشان يتعرض على نيابة المرور

وانا اتصل بكل الناس اللي اعرفها ..ان حد يرد عليا ؟؟مافيش ؟؟ :lol:

ياولاد الزينا ..انا ضعت ..وابعت في رسايل وبرده ماحدش معبرني

والامين التاني يقولي يالا نفتح المحضر ..اقوله استهدي بالله يا حسين انت ماصدقت ؟؟؟؟ :ninja:

فين وفييين لما عديلي اتصل عليا وحكيتله القصة وعمل اتصالاته وكلموا الظابط دة عالموبايل مارداش يرد ..كلموه على اللاسلكي موش عاوز يرد برده لان الامين اللي جوه حكاله

نشف ريئي ..لغاية ما جابوه على لاسلكي تاني ..حنطني جنبه ساعتين ..وبعدين قال للامين اديلوه رخصه ومشوه ..بلاس قرف

الامين جايلي يديني الرخص وانا كلي ابتسامه نصر كدة ..وقاللي ..ياباشا انا الامين فلان وعاوز اتنقل من مرور المنصورة لنادي الشرطة موش فاكر فين .ياباشا انا لو كنت عملت المحضر ماكانش حد عرف يلحقك :lol:

قلتله اكتبلي بياناتك يابني في ورقة وانا حاعمل اللازم :lol:

اللذيذ في الامر .ان عديلي دة ..بعدها باسبوع ..مسكه مدير امن المنصورة شخصيا علشان ازاز فاميه ..وسحب رخصه شهر وغرامة وماعرفش يجيب الرخصه :sad:

هييه ..ذكريات

[ahmed_saleh]

عشان برضه نذكر كل شئ

أنا قلت إن عندي ٣ أصدقاء إرتكبوا مخالفات و تم تطبيق القانون عليهم بصرامه

وده اللي مظلوم فعلا

كان رايح مول يشتري حاجه و رابط الحزام و ملتزم .. دخل الباركينج فك الحزام و كان ماشي بالعربيه ببطء بيدور على مكان فاضي فجأه وجد ضابط مرور أمامه

صاحبي حاول يقنعه أنه لسه فاكك الحزام حالا و إنه مفيش داعي لربط الحزام في الباركينج وووو

الضابط قاله مادام العربيه متحركه يبقى لازم تكون رابط الحزام بغض النظر عن السرعه أو المكان ورزعه المخالفه

اولاً احب ادحرج التماسي على حبايبنا كلهم م /ايهاب و د/هشام و م/زناتي و م/ سميه و كل المشاركين من غير ما نسى حد

ثانياً طالما الموضوع في سيرة المخالفات فانا عندي قصص كتيرة لكن اذكر بكل خير واحدة هنا بالسعودية وواحدة كمان عشان الحبايب بمصر

الاولى كانت عند نقطة تفتيش بجوار وزارة الداخلية و كنت رابط الحزام و كله تمام و طلبوا مني الرخص اضطريت اني افك الحزام و اطلع الرخص و مشيت و يدوب بعدها بميت متر اشارة واقف عندها عسكري تاني شفني و انا باربط الحزام راح جالي و قالي لبك "اركن" على جنب و آخذ الرخص و الاقامة و راح رازعني المخالفة التمام :lol:

القصة التانية اللي بمصر و دي اقوى من الاولى ، كنت ماشي في امان الله و داخل على اول مكرم عبيد الاقي واحد لابس مدني و بيقولي فين الحزام و راح واخد الرخص و اداها للظابط ... طبعاً رحت لسعادته لاقيته مشغول جداً بيسجل موبيل واحدة عندها مخالفة برضه ....المهم كنت برضه في اجازة و راجع على السعودية بعد يومين ... و استطعت بحمد الله اني ادفع الغرامة في الحال و اخذ الرخص

لكن بعد سنتين اكتشفت الحقيقة المرة ... ان سعادة الظابط خلاني ادفع المخالفة مرتين ... مرة لسعادته و مرة للحكومة :ninja:

و تحيا الامة العربية ... :lol:

[shody]

فيه جهاز بيركب فى العربية لما كنت فى أمريكا شوفتوا فى عربيات كثير بيديك إنذار لما يكون فيه رادار ومش ممنوع تركيبه فى العربيه زى هنا فى مصر ما بيصادروه وحلاوته أنه لما يشتغل هينبهك أنك تبص على عداد السرعة حتى لو سرحان لازم تجيبوا با دكتور إيهاب لأحسن تلاقى الضابط ده تانى

[shody]

2- مشاهدة أفلام أمريكيه من DVD مع سماع الصوت في الهيدفون و عرض English subtiltles

الأخ العزيز المهندس إيهاب

أنا و زوجي نعيش في الدوحة (منطقة السد) و قد ذكرت حضرتك في محاورات سابقة أنك إستعنت بمشاهدة أفلام أمريكيه من DVD مع سماع الصوت في الهيدفون و عرض English subtiltles لتقوية لغتك.

هل يمكنك أن تدلنا من أين يمكننا الحصول على هذه الأفلام في الدوحة لرغبتنا في تقوية اللغة تمهيداً للهجرة إن شاء الله.

جزاكم الله خيرا عنا.

أم عبد الله

تنزيل الأفلام سهل جدا عن طريق torrent وده عن طريق تنزيل برنامج مثل utorrent أو bittorrent

وده موقع تنزبل برنامج bittorrent

http://www.bittorrent.com/

وده شرح كامل وافى عن كيفيه عمله

http://dvd4arab.maktoob.com/showthread.php?t=707523

طيب جبت الفيلم وعملتله دوانلود لكن ما فيش subtitles English 

أحسن مواقع subtitles هي

http://lx.divxstation.com/subtitles.asp

http://www.divxsubtitles.net/

[أكسيلانس]

و كمان فيه الموقع الشعبي - و فيه كل حاجه افلام مصري و أجنبي و كرتون

www.myegy.com

و بالتوفيق

[el faid]

تحية طيبة لكل الإخوة المشاركين في هدا المنتدى الراقي والجميل

وتحية خاصة الى المهندس ايهاب لمشاركته المتميز والتي فتحت أعيننا كثيرا عن هده البلاد :waf:

لقد كنت متابعا لموضوعك مند مدة وقد شدني اسلويك الجميل وتحليلك الراقي لمظاهر الحياة الكندية ...وتعقيبي هنا بمتابة رسالة شكر لشخصك ولمجهودك المميز وسعة صدرك ...

بالرغم أنني مغربي ومقدم على الكيبيك وقد مر الميديكال بسلام . وننتظر الإلتحاق ببلاد الثلوج البيضاء .فأنا متابع ليومياتك على الجانب الأنجلوسكسوني...

مرة أخرى أشكر لك معلوماتك القيمة وتحياتي القلبية لك بالتوفيق أنت وكل أفراد الأسرة الكريمة...

نور من المغرب...

[ehabtaher]

فيه جهاز بيركب فى العربية لما كنت فى أمريكا شوفتوا فى عربيات كثير بيديك إنذار لما يكون فيه رادار ومش ممنوع تركيبه فى العربيه زى هنا فى مصر ما بيصادروه وحلاوته أنه لما يشتغل هينبهك أنك تبص على عداد السرعة حتى لو سرحان لازم تجيبوا با دكتور إيهاب لأحسن تلاقى الضابط ده تانى

هو انا صحيح برضه اسمى د ايهاب

ومهندس ايهاب سالم هو اللى بياخد مخالفات

بس الجهاز ده مهم

انا عموما مراتى لما تبقى قاعده جنبى

هى اللى عامله زى الجهاز ده

بتقوللى على طول لو السرعه زادت شويه

حتى لو كانت 80 كيلو والطريق ممكن تمشى عليه ب 120

بس علشان كنت فاتح الشباك والهوا شديد شويه

بس اعمل ايه الحكومه !!

[ايهاب سالم]

٣ صور شتويه وجدتهم عندي

الصور تعود للشتاء الماضي

الشتاء الحالي قليل الثلج و الحمد لله

الظاهر في هذه الصوره هو أعلى مسند الظهر في مقعد الحديقه

فقط لنتخيل إرتفاع الثلج

[ايهاب سالم]

وتحية خاصة الى المهندس ايهاب لمشاركته المتميز والتي فتحت أعيننا كثيرا عن هده البلاد

نور من المغرب...

أهلا بيك يا نور

فينك يا راجل من زمان

تحياتنا للمغرب و أهله

[ramyfathalla]

يا صورك يا هوبا

ما لكش حل فى التصوير

[ايهاب سالم]

Banks urge Ottawa to tighten mortgage rules

خبر مهم ..... له دلالات أهم

الخبر يقول أن البنوك الكنديه الكبرى تضغط على الحكومه الفيدراليه لتضييق قواعد الإقراض العقاري في وجه الكنديين خوفا من حدوث فقاعه عقاريه مثلما حدث في أمريكا و أدى في النهايه إلى الأزمه الإقتصاديه الحاليه

الحقيقه أن من يتابع السوق العقاري في كندا في الشهور السابقه يدرك ببساطه أن السوق في حالة رواج غير طبيعي

حجم المبيعات و أسعار البيوت ترتفع بشده و هذا لا يتناسب مع أجواء الأزمه الإقتصاديه و مع نسبة البطاله المرتفعه حاليا

سبب هذا الرواج هو أسعار الفائده المنخفضه بشده على القروض العقاريه و التي هي الأقل على الإطلاق في التاريخ في كندا حيث يمكن الأن لأي شخص الحصول على قرض عقاري بفائده تبدأ من 2.15% سنويا و إذا جمعنا هذا مع مدة تقسيط تمتد حتى ٣٥ سنه حينها يصبح القسط صغير و يسمح للكثيرين بشراء بيت الأحلام أو بشراء بيت أخر كأستثمار بجانب بيت الإقامه

واحد يقول .. طب هو أيه المشكله

وفيها أيه لما الناس أصحاب الدخل القليل يشتروا بيوت و ده يزعل البنوك في أيه

المشكله إن أسعار الفائده لن تبقى منخفضه للأبد و الخطر المحتمل هو أنه بزيادة أسعار الفائده مستقبلا بعد إنتهاء الأزمه الإقتصاديه سيعجز الناس أصحاب الدخل المحدود عن السداد تباعا أو يضطرون إلى قطع الإنفاق على نواحي الحياه الأخرى لتوفير القسط العقاري حتى لا يحجز البنك على بيتهم و هذا بالتبعيه سيؤثر على مجالات الإقتصاد الأخرى و كذلك على السلام الإجتماعي للأسر و أطفالهم إذا حدثت حالات foreclosures كثيره

هناك إقتراحات كثيره مثل زيادة المقدم الإجباري عن النسبه الحاليه و هي ٥% إلى ١٥% أو تقليل الحد الأقصى لفترة التمويل من ٣٥ إلى ٢٥ سنه

و إقتراحات أخرى كثيره

وزير الماليه الكندي يقوم حاليا بجلسات مناقشه مع اللاعبين الرئيسيين في مجال التمويل العقاري في كندا لبحث هذا الموضوع

أول ملاحظه هنا هو أن البنوك هي من تطالب بالتضييق و ليس الحكومه و هذا يعكس تحفظية النظام المصرفي الكندي عكس الأمريكي تماما حيث كان توسع البنوك الأمريكيه في إقراض أشخاص لا يستطيعون السداد هو من أدي للفقاعه العقاريه الأمريكيه

الملاحظه الثانيه أن البنوك تطلب وضع regulations جديده لأنها ببساطه لا تستطيع رفض تمويل شخص تنطبق عليه الشروط الحاليه حتى لو أدركت أنه سيعجز مستقبلا إذا إرتفعت أسعار الفائده و هذا يعكس تقيد المؤسسات هنا بالقوانين و القواعد و أن الأمور لا تسير على الهوى

تم تعديل 12 فبراير 2010 بواسطة ايهاب سالم

[arabi]

الله الله الله عليك يا هوبا يا كنج

صحيح و الله كنج

تحياتي

و تسجيل متابعة لكل كلمة بتقولها في المنتدى الجميل ده........إستمر يا معلم ......بارك الله فيك