#@#@# عـمـار يا كـنـدا #@#@#

[حسام يوسف]

ممكن نفهم من كدة برضة ياباشمهندس ايهاب

أن آثار الازمة المالية العالمية الامريكية مازالت موجودة؟

ولا أمل حتى الآن في تقليل أثارها السلبية؟

[أحمد سيف]

ده موقع بيشرح الأزمة المالية العالمية وارتباطها بالإقراض العقاري بصورة مبسطة ومشوقه

http://www.ritholtz.com/blog/2009/02/the-s...e-credit-crisis

[Ahmed Osman]

باش مهندس إيهاب ..... تحياتي

في حاجة مش فاهمها بخصوص نسبة الفائدة على القرض العقاري

لو قرضي العقاري كانت نسبته 2.15 % فهل هذه النسبة سابته حتى سداد القرض ولا متغيرة حسب السوق.

تحياتي

[ايهاب سالم]

في حاجة مش فاهمها بخصوص نسبة الفائدة على القرض العقاري

لو قرضي العقاري كانت نسبته 2.15 % فهل هذه النسبة سابته حتى سداد القرض ولا متغيرة حسب السوق.

تحياتي

2.15 نسبه متغيره

القروض العقاريه في كندا 3 أنواع :

1- Fixed rate closed term mortgage

fixed يعني نسبة فائده ثابته و closed يعني مدة التمويل term محدده و تتراوح من 6 شهور .. سنه .. سنتين ............... 7 سنوات و هذا يعني أن كلا الطرفين ملتزم بنسبه ثابته و مده ثابته

2- Variable Rate Closed term Mortgage

يعني فائده متغيره (حلال) و مدة تمويل ثابته .. يعني كلا من الطرفين ملتزم بمدة التمويل و سعر الفائده المتغير حسب تعليمات البنك المركزي

3- Variable Rate open term Mortgage

فائده متغبره و مدة تمويل مفتوحه ... يعني لا يوجد إلتزام على أي من الطرفين

الخطر في النوعين الأخيرين

[ايهاب سالم]

ممكن نفهم من كدة برضة ياباشمهندس ايهاب

أن آثار الازمة المالية العالمية الامريكية مازالت موجودة؟

ولا أمل حتى الآن في تقليل أثارها السلبية؟

طبعا ما زالت موجوده يا دوك و في عزها كمان

المؤشرات بتقول إننا وصلنا القاع و انه ليس في الإمكان أسوأ مما كان و أن الامل الأن أن يبدأ الإقتصاد في التحسن recovery

دي وجهة نظر

وجهة النظر الأخرى بتقول إن الأسوأ لم يأتي بعد و إن العالم هيشوف Great Depression 2

عموما أنا لا انصح أي حد ييجي نهائيا دلوقتي ... لاندينج و يرجع ماشي .. أنا أسمع إن حتى الوظائف الكاجوال صعبه دلوقتي

[المعلم عتريس]

وجهة النظر الأخرى بتقول إن الأسوأ لم يأتي بعد و إن العالم هيشوف Great Depression 2

الحمد لله اني ما بعتش القراطين اللي في البلد

اهو ينفعو الواحد يزرعهم قلقاس :blink:

[يوتوبيا]

احنا سمعنا الكلام ده فعلا من واحد صديق بيسافر يعمل بزنس في امريكا وكندا

وحذرنا ان نسافر قريبا

بس احنا كنا عاملين حسابنا ان استقرارنا هناك اذا ربنا اراد الخير وخلصنا اجراءتنا بسلام مش هيكون قبل سنتين ثلاثة

بس انا عايزة اعرف ايه مدى خطورة ان الواحد يعمل لاندينج ويرجع تاني

وهل ياترى ممكن يرجع لمدة سنتين من الخمس سنين الاوائل وبعدين يروح يستقر بعدين ويقيم الثلاث سنوات دول عشان ياخد الجنسية

ولا بيعملوا مشاكل اذا اكتشفوا وجودنا خارج البلد

[hiema]

الاخت نهر النيل

للحصول علي الجنسية يجب الاقامة في كندا مدة لا تقل عن 1095 يوما (3 سنوات) متواصلة او متقطعة في خلال الخمس سنوات الاولي

و بالتالي فان فكرة حضرتك بعمل اللاندنج فقط ثم العودة للاستقرار بعد سنتين للحصول علي الجنسية المفروض ان ميكونش فيها مشاكل

و انا اعتقد ان ده بردو اللي م/ايهاب كان عمله

بس السؤال بقي هو بفرض اني رحت عملت لاندنج و قررت اني ارجع بعد سنتين ثم بعد مرور السنتين وجدت ان الامور تزداد سوء , حيكون ساعتها الوضع صعب و مش حيكون عندي خيار غير الاستقرار و تحمل اي ظروف حتي لا يضيع كل مجهود تلك السنين هباء بالاضافة لذلك اني حأكون خسرت فرصة الدخول في المجتمع في ظروف كانت نسبيا افضل لان مثلما ذكر م/ايهاب في وجهتين للنظر بخصوص الاوضاع الاقتصادية يعني ال Trend مش واضح

الموضوع فعلا محير و القرار مش سهل

[يوتوبيا]

الاخت نهر النيل

للحصول علي الجنسية يجب الاقامة في كندا مدة لا تقل عن 1095 يوما (3 سنوات) متواصلة او متقطعة في خلال الخمس سنوات الاولي

و بالتالي فان فكرة حضرتك بعمل اللاندنج فقط ثم العودة للاستقرار بعد سنتين للحصول علي الجنسية المفروض ان ميكونش فيها مشاكل

و انا اعتقد ان ده بردو اللي م/ايهاب كان عمله

بس السؤال بقي هو بفرض اني رحت عملت لاندنج و قررت اني ارجع بعد سنتين ثم بعد مرور السنتين وجدت ان الامور تزداد سوء , حيكون ساعتها الوضع صعب و مش حيكون عندي خيار غير الاستقرار و تحمل اي ظروف حتي لا يضيع كل مجهود تلك السنين هباء بالاضافة لذلك اني حأكون خسرت فرصة الدخول في المجتمع في ظروف كانت نسبيا افضل لان مثلما ذكر م/ايهاب في وجهتين للنظر بخصوص الاوضاع الاقتصادية يعني ال Trend مش واضح

الموضوع فعلا محير و القرار مش سهل

فعلا الموضوع محير

انا بعد ما كتبت مداخلتي دي فكرت ان ممكن نستفيد من فترة الركود دي بأن اللي يروح يعمل حسابه انه هيدرس بس على اساس ان بعد فترة الدراسة دي ايا كانت 3 او 4 سنين

بعدها هيكون الواحد منصهر داخل المجتمع وعنده خبرة كافية في المجتمع والسوق يقدر بيها بإذن الله يلاقي عمل يكفله الحياة الكريمة

لكن الوضع ده يتطلب ان احد الطرفين (الزوج او الزوجة)يكونوا في مكان اقامتهم الاصلي مداوم على عمله لمدة السنتين اللي ذكرناهم دول وده ممكن يفيد في حاجتين

الشئ الاول ان لو الاسرة دي اقامتها في الخليج اللي هيفضل منهم ممكن يوفر مصروف شهري للطرف الاخر ولو يكفي بأقل الحدود للسكن والدراسة(غير باهظة)

الشئ الثاني لو الاسرة مقيمة في مصر يبقى الفائدة هتكون اذا الزوج هو اللي سافر وطبعا هيكون لوحده يعني مصروفات سكن اقل وهكذا وهيكون الميلغ اللي مدخره يصرف منه على دراسته

ومافيش مانع طبعا لو الواحد ربنا رزقه بأي وظيفة ولو بسيطه مايكابرش ويستلمها هتي لو هتجيبله مبلغ قليل جدا اكيد هيفيده في اي شئ واولها خبره في السوق

سؤال بقى هم ازاي بيحاسبوا على الضرائب

يعني مثلا في ناس بتشتغل ان دوور يعني وهم في بيوتهم زي ما قرأت في موضوعات تانيه

الحكومة ازاي بتقدر تخصم الضريبه ولا لابد ان يكون في تصريح واجراءات حتى للي ممكن يعمل في البيت

زي مثلا كده اخوانا اللي قالوا ممكن يقوموا بصيانة اجهزة الكمبيوتر برايفت بدون ما يكونو ا تابعين لشركة معينه(ده مجرد مثال)

يلا بقى يا باشمهندس ايهاب اعطينا من خبرتك

حاجة كمان الله يكرمك ماتعرفش خريجي تجارة بيعملوا معادلتهم فين او ازاي

اسفة على الاطاله

تم تعديل 15 فبراير 2010 بواسطة نهر النيل

[ايهاب سالم]

سؤال بقى هم ازاي بيحاسبوا على الضرائب

يعني مثلا في ناس بتشتغل ان دوور يعني وهم في بيوتهم زي ما قرأت في موضوعات تانيه

الحكومة ازاي بتقدر تخصم الضريبه ولا لابد ان يكون في تصريح واجراءات حتى للي ممكن يعمل في البيت

زي مثلا كده اخوانا اللي قالوا ممكن يقوموا بصيانة اجهزة الكمبيوتر برايفت بدون ما يكونو ا تابعين لشركة معينه(ده مجرد مثال)

يلا بقى يا باشمهندس ايهاب اعطينا من خبرتك

لو مفيش إثبات على الفلوس التي تتقاضها .. يعني بتقبض كاش و مش بتعطي إيصالات أو بتمضي ورق بالإستلام يبقى محدش هياخد منك ضرائب

أنا أعرف واحد مصري قاعد في البيت و بيشتغل على الإنترنت لناس في الخليج و مبيدفعش و لا مليم ضرايب

حاجة كمان الله يكرمك ماتعرفش خريجي تجارة بيعملوا معادلتهم فين او ازاي

معنديش فكره للأسف

[ايهاب سالم]

للحصول علي الجنسية يجب الاقامة في كندا مدة لا تقل عن 1095 يوما (3 سنوات) متواصلة او متقطعة في خلال الخمس سنوات الاولي

يجب الإقامه 3 سنوات في الأربع سنوات السابقه على التقديم للجنسيه و ليس في الخمس سنوات الأولى

و بالتالي فان فكرة حضرتك بعمل اللاندنج فقط ثم العودة للاستقرار بعد سنتين للحصول علي الجنسية المفروض ان ميكونش فيها مشاكل

للحفاظ على الإقامه ...... يجب الإقامه في كندا سنتين كل خمس سنوات .. متجمعين أو متفرقين

يعني ممكن تعمل لاندينج و تمشي و ترجع قبل سنتين من إنتهاء الإقامه و موقفك يكون سليم تماما

[يوتوبيا]

جميل الكلام ده

جزاك الله خير على الرد م ايهاب

[يوتوبيا]

يا باشمهندس انا فكرت شويه في كلامك وعايزة اسألك سؤال

معنى ان ممكن طالما ادخل واخرج البلد خلال السنتين تظل الاقامة سارية

هل يصح ان خلال اكتر من سنتين مثلا سنتين اولانين وسنتين تانين ادخل للبلد كل صيف مثلا تظل اقامتي سارية وممكن يجددوها بعد الخمس سنوات الاولى

على اعتبار اني مش هقدم على الجنسية الا لما اقيم في البلد التلت سنوات المتواصلة

بمعنى ادق هل يمكن ان احافظ على الاقامة سارية وتجدد لي بعد الخمس سنوات الاولى وبعدها ابدأ استقر بالبلد ولا دي فيها شئ مش مسموح

انا مش بسأل عشان انا هعمل كده بس زيادة في معرفة قوانين الاقامة عندهم ماحدش عارف بكرة ممكن يحصل فيه ايه

[ehabtaher]

لو اقمت فى كندا 720 يوم متواصلين او متفرقين يمكنك تجديد الاقامه ولو اضفت ليهم سنه كمان فى نفس ال خمس سنين ممكن تقدمى على الجنسيه

طيب

سؤال انقح

لو قعدت 3 سنين متواصله بس 2 فى الخمسه الاولى وواحده فى اول الخمسه التانيين هل ممكن ساعتها تقدم على الجنسيه ام لابد ان تكون الالف يوم فى نفس مده الخمس سنوات

مش ده اللى كان قصدك عليه يمدام نهر النيل

[Ahmed Osman]

لو اقمت فى كندا 720 يوم متواصلين او متفرقين يمكنك تجديد الاقامه ولو اضفت ليهم سنه كمان فى نفس ال خمس سنين ممكن تقدمى على الجنسيه

طيب

سؤال انقح

لو قعدت 3 سنين متواصله بس 2 فى الخمسه الاولى وواحده فى اول الخمسه التانيين هل ممكن ساعتها تقدم على الجنسيه ام لابد ان تكون الالف يوم فى نفس مده الخمس سنوات

مش ده اللى كان قصدك عليه يمدام نهر النيل

د إيهاب ..... تحياتي لك

حسب معلوماتي ....... ويجوز أن تكون خطأ

للحصول على الجنسية لابد من شرط الثلاث سنوات في أ خر 4 سنوات مش 5

وإيضا أخر 4 سنوات ممكن يكونوا في فترة ال 5 سنوات الاولي او الثانية أو جزء منها في الفترة الاولى و جزء في الثانية

المهم أخر 4 سنوات

إيه .......... بنغكر في الجنسية وإحنا لسه إسمنا مكتوب بالقلم الرصاص

تحياتي

[ايهاب سالم]

يا جماعه إنتو ليه مكلكعين الدنيا

بعد دخولك كندا أول مره هتحتاج تعمل حاجه من اتنين

أول حاجه هو التقديم على الجنسيه

ودي شرطها إنك تثبت إنك أقمت في كندا ٣ سنوات في الأربع سنوات التي تسبق تاريخ تقديم الطلب

الحاجه التانيه

إن كارت الإقامه PR Card إنتهى و إنت معندكش الجنسيه لسه و عايز تجدده عشان تقدر تسافر و ترجع كندا

ساعتها هتقدم طلب و هيكون مطلوب منك إنك تثبت إنك أقمت في كندا سنتين في الخمس سنوات التاليه لتاريخ حصولك على الكارت المنتهي صلاحيته

مش زي شرط الجنسيه .... يعني مش سنتين في أخر ٥ سنوات سابقه على تاريخ تقديم الطلب

كمان لازم تستلم الكارت الجديد بنفسك مش زي أول كارت بيتبعت بالبريد و ممكن حد يستلمه و يبعته لك بلدك الأصلي

واضح يا شباب

مفيش أول خمس سنين و تاني خمس سنين و سنتين في الأول و سنتين في الأخر و متجمعين و ألا متفرقين

تم تعديل 16 فبراير 2010 بواسطة ايهاب سالم

[ايهاب سالم]

انا ماتصدمتش وكتبت بفعل الصدمه

ابد والله العظيم

انا خدت نفس عميييق ..وهديت جدا ..وحيدت نفسي جدا ..وكتبت العيوب والمميزات والملاحظات كاني صحفي بيكتب عن بلد جايلها زيارة اسبوعين وموش جاي تاني علشان اكون فعلا محايد

طب و تفتكر يا لورد إن رأيك عن بلد زرتها إسبوعين فقط و كمان عقدت النيه على عدم العوده لها ممكن يكون واقعي و عادل

وسبب اللي عملته ده

إعترف

اني خفت لناس تبيع اللي وراها وقدامها وممكن تضيع نعمة هيا عايشة فيها علشان حاجة هيا ممكن ماتكونش قدها ..

ويمكن تكون قدها

او تبني احلام على حاجات موش حقيقية او على الاقل ..

الموضوع نسبي جدا ... يعني الخيال عند بعض الناس حقيقه عند البعض الأخر

و الأهم إن الخيال ممكن يتحول لحقيقه بالجد و الإجتهاد

لكن طبعا الأسهل إن أقول ما أنا مرتاح هنا و أحوالي مستقره ... أيه اللي يخليني أغامر و أبدأ حياه جديده مليانه مشاكل ووجع قلب

ساعتها يبقى السؤال المنطقي

إنت ليه أساسا فكرت في الهجره إذا كانت أحوالك مستقره و سعبد

طبعا أنا مش بأقصدك إنت تحديدا يا Z لما بأقول "إنت"

أنا قصدي أي حد بيروح كندا و بعدين يقول لا يا عم مش لاعب ما أنا مستريح في الخليج و بأكل كبسه و مندي

طب مادام إنت مستريح فكرت في الهجره ليه

سؤال منطقي مش كده

والانئح من كدة ..ان فيه ناس تبرر لنفسها ..وممكن علشان تقنع نفسها بان اللي عملاه هو الصح ..تضل تماما وتصدق اللي اقنعت بيه نفسها

الكلام ده صحيح في الإتجاه الأخر برضه

يعني ممكن اللي قرر يفضل في الخليج و يشتري دماغه يقنع نفسه إنه كده أفضل

كندا بلد حلوة للي معاه فلوس هناك وعارف يشتغل ويتاقلم ..وفرص النجاح فيها من متوسط الى مقبول

متوسط لمقبول .... أيه الكرم ده يا راجل

ولذلك قلت لنفسي ..طب ماهي زي مصر برده ..حلوة للي معاه فلوس وعارف يتاقلم ..وزود عليها كمان ..انها بلدي واهلي وناسي ...لذلك قلت راي الشخصي في الخلاصة في الاخر خالص ..اني لو معايا مقومات الحياة الكريمة في مصر ( ودي تختلف من واحد لواحد ) اكيد الغلبة هاتبقي لمصر

الموضوع نسبي

أنا مثلا أشتغل كاجوال في كندا وماشتغلش وزير في مصر

هوا الحريه و المساواه و العدل ليهم قيمه عند اللي بيقدرهم

لما تنظر لضابط شرطه بحب و إعتزاز مش بخوف عشان عارف إنه فعلا في خدمتك و بيحميك مش ممكن يعتقلك لو شكلك مش عاجبه بقانون الطوارئ

و الحياه الكريمه مش فلوس تمشي بيها حالك بالرشاوي و مش نفوذ تعرف تجيب بيه رخصتك لما تنسحب دي إسمها فوضى و فساد و مش كل الناس تعرف أو تحب تعيش بالطريقه دي و أنا منهم

في ناس بتقنع نفسها بانها تصور الحياة في مصر وكانها لا تطاق مهما حصل ..

هي دي محتاجه جدل يا زناتي

طبعا الحياه في مصر لا تطاق period

وناس بتكره نفسها في مصر علشان تقدر تعيش بره

هو إنت ليه مش عايش جوه يا زناتي

لكن اللي يهمني هنا ..اني ماكتبتش اللي كتبته تحت اي تاثير ..ولا صدمه ..ولا انبهار .. ولا مشروبات كحولية :hearts:

إنت كتبته تحت تأثير قرار مسبق إن أنا كده فل و ليه أتعب نفسي في حياه جديده

يبقى نوحش كل حاجه هناك و نحلي كل حاجه هنا عشان نقنع نفسنا إننا كده صح و في الأخر نصدق نفسنا و نستريح

[المعلم عتريس]

بلاش يا اخوانا كلام الباراسيكولوجي ده عشان انا ما استوعبش

[arabi]

يسلم فمك يا هوبا يا كنج.

أنت قلت كل كلمة نفسي أقولها.

ربنا يوفقك و يرزقك على إخلاصك و أمانتك

[znaty]

تعلالي من خلال النافذة يا بوب يا ملك الحركات :ninja:

بس الاول انا عاوزك موش بس تقرا الكلام ..لا عايزك تحس بيه فعلا وكانك سامعني وتحس باللي انا حسيت بيه

ارد على نقطة نقطة

اولا ..انا ماناويتش اني موش جاي دي خالص يا صديقي ..انا راجع تاني ان شاء الله بس لازم اكون جاهز ليها لانها موش بلد سهلة خااالص وعاوزة استعدادات كبيرة

ودة كان تلميحي للي رايح يرمي نفسه مرة واحدة ومعاه اللي يكفي شهر او اتنين ومعتمد ان بعدها هاتسلك

ومعاه زوجة واطفال

وانجليزي على قده

ومعادلة صعبة وممكن موش مستعد للدراسة اصلا

ودول صدقني يا صاحبي بالهابوللي

وبعدين انت لو قريت اول حلقة في انطباعاتي ..ذكرت فيها بوضوح ان ممكن تكون انطباعاتي موش صح ..ان الفترة صغيرة ..لكن على اي حال ..برده لايزال عندي انطباعات ..ومن باب

الامانة ..اني احكيها ..سلبياتها بايجابياتها

الى جانب اني قلت قبل كدة ..اذهلني جدا الكلام عن كندا وكانها بلد الجنة الموعودة ..اللي لا تخلو من العيوب ..وحتى لما نذكر العيوب ..بنهمشها اوي ..وبنضخم المميزات ..ودة

حسسني ان دة ممكن يخللي ناس كتير تاخد قرار خاطئ ( بالنسبة ليها ) مع انه ممكن يكون صحيح ( بالنسبة لناس تانية )

وبردة ..اي بلد في الدنيا ..لو قعدت فيها اسبوعين تحللها بعين محايدة .زوتقابل ناس عايشة فيها وتسمع تجاربهم ..وتخرج فيها كل يوم من 8 الصبح لغاية 11 بالليل تلف كل يوم مكان

وتدرسها وتدرس طباع اهلها ..متهيالي ممكن تكون صورة لحد كبير صحيحة

ثانيا

متهيالي موضوع الخليج مختلف شوية عن كندا ..يعني موش محتاج انك تقنع نفسك ولا حاجة

الخليج موش هجرة ..دي حسابات منطقية بحتة ..بتكسب هاتقعد ..بتخسر هاتغير شغلك او ترجع بلدك

لكن الهجرة موضوع تاني يا صاحبي ..

ثالثا

بتجبرني يا صاحبي اقول كلام موش عاوز اقوله

وعارف ليه موش عاوز اقوله

لنفس السبب اللي خلاني اذكر العيوب بمنتهي الوضوح

علشان موش عاوز ااثر على قرار واحد ..ممكن يكون قادر على النجاح هناك من غير ما يبهدل اهلة واولاده ..يعني باحاول اكون عادل في الاتجاهين ..موش مرمي على كندا او ضدها

انت شايف ان مقبول لمتوسط كنسبة نجاح قليل عليها ؟؟؟

ايهاب انت متخيل كام نسبة اللي بياخدوا الجنسية ويخلعوا على الخليج او بلادهم ؟؟ اعداد مهووولة

ولو كان كل من هاجر كندا استقر فيها كانوا زمانهم عملوا زي امريكا وقفلوا باب الهجرة من زمااان

كندا موش زي امريكا خالص يا صاحبي

انا شفت في الخليج مئات جم كندا علشان ياخدوا الجنسية ويحسنوا الكارير بيها وخلاص على كدة ..على بلادهم

انت عارف انا قابلت كام واحد عنده اكتئاب حاد بسبب البحث عن عمل في كندا ؟

قوللي انت كام واحد تعرفه ..من المنتدي او من غيره ..خد جنسية واستقر هناك من سنين طويلة ومش عاوز يرجع ..انا اعرف اتنين بس من وسط عشرات

وقصص كتير جدا عن اللي اتبهدلوا علبال ماخدوا الجنسية ..واللي اصلا اساتسلموا قبلها حتى ورجعوا

ياراجل دة انا شفت مدير ادارة مصري ..شغال في قهوة مصري في الويك ايند بس علشان مافيش غير كدة ..بيرص فحم على المعسل ياريس ؟؟

علشان كبير نسبيا في السن ؟؟طب بالله عليك ؟؟كام نسبة الكبار في السن اللي عاوزين يهاجروا في المنتدي دة بس ؟؟

الهجرة للصغير لم اعترض عليها ابدا ..بس اعترضت على نسيان بلدك ووطنك في المقابل ..ودة رايي الشخصي ..ولا احاسب عليه

لكن انا طلبت بحياد ..ان اللي سنه كبير وعنده مسئولية ..يحسبها مليون مره قبل مايغامر ..و ( مايقنعش نفسه باي وسيلة من الوسائل اللي ذكرتها ..لازم يحسبها صح وبحيادية )

وشوش الناس يا اخي في الشوارع تحس فيها بالشقي والكد وصعوبة الحفاظ على العمل ..جايز بسبب اني رحت في وسط ازمة اقتصادية ..بس دي حاجة انا لمستها هناك ولازم اقولها

واحد صاحبي حكالي عن مدرسه الكندي او بريطاني موش فاكر ..كان بيدرسله انجليزي علشان ايلتس ..قاله بالنص ( .....) كندا :sad: ..وانت افهم بقة ..بيساله ليه ..حكاله حاجات صعبه

جدا ..بس انا موش هاخد الكلام دة على انه مسلمات ..دة واحد فشل ..عادي ..بس برده كلامه لازم يتاخد في الحسبان ..موش يهمل وكانه هامشي

دة مستقبل اسر يا صديقي

وانت معترض على مقبول ؟؟ دي نسبة عالية ..

اللي اعلى من مقبول جيد يا ريس ..يعني بتاع 70 % نجاح ..بالله عليك ..دي نسبة عادلة في وسط اللي هاجروا كندا في سننا برده

انا شايف انها مور ذان فاير كمان يا لورد

رابعا :

دة فعلا موضوع نسبي ..ودة اللي انا ذكرته ..مجرد رايي الشخصي يا زعامه ..انا لو املك مقومات الحياة الكريمة في مصر ...( وقلت انها تختلف من واحد لواحد ) اكيد هاعيش في مصر

بلدي وانا اعرف ازاي اعيش فيها كويس ..ولذلك كررت ان دة رايي

..انا فعلا شايف انها احلى بلد في الدنيا ..وانها هاتفضل دايما بلد الخير مهما حصل واسودت الدنيا ..برده راجعه راجعه

وبيني وبينك ..معظم اللي حوالينا الوقتي ..مسيرهم لبلدهم ..وبكره نشوف يا هوبا

وبعدين يا اخي ..موش كل عايز ينجح ..لازم يروح كندا يعني ؟:sad: كل واحد وظروفه ..ممكن ناس تبقي متثمرين في الخليج وينجحوا اجدع من مليون كندا ..وناس في مصر ينجحوا اجدع من

مليون كندا وخليج على بعض

كل واحد وظروفه وامكانياته

لكن اللي انا شايف من الكلام هنا ..ان كندا بنتكلم عنها ..وكانها هيا افضل بلد في العالم تعيش وتنجح فيها بلا جدال ..ودة غلط طبعا

خامسا:

انا ليه بره ؟؟

مان انا قلتلك ..فاضل عالحلو تكة يا ريس :lol:

بص يا بوب ..انا ماكنتش تحت اي تاثير نفسي مسبق

والا ماكنش له معني اصلا القصة دي وتعب القلب من الاول وهجرة ومصاريف ودوشة عالفاضي

ال 50 60 الف اللي اتصرفوا في القصة دي ...ادفع بيهم مقدم شقة والا محل اجدعلي واقسط الباقي باللي هاصرفة السنين اللي جايه لسه على كندا

هو اجتهاد منك ..ومقبول طبعا ..لاني فعلا باعتبرك اخ وصديق

وكاخ وصديق عاوز اوضحلك دماغي ماشية ازي

كندا دي بالنسبة ليا موش افضل مكان في الارض لبناء مستقبل

بس هيا تجربة

حاحط رجل ..ورجلي التانية لسة مكانها

لو رجلي ثبتت على ارض هناك

هانقل التانية ..لانها ..على اي حال ..افضل من الخليج

وااقل واجل ..هاتاخد جنسية ممكن تحسن بيها كارير في الخليج ..بالذان في مجال الانشائات ..الكندي والامريكي بيفرق كتير ..ممكن المجالات التانية لا ..بس عندنا اه

ولو الوضع اتحسن في كندا ..وكنت من المقبولين :sad:

يبقي هاكمل هناك الى ان ....الحلوة تتكلم وتطلع قماش ..يبقي مصر ام الدنيا ياريس

بس لو فضلت تطلعلي في فتل ودوبارة وكدة ..يبقي احنا في كندا

لكن لو حطيت رجلي ولاقيتها بتغوص وبتلحوس في الطينة ياباشا

يبقي يا دار ما دخلك شر

مشكلة الناس هنا .زفي المنتدي دة بالذات يا زعيم

انهم بيسدوا مناخيرهم ..وبياخدوها غطس ..ودي بقة ..احتمالتها كتير وموش محسوبة

لو ماعرفتش تعوم ..ااقلها كرباج يقسك صدرك ياريس

بس يا سيدي ..دة توضيح اللي انا قلته في كام سطر قبل كدة

قوللي بقي ..ايه هناك كان حلو ..وانا ( على رايك ) وحشته بعدم حيادية .. علشان اقنع نفسي وافضل في الخليج :sad:

طب مانا كنت ماعملتش هجرة من اساسه ؟؟ انا يعني عليا ذنب اروح كندا ؟:sad:

تحياتي يا ملك الزونب :blush2:

تم تعديل 17 فبراير 2010 بواسطة znaty