#@#@# عـمـار يا كـنـدا #@#@#

[طارق الشاطر]

اخي ايهاب سالم

السلام عليك ورحمة الله وبركاته

لا اريد ان اطيل عليك اخي الكريم عملت لاندنج في ابريل 2008 فانكوفر لدي ظروف خاصة تمنعني من الذهاب الى كندا الى بعد خمسة سنوات اي قبل نهاية كرت الاقامة هل لهذا تاثير على تجديد كرت الاقامة لخمسة سنوات اخر ى او يمنعني من الدخول الى كندا اتمنى ان اجد اجابة جزاءك الله خير

واضح ان حضرتك مش متابع القوانين

لو كنت عملت لاندنج ورجعت على طول في ابريل ٢٠٠٨

يبقى ضروري تدخل كندا قبل ابريل ٢٠١١

مسموحلك تقعد بره كندا ٣ سنين بس مش ٥

لو ما رجعتش قبل ٣ سنين الاقامة بتروح عليك

شكر اخي المعلم عتريس انا فترة طويلة جدا لم ادخل على المحاور وغير ذلك ام اكن متابع مداخلات الاخوة الافاضل واخص المهندس ايهاب فقد راجعت المادخلات السابقة ووجدت الاجابة لكن حقيقتا لدي اسباب دعتني لمزيد من التفاصيل بمعني الكيفية التى يتم بها فحص عدد ايام الاقامة داخل كندا خصوصا انه ليس هناك اجراء خروج من كندا يعني من موظف الخطوط وعلى الطائرة مباشرتا دون المرور على موظف الجوازات ولك جزيل الشكر على مرورك يامعلم

[Ahmed Osman]

يعني واحد عمل لاندينج في 1/1/2010 ومقيم في كندا على طول

لازم يقعد في كندا 3 سنوات ثم يقدم على الجنسية

اذن لو واحد قعد سنه 2010 وسنة 2012 وسنة 2014 لا يستطيع ان يقدم على الجنسية لانه ال 3 سنوات دول غير واقعين في ال 4 سنوات قبل التقديم الي هما 2011- 2012 - 2013 - 2014

اذن عليه التواجد في كندا لسنتين متواصلتين من الاربع سنوات

١٠٩٥ يوم في أخر ٤ سنوات

[znaty]

مستر زناتي

أنا سعيد إن كتير من المهاجرين بيسيبوا كندا بعد الجنسيه و ده لأنهم مش هيعيشوا على الإعانات الحكوميه اللي مموله من ضرايبنا

يا صديقي انا معاك ..هو حد خارب بيت اللي عايشين في كندا وبيدفعوا ضرائب ..غير المنتفعين بالاعانات والمزايا وهما ملوك في بلادهم زي اللبنانيين وغيرهم ؟؟بس موش هيا دي المشكلة ..المشكلة هو ان ليه الناس دي كلها سابت كندا ورجعت ؟؟ماهو لو كانوا هايعيشوا فيها ملوك ماكانوش رجعوا ؟؟

فيه فعلا ناس ظبطت امورها وكملت منهم كتير هناك ..بالذات اللبنانين ..مانكرش ..بس تظل الغلبة للي رجعوا ..طب ليه ؟هو دة السؤال

أقولك على مين و ألا مين يا زناتي

من شلة الكليه بس في 4 .. غيري طبعا

من الأصدقاء اللي تعرفت عليهم هنا 6

من زملاء العمل حدث و لا حرج ... الشركه معظمها مهاجرين من أسيا و أفريقيا و أوروبا الشرقيه ... شغالين و ناجحين و زي الفل و مش هسيبوا كندا و لا بالطبل البلدي

القطار اللي بأركبه الصبح معظمه مهاجرين ... عايشين في بيوتهم اللي يملكوها في الضواحي و بيروحوا شغلهم (اللي مش كاجوال) كل يوم في الداون تاون

جيراني ... أغلبيه من المهاجرين ....

صلاة العيد اللي فات .. المكان مكانش مكفي من كتر الناس رغم إقامة 3 صلوات متعاقبه .. هتقولي و ده أيه علاقته .. هأقولك مش هيروح مهاجر يشتري بيت في ميلتون و هو مش لاقي ياكل و الزحمه دي كلها مهاجرين عايشين في ميلتون ... المسلمين بس

يا صديقي كل دة طبيعي ..اذا كان كندا كلها نسبة اللي عايشين ومولودين فيها 50 % فقط من سكانها ..و 50 % مهاجرين ..ودخلها اساسا قايم على الهجرة والضرائب ثم الاخشاب

ولو كل مهاجر معاه عيلين تلاته اتولدوا فيها والنسبة خمسين المية ..يعني تقريبا كلها مهاجرين ..ماننكرش

لكن تعالى شوف نسبة النجاح في وسطنا احنا المصريين ؟؟كام بقة يا حلو نسبة المصريين اللي معاك في الشركة والا عندهم بيوت في كندا وموش سايبينها بالطبلة البلدي ؟؟؟ونسبتهم كمان في المسجد ؟؟يا فندم كلهم على بعض بعيالهم ومحتالهم ..باللي ناجح واللي شغال كاجوال ..300 الف في 35 مليون 75 % منهم مهاجرين ؟؟

طب تعالي نحسبها ..كندا بتدخل متوسط ربع مليون مهاجر رسميا كل سنة ..يعني في عشرين سنة المفروض 5 مليون

ال 5 مليون دول في عشرين سنة المفروض يبقوا 15 مليون ..معظمهم صينيين واسيوين يعني زريطة عيال :lol:

دة غير تكاثر السكان الاصليين او القدام يعني

وكندا لسة 35 مليون ..تسمح تقوللي ازاي ..احلال وتجديد يا ريس

الهنود والصينيين وغيره بيعرفوا يلاقوا سكتهم بسهولة ..يساعدوا بعض ويشغلوا بعض واللباقي معروف

وانا اللي يهمني هنا ..هو احنا المصريين ...

ورغم كدة ..تظل النسبة الاكبر حتى من الاسيويين وغيره ..بيرجعوا بلادهم برده رغم كدة

كويس قوي عليه يا زناتي ... هو كان فاكر نفسه هيشتغل مدير إداره في كندا ... هنا مش حكومه و مناصب و منظره يا زيكو

بتعرف تشتغل أيه يا حبيبي .. عندك مهارات في أيه .. هنا مجتمع إقتصادي صحي .. قائم على المنافسه و العمل ... مش مجتمع بيروقراطي قائم على الواسطه و المحسوبيه و الشهادات التي لا يفهم أصحابها فيها شئ

أنا بأكتب لك دلوقتي و أنا داخل على كمبيوتر الشغل من البيت الساعه 8 بالليل و شغال .... معاك مهاره و بتعرف تشتغل هتعيش ... نظام شهادات يبقى معطلكش

مجتمع ديناميكي يا زيكو ... مفيهوش كيانات عائليه زي الجيش و الشرطه و البترول و التليفزيون و القضاء و مصر للطيران

يا ريس وانت حكمت منين بس ان الراجل دة غير مؤهل وغير كفؤ ..علشان تظلمه كدة ؟

يا فندم دة كان مدير ادارة في شركة انترناشيونال في الخليج بقالة 25 سنة ؟موش حكومة يعني ..وموش واسطة..دة كفؤ مليون في المية

طب وهيا دي عاوزة كلام ..دة احنا بنييجي دكاترة ومهندسين وعندنا خبرة تضربهم موش معترفين بينا

سيبك من شهادتنا ..خبراتنا يا اخي ؟..دة انا اول ماتخرجت نفذت مبني فرع جامعه الازهر ..فيه 8 مباني على 2 فدان ..ومنهم مبنيين يعتبروا سبشيال ستراكشر ..وبتاع كندا شغال في

الخشب وفيلل عبيطة ..حتى اتخن سكاي سكريبر في الداون تاون ..بيتبني زيها 4 كل يوم الصبح في دبي ..وبرده مايعترفش بشهادتي حتى لو انا كنت شغال فيها ؟؟

عارف ايه البيروقراطية ؟؟ اني اضر اعادل شهادة في بتاع سنتين تلاتة ..ولعلمك الواسطة في بروفيشنا انجنير اونتاريو هيا اللي تخليهم يقدمولك ميعاد الامتحان لا اكثر ..غير كدة .خد دورك يا سيد ..وبعد المعادلة اضطر اجيب ريفرنسين علشان اشتغل ؟؟

طب ممكن اعرف ..بعد لما امتحن 4 او 5 امحانات علشان انجح في المعادلة ..ممكن اعرف ايه لزمتها ان بروفيشنا انجنير كندي ..اشتغل عنده سنة ..يوقع على مسئوليته ..علشان انا ابقي مهندس معاه رخصة ؟ مع انهم متاكدين 100% ..ان مافيش حد هايوقعلي ولا هايشغلني وانا مهاجر جديد ابدا ؟؟الا اذا كنت اعرفة معرفة شخصية او قريبي ؟؟كل دة علشان يسيب اللي متعلم او مولود عنده ..يشتغل براحته ؟

هو دة موش عدم عدالة واهدار للطاقات والخبرات اللي جايه من بره برده ؟

هو ماحدش بيبني في العالم غيرهم ؟؟؟؟؟

مين نسي بلده يا زناتي ... امال إحنا هنا بنعمل أيه

فلتنسني يميني إذا نسيتك يا مصر (أيه الكلام الكبير ده)

زي ما قلت لك يا زناني لما كنا في العربيه مع هشام و إنت بتفرفر من مزيكا رزع الحلل ... إحنا عيانين بمصر ... بس المشكله إني مش هأسمح للعيا ده إني يعيشني في تعاسه أنا و أولادي طول عمري ... هتقولي العيشه في مصر تعاسه .. هأقول لك نعم ... عين التعاسه .... و مش مشكلة فلوس خالص ... لو كسبت اللوتري بكره و بقى معايا ملايين مش هأرجع مصر برضه

هأعيشها من بعيد زي ما انا عامل كده ... ساعتين بالليل ع المنتديات و مواقع الإنترنت و التليفزيون و الأفلام و دمتم

أنا عايش في مصر أكتر من اللي عايشين فيها ... بس عيشه على رواقه من غير ما أضطر أعيش الهم اللي هناك

لا اعتراض عليك يا صديقي ومكانش قصدي انت اطلاقا ..بس اللي النوعية اللي ذكرتها موجودة فعلا

يعني الكلام كان جنرال سبيكنج موش على شخص بعينه

فيه ناس كدة فعلا ..بخللي نفسه يكره مصر ..وممكن يكره عياله فيها كمان ..علشان يوفر على نفسه الشوق والحنين لبلده والحاجات اللي احنا بنعملها دي .زودة كان قصدي

وفيه ناس بتكره نفسها في مصر علشان تشجع نفسها للهجرة ..ودة ممكن يطغي على موضوعية الهجرة نفسها وهل هو عامل بلان فعلا ..والا ناوي يسد مناخيره ويغطس زي ما انا وضحت

ودة اللي كان يهمني في الانطباعات وفي كلامي دة

ومتهيالي يعني منطقي يا هوبا ؟؟الناس دي موجودة فعلا .زوتنبيها واجب عليا ..بس اقناعها لا ..اللي بيشيل قربه مخرومة ..؟؟

انا موش ضد الهجرة ..انا ضد الغطس بدون خطة يا ريس ..وانت مابتعرفش تعوم او موش عارف انت غطسان فين بالظبط

وتبدا تقنع نفسك ان لا نجاة على هذة الارض ..علشان تقنع نفسك

لا اعنيك يا صديقي ولا اعني شخص معين ..دي عينة موجودة بنشاور بس عليها

إنت كنت ماشي فين في كندا يا زناتي

ما دي مشكلتكم تسكنوا في الداون تاون و تشتكوا ... يا عم الداون تاون ده مأوى ال ....... بلاش أتكلم عشان محدش يزعل

يا زناتي يا حبيبي الناس المزبطين بيسكنوا في الضواحي بعيد .... روح هناك هتلاقي وشوش الناس مورده و جميله

تعالى عندنا ميلتون يا عم و ألا إركب معايا القطر الصبح .. هتلاقي الناس أخر شياكه و ألاجه و مشرئبة الاعناق شلولخ

والله يا صاحبي ..انا ماخليتش :lol:)

حتى اللي كانوا راكبين من الفاينانشيال ديستريكت كانوا كدة..وفي ميساساجا كمان ..

ولعلمك ..اكتر من واحد ..من معارفنا من هنا في المنتدي ..لاحظوا كدة

الله اعلم ..ممكن كنت غلطان في دي ..انت ادري

بس مما لا شك فيه ..ان المشلولخين دول موجودين برده في مصر والخليج زي ماهما موجودين في كندا

قصدي ان النجاح موش حكر على كندا

يا زيزو بأقولك 80 % من شركتنا مهاجرين ... هتخليني أنزل لك صور حفلة الكريسماس ... دول واخدين إمتياز يا ريس تقولي مقبول و على فكره فيهم ناس جايين كندا فوق الأربعين ... بس عندهم مهارات سوق العمل محتاجها و لغه مضبوطه

مش تقولي مدير إداره ... مدير إداره دي تنفعه هناك ... مش هنا

طب مانعمل هجرة لشركتك احسن يا هوبا :lol:

متهيالي وضحت وجهة نظري في موضوع المهاجرين قبل كدة ..بس واضح ان كلمة مدير ادارة دي مزعلاك ..بلاش يا عم ..كان سكتور اكزاكيوتيف مانجر ..اتبسطت :lol:

برضه الفلوس ... يا زناتي الفلوس مش كل حاجه ... مش كلام و الله ... انا حقيقي لو هبطت على ثروه مش راجع مصر تاني و لو كان هدفي الفلوس مكنتش تركت قطر

الفلوس هتعمل لك أيه لو ضابط شرطه إعتقلك بقانون الطوارئ ... هتشتري حريتك بالفلوس ... بئس العيشه يا اخي

الفلوس هتعمل لك أيه و إنت بتشم سحابه سودا أو بتاكل أغذيه مسرطنه ... هتتعالج بيها و ألا هتجيب لك عربيه مريحه عشان تستحمل خنقة المرور

اااه ..جينا للنقطة اللي كتير علق عليها

ومين قالكم يا اخواني ..اني كنت ااقصد بس الفلوس ؟؟

ومين قالك انك لازم تسكن في وسط الزحمة والسحابة السودة والا القاهرة كلها اصلا ..مع ان القاهرة بقي فيها الوقتي اماكن صحية جدا بس ما علينا

ماينفعش يعني اعمل مشروع ناجح في بورسعيد والا في برج العرب والا في العاشر والا في الصعيد والا البحر الاحمر والا في سينا والا في اي مكان وابقي سلطان زماني ؟

يعني المستثمرين بييجوا من كل مكان واحنا اللي موش شايفين الخير اللي ممكن يجي منها ؟

هيا مصر مافيهاش الا القاهرة ووسط البلد وكوبري اكتوبر؟؟

وبعدين ( مقومات الحياة الكريمة ..اللي بتختلف من واحد لواحد ) فيها حاجات كتير غير الفلوس ياريس

علاقات مثلا ..دراسة مشروع كويس ...تجهيز وتأسيس مستلزمات المشروع ..تغير المناخ الاقتصادي في مصر ..تغير المناخ السياسي وطبيعة الحكم في مصر

كل دي حاجات لو اتوفرت في مصر ..اعتقد يبقي ساعتها ممكن ناخد قرار ..ودة اللي انا وضحته

لكن السلبية والتنفير المطلق بلا حدود ...للي كتير من الاخوه هنا متبيعنه ..موش واقعي ابدا

وبعدين موش عارف الراي دة مزعل كتير من الناس ليه اوي كدة؟

ماكل واحد حر ..وكل واحد ادري بمصلحته

متصدقش كلامي و لا كلامهم ... شوف تقرير التنميه البشريه بيقول أيه .... تنميه بشريه يعني كل ما يساهم في رقي و سعادة البشر

تعليم ..صحه .. بيئه .. إلخ  

التقارير دي يا صديقي موش معناها مباشر في الطبيعة يا هوبا

مثلا اخر تقرير طالع بيقول ان مصر طلعت باين من احسن المراكز والا المركز الاول موش فاكر ..في استخدام التقنيات التكنولوجية والكمبيوتر في العالم ..طب دة كلام منطقي يعني wst::

دي حاجات تحسها بعد ما تعيشها يا زناتي ما تتحكيش

وممكن متحسهاش

أذواق و دماغات

مفيش صح مطلق و غلط مطلق

كل واحد ينام ع البلد اللي يريحه

اخيرا ..اتفقنا :lol:

[znaty]

أنا شفت الكلام ده فين قبل كده ....فين يا واد يا دكتور يا هشام فين ...مصر و لا كندا ...كندا و لا مصر

طب نعمل ايه بس يا هيتش ؟؟ ماهو كل ما شوية لازم نسخن كدة علشان نلاقي حاجة نعملها :lol:

كل كلامك ممكن أتفهمه ...مش مقتنع بيه بس متفهمه ما عدا حكاية إن لو فيه فلوس يبقى نقعد في مصر .....خالص يا Z ....لا فلوس و لا كارير و لا مناصب و لا معارف و كوسة تضمن عيشة كريمة أو آمنة في المحروسة ......حتقولي يعني التمانين مليون عايشين ازاي حاقولك ببركة ربنا ..... انما كل واحد فيهم معرض لكارثة في أي وقت بسبب و من غير سبب ...... مرور اهمال طبي فساد كوارث و بلاوي متلتلة و الكلام ده فرصته أعلي من بلاد تانية كتير (يمكن مش الصومال ) .......و نسبته بتزيد كل يوم طول ما عصر الاضمحلال اللي احنا فيه ده مكمل

على فكرة ..احنا متفقين تماما في كل الكلام دة ..ماهو دة معنى ..لما نمتلك مقومات الحياة الكريمة في مصر ..ساعتها يبقي هارجع ..والي انت ذكرته ده محتاج تغيير نظام سياسي واقتصادي في مصر

ودة ممكن اوي يا دكتره ..هيا يعني مصر من 30 سنة كانت زي الوقتي ؟؟

قصدي ان الفرق الوحيد بيني وبينكم

ان انا مقتنع ان مصر ممكن تتغير وترجع زي الاوي ..وممكن تكون احسن بكتير كمان من الاول

لكن معظمكم موش مقتنع بكدة ..وفاقد الامل

بس هو دة الفرق لا اكثر

بدليل ان انا وانت مهاجرين ..يعني معترفين بالقصور اللي موجود الوقتي ..لكن لو عندك امل ..يبقي ماتحرقش المراكب ياريس ..جهز مركب كدة واستني ..وعلم ولادك على كدة ..ودايما اربطهم ببلدهم ..دة كان قصدي في كل مداخلاتي لا اكثر ( الكلام عام موش عليك يا دكترة )

علي العموم الفرصة حتجيلك قريب شكل الاشراف نازل قصقصة في المواضيع و مش بعيد موضوعي يبقى خماشر صفحة بعد التعديل أبقي اقراه و قولي :lol:

الموضوع دة حارق دمي جدا ..وماكنتش عاوز اعلق عليه في الموضوع اللي فاتحينه بتاع التنقية والفلترة والكلام دة ..علشان بصراحة ..موش مهتم

الدعابات والحوارات الجانبية بين الاعضاء اللي موش عاجباهم دي ..كانت سبب كبير في تعارف ومحبة ناس كتير ..وعرفت ناس كتير على بعض عائليا ..وحببت ناس في بعض ..وعرفت ناس على جزء من حقيقة بعض ..يعني موش حاجة وحشة

كمان لو عاوزين معلومات بس ..يبقي تخشوا على موقع الهجرة الرسمي او مواقع المحامين او المواقع الاجنبي وتنزلوا كتيبات احسن ..انا في منتدي تعارف موش كتاب هجرة

يعني مكان تعارف ..بنكون فيه اسرة ومعارف .زموش بس معلومات ؟كدة اصلا مافيش روح في المنتدي

وبعدين كلام موش منطقي اصلا ..ما اللي عاوز يبحث عن معلومة ..موش هايقعد يقرا مداخلات اجتماعية ..مايحط اللي بيدور عليه في خانة البحث ويدور ؟؟الاولي انهم يحسنوا وسائل البحث موش يشيلوا كلام الناس ؟او يعمل سكرول .زماهو كدة كدة التوبيكات كبيره؟

الموضوعات بتكبر ..ماتكبر ..هما شايلينها في جيوبهم :lol:

فضا بقي ..

الوقتي لو حد سأل عليا والا بارك والا سال عليا ..موش هارد عليه ..علشان عيب :lol:

[znaty]

يلا اكتئاب باكتئاب بقى

الاخت العزيزة ..فيه فرق كبيييير ..بين واحد بيدعوا لاكتئاب ..وبين دعوه للاهتمام والانتباه وقياس الفوائد والامكانيات والوقوف على ارض الواقع

المدير اللي رضي انه يرص معسل على الشيشة هو رضي لنفسه كده وللعلم مش عشان سنه كبير مش لاقي شغل بالعكس هنا بتلاقي ناس كبيرة في السن وبتغير الكارير بتاعها عشان سنها مبقاش يساعد انها تفضل في شغلها الاولاني بس على راي اخونا صعيدي الانسان ده كانت الدراسة في حياته مرحلة وانتهت

لا يكلف الله نفسا الا وسعها ..ودة اللي كنت باقوله ..لازم نحسبها صح ..ماهيش جنه لكل الناس ..فيه ناس في سن ماتقدرش على الدراسة تاني ..وان قدرت ..سنها موش هاينجحها في انترفيو ..يعني اللي يمشي معاكي موش هايمشي مع غيرك ..متهيالي كلام واضح ..ماحدش يرضى لنفسه يرص معسل يا باشمهندسة ..فيه حاجة اسمها امكانيات

امكانياتك مساعداكي ..يبقي الكلام موش عليكي

بالنسبة لكندا انا باعتبرها استثمار في الاولاد يعني تخيل اولادك بعد 20 سنة في كندا ومصر والسعودية وهنفترض وظيفة تخيلية في اي مكان في العالم - طبعا مكان محترم ووظيفة محترمة - ولو ابنك قدم على الوظيفة دي وهو مصري كندي ومتعلم في كندا او مصري من مواليد السعودية وعايش فيها عمره كله او متعلم في مصر ومتخرج من جامعاتها

يبقي معني كدة ان احتمال رجوعكم من كندا وارد برده ..صح ؟..عموما ..موش معني ان اللي اتربوا بره كندا ..ناقصين رباية مثلا او جهله :lol: ...يبقي نرجع لنقطة المنفعه العامة وتتحسب صح الاول

مش معنى اننا في كندا واننا بنطمح لمستقبل احسن لاولادنا يبقى احنا بنكره مصر او مصر وحشة ومش عشان بنحب مصر يبقى مش هنشوف الشقى والكد اللي على وشوش الناس هناك ويا ريت فيه عائد يساوي تعب الناس هناك هنا على الاقل اللي بيفقد وظيفته فيه تأمين بيغطيه كام شهر لحد ما يرجع تاني يشتغل لكن في مصر اللي بيترفد من شغله ملوش ديه وطبعا مش هاتكلم على الخصخصة والمعاش المبكر عشان بس جبتوا سيرة السن في الموضوع لان في مصر الموظف فوق الاربعين غير مرغوب فيه

ماحدش قال ان جود فايث بتكره مصر ..اللي قلته ان في ناس بتحاول تبث الروح دي ..دول اللي انا ضدهم ..موش واحد بعينه ..يبقي برده الكلام موش عليكي ..لكن الناس دي موجودة فعلا

انا ماقلتش ان الوظيفة في مصر تعتبر مستقبل اصلا ..على الاقل في الوقت الحالي

وانا اتفق مع باشمهندس ايهاب في اغلب رده بخصوص المادة والحياة براحة يعني مش الفلوس اللي هتخليك سعيد في اي مكان لكن الحياة الكريمة واحترام آدميتك ده اللي يخليك تحس براحة وامان انا محستش بيهم الا في كندا

معاكي طبعا في الكلام دة ..بس جايز علشان انا ماكنتش عايش في المعتقل ..ولا قسم الشرطة بيمسي عليا كل يوم ..والا عمري ما ظابط كلمني بقلة قدم وانا باخلص معاملة والا داخل على كمين ..ولا حصللي حاجة من الحاجات اللي بتحصل في العاشرة مساءا ..ولا اصلا حسيت وانا في مصر اني عايش موش محترم او مهان ..قلت الكلام دة

دي تجربة شخصية ..لكن اللي مر بالظروف اللي فاتت دي والا كان منكم موش محترم في مصر ..يبقي مايرجعش طبعا حتى لو معاه فلوس .عادي جدا

لكن التعميم ..معناه ان احنا واهالينا ماشيين نضرب على قفانا في مصر ..انا عن نفسي ..ماحصلش معايا الكلام دة والحمد لله

[goodfaith]

عارف ايه البيروقراطية ؟؟ اني اضر اعادل شهادة في بتاع سنتين تلاتة ..ولعلمك الواسطة في بروفيشنا انجنير اونتاريو هيا اللي تخليهم يقدمولك ميعاد الامتحان لا اكثر ..غير كدة .خد دورك يا سيد ..وبعد المعادلة اضطر اجيب ريفرنسين علشان اشتغل ؟؟

طب ممكن اعرف ..بعد لما امتحن 4 او 5 امحانات علشان انجح في المعادلة ..ممكن اعرف ايه لزمتها ان بروفيشنا انجنير كندي ..اشتغل عنده سنة ..يوقع على مسئوليته ..علشان انا ابقي مهندس معاه رخصة ؟ مع انهم متاكدين 100% ..ان مافيش حد هايوقعلي ولا هايشغلني وانا مهاجر جديد ابدا ؟؟الا اذا كنت اعرفة معرفة شخصية او قريبي ؟؟كل دة علشان يسيب اللي متعلم او مولود عنده ..يشتغل براحته ؟

هو دة موش عدم عدالة واهدار للطاقات والخبرات اللي جايه من بره برده ؟

هو ماحدش بيبني في العالم غيرهم ؟؟؟؟؟

على فكرة انا شخصيا اعرف واحد مصري كان عايش في الامارات واشتغل هنا في كندا مهندس في شركة واخدة مشاريع في دبي من غير ما يعادل ولا ياخد البروفشنال انجنيير يعني اذا محتاجين خبرتك بياخدوك بس لازم تكون مسجل انك ممكن تبقى بروفشنال انجنيير يعني معاك بكالوريوس هندسة وقدمت على اللايسنز وقالوا لك عايزين امتحانين او امتحان الايثك واللو وسنة خبرة وساعتها ممكن تشتغل في اي شركة حسب توفيق ربنا

بخصوص الشغل الحر بعض الشركات بتطلب مهندسين بالرخصة عشان الهيكل الوظيفي لها يعني مش معنى انك اخدت الرخصة وانك كندي ومتخرج من كندا يبقى انت هتفتح بيزنس بتاعك وتشتغل لحسابك والا مكانش حد غلب

وعلى فكرة انا رديت عليك مرة بخصوص امتحانات البروفشنال انجنيير وقلت لك انه ممكن ميطلبوش منك اي امتحانات وكلامي ده من واقع اني وزوجي مهندسين بس حضرتك يمكن مخدتش بالك او تصورت اني بافتي

والريفرنس اللي عامل لك ازمة ده ممكن يكون في اي مكان في العالم مش ضروري يكون في كندا

وفي كندا لمعلوماتك البروفشنال انجنيير دي مش عشان انت تشتغل وتظبط اوضاعك وتشتغل شغل بروفشنال وتبقى مهندس قد الدنيا ... لا الرخصة دي عشان يوم ما تعمل مشروع ويحصل فيه اي خطأ يعرفوا يحاسبوك بامضائك وتصاميمك اللي انت خاتم عليها بالختم الجميل بتاع ال بي انج مش سايبة يعني زي مصر كل يوم تقع عمارة ومحدش بيحاسب حد يعني الموضوع متعلق بارواح ناس ودي اهم حاجة هنا الحمد لله

الاخت العزيزة ..فيه فرق كبيييير ..بين واحد بيدعوا لاكتئاب ..وبين دعوه للاهتمام والانتباه وقياس الفوائد والامكانيات والوقوف على ارض الواقع

انا كنت باتكلم عن نفسي لاني ليا فترة مكتئبة وطبعا لما بتسمع ان واحد كان في وضع كويس في الخليج او في مصر جه يرص معسل في كندا اكيد بتزعل على حال ابن بلدك وبتتمنى انه يكون حاله وطريقة تفكيره احسن من كده بس ارجع واقولك انه هو اللي ارتضى انفسه وضع زي ده

لا يكلف الله نفسا الا وسعها ..ودة اللي كنت باقوله ..لازم نحسبها صح ..ماهيش جنه لكل الناس ..فيه ناس في سن ماتقدرش على الدراسة تاني ..وان قدرت ..سنها موش هاينجحها في انترفيو ..يعني اللي يمشي معاكي موش هايمشي مع غيرك ..متهيالي كلام واضح ..ماحدش يرضى لنفسه يرص معسل يا باشمهندسة ..فيه حاجة اسمها امكانيات

امكانياتك مساعداكي ..يبقي الكلام موش عليكي

حكاية ان سنها مش هينجحها في الانترفيو دي صدقني معلومة مغلوطة واصلاك وانت مقتنع بيها تماما وبالنسبة للامكانيات هنا متاح كل شيء لكل شخص حسب امكانياته انا مرة شفت واحد الماني مهاجر كندا من 25 سنة وكان بيشتغل مبرمج كمبيوتر واللغة اللي بيشتغل بيها دلوقت خلاص مبقاش عليها طلب زي زمان ففكر يغير الكارير وبيدرس عشان يبقى مدرس لو هو متاكد انه مش هيلاقي شغل مكانش بدأ دراسة

طيب بلاش الالماني انا اعرف شخصيا واحدة كندية كانت بتشتغل مساج ثيربست وبعدين لما كبرت في السن شوية مبقتش تقدر على وقفة ومجهود جلسات المساج فبتدرس كورس المكتبات عشان تشتغل في مكتبة لما تخلص

يعني المدير اللي شفته ده لو اخد كورس تسويق في اي كولج ولا اشتغل فاينانشال ادفايزور او اي وظيفة تنفعه فيها خبرته الي عملها 25 سنة هيلاقي شغل محترم مش مش هيلاقي بس هو اختار انه يرص معسل في قهوة ويقبض كاش ويقدم على المعونة وياخدها ويسلي وقته بانه يحكي عن امجاده وبطولاته اللي حققها زمان ويتحسر ويسب ويلعن كندا وده الطبيعي عندنا بدون الخوض في تفاصيل

يبقي معني كدة ان احتمال رجوعكم من كندا وارد برده ..صح ؟..عموما ..موش معني ان اللي اتربوا بره كندا ..ناقصين رباية مثلا او جهله ...يبقي نرجع لنقطة المنفعه العامة وتتحسب صح الاول

انا متكلمتش عن تربيتهم ولا مستوى تعليمهم انا كان قصدي فرصهم في المستقبل للحصول على وظيفة هل لما ابنك المصري الحاصل على جنسية كندية يتقدم لشركة في السعودية عشان يشتغل هيقولوا له محتاجين معادلة سعودية لشهادتك الكندية؟؟ انا بجد حزينة انك بتفهم الكلام بالطريقة دي

انا ماقلتش ان الوظيفة في مصر تعتبر مستقبل اصلا ..على الاقل في الوقت الحالي

اه ده لو لقيت وظيفة اصلا في مصر وقصدي برضو على الوقت الحالي

معاكي طبعا في الكلام دة ..بس جايز علشان انا ماكنتش عايش في المعتقل ..ولا قسم الشرطة بيمسي عليا كل يوم ..والا عمري ما ظابط كلمني بقلة قدم وانا باخلص معاملة والا داخل على كمين ..ولا حصللي حاجة من الحاجات اللي بتحصل في العاشرة مساءا ..ولا اصلا حسيت وانا في مصر اني عايش موش محترم او مهان ..قلت الكلام دة

دي تجربة شخصية ..لكن اللي مر بالظروف اللي فاتت دي والا كان منكم موش محترم في مصر ..يبقي مايرجعش طبعا حتى لو معاه فلوس .عادي جدا

لكن التعميم ..معناه ان احنا واهالينا ماشيين نضرب على قفانا في مصر ..انا عن نفسي ..ماحصلش معايا الكلام دة والحمد لله

هاعتبر نفسي واحدة من اللي وجهت لهم كلمة منكم وهاقولك ان انت اكتر واحد عارف ان اللي مش محترم في مصر ورد اقسام ومعتقلات عمره ما هيدخل كندا الا لجوء سياسي عشان انت عارف كويس لستة الاسئلة اللي في ابليكيشن الهجرة واللي تخص الحاجات دي ده طبعا بالاضافة للفيش والتشبيه من كل دولة انت عشت فيها اكتر من 6 شهور

وبرضو احب انوه واوجه عناية سعادتك ان اللي مش محترمين في مصر مبيدخلوش اقسام شرطة ولا معتقلات

وانا عني دخلت القسم مش مدخلتش بس كان عشان اعمل محضر بدل فاقد اطلع بيه اوراقي الشخصية بعد ما اتسرقت محفظتي من وسط شنطتي وانا في مول محترم على فكرة وفي النهاية معرفتش اعمل المحضر من عسكري يقولي اطلعي الدور التالت وبعدين واحد يقولي لا كان لازم تشتري ورق دمغة من تحت وارجع انزل تحت يقولولي الدور التاني فيه الظابط الفلاني هو اللي هيعملك المحضر على طول واطلع الدور التاني افتكر اني فضلت واقفة مستنية انه يظهر الظابط ده ومش فاهمة كان فين لحد دلوقت وقررت مش هاعمل حاجة وبعدها بكام يوم لقيت واحد بيخبط على باب البيت ماسك محفظتي في ايده ومعاه طفل صغير وقالي انه لقى محفظتي مرمية جنب الرصيف فشاف العنوان وجه يديهالي طبعا اللي سرقها اخد منها الفلوس وساب كل حاجة تانية زي ما هيا حتى كان فيها حجر كريم وكريدت كارد لقيتهم - حرامي ابن حلال بصحيح

وعايزة اقولك كمان ان عيلتي كلها عبارة عن امي واختي وانا اختي دكتورة اسنان وانا مهندسة يعني في حالنا لا لينا في سياسة ولا اقتصاد ولا سهر ولا مخدرات ولا برامج تلفزيون وحتى العربية لما بنروح مشوار وعارفين انه مش هنلاقي ركنة لها بسهولة بنسيبها وبناخد تاكسي وكفى الله المؤمنين شر القتال

وده اخر رد مني ليك مش هاشارك في اي حوار انت طرف فيه ببساطة لان حوارك مش موضوعي وبتفهم الكلام بشكل غير اللي مقصود وواضح انك مش بتراجع الكلام اللي بتقوله

واعتذر لاي شخص كلامي ضايقه

[reemragab]

الموضوع دة حارق دمي جدا ..وماكنتش عاوز اعلق عليه في الموضوع اللي فاتحينه بتاع التنقية والفلترة والكلام دة ..علشان بصراحة ..موش مهتم

الدعابات والحوارات الجانبية بين الاعضاء اللي موش عاجباهم دي ..كانت سبب كبير في تعارف ومحبة ناس كتير ..وعرفت ناس كتير على بعض عائليا ..وحببت ناس في بعض ..وعرفت ناس على جزء من حقيقة بعض ..يعني موش حاجة وحشة

كمان لو عاوزين معلومات بس ..يبقي تخشوا على موقع الهجرة الرسمي او مواقع المحامين او المواقع الاجنبي وتنزلوا كتيبات احسن ..انا في منتدي تعارف موش كتاب هجرة

يعني مكان تعارف ..بنكون فيه اسرة ومعارف .زموش بس معلومات ؟كدة اصلا مافيش روح في المنتدي

وبعدين كلام موش منطقي اصلا ..ما اللي عاوز يبحث عن معلومة ..موش هايقعد يقرا مداخلات اجتماعية ..مايحط اللي بيدور عليه في خانة البحث ويدور ؟؟الاولي انهم يحسنوا وسائل البحث موش يشيلوا كلام الناس ؟او يعمل سكرول .زماهو كدة كدة التوبيكات كبيره؟

الموضوعات بتكبر ..ماتكبر ..هما شايلينها في جيوبهم :lol:

فضا بقي ..

الوقتي لو حد سأل عليا والا بارك والا سال عليا ..موش هارد عليه ..علشان عيب :closedeyes:

معاك حق فى دى يا باشمهندس

بس اقولك على حاجة

فيه ناس الموضوع بيزيدها تعارف وبيقوى علاقاتها ببعض وبيديهم معلومات كويسة جدا عن الحاجة اللى بيدوروا عليها

وخاصة اما بيكون كمان حد بيتكلم ايه اللى هو عمله والاجراءات وكده

بس فيه توبيكس تانية ما قولكش الفلترة والقص والقطع كمان ضرورى لو لزم الامر

بس اعتقد ان الباب ده من افضل الابواب على الاقل التجاوزات فيه تقريبا مش موجودة :rolleyes:

تم تعديل 18 فبراير 2010 بواسطة reemragab

[المعلم عتريس]

انا قصدي ( واللي منكم موش عايش محترم في مصر ) موش قصدي محترم ..ومن سرعة الكتابة الكلمة سقطت لا اكثر

اقري الجملة تاني بقة كدة على بعض وبعدين اقري ردك عليا وشوفي مين اللي بيتكلم بغير موضوعية ومابيراجعش هوبيقول ايه

اللي محترم في مصر هو اللي بيخش الاقسام ويتبهدل

البلطجي اللي بياخد حقه بدراعه عمر ماحد يقربله

يا بشمهندس احنا ما قلناش ان كندا جنة على الارض

لكن لو حضرتك مش عاجباك البلد بلاش تخبط في المهاجرين

معظم الناس اللي هنا جايه عشان الحياة الكريمة

ولو احنا مش محترمين ما كانتش كندا تخلينا نعتبها اصلا

[ايهاب سالم]

عايز الحق يا زناتي

الجمله تزعل في الحالتين

سواء كانت كده

والا كان منكم موش محترم في مصر

أو

واللي منكم موش عايش محترم في مصر

مفيش فرق

وبعدين مشكله برضه يا زناتي إنك توفر لنفسك حياه كريمه بفلوس أو بنفوذ ومعارف و معظم الناس التانيه مطحونه و متبهدله (مش محترمه بتعبيرك )

الوطن هو اللي يوفر حقوق و مساواه لمواطنيه دون الحاجه لشرائها بالفلوس أو النفوذ

ميبقاش وطن ده يا زيكا لما يكون فيه أطفال نايمين تحت الكباري و أطفال تانيه بتشرب فرابتشينو و بيناكالادا على الساحل الشمالي

http://www.youtube.com/watch?v=C2FvyNlEwB4...feature=related

في كندا مفيش أطفال مشردين في الشوارع و لا توربيني و لا طفل بيتحرم من التعليم و بيشتغل صبي ميكانيكي عشان يساعد أهله

و ألا أنت بتعتبر ده مش مشكله ما دام قدرت توفر لأطفالك حياه كريمه

تم تعديل 18 فبراير 2010 بواسطة ايهاب سالم

[terminator]

أنا بس عندى رسالة بسيطة للأستاذ زناتى ... وأرجو انى ماكنش بايخ او بتدخل فى حاجة ماتخصنيش .. الا ان الكلام كله على العام واظن ان من حقى الرد ..

أنا متابع كل الآراء هنا رغم قلة مشاركتى ..

الصراحة يا استاذ زناتى أنت امرك عجب !!!

لما انت شايف فى كندا كل البلاوى السودة دى ومش شايف ان مصر والدول العربية بهذا السوء..

الكلمة الشهيرة جدا ... بتهاجر كندا ليه ؟؟؟ واديك لسةعالبر .. ما تطنش موضوع كندا بكل سلبياته اللى بتقول عليها وتخليك فى مصر والدول العربية ؟؟

أصل الموضوع الف باء تصرف .. عاجباك كندا روحها مش عاجباك يبقى تسيبك منها خالص

تم تعديل 18 فبراير 2010 بواسطة terminator

[ايهاب سالم]

أصل الموضوع الف باء تصرف .. عاجباك كندا روحها مش عاجباك يبقى تسيبك منها خالص

الموضوع بسيط و نفعي بحت

مش عاجباني كندا بس عايز باسبورها

بدون لف و دوران

[arabi]

أنا بس عندى رسالة بسيطة للأستاذ زناتى ... وأرجو انى ماكنش بايخ او بتدخل فى حاجة ماتخصنيش .. الا ان الكلام كله على العام واظن ان من حقى الرد ..

أنا متابع كل الآراء هنا رغم قلة مشاركتى ..

الصراحة يا استاذ زناتى أنت امرك عجب !!!

لما انت شايف فى كندا كل البلاوى السودة دى ومش شايف ان مصر والدول العربية بهذا السوء..

الكلمة الشهيرة جدا ... بتهاجر كندا ليه ؟؟؟ واديك لسةعالبر .. ما تطنش موضوع كندا بكل سلبياته اللى بتقول عليها وتخليك فى مصر والدول العربية ؟؟

أصل الموضوع الف باء تصرف .. عاجباك كندا روحها مش عاجباك يبقى تسيبك منها خالص

الاخ الفاضل terminator :

هذا الكلام غير موضوعي و المهندس زناتي لم يقل هذا الكلام.

و يمكنك أن ترجع لكل مداخلات الرجل و ستشعر بما يريد أن يقوله. تسطيح الأمور ووضع الكلام على الالسنة شئ غير عادل تماما أقول هذا مع تحفظي على بعض ما جاء على لسانة و عدم موافقتي على بعض آخر و لكن ذلك لا يجب أن يفسد للود قضية. أرجو أن لا تغضب مني لهذا الكلام فأنا فقط لم أطيق هذا الظلم للرجل فهو يستاهل كل الخير.

تحياتي

[ايهاب سالم]

ده إقتباس من كلام مفيد للفاضل وجدي ردا على أحد الأعضاء

طبعا كلام وجدي بالأحمر

المصريين هناك بتفرجوا على القنوات العربى وبيروح المساجدفى يوم الاجازة عشان الاولاد طب ايه الاختلاف فى العيشة - انا عيش فى مصر جو كندا - هى ده الحقيقة

أيوة هو ده الكلام... أصل أنا مش ناوي أقعد أصلاً هنا كتير...فياريت فعلاً تشرحلى إزاي أعيش في مصر جو كندا... ومايهمكش الفلوس... قول إنت بس... يعني أنا ركبت احلى عربية فيكي يا مصر...فين بقى الشارع النضيف إلى حمشي فيه؟ طب نظرات الحقد من الناس إلى محشورة في الميكروباسات أعمل فيها إيه؟؟؟ طب الهوا النضيف؟ طب حاقعد أكل في أغلى مطعم فيكي يا مصر والناحية التانية من الشارع فيه ناس بتشتري عضم الفراخ علشان تأكل عيالها؟؟؟... طب حادخل أولادي أحسن مدارس والبسهم أنضف لبس وأجيبلهم سواق بعربية يوديهم ويرجعهم... طب وهما واقفين في الإشارة لما يشوفوا عيال في سنهم حافيين ودايرين بورق كلينكس في الشوراع ويبصوا لأبنك و بنتك وعينهم عجينة حقد على ذل على غضب على حرمان... ويسألك هو بيبصلي كدة ليه يا بابا....تقوله إيه؟؟؟؟

أنا فعلاً عايز أعرف صدقني...

</SPAN>

-كندا مافيهش شغل غير الشغل الكجول

غير صحيح...كندا فيها كدة وفيها كدة...بس مثلاً لو محتاج تدرس وتقول لأة... أو تعمل معادلات وتقول لأة... طيب حتلاقي الشغل الكويس إزاي؟؟

كندا الحكومة عملا نظام رائع تن الكل يكل ويشرب ويسكن فى نفس المستوى مفيش حاجة للاغنياء و حاجة للفقراء فى بس فورق مش زى مصر - طب لاانا بكره مصر او كنت بكرة فساد و الشوارع والسواقة وكل حاجة ماشى بس لو معاك فلوس حتحل مشكلتك انما فى كندا فى الغالب لو فىمشكلة مش حتعرف

وده عيب مش ميزة... إنك فلوسك تعطيك ما هو فوق حقك أو غير حقك... ولو تحسبها تلاقي طب ما هو ممكن واحد يبقى معاه فلوس أكتر منك وياخد حقك... يعني إنت بتقول في مصر الواحد بتتسحب رخصته بالتليفون بتجيله لحاد البيت...وسواق التاكسي الغلبان بيتمرمط علشان ماعوش يدفع أو مايعرفش حد...أما هنا لو راكب عجلة أو راكب بورش وغلطت حتتعامل نفس المعاملة..دي إسمها عدالة...حد يكره العدالة؟

وقبل ماحد ييقولى مفيس مشاكل هناك لا هناك بيطابق القانون دون النظر انك مهاجر جديد او الحل ايه ان عطيك امثلة التامين الصحلا و انت بتعمله لازم تعطيه جوازك او اى ورقة رسمية فيها توقيعك ولو مفيش يقولك خلاص مش حينفع ادملك التامين الصحى - طب حتعمل ايه فى المشكلة ده -0 ايه هو الحل بالصدفة كان معى حاجة حلت تالمشكلة - الرخصة المصر مكتوب فيها رخصة تمام طب بعد الترجمة سالونى هى ده رخصة ايه طبعا اترقيت عليها وقلتلها رخصت قطار انا بسواق قطار المهم شدت معهم فى الكلام وقلتلى بزوق مفيش حل عندى لو فى مصر كان الموضوع كله خلص يجدعان هما صح تماما واحنا خطا بس انت حتعرف تعيش كدة ويسلم لو جالك واحد عنصرى من الداخل -

طب عايز إيه برضه...الراجل عايز يشوف ID فيها توقيعك... ده حتى لو رايح تستلم طرد من البوستة الراجل حيقولك عايز 2 ID ولازم يكون فيهم صورتك وعنوانك وإمضاءك...فبتطلع رخصة السواقة وكارت التائمين الصحي مثلاً... في ثانية... يا راجل على الأقل ما بيقولكش جيبلي شهادة من إتنين موظفين مرتبهم أكتر من 60 جنيه تثبت إنك على قيد الحياة.. :lol:

موضوع رخصة العربية ده برضه أنا مش شايف فيه مشكلة... أنا رحت أول مرة عملت الإمتحان النظري... وكمان مرة عملت العملي...ودمتم.. ولو كنت مثلاً جاي من فرنسا ولا إنجلترا كنت مش ححتاج أعمل حاجة...بس هما عارفين الرخص في مصر بتطلع إزاي...

طب انا كنت بسال ناس كتير قوى اما حب اخرج انا و اسرتى اروح فين - فى مصر حتجرج الساعة 9 او عشرة تروح اى مكان تتعشى انت واسرتك وتروح تمام طب كندا مفيش مكان تتعشى مكان سليم ةيعنى كل الامكان فيها حمور وبيرة وكده عتتشى انت وعيلك فى مكان كده طب ولو قبلك واحد سكران حتعمل ايه -ده والبلد بتقفا بضلم الساعة تاسعة مساء يعنى حتكون فى البيت افضل او تنزل تاخد كاس و ده كمان مش سكتى - طب اغلب المحلات بتقفل الساعة تاسعة وايضا 90فى المئة من السوبر ماركت-غير مصر احنا المحلات فتحخا لغيت 12 بليل كل يوم و المطاعم والمحلات و الملاهلا للاولاد

ما هو أصل الناس بتنام من الساعة 9 علشان عندهم شغل الصبح الساعة 8...والشغل ده يعني جد... يعني لازم تكون فايق ومصحصح... لكن في مصر حاتنزل الساعة 10 مع أسرتك ترجع الساعة 1 تنام الساعة 2... حتصحى إزاي تروح شغلك...

بالنسبة لمطاعم مافيش أكتر منها...على الأقل هنا في مونتريال... والمطاعم العربية مافيش اكتر منها برضه... والراجل السكران ده حتلاقيه لو رحت club... لكن مطعم...حتلاقي راجل ومراته بيتعشوا ولو بيشربوا بياخدولهم كاسين نبيت... بس بيتعشوا الساعة 6...أو 7... كدة... لكن لو حاتنزل الساعة 10 مانت مش حتلاقي حاجة فاتحة إلا البارات والديسكوتيكات...وطبيعي مش حتلاقي غير المقاطيع السكرانين...

وده يخلينا نقول برضه "أخي المهاجر، إن كنت من هواة سهر الليالي مع الأصدقاء في القهوة حتى مطلع الفجر، والنوم حتى العاشرة صباحاً فأحترس كندا أو أي بلد محترمة بها سم قاتل"... إنت هنا بيتصحى 6 -7، تروح شغلك عادة 8-9، تتغدى في الشغل الساعة 12-1، تخلص شغل الساعة 4-5، ترجع بيتك الساعة 5-6، تتعشى مع أسرتك...تعمل أي حاجة لحاد الساعة 10-11...تخش تنام... في الويك أند يوم الجمعة بعد ما تخلص شغلك تعدي تجيب طلبات الأسبوع... السبت تهيص وتنتعش، الأحد تأرتخ وتفخد...وتبدأ من جديد يوم الإتنين... فيه ناس بالنسبة لهم ده الجحيم بعينه... وفيه ناس ده مزاجهم...شوف إنت من مين...

المدار س هناك فى مدارس زبالة والشقق فى شقق تقرف تسكن فيها

طبعاً فيه مدراس زبالة، وفيه مدارس حلوة وفيه مدارس عادية... وفيه شقق تقرف وفيه شقق حلوة وفيه شقق عادية... والغاوي ينقط بطاقيته، وعلى حد علمي مافيش بلد في الدنيا فيها كل المدارس حلوة وكل الشقق حلوة... بس السؤال هو اغلبية المدارس إيه؟؟... وأغلبية الشقق إيه؟؟؟... طب إنت كمستأجر مثلاً فيه قوانين تحميك ولا لأة...طب كمالك فيه خدمات ببتقدملك ولا لأة... صدقني وخدها مني...ما فيش أي معنى إنك تشتري شقة ب3 مليون جنيه...وتفرشها بمليون رابع علشان وانت قاعد الكهربة تقطع تروح حرقالك كل أجهزة البيت... أو تطلع قدامك عمارة تسد عليك الشمس والهوا، أو يبقى مدخل العمارة معمول روزا أورورا والشارع قدامها متكسر...أو بعد كام سنة تكتشف إن إلى باني العمارة الحلوة دي إسترخص والعمارة عايزة قمصان...

تم تعديل 18 فبراير 2010 بواسطة ايهاب سالم

[د هشام ابراهيم]

كلام جميل ما أقدرش أقول حاجة عنه ...نرفع القبعة لوجدي باشا

كلامك يا Z محسسني إن الحل في مصر انك تفتح مشروع استثماري في الغردقة و ما تعتبش ناحية القاهرة لان القاهرة هي أس البلاوي .....قرية سياحية مثلا .....طيب ماشي بس .....طب الواحد حياكل منين ...... حيستورد أكل آورجانيك مخصوص من اوروبا بالطيارة أو يزرع أكله بنفسه علشان يضمن يبقى صحي ...طب و اللحمة و الفراخ خصوصا مع واحد زي سعادتك بطنه بتتقلب من أكل كندا ..... مفيش مشاكل يلحق بالارض المزروعة حظائر تربية و مزرعة سمكية بالمرة .....طب لو عيي أو احتاج عملية ....ياخد الطيارة اللي مذكورة فوق و يطلع بره يتعالج و لو واصل قوي يبقى علي نفقة الدولة .... طب لو الحكومة طلعت قانون ضرايب جديد خرب بيته أو البدو نازعوه في ملكية الأرض حيرجع يعيش في القاهرة ازاي ...عربيته الفيراري لما المسمار المرمي قصاد محل العجلاتي يفرقع الكاوتش حيعمل إيه

عايزنا نستني لما عصر الاضمحلال يخلص ....ربنا يديك الصحة و طولة العمر :lol:

و بعدين إيه حكاية اللي بيهاجر كان مش محترم في بلده .....طلعت منك أوت خالص ديه يا Z ...أنا فهمتها زي ما الباشمهندس جود فايث فهمتها بالظبط ...الملافظ سعد يا عبعال .....بس عايز الحقيقة ...احنا فعلا كرامتنا منقوصة طول ما احنا عايشين في الشرق الأوسط السعيد مش بس في مصر ....حقك مهضوم و انسانيتك مدهوسة و مش بس من السلطة أو البوليس أو من الكفيل حتي لو عايش ملك برضه مضحوك عليك و تمنك قليل عندهم

[Shehab]

وبعدين مشكله برضه يا زناتي إنك توفر لنفسك حياه كريمه بفلوس أو بنفوذ ومعارف و معظم الناس التانيه مطحونه و متبهدله

الوطن هو اللي يوفر حقوق و مساواه لمواطنيه دون الحاجه لشرائها بالفلوس أو النفوذ

ميبقاش وطن ده يا زيكا لما يكون فيه أطفال نايمين تحت الكباري و أطفال تانيه بتشرب فرابتشينو و بيناكالادا على الساحل الشمالي

و ألا أنت بتعتبر ده مش مشكله ما دام قدرت توفر لأطفالك حياه كريمه

بعيداً عن الحروب و المعارك الطاحنة اللى دايرة ديه ...حبيت بس اعلق ع الحتة ديه...ا

الواحد فى الاحوال العادية لما بيشوف حد تعبان او فى مشكلة و مش فيه ايده حاجة يساعده بيها بيبقى مخنوق و مضايق

ع الرغم من انه مش مفروض عليه مساعدته

فما بالك بقى لما يبقى قادر سواء بنفوذه او باى شىء تانى.....بس ما يقدرش عشان نفوذه مش هيرضى او هيزعل؟؟

ما هو مش معقول يقول لنفوذه...حرام عليكى يا نفوذ اللى بتعمله فى الناس...طالما هو واخد حقه!!!

و ما بالك بقى لو هو بيساهم فى مشكلة و تعب الشخص التانى ده.....لأن هو ساهم باستمرار ضياع حقه (او ع الأقل بهدلته عشان ياخد حقه)... باستخدام نفوذه فى الحصول ع ابسط حقوقه و كان ده هو الوضع الطبيعى!!

يا ترى احساس الواحد مفروض يكون ايه ساعتها؟!!!

معلش هندسة ..يمكن تكون مداخلة بره الموضوع و مالهاش لازمة بس بصراحة...الحكاية احد اكبر الاسباب اللى

بتفقدنى الامل انى مهما كنت مستريح ...هتفضل فيه حاجة منغصة حياتى و محسسانى بالذنب

تحياتى يا باشا :lol:

[znaty]

انا قصدي ( واللي منكم موش عايش محترم في مصر ) موش قصدي محترم ..ومن سرعة الكتابة الكلمة سقطت لا اكثر

اقري الجملة تاني بقة كدة على بعض وبعدين اقري ردك عليا وشوفي مين اللي بيتكلم بغير موضوعية ومابيراجعش هوبيقول ايه

اللي محترم في مصر هو اللي بيخش الاقسام ويتبهدل

البلطجي اللي بياخد حقه بدراعه عمر ماحد يقربله

يا بشمهندس احنا ما قلناش ان كندا جنة على الارض

لكن لو حضرتك مش عاجباك البلد بلاش تخبط في المهاجرين

معظم الناس اللي هنا جايه عشان الحياة الكريمة

ولو احنا مش محترمين ما كانتش كندا تخلينا نعتبها اصلا

يا عزيزي عتريس

الكلام والله واضح جدا

انا كنت باقول ..انا لم امر باي من الظروف اللي قلتوها ميت مرة هنا ..المهينة للكرامة ..ولا اصلا حسيت اني عايش موش محترم في مصر

لكن دي تجربة شخصية ..اللي منكم مر بالظروف دي أو موش عايش محترم في مصر ..يبقي ما يرجعش طبعا حتى لو معاه فلوس

ياعزيزي عتريس ..ويا عزيزي ايهاب سالم

اقرا الجملتين على بعض ..زي ما انا كتبتهم في مداخلتي الاصلية ... اقراها تاني ..ممكن تقوللي باة ..ايه الغلط اللي يزعل فيها ؟؟بالعقل اللي ربنا اداهولنا كدة ...اشرحلي فين التجاوز ؟؟؟؟؟؟؟؟؟

[znaty]

عايز الحق يا زناتي

الجمله تزعل في الحالتين

سواء كانت كده

والا كان منكم موش محترم في مصر

أو

واللي منكم موش عايش محترم في مصر

مفيش فرق

تزعل في ايه بس يا ايهاب قوللي ؟

انا حططتلك الجملة كاملة في المداخلة اللي فاتت علشان تقراهم على بعض كدة وتقولي فين الغلط

انا راضي يا اخي ذمتك انت ..اقنعني علشان اعتذر للناس ..موش للاخت الصراحة

موش محترم ..يعني موش انسان محترم... .زيعني كذا وكذا وكذا وعد براحتك من الصفات السيئة

موش عايش محترم ...يعني انسان كويس يعامل معاملة موش محترمة ..وفي ظروف غير محترمة ..ودي ناس موجودة في مصر فعلا ..دول انا قلت عنهم ان من حقهم لو مروا بالتجربة دي ..مايرجعوش حتى لو معاهم فلوس .لان باقي مقومات الحياة الكريمة في مصر موش متوافره عندهم ..حتى لو كانوا مروا بتجربة واحدة سابت في نفوسهم ذكرى اليمة

يبقي ازاااااااااااااااي مافيش فرق بالله عليك بين الجملتين ؟؟؟ ممكن تشرحلي من وجهة نظرك ؟؟

سبب بقة اني قلت الجملة دي ....ان معظم الناس ..اثناء محاولة اثبات ان رغم عيوب كندا ..بالذات للسن الكبير ومن له مسئوليات ..فان مصر لا تطاق وكندا بعيوبها احسن ليهم ..بيكرروا كلام معظمهم لم يمر بيه ..فقط سمع عنه ..وبيدي احساس ان كل اللي في مصر ماشيين يضربوا على قفاهم في الشارع ..ودة موش واقعي يا ايهاب رغم كل شيئ

وبعدين مشكله برضه يا زناتي إنك توفر لنفسك حياه كريمه بفلوس أو بنفوذ ومعارف و معظم الناس التانيه مطحونه و متبهدله (مش محترمه بتعبيرك )

الوطن هو اللي يوفر حقوق و مساواه لمواطنيه دون الحاجه لشرائها بالفلوس أو النفوذ

ميبقاش وطن ده يا زيكا لما يكون فيه أطفال نايمين تحت الكباري و أطفال تانيه بتشرب فرابتشينو و بيناكالادا على الساحل الشمالي

في كندا مفيش أطفال مشردين في الشوارع و لا توربيني و لا طفل بيتحرم من التعليم و بيشتغل صبي ميكانيكي عشان يساعد أهله

و ألا أنت بتعتبر ده مش مشكله ما دام قدرت توفر لأطفالك حياه كريمه

عزيزي بوب ..ومين قالك ان الواحد لا يعصره الالم لما يشوف اهله وناسه بتعاني وتتعذب كدة ؟؟

بس انت شايف ان الحل اني اسيبهم يتعذبوا ..واسيبلهم البلد واهرب ..والا لو ربنا اكرمني وفتحت بيزنس حلو ..افتحه في بلدي واشغل فيه اللي اقدر اعليه من الناس ..واساعد اللي اشوفه وعلى قد مقدرتي في اي مكان اروح فيه في بلدي

صحيح على راي هشام ..انا ممكن اساعدهم وانا في كندا

بس اكيد مساعدتك وانت هناك هاتفرق كتيير وموش هاتكون في نفس واقعية مساعدتهم وانت هناك

وبعدين يا صديقي ؟؟طب هو فيه بلد في الدنيا برده مافيهاش الطبقية دي

صحيح ما جاع فقير الا بتخمة غني

بس للاسف ..هيا دي سنة الحياة

يا صديقي انا كنت باتكعبل في الهومليس في كندا وانا ماشي ..حتى واحد منهم خد مني سيجارة والله :wub:

بس تعالي تفرج على (slum areas في لندن باريس وباقي دول اوروبا

امريكا زي مافيها بفرلي هيلز ...فيها اقذر مناطق العالم فقر وعشوائية ..وهومليس واطفال شوارع وكباري وانفاق وغيره

بصراحة لا اجده سبب واقعي ..اني اسيب مصر حتى لو كنت املك ( مقومات الحياة الكريمة هناك )

اكرر ..لو كنت املك مقومات الحياة الكريمة هناك

وبعدين ابقي خد الموبايل معاك الشغل لو سمحت :)

تم تعديل 19 فبراير 2010 بواسطة znaty

[znaty]

أنا بس عندى رسالة بسيطة للأستاذ زناتى ... وأرجو انى ماكنش بايخ او بتدخل فى حاجة ماتخصنيش .. الا ان الكلام كله على العام واظن ان من حقى الرد ..

أنا متابع كل الآراء هنا رغم قلة مشاركتى ..

الصراحة يا استاذ زناتى أنت امرك عجب !!!

لما انت شايف فى كندا كل البلاوى السودة دى ومش شايف ان مصر والدول العربية بهذا السوء..

الكلمة الشهيرة جدا ... بتهاجر كندا ليه ؟؟؟ واديك لسةعالبر .. ما تطنش موضوع كندا بكل سلبياته اللى بتقول عليها وتخليك فى مصر والدول العربية ؟؟

أصل الموضوع الف باء تصرف .. عاجباك كندا روحها مش عاجباك يبقى تسيبك منها خالص

يااا عزيزي تيرمناتور

انت متاكد انت قريت انا كاتب ايه كويس وعارف رايي في الموضوع دة ؟؟

اصل انا ماقولتش الكلام اللي سعادتك كاتبه دة خالص :wub:

حتى ارجع كام صفحة كدة ..هتلاقيني كاتب للدكتور هشام ابراهيم باقوله ..متفق معاك بدليل اني انا وانت مهاجرين

بس الفرق بينا ..ان لما مقومات الحياة الكريمة لما اقدر اوفرها من الغربة الطويلة بره ..راجع بلدي يعني راجع بلدي

والاختلاف بيني وبين م ايهاب سالم ..في تعريف مقومات الحياة الكريمة ..وحال مصر ساعتها يمكن تاخد ساعتها قرار العودة والا لا

اما سبب وجع قلبي وتعب دماغي في الصفحات اللي فاتت ..وتوضيح عيوب كندا للمهاجرين كبار السن ..اصحاب الاسر المستقرة ..والبيوت المفتوحة ..والمسئوليات المتلتله

علشان لما اقف قدام ربنا يوم القيامة ..ااقوله انا وضحت للناس العيوب والمميزات ..ماكنتش سبب في ان واحد احواله كلها باظت ..وممكن يفقد عمله وبيته واستقراره ..ويتبهدل في كندا علشان هو موش قدها ..والفائدة ؟؟؟ ولاده خدوا هاي سكول ورجعوا مصر علشان يكملوا الجامعه ..لانه ماعهوش فلوس يدخلهم جامعه هناك ..واحتمال كبير موش لاقي شغل حتى كاجوال

حتى مع الناس دي ..ماقلتش صراحة ماتسافروش...انا قلت حط بلان ..قلت احسبوها صح ..وماتغركش قصص النجاح اللي هناك لان ..اللي مشي مع غيرك ..ممكن مايمشيش معاك ..كل واحد وظروفه امكانياته ..لان كندا موش جنة الكل ..ممكن تكون نقمة وغلطة عمره ..لانها فعلا بلد صعبة ..سواء شئنا ام ابينا

يعني بالعربي كدة ..باشد انتباهم اكتر للعيوب ..لان العيوب معظمها بتذكر وكانها هامشية وسهل التغلب عليها ..والمميزات بالهبل ولا تقاوم

انا بقة باقول : من حكم تجارب الاخرين اللي شفتهم وقعدت معاهم ..ومن حكم اللي شفته هناك ..لا

العيوب الهامشية في وجهة نظر البعض ..رئيسية لناس كتير ..ظروفهم تختلف عنهم تماما

وقلت كمان ان الصغير في السن ..اللي ماعندوش مسئوليات ..وعنده استعداد يتمرمط ويتبهدل او سنتين تلاته ..دي احسن فرصة ليه انه يهاجر ..ياخله شهادة من بره ..وجنسية ..ويقدر يستقر ساعتها لانه بادئ صح ..وممكن يرجع يبني نفسه ماديا في الخليج لانه هايعمل هناك في سنتين اللي موش هايعمله في عمره كله في كندا

وساعتها يرجع بلده او يكمل في كندا ده قراره حسب ظروفه

بس تنبيهي للفئة دي ..انه ماينساش اهله وبلده وناسه ..ويضيع مع الغرب وعاداتهم وتقاليدهم ..او انه يكره بلده ويغير جلده ..دة كلام عام وموش لشخص معين

يعني الغرض هو ابراء الذمة يا ريس ..

امري مافيهوش غرابة ...والا انت شايف اني وقعت على كنز في كندا ..وخايف الناس تهاجر وتاخده مني ؟؟ :)

ببساطة انا ممكن اكبر دماغي ..واريح مخي ..وخلاص ..كل واحد هاياسفر ويروح يشوف بنفسه...بس اللهم قد بلغت ..اللهم فاشهد

اما انا عاوز ايه من كندا ..اقرا ردي على ايهاب سالم من صفحتين تلاتة كدة وانت تعرف ..الف باء التصرف بتاعتي ...اللي فيها قصة تحط رجلك والغطس بدون نظر

انت ماقريتش شكلك ولا كلمة من اللي انا كتبته :baby:

[znaty]

كلامك يا Z محسسني إن الحل في مصر انك تفتح مشروع استثماري في الغردقة و ما تعتبش ناحية القاهرة لان القاهرة هي أس البلاوي .....قرية سياحية مثلا .....طيب ماشي بس .....طب الواحد حياكل منين ...... حيستورد أكل آورجانيك مخصوص من اوروبا بالطيارة أو يزرع أكله بنفسه علشان يضمن يبقى صحي ...طب و اللحمة و الفراخ خصوصا مع واحد زي سعادتك بطنه بتتقلب من أكل كندا ..... مفيش مشاكل يلحق بالارض المزروعة حظائر تربية و مزرعة سمكية بالمرة .....طب لو عيي أو احتاج عملية ....ياخد الطيارة اللي مذكورة فوق و يطلع بره يتعالج و لو واصل قوي يبقى علي نفقة الدولة .... طب لو الحكومة طلعت قانون ضرايب جديد خرب بيته أو البدو نازعوه في ملكية الأرض حيرجع يعيش في القاهرة ازاي ...عربيته الفيراري لما المسمار المرمي قصاد محل العجلاتي يفرقع الكاوتش حيعمل إيه

يا هيتش باشا ..مين اللي قال الغردقة بس ..والا قال سياحي فقط ..دة الغردقة مثلا وقلت غيرها اماكن بالهبل ..مانت كل شوية تقوللي المرور ..الزحمة ..المرور ..الزحمة ..لما خنقتني :ninja:قلتلك خلاص يا سيدي اطلع من القاهرة ..ولو ان حتى القاهرة فيها التجمع و 6 اكتوبر و حدائق الهرم ..ولا زحمة ولا خنقة وزي الفل

الغردقة مثلا ..موش معنها سياحة بس ..انت تعرف كمية الفيلات والمشروعات الصغيرة هناك ؟ ممكن ببساطة على سبيل المثال لا الحصر

اعمل مصنع طوب اسمنتي صغنون ..حتة ارض ..وخلاطة اسمنت ..وكومين رمل وسن ..وعربية داتسون ..و 4 عمال وسواق ..وبقة عندك مصنع يكسبك دهب

بلاش ..ممكن اشتري لودرين وحفار مستعمل من كندا واشحنهم على مصر ..واخد مقاولات حفر وردم هناك ..

و و و ..مليون مشروع ..بس اللي يفكر ..وكل يغني على ليلاه

انت عارف مرتبات المهندسين دفعتي في مصر دلوقتي تبدا من 6000 جنية لغاية 13000 ؟؟ واقسم بالله موش لاقيين مهندسين مدني كمان ..بيامنوا عليهم وهو في الجيش

دة كلامي اصحابي القاولين هناك على فكره

انا مرة عملت مقابلات علشان اجيب مهندسين للمكتب عندنا ماعرفتش ..ااقل واحد عاوز من 12 الى 15 الف ريال اساسي ..وبصراحة حقهم ..وانا كنت مبسوط ومارديتش اساومهم ..وعملت خناقة كبيرة مع صاحب المكتب بسبب الموضوع دة

وموضوع الاكل ...موش اوجع قلبي فيه بصراحة ..دة الاسواق الامريكية والغربية مليانه اكل معدل وراثيا ..ده هما اللي عملوه

كل حاجة موجودة هنا وهناك ..واهلي واهلك واهالينا كلنا لسه عايشين زي الفل بفضل الله عز وجل ..ماتحسسنيش بقة ان الاكل في كندا اكل مزروع في الجنة ..وسماده حنط وعنبر يعني ..وبقية العالم بس هيا اللي بتاكل زباله :)

الناس عايشة يا صاحبي ..موش هاسيب مصر واهي وناسي يعني علشان الاكل الاورجانيك :wub:

وبعدين انت موش شايف ..تركيزك بشدة على عيوب مصر ..وذكر عيوب كندا في سطرين تلاته ..عدم حيادية

يا اخوانا ..ابصم بالعشرة ..انتوا شخصيات ناجحة ...على راسي والله ..وانا ان شاء الله هاقدر انجح في كندا برده ..بس خدوا بالكم من الناس اللي ماعندهاش امكانياتكم ..وعندها عيال ومسئوليات ..وماعندهمش المقدرة على الدراسة والا المنافسة في كندا ..وربنا راقهم بما يكفيهم في بلدهم

ماتسودوش عليهم حياتهم بقة ..وتقنوعهم ان مصر هي مزبلة الله على الارض ..وتدفعوهم دفعا لتجربة موش محسوبة ..دي امانه يا ناس ؟؟؟

عايزنا نستني لما عصر الاضمحلال يخلص ....ربنا يديك الصحة و طولة العمر

ان غدا لناظره قريب

اومال لو كنت عايش وقت الاستنزاف ..كنت هاتعمل ايه بس ؟؟ حد كان مصدق ..ان في 6 سنين ..هانحارب ونعدي الكنال والشباب يخرجوا من الجيش ؟

و بعدين إيه حكاية اللي بيهاجر كان مش محترم في بلده .....طلعت منك أوت خالص ديه يا Z ...أنا فهمتها زي ما الباشمهندس جود فايث فهمتها بالظبط ...الملافظ سعد يا عبعال .....بس عايز الحقيقة ...احنا فعلا كرامتنا منقوصة طول ما احنا عايشين في الشرق الأوسط السعيد مش بس في مصر ....حقك مهضوم و انسانيتك مدهوسة و مش بس من السلطة أو البوليس أو من الكفيل حتي لو عايش ملك برضه مضحوك عليك و تمنك قليل عندهم

وضحتها دي انا قبل كدة يا عم البابور :baby:

ايه ؟؟ عبده حريقة ؟؟

ماتشتغلنيش عالمسا بقة وسيبني في اللي انا فيه

قسمتوا وسطي الله ي.. يعمر بيوتكم :baby:

بقالي 3 ساعات مكفي على اللاب توب ..وامبارح زيهم

صايع انا ماوريش زوجة ولا اهل ؟؟ولا شغل ؟؟ولا قطة شيرازي اربيها ؟ :happy:

[عبير يونس]

نفسي أقول حاجة بعد إذن الباشمهندس إيهاب طبعا

و كلامي طبعا عام تماما و لا أقصد به أحدا بعينه

لكن بعد مشاهدات كثيرة جدا

اتساءل بشدة

هو ليه الناس اللي مش عايزة تهاجر بتدخل موضوعات الهجرة أساسا؟؟؟

بيقعدوا يقرأوا و يشاركوا

و يقدموا نصايح

ويلعنوا في الهجرة

ليه؟؟؟

أنا بأشوف إن باب الهجرة ده متخصص في موضوعات الهجرة و اللي ناويين عليها أو بيفكروا فيها

لكن اللي مش متقبلين الفكرة داخلين ليه أساسا؟؟؟

من باب الدين النصيحة يعني؟؟؟

متهيألي لو هو ده الهدف يبقى مكانه باب هدى الإسلام و مش هنا

و لو من باب الوطنية و حب مصر

فالحقيقة أن المغتربين من أكثر الناس حبا في مصر

و ليس كل من هاجر كاره لمصر

و لا كل من قاعد فيها بيحبها

و أذكر نفسي و إياكم

" من حسن إسلام المرء تركه ما لا يعنيه"

تحياتي

:happy: