#@#@# عـمـار يا كـنـدا #@#@#

[Nassarlink]

تاني

:lol: الخروف ده تاني مستقصدنا

[ايهاب سالم]

الصور القادمه تعود لعام 2004 أثناء زيارة اللاندينج ... انا نشرتها قبل ذلك في مواضيع اخرى و لكن سأكررها

أولا : لأنها ستكون جديده عند البعض

ثانيا : لرغبتي في جمع كل الصور في موضوع واحد و أيضا لانهم جميعا ينتمون لمنطقة بورت كريدت عشان نكون انتهينا منها مره واحده و ننقل على موضوع اخر

من بلكونة شقة حازم صاحبي

نهر بورت كريدت في منتصف الصوره و المبنى في المنتصف قبل النهر هو مدرسة ريفر سايد التي يدرس فيها اولادي حاليا

شارع lake shore road و يظهر في الصوره مارينا اليخوت و نهر بورت كريدت في اليسار يعبر أسفل الكوبري ليصب في بحيرة اونتاريو على اليمين

[أحمد سيف]

على فكره عمدة ميسيساجا فازت ب ١١ مره متتاليه في الإنتخابات كعمده

بقالها ٣١ سنه عمدة

عمرها ٨٨ عام

محبوبه جدا جدا جدا

فكرتني بواحد أعرفه :lol:

[الجدار]

هذا الرجل مر بجانبي و ألقى علي التحيه ...

بعد قليل توقف الكلب و عمل زي الكلاب ما بتعمل .. صاحبه سابه يخلص براحته و بعدين لف على أيده كيس بلاستيك طلعه من جيبه

ثم إنحنى بكل إباء و شمم و إلتقط كاكا الكلب

ثم ذهب ليرميها في سلة المهملات

والله قمة الإحترام والذوق والحضارة

مع انه لو مشى ماحدش كان حيقوله حاجه

بس هو حاسس ان بلده بتحبه وتحترمه وعلشان كده ماحسش ان عيب او انها تقلل من قيمته انه ينضف حته من بلده كان هو سبب انها تتوسخ

انا حاسس بغيرة بصراحة والصورة اتحفرت في الذاكرة يا بوب

والمقالة بتاعة "جريدة الأحداث" خليتني في سري أقول عمار يا كندا :lol:

تحية يا بوب

بس مستنيين صور سلبيات يا عم ماتعقدناش بقى

[sherifhfm]

انا بصراحه مبهور من كمية الحدائق فى التجمعات السكنيه

اكيد شئ بيكون له تأثير قوى جدا على نفسيه الناس الى عايشه فى المناطق دى

يعنى لما كل يوم الواحد ينزل يروح الشغل ويلاقى قدام عينه كمية اللون الاخضر وحاسس انه عايش فى حديقه دى اكيد بيأثر على ادائه شغله ونفس الوضع بالنسبه للاطفال

عمار يا كندا

[صعيدي من مونتريال]

ماتقولش كندا ادتنا ايه

قول احنا ادينا ايه لكندا

[arora]

جميلة جدا حكاية الكلب وصاحبه

وده ان دل على شىء يدل على وجود ضمييييييييييييييير

الضمير يا سادة

الراجل ده مانقدرش نقول ان ممكن حد يبلغ عنه او يؤذيه كصاحب للكلب

لكن هو حط نفسه مكان اى واحد ممكن يتاذى من فعلة الكلب الشنعاء :sad: :sad:

وبناء على ذلك كان تصرفه

ياريتنا نعمل زيهم ونربى فى اولادنا الضمير

ان تضع نفسك مكان الاخرين

وان تحب لاخيك ما تحبه لنفسك

تم تعديل 31 مايو 2009 بواسطة arora

[kaplan]

مبروك يابشمهندس افتتاح القهوة الجامده جدا

قهوة حضرتك ان شاء الله تكون مفيده جدا لكل الناس المهتمه بالهجرة

وربنا يعينك على طلبات الزباين

بالمناسبه ياهندسه احنا عايزين الحكايه من الاول خاااااااالص

تحياتى

[ahmed_saleh]

الف مبروك يا ايهاب باشا على افتتاح القهوة التي طالما نادينا بها ... و الحمد لله تم الافتتاح

و بالمناسبة دي انا جبت معايا شوية بخور و فردة صندل ... طبعاً انت عارف الامر ما يسلمش و طبعاً مش حاقولك البخور للقهوة و الصندل للميكروباظ

احنا متابعين .... كمل يا ريس

[abdulazizo]

مساهمة قوية من البشمهندس ايهاب .. تأخرت قليلا ولكنها حصلت فكل الشكر والتقدير له

[أم موني]

عمار و عمار و عمار يا كندا

وعمار التوبيك يا بشمهندس إيهاب

شكرا لك

[ايهاب سالم]

المدرسه العربي مصاريفها 250 دولار سنويا للطفل .. يدفعوا على دفعتين في أول و منتصف العام

يا باش مهندس تقصد 2500 دولار في السنه

ولا انا كد الرقم صح

وكمان لو تسمح مشفتش مدارس فرنساوي ومصريفها كام

واكون لك شاكر

المبلغ صحيح يا أ / نصار و السبب في ذلك ان هذه مدرسه يوم السبت فقط من سبتمبر إلى مايو و أيضا لأن كل المدرسين متطوعين و لهم اعمالهم الدائمه الاخرى و المصاريف فقط لتغطية إيجار المكان و ثمن الكتب ...

لا أعلم شئ عن المدارس الفرنسيه .. فهي خارج نطاق إهتماماتي

تم تعديل 2 يونيو 2009 بواسطة ايهاب سالم

[ايهاب سالم]

المزيد من صور بورت كريدت - ميسيساجا - 2004

بيت للمسنين

المارينا

تم تعديل 2 يونيو 2009 بواسطة ايهاب سالم

[ايهاب سالم]

[astrophy]

صورة جميلة فعلا ياباشمهندس بسى كله صور صور مفيش كلام

حضرتك كنت قولت فى تعليق قبل كدا ان نسبة الجرائم ارتفعت هل الارتفاع بمعدل مزعج ولا حادثه كدا كل فتره ولا الموضوع مقلق فعلا علشان الازمة الاقتصادية

ولحضرتك جزيل الشكر

[ايهاب سالم]

[ايهاب سالم]

[ايهاب سالم]

حضرتك كنت قولت فى تعليق قبل كدا ان نسبة الجرائم ارتفعت هل الارتفاع بمعدل مزعج ولا حادثه كدا كل فتره ولا الموضوع مقلق فعلا

الموضوع غير مقلق خالص و نحن لا نشعر بأي جرائم أو غيرها ... هنا الوضع أمن جدا جدا و لن أقارن عشان محدش يزعل

أنا فقط قرأت في الجريده أن عدد الجرائم في منطقة peel التي تجمع مدينتي ميسيساجا و برابمتون قد إرتفع عن العام السابق .... يعني مثلا كان 70 أصبح 75 و أن السطات تدرس الأسباب لمعالجتها

الوضع أمن جدا و لا يوجد مشكله

تم تعديل 2 يونيو 2009 بواسطة ايهاب سالم

[ايهاب سالم]

صورة جميلة فعلا ياباشمهندس بسى كله صور صور مفيش كلام

الكلام جاي إن شاء الله

أنا بس بأنزل بكل صور بورت كريدت مره واحده عشان ده طلب خاص من الأشكيف .. قصدي التهامي

[ايهاب سالم]

بالمناسبه ياهندسه احنا عايزين الحكايه من الاول خاااااااالص

هيحصل إن شاء الله

ربنا يدينا و يديك طولة العمر

إديني بس وقت و إرميني البحر