#@#@# عـمـار يا كـنـدا #@#@#

[حسام يوسف]

انت تامر يا مزاميزو

مش ده المقصود يا دكتور قناوى

[صعيدي من مونتريال]

بس بجد ياباشمهندس الناس بيسيبو البط والوز عادى كده

يعنى مفيش احد الشيطان بيلعب فى عقله

ويوزه انه يصطاد حاجه

وهل هو ممنوع

بجد تصويرك رائع :D

اللي الشيطان يوزه ويصطاد وزه

ممكن جدا يتسفر من البلد ويختم على جوازه

والكفيل ياخده من ايده عالمطار عدل

ده وز كندي يا اخوانا

حد يقول حاجة يا جدعان :waf:

[bent misr]

باش مهندس ايهاب

أنا فوجئت اليوم فقط بفتح موضوعك المنتظر من زمان wst::

و أنا كنت من أكتر الناس المتشوقه لمثل هذا الموضوع

و الذي وصل الى الصفحه 11 ماشاء الله wst::

الصور فوق الرائعه و دي بصراحه حاجه انت بتتميز بها

هكمل باقي الصفحات و أعود للتعليق

شكرا لك wst::

[MoHaMMeD EgYpT]

بصراحة صور روعة و قهوة اروع

و انا بحجز لي كرسي من دلوقتي بس مش جنب الشباك علشان ما اخدشليش دور برد في عز الصيف

[Lunalola]

الاخ العزيز ايهاب,

صور اكتر من رائعة فعلا البيعة هنا ليها شكل تاني خالص الواحد منبهر بكمية المساحات الخضراء في البلد , فعلا عمار ياكندا, انا طبعا مقدرتش اروح المدرسة العربي يوم الاحد لان ي ماقلتلك كنا بننقل للشقة بتاعتنا, ياريت حضرتك تبعتلي تليفوناتك على الخاص عشان نتعرف على بعض والاولاد يتقابلوا احنا ساكنين قريب جدا منكم في truscott يعني فركة كعب

[د هشام ابراهيم]

وينك يا كابتن هوبا عايزين مشاريب :D

لا أجانص و لا اقفاص (الجملة اللي فاتت ديه تلقيح كلام من طراز معلهش احنا بنتكلم ) :lol:

[SoSo R]

this congratulation for the new topic is so late....I know

but I have to say it Mr. Ehab

keep writing

SoSoRaNy

[helisinki]

السلام عليكم أستاذ ايهاب انا حاولت ارسلك رسالة على الخاص وتقريبا صندوق البريد بتاعك ممتلىء ومعرفتش ابعتلك المهم انا عاوز رأيك واستشرتك فى موضوع مهم فياريت تقولى ابعتلك ازاى او اكتبلك هنا على العام حتى وترد عليا وجزاك الله خيرا

[ايهاب سالم]

ليه بس بعثت الموضوع من مرقده

إكتبلي على العام يا سيدي

الرسائل الخاصه مغلقه بتعليمات من الحكومه

[helisinki]

ليه بس بعثت الموضوع من مرقده

إكتبلي على العام يا سيدي

الرسائل الخاصه مغلقه بتعليمات من الحكومه

أسف يا أستاذ أيهاب لو كنت أعرف كدة :blush2: مكنتش أتكلمت أصلا

على العموم هاكتبلك أستفسارى على العام يلا بقى عام عام ومتشكر ليك على الاهتمام وربنا يجعلة فى ميزان حسناتك

تم تعديل 13 يونيو 2009 بواسطة helisinki

[OmYazan]

انا لي استفسارات عن الحياة الاجتماعية في كندا.. اصدقاء، معارف، جيران، الخ. لو وضعت نفس المقارنة بالحياة في الرياض اجدها منعدمة تماما، لا توجد نواحي اجتماعية بمعنى الكلمة إلا القليل والقليل، وهذا بالنسبة لي يمثل روح المعيشة في اي بلد غير بلدي. اخشى ان تصبح الحياة في كندا حياة بدون اصدقاء أو معارف بسبب قلة الأجناس العربية ( باعتبار اختلاف الهجرة على حسب المدن)

[helisinki]

ليه بس بعثت الموضوع من مرقده

إكتبلي على العام يا سيدي

الرسائل الخاصه مغلقه بتعليمات من الحكومه

السلام عليكم ورحمة الله وبركاتة

أستاذ أيهاب انا عاوز مساعدة حقيقية فى الموقف بتاعى انا دلوقتى ان شاء الله تعالى مسافر امريكا فى ولاية واشنطن فى مدينة سياتل للدراسة لمدة سنة عن طريق منحة دراسية الدراسة دى عملية هدرس ادارة المشروعات والتنمية البشرية و أخد شهادة بكدة وبعد السنة لما تخلص ماليش انى اقعد فى امريكا نهائى او أقدم هجرة لأمريكا او حتى أتجوز أمريكية أو يكون لى طفل أمريكى لأن دة شرط من شروط المنحة ولو عاوز ادخل امريكا تانى يبقى على الاقل بعد سنتيين لأن دى شروط الفيزا اللى أنا واخدها أسمها J 1 فيزا تبادل ثقافى وتعليمى المهم انا اصلا مش عاوز اقعد فى امريكا انا عاوز أحقق حلمى بأنى اقعد فى كندا بأى طريقة كانت خلال السنة اللى هاقعد فيها فى امريكا انا ممكن عن طريق المنحة انى ازور كندا على حساب المنحة خصوصا انى قريب من فانكوفر يعنى حوالى ساعة ونص بالعربية من المكان اللى هبقى فية الى فانكوفر وبصراحة اكتر لولا ان ربنا كرمنى بالسفر دة انا اصلا مكنتش هاعرف اخرج من مصر طبعا فاهمنى يا أستاذ أيهاب فاعايز خلال السنة دى احاول اظبط اى وضع لية فى كندا بالنسبة للهجرة فمستحيل بالنسبة لية انا اصلا مؤهلى متوسط ومعرفش غير الانجلش ومعنديش خبرة فى أى عمل لمدة سنتيين حتى على بعض ومش عاوز أرجع مصر قبل لما أسوى ليا أى أقامة فى كندا

فالمهم انا عاوزك تدلنى على الطريق لأنى معرفش حد نهائى فى كندا للأسف عشان اسوى اى ورق قانونى للأقامة فى كندا وجزاكم الله خيرا

كنت عاوز اعرف رأى حضرتك

[Lunalola]

ايه ياايهاب موضوعك في الصفحة التانية ليه , لازم تخش تعمل شوية SUPPORT لحسن المنافسة دلوقتي بقت عنيفة بالذات في حالة الكساد الاقتصادي اللي احنا فيه دا , يعني على الاقل انزلنا بشوية صور كدا عالماشي لو مش فاضي تكتب , خلي بالك 005 عامل شغل جامد وشكله ناوي يلم الزباين من على القهاوي التانية ( انا بهدي النفوس بس يعني مش قصدي حاجة )

[أحمد سيف]

ليه بس بعثت الموضوع من مرقده

إكتبلي على العام يا سيدي

الرسائل الخاصه مغلقه بتعليمات من الحكومه

السلام عليكم ورحمة الله وبركاتة

أستاذ أيهاب انا عاوز مساعدة حقيقية فى الموقف بتاعى انا دلوقتى ان شاء الله تعالى مسافر امريكا فى ولاية واشنطن فى مدينة سياتل للدراسة لمدة سنة عن طريق منحة دراسية الدراسة دى عملية هدرس ادارة المشروعات والتنمية البشرية و أخد شهادة بكدة وبعد السنة لما تخلص ماليش انى اقعد فى امريكا نهائى او أقدم هجرة لأمريكا او حتى أتجوز أمريكية أو يكون لى طفل أمريكى لأن دة شرط من شروط المنحة ولو عاوز ادخل امريكا تانى يبقى على الاقل بعد سنتيين لأن دى شروط الفيزا اللى أنا واخدها أسمها J 1 فيزا تبادل ثقافى وتعليمى المهم انا اصلا مش عاوز اقعد فى امريكا انا عاوز أحقق حلمى بأنى اقعد فى كندا بأى طريقة كانت خلال السنة اللى هاقعد فيها فى امريكا انا ممكن عن طريق المنحة انى ازور كندا على حساب المنحة خصوصا انى قريب من فانكوفر يعنى حوالى ساعة ونص بالعربية من المكان اللى هبقى فية الى فانكوفر وبصراحة اكتر لولا ان ربنا كرمنى بالسفر ة انا اصلا مكنتش هاعرف اخرج من مصر طبعا فاهمنى يا أستاذ أيهاب فاعايز خلال السنة دى احاول اظبط اى وضع لية فى كندا بالنسبة للهجرة فمستحيل بالنسبة لية انا اصلا مؤهلى متوسط ومعرفش غير الانجلش ومعنديش خبرة فى أى عمل لمدة سنتيين حتى على بعض ومش عاوز أرجع مصر قبل لما أسوى ليا أى أقامة فى كندا

فالمهم انا عاوزك تدلنى على الطريق لأنى معرفش حد نهائى فى كندا للأسف عشان اسوى اى ورق قانونى للأقامة فى كندا وجزاكم الله خيرا

كنت عاوز اعرف رأى حضرتك

بعد إذن عمنا أيهاب خليني أقولك رأيي ... الحل الوحيد أمامك هو إنك لما تدخل كندا سياحه تحاول تدور على شغل هناك ولو حظك حلو ولقيت فرصة عمل مفيش حد كندي أو مقيم مقدم عليها تخلي صاحب الشغل يعملك عرض عمل وبعدين تدخل بعدها كندا كعامل مؤقت ومن هناك تبتدي إجراءات الهجره ... مش محتاج أقولك إنه حل صعب جدا إلا لو عندك خبرة كبيرة في مجالات معينة فيها نقص شديد في كندا.

أي حل غير كده هيبقى حل غير قانوني وله عواقبه ومحاذيره

[مزاميزو]

يبدو إن صاحب القهوة لقى الناس جاية تشرب ببلاش ....

فقال مابدهاش نقفلها ويظهر الأزمة الإقتصادية مرت على قهوة عمار يا كندا ولا بقت عمار ولا حاجة ..

نرجو من السادة المزوغين من دفع الحساب انهم يريحوا صاحب القهوة ولو على النوتة ...

[helisinki]

ليه بس بعثت الموضوع من مرقده

إكتبلي على العام يا سيدي

الرسائل الخاصه مغلقه بتعليمات من الحكومه

السلام عليكم ورحمة الله وبركاتة

أستاذ أيهاب انا عاوز مساعدة حقيقية فى الموقف بتاعى انا دلوقتى ان شاء الله تعالى مسافر امريكا فى ولاية واشنطن فى مدينة سياتل للدراسة لمدة سنة عن طريق منحة دراسية الدراسة دى عملية هدرس ادارة المشروعات والتنمية البشرية و أخد شهادة بكدة وبعد السنة لما تخلص ماليش انى اقعد فى امريكا نهائى او أقدم هجرة لأمريكا او حتى أتجوز أمريكية أو يكون لى طفل أمريكى لأن دة شرط من شروط المنحة ولو عاوز ادخل امريكا تانى يبقى على الاقل بعد سنتيين لأن دى شروط الفيزا اللى أنا واخدها أسمها J 1 فيزا تبادل ثقافى وتعليمى المهم انا اصلا مش عاوز اقعد فى امريكا انا عاوز أحقق حلمى بأنى اقعد فى كندا بأى طريقة كانت خلال السنة اللى هاقعد فيها فى امريكا انا ممكن عن طريق المنحة انى ازور كندا على حساب المنحة خصوصا انى قريب من فانكوفر يعنى حوالى ساعة ونص بالعربية من المكان اللى هبقى فية الى فانكوفر وبصراحة اكتر لولا ان ربنا كرمنى بالسفر ة انا اصلا مكنتش هاعرف اخرج من مصر طبعا فاهمنى يا أستاذ أيهاب فاعايز خلال السنة دى احاول اظبط اى وضع لية فى كندا بالنسبة للهجرة فمستحيل بالنسبة لية انا اصلا مؤهلى متوسط ومعرفش غير الانجلش ومعنديش خبرة فى أى عمل لمدة سنتيين حتى على بعض ومش عاوز أرجع مصر قبل لما أسوى ليا أى أقامة فى كندا

فالمهم انا عاوزك تدلنى على الطريق لأنى معرفش حد نهائى فى كندا للأسف عشان اسوى اى ورق قانونى للأقامة فى كندا وجزاكم الله خيرا

كنت عاوز اعرف رأى حضرتك

بعد إذن عمنا أيهاب خليني أقولك رأيي ... الحل الوحيد أمامك هو إنك لما تدخل كندا سياحه تحاول تدور على شغل هناك ولو حظك حلو ولقيت فرصة عمل مفيش حد كندي أو مقيم مقدم عليها تخلي صاحب الشغل يعملك عرض عمل وبعدين تدخل بعدها كندا كعامل مؤقت ومن هناك تبتدي إجراءات الهجره ... مش محتاج أقولك إنه حل صعب جدا إلا لو عندك خبرة كبيرة في مجالات معينة فيها نقص شديد في كندا.

أي حل غير كده هيبقى حل غير قانوني وله عواقبه ومحاذيره

جزاك الله خيرا أخى العزيز على الافادة دى بس انا فعلا كنت فاكرت فى الحل دة من زمن بس طبعا مستحيل يحصل لأنى انا معنديش خبرة اساسا فى أى مجال عشان الهجرة فما بالك بخبرة فى مجال عشان اشتغل بيها فى كندا طبعا مستحيل بالنسبة ليه على العموم انا طمعان فى تعليق ومساعدة أستاذ أيهاب ولعل تأخيرة يكون وراه خير وانا فى أنتظاره

[ايهاب سالم]

انا لي استفسارات عن الحياة الاجتماعية في كندا.. اصدقاء، معارف، جيران، الخ. لو وضعت نفس المقارنة بالحياة في الرياض اجدها منعدمة تماما، لا توجد نواحي اجتماعية بمعنى الكلمة إلا القليل والقليل، وهذا بالنسبة لي يمثل روح المعيشة في اي بلد غير بلدي. اخشى ان تصبح الحياة في كندا حياة بدون اصدقاء أو معارف بسبب قلة الأجناس العربية ( باعتبار اختلاف الهجرة على حسب المدن)

الحياه الإجتماعيه موجوده و بخيرها في كندا و لكن الموضوع يعتمد بدرجه كبيره على الأسره نفسها و مدى إندماجها و سعيها لعمل علاقات إجتماعيه ... ممكن أسباب إنعدام الحياه الإجتماعيه في الرياض تكون نفس أسباب إنعدام الحياه الإجتماعيه في كندا رغم وجود أسر عربيه في الجهتين ... ... العرب كتير و لو عايزه تعملي علاقات إجتماعيه مع أسر عربيه سواء من جنسيتك أو من جنسيات اخرى لن تكون هناك مشكله في وجهة نظري

طبعا العرب لا ينتشرون في كل كندا و لكن في مدن معدوده و معروفه للجميع

[ايهاب سالم]

على العموم انا طمعان فى تعليق ومساعدة أستاذ أيهاب ولعل تأخيرة يكون وراه خير وانا فى أنتظاره

و الله يا هلسنكي انا لو اقدر اساعد مش هتأخر

لكن في حدود معلوماتي مفيش طريقه قانونيه تضمن لك الإقامه في كندا

ربنا يوفقك

[helisinki]

السلام عليكم

جزاك الله خيرا يا أستاذ ايهاب طيب على العموم انا بس هبقى محتاج حد يدلنى فى فانكوفر على سكن لأسبوع او على حسب المدة اللى هقعد فيها هناك ان شاء الله وأتمنى أنك متبخلش علية بالتوجيه وربنا يصلح لك الاحوال يا أستاذنا

تم تعديل 16 يونيو 2009 بواسطة helisinki

[ايهاب سالم]

عشان خاطر مزاميزو و كل الإخوه اللي جايين يهدوا النفوس

رجعنا بمجموعه صور جديده من بورت كريدت ساعة المغربيه عشان خاطر التهامي

فيه بلد محترمة في الدنيا تسيب البط يعمل كاكا ع الأرض اللي الناس بتمشي عليها؟!

عملها ولاّ ما عملهاش ع الممشى الخشبي اللي ع البحيرة!

دي صورة الممشى الخشبي اللي بيتكلم عليه تهامي

إلتقاء نهر كريدت ريفر ببحيرة أونتاريو