منين يا بلديات؟

[se_ Elsyed]

انا عايز حمايه من الساداة المشرفين والمشرفات

في واحد تاني بيهددني في التليفون وبيتتريق على بتوع القاهرة وكلامهم

ماشي يا واحد يا تاني ..

خد الكام حته دول :

تابع نتيجة محافظة الشرقية

مداس ............ لا مؤخذه حذاء او بما ان الاحذية بتبق رسمي فهي تُطلق على الشبشب يعني

كارميلا .......... ملبس .... كاندي يعني

ارواح ............. ملبس برضوا بس بنكهة النعناع او ما شابه

الكلمة بقى اللي بتموتني من الضحك

جالاتي ...... هي كده package على بعضها يعني ايس كريم او جيلاتي بلغه الفرنجة

المندره ..... اوضة الجلوس اللي فيها الصالون الاوبيسون

الأعه .. او القاعه .... يعني غُرفه

طاب ... يعني خف او تم شفاءه recovered

شوفتوا بيقولوا عليه ابو سويلم ابو لسان زالف .... في واحد صاحبي ومتربي معايا - ربنا عاقبه دلوقت وشغال في السودان ههههههه - لسانه بقى مدفع سريع الطلقات .. المهم كنت عامل عملية في اصبع قدمي .. وبنج كلي وبتاع .. فطلعت من المستشفى وقاعد في البيت .. وده مرابط عندي طبعاً .. فجت عمتي من البلد تشوفني .. فاول ما دخلت ... خلوا بالكو صاحبنا قاعد .. قالت لي : ازيتش ... يا سين سين ؟ انشالله تشون رجليتش طابت

الترجمة بقى : ازيك يا سين سين ان شالله تكون رجلك خفت ؟

والست اتكسفت من النطع اللي قاعد ودخلت تقعد مع ماما جوه .. انا بابص حواليه مالقيتش صاحبنا ..لقيته واقع عالارض وهاتك يا تريقه .. بالذات على كلمة طابت .. ولقيته عمال يقول لي : طابت واستوت وطلبت الاكيله يا معلم .. وخلاني كنت هاعيط من تريقته ... وفعلاً ربنا بيسلط ابدان على ابدان . والقوي .. في اللي اقوى منه

بس على مين ... فضلت مخزن زي الجمل .. لحد ما في مره عزمني على فرح حد قريبهم في بلدهم

وهو من بلد اسمها " مرصفا " في محافظة القليوبية .. على فكرة دي بلد حبيبنا عاطف صدقي وكان مروقهم هناك ... وقلت بس .. جت لك عالطبطاب يا معلم .. وهو كان نسي عمل فيه ايه ساعة رجلي اللي طابت .. وما ان وصلنا يا سادة الا وبقيت اسجل كل السكنات والخلجات - حلوه خلجات دي - وبهدلت كرامته لحد ما قال حقي برقبتي

اول حاجه لفتت نظري .. الجلاليب السودا اللي بيلبسوها الستات هناك ... غريبة كده وعامله زي الستارة ام كرانيش فوق بعض .. آه والله .. فسألت اشمعنى جلالبيكو غير جلاليبنا .. فقال لي دي بيسموها " ملس " بتشديد اللام

تخيلوا قال لي ان من عادات الوفاة عندهم ان الست اللي زوجها ميت .. بتقعد ييجي 40 يوم تمشي حافيه !!!

يا نهار مش فايت ... يعني لو واحده جوزها مات في الصيف يبقى عليه العوض في سقف رجليها

المصطلحات بتاعتهم نسيتها بصراحة لإن الموضوع ده بقى له فترة طويلة ..

[pink rose]

جومة -----> استيكة

أما بتوع الأرياف دول علهيم حركات ؟

والله أول مره أعرف

ودي بتتنطق ولا بتتكتب بس زي الهيروغليفية يا معلم ؟

أيوه يعني لما واحد أسكندراني يكون جنبي في اللجنة وعايز أستلف منه أستكية في إمتحان الجبر .. أقول له إديني جمعه ؟

ولا اشاور له زي البنتومايم ؟

-----------

اصلا كلمة جومة دي تعديل لكلمة GOMME بالفرنسية

و كمان كلمة ممحاة بالاسبانيGoma de borrar

يعني احنا الاسكندرانية بنتكلم لغات

انما انا اللي نفسي اعرف يعني ايه استيكة بقى؟؟؟؟؟؟؟؟؟؟؟؟

[doudy]

كنت قاعد مرة مع اتنين اسكندرانية واحد كان بيدرس و عاش فترة فى القاهرة و التانى كان لسه جاى من اسكندرية طازة

و بينما كنا بنتكلم اذ فجأة الراجل الاسكندرانى الطازة قال "و نزلت ركبت المشروع"

انا طبعا ظهر على وشى علامات التعجب و الاستغراب انا طول عمرى اسمع ناس تعمل مشروع تخلص مشروع تخسر فى مشروع لكن دى كانت اول مرة اعرف ان المشروع بيتركب :lol:

و طبعا بعد ما ظهر عليا علامات الاذبهلال لقيت الترجمة جاية من الناحية التانية و عرفت ان مشروع بالاسمندرانى بعنى ميكروباص mfb:

ايوة يا احمد و كمان بنقول

ترام او ترماى على اللى انتوا بتقولوا عليه مترو

و بنقول كوسة و بنقول طماطم و فلافل و عندنا فلافل محشية كمان

و بنقول تاكس على التاكسى

و بنقول عيش باللحمة على الحواوشى

و بنقول جيلاتى ع الايس كريم

و ايه كمان ..........لما افتكر شوية هرجعلكم تانى wst:: :wub: :)

انا اسكندرانية طبعا

تم تعديل 30 مايو 2009 بواسطة doudy

[doudy]

انا عايز حمايه من الساداة المشرفين والمشرفات

في واحد تاني بيهددني في التليفون وبيتتريق على بتوع القاهرة وكلامهم

ماشي يا واحد يا تاني ..

خد الكام حته دول :

تابع نتيجة محافظة الشرقية

مداس ............ لا مؤخذه حذاء او بما ان الاحذية بتبق رسمي فهي تُطلق على الشبشب يعني

كارميلا .......... ملبس .... كاندي يعني

ارواح ............. ملبس برضوا بس بنكهة النعناع او ما شابه

الكلمة بقى اللي بتموتني من الضحك

جالاتي ...... هي كده package على بعضها يعني ايس كريم او جيلاتي بلغه الفرنجة

المندره ..... اوضة الجلوس اللي فيها الصالون الاوبيسون

الأعه .. او القاعه .... يعني غُرفه

طاب ... يعني خف او تم شفاءه recovered

شوفتوا بيقولوا عليه ابو سويلم ابو لسان زالف .... في واحد صاحبي ومتربي معايا - ربنا عاقبه دلوقت وشغال في السودان ههههههه - لسانه بقى مدفع سريع الطلقات .. المهم كنت عامل عملية في اصبع قدمي .. وبنج كلي وبتاع .. فطلعت من المستشفى وقاعد في البيت .. وده مرابط عندي طبعاً .. فجت عمتي من البلد تشوفني .. فاول ما دخلت ... خلوا بالكو صاحبنا قاعد .. قالت لي : ازيتش ... يا سين سين ؟ انشالله تشون رجليتش طابت

الترجمة بقى : ازيك يا سين سين ان شالله تكون رجلك خفت ؟

والست اتكسفت من النطع اللي قاعد ودخلت تقعد مع ماما جوه .. انا بابص حواليه مالقيتش صاحبنا ..لقيته واقع عالارض وهاتك يا تريقه .. بالذات على كلمة طابت .. ولقيته عمال يقول لي : طابت واستوت وطلبت الاكيله يا معلم .. وخلاني كنت هاعيط من تريقته ... وفعلاً ربنا بيسلط ابدان على ابدان . والقوي .. في اللي اقوى منه

بس على مين ... فضلت مخزن زي الجمل .. لحد ما في مره عزمني على فرح حد قريبهم في بلدهم

وهو من بلد اسمها " مرصفا " في محافظة القليوبية .. على فكرة دي بلد حبيبنا عاطف صدقي وكان مروقهم هناك ... وقلت بس .. جت لك عالطبطاب يا معلم .. وهو كان نسي عمل فيه ايه ساعة رجلي اللي طابت .. وما ان وصلنا يا سادة الا وبقيت اسجل كل السكنات والخلجات - حلوه خلجات دي - وبهدلت كرامته لحد ما قال حقي برقبتي

اول حاجه لفتت نظري .. الجلاليب السودا اللي بيلبسوها الستات هناك ... غريبة كده وعامله زي الستارة ام كرانيش فوق بعض .. آه والله .. فسألت اشمعنى جلالبيكو غير جلاليبنا .. فقال لي دي بيسموها " ملس " بتشديد اللام

تخيلوا قال لي ان من عادات الوفاة عندهم ان الست اللي زوجها ميت .. بتقعد ييجي 40 يوم تمشي حافيه !!!

يا نهار مش فايت ... يعني لو واحده جوزها مات في الصيف يبقى عليه العوض في سقف رجليها

المصطلحات بتاعتهم نسيتها بصراحة لإن الموضوع ده بقى له فترة طويلة ..

مش حارمنا من حاجة خالص يا س س

مغرقنا بكرمك

الكلمة و معناها و ترجمتها و كله موجود

مش عارفين كنا هنعمل ايه من غيرك

ما عندكش حاجة على حد اسكندرانى

قول بالمرة بس اوعى تتريا ع الاسكندرانية

احسن مش هنخليك تيجى تصيف فى اسكندرية

wst:: :) :wub:

[MZohairy]

جومة -----> استيكة

اول مره اعرف ان الاسكندرانيه من اصول فرنسيه

جومه جايه من كلمة جوم يعني استيكه بالفرنساوي

كان معايا واحد بورسعيدي في الشغل زمان في السعوديه و كان بيحاول يفهمني ان لغته الانجليزيه ممتازه معرفش ليه؟

يعني كنوع من المنظره خصوصا واني اصغر منه

المهم

كل شويه يهبدني كلمتين انجليزي ملهومش حل

لغاية ما في مره قاللي انت ايه الشامبو اللي بتستعمله؟ (طبعا كلمة شامبو بتفخيم الباء و الشين) wst::

قلتله عادي اي حاجه

قاللي انا بحب قوي استعمل شولدر اند هولدر :)

طبعا يقصد هد اند شولدرز :wub:

و مره تانيه

قاللي يابو حميد :lol: (بفتح الياء) انت بتحب انهي نوع مكرونه (بفتح الواو)؟

قلتله اي حاجه

قاللي انا اكتر نوع بحبه المكرونه الاسباجيتور جميله قوي

ولما ركب الدش (الساتالايت يعني) قاللي انا ركبت الدش بنفسي يابو حميد

مفيهوش حاجه

تجيب الطبق و تحط الهيد فورن و خلاص (يقصد الفيد هورن)

و هكذا لخبطلي ام الانجليزي اللي اتعلمته

كل ما افتكر مرادف جديد حقولكم عليه و نبقى نفتحله موضوع بإسم مفردات عم احمد البورسعيدي في الكلام الانزليجي

[عنبو]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

طيب خدوا شوية المصطلحات دول وابقوا اقابولنى لو عرفتوها

النكز ؟؟

شين طوشيه ؟؟

الشريق ؟؟

صميت؟؟

عاد ؟؟

وسلاموز

[fatfouta]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

طيب خدوا شوية المصطلحات دول وابقوا اقابولنى لو عرفتوها

النكز ؟؟

شين طوشيه ؟؟

الشريق ؟؟

صميت؟؟

عاد ؟؟

وسلاموز

طب ماتحط الترجمة بقى يا عنبى

[Ahmed Unknown]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

طيب خدوا شوية المصطلحات دول وابقوا اقابولنى لو عرفتوها

النكز ؟؟

شين طوشيه ؟؟

الشريق ؟؟

صميت؟؟

عاد ؟؟

وسلاموز

اعتقد الصميت ده القمح او الذرة المطحون زى صميت البسبوسة كده يعنى

عاد دى اعتقد ان معناها "الوقتى"

النكز دى بقى مش متأكد بس اعتقد انها بتطلق على جريد النخل !!!!

[HDarwish]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

بلدياتك س س هو اللي مروق على الشرقاوية يا سيدي .. وياريت تبقى تقولنا على الاختصار ده بيرمز لإيه ش . ك . ع ؟؟

نيجي بئا للمنصورة :-

5- المنصورة : كان ليهم كلمات غريبة زى ( أنت بتتأملت عليا ) ودى معناها انت بتتريأ عليا

أنا أول مرة اسمع الكلمة دي أو يمكن كانت بتتقال في أرياف الأرياف يعني ..

الكلمة اللي كنت فاكر إنها عادية وطلعت غريبة واكتشفت الموضوع ده لما سافرت هي كلمة "لوحدها" المفروض ان الناس كلها بتقول الكلمة دي بفتح الدال "لِوحْدَها" إحنا في المنصورة جميعا بنقولها "لِوحِدْها" بكسر الحاء وإمساك الدال بعض الشيء

في كمان الكلام المشهور والمعروف زي .. ديك النهار وعمنول والمنطلون ودول على فكرة برضه في الأرياف بس

جايلكوا تاني

[زعلان]

اسمها انت بتتمألت عليا مش بتتأملت !!

في رواية بتتمألس

وفي رواية ببتريق

وفي رواية بتتمسخر

وفي اخرى بتطنز :blush2:

[HDarwish]

تمام كده ..

إظاهر إن حتى في كل محافظة اللهجة بتختلف من مكان للثاني واذكر ده فعلا لإني لحد ما خلصت الثانوية العامة كنت في الأرياف وكانت لهجة قريتنا غير لهجة القرية المقابلة لنا

يعني فعلا في الأرياف تسمع كلمة بتتمألس علي كتير لكن استحالة في المنصورة نفسها تسمع الكلمة دي وبنقول بتتريأ

[زهره]

فى اسكندريه برضوا بنقول

جبنه تركى يعنى جبنه رومى

ممبار يعنى عصبان

و جارتى من بحرى بتنطق احمد احما و محمد محما

و ياقه القميص فيه ناس تقول عليها كوله

الطماطم قوطه

[الجدار]

فى اسكندريه برضوا بنقول

جبنه تركى يعنى جبنه رومى

ممبار يعنى عصبان

و جارتى من بحرى بتنطق احمد احما و محمد محما

و ياقه القميص فيه ناس تقول عليها كوله

الطماطم قوطه

نقطة تنظيم بس علشان كله دخل في بعضو :blush2:

جبنة رومي ------------> جبنة تركي

ممبار ------------------> عصبان

أحمد أو محمد ------------> أحما أو محما :lol: (هي منتشرة بس مش كله بيقولها)

أوطه ------------------> طماطم

[elfakhrany]

اسمها انت بتتمألت عليا مش بتتأملت !!

أسف واللهى كانت غلطة مطبعية بتتمألت صح مظبوط :blush2:

[الجدار]

بلدياتك س س هو اللي مروق على الشرقاوية يا سيدي .. وياريت تبقى تقولنا على الاختصار ده بيرمز لإيه ش . ك . ع ؟؟

....................

يابو علي كده إحنا حندخل في صراعات محلية :blush2:

:lol:

[elfakhrany]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

بلدياتك س س هو اللي مروق على الشرقاوية يا سيدي .. وياريت تبقى تقولنا على الاختصار ده بيرمز لإيه ش . ك . ع ؟؟

:blush2: ش ك ع شرقاوى كريم عظيم

[الجدار]

جومة -----> استيكة

اول مره اعرف ان الاسكندرانيه من اصول فرنسيه

جومه جايه من كلمة جوم يعني استيكه بالفرنساوي

كان معايا واحد بورسعيدي في الشغل زمان في السعوديه و كان بيحاول يفهمني ان لغته الانجليزيه ممتازه معرفش ليه؟

يعني كنوع من المنظره خصوصا واني اصغر منه

المهم

كل شويه يهبدني كلمتين انجليزي ملهومش حل

لغاية ما في مره قاللي انت ايه الشامبو اللي بتستعمله؟ (طبعا كلمة شامبو بتفخيم الباء و الشين) :blush2:

قلتله عادي اي حاجه

قاللي انا بحب قوي استعمل شولدر اند هولدر :lol:

طبعا يقصد هد اند شولدرز

و مره تانيه

قاللي يابو حميد (بفتح الياء) انت بتحب انهي نوع مكرونه (بفتح الواو)؟

قلتله اي حاجه

قاللي انا اكتر نوع بحبه المكرونه الاسباجيتور جميله قوي

ولما ركب الدش (الساتالايت يعني) قاللي انا ركبت الدش بنفسي يابو حميد

مفيهوش حاجه

تجيب الطبق و تحط الهيد فورن و خلاص (يقصد الفيد هورن)

و هكذا لخبطلي ام الانجليزي اللي اتعلمته

كل ما افتكر مرادف جديد حقولكم عليه و نبقى نفتحله موضوع بإسم مفردات عم احمد البورسعيدي في الكلام الانزليجي

والله ضحكتني يا عم زهيري الله يفتحها عليك

حلوة الهيد فورن دي :hi:

[HDarwish]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

بلدياتك س س هو اللي مروق على الشرقاوية يا سيدي .. وياريت تبقى تقولنا على الاختصار ده بيرمز لإيه ش . ك . ع ؟؟

ش ك ع شرقاوى كريم عظيم

:blush2: :lol:

[se_ Elsyed]

ممبار ------------------> عصبان

زهره زهره ... هو أنا فهمت الأولانىه لما تقوليلي التانية ؟

الممبار نعرفوه ... اللي بييجي مع الكرشه ولحمة الراس والحركات ..

إنما والله العظيم النضارة ما جايبه الكلمة التانية .. هي عصبان بالباء ولا عصيان بالياء ؟

يعني لو روحت إسكندرية ودخلت مسمط أقول له :يابو حمد وحيات والدك نزل لي جوز كوارع مع شوية كرشه وكتر العصبان ؟ فهايفهم العصبان على إنها ممبار ولا هايبقى منظري إيه ولا أجيب معايا مترجم بيفهم في لغة الأشارات ؟

-------------

قاللي انا بحب قوي استعمل شولدر اند هولدر

قاللي انا اكتر نوع بحبه المكرونه الاسباجيتور جميله قوي

تجيب الطبق و تحط الهيد فورن و خلاص (يقصد الفيد هورن)

( زهيري من ساعة ما راح كندا وبقى دمه خيفي المضروب ... يا ترى ده تأثير التلج .. ولا تاثير أنفلونزا الخفافيش ؟ )

عارف يا زهيري .. إن لو حد فضل يتكلم ويقول الحاجات دي قدامي ؟

والله العظيم بينسيني أصل الكلمة إيه هههههههه

------------

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

طيب خدوا شوية المصطلحات دول وابقوا اقابولنى لو عرفتوها

النكز ؟؟

شين طوشيه ؟؟

الشريق ؟؟

صميت؟؟

عاد ؟؟

يا سنه سوخه يا ولاد ..

انا فى عرض المجمع اللغوي ...

إنت حسستني يا عنابي يابني إني شرقاوي متقفل في المنطقة الحرة بدبي ..

إيه الحاجات دي ؟

قول بقى معانيها أحسن تكون الكلمات دي نزلت جديد وبعدين لما أدلى البلد ما عرفهاش ...

طب تعرف الفرقله = كرباج ... كنا وإحنا عيال عفريت صغيرين .. بنجيب أعواد الكتان اللي بيتزرع .. ونقشر اللحاء من على العصايا او العود الأصلي وندفره دفاير زي شعر البنات .. ونربطه في العصايا ويبقى كرباج رهيب .. ولسوع البشر يا معلم ..

انا كنت شخصيه مؤذية قوي ... كان عندي كيف أجيب العصبان قصدي العصيان - الله يسامحك يا زهره ... وأسخنها في الفرن لحد ما تولع وألسع بها الحيوانات .. خصوصاً الجواميس لإنها كانت ضخمه وبتستفزني وبأحس جنبها إني قزم ..... تفتكروا كنت شخص سيكوباتي ؟

بس ربك يُمهل ولا يُهمل ... مره عملت كده .. وبنفس العصايا المولعه ... وروحت جاي على سطوح خالي .. وكانوا مربيين نحل ... وعلى فكرة خلية النحل هما بيبنوها من الطين بشكل بيضاوي وبيسيبوا فاتحه صغيرة يدخل منها النحل ...

أسكوتش أنا بقى ؟

إزاي ؟ روحت جايب العصايا ودافسها في الخليه ... شوفتوا أفلام الكارتون بتاعت توم وجيري لما النحل يجري ورا توم اسراب أسراب وينزلوا فيها قرص حتى بعد ما ينط في الترعه ؟

انا خدت كمية قرص ساعتها يا مؤمنين .. يا نهار مش فايت

هناك بقى عندهم طريقة عجيبة لعلاج القرص .. بيجيبوا طينه ويفضل يحط على مكان القرص ... لحد شكلي ما كان عامل زي بطل فيلم الوحل ...

هيييه أيام ..

مره تاني ... كُنت كييف قوي ركوب حمير وعامل فيها الفارس احمد مظهر في فيلم وا إسلاماه لما كان بيركب الحصان ويقعد طول الليل يدور على جهاد وهي ساكنه في الفيلا اللي جنبهم ..

المهم مره صِعب عليه الحمار لإنه كان على لحم بطنه من الصبح وما أخدش أي درنك ولا اكل أي كرواسون ... .. ولأني كنت مرهف الحس وعضو عامل في جماعة الرفق بالحيوان ... فنزلت غيط من غيطان الكرنب - يا سلام لو كنت لقيت شوية رز وخلطه محشي .. كنت أكلت الحمار احلى محشي كرنب وفضلت ألف له صوابع - المهم فضلت ألم له في كرنب .. ألم له في كرنب .. واقول له كُل يا حبيبي .. والله إنت مظلوم في الدنيا دي وبتستحمل بلاوي ...

اتاري ما حدش قال لي إن دايماً غيطان الكرنب بيرشوها دي دي تي عشان الحشرات باين .. ما علينا ..

والمسكين اكل منها .. وهههههههههههوب إتقلب على ضهره من هناهوت وماحطش منطق ..

انا قلت الكرنب كبس على نفسه إو ده حمار روهيف وما بيحبش المحشي .

وجريت ناديت خالي ... اللي شاف المنظر وكان هاين عليه يحط البردعه عليه بدل الحمار .. لإن الحاجات دي هي راسمال أي فلاح ..

وراح جري جاب الدكتور البيطري .. اللي عمل غرفة عمليات ميدانية وفضل يعمل لها غسيل معزه .. قصدي غسيل معده ... وأنقذوا المسكين الحمد لله على أخر نفس ... وأنا فاكر قعد ييجي إسبوع ما ينزلش الشغل - الحمار مش خالي - فترة نقاهة يعني ..

من ساعتها لو أي حمار مات من الجوع قدامي ما بامدش إيدي بلقمه واكله .. احسن يتبلى عليه .

وكمان استقلت من جمعيه الرفق بالحيوانات .. وأتحجبت وقعدت في البيت

[واحد تاني]

اسمها انت بتتمألت عليا مش بتتأملت !!

في رواية بتتمألس

وفي رواية ببتريق

وفي رواية بتتمسخر

وفي اخرى بتطنز :blush2:

بتألس -----> بتتريأ :lol:

(فتح الهمزة وتشديد اللام مع كسرها)

اسكندرية