منين يا بلديات؟

[metwallly]

طب تعرف الفرقله = كرباج ... كنا وإحنا عيال عفريت صغيرين .. بنجيب أعواد الكتان اللي بيتزرع .. ونقشر اللحاء من على العصايا او العود الأصلي وندفره دفاير زي شعر البنات .. ونربطه في العصايا ويبقى كرباج رهيب .. ولسوع البشر يا معلم ..

سين سين سؤال على الماشى كده متأكد إن اللى كنت بدفره ده كتان!!!!!!!!!!!!!!!!!!!!!!!!!!!!!!

هو الكتان عليه لحاء!!!!!!!!!!!!!

تم تعديل 31 مايو 2009 بواسطة metwallly

[mandoo]

طب تعرف الفرقله = كرباج ... كنا وإحنا عيال عفريت صغيرين .. بنجيب أعواد الكتان اللي بيتزرع .. ونقشر اللحاء من على العصايا او العود الأصلي وندفره دفاير زي شعر البنات .. ونربطه في العصايا ويبقى كرباج رهيب .. ولسوع البشر يا معلم ..

سين سين سؤال على الماشى كده متأكد إن اللى كنت بدفره ده كتان!!!!!!!!!!!!!!!!!!!!!!!!!!!!!!

هو الكتان عليه لحاء!!!!!!!!!!!!!

ها ها ها ها ها الحاج متولى ده مجرم :sad:

يالا يا س س رد وفهمنا بقى الموضوع إيه ، بس ياخوفى يا أبو الأسيان ألا تكون بتقوم كل يوم الصبح ،،،، وبتجيب شوية ميه مبلوله وتسأسأهم بشوية ميه زياده ،،وبعدين بتجيب علبة حليب المراعى( إكسباير )واخد بالك من إكسباير دى وتاخد بؤ وتلف حوالين الميه وتقول " ياحليلة ياحليلة " خمس مرات وتلاقى نفسك هوب رازعنا إفتكاسة زى اللى قفشك فيها الحاج متولى :sad: :sad: :sad: وإحنا ياعينى على نياتنا وبنصدق

[ابو محمود]

زمان ايام الجيش كنت اعرف الصعايدة من لهجتهم وكان لنا زميل ينطق اللهجة مختلفة وعندما سألت عرفت انة من جرجا على ما افتكر وكنت تعرف كلامة وكثيرآ ما نضحك من كلمة بيكون فيها حرف ال ج

كلمة .. جردل تنطق دردل

جاروف تنطق داروف

بس بصراحة ناس ذوق ذوق

[عنبو]

ايه ياجماعه انتوا جيتوا على الشرقاوه ليه كده طيب راعوا شعور اخوكم هو مافيش الا انا شرقاوى هنا بس ؟؟؟

طيب خدوا شوية المصطلحات دول وابقوا اقابولنى لو عرفتوها

النكز ؟؟

شين طوشيه ؟؟

الشريق ؟؟

صميت؟؟

عاد ؟؟

وسلاموز

ايه ياجماعه هى الكلام صعب كده ده احنا لسه فى الاول طيب

النكز ... العصايه اللى بيضرب بيها الحمار

الشريق .... الزجاج المكسر

صميت........ البأصمات

عاد ... دلوقتى وهو لفظ يقال عند الالحاح على شخص عند الذهاب لمشوار كأن تقول يلا بقى عاد يعنى يلا بقى دلوقتى

شين طويشه .... يعنى وحش ارميه

[se_ Elsyed]

طب تعرف الفرقله = كرباج ... كنا وإحنا عيال عفريت صغيرين .. بنجيب أعواد الكتان اللي بيتزرع .. ونقشر اللحاء من على العصايا او العود الأصلي وندفره دفاير زي شعر البنات .. ونربطه في العصايا ويبقى كرباج رهيب .. ولسوع البشر يا معلم ..

سين سين سؤال على الماشى كده متأكد إن اللى كنت بدفره ده كتان!!!!!!!!!!!!!!!!!!!!!!!!!!!!!!

هو الكتان عليه لحاء!!!!!!!!!!!!!

وأنا إيش دراني ... ما هما اللي جالوا لي ؟!!

هو أنا كنت عالم زبديات عشان عارف الفرق بين الكتان وتيل ناديه ؟

العيال كانوا بيقولوا لي ده كتان .. يبقى خلاص .. أهل الشرقية أدرى بكتانها .

وبعدين أنا مالي كان كتاف ولا صوف .. أهم حاجه إنه كان كرباج بيلسع وخلاص ..

[زهره]

ممبار ------------------> عصبان

زهره زهره ... هو أنا فهمت الأولانىه لما تقوليلي التانية ؟

الممبار نعرفوه ... اللي بييجي مع الكرشه ولحمة الراس والحركات ..

إنما والله العظيم النضارة ما جايبه الكلمة التانية .. هي عصبان بالباء ولا عصيان بالياء ؟

يعني لو روحت إسكندرية ودخلت مسمط أقول له :يابو حمد وحيات والدك نزل لي جوز كوارع مع شوية كرشه وكتر العصبان ؟ فهايفهم العصبان على إنها ممبار ولا هايبقى منظري إيه ولا أجيب معايا مترجم بيفهم في لغة الأشارات ؟

السلام عليكم يا س س

عصبان بالباء و فيه ناس بتقول ممبار و ناس بتقول عصبان و اعتقد ده راجع ان فيه كتير من اهل اسكندريه اصولهم من محافظات مجاوره

[mffaswan]

من قاموس قرية الرديسية بحري شمال مدينة أسوان و قرب مركز إسنا ..

كان يزاملني في السكن أيام الدراسة .. زميل في احدى كليات جامعة حلوان .. و الولد ده كان ولد زي الفل .. راجل و طيب و خلوق .. بس مشكلته الرئيسية .. لسانه .. كان محتاج إعادة تثبيت للسوفت وير gt: .. الولد ده كان بيتكلم كلام .. ماتعرفوش عربي ولا اردو ولا سواحيلي .. و لما كنت أسأله .. كان يقولي ازاي انت مش فاهم اللي أنا باقوله !! و بكل استغراب كان يقعد يتريق عليا علشان مش فاهم ..

بالله عليكم .. شوفو الشوية دول.. و قولولي ممكن تفهموا منهم ايه !!

ادّفّس !

أتجغّص

تسلّي

الماعون

الكبابي

زبّطت

أجمل ما كان في الولد ده .. إنه بيحب الحيوانات .. وكان معاه صورتين لحيوانين مربيهم .. الأول قطة اسمها عبد الجبار .. و مش عارف ليه مسميها كده .. و الثاني حمارة اسمها بوسي :blink: !!!!!!!!!!!!!!!!!!!!!!!!! و بوسي دي بقى هي معشوقته (كأنك معاك عربية تشارجر مثلاً موديل 2010 و بتنام و تقوم تحلم بيها) .. هو بقى كان على طول يقول .. فينك يا بوسي .. و ياريتك معايا هنا .. و ياريتكم تشوفوه و هو بيبص للصور بكل حنين و شوق للقياهم لما يرجع بلده !

اقترحنا عليه يبعت يجبها زيارة للقاهرة .. على اساس انه هينيمها معاه في اوضته .. لكن صعب عليه يمرمطها في غياهب المدينة!

و على فكرة .. في قريتين جنب قرية الرديسية بحري اسمهما الكلح ، و كلح الجبل.. و يكنى أهلهما بالكلوح .. و العجيب .. إن بعض الكلمات غير مفهومة لدى الطرفين .. يعني كلوح الجبل بيقولوا كلام ..ممكن باقي الكلوح مايفهمهوش .. و بالطبع .. الردايسة مش بيفهموا كل كلام الكلوح .. و العكس صحيح ..

من قاموس بعض من قرى أسيوط ..

يالا جاي .. يعني لسه جاي

عمروح .. هاروح

عميجي .. هايجي

من قاموس أسوان المدينة .. (معظم الجيل الجديد لم يعاصر هذه المصطلحات)

متلتلت (لتلتة) .. تعبان و مطحون (تعب و قرف)

كشامة (اندثرت تقريباً مع آخر جيل جدود) .. ياللعار !

المواصلات .. سيارات الأجرة

ياجي .. ييجي (يأتي)

ياخي .. يا أخي

كهين .. قديم

تعال جاي .. تعالى جمبي :)

أما النوبيين (حبايبي) .. فهم يتكلمون لغة غير العربية .. و للعلم فهي صعبة التعلم ..

أفتكر جملة شهيرة كنا دايماً بنرددها على سبيل الضحك مع اخوانا النوبيين لما تاخدهم الجلالة و ينسوا انهم وسط ناس مش نوبيين .. و يتكلموا نوبي .. كنا نخش في الموضوع و نقول (أيه أيه (يعني أيوة أيوة تأكيداً على كلامهم) .. دبوس مكنيبو دخل في كسّاح كاجنا) على سبيل الدعابة .. يعني كأننا بنقولهم نحن هنا يا بشر !! :lol:

[pink rose]

و انا واقفة باطبخ افتكرت الكلمة دي ما هو الشئ بالشئ يذكر :rolleyes:

عندنا في اسكندرية بنقول سدق ... في القاهرة بيقولوا سجق

صح كده :D

تم تعديل 1 يونيو 2009 بواسطة remo

[واحد تاني]

و انا واقفة باطبخ افتكرت الكلمة دي ما هو الشئ بالشئ يذكر :rolleyes:

عندنا في اسكندرية بنقول سدق ... في القاهرة بيقولوا سجق

صح كده :D

صح كده :P

وبنقول كمان

سافوليا

وشراغيش

وبطاطا

ومرجان

وفراخ

وموسى

(طبعا كل ده سمك)

وكمان

مياس

ودنيس

ووقار

وريتسا

وجندوفلي

[pink rose]

و انا واقفة باطبخ افتكرت الكلمة دي ما هو الشئ بالشئ يذكر :rolleyes:

عندنا في اسكندرية بنقول سدق ... في القاهرة بيقولوا سجق

صح كده :D

صح كده :lol:

وبنقول كمان

سافوليا

وشراغيش

وبطاطا

ومرجان

وفراخ

وموسى

(طبعا كل ده سمك)

وكمان

مياس

ودنيس

ووقار

وريتسا

وجندوفلي

حد ينسى ام الخلول برضه

:P

[واحد تاني]

حد ينسى ام الخلول برضه

:D

ياعيني عليها مع الطحينة :rolleyes:

وعشان الاخوة من الدول الشقيقة

انظر الشكل المرفق

[elshafey]

جومة -----> استيكة

أما بتوع الأرياف دول علهيم حركات ؟

والله أول مره أعرف

ودي بتتنطق ولا بتتكتب بس زي الهيروغليفية يا معلم ؟

أيوه يعني لما واحد أسكندراني يكون جنبي في اللجنة وعايز أستلف منه أستكية في إمتحان الجبر .. أقول له إديني جمعه ؟

ولا اشاور له زي البنتومايم ؟

-----------

خد شويه شرجاوي بقى ...

بعضشي ............. ( حسب الله بعضشي ) يعني بعض الشيء .. شويه يعني او some بالإنكليزية

إيهييي إوعى كده ملخت الكم ...... إحنا ما بنقولش كده بس كده على بالي لما حد يشد التاني من كم الجلابية فيملخها او هايقطع الكم ويبقى راجل نص كم ..

عمنول ........... مشهورة عندنا يعني العام الماضي ...

غادي ......... هناك there يعني

لدينا بعض القرى في محافظة الشرقية بتنطق الكاف شين وأوقات كتيرة بيشبكوا فيها تاء كمان ... يعني كلب = تشلب

تخيلوا ؟

أيووووووووووووووووووووووه شكلك كده هتخلينا نمنعوك من دخول السكندرية يا خويا .....

والنعمة ده إحنا نفسولك كاوتش العربية ونيموهالك علي الارض لو دخلت إسكندرية

في القاهرة : قل قوطة ولا تقل طماطم :lol: :blink:

وبرده في القاهرة لما بتكون في حاجة حلوة تلاقي الشاب من دول يقولك (( جامدة آخر حاجة)) :blink:

تم تعديل 2 يونيو 2009 بواسطة elshafey