سؤال عن تصريح السفر والجيش

[Dr.mmfriend]

السلام عليكم ورحمه الله

انا عندى سؤال مهم جدا

دلوقتى انا واخد تاجيل من الجيش تحت الطلب من يناير 2007 وحتى يناير 2010

حاليا انا بالسعوديه وناوى انزل اجازة بس وانا راجع تانى لازم اخد تصريح سفر

السؤال دلوقتى ينفع انزل فى سبتمبر 2009 ولا مش هعرف اخد تصريح سفر؟؟

طيب دلوقتى انا اشتريت تزكره من مصر للطيران على النت ودفعت الفلوس بالكريديت كارد

لو مش هينفع انزل مصر ارج فلوسى ازاى؟؟؟

ارجو الافاده ضرورى ضرورى

والسلام عليكم ورحمة الله

[roka]

اللى أعرفه من أيام سفر جوزى أنه قبل نهاية اللإعفاء أو التأجيل ب6شهور مش بيدوا تصريح سفر

لكن لو حضرتك أجازتك كبيرة ممكن تنزل وتعمل الإعفاء النهائى وتخلص من الالموضوع ده خالص بس الموضوع ده بيأخد وقت وخالى برضه من الأفضل حد من قريباك يروح الهايكستب بصورة من الإعفاء وهما يقلوله التفاصيل

أما بالنسبة لتذكرة الطيران فأنا أعلم والله أعلم أنك ممكن ترجعها وبتخسر مبلغ صغير لكن أنا أعرف المعلومة دى بالنسبة للكاش أما عن الطريق النت مش عارفة

يارب أكون قدرت أفيد حضرتك بأى معلومة

[Dr.mmfriend]

شكرا للرد

بس انا مش عارف انزل مصر ولا افضل هنا

عاوز حد يكون متاكد يأكدلى المعلومه بتاع الجيش ده

وشكرا

[ahlawycatalony]

شوف يا غالى

بالنسبه للتأجيل

مادام ما خدمتش جيش

واخدت تاجيل 3 سنين

يبقا تنزل عادى

وانتا مسافر تستخرج تصريح سفر فى نفس اليوم

خلاصه الكلام..

طول 3 سنين التأجيل

سافر كيفما تريد

ولكن كل مره تيجى مصر وانتا مغادر لازم تصريح السفر..

وبعد الثلاث سنين بتاخد الختم البيضاوى على الجواز..ومش بتحتاج تصريح سفر للابد.

بالتوفيق

[Dr.mmfriend]

شكرا جزيلا لحضراتكم

ان شاء الله ربنا يقدم الى فيه الخير

انا بعتت حد سال فى مصر برضه وقال مفيش مشكله

والحمد لله على كل حال

شكرا جزيلا