هما عاوزين ايه بالظبط

[عنبو]

امبارح وانا اقاعد بتفرج على برنامج واحد من الناس الى بيذاع على قناة دريم ولقيتهم مستضفين عادل الامام طيب ايه علاقة ده بده معرفش اينعم البرنامج جميل وبيعرض حالات تخلى الواحد يتقطع من جوه عن الناس دى وازاى حكومتنا البهيه سايبه الناس دى بس انا بستغرب ايه علاقة عادل امام بالناس دى وبعدين المذيع بيساله بيقوله انت ايه رايك فى الحجاب ياعم هو ماله ومال الحجاب وايه دخل الحجاب فى الحاجات دى يقوم التانى يرد يقوله انا مش معترض على الحجاب بس ميجيش حد يقلى ان لبس الحجاب فريضه او لو ملبستوش يبقى حرام عليا !!!!!!!!!!!!!!! بجد ضغطى ارتفع وكنت هكسر التليفزيون ولولا ان التلفزيون مش بتاعنا اساسا ؟؟

وبعدين بيقولك مهو انت بتلاقى البنات المحجبات لابسين معرفش ايه واقال كلام مش هينفع اقوله فى هذا المنتدى المحترم

انا بجد معرفش هى الناس دى عاوزه ايه وبعدين بيقول انا بقيت الاقى ان فيه تفرقه فى مصر يعنى تلاقى المسلمات محجبات والمسحيات مش محجبات لا لا فيه تفرقه وكده اخونا المسحيين هيشعروا بالتفرقه وسكت

انا معرفش الناس دى ايه اللى غايظها من الحجاب هما عاوزين ايه ؟؟

ياخى احترم سنك وشيبتك وبعدين يعنى هما عاملين يقولوا لازم نحترم عقيدة الاخرين اوك اسلامنا بيامرنا ان احنا نحترم عقدة الاخرين والحمد لله انا ليا اصحاب مسحيين وبعاملهم معامله محترمه جدا

طيب طالما انتوا عاوزين نحترم معتقدات الاخرين مش من الاولى ان الاخر يحترم معتقداتنا يعنى الحجاب فريضه على المراه فى الاسلام زيه زى الصلاه والصوم طيب ليه انتوا بتحاربوا الحجاب ؟؟ بجد معرفش

طيب انا بتعجب يعنى البرنامج كويس بس ياريت يكون الناس اللى بتقدم البرنامج يكون على اقد المسؤليه وبلاش يبقى الموضوع كله دعايه وفلوس يعنى يبقى فيه شوية انسانيه مش علشان نعمل دعايه للبرنامج نجيب ناس حشر على الفاضى علشان نبيع اعلانات ونكسب لا لازم نحترم المشاهد ونحترم مشاعر الناس والا ابقوا اقول لنا ان دى سببوبه وخلاص وانتوا عاوزين تاكلوا عيش وسيبوكم بقى الكلام الفاضى ده

طيب برضه حاجه غريبه البرنامج كان بيتكلم عن منطقه فى بورسعيد اسمها زرزارا وطبعا اهالى هذه المنطقه يعيشوا حاله ماساه حقيقيه

وبعد عرض المشكله على التليفزيون نفاجاء ان السيد المبجل محافظ بور سعيد واقال انهم هيوفروا سكن للناس حوالى 3000 شقه وان شركه من شركات المقاولات حتتولى تشطيب الشقق طيب المفروض ان الشقق دى كانت موجوده امال كانت فين من زمان والناس اللى ماتوا من الفئران دول مين الى هيعوض اهاليهم انا بجد بستغرب على الناس دى ازاى بيجى ليها ضمير تنام وهى سايبه ناس زى دى

على العموم انا معدتش هقول غير حسبى الله ونعم الوكيل نعم المولى ونعم النصير

[سهل جدا]

حينما أرى عادل إمام مستضاف في أحد البرامج المعروفة أتذكر قول رسول الله صلى الله عليه و سلم :

(ستأتي على الناس سنون خداعة

يصدق فيها الكاذب ويكذب فيها الصادق ويؤتمن فيها الخائن ويخون فيها الأمين

وينطق فيها الرويبضة قيل وما الرويبضة قال السفيه يتكلم في أمر العامة)

تم تعديل 30 مايو 2009 بواسطة سهل جدا

[elfakhrany]

فعلا أنا مش عارف عادل امام مالة ومالنا اليومين دول ولا حد مسلطه علينا ؟؟؟

شوية الاقيه بيتكلم فى السياسة والحزب والوطنى والأخوان ... وشوية بيتكلم فى الدين والحجاب والمسلمين والمسيحيين .. لو هو عايز فعلا يساهم ويساعد الشعب المصرى يبقى يرحمنا من أفلامه ومن المناظر الخليعة ومش عاوزين منه حاجة تانى .. والعيب مش عليه العيب على معدين البرامج اللى بيحطو أسئلة ملهاش علاقة بالشخص اللى مستضفينه المفروض يسألوه عن ايه اللى قدمه للشعب المصرى.

[sherifhfm]

حينما أرى عادل إمام مستضاف في أحد البرامج المعروفة أتذكر قول رسول الله صلى الله عليه و سلم :

(ستأتي على الناس سنون خداعة

يصدق فيها الكاذب ويكذب فيها الصادق ويؤتمن فيها الخائن ويخون فيها الأمين

وينطق فيها الرويبضة قيل وما الرويبضة قال السفيه يتكلم في أمر العامة)

:lol:

دى من اكبر مشاكلنا مش فى مصر بس ولكن فى العالم الاسلامى كله

كله واحد بيفتى على مزاجه وهواه وكل واحد بيتكلم فى اى حاجه سواء يفهم فيها او ميفهمش

انا مش عارف مين عادل امام اساسا علشان المذيع يسأله عن الحجاب

على فكره ممكن اصلا يكون عادل امام نفسه هوه الى حاطت الاسئله بتاعت المذيع

ربنا يرحمنا

تم تعديل 30 مايو 2009 بواسطة sherifhfm

[Ahmed Unknown]

حينما أرى عادل إمام مستضاف في أحد البرامج المعروفة أتذكر قول رسول الله صلى الله عليه و سلم :

(ستأتي على الناس سنون خداعة

يصدق فيها الكاذب ويكذب فيها الصادق ويؤتمن فيها الخائن ويخون فيها الأمين

وينطق فيها الرويبضة قيل وما الرويبضة قال السفيه يتكلم في أمر العامة)

انا بتفق مع حضرتك فى الكلام ده عادل امام فعلا سفية و ليس لدية من العلم او المعرفة ولا الذكاء ولا القدرة على الحوار لأن يتكلم فى امور الدولة او السياسة او الدين او غيره

يا ريت نلاقى كل واحد بيتكلم بس فى اللى بفهم فيه عادل امام ممثل فذ و احد ملوك الكوميديا فلماذا يحاول التدخل فى الدين و السياسة و فى الامور المعيشية

و الله انا شايف انها مش غلطته دى غلطة البرنامج اللى بيستضيفه للتحدث فى مثل هذه المواضيع

[ozoozo]

احنا المفروض مانتضايقش خالص عادل امام ده مجرد مهرج يطلع يطنطط ويعمله كام شقلباظ في افلامه واحنا نتضحك عليه وخلاص ومافيش مشكله لو حدفناله شويه سوداني وموز وبنفس المنطق ده بتفرج علي اي برنامج بيكون فيه

[sherifhfm]

حينما أرى عادل إمام مستضاف في أحد البرامج المعروفة أتذكر قول رسول الله صلى الله عليه و سلم :

(ستأتي على الناس سنون خداعة

يصدق فيها الكاذب ويكذب فيها الصادق ويؤتمن فيها الخائن ويخون فيها الأمين

وينطق فيها الرويبضة قيل وما الرويبضة قال السفيه يتكلم في أمر العامة)

انا بتفق مع حضرتك فى الكلام ده عادل امام فعلا سفية و ليس لدية من العلم او المعرفة ولا الذكاء ولا القدرة على الحوار لأن يتكلم فى امور الدولة او السياسة او الدين او غيره

يا ريت نلاقى كل واحد بيتكلم بس فى اللى بفهم فيه عادل امام ممثل فذ و احد ملوك الكوميديا فلماذا يحاول التدخل فى الدين و السياسة و فى الامور المعيشية

و الله انا شايف انها مش غلطته دى غلطة البرنامج اللى بيستضيفه للتحدث فى مثل هذه المواضيع

اخى معلش اختلف معاك فى موضوع عادل امام ممثل فذ واحد ملوك الكوميديا

عادل امام ليس فذا ابدا وليس ملك الكوميديا والا على نفس المقياس فليكن شعبان عبد الرحيم امير الغناء العربى

ليس معنى ان الظروف خدمت البعض ليصل لمستوى معين وبمساعدة الاعلام فى عمل هاله على شخص ما ان يكون هذا السخض مميز فعلا

ممكن تقول عادل امام ملك الاسفاف والكوميديا الرخيصه والكلام الفاضى لكن ملك الكوميديا لا اظن

[عنبو]

اللى يستحق ياخد لقب ملك الكوميديا هو ذالك الشخص الذى يستطيع ان يدخل الفرحه على عائله منكوبه هو الذى يستطيع ان يساعد شاب فى بداية حياته ويدخل على حياته كلها الفرحه والسعاده

من الاخر اللى بيساعد الناس ويقدم مساعدات للناس هو ده بجد اللى يستحق ياخد لقب الكوميديا مش تقلى فلان الفلانى

طيب حضرتك جرب انك تقعد تتفرج على فيلم من افلامه وتكون عندك مشكله ولا متنكد وشوف ايه شعورك ؟ طبعا لا هتعرف تضحك ولا هتعرف تنبسط من الاخر احنا اللى بنبقى عاوزين نضحك واحنا اللى بنبقى عاوزين ننبسط

وبعدين فيه فرق شاسع بين الضحك والفرحه الضحك ده صوت ممكن يتعمل والله اعلم باللى فى القلب لكن الفرحه مصدرها القلب

تخيل مدى السعاده اللى بتبقى فيها لما تلاقى واحد وانت فى عز المحنه تلاقى واحد بيمدلك ايده علشان يساعدك ويخلصك من اللى انت فيه

سلام

[pink rose]

اللي اعرفه و افهمه ان اسئلة دينية تسأل لمفتي او لشيخ ازهري او لداعية اسلامي لكن لا مؤاخذة عادل امام دا موقعه ايه من الاعراب عشان عمرو الليثي يسأله عن الحجاب من منطلق ايه السؤال يعني؟ عادل امام بقى مفتي الديار المصرية و لا ايه؟

انا مش عارفه بصراحة ايه الاستهبال دا ممثل سفيه و مبتذل و معظم افلامه سفالة و قلة ادب دخله ايه هو بالدين عشان يفتي و يقول الحجاب مش من الفرائض هو حر مقلع مراته و بنته حسابه عند الله لكن ما يطلعش في برنامج عام يبدي رأيه في كلام الله

ايه حرقة الدم دي احنا ناقصين بلاوي ما كفاية اللي احنا فيه قال عادل امام قال

تم تعديل 30 مايو 2009 بواسطة remo

[بركة]

سياسات متناقضة جدا لقناة دريم عامة من أول منى الشاذلي والست هيفا

الى عمرو الليثي والغير محترم عادل إمام .......

ياريت يعرفوا يدخلوا الضيف المناسب في البرنامج المناسب , يعني الواحد لما يتابع برنامج

اسمه واحد من الناس ويلاقي حالات انسانية من الناس وبتفكرو بربنا و نعمه التي لا تعد وبعدين يلاقي

المستفز ده طالع يتكلم في البرنامج هو ده من الناس بردو ولا من ........!

أنا أول ما عرفت أنه هيطلع قلبت البرنامج ..

وأرجو أن المقدم يرحمنا من الناس دي وخلينا في الناس الطيبة اللي من أهلنا واللي بنتشرف بيهم..

تم تعديل 30 مايو 2009 بواسطة بركة

[eTiger]

عادل إمام بيفتي في الدين وكمان في السياسة وعامل نفسه أبو العريف في كل حاجة !!!!

الحلقتين الوحيدتين اللي ماشوفتهومش من البرنامج ده هي الحلقتين اللي استضاف هذا النكره .

كمان الحقير ده اتكلم عن خلاف أيمن نور مع مراته واستغل الفرصه طبعا واصطاد في الميه العكره اللي زي وشه عشان ينافق جمال مبارك ويقول إنه أقدر على حكم مصر من أيمن نور أو غيره.

زي ماقولتلكم أنا ماشوفتيش الحلقتين وحرام أضيع وقتي في مشاهدة هذه التخاريف لكن الجواب بان من عنوانه وعرفت اللي هيتقال من الإعلان عن الحلفة.

بصراحة الواحد كل مايحاول يعجب بمقدم برامج معين ويبدأ يحترمه تلاقيه دخل في سلة النفاق والمصلحة الشخصية.

ربنا ينتقم من كل المنافقين النفعيين والمتسلقين اللي بهدلوا البلد.

[محمد افندى]

حسبى الله ونعم الوكيل

ماله عادل امام ومال الدين اية مؤهلاته عشان يفتى فى الدين ويقول على حاجة معروف فى اسلامنا انها فرض بس العيب مش عليه العيب على الاعلام الفاسد وكله واحد عاوز يلملع نفسه

[مسافر زاده الخيال]

شاهدت جزءا من الحوار خاصة عندما ذكر قصة ان (وزير الصحة في المغرب لم يكن يعامل جيدا في الفندق المعد لاستقباله من ناحية سرعة تنفيذ الطلبات....حتى قال للعمال انه صديق عادل امام....ففجأة انقلب التجاهل الا اهتمام بالغ بوزير الصحة فاصبحت المأكولات والمشروبات تأتي تباعا -حتى ولو لم يطلب-على حس الاستاذ عادل امام) بعدها قلبت القناه.........................

((لي لي موقف ضد او مع عادل امام...ويظل اول ممثل اعرفه وشاهدت اول فيلم في حياتي -وانا اربع سنوات-له))

[سكر]

انا بقى عكس كل المحاوريين

تم الاستفادة من هذا الحوار الى اقصى حد

لان حرامنا المصون كانت بتفرج على البرنامج

وكانت فرصة انى اوضح لها من هو عادل امام من خلال

اجاباته السطحية والتى تقترب من التفاهة

[mffaswan]

يا أخي .. اللي بيقول إنه كوميديان أو ملك الكوميديا .. من فين ملك الكوميديا ..

هو طلع في ضربة حظ .. لا أكثر ..

ولم أرى له فيلم واحد .. يحمل مضمون عليه القيمة .. هذا إن وجدت له أفلام ذات مضمون !!

و بعدين كل أفلامه لا تدور إلا في فلك الهلس و الفساد .. ولا أنسى دوره في فيلم عمارة يعقوبيان .. و كم كنت أتمنى أن تدخله أخته السجن أو تقتله بسبب أفعاله المشينة .. هذا هو عادل إمام في كل أفلامه .. و ربما في حقيقته !!

حسبنا الله و نعم الوكيل

[SAW]

يا جماعة معظم الفنانين "إذا كانوا فنانين من أصله" عندنا مجرد أدوات للسلطة تستخدمهم السلطة لعمل بالونات إختبار أو جس نبض أو محاولة تغرير و إقناع - أما القليل منهم ليس كذلك مثل عبد العزيز مخيون و شوية خالد الصاوي - طبعا "المشبوه" أو " الهلفوت" أثر على الشخصية المصرية تأثير بالغ السوء من أول ما بدأ يقوم بالبطولة فجعل معظم المشاهدين يتعاطفون مع مجرم أو قاتل أو سفاح و ده طبعا لتعلقهم المسبق به و أيضا معظم أفلامه هي نفس الفكرة اليتيمة واحد من بيئة متواضعة بطريقة ما و في الغالب غير شرعية يحقق أهدافه بجمع مال كثير أو نفوذ أو سلطة ده غير طبعا الأفلام المسروقة بالحرف و غير البطولة النادرة و القوة الجبارة اللي يضرب كف يموت مية و ألف - و بعدين الراجل عايز يأمن مستقبل ولاده من بعده - الشخص ده دمر حاجات كتير فعلا مستغلا شعبيته - و بعدين يا جماعة قاع الهاوية و الإنحطاط اللي الدولة وصلتله حاليا ده أفضل مناخ لهؤلاء - يعني معتقدش هنشوف فن محترم في ظل كل هذا الغبار.

و اللي يضليقك كمان شوية لاعيبة الكورة الكسر اللي يقولك كنا عايزين علاء و جمال يبقوا موجودين و لا مشعارف إيه - الله يحرقكوا يا أخي!!! - أما أنتم شوية منافقين بجد - بس محدش يقدر يمدح المعارضة طبعا لأنه مبيتكلمش في السياسة إنما اللي فات ماكانش سياسة.

يا جماعة مفيش مكنسة عملاقة خشنة يقدر يمسكها 80 مليون واحد؟؟؟!!!

[محمود محمد رشوان]

اخوانى فى الله

نحن المصريين

دعونا الله ان يرزقنا بإماما عادل

فابتلنا الله ب"عادل الامام"

وهو والله الاعادل الاإمام

حسبى الله ونعم الوكيل