مسخرة اعلام ساويرس وميمي جمال

[nizza la bella]

من زمان وانا قرفان من ساويرس واعلامه

انما كدة بقت خل

الله يخرب بيت ساويرس على الفنطاس ع العالم دي

يا حسام

بلاش خراب البيوت

علشان الراجل دة فاتح بيوت كتيرة

[حسام يوسف]

والله انا آسف على الكلمات دي

بس بجد حاجة تفقع ساويرس وعباس وشوية العالم الحرامية دول

مش كفاية السرقة والثروات اللى مش فوق مصدر الشبهات

لكن كمان هيخربوا القيم اللى لسة فاضلة

بجد كنت أتمنى الناس دي تتأمم

[وليد صفوت]

السلام عليكم،..

لا لم اتفرج و لكن صُدمت من المشهد الغير متوقع فى اول الفيلم و حولت القناة لآنه هناك وازع دينى عالى يمنع من مشاهدة عاهرات على الشاشة "المصرية" فى افلام تم بثها فى التاسعة مساءً، دعك من ان المفاجأة نفسها جعلتنى ابادر بالسؤال عن تلك القناة جيداً و عرفت ان هذا هو ما يحدث فيها كل اسبوع مساءً. ذلك لم استعجب من ميمى او غيرها.. فهو "اقل واجب" يجب ان يُتخذ مقارنةً بما شاهدته.

تحياتى،

[وليد صفوت]

السلام عليكم،..

اذا دخلتكم على لينك القناة على النت ستجدوا شعار القناة على اليمين... طبّال و رقّاصة !!

لا عجب..

[fatfouta]

انا بصرحة مش بطيق القناه دى وبالذات البرنامج الرخم بتاع صباحك سكر زيادة ده اللى بيستضيف ناس بغرض انهم يغيروا ثقافة وفكر الناس بشكل هما عاوزينه

والمذيعين بقى بتوعه اعوذ بالله تحس انهم بالذات اللى اسمه اشرف ده اللى دايما يلمح انه واد امور والناس هتتجنن عليه ولا مروان بقى واستخفاف دمه وكارين فهمى ورنا عرفه وغيرهم وحاجة صعبه بصراحة

وانت زعلان ليه يا دكتور حسام؟ طب ده كانوا بيجيبوا برنامج اسمه (فى الكادر) البرنامج ده كان بيعرض افلام قصيرة لمخرجين حديثى التخرج تقريبا او موهوبين واللى بيمثلوا ناس كده مش عارفة جايبنهم منين ... اقسم بالله اول حلقة منه انا مش عاوزة اقولك الفيلم كان فيه ايه وعاااااادى جدااا المناظر عادى وبيعرضوها وده بقى مش بعد الساعة تسعة ولا حاجة لا ده كان بييجى يوم الجمعة والساعة اربعة العصر يعنى عشان الناس كلها تتفرج

انا مش عارفة لسه بييجى ولا اختشوا وبطلوا يعرضوه لانى بقالى كتير مش متابعة القناة الرخمة دى

معلش ماتحرقش دمك وماتتفرجش عليها وخلاص

تم تعديل 2 يونيو 2009 بواسطة fatfouta

[لولا]

هية البلد ناقصة؟

ولا المشرحة ناقصة قتلى؟

لأ طبعا البلد مش ناقصه ..

ولا المشرحة ناقصه ..

ممكن نغير المحطة ...

تحياتى

لولا

السلام عليكم،..

ممكن كمان ندفن راسنا فى الرمل. هذا هو الوجه الاخر من جملتك يا استاذة لولا. تغيير المحطة ربما يكون الحل الامثل عند مشاهدة قناة اجنبية تبث شيئاً مبتذلاً. أما أن تكون قناة تدعى مصريتها فهذ غير مقبول.

وعليكم السلام يا استاذ وليد ..

الحقيقه لم افهم ابدا على اى اساس حملت كلمتى "ممكن نغير المحطة ... " هذا المعنى :

ممكن كمان ندفن راسنا فى الرمل. هذا هو الوجه الاخر من جملتك يا استاذة لولا

قرار تغير المحطة ياعزيزى هو فعل ايجابى كما آراه وليس فعل سلبى ودفن للرؤس فى الرمال كما اتهمتنى .

وهو نفس ما فعلته حضرتك عندما قلت :

و لكن صُدمت من المشهد الغير متوقع فى اول الفيلم و حولت القناة

فلماذا حولت القناة ؟!

وهل بتحويلك القناة التى كان فى احد مشاهد فيلمها خروج دفنت رأسك فى الرمل ؟!

حضرتك تقول :

تغيير المحطة ربما يكون الحل الامثل عند مشاهدة قناة اجنبية تبث شيئاً مبتذلاً. أما أن تكون قناة تدعى مصريتها فهذ غير مقبول.

اذا كان قرار تحويل المحطة غير مقبول بالنسبة لحضرتك ان نقوم به فما هو المقبول كحل سريع وفورى ورده فعل عفوية ؟!

لو عدت لمداخلتى الأولى ستجد اننى قلت التالى :

نملك ان نسمع و ونفكر ونحكم وننتقد حتما عندما يكون الطرح فيه خروج عن المقبول او المنطقى ..

واجدها اخطأت فعلا فيما قالت هذه المره لأنها لم يكن يجب ان تحكم بمقايسها الشخصيه ولكن بالمقاييس التى تراعى العقول والمنطق والدين

وستجد اننى كنت اسأل عن اجابه المذيعين على مكالمه الشابه التى اتصلت للنقد وشرح رسالة الإعلام لأننى وجدتها تصرفت بطريقه

ايجابيه تتناسب مع ظروفها بان استطاعت الإتصال ..

ولكن عندما لا نستطيع الإتصال للنقد المباشر الحى نملك النقد كما نفعل هنا وهذا ما وضحته كما يظهر لك فى الإقتباس السابق من كلامى ..

واعود فأقول ..

ونملك ان نغير المحطة ..

هذه القنوات قائمة على نسبة المشاهده كما تعرف وحجم الإعلانات وكل فرد يملك القرار ان يشاهدها من عدمه

وعن نفسي اصنف نفسي من المقلين جدا فى متابعه التلفزيون ولكنى اتابع على هذه القناة كلما استطعت برنامج "صباحك سكر زياده "

وارى فيه اطروحات ايجابيه كثيره تابعتها واعتقد اننى لو كنت شاهدت ربما فيلم السهره هناك الساعه التاسعه لكنت لاحظت انها لا تنقح المشاهد

الخارجه قبل العرض وهو امر غير مقبول طبعا .

ان تغير المحطة لأنك لمحت مشاهد فاضحة واقول انا عن حوار فيه ما يستفز الشعور العام اذا لنغير المحطة لا يعنى اننى اروج لثقافه

"هلموا لندفن رؤسنا فى الرمال كما قلت !!"

تحياتى

لولا

[وليد صفوت]

السلام عليكم،..

بدايةً أنا لمحت كلمة "اتهمتنى" فى مداخلتك و هذا ما لم افعله يا سيدتى.

ثانياً: تحويلى أنا للقناة فى وقت عرض فيلم فاضح يختلف عن تحويلك انت لنفس القناة فى وقت عرض برنامج فيه نسبة مشاركة من الجمهور.. ففى حالتى لم اكن باستطاعتى ان اصلح الوضع فى لحظة عرض الفيلم و كل ما كنت املكه وقتها هو ارسال استفسار محمّل بالعتاب على بريد القناة الاليكترونى و قد فعلت.. أما لو كنت انا فى وقت عرض مهزلة صباح كل يوم هذة، فإذا كان بامكانى الاتصال و تعديل هذا الحوار المبتذل (ترسيخاً لمبدأ شخص له خبرة فى تعديل الحوار المبتذل ليصبح ايجابى) فالأفعل، و اذا لم يكن فى استطاعتى فابمكانى ان ارسل رسالة اليكترونية على عنوان البرنامج لتُقرأ على الهواء أو ما شابه، أما إن لم يكن فى استطاعتى كل ما سبق فقد فعلت الحل الامثل وقتها.

هذا هو الفرق بين الموقفين. و على العموم نحن لا نختلف على قضية جوهرية حتى يحتد الحوار و لا ارجو له ذلك إذ اننا نتفق على نفس المبادئ و لا اختلاف بيننا فى امر هذة القناة.

تحياتى.

تم تعديل 3 يونيو 2009 بواسطة وليد صفوت

[لهيطه]

ميمي المقروض السن ليه حكمه مش كده والا ايييييييييييييييييييييه