اتعلموا المرور بقى ..

[فــيــروز]

أفادت دراسة هندية بأن حركات شرطي المرور الذي يعمل على تسهيل حركة السيارات في بعض الطرق، تعمل على استنفار السائقين ودفعهم لارتكاب المزيد من الحوادث المرورية. ومن هذا المنطلق استعانت إدارة شرطة منطقة تشيني الهندية بأحد الراقصين المعروفين في المنطقة، لكي يدرب رجال الشرطة على القيام بحركات لطيفة، لتلطيف نفوس السائقين وتهذيب أمزجتهم •

عاوزين من ده فى شوارع مصر المحروسه على الاقل الناس فى المواكب و الزحمه تلاقى حاجه تسليها

[se_ Elsyed]

أفادت دراسة هندية بأن حركات شرطي المرور الذي يعمل على تسهيل حركة السيارات في بعض الطرق، تعمل على استنفار السائقين ودفعهم لارتكاب المزيد من الحوادث المرورية. ومن هذا المنطلق استعانت إدارة شرطة منطقة تشيني الهندية بأحد الراقصين المعروفين في المنطقة، لكي يدرب رجال الشرطة على القيام بحركات لطيفة، لتلطيف نفوس السائقين وتهذيب أمزجتهم •

عاوزين من ده فى شوارع مصر المحروسه على الاقل الناس فى المواكب و الزحمه تلاقى حاجه تسليها

ولذك اقترح ان تتولى فرقة رضا للفنون الشعبية هذه المهم لدينا ... وإذا ماكفوش يبقى نجيب العيال بتوع فرقة البلشوي ....

وبمناسبة البلشوي ... حينما كنت في الشرم الأجازة الماضية وانا في مكتب واحد زميلي جت واحده روسية تعمل في معاه في نفس شركة السياحة وفضلت تكلم أحمد زميلي وانا قاعد زي كوبري 6 أكتوبر ومش فاهم حاجة ومن ضمن الكلام سمعت كلمة بلشوي .. فقولت له هي كانت بتكلمك عن عروض فرقة البلشوي !! فالواد ضحك وقال لي لأ .. دي بتقولي تعالى غير لي اللمبة اللي اتحرقت بتاعت مكتبي علشان انت بلشوي .. وعرفت إن بلشوي يعني ضخم او طويل او كبير .. نفس المعنى ..

قولت في نفسي يا ســلام طب ما هو البلشوي سهل اهو يأخوانا ... والواحد ممكن يكون بلشوي وهو مش واخد باله ...

[Handicraft]

طيب يا فيروز لو السائقين عجبهم العرض وقفوا يتفرجوا لحد ما يخلص حيبقى ايه العمل ؟؟؟

او طبعا نزلوا يشتركو فى العرض وسابوا العربيات شغاله ونزلوا رقص.

طبعا المرور حيبوظ.

علشان كده انا باقترح تزويد عسكرى المرور برق وصاجات وبلطجى علشان بعد ما يعمل الشو الجميل بتاعه يروح يدور على العربيات بالرق علشان يرموا بياضهم ووراه البلطجى بشموة وبكده لما السائقين يلاقوا الموضوع بفلوس حيخدوا العربيات ويقولوا يافكيك وبكده تفضى الشوارع لعربيات جديده.

ونكون بكده اوجدنا شغله شريفه للبلطجية وارتقينا بأداء رجال المرور وعلمناهم صنعه يعتمدوا عليها.

حد عارف ليه زودنا العسكرى بصاجات ؟؟؟؟

[Handicraft]

se_ Elsyed

حينما كنت في الشرم الأجازة الماضية وانا في مكتب واحد زميلي جت واحده روسية تعمل في معاه في نفس شركة السياحة

شرم ايه باشا سلامة الذاكرة مش قصدك ترعة دكرنس اللى فى بلادكم وطبعا واحده روسية فى شركة السياحة دى طبعا الست زبيدة اللى بتوقف فى مولد الشيخ حرحش وبتضرب بالروسية عمال على بطال.

معلهش ذاكرتك خستعت يا باشا عايزلك عمره.

[mnman]

يعيش سي السيد البلشوي ملك اعالي البحار...يا يعيش يايعيش....

رقص مين والناس نايمين.... بقي مش كفاية الحوادث الي بتحصل من السرحان و التوهان ... ممكن يبعتوهم دورة عند طنط فيفي و تبقي كملت ... وكل عسكري يمسك الصجات و التاني طبلة و يحركوا المرور علي واحدة ونصف... و حركني ياجدع.......

[فــيــروز]

آه ..

واضح ان هاندى مش ناسى لسى السيد موضوع الكارت بتاع فيبا و هيلعبوا توم آند جيرى فى الموضوعات

اولا س.س.

اقترح يقسموا البلد مناطق

فرقة رضا تبقى فى المناطق الشعبيه

وفرقة البلشوى تبقى فى مصر الجديده و مدينة نصر

ونجيب باليه بحيرة البط ... قصدى بحيرة البجع فى المعادى مثلا !!

بس انا اول مره اعرف ان سى السيد بلشوى !!

ليه كده بس ده والله انا باقدرك جدا زى اخويا .. لا حول ولا قوة الا بالله

يا جماعه مش لازم الواحد يبقى بلشوى يعنى خلينا راضيين بنصيبنا ولو ربنا عاوز كل الناس تبقى بلشوى كان بلوشهم كلهم بس دى ارزاق ..

هاندى كرافت

تخيل انى امبارح فعلا فكرت ان اكيد اكيد الناس هتقف تتنح وهى شايفه عسكرى المرور الغلبان واقف يتمايل على واحده ونص ومش بعيد يظبطوله الرتم على السقفه و اقتراحك الجميل ده مش ناقصه غير قرد .. عشان بس الشو يبقى كامل و كده ماينفعش من غير قرد .. ايه رايك نقدم الاقتراح ده لادارة المرور؟

السيد العقيد مانمان مدير مرور و مطبات و بلاليع القاهره ..

نحيط علم سيادتكم ان قائدى السيارات و المركبات سجلوا درجة انتباه و فوقان غير طبيعيه من بعد تطبيق سياسة المرور الراقص فى شوارع المحروسه .. عزيزى قائد السياره .. صاحبتك السلامه .. تتر برنامج بالسلامه يا حبيبى اللى بييجى الساعه سبعه ونص

[mnman]

تأكيد لشعار الشرطة الجديد

" الشرطة والشعب في خدمة الوطن"...

قررت أدارة مرور ومطبات وبلاليع القاهرة توزيع عدد 1 طبلة و عدد 1 رق علي كل عربية لمصاحبة عساكر المرور بالعزف وتسير المرور.....

كما قررنا تعين سيادة الملازم فيروز بدرجة ضابط ايقاع مصر الجديدة ...

و السيد رائد س س ضابط ايقاع الحسين و بين القصرين و السكرية و قصر الشوق...

والسيد الملازم هاندي دايما عندي ضابط ايقاع مدينة نصر...

علي ان يكون التجمع يوميا بكلوب محمد علي.....

عقيد طبال منمان....

[فــيــروز]

قررت أدارة مرور ومطبات وبلاليع القاهرة توزيع عدد 1 طبلة و عدد 1 رق علي كل عربية لمصاحبة عساكر المرور بالعزف وتسير المرور.....

تمام ياااااااااااا فندم

ارجو اضافة اقتراح بسيط سعادتك و هو التفتيش على الطبله و الرق تمام مثل التفتيش على طفاية الحريق و اختبارات الامن و المتانه .. شوية حزم بقى

[White heart]

اية اتعلموا المرور بقى .... ما حنا ماشاء الله علينا زى الفل أهوة ... أساتذة....

بطلوا طمع بقى...

تم تعديل 22 أكتوبر 2006 بواسطة White heart

[فــيــروز]

طيب بالذمه بقى .. حد يعرف يجيب الركنه دى !! بطلوا بقى مفيش حاجه عاجباكو ابدا !! :-)

[White heart]

ومن هذا المنطلق استعانت إدارة شرطة منطقة تشيني الهندية بأحد الراقصين المعروفين في المنطقة، لكي يدرب رجال الشرطة على القيام بحركات لطيفة، لتلطيف نفوس السائقين وتهذيب أمزجتهم •

بصراحة موضوع "الراقصين" دة عليه بعض التحفظات!!!!

أنا أقترح حل مناسب جدا ... خاصة لشوارعنا!!!

تم تعديل 25 أكتوبر 2003 بواسطة White heart

[Sysanalyst]

انا برضه عندى إقتراح تانى

http://www.infonegocio.com/xeron/bruno/yesno.html

[White heart]

هايل يا sysanalyst أقتراحك .....

أهو العرض دة لو أبتدوا بيه فى مدارس الأبتدائى عندنا .... هايكون عندنا جيل يقود السيارت بطريقة نوعا ما أفضل عن الجيل الحالى....

تم تعديل 25 أكتوبر 2003 بواسطة White heart

[amir]

هديه للعزيز White heart

http://www.infonegocio.com/xeron/bruno/italy.html

[White heart]

amir كتب:

هديه للعزيز White heart

يا سيدى كتر خيرك ... كلك زوق ... هدية مقبولة منك.....

بس بينى و بينك الهدية دى تناسب العزيز "سكوب" أكتر ...

لأن انا فى الشمال مش فى الجنوب ...و بعدين انا من ساعة ما قلبت الCabriolet بتاعتى لحصان-سيدس دى و انا مرتاح على الأخر .... و الجماعة هنا مبسوطين منى على الأخر! :)

[White heart]

المهم ان صاحب العربيه لحق المركب قبل ما يطلع..... :unsure:

تم تعديل 22 أكتوبر 2006 بواسطة White heart