خروج الأهلى م الكونفيدرالية

[mokhtarelmalahy]

يا جماعه هدوا نفسكم الموضوع مش مستاهل احنا مش احزاب كلنا فى الاخر مصريين والاهلاوى والزملكاوى ممكن يكونوا اخوات او اب وابنه او صديق وصديقه ولازم نركز مع المنتخب عشان نشوفه فى كاس العالم بس ده ميمنعش انى عايز اقول رايى بمنتهى الصراحه وعدم التعصب فى بعض النقاط بصفتى زملكاوى بس مش بيعجبنى الوضع الغلط لافى الاهلى ولا الزمالك ولا اى مكان تانى

اولا النادى الاهلى مع احترامى ليه وماحدش يقدر ينكر شعبيته الجارفه وجماهيريته وبطولاته الا انه فى حاجه غلط بتكرهناس كتير فيه وانا منهم والحاجه دى النادى ككيان مش له ذنب فيها انما ده ذنب القائمين على الرياضه فى الدوله وهو قمه التحيز والدعم اللامحدود للنادى الاهلى فى كل شىء على اساس انه مفيش غيره فى مصر والباقى دول شويه غلابه مالهومش لازمه زى الحزب الوطنى مفيش غيره واللى مش عاجبه يشرب من البحر ولو مش عاجبه تانى يخبط راسه فى الحيطه وغير موضوع التحكيم اللى ممكن يكون نسبى

الدوله واقفه بكل قوه ورا الاهلى لما بيقع شويه الدنيا بتتقلب وافتكر موسم 2004 لما وصل للمركز ال6 فى الدورى وخرج من بطوله افريقيا وانهزم من الاسماعيلى 4/0 فى دورى ابطال العرب وانسحب منها الدنيا اتقلبت و هو نص الموسو والاهلى كان تمام جايز ادارته فعلا قويه بس الدعم من القائمين على الرياضه مفيش نادى تانى بيشوفه وده مرتبط جدا باللى بيحصل لنادى الزمالك لانه 5 سنين واقع وغرقان والمسئولين مصرين انهم يسيبوه واقع وواحد زى حسن صقر عمال يخرب فيه كل شويه ومجالش معينه فى مجالس وحاجه تقرف وده ماينكرش ان اولاد نادى الزمالك مش بيحبوه وكل همهم الكرسى يعنى برضه الزمالك كنادى او ككيان مظلوم من اولاده ومن المسئولين انام التريقه اللى بنشوفها على نادى الزمالك وصلت لان مثلا فى الاذاعه او اى برنامج بيكلموا فلان او علان انت بتشجع ايه وقالم الزمالك كلهم يضايقوا ويقولوا ليه بس كده حد يشجع الزمالك على انه مادى درجه تانيه دى حاجه بتزيد الاحتقان والشغب .... ويوم الاسماعيلى ما وصل لنهائى دورى ابطال افريقيا 2003 امام انيمبا النيجيرى كان اتحاد الكوره وباقى المسئولين ضاربين طناش ولا كان فرقه مصريه فى نهائى افريقيا لدرجه ان رئيس اتحاد الكوره محضرش ماتش العوده اللى كان فى الاسماعيليه

الكلام اللى بيتقال كل شويه من بعض مشجعى الاهلى او من بعض الاعلاميين التابعين ليه ان الاهلى فوق الجميع يعنى ايه فوق الجميع ؟؟؟؟؟ يعنى الباقى يبطلوا كوره ولا يعملوا ايه بالزبط ... ؟؟ .... ولما اتقال كلمه الاهلى فوق الجميع كان القصد منها ان النادى الاهلى فوق الجميع من جواه فوق اى نجم او لاعب او اى حد ممكن يتامر عليه مش انه فوق الجميع يعنى فوق الانديه التانيه والمنتخب

الكلام اللى بيتقال برضه من بعض مشجعى الاهلى ان المنتخب هو الاهلى وان الاهلى هو اللى بيكسب مصر وده ماينفعش يتقال لان اى لاعب يلبس فانله المنتخب لازم يتنسى انتمائه على طول ... ولما حصل صدام بين مانويل جوزيه وحسن شحاته فى بعض المواقف وبخصوص مشكله الحضرى برضه الاهلاويه اتقلبوا على حسن شحاته والمدرب الكبلير اللى جاب 2 امم افريقيا وشرفنا ادام العالم فجاه بقى راجل محظوظ وملوش فيها وماشى بالبركه واسمع ناس تتمنى ان المنتخب يتغلب عشان يتكسر نفس حسن شحاته ....مش عارف ايه ده بجد ليه التفكير ده

القرار بتاع قائمه الموسم 30 لاعب اللى اتعمل للنادى الاهلى وكل سنه يطلع اتحاد الكوره يقولوا هنخليه 25 لاعب و 5 ناشئين

كل سنه يقولوا هنطبقه ويرجعوا فى كلامهم عشان الاهلى يقدر يكوش على كل اللاعيبه وفعلا فى لاعيبه كتير انتهت فى الاهلى ولسه لاعيبه فى طريقها للانتهاء لان هما مش بيجيبوا لاعيبه باحتياجاتهم انما بيقش اللى فى السوق عشان مايسيبش للمنافسين حد ممكن ينافس وجوزيه عمل بطولات كتير وهو راجل مدرب جامد محدش يقدر يتكلم انما جوزيه عمل لفترته وبس يعنى عمل لاعيبه لايامه وبس انما مشى وسابها خربانه معملش حساب بكره بدليل ان قطاع الناشئين فى الاهلى فين وفين لما يطلع لاعب حسام عاشور وشويه لاعيبه ملهمش فيها بعكس الاسماعيلى اللى لا يمتلك اى موارد ومع ذلك بيطلع لاعيبه جامده جدا زى حسنى عبدر به واحمد فتحى وعمر جمال وعبدالله السعيد

والزمالك مليان بلاوى ومقدش انكر ووصل لمرحله وحشه وسلبياته كتير جدا عشام مايتقالش ان انا بهاجم الاهلى بس وانا قلت رايى من غير تجريح ولو تلاحظوا كنت بقول بعض جمهور الاهلى مش كل وياريت محدش يفهمنى غلط ونتناقش بموضوعيه

[ahlawycatalony]

بما ان اخونا سين سين

قام بحذف تعليقى الغير مخالف بالمره يبقى

السكوت من ذهب

عدم الرد على اشخاص

كثره الهزائم المذله لناديهم وفضائحهم فى كل مكان

جعلت اقصى امانيهم رؤيه الاهلى يتعادل

بعد فقد الامل فى فريقهم المهلهل.

بالتوفيق للاهلى ان شاء الله

ولا عزاء لاصحاب القلوب الحاقده

[dawn walker]

كزملكاوى ...الان لا يهمنى الا المنتخب ......لا اهلى ولا حتى زمالك ..يا رب يوفق مصر فى ماتش الجزائر

ولكن هارد لك للاهلى ..وانتظروا الزمالك فى الموسم القادم ان شا ءالله