رمضان رمضان رمضان و الله بعودة يا رمضان

[zamalkawy]

السلام عليكم رمضان على الأبواب مين مستعد لرمضان

دعاء رؤية هلال رمضان

قراءة صورة الفتح مرة او 3 مرات

ثم الصلاة ركعتين و تكون السورة القصيرة بعد الفاتحة هيه سورة الفتح

بعد انهاء الصلاة يتم قراءة سورة القدر 10 مرات

ثم الصلاة على الرسول صلى الله عليه و سلم با اي طريقة 10 مرات

و انشاء الله لن ياتي رمضان القادم الا و معه سعة في الرزق و الصحة و كل شئ

[محمود تركى]

كل عام و أنتم جميعا بخير

[فــيــروز]

شكرا جزيلا على هذه المعلومات القيمه

اللهم بلغنا رمضان

كل عام و نحن جميعا بخير .. وفى راحة بال .. وفى رضا عن انفسنا وعن حياتنا .. اللهم تقبل

[zamalkawy]

شكرا جزيلا على هذه المعلومات القيمه

اللهم بلغنا رمضان

كل عام و نحن جميعا بخير .. وفى راحة بال .. وفى رضا عن انفسنا وعن حياتنا .. اللهم تقبل

اللهم امين

[سقراط المصري]

كل عام و أنتم جميعا بخير

[محمود تركى]

كل رمضان و أنتم بخير جميعا

[بنت شعنونة]

كل سنة انتوا طيبيييييين

ورمضاااااااااان كرييييييم ع الجمييع يارب

[elbana]

كل عام وانتم بخير جميعاً ..

فكرتوني بالفوانيس الصفيح الملون والقزاز واحنا حاطين الشمعة جواها ومولعينها ، وكان الصفيح بتاع الفانوس يسخن في إيدينا ، والقزاز ساعات يطق من سخونة الشمعة ، وإحنا ولا هنا ، كان عندنا إصرار غريب علىالاستمرار ، وكنا نلف على بيوت الحتة (إدونا العادة .. رب خليكو) كل ولاد الحتة بلا استثناء كانوا بيلفوا اللفة دي ، والبيوت بقى يدونا بلح أو حلويات أو ملبس أو أي حاجة المهم ما يرجعوناش إيدينا فاضية .

كانت أيام جميلة ، بنت اختي متربية هنا في الإمارات ، وعمرها ما حضرت رمضان في مصر ، ومن سنتين ، ومع بداية رمضان اشتريت لها فانوس من أحد المحلات المصرية هنا في الإمارات ، ورحت على بيت أختي وأنا سعيد قوي إني جايب لبنتها الفانوس ، والبنت كان عمرها حوالي 6 سنوات أو خمسة وقتها ، المهم مديت لها إيدي بالفانوس وأنا مبتسم وعمالهولها مفاجأة وما اتكلمتش ، لقيتها فضلت تبص لي وتبص للفانوس بمنتهى البرود ، وبعدين سألتني بألاطة شديدة : إيه ده . قلت لها : نعم ياختي .. ده فانوس . قالت لي : بيعملوا بيه إيه . بصيت لأختي اللي كانت فطسانة م الضحك ، وما عرفتش أرد ، ح أقول لها إيه دي .. وسبت لها الفانوس وقلت لها إلعبي بيه ..

وبقيت زعلان ، مع إن الفانوس عبارة عن شيئ يعد هامشي في حياتنا ورمضان جعل للعبادة والصوم مغزاه كشهر كريم لا يخفى على أحد ، بس مش عارف ليه حسيت إني نفسي أرجع مصر بزينب بنتي قبل ما تكبر .

بتغيب علينا وتهجرنا

وبنستناك

وفي السنة مرة تزورنا

وقلوبنا معاك

من إمتى واحنا بنحسب لك

ونوضب لك

ونرتب لك

أخلا رمضان جانا

قولوا معانا

أهلا رمضان جانا

رمضان جانا وفرحنا به

بعد غيابه وبقى له زمان

[إبن مصر]

كل سنه وانتم بخير ورمضان كريم...

يااااااه يا بنا يا اخويا انت لسه فاكر العادات القديمه بتاعتنا اهوه!!!!

بس انا مش هاستسلم الى الواقع الذى يدفع كل تراثنا وعادتنا الاجتماعيه دفعا الى احضان النسيان!!!!

انا السنه دى ان شاء الله مع مائده الرحمن هاعمل حاجه جديده!!!!

اول ما الهلال يعلنوا عنه هاخد بناتى الاتنين فى... فى..... ( اه يا عربيتى ) فى تاكسى والف على الجيران واخلى انجى تهديهم البلح والهدايا وتطلب منهم يدوهوا كمان ولو كلنا عملنا كده يبقى بنحيى عادت ترابط كبيره هاتموت لو سيبناها ...

صح مش كده؟

[فــيــروز]

كل سنه وانتم بخير ورمضان كريم...

يااااااه يا بنا يا اخويا انت لسه فاكر العادات القديمه بتاعتنا اهوه!!!!

بس انا مش هاستسلم الى الواقع الذى يدفع كل تراثنا وعادتنا الاجتماعيه دفعا الى احضان النسيان!!!!

انا السنه دى ان شاء الله مع مائده الرحمن هاعمل حاجه جديده!!!!

اول ما الهلال يعلنوا عنه هاخد بناتى الاتنين فى... فى..... ( اه يا عربيتى ) فى تاكسى والف على الجيران واخلى انجى تهديهم البلح والهدايا وتطلب منهم يدوهوا كمان ولو كلنا عملنا كده يبقى بنحيى عادت ترابط كبيره هاتموت لو سيبناها ...

صح مش كده؟

فكره جميله جدا و ربنا يثيبك عليها خير ثواب :-)

يا ترى بقى انتو ساكنين فين عشان ابقى آجى آخد انا كمان :-)

[mnman]

كل سنة وانتم جميعا بخير و صحة و سعادة.....

[se_ Elsyed]

حرام عليكوا والله ... كل ما أفكر في توبيك تقوموا تبوظوا لي الليلة كلها ... انا كنت مستني رمضان يقرب وأفتح توبيك أسميه "حالوا يا حالو " او " واحاوي يا واحاوي " أيه حاجة من دول وكنت عايز ياهنئكم جميعاص بحلول شهر رمضان اعاده الله علينا جميعاً بالخير واليمن والبركات ..

لكن إن شاء الله من أول يوم رمضان - وانا بأقولها اهو - هاعمل توبيك وأسميه " ذكريات رمضانية " وكل واحد يحكي فيه عن ذكرياته الرمضانية وخاصة ذكريات الطفولة أيام ماكان بيشرب الميه في عز الضهر من الخرطوم في الخباثة ( سامعني ياللي في بالي ) من غير ماحد يشوفه ، أو كان بيسرق لفة قمر الدين من المطبخ ويخبيها تحت مرتبة سريره علشان ياكل منها بالليل وهو بيذاكر ( سامعني يا س س )

[se_ Elsyed]

كل سنه وانتم بخير ورمضان كريم...

يااااااه يا بنا يا اخويا انت لسه فاكر العادات القديمه بتاعتنا اهوه!!!!

بس انا مش هاستسلم الى الواقع الذى يدفع كل تراثنا وعادتنا الاجتماعيه دفعا الى احضان النسيان!!!!

انا السنه دى ان شاء الله مع مائده الرحمن هاعمل حاجه جديده!!!!

اول ما الهلال يعلنوا عنه هاخد بناتى الاتنين فى... فى..... ( اه يا عربيتى ) فى تاكسى والف على الجيران واخلى انجى تهديهم البلح والهدايا وتطلب منهم يدوهوا كمان ولو كلنا عملنا كده يبقى بنحيى عادت ترابط كبيره هاتموت لو سيبناها ...

صح مش كده؟

طب والله العظيم أنت سكر يا أبن مصر ، انا متخيل منظرك وانت رابط دماغك ودراعك بالشاش وماسك إنجي في الدراع التاني وهي لابسه الجلابية الكستور وعمال تضرب بنطه وتلف على الجيران قال أيه بتوزع عليهم بلح وكله كان كيلو ونص بلح من أبو 3 ج واخر النهار ترجع بإشي بلح وإشي كحك وإشي رز وسكر... يعني بإختصار الزوادة بتاعت شهر رمضان كله

[Scorpion]

جري ايه يا ابو السيد... هي المواضيع بقت بالحجز دلوقتي و الا ايه.. صدقني.... نفس الفكرة و نفس العنوان "ذكريات رمضانية" كان في نيتي اكتبهم أول رمضان... بس طبعآ انت حجزت الأول...فالموضوع حلال عليك يا عم.. بس أبقي أحجزلي مداخلتين من فضلك.. و المقدم حبعتهولك كنافة و تمر بلبن...

و بعدين انت يا عم يا أبن مصر.. هي ايه العبارة بالظبط...يعني من غير عربية ماتكتبش الآ مداخلة كل تلات ايام... و حياة أنجي ماتسيبناش كده .. مش عوايدك... يعني ماقلناش عشر مداخلات في اليوم.. بس هي ديتها سطر كل شوية عشان نعرف انك معانا عالخط...

[إبن مصر]

يا ااااه ربنا يكرمك يا سكوب يا رب ويديم المحبه يا اخى العزيز..

س.س

شوف بأه... سلامه فى خييير وخيييير فى سلامه..

كده انا بابقى باشحت بالبت !!!!!!! وبعدين مين قالك انى مربط شاش.. ان قلت اخد البنات فى ال.. ال.... ( اهى اهى اهى ) كان قاصدى السياره.......( اهى اهى اهى) اخدهم فى اى وسيله مواصلات واحافظ بهم على عاده جميله..

طب تصدق بالله انت وسكوب..

انا عيد ميلاد انجى كان الشهر الى فات ..

انا عملت ايه؟؟؟

جبت لعب تكفى العيال الى معاها فى الحضانه وتورته كبيره وجاتوه ورحت عاملها عيد الميلاد فى الحضانه..

اه والله واديت كل العيال الى هناك لعب ..

وكان يوم فى غايه السعاده والمرح ..

والاولاد انبسطوا جدا وترابطوا جدا ..

وبعد اسبوع لقيت انجى بنتى جايه معاها لعبه من الحضانه سالتها عليها قالت لى ان زميلتها باباها عملها عيد ميلادها فى الحضانه ...

وكل اسبوع الولاد بيتعمل لهم حفله زى دى !!!!!

انك تقتنع بفكره وتنفذها بتجد نتائجها فورا..

وانا لما اجيب... اجيب .( اهى اهى اهى ) عربيه هابقى ارد عليكم ..

اه يا امتثال!!!!

( اسم عربيتى كان امتثال )

ابن مصر

[freefreer]

كل سنة و انتم طيبين ..

و ان شاء الله العام القادم تكون شعوبنا تحررت من الديكتاتوريات .. و اصبحت شعوب ناهضة يشار اليها بالبنان ..

و انت يا عزيزى ابن مصر .. الحمد لله على سلامتك .. و ربنا يبدل لك عربيتك بعشر عربيات اخر موديل .. قادر يا كريم ..

[Farah]

كل عام وانتم جميعا بخير

(((((((( اللهم اني صائم ))))))))

شهر رمضان ميداناً لتنافس الصالحين بأعمالهم

ومجالاً لتسابق المحسنين بإحسانهم

وعاملاً لتهذيب النفوس المؤمنة ..

فهو يروضها على الفضيلة ويرتفع بها عن الرذيلة ..

شهر رمضان ..

شهر الحب والوئام ..

فكونوا فيه أوسع صدراً

وأندى لساناً وأبعد عن المخاصمة والشر

فإذا رأيتم زلة فاحتملها

وإن وجدتم فرجة فسددوها

وإن باداك أحد بالخصام فلا تقابلوه بمثله

بل قولوا (( اني صائم )) .