ريشة يعترف : هدف ابوتريكة فى طلائع الجيش غير صحيح

[justtrying]

أيوا كورة - محمد صلاح - على الرغم من انتهاء الدورى و التركيز فى مباريات المنتخب و التى هم أهم إلا أن الحكم محمد كمال ريشة كان له رأى أخر حيث خرج على شاشات التلفزيون ليؤكد أن هدف محمد أبوتريكة فى مرمى الجيش غير صحيح .

وأكد محمد كمال ريشة فى تصريح له على قناة مودرن سبورت 2 أن الهدف الذى احرزه محمد أبو تريكة غير صحيح وأنه تأكد من هذا عندما شاهدة مرة أخرى على الفيديو عقب المباراة .

وأكد ريشة ان هناك اختلاف كبير بين المشاهدة عبر التلفاز و بين فى الحقيقة حيث ان الأمر يتطلب أمرحاسم وسريع ليس عن طريق المشاهدة و التكرار على شاشات التلفاز .

وأوضح ريشة انه لم يقصد مجاملة النادى الاهلى أو مجاملة فريق على فريق آخر مؤكدا انه بشر ووارد له أن يخطيء مثل باقى البشر إلا انه التمس العذر لفريق الجيش فيما فعلوه عقب المباراة .

واشار ريشة ان هناك أخطاء كثيرة يقع فيها حكام دوليون فليس من العيب أن تخطيء ولكن من العيب أن لا تعترف بخطأك .

المصدر: ايوا كورة

[justtrying]

السلام عليكم

طبعا تعقيبا على الخبر

اقول بأن مثل تلك اللعبة السخيفة التي يمارسها الاعلام الاحمر لا تدخل إلا على السذج وما فعله ريشة من مثلك تلك الامور المخطط لها مسبقا لن تدخل على اي شخص يمتلك عقل فاللعبة كانت واضحة جدا لأي شخص وهدف ملغي مئة في المئة ولكن هنقول ايه !!!!!! .. لا يسعني القول لجماهير الاسماعيلي إلا انكم غلبانين وهيه دي مصر تمثيل في فساد في كذب ودجل وظلم وجهل هيه دي بلدنا .. وبإذن الله ربنا مش هيسيب حق حد

لو كان الجون ده كان دخل في الاهلي اقسم بالله لكان على الأقل .. اقل الايمان اتشطب الحكم !!!!!!!!!!!!!! ده غير الدجل الاعلامي الاحمر الي هيحصل ..

[nightmare]

اهدي ياعم Justtrying

ما تعملش في نفسك كده ياباشا .. ما هما كده من زمان , يعني دي اول مرة والا هتكون آخر مرة , ما الاخ محمد فاروق باشا حسب للقديس ضربة جزاء من قبل خط ال 18 ب 10 متر.

دي تمثيلية سخيفة ما تدخلش على اي واحد عاقل , اهداء الفوز للاهلي واهداء ريشة مكافأته بالتجديد له لعام قادم.

عاوز ايه من اتحاد كرة احمر ولجنة حكام حمراء يقودها محمد حسام اللي الغي هدف صحيح لحسن شحاته بداعي التسلل وبسبب الغاء الهدف ده ذهب الدرع للنادي الاحمر , واعلام احمر . , لازم تلاقي اللى انتا شايفه دي , علشان كده عمرنا ما هنتقدم ابدا ولا هنشوف كاس العالم ده الا في احلامنا.

تم تعديل 1 يونيو 2009 بواسطة nightmare

[التونسى]

wst:: :happy:

[الأهلاوي الأصيل]

وما اعترفش بالمرة بضربة الجزاء اللي ما حسبهاش لجلبرتو في نفس المباراة ، وما اعترفش بإنه كان المفروض يطرد دودزي مهاجم الجيش للإنذار الثاني للعب الكرة باليد متعمداً

يالا...عقبال جهاد جريشة ما ضميره يصحى هو كمان ويعترف بإنه غير نتيجة مباراة الإسماعيلي والمصري في اسماعيلية من 3-2 للمصري إلى 3-2 للإسماعيلي بعدم احتساب ضربة جزاء للمصري في الوقت الضايع اتردت بهدف للإسماعيلي ، وبالتغاضي عن طرد داريو كان مدافع الإسماعيلي رغم ارتكابه لأخطاء تستوجب الإنذار التاني والطرد أربع مرات

وعقبال بالمرة مدحت الحوفي ما ضميره يصحي ويعترف إنه حسب جول فاول للإسماعيلي على الاتحاد وما حسبش ضربة جزاء للاتحاد في نفس المباراة وطرد مهاجمه من غير سبب

وعقبال برضه السيد فتحي ، ولا ده مش ممكن ضميره يصحى لإنه ضميره ميت من الأساس

[ابو محمود]

خلو واحد اسمعلاوى يتكلم بلاش انتو مش كفاية تعصب بقى انتو شفتو جون والنتيجة ثلاثة

يناس ربنا يكرمكم .. المفروض يعنى الاهلى يفوت الماتش علشان يبقى زي الزمالك بيفوت هههههههههه

وبعدين الكتاكيت الصفرا لعبت متش فيصل واتغلبت يبقى فين بقى ريشة

ياريت تغنو الدورى ريشة في هوى طيرا بدون جناحين الاسماعيلى اتغلب وانتو عايزين اية الدنيا .. الدنيا

[الأهلاوي الأصيل]

عادي...ما هم بيقولولك الحكم الأسباني طلع هو كمان أهلاوي

خلو واحد اسمعلاوى يتكلم بلاش انتو مش كفاية تعصب بقى انتو شفتو جون والنتيجة ثلاثة

يناس ربنا يكرمكم .. المفروض يعنى الاهلى يفوت الماتش علشان يبقى زي الزمالك بيفوت هههههههههه

وبعدين الكتاكيت الصفرا لعبت متش فيصل واتغلبت يبقى فين بقى ريشة

ياريت تغنو الدورى ريشة في هوى طيرا بدون جناحين الاسماعيلى اتغلب وانتو عايزين اية الدنيا .. الدنيا

[حسام يوسف]

يا جماعة ياريت ننسي كل حاجة

ونفتكر مصر

وحلم الوصول لكأس العالم