لغز محير جدا

[freefreer]

هؤلاء اللاعبين يبدون 12 لاعبا .. و عند تحرك الصورة يصبحون 13 لا عبا .. كيف و اين يختفى لاعب و يعود للظهور ؟؟

[mnman]

بسم الله الرحمن الرحيم......

الظاهر ان ال 12 لاعب مسحورين وكلهم اختفوا....

حابس كابس قالع لابس... اشتاتا أشتوت....

[White heart]

حسنا ....

المفروض ان الصورة منقسمه الى مرحلتين ...

واحدة بعدد 12 لاعب (و هو على ما أعتقد انه الرقم الصحيح)،

و الثانية بعدد 13 لاعب ..... المفروض انه "حركه التنقلات" فى المرحلتين تكون واحدة، و هذا ما لم يحدث مع صاحبنا رقم 1 ...

فهو فى مرحلة ال12 كامل الرأس و ليس فى مرحلة ال13 !!!

و صاحبنا رقم 2 هو المفتاح .... هو اللى تسبب فى "الزيادة السكانية"حضرته فى حركة التنقلات بيفضل بطولة ... ما بيتبادلش مع حد!!! فى حين فى المرحلة الأولى مشارك بس فى جزء بسيط من "حذاء" هايسيبه جدعنه لزميلة!!!!

دة على حسب فهمى المتواضع ....

[حشيش]

لاعيبه دول يافرى ولا هربانين من حكم فى قضية مخدرات !!!!!

[maksoof]

شوفوا بقى يا حضرات: الحكاية كلها إن ال 12 لاعب الأصليين بقوا 13 لاعب أقصر منهم. يعنى زى ما تقولوب كده كل لاعب إتبرع بحته منه عشان يعملوا اللاعب نمرة 13.

الصورة دى توضح العملية: إستبدلت كل لاعب بمستطيل. إطبع الصورة و قصها على الخطوط المنقطة.

إستبدل الجزئين اليمين و الشمال بحيث الجزء رقم 6A يكون فوق 2B و الجزء 1A يكون فوق 8B

عد المستطيلات تلاقيهم بقوا 13 و بقوا أقصر من المستطيلات الأصلية.

يعنى ده بيثبت "قانون بقاء اللعيبة" اللى بيقول:

اللاعب لا يفنى ولا يستحدث من العدم

[freefreer]

انا مش مقتنع .. رغم ان فكرتك ذكية جدا .. الا انى مش مقتنع .. جت منين الرأس رقم 13 .. و اين تختفى؟

[maksoof]

انا مش مقتنع .. رغم ان فكرتك ذكية جدا .. الا انى مش مقتنع .. جت منين الرأس رقم 13 .. و اين تختفى؟

الرأس نمرة 13 متقسمة على الزباين نمرة 1 و 4 و 8 و لو تلاحظ وشهم كلهم بيكش لما يبقوا 13.

يمكن أوضح واحد فيهم اللى على الشمال (رقم 1 فى الرسم بتاعى) لإنه بيفقد جزء من شعره و هو الوحيد اللى ما بيكسبش حاجة لما الصورة بتتغير ل 13 لاعب.

[freefreer]

يا سلااااااااااااام يا واد يا مكسوف .. دانت 100% بسم الله ما شاء الله .. منتهى الذكاء ..

صح كلامك طلع صح 100% .. و لما عرفت الحل (الى حد بعيد) .. و رجعت لردك وجدتك تذكر نفس الدليل اللى توصلت اليه ..

صح فعلا .. مع تعديل طفيف على نظريتك ..

شوف يا سيدى ..

الراجل مصمم الخدعة .. مبعثر اللعيبة فى الصورة .. و يعتبر كأنه بيفكهم و يعيد تركيبهم تانى على مزاجه .. هم 12 .. يفكهم .. و يعيد تجميعهم 13 شخص .. باسلوب معقد حتى لا تجد الحل طبعا ..

و لو كان بيقسمهم الى نصفين متساويين لأستحال عليه تنفيذ الخدعة .. اذ ان 24 نصف متساويين .. كيف تجمعهم 13 شخصا كاملا .. طبعا مستحيل .. كملت الخدعة برسمهم برسم كروكى عبيط .. و هذا من شروط الخدعة .. حتى لا تنتبه للحل ..

هذا الشخص .. بعثر الأشخاص فى الصورة .. و هكذا .. قطع من هذا خصلة من شعرة .. و ذاك ربع وجهة .. و اخر .. نصف وجه .. جذع .. ساقين اقدام .. و نلاحظ هذا التوزيع فى التباين فى حجم التقطيع بوضوح ..

و يعتبر الرجل و كأنة يأخذ هذه الأشطار و يرسم بها رجل يضاف الى الصورة .. ثم يعيد تلك الأشطار الى اصحابها بعد ذلك ..

طيب الآن الصورة تنقسم الى قسمين ..

قسم ايمن به 7 اشخاص .. قسم ايسر به 5 اشخاص ..

دعونا من القسم السفلى من الصورة .. و لنجعل كلامنا عن القسم العلوى الذى ينشطر الى قسمين ..

عندما تنشطر الصورة العلوية .. الى قسمين .. قسم به 7 اجزاء اشخاص و قسم به 5 اجزاء اشخاص .. و تتحرك الصورتين تبادليا لمواقعهما .. و بعد تمام النقل .. نجد ان النصف الأيمن لازال به 7 اشخاص .. بينما النصف الأيسر .. اصبح به 6 اشخاص بدلا من 5 .. .. .. كيف ؟

تنشطر الصورة الى نصفين ..

الأيمن به 7 اجزاء شخص .. (احدهما شخص كامل .. خلو بالكم ..هوه الذى يصنع الفرق) ..

الأيسر به 5 اجزاء اشخاص .. يتحرك هذا الجزء الأيسر .. ليكمل 5 اشخاص من النصف الأيمن ..

الأيمن يتحرك يسارا .. و عندما يستقر .. يكمل شخصين من النصف الأول من الصورة .. (خلو بالكم .. النصف الأيمن به 7 اشخاص .. الشطر الأيسر غطى 5 اشخاص .. و الشطرالأيمن غطى الشخصين الباقيين .. و يبقى هذا النصف كما هو 7 اشخاص ..

ال 7 اشطار استهلكنا منهم 2 حتى الآن .. فى استكمال النصف الأيمن من الصورة .. بقى 5 اجزاء اشخاص .. من ضمنهم شخص كامل .. 4 منهم يغطون 4 من النصف الأيمن .. و يزيد عليهم الشخص الخامس .. و يبقى اول واحد من اليسار .. بدون خصله الشعر التى فقدها .. و التى اكدت و كشفت لى السر .. اذ اين ذهبت .. ؟

نقصانها كشف فكرة ان اجواء من الصورة تختفى و تظهر .. اذ ان الرجل ياخذ خصلة هذا .. على ربع وجه هذا .. على جذع هذا .. على ساق ذاك .. و يستكمل بهم شخص جديد يضاف كعدد جديد على الصورة ..

فعندك خصلة الشخص الأول على اقصى يسار الصورة كدليل .. حد فهم حاجة ؟؟

انا فهمت .. بس يارب اكون قدرت اشرح ..

تحياتى ..

[maksoof]

الله يكرمك يا عم فرى الحكاية مفيهاش ذكاء (إحنا ماعندناش الصنف ده) الحكاية إنى لسة مستلم النظارة الجديدة والظاهر إنها مظبوطة!

اللى عايز يشوف العجب يشترى نظارة من الدكتورة جورجى بس قولولها إنكم من طرف واحد مكسوف عشان تتوصى.

[سقراط المصري]

منك لله يا مكسوف انا مركز مع فري فري في شرحه ،تيجي انت بمداخلتك وتقطع حبل افكاري.

ايوه يا فري فري انا معاك اهو يمن ماشي .. شمال شويه ماشي ... تحت فوق طوالي.

بعد لما قرأت مداخلة فري فري عندي اسئله مش عارف اجاوبها:

انا مين انا ليه انا ازاي ، فوق ولا تحت ، انا ليه ، انا هنا ولا هناك ..................نافوخي يا عالم انا اسمي إيه!!!!

منك لله يا فري فري نستني انا فين وليه وازاي.

صقراط ( بالصاد من عمايلك في)

[freefreer]

هاهاهاهاها

و الله انا عملت المستحيل علشان يبدوا الحل بسيطا ..

و لكن الفكرة نفسها معقدة ..

بس ان شاء الله تكون عرفت الحل .. و بكره الصبح حتلاقى نفسك سقراط تانى ..

و بعدين بلاش تواضع ..