ايه حكاية أبناء العاملين

[حسن الاستاذ]

الجمله دى زادت اوى عندنا فى مصر بقت فى كتير من المصالح والهيئات

ووصلت كمان لتعيينات المدرسين يعنى فى طور سيناء فى مسابقة محتاجين مدرسين فى عدد من التخصصات والاولويه لابناء العاملين والمقيمين انا كنت بقدم قالولى من الاخر متتعبش نفسك .

طبعا أشهر المؤسسات اللى بتتبع الحكاية دى شركات البترول والكهربا وغيرها

بس توصل للتأمينات الإجتماعية ووزاررة الماليه

واحد حيتعين فى التأمينات الإجتماعية وألاقى الناس تقوله يابن الإيه جبتها إزاى ....... اه ده أبوك صحيح بيشتغل موظف بقاله يجى 20

سنه طيب الراجل ده خريج زراعه ايه اللى يدخله فى عمل المحاسبه وخريجين التجارة.

وقريب جدا فى قرار حينزل لأبناء العاملين فى القوى العامله

صحيح نسيت :

ايه حكايه ان موظف التأمينات الإجتماعية مرتبه احسن من مرتبات شركات البترول والكهربا والشركات الخاصه اشمعنا

يعنى عشان حوافزها كتير . . . . .. يعنى ولا ايه اصل بفكر اشتغل فيها أنا وإبنى ان شاءااله بعد ماتثبت فيها ب 20 سنه

شارك برأيك فى موضوع أبناء العاملين وأوعى حد من الأبناء دول يزعل منى كلنا أولاد تسعه

تم تعديل 1 يونيو 2009 بواسطة حسن الاستاذ

[mokhtarelmalahy]

ههههههههه ياراجل حرام عليك تامينات ايه اللى اكتر من البترول وكمان شغلها حلو ؟؟؟

والدى مدير عام فى التامينات الاجتماعيه 56 سنه وبقاله فيها 32 سنه وماطلعش منها غير بالضغط والسكر و القرف والناس الزباله والاسافين والاجواء المريضه بس برضه طلع بحب ناس كتير ودعوات الغلابه اللى بيساعدهم لوجه الله واهو كله عند ربنا

ووالدتى برضه فى التامينات ...... شغل التامينات زيه زى اى حكومه متعب ومقرف وروتين طبعا مش مجهود القطاع الخاص بس بجد اجواء شغل زى الزفت ولانسبه للفلوس مش عارف بالزبط هما يعنى فى العادى اللى يتعين فى الاول بكالوريوس تجاره مثلا ياخد حوالى 600 جنيه وبعد كام سنه تلاقيك بتاخد 750 او 800 توتال ومكافاتهم نوعا ما كويسه بس برضه شغل حكومه من الاخر مايفتحش بيت ...... مليش فيه لدرجه ان اويا كان بيقولى اعينك فيها ماردتش اصلا انا فى تجاره دخلت اداره اعمال عشان ابعد عن الحكومه وقرفها والقطاع اللى بحب شغله التسويق والمبيعات فى القطاع الخاص

[حسن الاستاذ]

حد هنا متعين من ابناء العاملين يكلمنا