اخيرا .. حاجة في مصر تشرف بجد

[Ahmed Unknown]

كتب أحمد الليثي - lموقع مصراوى

وصلتني منذ عدة ايام رسالة بالبريد الاليكتروني تحمل هذا العنوان "اخيرا: حاجة في مصر تشرف بجد".

وعندما قرأت العنوان اعتقدت ان الرسالة تتضمن صور ساخرة او عبارات تتناول الاوضاع السيئة المنتشرة في بلادنا - وما اكثرها - والتي اصبحت مجالا خصبا لسخرية الكثيرين، المصريين منهم قبل غيرهم.

لكن ظني خاب عندما فتحت الرسالة حيث وجدتها تتضمن صورا لمبنى الركاب الجديد رقم 3 بمطار القاهرة الدولي.

وللحق فإني فوجئت بروعة التصميم ودقة التنفيذ والشياكة والفخامة الواضحة في كل صورة.

وفي البداية لم اصدق ان هذه الصور لمطار مصري واعتقدت انها لمطار اوروبي او امريكي، لكن احد اصدقائي اكد لي ان اخته هي المهندسة التي قامت بتصميم الديكورات الداخلية للمطار.

وقفزت في ذهني فكرة، لماذا لا نتناول في موقعنا نماذج مشرفة وايجابية مثل هذه.

لماذا لا يعرف كثير من الناس مثل هذه النماذج المحترمة الجديرة بالتقدير والاتباع؟

اننا طوال الوقت نتحدث عن نماذج سيئة ومخجلة في مصر حتى اصاب اليأس والاحباط الكثيرين، واعتقد اننا في حاجة الى تناول بعض الاشخاص والاماكن والانجازات وحتى المواقف التي تدعوك للفخر بأنك مصري.

شاهد الفيديو

وبجانب الاهتمام بكشف الفساد وفضح المقصرين ومحاربة الاهمال فاعتقد اننا - ايضا - في حاجة إلى تسليط الضوء على مثل هذه النماذج الايجابية لعلها تكون سببا في بث روح الامل في نفوس البعض، حتى يسترد هذا الوطن مكانته التي يستحقها، لأنه بصراحة يستحق افضل من هذه المكانة بكثيييييييير.

سيقول لي احدكم، وماذا سيفعل نموذج ايجابي او اثنين وسط مئات النماذج السيئة السلبية؟

اقول لك، هل تتذكر فوز منتخب مصر لكرة القدم بكأس الامم الافريقية، الم يكن هذا الفوز سببا في ان يفتخر المصريون بانتمائهم لهذا البلد.

الم يدفع الملايين لرفع علم مصر فوق بيوتهم وفي سياراتهم ورسموه على وجوههم ووجوه اطفالهم؟

هاتقولي الحكومة بنت ستين في سبعين، هاقولك عارف، وبنت تمانين في تسعين كمان يا سيدي.

هاتقولي الفساد في كل حتة، هاقولك عارف وبعاني منه زيك بالظبط.

هاتقولي الاوضاع في البلد زفت ومفيش فايدة، هاقولك لأ .. اختلف معاك .. دائما هناك امل، مهما كانت الاوضاع سيئة، والا نموت ونخلص، لأن الحياة من غير امل مالهاش لازمة.

واخيرا، اكرر ان الاشادة بالنماذج الايجابية المشرفة لا يتعارض ابدا مع تسلط الضوء على النماذج السلبية، بل يجب ان نركز على الامرين معا بشكل متواز تماما كالطائر الذي يطير بجناحين، لا يمكن ان يستغني عن احدهما.

اه، كنت هانسى، اسيبك بقى تتفرج على شوية من الصور بتاعة المبنى الجديد في مطار القاهرة ، وقول رأيك بصراحة، بذمتك مش حاجة تشرف بجد؟

مبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرةمبنى الركاب 3 بمطار القاهرة

رابط الموضوع

[Ahmed Unknown]

باقى الصور

[اسماعيل امين]

فكره جميله الله ينور عليك

ياريت الي عنده حاجه حلوه يفرحنا حتي لو كانت بسيطه ذي حلاتي احسن الواحد قرب يتخنق

فكره جميله .

[اسماعيل امين]

اسف الصوره البسيطه السابقه لميدان الرمايه بعد تطويره وقد اصبح اكثر سهوله ويسر في حركه المرور

بالمناسبه فيه شويه كباري جميله يتم العمل فيها في محور 26 يوليو انت قادم من مدينه 6 اكتوبر ومحور المنيب بجوار منطقه ابو الهول خساره ماعنديش صور ليها اه السمعان نصف الشوفان (بالبلدي المكسر ).

وفي منطقه شعبيه مزدحمه في امبابه يتم تنظيم الشوارع فيها منذ شهر ونصف ورفع العشوائيات بطريق عقلانيه وسفلتت الشوارع ورصفها .مره تانيه السمعان نصف الشوفان . فكره جميله ياريت تستمر .اللي جنبه شباك يفتحه .

[mokhtarelmalahy]

انا دخلت الصاله المطار رقم 3 دى من سنه ونص وهى لسه بتتبنى مع اخويا اللى بيتشرف انه كان مهندس التخطيط للشركه اللى ماسكه القوائم المعدنيه للمطار كله ASEK ARESCO والقوائم المعلقه اللى انتم شايفنها دى كلها هو ه وزملاؤه الللى منفذينها وتعبوا فيهم جدا جدا والشركه المنفذه للمشروع ككل كانت تقريبا شركه تركيه اسمها تاف TAV بس بجد بقى حاجه تشرف

[elshafey]

عقبال مطار إسكندرية......

اللي علي رأي واحد اللي هو انا (( مطار أوضة وصالة وعفشة ميه))

[اسماعيل امين]

عقبال مطار إسكندرية......

اللي علي رأي واحد اللي هو انا (( مطار أوضة وصالة وعفشة ميه))

---------------------------

اخي العزيز الموضوع من البدايه بيقول عوزين شويه هوا (حاجه تشرف )اتخنقنا من الاخبار المحبطه

حضرتك ذهبت الي نقابه الصحفيين بجوار دار القضاء العالي مبني جميل رائع تم بناؤه من عامين تسلم ايد من شارك فيه.

ماشفتش حاجه حلوه انت وراكب العربيه بين المحافظات

[اسماعيل امين]

اثناء سفري من القاهره الي احدي المحافظات بشكل متكرر .لاحظت تزاي لجان المرور واتباعها لطرق جديده مثل لجنه وخلفها للجنه مرور

بعد مسافه 10 كيلو جهاز الرادار تغير شكله من الكبير سهل الاكتشاف من جانب السائقين الي جهاز صعب اكتشافه اصغر حجم

احد رجال المرور الشرفاء كاد يفقد حياته في مطارده لا داعي لذكرها .

شويه هوا افتح الشباك اللي جنبك .احد المسئولي غير نظام الزياره المفاجئه جعلها مفاجئه فعليا ..

[اسماعيل امين]

في بعض المدن يوجد شجر مزروع بشكل عشوائي بدون تهذيب منذ مده طويله .لوحظ مرور مجموعات من العمال في هذه الاحياء تقوم بتصحيح هذا الوضع الذي لم يتم منذ مده

في بعض الاماكن كان يشاع استخدام الوسطي لو حظ هذا العام شبه انعدام الوسطي

اعضاء المحاورات يتحسسون طريقهم في الانتقال من الافتراضيه الي الواقعيه بتجربه صغيره ولكن ناجحه .

شويه هوا كفايه احباط .امل حتي لو صغير

الحزن والامل تراث عظيم عند المصريين :-

ام مصريه فقدت ابنها شهيد في حرب التحرير عاشت حتي ماتت الله يرحمها علي انه اسير وسوف يعود ).

يوجد بطاله والعمل غير متوفر وبرده الناس في بر مصر تقطع من قوت يومها لتعليم ابنائها عسي الوضع يتبدل .

[الباشمهندس ياسر]

من نجاح لنجاح اشد

[جيمي]

عقبال مطار إسكندرية......

اللي علي رأي واحد اللي هو انا (( مطار أوضة وصالة وعفشة ميه))

---------------------------

اخي العزيز الموضوع من البدايه بيقول عوزين شويه هوا (حاجه تشرف )اتخنقنا من الاخبار المحبطه

حضرتك ذهبت الي نقابه الصحفيين بجوار دار القضاء العالي مبني جميل رائع تم بناؤه من عامين تسلم ايد من شارك فيه.

ماشفتش حاجه حلوه انت وراكب العربيه بين المحافظات

انا كنت عاوز اقول ان الهيصه اللى حصلت فى المطار دى كلها علشان اوباما هيزور مصر بس مادام انتم رافضين اى كلام سلبى تبقى الهيصه دى علشان انا نازل ان شاء الله فى شهر سبعه :blush2: :blush2:

[مسافر زاده الخيال]

صور جميلة جدا,,,,,,,,,,,,وكذلك اعجبت بمطار شرم الشيخ الذي كان رغم صغره رائع التصميم والنظام من قبل رجال الامن على اعلى مستوى

[elfakhrany]

إلى الأمام يا مِصــــــر بسواعد أبنائك الشرفــــاء

تم تعديل 4 يونيو 2009 بواسطة elfakhrany

[mandoo]

والله ياجماعة الواحد حاسس بمنتهى السعادة ويارب مزيدا من الإزدهار والتقدم لمصرنا الغالية ، مصر فعلا عظيمة وناسها طيبين ومخلصين وفيه نماذج كتييييييير مشرفة وبتحب البلد والدليل على كده مانراه بأم أعيننا وياريت فعلا نسلط الضوء على هذه النماذج والتى هى فخر لكل مصرى وعلى رأى الأستاذ إسماعيل أمين ( إفتحوا الشبابيك عاوزين نشم هواء نظيف ) بس ياريت نعلم أولادنا إن مصر دى كبيرة ولازم يحافظوا عليها وأهم من ده كله إنتشار فيروس الحب بين الناس .

إزرع وردة أو شجرة ونظف أمام بيتك وأحب لأخيك ماتحب لنفسك ،،،، وساعتها قول على الدنيا السلام :rolleyes: