الكفيف بلغ عني هروب مع إني مش هربان

[الحازم حسن]

وصلتني معلومات "شبه مؤكدة" من العاملين بمؤسسة كفيلي بأن الكفيل بتاعي قدم فيا بلاغ هروب رغم انه في اتفاق ضمني بيني وبينه بحرية العمل والتنقل في اي مكان بالمملكة.

الحكاية اني اتفقت معاه على إنهاء إجراءات الخروج النهائي في خلال شهرين ولما سألني عن السبب قلت له اني اتخنقت بسبب رفضه لنقل الكفالة وبالفعل سلمته الإقامة وبسبب سوء ظنه اعتقد اني معايه تأشيرة تانية " ويعلم الله اني لا معايا تاشيرة ولا غيره وكنت ناوي أبدأ رحلة بحث جديدة عن عمل وعقد جديد آدمي الشروط من مصر "

وعشان كده قرر انه يقطع خط العودة للمملكة بالنسبة لي نهائياً عن طريق تقديم بلاغ هروب ويسجل لي خروج بالختم الاحمر تمنعني االجوازات من خلاله من الدخول مرة تانية

السؤال دلوقتي : ازاي أتأكد بشكل نهائي انه فعلا قدم البلاغ ده ؟ هل في طريقة رسمية للتاكد من وجود بلاغ هروب في الشخص أو عدمه ؟

كمان سؤال : لو تاكدت فعلا من المعلومة إزاي ارفع الظلم الواقع عليا يعني الغي بلاغ الهروب عشان لو حبيت أرجع تاني ميبقاش فيه مشكلة.

وشكراً

[doha]

لا حول ولا قوة الا بالله

بس برضه معليش لسه في امل ممكن تكون مجرد اشاعه وميكونش الكفيل مبلغ عنك ولا حاجة

انا بصراحة معرفش ايه الاجراء القانوني في الحاله دي او ازاي الواحد ممكن يمنع انه يتعرض لموقف زي ده بس الحاجه الوحيده الي انصحك بيها ان تاكدت فعلا انه بلغ هروب ومفيش لاقدر الله اي طريقة لتعديل الوضع ده والحكايه انكشفت وخلاص لاقدر الله فيها ترحيل يبقى الحل انك تستعديه للقسم امام القاضي بان بلاغه صحيح وانك هربان منه فعلا ..

فاما انه هيرجع عن كلامه عشان ميضطرش يقسم كذب او لاقدر الله يكون ضلالي ويعملها بس ساعتها هيبقى حسابه منه لربنا بقى ويبقى امرك لله كده ..

معليش اصبر ان شاء الله غمه وهتنزاح .. ومين عارف .. لعله خير .

[NavigatorEg]

اخي الكريم ..

اقلب الدنيا لو الموضوع طلع بجد .. يعني اشتكي في مكاتب العمل و في الشرطه و عند بتوع حقوق الانسان لو لزم .. بس حاول تثبت حقك بشكل قانوني ..

و ربنا يكرمك و يوفقك ..

و تقبل تحياتي ..

[aimen]

ان شاء الله خير بإذن الله

اللهم يسر لك امرك يارب

[بندق أفندى]

هو أخد الاقامة ووقع لك على استلامها؟

أو أعطاك صورة من الاقامة عليها ختمه يفيد انه الاقامة فى المكتب من أجل التأشيرة؟

دول الحاجتين اللى يثبتو حقك ..

فيه بقى حاجة اسمها امسك الباطل لحد ما توصل للحق .. لو ما كنتش موقع له على ايصالات باستلام الرواتب اشتكيه ولو قال انك كنت بتشتغل برة هيتضرر فيها بالغرامة 50 الف ريال .. وده معناه انه يدفع لك الرواتب حتى تاريخ بلاغه بالهروب .. واتحمل شوية وهتاخد حقك وهتمرمطه ..

الأفضل ان تكلمه مباشرة وتسأل عن التأشيرة هل استخرجت أم لا .. وبعدين تعطيه الاقامة ليه وانت أمامك شهرين والتأشيرة بتخلص فى يوم واحد .. ثانبا استلامه الاقامة شئ يدينه لأنه ببساطة يستطيع استخراج تأشيرة الخروج النهائى الا اذا أنكر انه استلمها ..

بعد التأكد يجب الاتصال بالمسشتار العمالى للسفارة المصرية

تم تعديل 3 يونيو 2009 بواسطة بندق أفندى

[الحازم حسن]

لا حول ولا قوة الا بالله

بس برضه معليش لسه في امل ممكن تكون مجرد اشاعه وميكونش الكفيل مبلغ عنك ولا حاجة

انا بصراحة معرفش ايه الاجراء القانوني في الحاله دي او ازاي الواحد ممكن يمنع انه يتعرض لموقف زي ده بس الحاجه الوحيده الي انصحك بيها ان تاكدت فعلا انه بلغ هروب ومفيش لاقدر الله اي طريقة لتعديل الوضع ده والحكايه انكشفت وخلاص لاقدر الله فيها ترحيل يبقى الحل انك تستعديه للقسم امام القاضي بان بلاغه صحيح وانك هربان منه فعلا ..

فاما انه هيرجع عن كلامه عشان ميضطرش يقسم كذب او لاقدر الله يكون ضلالي ويعملها بس ساعتها هيبقى حسابه منه لربنا بقى ويبقى امرك لله كده ..

معليش اصبر ان شاء الله غمه وهتنزاح .. ومين عارف .. لعله خير .

والله انا فعلاً كمان حاسس كده ... إن شاء الله لعله خير

جزاك الله كل خير .. ودعواتك

[الحازم حسن]

اخي الكريم ..

اقلب الدنيا لو الموضوع طلع بجد .. يعني اشتكي في مكاتب العمل و في الشرطه و عند بتوع حقوق الانسان لو لزم .. بس حاول تثبت حقك بشكل قانوني ..

و ربنا يكرمك و يوفقك ..

و تقبل تحياتي ..

المشكلة دلوقتي اني ماشي من غير إقامة .. هل ينفع أروح الاماكن دي واشتكي وانا من غير إثبات

أفتكر صعب جداً

[الحازم حسن]

ان شاء الله خير بإذن الله

اللهم يسر لك امرك يارب

كل الشكر ليك يا أستاذ ايمن

جزاك الله خيراً على دعائك

[الحازم حسن]

هو أخد الاقامة ووقع لك على استلامها؟

هوه مبيوقعش على أي حاجة ممكن تدينه

وبالتالي موقعش

أو أعطاك صورة من الاقامة عليها ختمه يفيد انه الاقامة فى المكتب من أجل التأشيرة؟

لا بس هوه اداني صورة من الباسبور والإقامة بختتمه من فترة لغرض تاني وهو استخراج حساب بنكي وكمان قال لي اني ممكن امشي برخصة القيادة وهي تعتبر اثبات

فيه بقى حاجة اسمها امسك الباطل لحد ما توصل للحق .. لو ما كنتش موقع له على ايصالات باستلام الرواتب اشتكيه ولو قال انك كنت بتشتغل برة هيتضرر فيها بالغرامة 50 الف ريال .. وده معناه انه يدفع لك الرواتب حتى تاريخ بلاغه بالهروب .. واتحمل شوية وهتاخد حقك وهتمرمطه ..

لأسباب تانية وهي اني ليه قرايب بيشتغلوا في نفس المؤسسة فأنا مقدرش اشتكيه وهمه كل شوية بيقلوا لي اني هتسبب في ضرر كبير لنا وهوه هددهم بأن أي مبالغ حتخصم عليه من مكتب االعمل في حالة تقدمي بشكوى هيخصمها من مرتباتهم

وعشان كده أنا مش بفضل الطريق ده .. أمر مؤسف لكنه واقع

الأفضل ان تكلمه مباشرة وتسأل عن التأشيرة هل استخرجت أم لا .. وبعدين تعطيه الاقامة ليه وانت أمامك شهرين والتأشيرة بتخلص فى يوم واحد .. ثانبا استلامه الاقامة شئ يدينه لأنه ببساطة يستطيع استخراج تأشيرة الخروج النهائى الا اذا أنكر انه استلمها ..

معلش مكنتش فاكر انه زبالة قوي كده

بعد التأكد يجب الاتصال بالمسشتار العمالى للسفارة المصرية

أوصله إزاي ؟

[بندق أفندى]

انت فى أى مدينة؟

[الحازم حسن]

انت فى أى مدينة؟

في أبها

مافي أبهى من أبها ولا عسير في عسير

[بندق أفندى]

انت فى أى مدينة؟

في أبها

مافي أبهى من أبها ولا عسير في عسير

شوف الأرقام دى واتصل عليها هو فيه واحد مندوب من رابطة المصريين بيكون فى كل مدينة اسأل عن رقم الشخص المسئول فى الجنوب

بيانات عن القنصلية العامة لجمهورية مصر العربية في الرياض

العنوان : حي السفارات – الرياض

ش عبدالله بن حذافة السهمي

ص . ب : 1805 – الرمز البريدي 11441

التليفونات : 4831469 – 4831305 – 4807304

الفاكس : 4810406

صندوق رعاية المصريين : 4808770

المكتب العمالي : 4804643

ارقام تليفونات اخري :

1- سفارة جمهورية مصر العربية في الرياض : 4810464 – 4831367

2- المكتب الاعلامي بالرياض : 4802650

3- مكتب الدفاع بالرياض : 4632616

4- القنصلية بجدة : 6605205

5- المكتب التجاري فى جده : 6680852

6- المكتب العمالي في جده : 6671026

[الحازم حسن]

تتعبتك معايا

ألف شكر

[doha]

متابعة معاك الموضوع والردود لاني متوقعه هحتاجها قريب :blush2:

طالما الوضع كده وان لك اقارب في النص فاعتقد الحل الوحيد للاسف انك تصلح مشاكلك مع الكفيل وديا وامرك لله لو طلع مبلغ فيك فعلا يبقى قدر ربنا ..

انا اعرف ان الناس بتشتكي في الامارة بس ايه تفاصيل الشكوى وتقدمها ازاي للاسف مش عارفه لكن برضه لو اشتكيت هناك فده ممكن يكون فيه ضرر على اقاربك ..

معرفش مازلت بميل الى ان حكايه الشكوى دي مجرد شدة ودن عشان بس تخلي بالك يعني هو مشتكاش لكن بيقولوا لك اسكت بدال مايشتكي .. ان شاء الله يكون الوضع كده ..

وعلى فكره متلومش نفسك انت معملتش حاجه غلط سواء بانك سلمته الاقامه او ماشابه ببساطه لاننا كلنا هنا الكفيل ماسكنا من رقبتنا ولو قال لنا هاتوا اقاماتكم هاتوا حتى عيل من عيالكم مش هنقدر نقول لأه وكونه كفيل معندوش ضمير فدي اكيد مش مسؤوليتك ..

وعلى فكره فكر فيها بطريقة تانيه لو فرضنا حتى انه بلغ فيك اقصى مايحدث ايه؟ هتسافر ؟ وايه يعني .. هتروح بلد تانيه الكويت ولا الامارات ولا حتى ترجع مصر ..

اكيد عدم الاستقرار شيء مش كويس لكن دائما محدش عارف الخير فين فمتزعلش اوي لان ممكن الموضوع مش مستاهل ..

على فكره فانا بكتب لك كل الكلام ده لاني متوقعه الغدر من كفيلنا في اي لحظة خاصه والشواهد كلها تدل على كده ومع ذلك بقول خير لما نشوف هترسى على ايه وكله في الاول والآخر اكيد خير ..

[الحازم حسن]

متابعة معاك الموضوع والردود لاني متوقعه هحتاجها قريب :blush2:

طالما الوضع كده وان لك اقارب في النص فاعتقد الحل الوحيد للاسف انك تصلح مشاكلك مع الكفيل وديا وامرك لله لو طلع مبلغ فيك فعلا يبقى قدر ربنا ..

اكيد عدم الاستقرار شيء مش كويس لكن دائما محدش عارف الخير فين فمتزعلش اوي لان ممكن الموضوع مش مستاهل ..

على فكره فانا بكتب لك كل الكلام ده لاني متوقعه الغدر من كفيلنا في اي لحظة خاصه والشواهد كلها تدل على كده ومع ذلك بقول خير لما نشوف هترسى على ايه وكله في الاول والآخر اكيد خير ..

لله الأمر من قبل ومن بعد

أنا انصح أي مصري معاه أسرته في المملكة وناوي يشتكي الكفيل أنه ينزلهم مصر فوراً لأنهم بيكونوا ورقة ضغط رهبة جداً

كان الله في عون الجميع

[قديم]

راي شخصي .. اولا اتاكد من انه تم التبليغ عنك هروب ..قبل اي اجراء تتخذه.

طريقه التاكـد من التتبليغ بالهروب تشيك علي اقامتك من اي منفذ جوزات ( منفذ حاسب الي )

او المرور او اي جهه اخري . يقدر يشوف اسمك موجود ولا لا.

ولنا عــوده بعد ما تتأكد من البلاغ الكاذب .. واتمني ان لا نعــود

تحياتي

[خالد شحاته]

السلام عليكم ورحمة الله وبركاته

ارسلي رقم الاقامه علي الخاص وانا اكشف عليها

لان عندي برنامج مقيم بيفيد عن كل شي عن الشخص ان كان هروب ولا اقامه منتهيه ولا نقل كفاله

[elfakhrany]

السلام عليكم ورحمة الله وبركاته

ارسلي رقم الاقامه علي الخاص وانا اكشف عليها

لان عندي برنامج مقيم بيفيد عن كل شي عن الشخص ان كان هروب ولا اقامه منتهيه ولا نقل كفاله

جزاكم الله خير وجعله فى ميزان حسناتك smk:

[الحازم حسن]

راي شخصي .. اولا اتاكد من انه تم التبليغ عنك هروب ..قبل اي اجراء تتخذه.

طريقه التاكـد من التتبليغ بالهروب تشيك علي اقامتك من اي منفذ جوزات ( منفذ حاسب الي )

او المرور او اي جهه اخري . يقدر يشوف اسمك موجود ولا لا.

ولنا عــوده بعد ما تتأكد من البلاغ الكاذب .. واتمني ان لا نعــود

تحياتي

طيب ولو اكتشف العسكري ان في بلاغ هروب حيسبني امشي ؟!!!!!

انا مش فاهم

[الحازم حسن]

راي شخصي .. اولا اتاكد من انه تم التبليغ عنك هروب ..قبل اي اجراء تتخذه.

طريقه التاكـد من التتبليغ بالهروب تشيك علي اقامتك من اي منفذ جوزات ( منفذ حاسب الي )

او المرور او اي جهه اخري . يقدر يشوف اسمك موجود ولا لا.

ولنا عــوده بعد ما تتأكد من البلاغ الكاذب .. واتمني ان لا نعــود

تحياتي

طيب ولو اكتشف العسكري ان في بلاغ هروب حيسبني امشي ؟!!!!!

انا مش فاهم

عموما نتاكد الاول زي ما قلت وربنا يسهل