الكفيف بلغ عني هروب مع إني مش هربان

[الحازم حسن]

السلام عليكم ورحمة الله وبركاته

ارسلي رقم الاقامه علي الخاص وانا اكشف عليها

لان عندي برنامج مقيم بيفيد عن كل شي عن الشخص ان كان هروب ولا اقامه منتهيه ولا نقل كفاله

ألف شكر لحضرتك يا أستاذ خالد

لكن تصور الاقامة في جيبي من خمس سنين وعمري ما فكرت اني أبص في رقمها لكن ان شاء الله في خلال 24 ساعة حيكون عندك وحبعت لك رسالة على الخاص.

مرة تانية ألف شكر

[doha]

طمنا ..عملت ايه؟

[وهيج الجبيل]

ريح نفسك وادخل على الرابط دة هنااااااااااااااااااااااااا وحط رقم الاقامة لو طلع لك الاقامة غير صالحة كدة بيكون فية بلاغ هروب

لو كتب الاقامة صالحة خلاص طمن نفسك

بس اللى فهمتة من كلامك ان الاقامة لسة سارية المفعوال عشان برضة لو الاقامة منتهية بيكت نفس الجملة ( الاقامة غير صالحة )

ربنا معك

تم تعديل 8 يونيو 2009 بواسطة وهيج الجبيل

[خالد شحاته]

السلام عليكم ورحمة الله وبركاته

الحمد لله مفيش عليه اي بلاغ هروب

[ozoozo]

اولا مبروك ياستاذ حازم وجزاك الله خيرا ياستاذ خالد

انا من رايي دلوقتي انك تسايسه وماتقولوش انك عرفت انه مفيش بلاغات عشان ما يعندش معاك وباينله انك عقلت ورجعت لعقلك واي كلام تنيمه بيه شهر او اتنين وبعد كده قوله مثلا هانزل اقضي رمضان في مصر وخد خروج وعوده وغير الباسبور علي الفيزا التانيه

[doha]

الف حمد لله ان الموضوع طلع اشاعه..

بس انت دلوقت بقى وبعد ماجربت الوضع هيكون ازاي لو الكفيل بلغ فعلا يبقى تجهز نفسك من دلوقت وتخطط كويس ازاي الوضع ده ميتكررش تاني ابدا..

مش قصدي انك تخضع للكفيل وتستسلم بالعكس ..

ولكن ترتب امورك بالطريقة الي لو لاقدر الله دفعته فيما بعد لتبليغ الهروب تكون انت مأمن نفسك كويس اوي وواخد احتياطاتك بحيث يكون هو الخسران ..

وربنا معاك وان شاء الله متضطرش ابدا لشيء غصب عنك ..