القاهرة مغلقة ....... أمنيا

[Alshiekh]

بمناسبة زيارة الرئيس باراك حسين أوباما الى القاهرة فقد تقرر الآتى والعهدة على ماجاء فى برنامج العاشرة مساءا على لسان مقدمته منى الشاذلى ومن التحقيق الصحفى الذى اجرى بمعرفة دريم 2 مع اهالى وبوابى شارع الخليفة المأمون بروكسى .

قرر جهاز الأمن العام ماهو آت :

فرمان رقم واحد : تغلق جميع المحلات الواقعة على الشوارع التى سيمر بها موكب اوباما

فرمان رقم اثنين : ممنوع تواجد اى كائن حى من القاطنين بدير النحاس ، أقصد القاطنين بشوارع الموكب

فرمان رقم ثلاثة: ممنوع تواجد أى سيارة بشوارع الموكب

فرمان رقم اربعة : ممنوع فتح الشبابيك او البلكونات المطلة على شوارع اوباما

فرمان رقم خمسة : ممنوع تواجد اى آدمى فى الشبابيك او البلكونات المطلة على شوارع اوباما

فرمان رقم ستة : ممنوع ذهاب الطلبة الى جامعاتهم او كلياتهم او مدارسهماحتفالا بيوم اوباما المصرى

فرمان رقم سبعة : ممنوع اى حد يكح او يعيط او يضحك او يكشر او يغمض عين ويفتح عين او يغمض عينيه الاثنين او يفتح عينيه الاثنين ، كذلك ممنوع الوقوف او الجلوس او النوم حتى يتم التأكد من التأمين التام لموكب الرئيس أوباما المصرى حتى لايصاب بالزغللة.

طيب مش كان من الافضل ان اوباما ينتقل بالهليكوبتر ويكون الموكب بطائرات الفانتوم والميراج بدل حرقة دم المصريين؟

بالمناسبة ، يوم السبت الماضى فاجأ اوباما وزوجته العاملين بأحد المطاعم بنيويورك لتناول العشاء ثم الذهاب الى السينيما بعد ذلك ، وفى مصر بينيموا له الناس من الصبح مش من الظهر.

[أسد]

بالمناسبه ..

محمد سعد (اللمبي) أو أي من زملاؤه .. قد يجد صعوبة في أن يتواجد في الأماكن المزدحمة في القاهرة ..

بالطبع .. أرى أن في الأمر مبالغة .. وتشدد كبير من الأمن في مصر ..

ولكن ..

يجب ألا ننسى ..

أن القاهرة مدينة مزدحمة جداً .. وليس هذا فقط ..

بل أنها تسير بشكل فوضوي مبالغ فيه ..

فالفوضى عارمة حقاً في القاهرة .. ولا يجب علينا أن ننكر هذا أبداً ..

وفي السنوات الأخيرة .. دأبت مصر على إستضافة الأحداث الكبرى والقمم والضيوف المهمين في شرم الشيخ بعيداً عن زحام وفوضى القاهرة ..

وسكان القاهرة لم يعودا معتادين على مثل تلك الزيارات والمناسبات ...

بالطبع الأمر فيه مبالغة شديدة .. ولكن .. ما باليد حيلة ..

هذا للأسف الشديد شر لا بد منه ..

في السعودية .. بالرغم من استقامة الطرق واتساعاها .. وسيولة المرور نسبياً مقارنة بالقاهرة ..

وأثناء الزيارات الهامة .. والأحداث الكبرى مثل استضافة القمة العربية ..

أقاموا مايشبه بحظر التجوال ..

فأعطوا كل المدارس والمصالح الحكومية .. أجازة كاملة في الرياض ..

وأغلقوا شوارع بالكامل طوال أيام القمة ..

وفي دبي .. العام الماضي عند زيارة بوش الأخيرة هناك ..

فرضوا حظر تجوال تقريباً .

ولكن هناك ..

لا توجد برامج العاشرة مساء ولا 90 دقيقة .. والأمر ليس أكثر من ساعات .. مصر بها ضيف كبير .. يريد أن يرى القاهرة التي طالما سمع عنها ..

أعتقد أن الأمر طبيعي .. (تقريباً) في مثل ظروفنا ..

منى الشاذلي نفسها ..

قد لا تستطيع أن تسير في شوارع القاهرة بحرية كاملة .. (لنجوميتها) ولأن هناك من يجري إليها لتقديم شكوى أو ما شابه ... وتتخفى وتتعمد الإختباء عن العيون ..

أعتقد ن الأمر طبيعي ..

ولا وجه للمقارنة بين مايحدث في مصر .. ومايحدث في أمريكا ..

[SANAA]

هم مش بينيمولوا الناس عشاب راحت اوباما

هم مش عاوزين اوباما يشوف الناس

هم لو قدروا كانوا اجروا بلد بحالها بحلاتها بناسها بورد علي الشارع

غباء لان اوبا قبل ماينزل عارف الشوارع وشكلها وناسها

تم تعديل 3 يونيو 2009 بواسطة SANAA

[مغتربة]

طب الحمد لله انها جت على اد كده و بس

اتذكر العام الماضى عندما زار بوش الامارات و حب يزور دبى اعطوا الناس كلها اجازة من اعملها و من المدارس كلها

كل دبى اخذت اجازة اجباريه يومها

اجراءات الامن المشدده سمه مشتركه فى الدول العربيه

و بينى و بينك احسن

لحسن حد تطق فى مخه يعمل فيه حاجه يوميها و بعدين احنا الى نلبسها

[Alshiekh]

ياخبر أبيض

يعنى الكلام ده أصبح عادى؟

يظهر ان الغربة قد انستنى واقعنا المــــــــــــــــــــر

لكن أنا اقترحت انه يتنقل بالطائرة لمزيد من الامن والامان

[أسد]

ياخبر أبيض

يعنى الكلام ده أصبح عادى؟

يظهر ان الغربة قد انستنى واقعنا المــــــــــــــــــــر

لكن أنا اقترحت انه يتنقل بالطائرة لمزيد من الامن والامان

محمد باشا ..

المسائل أكثر من كده ...

رئيس وزراء مصر لما بيتحرك .. الطرق بتتقفل ..

أتذكر من كام سنة كان إياد علاوي رئيس وزراء العراق في ذلك الوقت كان في زيارة لمصر .. أعتقد أنها كانت في الصيف .. وكنت في إجازة وقتها ...

الراجل كان بيتنقل في أكثر من مكان في القاهرة ..

الدنيا وقفت تماماً .. لدرجة أنهم لما فتحوا الطرق كانت تقريباً الساعة 9 مساءً .. تقريباً كان حيجيلي إنهيار عصبي ..

عادي .. عادي جداً ...

[عادل أبوزيد]

قرأت هذا الموضوع فى الصباح و ظننت - و بعض الظن إثم - أن الأمر لا يعدو نوع من المبالغة التى تعودنا عليها فى صحفنا ... و لكن ..

ما سبق كان إستهلالا لابد منه

تأكد من صدق ما جاء فى الموضوع ......

فعلا تم التنبيه على أصحاب المحلات فى شارع الخليفة المأمون بعدم فتح محلاتهم غدا !!!!

تم التنبيه على سكان شارع الخليفة المأمون بإغلاق الشبابيك و البلكونات و عدم التواجد فى البلكونات و الشبابيك غدا من الساعة الثامنة صباحا حتى الثامنة مساء !!!

لم أسمع أو أتأكد عن الأمر بالنسبة للتواجد فى الشوارع ..... أو ما هو المطلوب أمنيا فى باقى القاهرة بالنسبة لمدينة نصر لم أسمع أو أعرف شيئا.

النكتة فى الأمر .......

أن أسامة بن لادن أرسل شريطا مسجلا - حسب ما جاء فى محطة CNN - يطالب فيه المصريين بمقاطعة زيارة أوباما لمصر

هل رأيتم النكتة ..... ستبدو مصر كما لو أن المصريين يقاطعون زيارة أوباما إستجابة ل بن لادن !!!! رغم أن المسألة ليست إلا إجراءات أمنية !!!

[alsaher]

في أغلب الجامعات الخاصة نزل قرار مفاجئ أمس بتأجيل إمتحانات يوم الخميس لأجل غير مسمى حتى الآن

أغلب الكليات الآن تمتحن إمتحانات آخر السنه

وحصل قبل كده شيء مشابه وكانت الطرق مغلقه وتم تأجيل الإمتحانات للساعه السادسه مساء

بسبب إغلاق الطرق وتعثر الوصول للجامعات

[mokhtarelmalahy]

فكرتونى بحكايه قديمه سمعتها ان جمال عبد الناصر الله يرحمه أجل رمضان يومين عشان احتفال الصداقه المصريه السوفيتيه

[elshafey]

هو مش أوباما كان في الرياض النهاردة ...........

والله انا ماعرفت غير من التليفزيون زلا يمكن هو ما عداش في الملك عبد العزيز ولا الملك فهد ولا طريق خريص ولا طريق الملك عبدالله

أصل انا كنت في الشارع من الساعة 10 لغاية 3 وبعدين من الساعة 7 لغاية 11:30 ولا حسيت إن فيه حد في البلد

غريبة ............. مش كده ولا إييييييييييييييه .........ز

[Abu Reem]

كل ما ذكر من إجراءات هي تعليمات وملاحظات الطاقم الأمني الأمريكي ، وبالتالي الأمن المصري ينفذ.

بالنسبة للجامعات فهذا أمر مفهوم علشان لا تحدث مظاهرات تعكر الصفو.

مشكلة مصر أن معظم الأماكن الحيوية أو حتى الأثرية التي بها دائما نجد حولها مناطق شعبية وطبعا هذه المناطق بيكون صعب شوية

السيطرة عليها فعلشان كده الإجراءات متشدده من ناحية الشبابيك وخلافه ، ولذلك مفروض الأماكن الحيوية والأثرية تتنقفل إلى أماكن أخرىفي المستقبل.

- أنا كل إللي مضايقني ، هو موضوع النظافة ، يعني في 3 أيام تتغير معالم مناطق بأكملها وترفع القمامة وتدهن الشوارع ، وتزال الأتربة. طيب ياريت يعلموا جدول لباقي المناطق بنفس الهمة دي وفي ظرف 3 أو 4 شهور تصبح القاهرة كلها نظيفة.

- بالنسبة لزيارته للرياض يمكن لم يشعر أحد بها إعلاميا كما يحدث في زيارته لمصر لأن إحنا أعلامنا وصحفاتنا بتحب التهويل والمبالغة كالعادة ، ويمكن لم يشعر أحد في الرياض بتكدس الطرق يمكن لأنه لم يقوم بزيارة أماكن أثرية أو تاريخية واقتصر الأمر على المسائل الرسمية.

نقطة أخيرة لاننسى أن بوش تم رشقه بحذاء في العراق رغم أنه كان داخل قاعة مغلقة مأمنة تماما ومع ذلك حدث أمر غير متوقع، فطبيعي لما يكون الموضوع زيارة وفي أكثر مدن العالم إزدحاماً وعشوائية فالإجراءات هنا المبالغ فيها تكون منطقية،

وربنا يسطر من أنفلونزا الخنازير إللى ممكن تنتقل لنا لو كان مصاب بها حد من الطاقم المرافق ( وإن كنت أشك في هذا )

تم تعديل 4 يونيو 2009 بواسطة Abu Reem

[وليد أهلاوى مصراوى]

أضافه سريعه .... بعض الشركات الكبيره فى القريه الذكيه خدوا أجازه ... وأحنا لأ smk:

أنا شايف أن معاهم حق طبعا فى كل اللى بيتعمل ... ومش عارف ليه مسيطر عليا مشهد

ريتشارد قلب الأسد ودخوله القدس فى فيلم صلاح الدين

"ريتشارد قتل بسهم عربى مسموم ;) "

[elfakhrany]

أنا أؤيد الاجراءات الأمنية فى مصر المصاحبة لزيارة الرئيس أوباما بالذات دون غيره لأن من وجهة نظرى أن أوباما مستهدف من بعض الأمريكيون ذو البشرة البيضاء لأن التفرقة العنصرية على أساس لون البشرة بأمريكا واضح وعاجلا أم أجلا أتوقع اغتياله ولا أحب أن تكون مصر هى الأضحية لمثل هذه المؤمرات ...وشكر

تم تعديل 4 يونيو 2009 بواسطة elfakhrany

[se_ Elsyed]

الشعب المصري ده مش ممكن ..

لازم يتحلل له دم عشان نشوف مصدر خفته إيه ..

واحد أمبارح باعت لي نُكته إتألفت في ثواني .. وموتتني من الضحك ...

بيقول لك إتنين مصريين قاعين عالقهوة فواحد بيقول للتاني : تصدق إن أوباما جاي بكره مصر ؟ ..

التاني شد نفس طوووووووووووويل من الشيشية وقال له : وإيه يعني ... برضوا الأهلي هاكيسب 3-0

إهداء لحبيبي موديست وحسام وطنط جمالات واودلاها وخالتي عطيات وعيالها بمية عقبة ..

[nizza la bella]

بمناسبة زيارة الرئيس باراك حسين أوباما الى القاهرة فقد تقرر الآتى والعهدة على ماجاء فى برنامج العاشرة مساءا على لسان مقدمته منى الشاذلى ومن التحقيق الصحفى الذى اجرى بمعرفة دريم 2 مع اهالى وبوابى شارع الخليفة المأمون بروكسى .

قرر جهاز الأمن العام ماهو آت :

فرمان رقم واحد : تغلق جميع المحلات الواقعة على الشوارع التى سيمر بها موكب اوباما

فرمان رقم اثنين : ممنوع تواجد اى كائن حى من القاطنين بدير النحاس ، أقصد القاطنين بشوارع الموكب

فرمان رقم ثلاثة: ممنوع تواجد أى سيارة بشوارع الموكب

فرمان رقم اربعة : ممنوع فتح الشبابيك او البلكونات المطلة على شوارع اوباما

فرمان رقم خمسة : ممنوع تواجد اى آدمى فى الشبابيك او البلكونات المطلة على شوارع اوباما

فرمان رقم ستة : ممنوع ذهاب الطلبة الى جامعاتهم او كلياتهم او مدارسهماحتفالا بيوم اوباما المصرى

فرمان رقم سبعة : ممنوع اى حد يكح او يعيط او يضحك او يكشر او يغمض عين ويفتح عين او يغمض عينيه الاثنين او يفتح عينيه الاثنين ، كذلك ممنوع الوقوف او الجلوس او النوم حتى يتم التأكد من التأمين التام لموكب الرئيس أوباما المصرى حتى لايصاب بالزغللة.

طيب مش كان من الافضل ان اوباما ينتقل بالهليكوبتر ويكون الموكب بطائرات الفانتوم والميراج بدل حرقة دم المصريين؟

بالمناسبة ، يوم السبت الماضى فاجأ اوباما وزوجته العاملين بأحد المطاعم بنيويورك لتناول العشاء ثم الذهاب الى السينيما بعد ذلك ، وفى مصر بينيموا له الناس من الصبح مش من الظهر.

مينفعش يا استاذ mohamed

لان الهليكوبتر فى الحالة دى هاتكون هدف سهل وممكن اى واحد من فوق السطح ينشة ار بى ج وكدة يكون دمة فى رائبتنا

على فكرة نفس دواعى الامن دى حصلت هنا لما اوباما كان هنا من شهر

تم تعديل 4 يونيو 2009 بواسطة nizza la bella

[president]

كل ما ذكر من إجراءات هي تعليمات وملاحظات الطاقم الأمني الأمريكي ، وبالتالي الأمن المصري ينفذ.

بالنسبة للجامعات فهذا أمر مفهوم علشان لا تحدث مظاهرات تعكر الصفو.

مشكلة مصر أن معظم الأماكن الحيوية أو حتى الأثرية التي بها دائما نجد حولها مناطق شعبية وطبعا هذه المناطق بيكون صعب شوية

السيطرة عليها فعلشان كده الإجراءات متشدده من ناحية الشبابيك وخلافه ، ولذلك مفروض الأماكن الحيوية والأثرية تتنقفل إلى أماكن أخرىفي المستقبل.

- أنا كل إللي مضايقني ، هو موضوع النظافة ، يعني في 3 أيام تتغير معالم مناطق بأكملها وترفع القمامة وتدهن الشوارع ، وتزال الأتربة. طيب ياريت يعلموا جدول لباقي المناطق بنفس الهمة دي وفي ظرف 3 أو 4 شهور تصبح القاهرة كلها نظيفة.

- بالنسبة لزيارته للرياض يمكن لم يشعر أحد بها إعلاميا كما يحدث في زيارته لمصر لأن إحنا أعلامنا وصحفاتنا بتحب التهويل والمبالغة كالعادة ، ويمكن لم يشعر أحد في الرياض بتكدس الطرق يمكن لأنه لم يقوم بزيارة أماكن أثرية أو تاريخية واقتصر الأمر على المسائل الرسمية.

نقطة أخيرة لاننسى أن بوش تم رشقه بحذاء في العراق رغم أنه كان داخل قاعة مغلقة مأمنة تماما ومع ذلك حدث أمر غير متوقع، فطبيعي لما يكون الموضوع زيارة وفي أكثر مدن العالم إزدحاماً وعشوائية فالإجراءات هنا المبالغ فيها تكون منطقية،

وربنا يسطر من أنفلونزا الخنازير إللى ممكن تنتقل لنا لو كان مصاب بها حد من الطاقم المرافق ( وإن كنت أشك في هذا )

تعقيب صغير . مشكلتنا النظافه فى مصر ان احنا اللى مش بنحافظ عليها . يعنى شوف الأماكن اللى اتنضفت هتخليها قد ايه نضيفه . انت عارف مشكلتنا بجد ايه ان احنا بنبقى محموقين

ومخنوقين من الفساد اللى فى البلد وبننسى ان احنا لما بنرمى الزباله فى الشارع وبنشخبط على الحيطان وبنقطع كراسى المواصلات دا كله اسمه فساد . وفى عندنا للأسف عاده مقززه جدا منتشره بين الناس فى مصر كأننا معندناش مناديل بالعربى الفصيح ( البصق فى الشارع) . ياسيدى الفاضل اتعودنا ان احنا ننتقد غيرنا . بس عمرنا مافكرنا ان سلوكنا الشخصى هو سبب من اسباب الفساد اللى احنا فيه . حاجه بره الموضوع واحد سرق غطا بلاعه وكانت النتيجه واحد وقع ومات تانى يوم هنلاقى الفساد والأهمال بالرغم ان واحد مننا السبب . انا مش بنفى دور الحكومه و خلينا نسلم ان فى تقصير من الحكومه بس هل احنا كشعب فعلا بنراعى ضميرنا تجاه البلد فى كل تصرفاتنا . الله اعلم بالنيات .

تحياتى

[Abu Reem]

ياسيدى الفاضل اتعودنا ان احنا ننتقد غيرنا . بس عمرنا مافكرنا ان سلوكنا الشخصى هو سبب من اسباب الفساد اللى احنا فيه . حاجه بره الموضوع واحد سرق غطا بلاعه وكانت النتيجه واحد وقع ومات تانى يوم هنلاقى الفساد والأهمال بالرغم ان واحد مننا السبب . انا مش بنفى دور الحكومه و خلينا نسلم ان فى تقصير من الحكومه بس هل احنا كشعب فعلا بنراعى ضميرنا تجاه البلد فى كل تصرفاتنا . الله اعلم بالنيات .

تحياتى

عزيزيي president

إلقاء اللوم على سلوكيات الناس هو بالضبط ( كحجة البليد ) أقصد هنا المسؤلين من ناحية عيئة النظافة والبلدية والمحافظة نفسها

لكي تطلب من الناس الإلتزام _ طبق الجزاءات وضع البدائل وضع القوانين الرادعة ونفذها وبعدين حاسب المخطيء ،

أما إنك تقنعني أن مثلا يتم فرض رسوم إجبارية على النظافة على فواتير الكهرباء بحجة رفع ( الربالة ) من المنازل وبعدين لا تجد من يقوم بالفعل برفعها بل لا تجد حتى صناديق قمامة كبيرة في كل شارع ولو وجدتها تجد أنها تظل بالاسبوع لا يتم رفعها وبعدين تلوم الناس وتقول أن هيه المخطأة فهذا يكون إفتراء على الناس.

في بلاد كثيرة جدا شوفناها نجد أن هناك سلوكيات خاطئة من الناس ، وهذا طبع الناس تميل إلى عدم الالتزام ولكن هناك دولة بتطبق العقوبات وبتعمل إللي عليها ، وهناك دولة لا بتعمل إللي عليها ولا بتطبق عقوبات وده إللي بيحصل عندنا.

- فمثلا لما تبنى العمارات العشوائية المخالفة تحت سمع وبصر رئاسة الحي وبعدين نقول أن الناس هي المخطأة فأين كان المسئولين من معاقبة المسؤل ووقف البناء ،

بدليل أن هناك أماكن يطبق فيها النظام والنظافة كالمطارات ومترو الأنفاق والسينمات والمسارح ، فعندما تم فرض عقوبات ومراقبة من يرمي مخالفات في هذه الأمكان وتم وضع من يراقبهم فالناس بتجدها ملتزمة ،

ومن يدخل شحنة قمح معروف مسبقا أنها درجة رابعة ومخصصة للأعلاف ويتم استيرادها وتدخل الصوامع داخل البلد يبقى العيب هنا على اللي استوردها ولا على اللي مفروض أن همه بيحموا الشعب وبعدين سمحوا بدخولها البلد.

لن تجد بلد بدون شعب مثالي لا يخطيء المهم هنا السلطة والجهات التنفيذية والرقابية إللي بتشرف على هذا الشعب.

[president]

ياسيدى الفاضل اتعودنا ان احنا ننتقد غيرنا . بس عمرنا مافكرنا ان سلوكنا الشخصى هو سبب من اسباب الفساد اللى احنا فيه . حاجه بره الموضوع واحد سرق غطا بلاعه وكانت النتيجه واحد وقع ومات تانى يوم هنلاقى الفساد والأهمال بالرغم ان واحد مننا السبب . انا مش بنفى دور الحكومه و خلينا نسلم ان فى تقصير من الحكومه بس هل احنا كشعب فعلا بنراعى ضميرنا تجاه البلد فى كل تصرفاتنا . الله اعلم بالنيات .

تحياتى

عزيزيي president

إلقاء اللوم على سلوكيات الناس هو بالضبط ( كحجة البليد ) أقصد هنا المسؤلين من ناحية عيئة النظافة والبلدية والمحافظة نفسها

لكي تطلب من الناس الإلتزام _ طبق الجزاءات وضع البدائل وضع القوانين الرادعة ونفذها وبعدين حاسب المخطيء ،

أما إنك تقنعني أن مثلا يتم فرض رسوم إجبارية على النظافة على فواتير الكهرباء بحجة رفع ( الربالة ) من المنازل وبعدين لا تجد من يقوم بالفعل برفعها بل لا تجد حتى صناديق قمامة كبيرة في كل شارع ولو وجدتها تجد أنها تظل بالاسبوع لا يتم رفعها وبعدين تلوم الناس وتقول أن هيه المخطأة فهذا يكون إفتراء على الناس.

في بلاد كثيرة جدا شوفناها نجد أن هناك سلوكيات خاطئة من الناس ، وهذا طبع الناس تميل إلى عدم الالتزام ولكن هناك دولة بتطبق العقوبات وبتعمل إللي عليها ، وهناك دولة لا بتعمل إللي عليها ولا بتطبق عقوبات وده إللي بيحصل عندنا.

- فمثلا لما تبنى العمارات العشوائية المخالفة تحت سمع وبصر رئاسة الحي وبعدين نقول أن الناس هي المخطأة فأين كان المسئولين من معاقبة المسؤل ووقف البناء ،

بدليل أن هناك أماكن يطبق فيها النظام والنظافة كالمطارات ومترو الأنفاق والسينمات والمسارح ، فعندما تم فرض عقوبات ومراقبة من يرمي مخالفات في هذه الأمكان وتم وضع من يراقبهم فالناس بتجدها ملتزمة ،

ومن يدخل شحنة قمح معروف مسبقا أنها درجة رابعة ومخصصة للأعلاف ويتم استيرادها وتدخل الصوامع داخل البلد يبقى العيب هنا على اللي استوردها ولا على اللي مفروض أن همه بيحموا الشعب وبعدين سمحوا بدخولها البلد.

لن تجد بلد بدون شعب مثالي لا يخطيء المهم هنا السلطة والجهات التنفيذية والرقابية إللي بتشرف على هذا الشعب.

سيدى الفاضل . كل ماذكرته هو من الفساد المباشر والرشوه وهو ماجزمت به انه موجود فى بلدنا . ولكن ماأقصده هو انه فى سلوكياتنا عادات اعتقدنا انها شئ طبيعى ولكنها فى النهايه مضره ومقززه للأخرين .هاديلك مثال موظف حكومه بيمضى ويطلع يشتغل بره عشان يوفر اكل عياله والدروس وغلاء الأسعار . المثال ده ممكن واحد يبصله انه قصة كفاح واحد تانى يلعن البلد اللى بترممط موظفيها عشان لقمة العيش . بس الحقيقه ان ده شخص غير امين فى شغله ومهمل وعنصر من الفساد انت وافقت تشتغل بمرتب معين وساعات عمل معينه . ياتعمل اللى انت اتفقت عليه ياتسيبها . سيدى بالمنطق اللى حضرتك بتتكلم بيه ان احنا مينفعش نقوم سلوكنا غير بالمراقبه والعقاب يبقى احنا محتاجين مراقب لكل مواطن . طب وليه بنزعل لما بنسمع ان احنا ماينفعش نتحكم غير بالحديد والنار !!! . لما صدر قانون المرور الجديد شوف قد ايه اتهاجم عشان العقوبات المغلظه دا مش كده وبس دا فى مجلس الشعب نائب بيحاول يعدل الغاء الحبس فى حالة السير عكس الأتجاه . انا مع حضرتك ان العقاب مطلوب بس هل مينفعش بلاش اقول نعمل حاجه كويسه كفايه اقول ماينفعش مانعملش حاجه وحشه . يعنى موظف الحكومه لو اشتغل اللى مطلوب منه مش اكتر والمدرس شرح اللى مطلوب من مش اكتر والتاجر اى تاجر كسب المعقول مش اكتر والحكومه نفسها عملت اللى عليه مش اكتر . صدقنى الأمور هتختلف تماما . انما مصطلحات على قد فلوسهم و هم انا اللى واحدى اللى بسرق والناس كلها بتعمل كده هي جت عليا يعنى وو000الخ 0 كل اللى الحاجات دى اللى جايبانا ورا . بيت القصيد نعمل اللى علينا الأول وبعدين نطالب الآخرين بعمل ماعليهم .

تحياتى

[وليد صفوت]

السلام عليكم،..

كلمة بسيطة تعقيباً على ما سبق:

هى فين صناديق القمامة؟؟

تحياتى،..

[samady]

تعقيبا على كلام الأخ president

نفس الموظف اللي حضرتك بتتكلم عنه ده بنشوف زيه بره مصر في الخليج مثلا بتلاقي العامل المصري بيشتغل بالفين و ألف ونص ريال يعني بمعدل صرف البلد اللي هو فيها ميكفهوش عيش حاف ومع ذلك بنلقيه بيجي الشغل كل يوم في معاده ويمشي في معاده وبيكون طلعان بوزه ولا يقدر ولا بيفكر حتى يتورب تفتكر ليه؟؟؟؟ هل لأنه متربي كويس مثلا واللي شغالين في مصر مش متربيين!!!!!!!!!! الموضوع إن في رقابة (مش رقيب لكل مواطن) لأ رقابة قانون........ المصري برة مصر بيبقى عارف كويس ومتأكد إن لو غلط , يعني لو زوغ مثلا وراح يشتغل بره علشان يزود دخله , تاني يوم هيكون في الشارع وهو هو نفس المصري اللي بينزل مصر عارف إن مفيش مرور فبيسوق بمزاجه وعلى كيفه ويرجع البلد اللي شغال فيها تلاقيه حافظ وبيطبق كل قوانين وقواعد وكمان أداب المرور يعني عمرك شوفت في مصر عربية بتقف علشان واحد يعدي الشارع,أنا عمري محصلت معايا مثلا, مع إن المصريين اللي مبيسمحوش للمشاه يعدوا من قدام عربياتهم هم هم اللي بيقفوا عن طيب خاطر بره مصر عشان الناس تعدي.

الموضوع إن أنت في مصر بتبقى عارف ومتاكد إن مفيش رقابة وإنك ياتاخد اللي أنت عايزه بدراعك يأما....................................

لا فيه قانون ولا فيه رقابة ولا في أي حاجة تخلي المواطن يحس إنه لو غلط في حد حيحسبه أو هيتعاقب وده ذنب الحكومة اللي سايبه البلد تغرق وأعدين يقسموا الفلوس والسلطة على بعض.

مش معنى كده إني موافق إن كل واحد يعمل اللي على مزاجه لأ

"إن الله لا يغير ما بقوم حتى يغيرو ما بأنفسهم"

"ومن يتقي الله يجعل له مخرجا ويرزقه من حيث لا يحتسب"

"إن الله يحب إذا عمل أحدكم عملا أن يتقنه"

"وقل اعملو فسيرى الله عملكم ورسوله والمؤمنون"

بس القصد إن الحال مش هيتصلح غير لما الحكومة تتصلح