أنا جالى اكتئاب حاد

[elfakhrany]

يا جماعة بعد ماقريت النهاردة جورنال المصرى اليوم كالعادة حسيت ان جالى اكتئاب حاد من كتر المصايب فى مصر ودورت حتى على اى خبر صغير يفرحنى ملقتش غير كمية الفساد الحكومى والكوارث و الشعب المطحون الفقير اللى كان مشكلته فى رغيف العيش دلوقتى كمان مش لاقى مياه شرب ؟!! حد ينصحنى أعمل ايه ؟؟؟؟ :lol:

[بندق أفندى]

روح للحلاق واتزين .. هيروح الاكتئاب شوية ههههههههههه

[جيمي]

بلاش المصرى اليوم خليها المصرى من كام الف سنه .....ولا اقولك خليها المصرى بعد كام مليون سنه وارسم الصوره اللى انت تحبها....

ولا اقولك......ريح دماغك و اقرا مجلات ميكى ماوس ....

ومع احترامى لبندق افندى ....بلاش تروح للحلاق لانه ممكن يكون واحد مصرى حلق قبليك و يجيلك فيروس سى**

واراهنك ان كده الموضوع هيتنقل على موضوعات خفيفه او دعوه للابتسام :blush2:

**فيروس سى فيروس مصرى صرف :blush2:

[doha]

كحل سريع للاكتآب كل شوكلاته .. دي حقيقة علمية ان الشوكلاته فيها مواد لها نفس تأثير مضادات الاكتآب على المخ .. كل على ضمانتي .

بس كحل طويل الامد قاطع اي جريده بتتكسب من آلام الآخرين زي المصري اليوم او اي برنامج حواري من اياهم واشتري دماغك..

[سهل جدا]

المصري اليوم وكل جرايد المعارضة تصيب الواحد بالاكتئاب ووجع البطن

أنا قبل ما أنزل أجازة بمتنع تماما عن قراءة أخبار هذه المواقع ..

[MoHaMMeD EgYpT]

ما الاخبار اساسا متوقعا من قبل ما تقرها هيقولك مين مش عارف قتل مين و مين سرق مين و رجل اعمال ضرب علي قرض بكام مليون و هرب و اكتشاف مش عارف كام الف طن من الاكل الفاسد و تسمم بعض المواطنين ههههههههههههههه و غلاء الاسعار و شوية اخبار عن الننوس ابن مبارك ( جيمي ) ههههههه و يقولك قام بعمل ايه و قال ..........الخ و شوية تحاويش بقا من بتاعت الصحافة

الواحد بقا متعود علي الاخبار يعني هنعمل ايه

و نصحتي بقا انك توفر الفلوس اللي بتشتري بيها الجرايد و استخدمها في اشياء مفيدة اكتر

[وليد أهلاوى مصراوى]

يا جماعة بعد ماقريت النهاردة جورنال المصرى اليوم كالعادة حسيت ان جالى اكتئاب حاد من كتر المصايب فى مصر ودورت حتى على اى خبر صغير يفرحنى ملقتش غير كمية الفساد الحكومى والكوارث و الشعب المطحون الفقير اللى كان مشكلته فى رغيف العيش دلوقتى كمان مش لاقى مياه شرب ؟!! حد ينصحنى أعمل ايه ؟؟؟؟ smk:

أنصحك ماتقراش المصرى اليوم .... شوف ياسيدى ... الجريده دى ماليانه فشر غير طبيعى فى باب الرياضه ... وده الباب اللى الفشر يبان فيه بسهوله مع الوقت

المشكله بأه أن باقى الأخبار صعب أثبات كذبها أو صدقها .... لكن اللى يفشر فى باب كامل يبقى طبيعى أخبار كتير تانيه مليانه فشر

[elfakhrany]

شكرا جزيلا لكل من ساهم بالرد .. smk:

[قلب ابيض]

اتفرج على فيلم كوميدى تاااااافهه

والله مش بهرج

الغى دماغك خمسه كده 00واعمل ريفرش او احسن ريستارت

او العب رياضه اه الرياضه هتخرج كل الشحنات السالبه اللى عندك

او اقولك احسن حاجه خليك قاعد معانا هنا وادينا بنواسى بعض

[الباشمهندس ياسر]

يا صاحب الهم .. ابشر بخير ... فان الفارج الله

معايا حد ع الماسنجر و كاتب ف التعليق بتاعه بالعنجليزى ما يفيد ان ... اذا نظرت ف الحياة فبالتاكيد ستجد من يعانى اكثر منك

[الباشمهندس ياسر]

اعتقد ان المداخلة دى ممكن تفيد بشكل من الاشكال

في يوم من الأيام كان محاضر يلقي محاضرة عن التحكم بضغوط وأعباء الحياة لطلابه

فرفع كأسا من الماء وسأل المستمعين:

ما هو في اعتقادكم وزن هذا الكأس من الماء؟

الإجابات كانت تتراوح بين 50 جم إلى 500 جم.

فأجاب المحاضر: لا يهم الوزن المطلق لهذا الكأس !!!

فالوزن هنا يعتمد على المدة التي أظل ممسكا فيها هذا الكأس فلو رفعته لمدة دقيقة لن يحدث شيء ولو حملته لمدة ساعة فسأشعر بألم في يدي ولكن لو حملته لمدة يوم فستستدعون سيارة إسعاف

الكأس له نفس الوزن تماما، ولكن كلما طالت مدة حملي له كلما زاد وزنه .

فلو حملنا مشاكلنا وأعباء حياتنا في جميع الأوقات فسيأتي الوقت الذي لن نستطيع فيه المواصلة، فالأعباء سيتزايد ثقلها.

فما يجب علينا فعله هو أن نضع الكأس ونرتاح قليلا قبل أن نرفعه مرة أخرى .

فيجب علينا أن نضع أعبائنا بين الحين والأخر لنتمكن من إعادة النشاط ومواصلة حملها مرة أخرى.

فعندما تعود من العمل يجب أن تضع أعباء ومشاكل العمل ولا تأخذها معك إلى البيت.

لأنها ستكون بانتظارك غدا وتستطيع حملها

[قلب ابيض]

اعتقد ان المداخلة دى ممكن تفيد بشكل من الاشكال

في يوم من الأيام كان محاضر يلقي محاضرة عن التحكم بضغوط وأعباء الحياة لطلابه

فرفع كأسا من الماء وسأل المستمعين:

ما هو في اعتقادكم وزن هذا الكأس من الماء؟

الإجابات كانت تتراوح بين 50 جم إلى 500 جم.

فأجاب المحاضر: لا يهم الوزن المطلق لهذا الكأس !!!

فالوزن هنا يعتمد على المدة التي أظل ممسكا فيها هذا الكأس فلو رفعته لمدة دقيقة لن يحدث شيء ولو حملته لمدة ساعة فسأشعر بألم في يدي ولكن لو حملته لمدة يوم فستستدعون سيارة إسعاف

الكأس له نفس الوزن تماما، ولكن كلما طالت مدة حملي له كلما زاد وزنه .

فلو حملنا مشاكلنا وأعباء حياتنا في جميع الأوقات فسيأتي الوقت الذي لن نستطيع فيه المواصلة، فالأعباء سيتزايد ثقلها.

فما يجب علينا فعله هو أن نضع الكأس ونرتاح قليلا قبل أن نرفعه مرة أخرى .

فيجب علينا أن نضع أعبائنا بين الحين والأخر لنتمكن من إعادة النشاط ومواصلة حملها مرة أخرى.

فعندما تعود من العمل يجب أن تضع أعباء ومشاكل العمل ولا تأخذها معك إلى البيت.

لأنها ستكون بانتظارك غدا وتستطيع حملها

لا فوض فوك يا هندسه 00000

هو ده الكلام 000معانا يا فخرانى ؟؟؟؟

[الباشمهندس ياسر]

فخرانى

تعالى طمنا عليك و امشى تانى

متخفش

مش هنحاسبك ع الشاى

[mama nona]

السلام عليكم

انا إظاهر كده حسدتك

كان بيعجبنى ردودك انك ولا بتهتم بحاجة ولا بتشيل هم حاجة ودايما بتكبر دماغك

ربنا يبعد عنك الاكتئاب

انا عن نفسى لما بكتئب بنام كده اد10-12 ساعة

وبعدها بفوق وبنسى الهموم ال كانت فيا

جرب يمكن تنفع معاك

وعايزينك ترجع تانى بردودك المبهجة

[elfakhrany]

ياجماعة أنا زى الفل الحمد لله أنا زعلت بس عشان كل مالواحد بيشوف الأخبار دى بيحس أنه مش هيرجع ويستقر فى مصر تانى بس الواحد عنده أمـــل وحاسس ان اللى جاى أحسن ....

وطبعا بشكر بندق أفندى,جيمى,ضحى,سهل جدا,محمد أيجبت ,وليد أهلاوى ,قلب أبيض ,ماما نونا ,وحبيب قلبى الباشمهندس ياسر بجد ربنا يخليكم ليا

[الباشمهندس ياسر]

ياجماعة أنا زى الفل الحمد لله أنا زعلت بس عشان كل مالواحد بيشوف الأخبار دى بيحس أنه مش هيرجع ويستقر فى مصر تانى بس الواحد عنده أمـــل وحاسس ان اللى جاى أحسن ....

وطبعا بشكر بندق أفندى,جيمى,ضحى,سهل جدا,محمد أيجبت ,وليد أهلاوى ,قلب أبيض ,ماما نونا ,وحبيب قلبى الباشمهندس ياسر بجد ربنا يخليكم ليا

طالما خفيت و بقيت زى الفل

يبقى العشا المرة الجاية عليك فى le pacha ... بجبها اكتر م السرايا ... مش عارف ليه

اوعى تطلع بخيل و تسيب المنتدى و تهج بسبب العزومة

[elfakhrany]

ياجماعة أنا زى الفل الحمد لله أنا زعلت بس عشان كل مالواحد بيشوف الأخبار دى بيحس أنه مش هيرجع ويستقر فى مصر تانى بس الواحد عنده أمـــل وحاسس ان اللى جاى أحسن ....

وطبعا بشكر بندق أفندى,جيمى,ضحى,سهل جدا,محمد أيجبت ,وليد أهلاوى ,قلب أبيض ,ماما نونا ,وحبيب قلبى الباشمهندس ياسر بجد ربنا يخليكم ليا

طالما خفيت و بقيت زى الفل

يبقى العشا المرة الجاية عليك فى le pacha ... بجبها اكتر م السرايا ... مش عارف ليه

اوعى تطلع بخيل و تسيب المنتدى و تهج بسبب العزومة

لست أنا هذا الرجل ... نحن رجال أفعال لا أقوال mfb:

[متشوقة للمدينة]

أنا بقه مقدرش أنصحك صراحهه لأنى انا مش بكتئب وبس للأ دا بكتئب أنا

انا عباره عن كتلة اكتئاب وبطلعه فى اولادى احمد ربنا انك مش ست ومسئول عن اسره روحهم فى ايدك من اكل وتنظيف وشغل بيت وكله

لما بكتئب بانتظر واقول لنفسى هيعدى زى اللى قبله معدى

وبتعدى وافتكر انا وقتها عبد الوهاب مطاوع وهو بيقول لما تيجى موجة رياح لا بد ان ننحنى حتى تمر بسلام فأنا مبعملش حاجه بس زى ما قال احد الأخوة بآكل شيكولاته وغصب عنى كمان لانى من كتر الاكتئاب بكون مش عايزه اى حاااااااااجه ولا حتى الدوا

[MZohairy]

اي حد يكتئب يروح لبتاع سايكاتري فورا

و حيديله دوا مناسب يضيع الاكتئاب سريعا جدا

[adrianocrespo]

اي حد يكتئب يروح لبتاع سايكاتري فورا

و حيديله دوا مناسب يضيع الاكتئاب سريعا جدا

السلام عليكم

ادويه الاكتئاب من الادويه التي تتطلب وقتا طويلا لكي يتم الحكم عليها ( من شهر و نصف لشهرين)

و من الممكن الا يستجيب المريض لها و يتم تغيير الدواء

لا انصح باللجوء اليها الا في المراحل الشديده نظرا لاعراضها الجانبيه و التي غالبا ما يعاني منها المريض نظرا لطول فتره الاستخدام