قليل البخت

[ابو حودة]

مرة وانا مسافر من مطار القاهرة قابلت مدرس مصري في حالة ضيق غير عادية ولما استفسرت منه وجدته قد قطع اجازته في مصر حيث جاء له استدعاء من الجيش بعد نزوله مصر مباشرة تقريبا لمدة 3 اسابيع وهو ما يعني ضياع الاجازة بالكامل وعليه اتخذ قراره بالرحيل مع عدم استلام الاخطار

ده نقول عليه ايه هل هو قليل البخت ام تسرع في التصرف ام ماذا

ما رأيكم دام فضلكم

[se_ Elsyed]

بالعكس ..

الإنسان المحترم هو اللي يُلبي نداء الوطن ... دي مش شعارات

اومال مين يدافع عن البلد لو كل واحد أفتكر نفسه قليل البخت ؟

حتى لو كنا بنحارب كل 500 سنة ...

فهي إسمها دايماً وزارة الدفاع مش الحرب

يبقى لازم أكون مستعد للحرب على طول ...

وعليه اتخذ قراره بالرحيل مع عدم استلام الاخطار

إذا ما كانتش دي الخيانة بعينها ..... اومال ممكن نسميها إيه ؟

اكل عيش

ولا فهلوة

ولا إن شالله البلد اللي تكويننا من ترابها تولع

مش لاقي لها تفسير

؟!!!!!!!!!!!!!

بُص أنا عارف بيحصل ايه في الاستدعا

بيقعدوا اسبوعين بالترنجات وبتلاقي ناس جايه بكروش ومش قادرة تاخد نفسها لانه سايب الجيش من زمان

ولو برضوا

أصل يعني الجيش او قيادته مش مستقصد واحد إسمه أحمد عبد الله مثلاً وبالتالي بعتوا له أستدعا نوع من انواع الغلاسه ؟!!!!!!!!!

أنا بالنسبة لي الأمر محسوم ... أي حاجه متعلقة ببلدي ... مهما كانت حكومة بلدي سيئة ... لكني أتكلم عن البلد يعني الوطن ... اي حاجه متعلقة بالوطن غير قابلة للمساومة أو التبرير او نكران الجميل ...

فالوطن بالنسبة لي على الأقل هو = أبي وأمي

فلو أمي كلمتني في يوم و كانت اجازتي محدودة .. اقوم مكنسل عليها وواخد شنطتي وطالع المطار وتعيش هي مع نفسها ؟

إنت عارف هنا في قانون العمل السعودي بند بيقول إن من حق العامل الحصول على مكافأة نهاية الخدمة كاملة لو تم إستدعاءه للجيش ؟

أنا أتضايقت جداً من الموضوع ده على فكرة

[Mercedes]

السلام عليكم و رحمة الله و بركاته

أنا من رأيى الشخصى أن هذا حسن تصرف طبعا , هو يعنى الجيش و الأمن القومى هيتعطل عشان المدرس دة مارحشى الاستدعاء , و بعدين لازم العاملين بالخارج يتم اعفائهم بالكامل من موضوع الاستدعاءات دى لأنهم لابد أن يوازنوا مابين المنفعة اللى بتعود على مصر الغالية علينا !!! من تحويلات العاملين بالخارج و بين المنفعة اللى هتعود على البلد من جراء استدعاء الناس دى فى الجيش.

ايه القرف دة , بقى هم مستنيين المدرس ده عشان شهر الأجازة اللى نازل يقضيه مع أهله, يقوموا يستدعوه فى الجيش .

دى حاجة تنقط و تخلى الواحد يطلع من هدومه .

مما لاشك فيه أن التصرفات و القرارات اللى ذى دى , بتخلى الواحد حبه للبلد يزيد جدا جدا جدا .

و ربنا يستر علينا و يوفقنا للخير .

[se_ Elsyed]

السلام عليكم و رحمة الله و بركاته

أنا من رأيى الشخصى أن هذا حسن تصرف طبعا , هو يعنى الجيش و الأمن القومى هيتعطل عشان المدرس دة مارحشى الاستدعاء , و بعدين لازم العاملين بالخارج يتم اعفائهم بالكامل من موضوع الاستدعاءات دى لأنهم لابد أن يوازنوا مابين المنفعة اللى بتعود على مصر الغالية علينا !!! من تحويلات العاملين بالخارج و بين المنفعة اللى هتعود على البلد من جراء استدعاء الناس دى فى الجيش.

ايه القرف دة , بقى هم مستنيين المدرس ده عشان شهر الأجازة اللى نازل يقضيه مع أهله, يقوموا يستدعوه فى الجيش .

دى حاجة تنقط و تخلى الواحد يطلع من هدومه .

مما لاشك فيه أن التصرفات و القرارات اللى ذى دى , بتخلى الواحد حبه للبلد يزيد جدا جدا جدا .

و ربنا يستر علينا و يوفقنا للخير .

يا خسارة

رأيك وإنت حر فيه

بس تفتكر بقت علاقتنا ببلدنا هي " أبجني تجدني " ؟؟؟؟؟؟

مش قلت لك

و بعدين لازم العاملين بالخارج يتم اعفائهم بالكامل من موضوع الاستدعاءات دى لأنهم لابد أن يوازنوا مابين المنفعة اللى بتعود على مصر الغالية علينا !!! من تحويلات العاملين بالخارج و بين المنفعة اللى هتعود على البلد من جراء استدعاء الناس دى فى الجيش.

على رأيك

او عشان أنا شغال في الخارج

او حالتي المادية كويسة ..

أروح أرمي للدولة كام ملطوش عالجزمة ... فاكر البدلية بتاعت زمان ؟ .... واهو خلي الغلابة او الفقراء هما اللي يتحرقوا بجاز ويخدموا في الميري ..

اما ولاد البشوات واللي يملُك البدلية ... فيقعد مآنتخ تحت المروحة .... وبفلوسي يا .....

و ربنا يستر علينا و يوفقنا للخير .

تخيل مستحيل ده يحصل ؟

ليس علماً للغيب والعياذ بالله أو قنوط من رحمة الله

لكن اسأل فيها أي شيخ أو طالب علم

وقول له يا شيخ .. أنا راجل كسيب وربنا فاتحها عليه ... ومعايا فلوس وشغال بره ... ينفع أتهرب من الجيش او يجيلي أستدعا أقوم مقطع الورقه ومسافر وكأن شيئاً لم يكن ... هو كده حلال ولا حرام يا شيخ وكده انا بأترك شر بحثاً عن الخير ولا العكس ؟

ويا ترى التولي يوم الزحف اللي هو من الكبائر .. يقصدوا بيه الفرار يوم الحرب بس ... ولا برضوا في التدريبات ومن الواجب الوطني ؟

وصحيح ... يا عم هي جت عليه ... يعني أنا اللي هاحرر القدس

حط تحت الجُملة دي 100 مليون خط .. بعدد 100 مليون واحد هايبرروا لنفسهم كده

أصلها مش حكر

على احمد او محمد او بطرس

لكن لو فتحنا المجال

يبقى كل واحد هايقول بمنتهى البساطة وبالفُم المليان " هي جت عليه "

مع إن كل واحد فينا يوم القيامة هاييجي لوحده ... تخيل ؟

لا مع جماعة

ولا حزب

ولا حتى مع فلوسه اللي خلته بيكلم بلده من طرطوفه مناخيرة وعايز يطلع شيكاته ويرميلها اللي في النصيب ويقول لها : أعتقيني بقى بلا جيش بلا زفت .. أنا راجل عندي بيزنس .... وبرضوا بفلوسي ...

[خالد شحاته]

علي فكره هو كدا يعتبر هرب

وهيتحاكم علي كدا لانه علشان يقدم جواز سفره انه خارج البلاد هيشوف تاريخ دخوله مصر وخروجه منها ويتعرف ان هرب من الاستدعاء

[doha]

اقولك انا ياسيدي الي حصل للمدرس ده مش صدفة ولا قلة بخت ولا حاجه ..

تلاقيه ساكن في حته شعبيه . .والحتت الشعبيه دي لها مايسمى بـ شيخ الحارة ..

شيخ الحارة مسؤول عن التبليغ عن اي واحد في سن التجنيد ومتجندش او اي حد مطلوب له استدعاء ومش موجود فمجرد مالمدرس وصل مصر شيخ الحارة عرف وراح فورا بلغ التجنيد عشان يبعتوا له استدعاء .. بس ده كل مافي الموضوع ..

بالظبط كده زي اي واحد بيبني دورين مخالف بيقعد يضرب كف على كف ليه مجرد مايجيب الحديد ويصب الخرسانه فورا يلاقي بتوع التراخيص واقفين على راسه في نفس اليوم ..

واكيد اي حد بنى ولو حيطه مخالف عارف انا بتكلم عن ايه ..

مش بتوع التراخيص الي صاحيين اوي وواخدين بالهم من كل شبر بيرتفع عن الارض وانما نفس الي بيبيعوا مواد البناء بيبلغوا الحي مباشرة لما اي حد يشتري كمية تدل على انه بيبني او بيصلح شيء ..

عادي .. مفيش حاجه من دي بتحصل صدفة ..

تم تعديل 4 يونيو 2009 بواسطة doha

[se_ Elsyed]

مش صحيح يا مدام ضحى

الموضوع مالوش دعوه بشيخ الحارة

الاستدعاءات لها نظامها الخاص بالقوات المسلحة

[abohaya]

بغض النظر عن الاتفاق او الاختلاف مع الاخ المدرس بس هو فى مشكلة كبيرة جدا الهروب من الاستدعاء ولو نزل اجازة تانية و ذهب لعمل تصريح السفر لازم يروح مجمع التحرير لاثبات وجوده خارج البلد وقت الاستدعاء ووقتها سيكون فى مشكلة ربنا يخلصه منها على خير

[waaaf]

لما يرجع مش هايعرف يخرج تاني علشان تصريح السفر من التجنيد وهايلاقي عندة قضية تخلف عن الإستدعاء وهايتحدد له جلسة ويتحكم عليه بغرامة وهو وحظه فيها المهم هي مسالة إجراءات ومصاريف . كان خلص نفسة وراح حضر فترة الإستدعاء وخلاص .

[kingsabry]

أنا هقول حاجه واحده بس

البلد اللي ماسكها أشخاص زي اللي موجودين دلوقتي

يهرب تامر حسني وهيثم شاكر من التجنيد لأ وايه كمان يزوروا شهادات تأجيل ويقولهم القاضي في المحاكمه حبس سنه مع ايقاف التنفيذ أصل انتوا قدوه !!!!!!!!!!!!!!!!

يهرب أحمد خلف المنضم حديثا للأهـــــــــــــــــــــــلي ويزور شهادة تأجيل علشان يسافر مع الفريق وتاني يوم نلاقيه بره مصر وبيتدرب مع الفريق

وصبــــــــــــــــــــــــــــاح الخـــــــــــــــــــ mfb: ــــــــــــــــــير يا مصـــــــــــــــــــــــر

تم تعديل 5 يونيو 2009 بواسطة kingsabry

[MoHaMMeD EgYpT]

أنا هقول حاجه واحده بس

البلد اللي ماسكها أشخاص زي اللي موجودين دلوقتي

يهرب تامر حسني وهيثم شاكر من التجنيد لأ وايه كمان يزوروا شهادات تأجيل ويقولهم القاضي في المحاكمه حبس سنه مع ايقاف التنفيذ أصل انتوا قدوه !!!!!!!!!!!!!!!!

يهرب أحمد خلف المنضم حديثا للأهـــــــــــــــــــــــلي ويزور شهادة تأجيل علشان يسافر مع الفريق وتاني يوم نلاقيه بره مصر وبيتدرب مع الفريق

وصبــــــــــــــــــــــــــــاح الخـــــــــــــــــــ ــــــــــــــــــير يا مصـــــــــــــــــــــــر

والله عندك حق و كمان اشمعنا جيمي ( جمال مبارك ) ما دخلش الجيش هو احسن مننا في ايه :lol:

و بجد المدرس اللي هرب ده بصراحة حقه الرجل غلابان و مسافر يشتغل يجي يقولوا له جيش جيش ايه و اشمعنا يعني اختاروه بصراحة حقه يعمل اكتر من كده كمان و بجد حظه نحس تلاقي الحكومة شافوه عامله قرشين قالولك كفاية عليه كده و ندخله نعذبه شوية في الجيش mfb:

[se_ Elsyed]

الرسول امرنا الا نكون إمعات ..

والإمعه هو اللي لو احسن الناس ... احسن

ولو اساءوا اساء

يعني تامر فوزي ولا احمد برعي هرب من التجنيد

يبقى اخده قدوة حسنه ونبراس

آه يبقى انا اهرب انا كمان

ولو جيمي ما دخلش الجيش

يبقى مش هادخل انا كمان

وهاتك يا تبرير بقى

اصل الناس يا عم اللي ماسكين البلد ما يستاهلوش

ودي بداية الخيط على فكرة

هو انت بتاخد رشوه وتسرق ليه يا عم ؟

يا سلام

اشمعنى انا ما الكل بيهلب

هي جت على الكم ملطوش اللي قلبتهم

وطالما دخلت اشمعنى في اي موضوع

يبقى كل سنة وانتم طيبين

[elfakhrany]

أنا أضم رأيى لأخى الفاضل سى السيد ومن وجهة نظرى أن الاستدعاء مهم جدا لأنه بمثابة استطلاعات حربية تعرف منه القوات المسلحة النسبة الموجودة من قوات الاحتياط فى حالة الحرب وأنا عن نفسى خلصت الجيش فى 2005 وجالى استدعا فى 2008 وكان مشروع حرب فى وسط الصحرا ولا كان فى ترنجات ولا اى حاجة وكنت سعيد جدا لأنى بخدم وطنى وكمان قابلت أصحابى اللى كانو معايا فى الجيش و أنا بعتبر ان اللى بيتأخر عن خدمة بلده ده خاين ولو كل واحد قال أنا مالى أو قال البلد مش هتقف عليا يبقى مين اللى هيروح ؟؟؟ وبجد أنا حزين جدا على الناس المؤيدة لموقف الأستاذ mfb:

[elfakhrany]

اقولك انا ياسيدي الي حصل للمدرس ده مش صدفة ولا قلة بخت ولا حاجه ..

تلاقيه ساكن في حته شعبيه . .والحتت الشعبيه دي لها مايسمى بـ شيخ الحارة ..

شيخ الحارة مسؤول عن التبليغ عن اي واحد في سن التجنيد ومتجندش او اي حد مطلوب له استدعاء ومش موجود فمجرد مالمدرس وصل مصر شيخ الحارة عرف وراح فورا بلغ التجنيد عشان يبعتوا له استدعاء .. بس ده كل مافي الموضوع ..

بالظبط كده زي اي واحد بيبني دورين مخالف بيقعد يضرب كف على كف ليه مجرد مايجيب الحديد ويصب الخرسانه فورا يلاقي بتوع التراخيص واقفين على راسه في نفس اليوم ..

واكيد اي حد بنى ولو حيطه مخالف عارف انا بتكلم عن ايه ..

مش بتوع التراخيص الي صاحيين اوي وواخدين بالهم من كل شبر بيرتفع عن الارض وانما نفس الي بيبيعوا مواد البناء بيبلغوا الحي مباشرة لما اي حد يشتري كمية تدل على انه بيبني او بيصلح شيء ..

عادي .. مفيش حاجه من دي بتحصل صدفة ..

الكلام ده غير صحيح لأن الاستدعا بتيجى عن طريق ادارة التنظيم والادارة للقوات المسلحة وليس لشيخ الحارة أى دخل سوى تسليم الاستدعا

[empireoffaith]

بسم الله الرحمن الرحيم

من الواضح ان المشكلة مشكلة انتماء للبلد ...

أولا: أنا أعترف ان فى حاجات بتأثر على انتماء المصريين لبلدهم أبرزها الفساد لكن مهما حصل متبصش على نص الكوب الفاضى على طول يعنى لو الاخ المدرس كان سأل نفسه ازاى بقيت مدرس و ازاى اشتغلت فى الخليج مش حيلاقى غير اجابة وحدة ان النعمة اللى هوه فيها بفضل الله أولا ثم بفضل البلد اللى اتعلم فيها ببلاش وخد فيها الخبرة اللى أهلته انه يشتغل فى الخليج. ماشى الاجازة حتضيع عليك لكن ده حق البلد عليك انك حترد ولو جزء بسيط من الدين اللى عليك.

ثانيا: لو بص لغيرة حيلاقى فى ناس اتبهدلت اكتر منه (ده ان كان اتبهدل) ومع ذلك انتمائها للبلد لم ينقص شىء. حديكوا مثال تذكرته لشخص ياما اتأذى بفعل المسؤلين فى البلد ومع ذلك مقالش انى لو رحت حاربت ححارب عشان الى أذونى يبقو فى السلطة

فاكريين الرئيس محمد نجيب؟ الراجل ده تم طردة من منصبة وتم تحديد اقامته وكان بيعامل معاملة غير ادمية من الحراس المسؤلين عن تحديد اقامتة كانت تصل لحد الضرب والاهانة. المهم أثناء حرب 56 بعت خطاب للرئيس جمال عبد الناصر بيقول فيه الاتى:

"أريد منك أن تسمح لى بأعز أمنية وهى المشاركة فى أقدس واجب وأشرفة وهو الدفاع عن مصر فاسمح لى بالتطوع جنديا عاديا فى جبهة القتال باسم مستعار وتحت أى رقابة شئت دون أن يعلم أحد بذلك غير المختصين وانى أعدك بأثمن ما أملك أعدك بشرفى أن أعود الى معتقلى اذا بقيت حيا بعد انتهاء القتال ولو خامركم الشك فيما أقول فانى مستعد أن أقوم بعمل انتحارى كقيادة طوربيد أو أسقط بطائرة أو مظلة محاطة بالديناميت على أية بارجة أو هدف مهم من أهداف العدو وهذا اقرا منى بذلك"

من مذكرات اللواء محمد نجيب: كنت رئيسا لمصر

يعنى الراجل مقالش مثلا انى حروح احارب عشان اللى سجنونى وأذونى يقعدوا على كراسيهم أو مثلا مجاتش عليا أنا اللى حرر القدس ما فى غيرى كتير.

حنهى المداخلة بمقولة النبى محمد (صلى الله عليه وسلم) عندما كان خارج مهاجر من مكة للمدينة بعد أن وصل الأذى من أهل مكة لدرجة تدبير قتلة (صلى الله عليه وسلم) فى بيته:

(( والله إنك لأحب بلاد الله إلى الله وأحب بلاد الله إلي ، ولولا أن أهلك أخرجوني ما خرجت ))

فى النهاية واضح ان الفساد أو الأذى المفروض أنه ميأثرش على الانتماء للوطن.

[المهندسه]

و الله يا اخوانى انا اتفق معكم كلكم لان كل واحد بينظر ينظرته و كلكم على حق انا شايفه ان احنا مانعرفش ابعاد كل الموضوع ممكن يكون مثل باقى المصريين شاقيان و غلبان و لو كان راح سلم نفسه للجيش كان ممكن ميعاد سفره يفوت لان الجيش حباله طويله وده ناتج ان كل حاجه فيه لازم تتم على اكمل وجه و ماعندهمش اعذار و ده مش كلام فاضى فانا من بيت عسكرى كله حتى امى انا الوحيده الطلعت بره الخط وهو فى امس الحاجه للقمه العيش فمينفعش يا استاذ سى السيد نتهمه بالتخاذل فى حق الوطن لان حق الوطن مش بيكون بدخول الجيش فقط ولا لكان بقه السيدات مش بيدوا الوطن حقه بمعنى ان حق الوطن مش بس دخول الجيش دى حاجه قليله اوى لان الجيش بيقوم بحمايه البلد من خطر خارجى مثل الحروب فحق الوطن فى بقاء ابنائه بداخله يبنوا فيه اجيال و يبنوا التقدم و يحافظوا على حضارته بالعمل و ذلك لا يتم الا بوجود ابنائه داخله او على الققل نسبه خروجهم تكون قليله لكن احنا لاسف كلنا بره!!!!!! معنى كلامى انك اذا اردت ان تلومه و تتهمه بالتخاذل فى حق الوطن فلومنا كلنا كل من خرج من البلد ليعطى علمه و عرقه فى العمل لاى بلد اخرى و اتخذ منها وطن و ده لوجوده فيها مش سنين عمر زى مابيتقال و ينزل بلده شهر واحد فلا تلوم الا كل من خرج منها و اشركه فى التوبيخ و التخاذل عن اعطاء الوطن حقه بما فيه انا و انت ...هو احنا بنعمل ايه للبلد دلوقت قاعدين مستقرين هنا مش فيها بنشارك فى تقدمها علميا و نربى فيها اجيالا جديده تساعد فى تقدمها بالعكس داحنا واخدين منها افراد من اجيالها القادمين.. ولادنا المعانا هنا صح؟؟؟

[بندق أفندى]

فى سنة 1999 كنت نازل مصر من ماليزيا .. حيث كنت بدأت مع صديق لى نشاطة تجارى وكان يجب شحن بضاعة من مصر بأقصى سرعة ..

رحت لقيت خطاب استدعاء .. قلت أروح أشوف ايه .. على اعتبار انه بتروح تسلم الخطاب وتقعد شوية وتروح وكل يوم تروح شوية لحد ما تعدى الفترة..

الأخ بتاع الأفراد فى الودة قاللى روح مع العسكرى ده .. رحت .. قاللى نقيلك مخلة .. يا نهار أبوك أسود .. مخلة ايه اللى ممكن يكون فيها جرب دى ولا صلا الكلابس مش مقاسى .. وفين مخلتى اللى انا مسلمها أصلا ..

وكانو أسوأ 3 أسابيع فى فترتها .. تعليمات مشددة بعدم النزول نهائيا .. الجبل الأحمر كله تراب .. ننام فى عنبر زى حظيرة الحمير .. مفتح من كل ناحية .. الجو بارد موووووووووت .. ولازن تسد الشباك اللى حبنك بالبطانية الخيش اللى انت مستلمها .. وتتغطى بالتانية اللى لا تسمن ولا نغنى من برد ..

فى آخر 3 أيام حضر زميل للاستدعاء .. دفعوه 50 جني غرامة وبقى براءة وزيه زينا ..

كنا دفعة واحدة باقى على انتهاء فترة الاحتياط لها حوالى 4 شهور فقط ..

دخلنا فى حوار مع قائد المعسكر الذى قال انه فى اسرائيل فيه فترة تدريب سنوى .. مسكت النقطة دى وفردت له الملاية .. قلت تدريب سنوى للجميع معروف ومحدد سلفا هيكون متى .. مش فجأة كده تطق فى رؤوسكم تختارو شوية كسر تعملو لهم استدعاء .. بعد عشر سنوات من مغادرة الجيش ..

المهم الطلبية اللى كانت مسافرة جهزت وسافرت الحمد لله .. لكن بدون فحص منى بسبب عدم تواجدى ونحن نعرف الحقيقة حرص الصناع المصريين عى الجود والاتقان (حيث كانت كلها بضاعة صناعية يدوية) .. وخسرت قيمة الكونتينر كله بسبب 3 أسابيع فى الجيش .. أقسم لو كنا فى دولة متحضرة لكنت قاضيتهم على هذا النظام الغبى ..

اللى عاوز يعمل نظام تدريب واستدعاء يبقى للدجميع على فترات معروفة سلفا حتى لو يوم واحد ..

[المهندسه]

كلام الاستاذ بندق يؤكد كلامى السابق ان الجيش مابيهزرش عندنا و ماعندهمش اعذار لحد ابداا ...انا نسيت احكلكم قصه بس كلام بندق فكرنى بيها انا عمى كان برده مسافر وقت لما كان فى سن الجيش يعنى زماااااااااان اوى و من حوالى 4سنين افتكروه و قالولو تعالى انت كنت هربان من الجيش معرفش افتكروه ازاى بس يمكن كان ايام الحكم على تامر حسنى فاقوا و كانوا بيدوروا على كل الهربان من الجيش و لازم نعملك محكمه وجلسه و الله يا اخوانى ده حصل و فى الاخر حكموا عليه ب50جنيه فعلا زى ما بندق ذكر بالظبط؟؟؟؟

[kingsabry]

اللى عاوز يعمل نظام تدريب واستدعاء يبقى للدجميع على فترات معروفة سلفا حتى لو يوم واحد ..

تسلم يا بندق باشا ...

هو ده اللي بتكلم عليه ..

الناس المتغربة ممكن تكون أجازتها محددة المده يعني 32 أو 41 يوم

يعني بتتحسب باليوم ولو اتأخر ممكن يتخصم عليه او حتي يمشوه ..

مش امعه يعني

وانا عند كلمتي ... لو فيه نظام كويس .........

محدش هيعترض

اظن وجهة نظري وصلت

[بندق أفندى]

الحل كل واحد يسأل قبل ما ينزل