قليل البخت

[se_ Elsyed]

الحل كل واحد يسأل قبل ما ينزل

حتى أنت يا بندق ياللي مأكلنا الحلو كله ؟!!!!!!!!!

ولو سأل وعرف إنه أحتمال يبقى في إستدعا ... رأيك إيه ؟ ما ينزلش ؟

ولو كانت الأستدعا مترتب لها ومعروفه سلفاً إنها بتبقى في شهر 8 مثلاً من كل عام ...

تفتكروا جنود الإحتياط خصوصاً المغتربين ... هاينزلوا اجازات ؟

ولا يُستحسن أنهم ينظموا تلك التدريبات في مارينا عشان تعجب الناس ؟

[elfakhrany]

الأخ بندق أفندى تعقيبا على اقتراحك بتحديد مواعيد الاستدعاء لقوات الاحتياط مسبقا ...

هل يتم تحديد أى حرب مسبقا ؟؟؟ أم كما نسمع أن الحرب خدعة ؟؟ ياسيدى الفاضل الغرض الأول من الأستدعاء هى معرفة عدد قوات الاحتياط الموجودة داخل البلاد فى حالة التعبئة خلال مدة شهر

[ابو حودة]

اسف لعدم المشاركة في الحوار حيث عندي مشكلة في الدخول على الموقع

ليس من حق احد ان يتهم احد بالخيانة ولكن المسألة كلها النظام

ومسألة ان حد يجيله استدعاء بعد 10 سنوات ( ابو كرش ده لا يمكن يحارب ولا دياوله )

يعني مسألة ان اللي مسافر بره يمكن اعفاءه من الاستدعاء ليس لانه على راسه ريشة ولكن لان ظروفه اصلا انه مش موجود في البلد وموضوع العدد

العدد في الليمون زي ما بيقولوا وفي ناس كتير اصلا تم اعفائها من الخدمة لانه ليس هناك حاجة اليها ودي اللي ممكن يتم تدريبها بجد لانها هتكون فريش ( اصغر سنا وموجودة في البلد )

افضل شئ في الحوار انه غير ما قال العلامة بوش الله لا يسامحه من ليس معنا فهو ضدي

[بندق أفندى]

الحل كل واحد يسأل قبل ما ينزل

حتى أنت يا بندق ياللي مأكلنا الحلو كله ؟!!!!!!!!!

ولو سأل وعرف إنه أحتمال يبقى في إستدعا ... رأيك إيه ؟ ما ينزلش ؟

ولو كانت الأستدعا مترتب لها ومعروفه سلفاً إنها بتبقى في شهر 8 مثلاً من كل عام ...

تفتكروا جنود الإحتياط خصوصاً المغتربين ... هاينزلوا اجازات ؟

ولا يُستحسن أنهم ينظموا تلك التدريبات في مارينا عشان تعجب الناس ؟

لا يا حبيبى اللى أقصده انه الاستدعاء يكون روتينى محدد سلفا بظام ثابت ومعروف .. مش انتقائى بناءا على حاجات أساسها عدم العدالة

وبعدين ايه فايدة انى أدرب الناس اللى مسافرة ولو حصل حرب واستدعاء أصلا هيكون مشكوك فى وصولهم للبلد على الأقل فى وقت مناسب

تخيل مثلا حصل حرب والأجواء اتقفلت .. ولا مثلا مثلا شغلى ما رضيش يعطينى اجازة مفتوحة أروح أحارب؟

طبعا هتقول البلد والولد .. دى فانتازيا رهيبة ما توكلش عيش لأنه القائمين على البلد أول من دفعنا دفعا للهرب للخارج واول من يدوس رقابنا عند العودة ..

الأخ بندق أفندى تعقيبا على اقتراحك بتحديد مواعيد الاستدعاء لقوات الاحتياط مسبقا ...

هل يتم تحديد أى حرب مسبقا ؟؟؟ أم كما نسمع أن الحرب خدعة ؟؟ ياسيدى الفاضل الغرض الأول من الأستدعاء هى معرفة عدد قوات الاحتياط الموجودة داخل البلاد فى حالة التعبئة خلال مدة شهر

عزيزنا الفخرانى بك .. اسرائيل اللى استشهد بيها قائد المركز اللى كنا فيه .. عندهم نظام ثابت ومحدد على كل فئات الاحتياط والتخلف عنه يعتبر جريمة .. لكن اسمه جيش الاحتياط ويحتفظل كل برتبته فيه .. وهذا فى وجود حرب أو بدون حرب .. واستشهادك بالحرب اللى بتقوم بتدبير مسبق فى غير محله .. لأنه نظام التدريب هذا لا يسمن ولا يغنى من جوع ولا يقيم تدريب لاحتياط ولا ظباط .. لأنه يكون عدد محدود جدا جدا

ما نرجوه هو نظام ثابت يضمن اجاهزية لجيش الاحتياط على طول الفترة الاحتياطية .. وأوعدك انى هأنزل فى ميعاد الاحتياط أتدرب ساعتها

[بندق أفندى]

اسف لعدم المشاركة في الحوار حيث عندي مشكلة في الدخول على الموقع

ليس من حق احد ان يتهم احد بالخيانة ولكن المسألة كلها النظام

ومسألة ان حد يجيله استدعاء بعد 10 سنوات ( ابو كرش ده لا يمكن يحارب ولا دياوله )

يعني مسألة ان اللي مسافر بره يمكن اعفاءه من الاستدعاء ليس لانه على راسه ريشة ولكن لان ظروفه اصلا انه مش موجود في البلد وموضوع العدد

العدد في الليمون زي ما بيقولوا وفي ناس كتير اصلا تم اعفائها من الخدمة لانه ليس هناك حاجة اليها ودي اللي ممكن يتم تدريبها بجد لانها هتكون فريش ( اصغر سنا وموجودة في البلد )

افضل شئ في الحوار انه غير ما قال العلامة بوش الله لا يسامحه من ليس معنا فهو ضدي

فيه جيش الدفاع الشعبى وده لازم يكون فاعل ويتعمل له معسكرات تدريب تحت الجوالة ولا الكشافة ولا أى مسمى بس يكون جاهز ..

السؤال دلوقتى اذا قامت الحرب هيوصلنى استدعاء ازاى؟

وليه الجيش مش عارف انى مسافر أصلا؟ واحنا حكومة الكتروكهربائية

واذا صادفت وجودى هأتدرب على القعاد فى الشمس وسف التراب فى الجبل ماشى

طيب افترض انه فيه 500 من 1000 مستدعى مسافرين .. تبقى الخطة نجحت؟

هذا النظام له سبب اذا كان الغرض منه حاجة واحدة فقط وهى الحصول على أرقام واقعية اذا استدعينا 1000 هيجيلينا منهم كم؟

بس أسلفت اننا حكومة الكترونية والمفروض عارفين بدون أى لبس النسبة كم بعد اختيار العينة العشوائية لأنه غير مقبول ألا أعلم كم واحد من العينة مسافر ولا فى البلد

تم تعديل 6 يونيو 2009 بواسطة بندق أفندى

[MZohairy]

الغريب ان مصر بتعفي دفعات كامله من التجنيد

و كثيرا ما تقوم بتأجيل التجنيد لدفعات ايضا

و ده يعني انهم مش محتاجين ناس

و ده يعني ان مصر مش في حالة حرب ايضا

يبقى ليه استدعاء العواجيز و المرتبطين بظروف و مصالح و اشغال و مسؤليات؟

[بندق أفندى]

الغريب ان مصر بتعفي دفعات كامله من التجنيد

و كثيرا ما تقوم بتأجيل التجنيد لدفعات ايضا

و ده يعني انهم مش محتاجين ناس

و ده يعني ان مصر مش في حالة حرب ايضا

يبقى ليه استدعاء العواجيز و المرتبطين بظروف و مصالح و اشغال و مسؤليات؟

مش دى القضية يا زوهيرى باشا .. لأنه بيعفى الناس لأن الجيوش ما عادت تعتمد على الكم وانما الكيف وطبيعى انه الناس التى لديها خبرة (حلوة خبرة دى؟) هم من يعاد تدريبهم وتأهيلهم ..

لكن من خلال منظومة .. مع العلم انه سهل جدا جدا أى حد ما يدخلش الجيش ..

[MZohairy]

الغريب ان مصر بتعفي دفعات كامله من التجنيد

و كثيرا ما تقوم بتأجيل التجنيد لدفعات ايضا

و ده يعني انهم مش محتاجين ناس

و ده يعني ان مصر مش في حالة حرب ايضا

يبقى ليه استدعاء العواجيز و المرتبطين بظروف و مصالح و اشغال و مسؤليات؟

مش دى القضية يا زوهيرى باشا .. لأنه بيعفى الناس لأن الجيوش ما عادت تعتمد على الكم وانما الكيف وطبيعى انه الناس التى لديها خبرة (حلوة خبرة دى؟) هم من يعاد تدريبهم وتأهيلهم ..

خبره؟

خبرة ايه يا بندق؟ ما تصلي على النبي و تبطل تهريج :waf:

[بندق أفندى]

الغريب ان مصر بتعفي دفعات كامله من التجنيد

و كثيرا ما تقوم بتأجيل التجنيد لدفعات ايضا

و ده يعني انهم مش محتاجين ناس

و ده يعني ان مصر مش في حالة حرب ايضا

يبقى ليه استدعاء العواجيز و المرتبطين بظروف و مصالح و اشغال و مسؤليات؟

مش دى القضية يا زوهيرى باشا .. لأنه بيعفى الناس لأن الجيوش ما عادت تعتمد على الكم وانما الكيف وطبيعى انه الناس التى لديها خبرة (حلوة خبرة دى؟) هم من يعاد تدريبهم وتأهيلهم ..

خبره؟

خبرة ايه يا بندق؟ ما تصلي على النبي و تبطل تهريج :waf:

هو نص فيه تهريج ونص عادى .. بس بأمانة انا فى جيشى وأقسم بالله العظيم ما مسكت بندقية ولا مرة .. الا فى الاستدعاء المنيل ده ..

بس كل شغلى كان كمبيوتر وبرمجة باحتراف عالى جدا

[السويفي]

السلام عليكم:

ليس الانظمام للجيش وتعريض نفسك لمهانه العسكري او الصف ضابطبدون اي استفاده تذكر في الجانب العسكري ((بعضا يصل للشتيمه بالام

والاب))...هو الاخلاص للوطن

وليس انظمام احد متخرجي احد التخصصات الطبيه للجيش ليعمل بواب في مستشفي هو الاخلاص للوطن.....

وليست السنه او الثلاث سنين التي تقضيها في الخدمه بدون ان تمسك بندقيه واحده هي التي ستاهلك للحرب ....

وليس كل من خدمو في الجيش وحدهم هم من سيتقدمو للخدمه في الجيش اذا حصلت الحرب

اذا استطعت انا اهرب من الخدمه الالزاميه في الجيش(((التي ليس لها اي قيمه عسكريه)))فسأهرب

واذا حصل ان دخلت مصر في حرب فسأتطوع للقتال

اعتقد ان ليس كل من حاربو في 48 في فلسطين او 65 في السويس او من تطوعو في 76 او 73 هم ممن ادو الخدمه العسكريه

[doha]

كده يبقى حق اعترف بخطئي وان الراجل ده فعلا قليل البخت بجد ..

كنت فاكره ان الاستدعاءات زي الجيش لها تبليغ بس لما قرأت كلامكم رحت سألت زوجي فقالي ان الاستدعاء بيجي برقم الدفعه نفسها مش بالحالات الفردية وعلى هذا فشكرا لكم على تصحيح المعلومه ..

وبالمناسبة كلامكم عن القرف الي شفتوه في الجيش خاصه كلام الاستاذ بندق على عكس ماهو متوقع بيرفع المعنويات جدا .. بقارنه بلقطه لا تمحى من ذاكرتي للجنود الامريكان ايام حرب الخليج في بدايه التسعينات لما ضربوا ( اول طلعه جويه ) على العراق وازاي جابوهم بعدها في لقطه فرحانين قال بالنصر وجايبين استعداداتهم وتنظيمهم ومن ضمنه وهم قاعدين في ( الميز ) بيفطروا .. وعلى غير ماتوقعت ابدا مكانوش بياكلوا زلط ولا طوب وانما كل واحد كان قدامه سلطانية .. كورن فليكس ..

عادي ياجماعه السجن للجدعان والجيش ( المصري ) للرجالة وبيخرج رجاله .. بجد في امل

[زعلان]

انا ما جليش استدعاء من الجيش لحد دلوقتي هل المفروض اروح اسلم نفسي لمكان معين وهل في اجراءات لازم تتعمل وهل ازدواج الجنسية بيمنعك من دخول الجيش

[MZohairy]

ماتخافش

انت من الأحرار يا زعلان

قصدي من المعفيين يا زعلان

بس اللي بيعمل الخير ما يشورش

روح اتطوع في اقرب مركز تجنيد لتقوم بدورك الوطني

و اهديك اغنية المرحوم عبد الحليم حافظ....فدائي

فدائي فدائي فدائي فدائي ........فدائي

و اموت اعيش

ميهمنيش

و كفايه اشوف علم العروبه بائي بائي

فدائي فدائي فدائي فدائي ........فدائي

[زعلان]

طيب هو اعفاء اجباري ولا اختياري يعني من حقي الدستوري اني اتطوع في الجيش ولا ممنوع

[بندق أفندى]

نسيت أن سجل الجانب الايجابى من دخولى الجيش .. وقبلها يجب ان أسجل أنى اخترت أن أدخل الجيش بنفسى حسيث كنت هأسخرج اعفاء طبى نتيجة وجود كسر فى كتفى الأيمن ..بالصدفة طبيب الأشعة وطبيب العظام كانا أصدقاء صديق عزيز لى وأعرفهم جيدا .. وكانا مصرين على اعفائى لكنى اخترت أن أدخل .. بس اعفاءا لشقيقى الأكبر ..

انا واحد من المحظوظين فى الجيش المصرى .. كنت فى لواء قائده يحمل درجة الدكتوراة فى العلوم العسكرية ويحمل درجة الماجستير فى علوم الكمبيوتر .(وهو قائد فرع الرادار على مستوى الجمهورية فيما بعد) .. ورئيس أركانه أيضا من أهم الشخصيات التى قابلتها بيحب مصر (وهو ملحق عسكرى لمصر فى دولة أوربي فيما بعد)

كل الضباط كانو جريجى فنية عسكرية ما عدا ضابط الشئون الادارية .. كنت أعامل معاملة العلماء نظرا لاتساع أفق العاملين هناك واهتمامهم بالكمبيوتر وبالتالى كنت ثروة بالنسبة لهم .. ويوم كنت سأخرج اقسم قائد اللواء هذا انه لو كنت ضابط احتياط لما تركنى أخرج من الجيش ..

كنت أقيم فى مكتب شتوى مكيف دافئ ومكتب صيفى مكيف بارد .. وتحت يدى شبكة كمبيوتر ومتاح كل شئ فى فترة استفدت فيها جدا علاوة على انى كنت كموظف اذهب لبيتنا يوميا ..

رئيس أركان هذا اللواء كان شخصية عبقرية فى الادارة .. يأخذ منك ضعف طاقتك وتكون مبسوط ومرتاح وعندك رغبة فى المزيد .. لم يترك مرة صف ظابط ولا ظابط مخلة يتحكم فى عسكرى مجند .. لذا كان محبوبا من الجميع الا من صف الظباط والمخلاوية ..

استمرت علاقتى بالجميع طيبة بعد ان خرجت بفترة وحتى بعد سفرى .. وكان أى حد يحتاج أى حاجة كنت أساعده فى حدود امكانياتى ..

قدمت لهم برنامج متكامل بكل بيانات الأفراد وكل بيانات التدريب وميكنت التقارير الشهرية التى كان يستغرق اعدادها اسبوعا من 5 أشخاص بالعمل اليدوى أصبحت يتم التعديل عليها يوميا حسب المستجدات تطبع فى أخر يوم ى الشهر وترسل للمستوى الأعلى .. ونال عنها اللواء خطاب شكر

قدمت لهم عرض رسوم متحركة مدته ثلاث دقائق عرض على رياسة الجمهورية يشرح المنظمومة مالجديدة المميكنة لنظام الدفاع الجوى الذى كان قائما عليه هذا اللواء .. نال عنها اللواء خطاب شكر من وزارة الدفاع (حيث تتسق مع نظام الميكنة)

يوم كان يجب تسليم هذا العرض جلس بجوارى قائد اللواء من الساعة 8 مساءا حتى الثامنة صباحا ليتأكد انى سوف انتهى فى الموعد وقال لو ما انتهيت جهز نفسك لدخول السجن (الأمر الآن أبسط بكثير من وقتها حيث كان المتاح هو أوتو ديسك أنيميتور أو ستور بورد) بامكانيات فقيرة للغاية علاوة على بطءالكمبيوتر أصلا

قدمت لهم دراسة عن استراتيجيات الدفاع والأسلحة والعدائيات المحتملة .. تجميع المادة العلمية .. الاخراج الفنى والطباعة .. قدمت فى ندوة للقوات المسلحة وفازت بالمركز الأول

ما قدمته كله كان باقتراحات سخصية .. يعنى لم أكن راغبا فى الأنتخة وكنت أستطيع هذا .. وكنت أخدم بلدى بحب ساعدنى عليه حسن المعاملة .

لكن ان تستدعى للجيش وانت كسر بجد .. ثم تجبر على ان تأكل نوجا وبسكوت من الكانتين او تأكل ابشع وجبة تتخيلها فى حياتك .. مكرونة مقلية فى الزيت مصبوب عليها ملوخية ولا أبشع .. طبعا هو ده كل الأكل .. لا معاه سلطة ولا لحمة ولا أى حاجة .. فى حين أنه ميزانية الجيش فى الأكل تسمح بوجبات ممتازة وأكل على أعى مستوى .. هل التعرض لهذا الظلم ينتج نفس قادرة على مقاومة الصعاب؟ خصوصا لما ترى الفارق شاسع بين ما يحصل عليه الجندى والضابط من خدمة .. ببساطة لأنه كله بيتسرق

[alex man]

يا ولدى بندق أفندى انت كنت اخر مجهنة فى الجيش انت لم تراى الجيش الحقيقة يعنى ام الجارية تحضر بعد اسبوع ولا ترى الماء الا لترين فى اليوم ولاتنزل اجازة الا بعد 65 يوم ولا توجد الراحة من الخدمة الا يوم الاجازة الى اخر يوم فى الجيش كان هناك خدمة لبعض الافراد

[بندق أفندى]

يا ولدى بندق أفندى انت كنت اخر مجهنة فى الجيش انت لم تراى الجيش الحقيقة يعنى ام الجارية تحضر بعد اسبوع ولا ترى الماء الا لترين فى اليوم ولاتنزل اجازة الا بعد 65 يوم ولا توجد الراحة من الخدمة الا يوم الاجازة الى اخر يوم فى الجيش كان هناك خدمة لبعض الافراد

ما قصدت قوله يا عزيزى انه برغم المنحهة دى .. انما أعترض على الظلم القائم .. لأنه كان هناك ظلم بين يفسد النفس ويفسد الانتماء أصلا .. صحيح كنت أعامل على انى عقلية منتجة أكتر من العمل البدنى .. لكنى كنت أعمل فى الانشاءات بحب واخلاص وقتما كان يتاح لى خصوصا فى مراكز التدريب .. لكن هناك ناس كما حكيت حضرتك جيشها حلبة زى ما بيقولو ..