ازاي اقول ماشي؟؟

[بنت شعنونة]

كروساية فتحت موضوع عن اول شهور الأرتباط

انا بقى عندي مشكاة عظييييييمة بقى

ازاااااااااي ارتبط اصلا

يعني من الأخر كدا انا عندي ايييييي عريس بيتقدمل بقول ماشي عليه!!!

ليه؟؟

مش عارفا!!!

يقولولي يا بنتي في حاجا اسمها قبول؟؟

طب استريحتيله؟ حسيتي ب ايه طيب لما شفتيه؟

طب شكله عجبك؟

طب كلامه؟؟

وتبقى الأجابة دايييييما

مش عااااااااااااااارفة!!!!!!!

ودا بيسببلي مشكلة جامدة جدا جدااااا

لآني ماليش مقاييس للأسف

والمقايس الي انا عاوزاها

مش شكل ولا لبس ولا اي حاجا

كلها جوووووهرية ويمكن ما تبانش الا بعد عاااااااااشر لقاء مثلا!!!!

طب الحل

حد يقولي صفة عشان اعرف انا قلبت دا الا لا

او اقبله الا لا

يعني فيه ناس يتقال عليها لا من اول لحظة وناس لا

وانا ما اعرفش الكلام دااااا خااااااالص

زي مثلا العريس اللي كان معهد خدمة اجتماعية دا

كللللللللل زمايلي مسحوا بيا الأرض لما قلت ماشي نكمل ونشوف

في حين اهلي اعتمدوا على راي

اللي انا اصلا مش لاقياااااااه : ((

يبقى الحل ايييييييه؟؟؟؟

[سقراط المصري]

شعنونه

قرأت المداخله مرتين ، ولم افهم إيه المطلوب، فبرجاء سواء منك او من احد الاعضاء انه يحول كلامك للغه عربيه مفهومه ، او يكتب السوال بحروف عربي.

سقراط

[بنت شعنونة]

ماهي دي المشكلللللة

انه ماحدش فاهمنييييي

يعني اقولك

مثلا انت رايح تتجوز

ف هاتشوف عروسة

بعد اول مقابلة بيقوللك هاااااا

ايه رايك بقى

تقوم ترد عليهم وتقولهم

لا شكلها ما عجبنيش.. لبسها مش استايلي.. عاوزها محجبة مش بشعر..

او تقول اه كانت كويسة زي ما انا كنت عاوزها.. اه انا عاوزها مهندسة زي ما هيا كدا

حجات زي كدا

انا بقى

لالالالالالالالالالالالا

كله عندي تماااااام

مش فارق بقى

بكرش من غير ازعة طويل دككتور او ميكانيكي

ارررييييييد حلالالالالالا

فهمت حاجا؟؟؟

[سقراط المصري]

ماشي يا شانا ولو اني فهمت نص نص يعني ، ماعلينا.

سقراط يتكلم:

الزواج يا شانا عباره ان البنت بتختار افضل الوحشين ، والولد بيختار افضل الوحشينات. حلوه دي.

بمعنى انا لا يوجد بنت او ولد كامل ، كلهم فيهم عيوب وحسنات ، فانت ممكن في سبيل بعض الحسنات ( الصفات الجميله)، تتغاضي عن بعض السيئات ( الصفات الوحشه).

فالاول لازم تعرفي إيه الحسنات اللي من الدرجه الاولى تفرق كتير معاكي.

مثلاً ممكن تقولي موهل عالي . وده هيحدد اختيارك للعريس.

وممكن تقولي لا انا عيزاه دكتور ، وبكده الفئه تحددت شويه بس في نفس الوقت قفلت على فرص كتيره للموهل العالي.

وممكن تقولي موهل عالي او فوق المتوسط .

اللي اقصده ، انه كلما كانت الفئه عريضه كلما كانت الفرص كتير.

وتبتدي تعنوني الصفات الحميده في فئات يفضل تكون كبيره.

الموهل- مستوى الاسره الثقافي- التقارب الفكري..........

بعد كده تنزلي لفئه الشخص ذاته زي

بيدخن ماشي او لازم يكون ما بيدخنش

طولك او اطول او اقصر

وبذكرك تاني واقولك ان ممكن تكون في العريس حسنات وسيئات متناقضه ، فانت بتوزني الامور وتشوفي هل ممكن تتقباي مثل هذه العيوب.

احيانا يكون بعضهم بالفطره شخص هادي ، وممكن تكوني انت شايفه ان ده عيب كبير لانك مثلاً ما بتحبيش الهادي جداً .....وهكذا

وارجع واقولك تذكري دائماً انك لست وحدك الذي يختار عريس المستقبل ، فهو ايضاً يبحث عن زوجه . ومش معنى ان الرجل حضر ليتقدم ان هو خلاص متيم بك ، لا المفروض انك عجبتيه مبدئياً ويمكن يشوف فيك عيوب برضه مع المقابله.

فلا تعطي لنفسك كل الحق في الاختيار، إعطيه حقه برضه ، وكلنا فينا عيوب يا شانا.

فكري يا شانا لوحدك وحددي النوعيه اللي ممكن تمشي معاكي، ويفضل جداً العريس اللي تحسي انه راجل في وقت الزنقه ، لان الزواج ده مشاركه ومش كله حلو ومش كله وحش ، والحياه عباره عن مواقف وزنقات، وعايزه الواحد يكون نفسه طويل .

فهمتي حاجه.

سقراط

[SANAA]

اول ما النصيب يجى حتلاقى الاجابه على السؤال

اصل الرضا ملهوش مقايس

لما ربنا يريد حتلاقى انك مرتحاله ويمكن انت نفسك حتكونى مستغربه

سبحان الله مؤلف القلوب

[بنت شعنونة]

عريس في الوقت الضايع...!!

من يجي اسبع كدا جه عريس عشان يشوفني واشوفه

وقال عليا ماشي..

شفته تاني امبارح على اساس ان اقعد معاه وافهم مخه لآنه ما اتكلمش خااااالص المرة الأولى معايا

والدته واخواته البنات محجبات واماااامير خاااااالص لابسين عبايات وشكلهم طيبييييين جدا حتى في كلامهم تحسهم طيبين جدا جداااا..

وهما ملتزمين يعني البنات ما تسلمش ع الرجالة الرجالة ما تسلمش ع البنات... كل دي مميزات هاااااااااايلة جدا عندي

نيجي للقلق بقىىىىى "اللهم طولك ياروح"

كان بتيكلم معايا بعد الحاح من والدي اننا ناخد جنب عشن نتكلم لوحدنا

فلقيته بيقولي

انتوا بتتفرجوا ع التلفزيون كتير؟؟

قلتله يعني.. بس احنا فاتحينه دلوقتي عشان يعمل دوشة بدل ما نقعد ساكتين كلنا..

راح قال احنا ما بنتفرجش عليه كتير.. الا صباح الخير يا مصر و الكورة و الأخبار و لو مسلسل مهم وخلاص

!!!!!!!!!!!!!!!!!!!!!!!!!!!!!!!!!!!!

واحنا ما بنشوفش فيديو كليب خااااااالص لآننا بنعتبرها تفاهه

؟؟؟؟؟؟؟؟؟؟؟؟

بعدها بشوية قالي

انه عشق نوال الزغبي وبيسمعلها كللللل اغانيها

وعلى حظة جه فيديو كليب لها فكان تقريبا متنننننح جوا الشاشة لدرجة انه ما سمعش والدته وهيا بتنادي عليه مرتين!!!!!!!!!!

بنتكلم عن مطروح قالي انه يكرهها..

قلتله احنا بنحب نصيف فيها عشان فاضية ف نعرف ننزل البحر عشان الحجاب وكدا

قالي انتي لسا بتنزلي البحر وانتي كبيره كدا؟؟

!!!!!!!!!!!!!! ( انتحر يعني؟؟)

كان خاطب وفركش عشان خطيبته علاقتها حميمة زيادة عن اللزوم مع الاقارب

يعني بتقعد بالشورت قدام ولاد عمها

!!!!!!!!!!!!!!!( ازاي خطبها؟؟ مش عارفة؟؟)

بابا كان موصيني اساله هل ليه شقة خاصة بيه او لا

لما سالته

قالي بتسالي ليه؟؟؟؟ ( وعلامات الحذر و القلق على وشه)!!

قلتله للعلم بس مش اكتر

قالي.. يعني ايه شقة؟؟ وخاصة؟؟

قلتله دا مجرد سؤال؟؟؟؟

- تتوقعي ايه يعني؟

- ما اعرفش

- يعن انتي تتوقعي اييه؟

فضل يلف ويدور يجي عشر دقايق لحد ما رد باقتضاب

ايوا عندي شقة

!!!!!!!!!!!!!!!! ( هوا السؤال حرررررم؟؟؟؟)

سلته عن مواصفات الزوجة

قالي مافيش!!!!

المهم انها ما تبقاش متداخلة قد كدا مع اهلها وانه تبقى مش لبخة تعرف تتصرف في وقت الزنقة و يبقى عندها احساس

يعني بالكتير 9 تبقى في بيتها

قلتله ماهي ممكن تتاخر برا لظروف فلو كلمتك انا في المكان في الفلاني وعندي ظرف ما وها اتاخر يبقى مش مشكلة...

هز رسه انه كلام مش عاجبه!!!!!!!

طنط اللي جايبا العريس ( قريبتنا)

غلططتني في كلللللل كلمة قلتها!!!!

وقالتلي ماكانش مفروض تقولي ا حاجا من دا

الراجل جاي يتعرف عليكوا

وهوا ها يتعرف علنا اننا نتكلم في السياسة يعني؟؟؟؟؟

"وش محتار جدا"