مين بيحب العربيات ؟

[Mercedes]

السلام عليكم و رحمة الله و بركاته

أنا قاعد من بدرى مستنى دكتورنا الغالى / الدكتور هشام عشان يوصل البث المباشر من القاهرة بس شكله كدة و الله أعلم أنه مشغول حبتين .

أنا بس كنت عاوز أطمن عليه , شكله كدة ممكن يكون لقى العربية الكرايسلر ليبارون اللى كان بيدور عليها و بدأ يظبط فيها bnd5::

هيييييييه ( تنهيدة ) - يالله و اللى اداك يدينا يا بااااااااااااااشا

ان شالله تكون بخير jmb-)

أخوك الصغير ( اللى لسه مستنى الحتة ال Jaguar xj8 ) / مرسيدس S430 gra:-

[Mercedes]

السلام عليكم و رحمة الله و بركاته

بما أننى بقالى أسبوع بتكلم و برد على نفسى , لكن معلش , مش مشكلة

امبارح و أنا بتفرج على التليفزيون , كان فى فيلم ظريف اسمه Tommy boy و المهم أن الفيلم كان البطل راكب فيه عربية , كتير من الناس يقولوا عليها عربية أمريكانى و السلام و كتيييييييير جدا هيقولولى ايه القرف دة

بس أنا مش عارف ليه العربية دى دخلت مزاجى أوى يمكن لأنها من السيارات الحديثة بس فيها لمحة كلاسيكية ؟؟؟ مش عارف و الله

المهم أن العربية دى ايه؟؟؟

Cadillac De Ville

قمت أنا ما كدبتش خبر و قمت داخل على النت و بدأت أدور و أدور

تخيلوا لقيت ايه

لقيت أنك ممكن تشترى واحدة موديل 1999 و مش ماشية كتير و بحوالى 3000 دولار أمريكى بس , يا بلاش و الله

حتى الروابط أهيه

http://www.autotrader.com/fyc/vdp.jsp?ct=u...;standard=false

http://www.autotrader.com/fyc/vdp.jsp?ct=u...;standard=false

http://www.autotrader.com/fyc/vdp.jsp?ct=u...;standard=false

يالله ربنا يفتح علينا و يرزقنا الخير ان شالله

أخوكم / Mercedes S430

[Mercedes]

السلام عليكم و رحمة الله و بركاته

للأسبوع التانى عالتوالى و أنا أتحدث و أرد على نفسى

يالله , مش مشكلة , أنا كنت الأسبوع اللى فات قولتلكم على السيارة ال Cadillad Deville

الأسبوع دة لقيت عربية أفخم و أجمل و أرفه بكتييييير منها و طبعا كالعادة سعرها لا يقاوم

الا و هى ال Cadillad Seville

الغريب أن تمنها بالمقارنة بموتورها و امكانياتها تخلى الواحد يعيط و هو بيتفرج عليها و اليكم الروابط التالية

http://www.autotrader.com/fyc/vdp.jsp?ct=u...;standard=false

http://www.autotrader.com/fyc/vdp.jsp?ct=p...;standard=false

http://www.autotrader.com/fyc/vdp.jsp?ct=u...;standard=false

و ربنا يقدم مافيه الخير

[د هشام ابراهيم]

مرسيدس باشا ..أنا داخل بس أقول لسعادتك انك أصيل و أصالة النجمة الفضية الثلاثية كمان جواك :happy:

بص يا سيدي مشروع العربية الامريكاني اياه أتنسف .... أولا ما لحقتش أدور كويس و يا دوبك شفت عربية موستانج واحدة بس حالتها كانت وحشة قوي ...كمان صاحبها عمل عليها تعديلات خارجية سيئة للغاية بوظتها خالص ...زاد الطين بلة بقي إن صحابي المهتمين بعالم السيارات حذروني من شراء عربيات قديمة لأن حسب كلامهم الحكومة حتطلع قرار بتكهين العربيات الملاكي اللي موديلها قدم تباعا ..... حرام أجيب عربية و اصرف عليها و بعدين تترمي ...... حنفكر في جنونة جديدة wst::

[Mercedes]

السلام عليكم و رحمة الله و بركاته

أشهد أن لا اله الا الله و أن محمد رسول الله

أخيرا فى حد عبرنى فى التوبيك دة

ده أنا عمال أقرأ الرد بتاع دكتورنا الغالى الدكتور هشام و الدمعة هتفر من عينى

ايه الغيبة الطويلة دى

معقول سافرت مصر و جيت و قعدت كل دااااااااه فى مصر و فى الآخر ما اشتريتش العربي الأمريكانى اللى كنت بتدور عليها ؟؟؟؟؟

يالله عالعموم خير ان شالله

بس أنا مش مع سيادتك فى موضوع العربيات الملاكى القديمة اللى هتتكهن فى مصر لأن الكلام ده سليم للسيارات الأجرة لكن الملاكى لأ, لأن فيه ناس هاى لايف أوى و عندهم عربيات موديل 1940 و لا زالت بحالة ممتازة و صالحة للسير و لا زالوا بيركبوها , أنا بعتقد أن اللى هيحصل أن العربيات القديمة اللى الفحص الفنى عند التجديد يثبت أنها صالحة للترخيص و التسيير , هى اللى هتترخص و اللى حالتها تعبانه مش هيسمحولها بالترخيص تانى لحد ما حالتها الفنية تتظبط .

المهم يا باشا حمدالله عالسلامة و المنتدى كله نور و الله

و عاوزين نسمع عنك خير يا باشا

ألا هو سيادتك مقدمتش لسه على ال Citizenship و لا ايه , أصل بيتهيألى أن سعادتك أكيد مر عليك 3 سنين فى كندا

أخوك اللى بيحلم بالJaguar xj8 2001 / مرسيدس S430

[Mercedes]

السلام عليكم و رحمة الله و بركاته

أنا كنت معدى لقيت القهوة ( التوبيك ) دى مقفولة و عليها تراب كتيييييييييييير أوى , قلت أفتحها و أنفضها و أرش أدامها شويه ميه يمكن البركة تحل و الزباين ترجع تيجى زى زمان .

ألا أنا كان عندى سؤال

هو بالنسبة للسيارة الأوبل فكترا موديل 2007 - 1600 سى سى - كسر الزيرو , فى حد سمع عنها حاجة وحشة لا سمح الله ؟؟

أصل أنا كنت بادور فى العربيات فى مصر و أسعارها من باب العلم بالشئ فلقيت أن أسعار الأوكتافيا و الجيتا ضاربين فوق أوى و بعدهم تيجى التويوتا كرولا ال 1600 و بعد كدة اللانسر ال 1600 برضه , عى فكرة العربيات دى كلها كسر الزيرو .

المهم لقيت الأوبل فكترا لو الشكل الجديد و موديل 2007 - 1600 بتعمل حوالى 110000-120000 جنيه مصرى

فأنا قلقت بصراحة لأن السعر دة بالنسبة لى يعنى أنا شايفه واقع أوى و لا اييييييييه

فلو فى حد سمع أو عرف عن العربية دى حاجة يقولى , بلييييييييييييييييز .

شكرا جزيلا جدا

و ياريت ماتبقوش تغيبوا عننا فى القهوة دى , مش كل مرة أنا آجى ألاقى القهوة مقفولة و أنا اللى أفتح و أنفض التراب و أرش ميه .

عيب كده يعنى . bnd5::

أخوكم / مرسيدس S430 :lol:

[د هشام ابراهيم]

بس أنا مش مع سيادتك فى موضوع العربيات الملاكى القديمة اللى هتتكهن فى مصر لأن الكلام ده سليم للسيارات الأجرة لكن الملاكى لأ, لأن فيه ناس هاى لايف أوى و عندهم عربيات موديل 1940 و لا زالت بحالة ممتازة و صالحة للسير و لا زالوا بيركبوها , أنا بعتقد أن اللى هيحصل أن العربيات القديمة اللى الفحص الفنى عند التجديد يثبت أنها صالحة للترخيص و التسيير , هى اللى هتترخص و اللى حالتها تعبانه مش هيسمحولها بالترخيص تانى لحد ما حالتها الفنية تتظبط .

أصيل يا AMG :closedeyes: :happy: :lol:

الصراحة سعادتك الواحد ما يضمنش السادة المسئولين في مصر يهفهم عقلهم و يطلعوا بقرارات ما أنزل الله بها من سلطان .....بس علي فكرة واحد صاحبي حبيبي قالي خليك في السليم و رخص العربية خارج القاهرة ...شكلي حارجع أدور تاني علي موستانج أو ليبارون wst::

بص يا سيدي مش عارف الفيكترا ليه سعرها نزل ...إحتمال إن شركة اوبل بقيت شركة لقيطة من ساعة ما GM أتخلصت منها .... و الله أعلم

[Mercedes]

السلام عليكم و رحمة الله و بركاته

ياااااااااااااه :ninja:

أخيرا حد رد على فى القهوة دى , لأ و مش أى حد , دا الدكتور هشام بذات نفسه :rolleyes:

و الله عمار يا كندا

بس برضه , أنا رأى أنك يا باشا تشوفلك حتة Jaguar XJ 8 موديل 2000-2002

أنا رزل , صح !!!!!!!!!!! :lol:

ربنا يوفقك و يكرمك و يديك على أد نيتك mfb:

ياااااااااه , دا ربنا هيديك كتييييييييييير أوى :)

أخوك / MERCEDES S430

[Mercedes]

السلام عليكم و رحمة الله و بركاته

ألا أنا كان عندى سؤال

و طبعا السؤال موجه الى السادة الخبراء فى السيارات اللى فى مصر و مدى نجاحها و صلاحيتها للسوق و البيئة و المجتمع و الشارع المصرى الجمييييييييييييييييل

أنا لاحظت أن فيه عربية لقطة ذى الأوبل فكترا موديل 2003 مثلا و حوالى 1600 CC و حالتها ممتازة و فابريكة بره و جوه و السعر بيلعب فى ال 75000 جنيه

أنا شايف أن السعر ده بالنسبة للعربية دى حلو <_<

بس أتا كنت عاوز أعرف هو ماحدش سمع حاجة وحشة عن العربية دى لا سمح الله :smart: أو أن هناك مشاكل فى الصيانة و قطع الغيار مثلا و خصوصا بعد الأزمة اللى حصلت لجنرال موتورز لأتها هى اللى كانت بتملك شركة أوبل <_<

و خصوصا كمان أنى لاحظت ناس بتبيع الأوبل فكترا ال 1600 موديل 2007 و 2008 الممتازة و بحوالى 110000 - 120000 جنيه :blush2:

و أنتم طبعا عارفين أن الأوبل فكترا و بالذات لو ألمانى مش من السيارات اللى الواحد يشتريها و يبيعها بعد سنة , الكلام ده ممكن يحصل فى عربية صينى ولا ماليزى و لا حتى كورى لكن مش الأوبل فكترا يعنى !!!!!!!!!!!!!!!!!!! :wub:

فلو كان فى حد بيعرف و متخصص فى السيارات عموما و الأوبل خصوصا cld: , يا ريت يبقى يفيدنا و أكيد ان شاء الله ربنا هيجازيه خيييير

و الله المستعان

و معلش للاطالة :)

أخوكم فى الله / MERCEDES S430

[Mercedes]

السلام عليكم و رحمة الله و بركاته

يعنى كل المشاهدات دى و مفيش حد واحد بس يوحد ربنا بيعرف أو سمع أى حاجة عن الأوبل فكترا

أما عجايب و الله

دا أنا لو بسأل على آخر أغانى نانسى عجرم أو على اسم الكوافير بتاع هيفاء وهبى , كان وصلنى ييجى خمساشر تمناشر رد !!!!!!

طيب لما نستنى كمان شوية , يمكن ييجى الفرج

[د هشام ابراهيم]

صديقي العزيز عليك بواحدة من المنتديات المصرية المتخصصة في السيارات ..... و ما شاء الله فيه علي الأقل ٣ أو أربعة فيها ناس مجانين عربيات و ليهم خبرة واسعة للرد علي سؤال الأوبل ده

أنا لازم اعترفلك بالحقيقة .....أصل .....أصل .....أصل .....أنا ما باحبش الجاجوار .....خالص خالص يعني ...... حبيب هارتي و الله يا AMG :angry:

العربية المسيطرة علي تفكيري بقالها كذا سنة و خلاص نازلة السنة الجاية باذن الله هي البتاعة ديه .....بس تمنها حراق قوي

[Ahmed Anwer]

بالضبط كده زي ما دكتور هشام بيقولك

[Mercedes]

صديقي العزيز عليك بواحدة من المنتديات المصرية المتخصصة في السيارات ..... و ما شاء الله فيه علي الأقل ٣ أو أربعة فيها ناس مجانين عربيات و ليهم خبرة واسعة للرد علي سؤال الأوبل ده

أنا لازم اعترفلك بالحقيقة .....أصل .....أصل .....أصل .....أنا ما باحبش الجاجوار .....خالص خالص يعني ...... حبيب هارتي و الله يا AMG :wub:

العربية المسيطرة علي تفكيري بقالها كذا سنة و خلاص نازلة السنة الجاية باذن الله هي البتاعة ديه .....بس تمنها حراق قوي

السلام عليكم و رحمة الله يا دكتور هشام باشا يا راجل يا عسل :D

و الله يا باشا انت بليت ريقى بعد طول جفاف :lol:

أنا بقالى شهرين تقريبا , باتكلم فى القهوة دى و برد على نفسى لدرجة أننى قربت أزهق و فكرت أرهن القهوة لبنك التسليف الزراعى و أشوف عقد عمل فى ليبيا ;)

و بعدين الجاجوار قصدى اللكزس حلوة برضه bv:- , ماقلناش حاجة , بس موديل العربية اللى فى الصورة دى مانزلش لسه

ايه رأيك , ما تجيب ال LEXUS LS460 smk:

دى حاجة كووووووووول خالص و ممتازة بس مش رياضية

المهم أننا اتشرفنا بيك تانى فى القهوة دى بعد طول غياب

أخوك / MERCEDES S430

[د هشام ابراهيم]

بالضبط كده زي ما دكتور هشام بيقولك

يا نهار أبيض ...يا دي النور يا دي النور ...الذوق و الادب و الأخلاق و الشياكة كلها شرفتنا في الكافيه ...منور يا أحمد باشا :rolleyes:

[د هشام ابراهيم]

السلام عليكم و رحمة الله يا دكتور هشام باشا يا راجل يا عسل :blush2:

و الله يا باشا انت بليت ريقى بعد طول جفاف :rolleyes:

أنا بقالى شهرين تقريبا , باتكلم فى القهوة دى و برد على نفسى لدرجة أننى قربت أزهق و فكرت أرهن القهوة لبنك التسليف الزراعى و أشوف عقد عمل فى ليبيا :ninja:

و بعدين الجاجوار قصدى اللكزس حلوة برضه :lol: , ماقلناش حاجة , بس موديل العربية اللى فى الصورة دى مانزلش لسه

ايه رأيك , ما تجيب ال LEXUS LS460 :lol:

دى حاجة كووووووووول خالص و ممتازة بس مش رياضية

المهم أننا اتشرفنا بيك تانى فى القهوة دى بعد طول غياب

أخوك / MERCEDES S430

اصمد يا صديقي ده أنت لولاك القهوة ديه كانت جابت ضرفها بدري :blink: .....سبحان الله تعرف يا AMG يا صاحبي أصلا عالم العربيات ده كان أول مدخلي للمنتديات ...إيه سبحان من له الدوام

بص يا سيدي ال-LFA بقالهم سنين عالنين عنها و بتنزل في معارض و بتاع انما سكتم بكتم عن معاد نزولها لحد ما الناس كلت وشهم الصراحة .... لحد من كام أسبوع كده نما لعلم مراسلنا في توكيل لكزس انها نازلة ٢٠١٠ .... و سعر يبدء من ٣٧٥ ألف دولار كندي .....أنسي يا عمرو طبعا ..أخرنا نتفرج عليها و نحلم من بعيد لبعيد

ال- LS أسطورة مفيش كلام لكن كبيرة قوي يا باشا ديه تبقي عربية خطة التقاعد لو ربنا كرم الواحد ...قادر علي كل شيء

اللطيفة فعلا عربية هجين سيدان جديدة اسمها HS عملت تجربة قيادة ليها من كام أسبوع ....تحفة بكل المقاييس و اتوقع ليها نجاح جامد في سوق أمريكا الشمالية

[Mercedes]

السلام عليكم و رحمة الله يا دكتور هشام باشا يا راجل يا عسل :egyflag:

و الله يا باشا انت بليت ريقى بعد طول جفاف :partytime:

أنا بقالى شهرين تقريبا , باتكلم فى القهوة دى و برد على نفسى لدرجة أننى قربت أزهق و فكرت أرهن القهوة لبنك التسليف الزراعى و أشوف عقد عمل فى ليبيا :phar:

و بعدين الجاجوار قصدى اللكزس حلوة برضه pps: , ماقلناش حاجة , بس موديل العربية اللى فى الصورة دى مانزلش لسه

ايه رأيك , ما تجيب ال LEXUS LS460 :phar:

دى حاجة كووووووووول خالص و ممتازة بس مش رياضية

المهم أننا اتشرفنا بيك تانى فى القهوة دى بعد طول غياب

أخوك / MERCEDES S430

اصمد يا صديقي ده أنت لولاك القهوة ديه كانت جابت ضرفها بدري pps: .....سبحان الله تعرف يا AMG يا صاحبي أصلا عالم العربيات ده كان أول مدخلي للمنتديات ...إيه سبحان من له الدوام

بص يا سيدي ال-LFA بقالهم سنين عالنين عنها و بتنزل في معارض و بتاع انما سكتم بكتم عن معاد نزولها لحد ما الناس كلت وشهم الصراحة .... لحد من كام أسبوع كده نما لعلم مراسلنا في توكيل لكزس انها نازلة ٢٠١٠ .... و سعر يبدء من ٣٧٥ ألف دولار كندي .....أنسي يا عمرو طبعا ..أخرنا نتفرج عليها و نحلم من بعيد لبعيد

ال- LS أسطورة مفيش كلام لكن كبيرة قوي يا باشا ديه تبقي عربية خطة التقاعد لو ربنا كرم الواحد ...قادر علي كل شيء

اللطيفة فعلا عربية هجين سيدان جديدة اسمها HS عملت تجربة قيادة ليها من كام أسبوع ....تحفة بكل المقاييس و اتوقع ليها نجاح جامد في سوق أمريكا الشمالية

السلام عليكم و رحمة الله و بركاته

بقى اللكزس ب 375000 دولار كندى و بعدين فى المبلغ دة كندى ولا امريكى مش هتفرق و على ايه كدة يعنى

يا باشا حضرتك عارف ال375000 دولار يجيبو ايه

دول يا باشا يجيبوا 4 عربيات BENTLEY CONTINENTAL FLYING SPUR بألوان مختلفة عشان تركب فيهم و تبدل و تركب العربية اللى ماشيه مع لون القميص أو البدلة

و الدليل أهوه

اصبر على بس

دقيقة واحدة علو مافتح المخزن

http://www.autotrader.com/fyc/searchresult...incremental=All

و ربنا يوفق الجميع و يجعله عامر

MERCEDES S430

[د هشام ابراهيم]

بالظبط يا باشا ما ده يقولك أهمية العربية ديه و مكانة لكزس إيه ......أنا بس نفسي أشوفها مش أكتر ...فيه عربيات كده بتحبها لله في الله من غير ما يكون فيه أي مصلحة شخصية ;)

أودي R8 ، نيسان GTR ، البي إم M6 و ما شابههم :wub:

[د هشام ابراهيم]

فكرة مجنونة كده قاعد أفكر فيها .....GM قاعدة تدلل علي Saab و مش لاقية حد يشتريها .....ما ينفعش دولة عربية كده تاخد المبادرة و تشتريها ( مصر مثلا) .....ساب عربية محترمة جدا و لولا سياسة GM الغبية كان وضعها اختلف تماما

تصميمات و تكنولوجيا و سمعة .....يا بلاش الصراحة :rolleyes:

[Mercedes]

السلام عليكم و رحنة الله و بركاته :blush2:

و الله أنا شايف ان حتى لو شركة جنرال موتورز تطرح أسهم ساب لوحدها بالبورصة , الناس ممكن تدخل و تشترى و تنتهى الأزمة بس اللى أنا حسيته مؤخرا أن شركة جنرال موتورز عاوزة تنهض من أزمتها بدون تدخلات من مستثمرين و أصحاب رؤوس أموال يعنى عاوزة الحكومات المعنية هى اللى تهتم بالموضوع و تعالجه و تلم الدور , و ربنا يسهل و الأمور تمشى :rolleyes: .

على العموم الأزمة دى جت مصلحة لأن فى حاجات فى مصر أسعارها هديت شويه ذى السيارات اليابانى كسر الزيرو ذى اللانسر موديل 2007-2008 , الواحد ممكن يركب واحدة 1600 سى سى فابريقة عاملة حوالى 20000 كم ب 80-85 ألف جنيه و التويتا الكورولا برضه بس التويوتا أغلى شوية , أنا بتكلم على الاتنين دول بالذات لأن دول تقريبا الاتنين اليابانى اللى فى السوق و متاحين لكل الناس لكن لو عاوز تتكلم على الكورى و لا الماليزى أو الصينى , فحدث ولا حرج بس أنا يصراحة ما بحبش اتكلم عن النوعيات دى مع احترامى الشديد جدا للى راكبينها بس أنا مش عارف ازاى واحد يروح يجيب عربيه مثلا اسبرانزا صينى ب 80-85 الف جنيه و فى نفس الوقت الفلوس دى تجيب لانسر فابريقة .

أصل أنا من المدرسة القديمة للسيارات اللى بتقول أن سيارة = فرنساوى أو ايطالى أو حبيب قلبى الألمانى أو الانجليزى أو أمريكى أو سويدى ذى الفولفو , لكن الدول التانية ذى كوريا و ماليزيا و الصين , معلش يعنى يا جماعة ما تأخذونييييييييييييييش .

و ربنا يقدم ما فيه الخير

MERCEDES S430

[MARDUK]

فكرة مجنونة كده قاعد أفكر فيها .....GM قاعدة تدلل علي Saab و مش لاقية حد يشتريها .....ما ينفعش دولة عربية كده تاخد المبادرة و تشتريها ( مصر مثلا) .....ساب عربية محترمة جدا و لولا سياسة GM الغبية كان وضعها اختلف تماما

تصميمات و تكنولوجيا و سمعة .....يا بلاش الصراحة :)

مفيهاش مكسب يا دوك !! الواحد من دوول اقصي طموحه يروح يجيب توكيل عربيه صيني و يبيعله هنا شويه و يكون عملهم :lol:

لكن عندك في ساب بقي هنا ابحاث و تطوير ووجع دماغ :lol: , بس انا لو معايا ممكن اشتريها :lol: " مصانع و صناعه حربيه و حروح السويد براحتي بقي :lol: "