مين بيحب العربيات ؟

[د هشام ابراهيم]

المشكله مشكلة تويوتا مش مشكلة مورد دواسة البنزين لأن مراقبة جودة المنتج النهائي هي مسؤوليتها و إلا فلتصنع مكونات سياراتها بنفسها

بالظبط يا كنج و هو ده اللي تويوتا عملته ...أعلنت مسئوليتها الكاملة عن الخطأ و مع إنه نادر جدا انما أصرت علي اتخاذ اجراءات احترازية راديكالية حاتكلفها كتير جدا انما ما هماش .....تحمل مسئولية و التزام و احترام مش غريب علي اليابانيين انما غريب علي السوق و خصوصا وسط الضرب اللي شغال من فوق و تحت الحزام في سوق العربيات

قارن ديه و بين مشكلة فورد مع فايرستون مثلا أو مع مصايب GM و VW و رينو اللي بيخفوا فيها علي الخبر ماجور

[Mercedes]

السلام عليكم و رحمة الله و بركاته

تويوتا أو أكوراااااا............... :sad: :sad:

أنا من ساعة ما سمعت الكلام ده و أنا الجنب الشمال فى صدرى و كتفى الشمال بدؤا يوجعونى مع صعوبة فى النفس :blink:

أنا كنت بفكر فى الكاديلاك سيفيل كبديل عملى للجاجوار على أساس ان الجاجوار مش منتشرة فى أمريكا الشمالية و قطع غيارها و صيانتها غالية جدا أكيد, ماهى عربية الأميرة ديانا بقى !!!!!!!

طاب و بعدين؟؟؟؟

لما نشوف و ربنا يسهل, أصل انا عارف أن طبيعة البلد فى كندا تحتم على الواحد أنه أول ما ييجى يشترى عربية عشان التنقلات أو على الأقل يستأجر عربية لكن ما ينفعش يفضل كده من غير عربية لأنى هتبهدل.

الله المستعان

MERCEDES S430

[Mercedes]

السلام عليكم و رحمة الله و بركاته hypr:

يعنى سيادتك يا دكتور هشام باشا يا غالى شايف أن:

أنا لو دورت على عربية Cadillac Seville SLS موديل 2002-2004 ,تبقى قديمة ؟؟؟

MERCEDES S430

[د هشام ابراهيم]

السلام عليكم و رحمة الله و بركاته hypr:

تويوتا أو أكوراااااا............... bv:- bv:-

أنا من ساعة ما سمعت الكلام ده و أنا الجنب الشمال فى صدرى و كتفى الشمال بدؤا يوجعونى مع صعوبة فى النفس

.................

هوندا أو اكيورا يا دكتورنا .....في المرحلة ديه رغم اني من المتعصبين لتويوتا انما ما ينفعش انصح بيها لحد ما نشوف اتجاه الازمة إيه ...... و ألف بعد الشر عليك من الانجينا و الشست باين :lol:

أي عربية موديل ٢٠٠٤ حتي ...... حتبقى قديمة و محتاجة مصاريف كتير ...صيانة و تأمين و اصلاح و ترخيص ....خصوصا في الأول الكلام ده حيبقى صعب قوي علي حد لسه جاي بلد جديدة و مش عارف طريق الميكانيكية و الورش

سعادتك عايز عربية في حدود ٥ سنين ماكسيمم و تفضل تبقى هوندا أو اكيورا لان دول العربيات اللي سوقهم زي الفل و الناس هنا مجمعة عليهم ......بعد سعادتك ما تستقر و تعرف راسك من رجليك بالكندي ....ساعتها بقي إن شا الله تجيب فورد موديل تي ما حدش يقدر يقولك حاجة bv:-

hypr: hypr:

[Mercedes]

السلام عليكم و رحمة الله و بركاته

أنا شاكر ليك جدا يا دكتور هشام على اهتمامك

بس انا كنت عاوز أخد رأيك فى أن انا لما ربنا يكرمنى و أجى كندا أبقى أشترى عربية زى الCHRYSLER INTREPID 2002 و عاملة حوالة 120000 كم و سعرها فى حدود ال 4000 دولار لأن من الصعب أن واحد لسه جاى كندا جديد يحط فى عربية أكتر من كده و فى نفس الوقت العربية فى بلد زى كندا السيارة أساسية جدا و هتهون كتيييييير أوى من متاعب الغربة.

أنا لما دورت على الهوندا و الأكورا زى ما سيادتك قولتلى, لقيت أن موديلات ال2002 تقريبا بتزيد حوالى 1500 دولار, فرأى سيادتك, ايه ممكن المشاكل اللى ممكن ألاقيها فى عربية زى دى؟؟

أنا المعلومات اللى عندى مستقاة من www.autotrader.ca

و اللى أنا أعرفه أن أونتاريو أرخص من باقى الأماكن بالنسبة لسعر السيارات, مش كدة و لا تعرف أماكن أرخص.

عشان كدة أنا بفكر أنزل فى أونتاريو و أشترى العربية و بعد كدة أبقى أروح مكان ما هاروح.

MERCEDES S430

[د هشام ابراهيم]

أنا شاكر ليك جدا يا دكتور هشام على اهتمامك

بس انا كنت عاوز أخد رأيك فى أن انا لما ربنا يكرمنى و أجى كندا أبقى أشترى عربية زى الCHRYSLER INTREPID 2002 و عاملة حوالة 120000 كم و سعرها فى حدود ال 4000 دولار لأن من الصعب أن واحد لسه جاى كندا جديد يحط فى عربية أكتر من كده و فى نفس الوقت العربية فى بلد زى كندا السيارة أساسية جدا و هتهون كتيييييير أوى من متاعب الغربة.

أنا لما دورت على الهوندا و الأكورا زى ما سيادتك قولتلى, لقيت أن موديلات ال2002 تقريبا بتزيد حوالى 1500 دولار, فرأى سيادتك, ايه ممكن المشاكل اللى ممكن ألاقيها فى عربية زى دى؟؟

أنا المعلومات اللى عندى مستقاة من www.autotrader.ca

و اللى أنا أعرفه أن أونتاريو أرخص من باقى الأماكن بالنسبة لسعر السيارات, مش كدة و لا تعرف أماكن أرخص.

عشان كدة أنا بفكر أنزل فى أونتاريو و أشترى العربية و بعد كدة أبقى أروح مكان ما هاروح.

MERCEDES S430

و عليكم السلام و رحمة الله و بركاته

نشنت يا باشا :P

بص سعادتك لو كان لازم و لابد من العربيات الأمريكاني فانسي كرايسلر ديه نهائي ...... تماما البتة ....خالص مالص .......ممكن فورد و بعديها GM و يبقى حاولنا معاك انما ما سمعش الكلام ...انما كرايسلر NO

لو ما فيش مفر من كرايسلر ....يعني ادوك عربية ببلاش و فوقيها عقد صيانة ببلاش و فلوس كاش في جيبك يبقى كله إلا إنتربيد شوف عربية تانية :happy:

اديك سعادتك قلت بنفسك ليه فيه فرق في السعر بين العربيات .....علشان الفرق يستاهل ...... مقولة الغالي تمنه فيه تنطبق تماما علي الحالة ديه

في فئة العربيات ديه خليك لا إما اكورد لا إما كامري دول ترشيحي الشخصي

العربيات القديمة حتشتريها رخيص في الأول انما حتصرف عليها كتير بعد كده ..... غير المقالب و وجع القلب و العطلة

مقولة تانية شهيرة :

Used cars are for rich people

عايز تجيب مستعمل و إنت لسه جديد في البلد ..... لا تجيب عربية من واحد تعرفه و تكون برضه تعرف ميكانيكي أو مركز صيانة .....لا تجيب عربية مستعملة بس certified من الوكيل ...غير كده مغامرة أنا ما قدرتش أخدها ....فيه ناس عملوها و مشيت معاهم انما صراحة ما أنصحش بيها

ماله الياباني بس :lol:

صراحة يا AMG باشا أنا ما عنديش فكرة عن أسعار العربيات خارج أونتاريو ...عذرا يا صديقي mil:

[Mercedes]

السلام عليكم و رحمة الله و بركاته

و الله يا دكتور هشام باشا , أنا شكلى كده هقايس و أستقر على الهوندا أكورد 2002, أهى على قد فلوسى.

و الله يا باشا, انا حاسس أننى تعبتك معاى بس ده من عشمى و الله :sad:

و ربنا هيخليه فى ميزان حسناتك

MERCEDES S430

[Mercedes]

السلام عليكم و رحمة الله و بركاته wst::

ألا................. بقول لسيادتك ايه؟؟

ايه رأيك يا باشا فى العربية الفورد فوكاس, أهى ممكن الواحد يجيب واحدة موديل 2005 عاملة بتاع 100 ألف كم بحوالى 4000 دولار ؟؟؟

MERCEDES S430

[د هشام ابراهيم]

AMG باشا صديقي العزيز :wub: ...... مهما حاولت أنا علي رأيي ......عربية أكتر من ٥ سنين لأ

عربية أمريكاني مستعملة ...لأ (و لا كوري طبعا و لا ألماني ...يعني من الآخر ياباني :lol: )

العربية المستعملة لازم تبقى مضمونة و إلا ممكن تبقى مقلب و صعوبة تضاف للصعوبات اللي الواحد بيقابلها خصوصا في الاول ...علشان تبقي مضمونة لا إما تجيبها من واحد تثق فيه ...لا إما بضمان التوكيل (certified preused ) لا إما تقايس و تعمل كشف علي ال-VIN بس تبقى تعرف مركز صيانة علشان تعمل فيه الحاجات الدورية ...صراحة الحل الأخراني ديه أنا ما جتليش الشجاعة أعمله مع اني فكرت فيه لما كنت في نفس موقفك من كام سنة

و عليه اكورد ١٩٩٢ أو فوكاس ٢٠٠٥ ما ينفعوش و ما أقدرش أقولك آه عليهم

ملحوظة جانبية ...الفوكاس الامريكاني أوحش من الأوروبي و كده كده الموديل القديم ده كان مليان مشاكل ......الاكورد لو في حالة استثنائية و عملت عليها كشف ممكن تفكر فيها .... بس أنا مش موافق :ninja:

[Mercedes]

AMG باشا صديقي العزيز :) ...... مهما حاولت أنا علي رأيي ......عربية أكتر من ٥ سنين لأ

عربية أمريكاني مستعملة ...لأ (و لا كوري طبعا و لا ألماني ...يعني من الآخر ياباني bv:- )

العربية المستعملة لازم تبقى مضمونة و إلا ممكن تبقى مقلب و صعوبة تضاف للصعوبات اللي الواحد بيقابلها خصوصا في الاول ...علشان تبقي مضمونة لا إما تجيبها من واحد تثق فيه ...لا إما بضمان التوكيل (certified preused ) لا إما تقايس و تعمل كشف علي ال-VIN بس تبقى تعرف مركز صيانة علشان تعمل فيه الحاجات الدورية ...صراحة الحل الأخراني ديه أنا ما جتليش الشجاعة أعمله مع اني فكرت فيه لما كنت في نفس موقفك من كام سنة

و عليه اكورد ١٩٩٢ أو فوكاس ٢٠٠٥ ما ينفعوش و ما أقدرش أقولك آه عليهم

ملحوظة جانبية ...الفوكاس الامريكاني أوحش من الأوروبي و كده كده الموديل القديم ده كان مليان مشاكل ......الاكورد لو في حالة استثنائية و عملت عليها كشف ممكن تفكر فيها .... بس أنا مش موافق

السلام عليكم و رحمة الله و بركاته :closedeyes:

ألف مليون شكر للدكتور الغالى , الدكتور هشام باشا

لأنه من الناس الطيبين المحترمين اللى مابيبخلوش على أى حد بأى شئ و كمان باله طويييييييييييييييل

أنا كان قصدى هوندا أكورد مو 2002 مش 1992, طاب ممكن نفكر بشكل RETROGRADE ؟؟؟؟؟

يعنى أنا قبل ما أشترى أى عربية, أتفق مع مركز صيانة محترم أوى فى المنطقة اللى أنا هشترى منها العربية أيا كانت و قبل ما أدفع الفلوس آخد العربية و صاحب العربية و أروح أفحصهم هم الاتنين فى مركز الصيانة و طبعا مركز الصيانة المحترم أوى و الثقة أوى ده مش هيضحك على لأنه هياخد منى فلوس , ده حتى انا بفكر أفحص العربية فى التوكيل بتاعها, يعنى لو هشترى هوندا , يبقى أروح توكيل هوندا و كده يعنى, ولما التوكيل يفحص العربية, لو قالى أنها كويسة, يبقى توكلنا على الله و لو قالى أنها مش ولا بد, يبقى يا دار ما دخلك شر لأن العربيات ال CERTIFIED برضه غاليه على و أنا غلباااااااااااااان . bv:- :)

ايه رأيك, مش فكرة كويسة و خصوصا أن أنا لما أقول لصاحب العربية ,أنى أنا هفحصها فى التوكيل بتاعها , أكيد هيخاف يخبى على أى عيب فيها, مش كده ولا اييييييييييه ؟؟؟

أنا صدعتك يا دكتور هشام, بس اصلنا بنعتبرك المندوب السامى البريطانى قصدى المصرى بتاعنا فى الأراضى الكندية .

MERCEDES S430

[عنبو]

انا ماليش قووى فى موضوع العربيات ومن الصعب الاستقرار على عربيه معينه لانى بمل مهما كانت

بس انا بالنسبة لفئة العربيات الكبيره انا عجبانى التاهووو ايه رايكم فيها ؟؟

[Mercedes]

السلام عليكم و رحمة الله و بركاته

بالنسبة للشيفروليه تاهو, فهى عربية ممتازة و شكلها خطييييييييييييير بس سعرها غالى و مبالغ فيه بما لايتناسب مع أنها سيارة أمريكية !!!!! :sad:

يعنى تلاقى سعر المستعمل بتاعها متقارب مثلا من البورش كايين , على أساس أن الاتنين دفع رباعى !!!!

و ده مش معقول طبعا, شيفروليه ايه اللى تيجى زى البورش كايين ( حبيبة قلبى ) :rolleyes:

MERCEDES S430

[icehearted girl]

افتكرت الموضوع دا

لقيت اعلان معوق علي شاشة تليفزيوننا الحبيب عن مسابقة جايبلك فيها نص ععلامة عربية والبادي بتاعها وانت تعرف

نوع العربية

حاجة اخر بطيخخخخخخ

[icehearted girl]

محمد العنبي

خد دي منني ليك

[icehearted girl]

وبالمرة شوف الفيديو دا

افعص هنا بشويش

[عنبو]

محمد العنبي

خد دي منني ليك

ميرسى بس ده كتير قووى كده

والله الواحد مش عارف يودى جميايلك فين يادوك

لو العربيات بتكبر كانت الاوبترا بعد عش خمشاشر سنه كانت هتبقى تاااااااهو وبكده يكون الحلم تحقق

[الغريب]

مش عارف ليه بحس أن تاهو و يوكون وترييل بليزر أخوات حد معايا في الكلام ده ولا أنا لوحدي :closedeyes:

[MARDUK]

مش عارف ليه بحس أن تاهو و يوكون وترييل بليزر أخوات حد معايا في الكلام ده ولا أنا لوحدي :closedeyes:

زي ما بيقولو FACT

جنرال موتورز دايما بتعمل الحركه دي عشان التسويق , دايما موديل عربيه SUV من شيفورليه لازم ليه أخوه من GMC بشويه كماليات أزيد بس بتدفع اكتر عشان معاك ماركه أغلي من شيفورليه

مثلا التريل بليزر و اينفوي , اخوات جدااا مبنيين علي نفس االقاعده "GMT360 "الشاسيه زي ما سمعتها في مصر"

و مشتركين في نفس المحرك في الموديلات الجديده منهم "بعد 2007" اسمه Atlas LL8

و اليوكون و الأنفوي و التاهو , نفس كل حاجه من القاعده GMT 400 و المتور و كدا

و نفس GMT 400 مبني عليها السوبربان و الاسكاليد "قبل 2007" !!

بس هي كل اللي بتعمله جينرال موتورز , انها عندها موديلات قواعد كتير , و موديلات محركات كتير برضه

بيختارو دا علي دا و يعملو تصميم للعربيه و ينزلوها بأسماء الموديلات اللي الشركه تملكها كلها كل سوق و سمعه الماركه فيه !

و تنزل اختيار بعلامه رخيصه و موديل بعلامه غاليه و تعمل فرق كماليات بسيطه , و هو دا العادي من جينرال موتورز

تم تعديل 22 فبراير 2010 بواسطة MARDUK

[Mercedes]

مش عارف ليه بحس أن تاهو و يوكون وترييل بليزر أخوات حد معايا في الكلام ده ولا أنا لوحدي :closedeyes:

السلام عليكم و رحمة الله و بركاته

هما فعلا العربيات الدفع الرباعى الأمريكى و اليابانى بتقلد بعض فى حاجااااات كتيييييييييييير, فينه الدكتور هشام ابراهيم, كان زمانه أفاض و استفاض فى المواضيع دى و كان عرض لينا المقارنات بينهم و كده يعنى.

ربنا يرجعه بالسلامة ان شاء الله

MERCEDES S430

[MARDUK]

السلام عليكم و رحمة الله و بركاته

هما فعلا العربيات الدفع الرباعى الأمريكى و اليابانى بتقلد بعض فى حاجااااات كتيييييييييييير, فينه الدكتور هشام ابراهيم, كان زمانه أفاض و استفاض فى المواضيع دى و كان عرض لينا المقارنات بينهم و كده يعنى.

ربنا يرجعه بالسلامة ان شاء الله

MERCEDES S430

اليابانيين ملهمش دعوه بالامريكان :closedeyes:

امم اليابانيين اساسا مش من ثقافتهم عربيات الSUV زي اوروبا كدا مبتتباعش الا نادر يعني

فـ الفئه دي اساسا موجهه للاسواق اللي بتحتاج العربيات دي , و للعجب تويوتا لاند كروزر تكتسح شركات البلاد دي

موضوع النسخ في العربيات اليابانيه نادر جداا لأن الشركات اليابانيه مش ممتلكه لبعضها ملهمش اداره موحده عموما

و حتي الشركات اللي مشتركين مع بعض او اللي تحت السيطره الماديه لتويوتا او تويوتا ليها فيهم اسهم , تويوتا مبتجبرهمش علي موديلات معينه او كدا و سايبه الابداع ليهم عموما و هي عليها الاشراف بس و دا اللي بحبه فيهم , مش زي جنرال موتورز يمكسو شركه يقتلوها و خلوها تنتج منتجاتهم السقيمه اللي بتنتج في كذا مصنع تاني

يعني لو بصيت علي تويوتا و هوندا و سوبارو و دايهاتسو , ال3 شركات نوعا ما تابعين لتويوتا في الاسهم

بس مفيش حاجات مشتركه كتير , حتلاقي الحاجات المشتركه , مثلا دايهاتسو بتصنع سيارات صغيره فا بدل ما تصرف كتير علي التطوير اللي في شركات تانيه قايمه بيه اساسا فا بتستخدم علطول محركات تويوتا و هكذا

شركه فوجي مثلا اللي بتنتج سوبارو تويوتا ليها حق نسبه اسهم تعدي ال48% فيها , و هي اكبر مستثمر , لكن مأجبروش سوبارو انهم يغيرو محركاتهم التاريخيه H او مأجبروهمش علي انهم يتخلو عن نظام الدفع الرباعي في العربيات العاديه اللي تويوتا مش مقتنعه بيه

يعني شوف الفرق و الاختلاف بين موديلات تويوتا و هوندا و سوبارو و دايهاتسو كل عربيه ليها طابع غير التاني

علي عكس مازدا مثلا اللي تحت أداره فورد ! حتلاقي ان مازدا 3 مثلا هي كوبي من فورد فوكاس ! و العربيتين اتطورو في مركز فورد في اوروبا و محرك فولفو هي اللي مطوراه !

لسبب ما الامريكان بيحبو يوحدو الموديلات و يغيرو في الشكل و الاسم بس :yahoo:

فا اسلوب اداره تويوتا مش مخلي يبقي في حاجه زي "توأمه" الموديلات زي الامريكان

تم تعديل 22 فبراير 2010 بواسطة MARDUK