مين بيحب العربيات ؟

[د هشام ابراهيم]

السلام عليكم و رحمة الله و بركاته

ايه يا جماعة عدم المؤاخذة , هو أنا وشى بيقطع الخميرة من البيت ولا ايه

الرد اللى فات دة انا كتبته من اسبوع و ماحدش كتب حاجة بعد منى ليه؟؟؟

مش معقولة تكونوا كلكم ثقافتكم لغات اجنبية و لا يكونى قرار الاستخدام العادل بتاع الانترنت اللى اتطبق فى مصر وصلكم و هيتطبق عندكم انتوا كمان .

ان شالله يكون المانع خير

تقعدوا بالعافية

و عليكم السلام و رحمة الله و بركاته يا باشا

العفو يا أفندم هما الناس بس مشغولة شوية الايام ديه و إن شاء الله يشاركوا في أقرب فرصة ..... لحد ساعتها بقي العبد لله موجود أهو علي قد ما أقدر

تحياتي يا سيدي الفاضل

[Mercedes]

السلام عليكم و رحمة الله و بركاته

يا دكتور هشام باشا , دا سيادتك نوارة المنتدى و هو احنا فديك الساعة لما نلاقى منك كل الاهتمام دة .

هو سيادتك كنت قلت ان فيه شركة جنرال موتورز جديدة غير القديمة , يعنى كدة بقى المستقبل بتاع السهم بتاعها فى البورصة الأمريكية ممكن ينط و يبقى ب عشرين دولار ذى زمان - قول للزمان ارجع يا زمان - و الواحد بقى البلية تلعب معاه و كدة يعنى , أصل السهم بتاعها واقع اليومين دول وقعة سودة دا السهم ب

http://www.marketwatch.com/investing/stock/gm

ايه رأيك يا باشا نشترى و لا ايه؟؟؟؟

[د هشام ابراهيم]

السلام عليكم و رحمة الله و بركاته

يا دكتور هشام باشا , دا سيادتك نوارة المنتدى و هو احنا فديك الساعة لما نلاقى منك كل الاهتمام دة .

هو سيادتك كنت قلت ان فيه شركة جنرال موتورز جديدة غير القديمة , يعنى كدة بقى المستقبل بتاع السهم بتاعها فى البورصة الأمريكية ممكن ينط و يبقى ب عشرين دولار ذى زمان - قول للزمان ارجع يا زمان - و الواحد بقى البلية تلعب معاه و كدة يعنى , أصل السهم بتاعها واقع اليومين دول وقعة سودة دا السهم ب

http://www.marketwatch.com/investing/stock/gm

ايه رأيك يا باشا نشترى و لا ايه؟؟؟؟

يا باشا الله يخليك ..... شكرا جزيلا علي كلماتك يا أفندم :wub:

بالنسبة لجنرال موتورز الجديدة فالحكومة الأمريكية نفسها هي أكبر حامل للاسهم فيها و ضخت فيها فلوس و استثمارات ضخمة ...فيه كذا مشروع عربية للشركة حيفرقوا مع الشركة قوي لو نجحوا ...كل التوقعات إن الشركة تحسن من وضعها الحالي .....يعني اشتري يا باشا ...و الله أعلم wst::

[MARDUK]

يا باشا الله يخليك ..... شكرا جزيلا علي كلماتك يا أفندم :wub:

بالنسبة لجنرال موتورز الجديدة فالحكومة الأمريكية نفسها هي أكبر حامل للاسهم فيها و ضخت فيها فلوس و استثمارات ضخمة ...فيه كذا مشروع عربية للشركة حيفرقوا مع الشركة قوي لو نجحوا ...كل التوقعات إن الشركة تحسن من وضعها الحالي .....يعني اشتري يا باشا ...و الله أعلم wst::

امممم بعيدا عن الشيرز عشان مليش فيها

بس تعتقد ان جنرال موتورز حتغير سياستها ؟ اعتقد دا تمن انهم كانو ماشيين بأسلوب احنا اللي بنفهم و العالم كله مبتفهمش !

[د هشام ابراهيم]

امممم بعيدا عن الشيرز عشان مليش فيها

بس تعتقد ان جنرال موتورز حتغير سياستها ؟ اعتقد دا تمن انهم كانو ماشيين بأسلوب احنا اللي بنفهم و العالم كله مبتفهمش !

معاك حق طبعا ...سبب أساسي لانهيار جينرال موتورز سياستهم الغبية ...صدق من قال عليهم ديناصورات في طريقها للانقراض ...الله يمسيك بالخير يا فادي باشا

بس المرة ديه مش بكيفهم الحكومة الامريكية بتتدخل دلوقت في رسم سياسة الشركة كلها ...اوباما بنفسه مهتم بالحكاية ديه و طالب الشركة بتغيير سياستها و افكارها .....الفلوس المهولة اللي الحكومة ضختها تتيح ليها حق التدخل ده .....أنا في انتظار عربيتين من جنرال موتورز مفروض إن مستقبل الشركة كلها متوقف عليهم ...الفولت و الكامارو

[Mercedes]

السلام عليكم و رحمة الله و بركاته

و كل عام و كل المسلمين بخير و ان شاء الله يكون رمضان كريم على كل المسلمين فى جميع أنحاء العالم

أما أنا بقى لقيت حتة عربية , انما مالهاش حل , حلاوة ايه و عظمة ايه و كمان سعرها لو هتجيبها مستعملة , ايه , حكاية

العربية ال بورش كايين تيربو

http://www.youtube.com/watch?v=XT4QmOBKG6A

http://www.autotrader.com/fyc/searchresult...m=1251319398621

و ربنا بس اللى عارف أنا بحبها قد ايه

يمكن قد الجاجوار اكس جى 8

يالله , ربنا يسهل و يرزقنا الخير احنا و كل المسلمين يارب

[د هشام ابراهيم]

السلام عليكم و رحمة الله و بركاته

أما أنا بقى لقيت حتة عربية , انما مالهاش حل , حلاوة ايه و عظمة ايه و كمان سعرها لو هتجيبها مستعملة , ايه , حكاية

العربية ال بورش كايين تيربوربنا بس اللى عارف أنا بحبها قد ايه

يمكن قد الجاجوار اكس جى 8

يالله , ربنا يسهل و يرزقنا الخير احنا و كل المسلمين يارب

و عليكم السلام و رحمة الله و بركاته

عايز الحق ..الكايين برقبة الجاجوار لو نويت كده كده يبقى خليك في الكايين ..... لو عايز المنطق و العقل بقي يبقى كلام تاني خالص

انما الصراحة ياما كلنا بنعمل حاجات بناء علي العاطفة مش العقل و المنطق ما جتش علي ديه بقي

تحياتي و امتناني يا باشا :unsure:

[Mercedes]

السلام عليكم و رحمة الله و بركاته

ياسلام على نوارة المنتدى - دكتورنا الغالى - الدكتور هشام , دايما بيفاجئنا بالردود السريعة القاتلة الساحقة الماحقة , ربنا يخليهولنا و يباركلنا فيه .

رغم أن هنا فى السعودية تجد السعوديين مبهوريين جدا و معجبين جدا بالسيارات اليابانى و بالذات ال تويوتا و مقتنعين اقتناعا راسخا بكلمة ( تويوتا يعنى تويوتا و بس ) الا أننى أعتقد أن الدنيا بها سيارات كتيرة جدا أفخم و اجمل من التويوتا ذى المرسيدس اس كلاس المعروفة هنا باسم ( الفياجرا ) و البى ام دبليو الفئة السابعة المعروفة هنا باسم ( الحوت ) , دا حتى أنا بعتقد أن الشبح أفخم و أرقى من التويوتا الكامرى اللى طالعين بها السما , هو طبعا الواحد مش هيشترى الحاجات دى عالزيرو بس ممكن الواحد لو دور , يقع على واحدة نظيفة لأنى أنا من الأساس بعتقد أن شراء أى سيارة على الزيرو دة غلط لأن السيارة أول مابتعلق النمر و تترخص تمنها بينزل حوالى من 7 - 10 % من سعرها فبالتالى الواحد ممكن يشترى سيارة مستعملة و يفحصها جيدا و ان كان موسوس أوى ممكن يشترى سيارة مستعملة بس من الوكيل و بضمان الوكيل لكن مش زيرو .

لكن للأسف تجد أغلب الناس هنا فى السعودية دماغهم مربوطة على الفورد جراند ماركيز - الميركورى - الشيفورليه كابريس - التويوتا كامرى - و لو معاه فلوس أكتر يبقى تويوتا لاندكروزر و قليل أوى لما تلاقى واحد بيفهم كدة و راكب حاجة شاذة ذى البى ام دبليو أو المرسيدس أو البنتلى كونتينتال أو الجاجوار أو ال ليكزس , دة طبعا غير ثقافة العربيات النص نقل اللى بيحبوها موووووت , مش عارف ليه و لو سالتهم يقولولك أصلنا بنطلع فيها البر - البر دة اللى هو الصحراء الجرداء الصفراء التى لا حياة فيها و لا ماء - مش عارف بيطلعوا يعملوا ايه . تخيل نفسك كدة واخد معاك فرش و مخدات و طالع الصحراء الصفراء الجرداء الساعة 2 الظهر فى شهر أغسطس و بدل ما تشرب حاجة ساقعة عشان تطرى على قلبك, لأ , قاعد تشرب قهوة عربى مرررة و سخنة و طبعا لأن القهوة مرررررة فلازم تاكل معاها تمر عشان تزود السعرات الحرارية و الطاقة اللى فى جسمك و تحس بالصهد و الحرارة !!!!!! و تفضل على الوضع دة لحد ما - بعد ألف شر يعنى - يقرصك عقرب ولا تعبان و تيجى جرى على المستشفى , طاب ما كان من الأول خليك قاعد فى بيتك معزز مكرم فى التكييف !!!

يالله , الله المستعان

دى من يوميات أخوكم / مرسيدس

[د هشام ابراهيم]

(نقول تاني كانه ما أتقالش قبل كده و يا رب الكل يكملوا الحوار زاي ما كان في الأول

اوتو كافيه الرد علي مرسيدس باشا ...كلاكيت تاني مرة n2&( )

"استني بس يا صديقي العزيز إيه اللي جاب الكامري للاس كلاس ..... ديه فئة و ديه فئة تانية خااالص ...عايز تقارن الاس كلاس يبقى قارنها باللكزس LS و ساعتها اللكزس تكسب Hands down "

[Mercedes]

السلام عليكم و رحمة الله و بركاته

كل عام و أنتم بخير بمناسبة عيد الفطر المبارك , أعاده الله عليه بالخير و اليمن و البركات

أنا ايمانا منى بمقدرة المصريين و المصريين فقط على النهوض بقوة من أى كبوة , وجدت أنه لزاما على أن أواصل الكتابة فى هذا المنتدى الرائع و بالذات هذا التوبيك الممتاز بعدج الهزة الأرضية الخفيفة التى حدثت و دائما يشغل بالى سؤال محير و هو .

لماذا دائما أسعار السيارات المستعملة فى الولايات المتحدة الأمريكية أرخص من مثيلاتها فى كندا و ليه الواحد لما يوصل كندا بالسلامة ان شاء الله و ينوى يشترى عربية , ما يخطفش رجله لأمريكا و يشترى واحدة كدة تكون حلوة و لقطة و أهو الواحد أولى بالفرق دة من الغريب برده.

ألا هو موضوع الفرق فى الأسعار دة حقيقى و لا أنا بيتهيألى .

و لكم أفضل الأمانى و الأمنيات

[د هشام ابراهيم]

مرسيدس باشا ملاحظتك في محلها ....أسعار السيارات في أمريكا سواء جديدة أو مستعملة أقل من مثيلتها في كندا ...مش بس العربيات حاجات كتير في أمريكا أرخص اللي بيخلي الناس تعدي الحدود تبضع من أمريكا و ترجع تاني ....سبب من الأسباب الضرايب اللي بتفرضها الحكومة الكندية علي السلع كلها و منها العربيات

المشكلة في العربيات إن فيه قيود علي ترخيص العربيات اللي جاية من أمريكا سواء الجديد أو المستعمل ....التفاصيل الكاملة مش عندي انما متأكد من صعوبة تسجيل سيارة من أمريكا في كندا

تحياتي يا باشا :rolleyes:

[د هشام ابراهيم]

بقالي كتير ما شفتش عربية أمريكاني تدخل عقلي و قلبي ..لأ و كمان من جينرال موتورز اللي ما باطقهاش أصلا ....يمكن كون إن العربية متقفلة في كندا مساعد انما الصراحة عربية في الجول :rolleyes:

شفت كام عربية في الأسبوع اللي فات دول منورين الشوارع الحقيقة :blink:

[Mercedes]

السلام عليكم و رحمة الله و بركاته

ربنا يجبر بخاطرك يا دكتور هشام باشا زى ما بتجبر بخاطرى يا رب

و الله أنا لاحظت موضوع الفرق فى أسعار السيارات بين أمريكا و كندا من هنا و أنا قاعد فى البيت , أصل أنا بحثت فى الموضوع دة كتير أوى .

بس كان فى موقع وقع فى ايدى عن شروط استيراد السيارات من أمريكا الى كندا و كان الموقع بيقول ان الشروط مش صعبة , يالله ربنا يسهل و نبقى نجرب عملى لما نيجى ان شاء الله .

[د هشام ابراهيم]

ربنا يوفقك يا باشا بس ما تنساش صاحبك بقي ......تبقى تستلقط للعبد لله حتة كامارو إس إس أو شيلبي جي تي أو باذن الله لما تنزل لكزس LFA ....أوعدنا يا رب :)

[Mercedes]

السلام عليكم و رحمة الله و بركاته

يا باشا , ايه التواضع ده , العربيات دى مش من مقامك , يا باشا حضرتك من مقامك بنتلى كونتيننتال , الفيرارى و اللامبورجينى كونتاش , الحاجات العليوى دى .

بس أنا ناوى و النية لله أنى أول ما أرسأ أمورى فى كندا ان شالله , هنزل على أمريكا و أخطفلى حتة لقطة كدا ماتكونشى عاملة أميال كتير

خلى الواحد يقب على وش الدنيا بقه

و ربنا يوفق الجميع

[Mercedes]

السلام عليكم و رحمة الله و بركاته

ألا بقولك ايه يا سعادة الباشا

هو حضرتك رأيك أن مثلا ال لكزس ال اس 460 أحسن من المرسيدس ال اس كلاس 550 و البى ام 740 , أصل أنا عندى كونسبت أن المرسيدس و البى ام هم أعلى سيارات سيدان فى العالم و أنهم أعلى من أى شئ , اللهم الا الرولز رويس و البنتلى , على أساس أنهم هاند ميد , لكن المرسيدس و ابى ام أعلى من ال لكزس و الأودى و الأمريكانى كله طبعا و لا سيادتك رأيك ايه ؟؟؟؟؟

أخوك المحتار / مرسيدس

قال محتار قال , تقولشى الفلوس فى جيببى و نازل أشترى بكرة !!!!!!!!!!!!

ربنا كريم

[nizza la bella]

السلام عليكم و رحمة الله و بركاته

ألا بقولك ايه يا سعادة الباشا

هو حضرتك رأيك أن مثلا ال لكزس ال اس 460 أحسن من المرسيدس ال اس كلاس 550 و البى ام 740 , أصل أنا عندى كونسبت أن المرسيدس و البى ام هم أعلى سيارات سيدان فى العالم و أنهم أعلى من أى شئ , اللهم الا الرولز رويس و البنتلى , على أساس أنهم هاند ميد , لكن المرسيدس و ابى ام أعلى من ال لكزس و الأودى و الأمريكانى كله طبعا و لا سيادتك رأيك ايه ؟؟؟؟؟

أخوك المحتار / مرسيدس

قال محتار قال , تقولشى الفلوس فى جيببى و نازل أشترى بكرة !!!!!!!!!!!!

ربنا كريم

:) :)

[nizza la bella]

ربنا يوفقك يا باشا بس ما تنساش صاحبك بقي ......تبقى تستلقط للعبد لله حتة كامارو إس إس أو شيلبي جي تي أو باذن الله لما تنزل لكزس LFA ....أوعدنا يا رب :)

امين :)

[د هشام ابراهيم]

حضرتك رأيك أن مثلا ال لكزس ال اس 460 أحسن من المرسيدس ال اس كلاس 550 و البى ام 740 , أصل أنا عندى كونسبت أن المرسيدس و البى ام هم أعلى سيارات سيدان فى العالم و أنهم أعلى من أى شئ , اللهم الا الرولز رويس و البنتلى , على أساس أنهم هاند ميد , لكن المرسيدس و ابى ام أعلى من ال لكزس و الأودى و الأمريكانى كله طبعا و لا سيادتك رأيك ايه ؟؟؟؟؟

بالظبط

بص يا سيدي ....رولز رويس و بنتلي و حط معاهم مايباخ دول فئة لوحدهم ملهومش دعوة بالباقي (لو سألتني يبقى رولز رويس في الفئة ديه .....ما دام السؤال ببلاش يعني ...... و مع انها مملوكة لبي ام اللي أنا ما باعزهاش قوي ...مجرد رأي شخصي )

الفئة التانية اللي فيها مرسيدس و بي إم و أودي و لكزس و ضيف ليهم انفينيتي و اكيورا و لنكولن و كاديلاك و بويك ... في دول لكزس تحلق لوحدها .....لكزس ابتديت تقليد لمرسيدس ما فيش كلام انما التقليد بقي أحسن من الأصل و مؤخرا ما بقاش فيه وجه للمقارنة اللي خلي رئيس مرسيدس يقول نتمني نوصل لجودة لكزس قريبا ...... معايير الجودة و الاعتمادية و الخلو من العيوب في لكزس معدية أي عربية تانية ......يعني أداء و رفاهية و كماليات و اعتمادية و جودة و سعر إعادة بيع و برستيج و تميز ...حاعوز إيه تاني في عربية أعلي من مثيلاتها في كل حاجة

ما بقولش إن الباقيين وحشين طبعا ...بالعكس الفئة ديه كل عربياتها في كل الفئات الفرعية متميزة انما فيه موديلات أحسن من غيرها و إن كنت أنا شخصيا أفضل الياباني لكزس و انفينتي و اكيورا و معاهم أودي

بالنسبة للعربيات الألماني في الفئة ديه فرأي العبد لله متفق مع رأي و اختيار الحكومة الألمانية نفسها ....العربية الرسمية للحكومة الألمانية أودي لا بي ام و لا مرسيدس و العربية الرسمية للمستشارية الألمانية أودي A8 لا إس كلاس و لا الفئة السابعة ..... في رأيي الشخصي أودي أعلي من بي إم و من مرسيدس ..... و برضه الرأي ببلاش ..... تحياتي يا صديقي العزيز و تحياتي للسنيور العزيز نيزا لا بيلا كمان :roseop:

[nizza la bella]

كل سنة وانت طيبين

مرسيدس باشا و ميسيو هشام :rolleyes:

اليابانى قايم على التقليد و التعديل ود نتفق فية

وفى شركات تتعمد تقليد و نسخ السيارات بالكامل مثل الشركات الصينية واساتذة فى ذلك,

فاكرين الجي اس 98 لما نزلت كانوا الناس يقولون ان لكزس بدأت تسرق تصاميم مرسيدس,

المانيا الرائدة والسباقة في مجال صناعة السيارات

ودة معترف بية ودة مايمنعش ان نقول اليابانى فى تقدم

بس لما نتكلم عن قوة عمر محرك و الات جر وانظمة امان

Je suis désolé الالمانى يتفوك عن( المرسيدس) بتكلم,

ودة مايمنعش ان نقول اليابانى فى تقدم ,

طب سؤال على جنب بينى وبينك من بيسرق من التانى?

تم تعديل 20 سبتمبر 2009 بواسطة nizza la bella