مين بيحب العربيات ؟

[د هشام ابراهيم]

كل سنة و سعادتك بالف خير و صحة ... معاك يا سنيور لكزس ابتدت تقليد انما الكلام ده خلص من سنين طويلة يا مون باشا ..... يعني حضرتك بعضمة لسان الكي بورد بتقول جي إس موديل 98 .....احنا في 2009 يا باشا و موديلات 2010 نزلت خلاص ( ساعات ما باصدقش نفسي لما أبص علي التاريخ ....هي السنين ديه كلها عديت بسرعة كده ازاي )

مين بقي بيسرق من مين أقدر أقولك الكل بيسرق من الكل ..... كان فيه موضوع بالكامل في منتدي سيارات كنت مشترك فيه عن "اقتباسات " شركات السيارات من بعض سواء تصميمات أو تقنية

يمكن الالماني سمعته و مكانته عالية في أوروبا عن الياباني ....الاوروبيين ما بيحبوش الياباني ....انما فيه سوقين في العالم الياباني مكتسح ....أمريكا الشمالية ....أكبر سوق سيارات في العالم و الخليج ...... أكتر سوق متدلع

الألماني و الاوروبي عامة مش قد المنافسة في السوقين دول

[Mercedes]

السلام عليكم و رحمة الله و بركاته

أنا لقيت مفيش حد جه القهوة من زمان , قلت اما أفتح كدة و أرش شويه ميه , يمكن اعرف أجر رجل الزباين

أصل انا بصراحة لما شوفت المقطعين دول , كانت الدمعة هتفر من عينى .

شوفتوا قد ايه أنا طموحى محدود و برضى باقل الأشياء

http://www.youtube.com/watch?v=mBEwGQzVER8&feature=fvsr

http://www.youtube.com/watch?v=jE_CJiA_09o

ربنا يوعدنا

[د هشام ابراهيم]

شوفتوا قد ايه أنا طموحى محدود و برضى باقل الأشياء

http://www.youtube.com/watch?v=mBEwGQzVER8&feature=fvsr

http://www.youtube.com/watch?v=jE_CJiA_09o

ربنا يوعدنا

يا باشا ربنا يديلك كل اللي نفسك فيه ...قول آمين :closedeyes:

[د هشام ابراهيم]

هي العربية ديه موجودة في مصر ......كرايسلر ليبارون موديل من ٨٨ - ٩٢ ..... ولو موجودة تعمل كام ...فلوس يعني

[Mercedes]

السلام عليكم و رحمة الله و بركاته

بس كدة يا دكتور هشام باشا , دا سياتك تأمر و الله

أن شايف أن العربية دى تعود الى أواخركلاسيكيات القرن الماضى , أيام ما كانت العربيات ليها طعم , أيام المرسيدس ال200 المعدلة ما كانت ب 100000 جنيه و كان اللى راكب زلموكة دة ماشى يقول للأرض اتهدى ما عليكى قدى و عاوز الناس تمشى بعيد عنه بحوالى 20 ياردة من جميع الاتجاهات ويا سلام بقى لما نزلت الزلموكة أم باكتات عريضة على الأبواب , اللى هى موديل 90 و أنت طالع , ولا لو معاك حتة بيجو 504 موديل 1979 - الموديل دة بالدات - لا قبل كدة و لا بعد كدة , مش عارف ليه ؟؟

و لا ماقولكشى على الفيات ال131 الايطالى و ال128 ال 1100 و الريجاتا

أهى بقى الكرايسلر ليبارون تنتمى الى هده الحقبة و لو أنها ممكن تكون فى اخر الحقبة شوية

أنا لو يعنى المزاج طالب معى أوى عربية دى الكرايسلر ليبارون , مستحيل ادفع فيها أكتر من 25000( حمسة و عشرين ألف مش متين و خمسين ألف ) جنيه , حتى لو كنت هشتريها من مزاد سفارة أمريكا أو حتى استخدام الأستاد الباشمهندس سفير أمريكا شخصيا, لأن مشكلة العربيات دى هى فقط قطع الغيار و لا شىء غير قطع الغيار, اللى سيادتك أكيد مش هتلاقيها , يا باشا دا أنت ممكن تلاقى قطع غيار الجاجوار اكس جى 8 متوافرة عنها , على الأقل الجاجوار ليها توكيل فى شارع صلاح سالم .

أنا رأى , اشترى جاجوار اكس جى 8 موديل 2000-2001

على العموم أنا سامع أنك نازل مصر اجازة , ربنا يجعلها أجازة سعيدة ان شالله

أخوك الصغير / مرسيدس

[د هشام ابراهيم]

و عليكم السلام و رحمة الله و بركاته

هو الصراحة أنا في ذهني عربية من الاربعة دول ....ليبارون ٨٨ - ٩٢ ....فورد موستانج .... شيفروليه كامارو .....أو بونتياك فاير بيرد و يا سلام لو ترانس آم برضه آخر التمانينات

حكاية قطع الغيار صراحة مش فارقة معايا و أنا مش مستعجل خالص ...... بس ألاقي واحدة من دول كويسة

امتناني و تقديري يا صديقي العزيز :lol:

[Mercedes]

يا نهار أبيض و مدهون قشطة على عسل أبيض ( ده هيبقى يوم بيلزق و يزحلق ) :rolleyes:

هو أنت يا باشا بتتكلم بجد و لا بتهزر , أنا و الله فاكرك بتهزر أو يعنى معجب بالعربية و خلاص , لا دا كدا الموضوع دخل فى الغميئ ,

طيب , ربنا يوفقك

بس الأنواع دى فى مصر موجودة بالفعل؟؟؟؟ , أصل أنا ماكنتش بشوفها غير جمرك سفاجا أو البحر الأحمر أو نويبع خلال أجازة الصيف بس

ربنا يكرمك و يوفقك

[د هشام ابراهيم]

يا نهار أبيض و مدهون قشطة على عسل أبيض ( ده هيبقى يوم بيلزق و يزحلق ) :D

:lol: :lol:

يا باشا أضحك الله سنك

هي فكرة مجنونة كده طقت في دماغي اليومين دول ...عايز عربية من دول تكون موديل أخر التمانينات ...طبعا العربيات بتاعة الخليج كلها موديلات حديثة ...مش ديه اللي أنا عايزها أنا عايز عربية تبقى قديمة ...حاجة فينتاج يعني و أعيش معاها بقي سنين و سنين أظبط فيها ...مش باقول لسعادتك فكرة مجنونة :)

[Mercedes]

السلام عليكم و رحمة الله و بركاته

يا باشا ربنا يكرمك و يوفقك ان شاء الله

بس يا ريت لما ربنا يكرمك يا باشا و تلاقى المراد , ما تنساش تبقى تصورهالنا Pre و Post , أنا قصدى يعنى قبل التظبيط و بعده , أصل أنا غاوى الصور اللى من النوع ده أوى .

أخوك / مرسيدس S 430

[د هشام ابراهيم]

غالي و الطلب رخيص يا صديقي العزيز ..... الاجازة الجاية باذن الله نبتدي نستكشف bv:-

[Mercedes]

السلام عليكم و رحمة الله و بركاته

ان شاء الله تكون أجازة سعيدة و تنبسط فيها أوى و ترجعلنا بالسلامة و أنت عامل Refreshment

تقبل تحياتى

Jaguar XJ8

[Mercedes]

السلام عليكم و رحمة الله و بركاته

أحييكم بتحية الاسلام , السلام عليكم و رحمة الله و بركاته

أنا كالعادة بقالى 5 أيام بدخل , ألاقى أن التوبيك الرائع دة دى ما هو و أن آخر رد , كان الرد اللى أنا كاتبه , عشان كدة قررت أننى أدخل أكلم فى أى حاجة تخص العربيات و أهو بالمرة نزق التوبيك دة أدام بدل الحدفة اللى هو محدوفها ورا دى و أهو كله بثوابه

أما أنا لقيت حته عربية , انما ايه , آجر ألاجة , Mercedes S550 2007

ودى بقى اللى عجبنى فيها كالعادة شكلها , بس اللى بهرنى أكتر هو سعرها الغريب جدا فى الأسواق الأمريكية و سبحان الله , يعز من يشاء و يزل من يشاء و هو على كل شئ قدير

و أنا هديكوا الرابط أهوه

http://www.autotrader.com/fyc/searchresult...incremental=All

شايفين الأسعار اللى تهبل , أهى العروسة من دول يدوب الواحد يجيب بتمنها فى مصر واحدة أوكتافيا و لا باسات بالكتير و ممكن يتبقى عليه فلوس كمان !!!!!

يالله , ربنا يوعدنا

أنا مش عارف العربيات هناك رخيصة كدة ليه !!!!

يكونشى عليها ضرايب كتييييييير كدة عند الترخيص ( زى عندنا ؟؟؟؟ ) و لا يكونشى راكبها عفاريت و صاحبها عاوز يخلص منها ؟؟؟؟

ربنا كريم

أخوكم الصابر على المر / Mercedes S 430

[Mercedes]

مش عارف و الله بعد ما حطيت الرابط مش شعالل ليه , اظاهر الكومبيوتر مش بالع الموضوع

أنا جبلتكم شوية عينات

http://www.autotrader.com/fyc/vdp.jsp?ct=u...mp;rdpage=thumb

http://www.autotrader.com/fyc/vdp.jsp?ct=u...amp;cardist=721

http://www.autotrader.com/fyc/vdp.jsp?ct=u...mp;rdpage=thumb

[nizza la bella]

وعلى كدة رشة دواخل والعداد قالب

[nizza la bella]

اسعار السيارات نزلت علشان الازمة الاقتصادية يا مرسيدس

[Mercedes]

السلام عليكم و رحمة الله و بركاته

و الله يا باشا دة حتى لو مالهاش دواخل خالص ( يعنى خوارج بس ), و كمان ماشية من غير عداد , ما تبقاش بالسعر دة

يالله , الله المستعان و ربنا يوعدنا

المخلص الصابر لحد ما ربنا يفرجها / مرسيدس S430

[OReX]

كم كنت اتمنى ان ادرس ميكانيكا سيارات ولكن مكتب التنسيق حطم تلك الامنية ولكن الحمد الله ان رزقنى بخير منها

المهم انا مولع بتلك السيارة

citroen c5 airscape

http://images.google.com.eg/images?hl=ar&a...sa=N&tab=wi

اذا كان لدى اى ملاحظة على فئة السيارة C5 او على السيارة عامة فلا يبخل علي بها دمتم بكل خير

تم تعديل 17 أكتوبر 2009 بواسطة OReX

[د هشام ابراهيم]

مرسيدس باشا ...الموضوع بسيط .....سوق السيارات في امريكا بتحكمه قواعد مختلفة عن مصر ...الحقيقة قواعد السوق المصري ما لهاش مثيل في أي حتة روحتها أو سمعت عنها

بص يا سيدي

- أولا العربيات اسعارها أصلا أرخص من مصر بمراحل حتي الزيرو

- أي عربية بتفضل محتفظة بسعرها لمدة ٣ - ٥ سنين و بعد كده سعرها بينزل جامد

- الألماني بالذات .....الفئة الفاخرة بالذات ....المحركات الكبيرة بالذات ما بتمسكش سعرها مستعمل ...... ما حدش حيدفع في عربية مرسيدس خمسة لتر و نص موديل ٢٠٠٧ أكتر من كده خصوصا مع الأقتصاد المتدهور

ملحوظة جانبية ....الياباني أكتر عربيات بتمسك سعرها :)

[د هشام ابراهيم]

اوركس باشا .....صراحة ما عنديش معلومات عن ال-C5 ....ما يمنعش اننا نرحب بحضرتك في الاوتو كافيه و أكيد العربيات الفرنساوي ليها ستايل مختلف تماما عن بقية العربيات ..... شيك و جينتي و دوسمون كده :)

[OReX]

اوركس باشا .....صراحة ما عنديش معلومات عن ال-C5 ....ما يمنعش اننا نرحب بحضرتك في الاوتو كافيه و أكيد العربيات الفرنساوي ليها ستايل مختلف تماما عن بقية العربيات ..... شيك و جينتي و دوسمون كده :)

الف شكر يا دكتور على حفاوة الترحيب

وان شاء الله شهرين واشتريها وهعمل تقرير مصور ومفصل عنها يكون حصرى للكافيه

فى رد ليك يا دكتور عن العربية القديمة اللى عايز تعدلها انت هيا مش فكرة مجنونة هيا فكرة رائعة احييك عليها

وادعوك لمشاهدة برنامج

Pump My Ride

لك منى اجمل تحية