احكي يا شهرزاد

[pink rose]

حد شاف اعلان فيلم احكي يا شهرزاد

انا اول مرة اشوفه النهاردة و جيبته من على اليوتيوب عشان اتاكد ان اللي شوفتها دي منى زكي

هو في ايه؟؟؟؟؟؟؟؟؟؟!!!!!!!!!!!!!!!!

اصلا اصلا قرفت منها في فيلم ابوعلى

و طلعت اشاعات كتير وقتها ان احمد حلمي طلقها عشان المشاهد المبالغ فيها في الرومانسية مع كريم

امال اللي انا شوفته النهاردة دا ايه؟

ليه كده ؟ .............. تعمل في نفسها كده ليه ؟

[elshafey]

ممكن لينك الاعلان علي You Tube عشان أشوفه

[التونسى]

انا شفت التريلر .. وانصدمت زيك تماما .. على فكره المشاهد الجريئه فى الغالب اللى بيتضمنها الاعلان .. هى مش لمنى زكى .. انما لممثلات اخريات يقاربونها فى الشبه .. او يمكن زاوية التصور الموجهه ((بخبث)) تعطى ايحاء انها منى زكى .. عشان تثير الجدل ...ومن ثم تحدث دعايه اكثر للفيلم .. هى يمكن بس لقطه واحده اللى فيها منى زكى فى وضع مش متعودين عليه منها .. لقطه عاديه مقارنة باللقطات الاخرى .. التى تم عمل مونتاج سريع لها بمهاره

الواضح ان فكرة الفيلم تناقش قضيه مجتمعيه جريئه او شائكه ..ممكن استقراءها من االتريلر أو اعلان الفيلم ..عن العلاقة الحميميه بين الرجل والمراءه فى عصرنا الحالى والتاثيرات الاقتصاديه والاجتماعيه والدينيه والثقافيه عليها ..وعن العذريه برده .. وده الواضح من الجمل الحواريه اللى تم التركيز عليها وعمل ((سبوت)) لها .. يمكن الكلام اللى اتقال على لسان ابطال العمل فكرنى بقضية احمد الفيشاوى وهند الحناوى ..

طبعا لا عجب عندما رأيت اسم وحيد حامد كمؤلف.. ويسرى نصر الله كمخرج .. وكعادتى مؤخرا .. اتعمد الا اشاهد تلك الافلام التى تخاطب فى سذاجة غريزة المشاهد حتى لو كان المضمون جيد ويناقش قضايا لم يتم التطرق اليها من قبل

حدث هذا مع فيلم الوعد وهو لوحيد حامد ايضا .. وكذلك كباريه ..وحرب السيد عمر ..واى فيلم على نفس النسق ((المقرف))

تم تعديل 6 يونيو 2009 بواسطة التونسى

[Sherief AbdelWahab]

إذن ما فعله "وحيد حامد" و "يسري نصر الله" كان متعمداً منذ البدء ، لإثارة ردود الفعل تلك منذ البدء ، وهم أسعد الناس بهذه الضجة السلبية ضد "منى زكي" التي ستظهرهم حتماً بمظهر المستنيرين المثقفين..

المدهش أن هؤلاء هم من صبوا جام غضبهم على المخرج الراحل الكبير "حسام الدين مصطفى" حينما قال أن الممثلين هم قطع شطرنج يحركهم المخرج ، وهذا كلام لا يخل من الدقة في رأيي ، لكن على الأقل أن يحركهم المخرج لمصلحة العمل خير من أن يحركهم المخرج والمؤلف والمنتج لمصالح غير مفهومة..

خلص الكلام

[ذهبية]

زى ما بنقول بالعامى كدة الرك مش عليها الرك على جوزها اللى سايبها كدة

دة منى زكى قبل الجواز كانت محترمة وعمرى ما شوفت لها اى وضع حرج او جراة تقوم بعد ما تتجوز و تخلف

تبوز على اخر الزمن دة جوزها اللى اسمة راجل عمرى ما شوفتى بيتعامل مع اى بطلة معاة بطريقة خارجة او طلع منة اسفاف او لفظ لة اى ايحاء

حتى ما شوفت لة اى فيلم اتجرا مع البطلة دة مؤدب عنها و بيتكسف كمان

والله للاسف هو مش حاسس انها بتصرفها دة بتشتمة هو و بتقلل من قيمتة ومن قيمة بنتها

للاسف الى بيحترم بيحترم نفسة قبل ما بيتحترم الناس واللى بتعملة دة وهى مش حاسة بتنزل نفسها

من مكانة كانت عاليا

و بصراحة انا مش بعيب عليها انا بعيب علية فين كرامتة و نخوة الرجولة

خسارة يا حلمى بجد خسارة ام هى مش خسارة لانها هى الى عملت كدة فى نفسها

[فــيــروز]

يا جماعه حد شاف الفيلم؟

ولاّ ردود الأفعال دى مبنيه على التريلر بس !!

أصل بعض مشاهد التريلر مظلمه و من تظهر فيها هى غالبا ليست "منى زكى" بل ممثله أخرى سبق و قامت بأداء مشاهد ساخنه فى أفلام أخرى ..

لكن من خلال قراءتى لحديث صحفى مع "منى زكى" حول الفيلم غالبا دورها فيه لن يخرج عن السياق المعروف الذى تهواه بطلاتنا حيث ستظهر فى دور "دون كيشوت" الذى يأخذ على عاتقه محاربة الفساد و التصدّى لكل القضايا لأنّه الوحيد الملاك وسط شرذمه من الشياطين .. و بصفه شخصيه سيسعدنى جدّا أن تخرج "منى زكى" -من خلال "وحيد حامد" و "يسرى نصر الله"- من هذه العباءه .. و هذا الخروج على فكره لا يستلزم أداء مشاهد ساخنه لكن يستلزم بعض الشجاعه من الممثل أو الممثله كى يقتنع أنّه يظهر على الشاشه كى يؤدّى دور فى فيلم و ليس كى يبنى شعبيه شخصيه أو يزيد من رصيده الشخصى -وليس الفنّى- لدى الناس

[بندق أفندى]

بدون تعليق

سلامة عبد الحميد - mbc.net

دافع الفنان أحمد حلمي عن زوجته الفنانة منى زكى إزاء اتهامها بتقديم مشاهد ساخنة بفيلم "احكي يا شهرزاد"، مشيرا إلى أن دور منى في الفيلم يعد تجربة متميزة ستحسب لها في تاريخها الفني، إلى جانب أدوار أخرى مهمة قدمتها سابقا.

وحرص أحمد حلمي على حضور العرض الخاص لفيلم "احكي يا شهر زاد" الذي دعا إليه المخرج يسري نصر الله عددا قليلا من الإعلاميين المصريين؛ ليشيعا حالا من السعادة في العرض، وينفيا ما تردد من شائعات حول غضب حلمي من دور منى بالفيلم.

وأكد حلمي، للحاضرين بالعرض الذي أقيم بمعمل استديو مصر، أن كل ما تردد حول غضبه من سخونة الدور الذي قدمته منى في الفيلم مجرد شائعات لا أساس لها من الصحة، وأنه سعيد جدا بالدور الذي قدمته زوجته باحترافية متناهية، اعتمادا على نص كتبه وحيد حامد، وتولى تنفيذه المخرج يسري نصر الله.

وأضاف أن الفيلم قدم عددا من المواهب بينها حسن الرداد؛ الذي قام ببطولة الفيلم، الذي هنأه على أدائه وأعرب عن إعجابه به في هذا الدور.

وأعرب الفنان المصري عن أمله في أن تتوقف الشائعات التي تروج لخلافات بينه وبين زوجته، مشيرا إلى أن المنتديات والصحف الصفراء نشرت شائعة الطلاق عشرات المرات، بينما علاقتهما مستقرة، لكن الشائعة الأخيرة الخاصة بانزعاجه من دور فني قدمته زوجته غير منطقية تماما؛ لأنه ممثل ويدرك جيدا معنى التزام الممثل بتقديم نص متميز مع مخرج كبير.

وفي سياق متصل، اتفق المنتج كامل أبو علي والمخرج يسري نصر الله على اختيار يوم 24 يونيو/حزيران الجاري، موعدا لعرض "احكي يا شهر زاد" تجاريا، بعد الاستقرار على الخطة الدعائية للفيلم.

وتدور أحداث الفيلم حول شخصية "هبة يونس" مذيعة التلفزيون الناجحة؛ التي تستيقظ من كابوس مفزع جعلها تدرك أن شقة الزوجية التي تعيش فيها مع زوجها "كريم" بلا أبواب، فالزوج نائب رئيس تحرير جريدة قومية ويسعى لأن تقوده التغييرات المتوقعة في الصحف القومية رئيسا للتحرير، ويتعرض لضغوط قوية كي يحث زوجته على الكف عن إثارة الموضوعات المحرجة للحكومة في برنامجها "نهاية المساء بداية الصباح".

وفي محاولة لإنقاذ حياتها الزوجية من الانهيار تبدأ هبة سلسلة من الحلقات عن قضايا المرأة، وعلى الرغم من إدراكها أن قضايا المرأة في جوهرها قضايا سياسية، إلا أنها لم تتصور أنها "سياسية إلى هذه الدرجة، ولم تكن تتخيل إلى أي مدى يمكن أن تتقاطع أزمتها الخاصة مع أزمة "أماني" العانس المتباهية بعذريتها نزيلة المصحة النفسية، أو "صفاء" التي قضت عقوبة طويلة في السجن لارتكابها جريمة قتل، أو الدكتورة "ناهد" التي أجهضت نفسها واعتقلت في مظاهرة فردية أرادت فيها فضح الرجل الذي خدعها.

منى حزينة

وكانت منى زكي عن قد أعربت عن بالغ حزنها لسوء الفهم السائد لدى البعض، حول تقديمها مشاهد ساخنة بأحدث أفلامها "احكي يا شهرزاد"، حتى وصل الأمر إلى تنظيم حملة لمقاطعة الفيلم، مشيرةً إلى أنها اعتادت التعرض للظلم في الدنيا وتنتظر مكافأة الله في الآخرة.

وقالت منى أنا مظلومة لأن الناس حكموا علىّ بأنني أقدم مشاهد مثيرة وجريئة حتى قبل مشاهدة الفيلم، الجميع أعرب عن غضبه من منى زكي على شيءٍ لم تفعله، مضيفة "هم تخيلوا أن كل المشاهد الصامتة الموجودة في الإعلان الذي يبث للفيلم أقدمها بنفسي، لكن الحقيقة أنها لممثلات أخريات يشاركن في الفيلم".

يذكر أن معجبي الممثلة المصرية منى زكي قد شنّوا -على موقع "فيس بوك"- هجومًا حادًّا على مشاهدها المثيرة في فيلمها الجديد "احكي يا شهرزاد"، معتبرين أنها وضعت نفسها في خانة نجمات الإثارة كهيفاء وهبي وسمية الخشاب.

كان الإعلان عن الفيلم؛ الذي أثار كل هذه الضجة، قد تم عرضه مؤخرًا في الفضائيات، ولم تزد مدته على دقيقتين، وضم مشهدًا يقوم فيه الفنان الشاب حسن الرداد بتقبيل منى زكي من رقبتها بشكل اعتبره البعض مثيرًا.

وأنشأ المعجبون "تجمعًا" على الفيس بوك تحت عنوان "خسارتك يا منى"، وذلك بسبب إعلان فيلمها الجديد الذي ضم مشهدًا رآه جمهورها مثيرًا، مشيرين إلى أن ذلك يعني تحولاً في نوعية الأدوار التي تؤديها منى، والتي كانت بعيدة تمامًا عن الإغراء والإثارة.

[elfakhrany]

عندك حق ياريمو أنا شفته دلوقتى والواضح انها عاملة كده عشان التنافس خصوصا فيلم هيفاء (دكان شحاته ).. طب أنا شفت فيلم دُكان شحاته ومن وجهة نظرى فيلم تافه جدآ لأنى لم أستطع استكماله حتى النهاية :blink: ومش عارف أقول ايه على خالد يوسف

تم تعديل 21 يونيو 2009 بواسطة elfakhrany

[بندق أفندى]

حتى لو لممثلة أخرى .. فى النهاية الصورة الذهنية التى تتكون لمن؟

[فــيــروز]

حتى لو لممثلة أخرى .. فى النهاية الصورة الذهنية التى تتكون لمن؟

ما فهمته أنّك تصوّرت أن "منى زكى" لم تقم بأداء المشاهد الساخنه بنفسها و إنّما قامت بها دوبليره و لهذا تتساءل عن الصوره الذهنيه

لو كان ما فهمته صحيحا فهو لم يكن ما تعنيه "منى زكى" ..

ما تعنيه -حسبما فهمت بردو- أن الأدوار الأخرى بالفيلم هى التى تضمنّت مشاهد ساخنه و ليس دورها هى .. و هو ما أشرت إليه فى مداخله سابقه حيث تشارك بالفيلم ممثله سبق و ظهرت فى مشاهد مماثله فى فيلم "مواطن و مخبر و حرامى" ..

و هذا الجزء من الموضوع الذى اقتبسته قد يؤكّد هذا المعنى

وقالت منى أنا مظلومة لأن الناس حكموا علىّ بأنني أقدم مشاهد مثيرة وجريئة حتى قبل مشاهدة الفيلم، الجميع أعرب عن غضبه من منى زكي على شيءٍ لم تفعله، مضيفة "هم تخيلوا أن كل المشاهد الصامتة الموجودة في الإعلان الذي يبث للفيلم أقدمها بنفسي، لكن الحقيقة أنها لممثلات أخريات يشاركن في الفيلم".

ومن ثمّ لن تكون الصوره الذهنيه مرتبطه ب "منى زكى" .. بدليل أنّها ظهرت مع "علا غانم" فى فيلم "سهر الليالى" و قدّمت "علا" مشاهد ساخنه لم ترتبط فى ذاكرة المشاهدين بأى ممثله أخرى شاركت بالفيلم ..

[ذهبية]

الفكرة مش فكرة انها قامت بالدور و لالا الفكرة اية اللى وصل للمشاهد واية الى فهمة و هى عارفة من اول الفيلم انة هيوصل لة هذة الافكار

طيب انا اضع نفسى من البداية فى وضع مشكوك فية لية لية؟؟؟

دة الواحد لما بيشوف صديقة لة افكارها او تصرفاتها مش مضبوطة بيخاف على نفسة و مش بيكلمها تانى وبيقطع اى علاقة بيها دة اللى اتربينا علية و اتعلمناة من ضغرنا

مش هاقول لا مش انا دى صحبتى اللى مش كويسة اول شىء هيتسال ليكى طيب انتى عارفة من الاول ان صحبتك مش كويسة مشيتى معاها لية ؟؟؟

و بعدين اعتقد ان صاحب المبادىء بيتمسك بمبداة للنهاية و المبادىء مش بتتجزا

وبعدين مين قال علشان اوصل فكرة او ادافع عن راى انى انتهج اسلوب اقل ما يقال عنة انة مفسدة

و بعدين اتحجج انى ادافع علىالمراءة لية لما بادافع عن المراءة علطول يرتبط اسمها بالجنس و العرى

و العلاقات الغير شريفة

ولازم ابروز هذة العلاقة و ادخل معاها غرفة النوم علشان اوصل افكارى هو علشان اوصل الفكرة لازم يكون فية اسفاف واقول دة بيحصل فى المجتمع و انا بانقلة

ما اى مجتمع ىف الدنيا بيكون فية الصح و الغلط لية ابروز الغلط و اكبرة و انشرة

و فى اخر الفيلم اخلى الصح ثوانى او ساعات ما اجيبة

ما فية امثلة مشرفةو كتيرة او قصص نجاح و كفاح او سيدات حفروا اسمهم بمنتهى الاحترام و الروعة فين الامثلة دى ماهى فى المجتمع برضة

[التونسى]

وكانت منى زكي عن قد أعربت عن بالغ حزنها لسوء الفهم السائد لدى البعض، حول تقديمها مشاهد ساخنة بأحدث أفلامها "احكي يا شهرزاد"، حتى وصل الأمر إلى تنظيم حملة لمقاطعة الفيلم، مشيرةً إلى أنها اعتادت التعرض للظلم في الدنيا وتنتظر مكافأة الله في الآخرة.

وقالت منى أنا مظلومة لأن الناس حكموا علىّ بأنني أقدم مشاهد مثيرة وجريئة حتى قبل مشاهدة الفيلم، الجميع أعرب عن غضبه من منى زكي على شيءٍ لم تفعله، مضيفة "هم تخيلوا أن كل المشاهد الصامتة الموجودة في الإعلان الذي يبث للفيلم أقدمها بنفسي، لكن الحقيقة أنها لممثلات أخريات يشاركن في الفيلم

".

اذن نجحت الخطة الخبيثه لترويج الفيلم :closedeyes: .. كما توقعت .. وها هى منى زكى تضع النقاط على الحروف بشان المشاهد المزعومه

المهم يعنى .. الجنازه حاره ...

بسال نفسى كتير... ليه الاصرار ده فى السينما المصريه ...من قبل القائمين عليها ...على المشاهد والحوارات اياها . والتى لا تتسق مع ديننا ومجتمعنا المتدين ..المتحفظ ..

هما بيخاطبوا مين .. وجمهورهم الموافق والمقبل على ما ينتجونه قد ايه .. والا احنا شعب مصاب بالازدواجيه حتى الثماله .. لا اعفى نفسى من ذلك ..وان كنت قد قررت مؤخرا وبجديه الا اشاهد اى فيلم يحتوى على مشاهد مبتذله وخلافه .. حتى اننى شاهدت فيلم دكان شحاته .. ولا اخفيكم فقد كنت مشدود للفيلم ومستمتع به .. ولم اكن اصدق ان هذه سنيما لخالد يوسف حتى كان المشهد الاول لهيفاء .. وهنا بدا حماسى يفتر نحو الفيلم .. كنت اتمنى ان يستمر الفيلم على نفس النسق .. فقد كانت هناك بوادر جيده .. ولكن طلة هيفاء .. اصابتنى بجفاء .. بجفاء نحو الفيلم بفعل ما سمعته عنه

تم تعديل 21 يونيو 2009 بواسطة التونسى

[أم خالد]

سمعت امبارح فى نشرة روتانا سينما

ان فيلم احكى ياشهرزاد اتأجل عرضه لمنتصف يوليو ليهرب من مواجهة فيلم احمد حلمى

وقرأت أن المقربين من حلمى ومنى يؤكدون أن العلاقة فعلا بينهم متوترة بسبب الفيلم

وانه رافض يحضر العرض الخاص للفيلم

وان فى مهرجان ال ART حلمى لم يحضر المهرجان

رغم انه حصل على جائزة عن فيلم آسف للأزعاج ولكن منى ذكى حضرت المهرجان

وان منى لم تتسلم الجائزة بدلا من حلمى وتسلمها احد صناع الفيلم

ورأيى الخاص ان منى كدة بتخسر شعبيتها بشكل واضح

وحتى لو انها بتعمل دعاية للفيلم فمجرد مشاركتها فى فيلم به كل المشاهد الساخنة دى

يعتبر فى حد ذاته انها ناوية تبدأ مرحلة جديدة هى فى اعتقادها ان هو اللى ماشى دلوقتى

ومتعرفش ان جمهورها حبها لبرائتها ولو اتغيرت هتكون هى اول من جنت على نفسها

[Sherief AbdelWahab]

التريلر ، ممثلة تانية ، ....الخ ، تفاسير قريتها وسمعت عنها على جروبات وهي في رأيي لا ترقى لمستوى مسلسل شبه بوليسي..

الحتة اللي جاية هي اللي فيها التوكسافين كله:

-مين منتج الفيلم دة ؟

كامل أبو علي..

-كامل أبو علي أنتج أفلام تانية؟

آه..

-قول لي فيلم منهم اتعمل عليه ضجة قبل ما يتعرض..

حين ميسرة..

-ليه الضجة دي اتعملت على حين ميسرة قبل ما يتعرض؟

لأن فيه مشاهد اتسربت من الفيلم قبل ما يتعرض واتنشرت في كذا جرنال منها الفجر..

-هل اعترض كامل أبو علي وقتها على تسريب المقاطع دي من فيلمه قبل العرض؟

لأ..

-إذن التسريب دة تم برضاه؟

آه..

والحدق يفهم..

خلص الكلام

[مغتربة]

ارى ان الجميع هنا بالتاكيد لم يشاهد الفيلم

لانه ببساطه لم ينزل بعد صالات العرض

و بالرغم من ذلك ارى موضوع مفتوح و مداخلات و مناقشات دائره

كيف يستقيم ان نحكم على شيىء لم نشاهده من الاساس

متوسط وقت عرض اى فيلم هو 90 دقيقه

فى حين ان اى اعلان عنه لن تتجاوز مدته ثلاث دقائق

امن ثلاث دقائق نستطيع الحكم على تسعين دقيقه

عجبى

[فــيــروز]

ارى ان الجميع هنا بالتاكيد لم يشاهد الفيلم

لانه ببساطه لم ينزل بعد صالات العرض

و بالرغم من ذلك ارى موضوع مفتوح و مداخلات و مناقشات دائره

كيف يستقيم ان نحكم على شيىء لم نشاهده من الاساس

متوسط وقت عرض اى فيلم هو 90 دقيقه

فى حين ان اى اعلان عنه لن تتجاوز مدته ثلاث دقائق

امن ثلاث دقائق نستطيع الحكم على تسعين دقيقه

عجبى

مش كده بردو؟

[doudy]

حتى لو لممثلة أخرى .. فى النهاية الصورة الذهنية التى تتكون لمن؟

انت صح يا بندق

انا بصراحة بعتقد ان منى خرجت كتيير عن شعار

كان متخذاه زمان و هو السينما النظيفة

[pink rose]

ايوة ما حدش شاف الفيلم بس الجواب بيبان من عنوانه

انا كان سؤالي ليه منى تحط نفسها في موقف كده تقلل من حب الناس و احترامهم ليهم اكتر و اكتر

و زي ما قولت قبل كده انا قرفت منها فعلا لما شوفت فيلم ابو علي و بعده تيمور و شفيقة

ليه كده ليه ماشية في ناحية انحدار مالهاش لازمة

عشان هو دا اللي ماشي؟؟؟؟؟؟؟ و لا عاوزة تعمل ايه

يعني ان الاول لبسها بدأ شوية شوية يخف و يقصر دلوقتي كمان بقت تعمل مناظر؟؟؟؟؟؟؟؟؟؟؟؟

هي ناقصة ما كفاية سمية الخشاب و اللي حصل في حين ميسرة

و الست هيفا البطلة الجديدة لفيلم خالد يوسف

دا بالنسبة لمنى ذكي

اما بالنسبة للفيلم او الافلام اللي شغالة حاليا اعلاناتها على معظم الفضائيات و الله حاجه تقرف بجد

ما فيش فيلم خالي من قلة الادب كاننا بقينا شعب قليل الادب و اللي بيحصل دا عادي جدااااااااا و نظام هي الناس عاوزة كده

يعني افلام زمان كان كل البيوت فيها خمرة كان الناس زمان كلهم شاربي خمر

في السبعينيات كل الافلام الستات يا اما بمايوهات او هدوم خليعة و رقص و نوادي ليلية

الثمانينيات كل الافلام راقصات

اليومين دول بقى الله ينور كله على كله خمرة و عري و رقص ومشاهد غير اخلاقية ابدا ما ينفعش اسرة تتفرج عليها

يعني دلوقتي كانه التطور الطبيعي للحاجة الساقعة و ما حدش بيقول لأ لا رقابة بتحذف و لا ازهر بيتكلم

و سايبن الشباب يتفرج و يروح افلام كده و بعدين تلاقي كل واحد طالع في البرامج يقول معدل التحرش زاد و دي ظاهرة ولا حاجه بقت متأصلة في الشباب و ندوات بقى و عاوزين نحل

و اللي يرمي الموضوع على شماعة الامن واللي يرميه على الحكومة و اللي يطلع يقول الفقر يعمل اكتر من كده و اللي يقولك فراغ الشباب و البطالة و اسباب و اسباب لكن ما فيش واحد طلع قال من الاعلام و الافلام اللي مفتوحة على البحري خلاااااااااص

و الله عندي فكرة دايما في دماغي ما اعرفش غباء منى و لا سذاجة و يا ريت تقولولي انا صح و لا غلط

هما دايما صانعي الافلام دي بيقولوا احنا بنصور المجتمع زي ما هو و مش في ايدنا نقدم حلول احنا بنتعرض للمشكلة عشان نبرزها و كلام كبير اظن في رأيي و الله اعلم انه كلام حق يراد به باطل و الله اعلم

طيب الفكرة الساذجة بتاعتي بقى اسمحولي اعرضها عليكم

لو واحد من صانعي السينما المحترمين عاوز يعمل فيلم و نيته خير زي ما بيقول ليه لما هو في دماغه مشكلة معينة و فعلا ظاهرة موجودة في المجتمع و هو عاوز يبرزها و يوضح مساوئها

هانفترض موضوع ي اولاد الشوارع او العشوائيات المواضيع دي مواضيع اجتماعية خطيرة و قنابل موقوتة فعلا

ليه بقى صانع الفيلم من مؤلف و منتج و مخرج ما يعملوش ورشة عمل فعلا و يدخلوا علماء اجتماع يفسروا اسباب الظاهرة دي و يحطوا بعض الحلول المقترحة للمشكلة

و يقوم مؤلف الفيلم بصياغته بناءا على المشكلة و يعمل الحبكة بتاعه و في نفس الوقت يقدم حلول عملية كويسة تكون مدروسة

و بكده هايكون الفيلم قدم خدمة للمجتمع فعلا طرح القضية و ابدى حلول يبقى فعلا عمل مفيد مش مجرد عرض المشكلة

اظن دا دور الفن الحقيقي

ساذجة انا صح؟

في حاجه كمان كنت عاوزة اقولها بس ورايا حاجات دلوقتي معلش

ليا عودة ان شاء الله

[pink rose]

شوفتوا الحلوة بتقول ايه؟

انا مش هاقعد اناقش الفيلم فيه قبلات و لا ما فيهوش

اللي شايف الفيلم قليل الادب ما يدخلوش

نفس منطق لو الفيلم مش عاجبك في زرار في الريموت تقدر تطفي بيه التلفزيون

يعني من الاخر انا هاعمل اللي انا عاوزاه و اللي مش عاجبه يضرب راسه في الحيطة

و بتقول انا هاعمل افلام الانثى لاني بقى عندي 31 سنة

و الله لطيفة جدا

[ابو محمود]

شوفتوا الحلوة بتقول ايه؟

انا مش هاقعد اناقش الفيلم فيه قبلات و لا ما فيهوش

اللي شايف الفيلم قليل الادب ما يدخلوش

نفس منطق لو الفيلم مش عاجبك في زرار في الريموت تقدر تطفي بيه التلفزيون

يعني من الاخر انا هاعمل اللي انا عاوزاه و اللي مش عاجبه يضرب راسه في الحيطة

و بتقول انا هاعمل افلام الانثى لاني بقى عندي 31 سنة

و الله لطيفة جدا

هههههههههههههههههههه دة رد من فنانة بصحيح

كلما كنت امر على دار للسينما تعرض فيلم مصرى بهذا المستوى اجدنى احدق النظر الى من يقف على ابواب السينما فأجد شباب من الجنسين يتقاتلون فى الحصول على مقعد فيرد شيء بداخلى

انهم من يحملوم الشعلة عنا لكن بنفس الطريقة التى يعيشون بها داخل السينما

اننا نتحول الى مسخ فى كل شيء حتى فى افكارنا