لماذا غاب الرئيس عن تكمله زياره اوباما ؟!!!!!!!!!!!

[ذهبية]

طبعا يا ريمو مكنش قصدى خالص بموضوع خطف الاضواء موضوع الهرم دة او دخول خوفو وذلك للسبب اللى انتى قولتية

و سبب تانى ان دى مش زيارة رسمية بالمعنى المعروف علشان يلزق معاة الرئيس حتى فى زيارة الاهرامات

قصدى فى الخطاب فى جامعة القاهرة وعدم وجودة معاة لسبب ان الرسالة موجهة الى الاسلام و المسلمين

لو كان مبارك ظهر معاة كان هياخد منة بعض الاضواء و هيظهر بصفتة ممثل عن المسلمين جميعااا

و بعدين مبارك كان هيروح معاة لية فى جامعة القاهرة مكنش هيكون لة اى دور بصراحة الراجل جاى و عازم كل فئات الشعب

و بيصالح المسلمين و بيحسن صورة امريكا دوليا و اسلاميا هيكون دور مبارك اية يصفق والسلام على اللى هيقولة

هو عمل الصح بصراحة انة ماراح

ام لو ظهر معاة جمال مبارك دة هيكون اعتراف رسمى بموافقة امريكا على توريث الحكم فى مصر و دة مش مصلحة امريكا و لا مصر

لان دة هيكون خلاف ما بيتشدق بية المريكان طول النهار بموضوع الديمقراطية

ومش حلو من مصر لان السيناريو التوريث هيكون على اساس ان الشعب الىل اختار و الشعب اللى عايز كدة و احنا مكناش عايزين بصراحة لكن نعمل اية الشعب اللى طلب

واحنا منقدرش نزعل الشعب بصراحة

[om marawan]

مش عارفة انا حاسة التقرير او التحليل المنشور ده كوميدى يعنى الغرض منه مش مفهوم بصراحة مع احترامى يعنى للكاتب او الجريدة

بس السبب واضح انه صحة الرئيس وحزنه على حفيده اللى مؤثر تماما فى حالة الصحية بالاضافة لعامل السن طبعا

كان واضح ان الرئيس حضر اللقاء بصعوبة

لكن انا ايضا احيى رأيك العزيزة ذهبية ان وجود مبارك لم يكن له ضرورة قصوى لانه رسالة موجهة للعالم الاسلامى باجمعه واوباما حرص على ان الخطاب يظهر فيه توجهه للعالم بكل فئاته وحتى لغير المسلمين اللى عايشين فى نفس الدول الاسلامية

ويمكن ده سبب ذكر اوباما لمحرقة اليهود اللى اعترضنا على ذكرها لانها بدون مناسبة ولكنى لما فكرت اظن ان السبب هو ايران اللى انكرت وجودها واشار رئيسها الى القضاء على اليهود

اما غياب جمال مبارك منطقى ومش عشان موافقة امريكا من عدمها لكن اعتقد انه وجوده فيه استفزاز مالوش لزوم لا سياسيا ولا دبلوماسيا

المهم انه اوباما حضر ووجوده فى مصر لالقاء الخطاب هو اقرار واضح لوضع وثقل مصر فى المنطقة

وشئنا ام ابينا فثقل الرئيس مبارك معترف به دوليا وعربيا واوباما بنفسه اقر بذلك قبل زيارته لمصر

معلش يعنى الراجل مش شوية ياجماعة

[nightmare]

من وجهة نظري ان الرئيس مبارك ما كانش ينفع خالص يرافق اوباما , لان زيارة اوباما زيارة محددة المدة في كل شيء , يعني مثلاً زيارة مسجد السلطان حسن قالوا تستغرق 30 دقيقة , وزيارة الأهرامات 90 دقيقة وهكذا

لو الرئيس مبارك راح معاه في ظل الحالة الصحية المتدهورة التي شاهدناه عليها , كانت زيارة اوباما امتدت لثلاث ايام على الاقل , الرئيس على ما يطلع الهرم الاكبر وينزل عاوز يومين يا جدعان .

ماشاء الله اوباما كان زي الغزال الشارد يطلع الهرم وينزل ويتنطط على سلم الطائرة , هوا فيه كده يا جدعان