رداً على بعض الخرافات المنتشرة بكثرة بالانترنت

[pink rose]

لن تأخذ من وقتك الكثير..

كرر معي 3 مرات

من صغره وصغر سنه عارف معنى إنه

من قلبه وروحه مصري والنيل جواه بيجري

بكار

من صغره وصغر سنه عارف معنى إنه

من قلبه وروحه مصري والنيل جواه بيجري

بكار

من صغره وصغر سنه عارف معنى إنه

من قلبه وروحه مصري والنيل جواه بيجري

بكار

أرسل هذه الرسالة إلى عشرة أشخاص

وسترى بكار في منامك

وإذا أرسلتها لأكثر من عشرة

سترى

بكار بالألوان

وسيأتيك كابتن ماجد

واحتمال النينجا ترتلز

لا تهمل هذه الرسالة

إنه موضوع جدّي

أرسلت إلى شخص وأهملها

فانقطعت عنه قناة سبيس تون

شخص آخر عمل بها فرزق

شريط ميكي ماوس الأصلي

وأرسلت إلى شخص واستهزأ بها

فتحول إلى بوكيمون

.

.

.

.

.

[الباشمهندس ياسر]

شمهورش بهمورش

اوعى العو ياكلك

و اللى مش هيقوم يلف 15 مرة حوالين اللاب توب هيموووووووووت امبارح

و اللى مش هيقوم يولع شمعتين هيجيله شلل فى صباع رجله الصغير

.........

بجد بقى

كل ما كان يجيلى ايميل اهبل من دول امسجه من غير ما اقراه

بقى عندى حساسية تجاههم ... يعنى من اول سطر اعرف الليلة ماشية ازاى

و بحس دائما ان الناس دى مش بتفكر اصلا

[Falcon Crest]

النوعيه دي من الاميلات بتخنقني و بتعصيني لدرجه اني عملت spam لبعض أصحابي علشان بيبعتو الهبل ده

[se_ Elsyed]

[

كل ما كان يجيلى ايميل اهبل من دول امسجه من غير ما اقراه

انا باشبشب لأي حد يبعتلي هُراء زي ده

وخلاص كلهم عرفوني وماحدش بيجرؤ يفكر يبعت لي حاجه من دي

بس تفتكري يا ريمو موضوع بكار ده عجبني جداً

تفتكري ممكن ييجي اليوم واشوف فيه بكار بالالوان ؟

بالالوان ازاي ؟

يعني هو اسمر .. ولو بعتت الايميل ده للناس هاشوفه فوشيا يعني ؟

طب بالنسبة للمعزه رشيده

لو بعتت الايميل لكام خروف ممكن اشوفها جدي قد الدُنيا ولا ايه ظروفها ؟

[سهل جدا]

آه والله , الإيميلات ديه جننت الواحد

واللي يغيظ إن الناس أصلا ما بتقرأهاش

وكله شغال وعمال يبعت للتاني

طبعا مصير الرسائل ديه كلها عندي إني أحط صاحبها في الجانكي ميل، عشان لما تجيني أي رسالة منه بعد كده ما شوفهاش

ولو التوبيك ده ينفع يتحط في الجانكي ميل كنت حاطيته :blink:

[pink rose]

عفوا يا جماعة

دا هو كمان ايميل وصلني بيتريق فيه على الخيبة اللي بنشوفها كل يوم على الميل مش انا اللي كاتباه يعني

اما بالنسبة للايميلات اللي من النوعية الساذجة دي فا فعلا بامسحها من اول ما اقرأ اول سطرين

بس المخجل فعلا ان في ناس بتصدق

انا فاكرة ايام ما كنا في الكلية انتشرت حاجه بتقول ان واحد اسمه مش فاكرة الشيخ ايه و شاف الرسول عليه الصلاة و السلام في المنام و قاله يا فلان القيامة هاتقوم كمان 40 يوم

و الله قعدت اضحك ضحك يومها ايه الهبل دا

الغريب بقى ان ناس صدقت و اللي طلع يجري على المسجد يلحقله كام صلاة بقى ما هو خلاص المسكين هايموت بعد 40 يوم كانه دماغه اتمسحت طب ما انت حضرتك ممكن تقوم قيامتك لوحدك كمان 40 ثانية مش 40 يوم

لا حول و لا قوة الا بالله

ربنا يهدي الجميع

انا برضه يا س س مش عارفه ايه حكاية الالوان دي بتاعت بكار

اما المعزة رشيدة بقى خلاص بكار دبحها اصلا خوفا من انتشار انفلونزا المعيز قريبا

و على رأي الباشمهندس ياسر اهو كله شهيصة

[pink rose]

ولو التوبيك ده ينفع يتحط في الجانكي ميل كنت حاطيته :blink:

ليه كده دا انا قولت اضحكم شوية :sad:

[se_ Elsyed]

الشيخ سهل جداً نسي ان التوبيك في باب الابتسام

[سهل جدا]

ولو التوبيك ده ينفع يتحط في الجانكي ميل كنت حاطيته :blink:

ليه كده دا انا قولت اضحكم شوية mfb:

الشيخ سهل جداً نسي ان التوبيك في باب الابتسام

إيه يا جماعة انتو صدقتوا ولا إيه ؟!!

:sad:

أنا عارف إنه الموضوع كله هزار

بس على فكرة , أنا كنت قرأته في منتدى تاني

مش نفس الكلام , ولكن نفس الفكرة

بس كان عن عدنان ولينا

ولكن دا ما يمنعش إن الموضوع ده ظريف , تسلم إيدك يا أختي إيمو

على فكرة أنا كنت متابع موضوع حضرتك بتاع الرحيق المختوم

انتي بطلتيه ليه ؟؟؟!!!!

[الباشمهندس ياسر]

يعني هو اسمر .. ولو بعتت الايميل ده للناس هاشوفه فوشيا يعني ؟

امسك عندك

عنصرية اهو و كلام كبييييييييييير

مالهم بقى السمر يا عم الامور ...

محدثكم

ياسر علام

من امام جمعية ... جايين نهدى النفوس احنا

[النجم الثاقب]

بتجيلى ايميلات كتييييييييييير من النوعية دى و فعلا بمسحها على طول .. لكن فى الفترة الاخيرة لقيت الاسلوب اختلف شوية .. يكتبلك فى آخر الميل ( مش هتخسر حاجة لو بعتها لصحابك ) او ( زود حسناتك ) او أى حاجة شبة كده .. انا بصراحة بعمل فوروارد للميل و خصوصا لو فى حاجة مفيدة او فى تذكِرة او أى حاجة ممكن تزود رصيدى فى الحسنات .. اتمنى ذلك .

[pink rose]

بتجيلى ايميلات كتييييييييييير من النوعية دى و فعلا بمسحها على طول .. لكن فى الفترة الاخيرة لقيت الاسلوب اختلف شوية .. يكتبلك فى آخر الميل ( مش هتخسر حاجة لو بعتها لصحابك ) او ( زود حسناتك ) او أى حاجة شبة كده .. انا بصراحة بعمل فوروارد للميل و خصوصا لو فى حاجة مفيدة او فى تذكِرة او أى حاجة ممكن تزود رصيدى فى الحسنات .. اتمنى ذلك .

ايوة طبعا لو الميل في حاجة مفيدة او دعاء جميل اومعلومة تستحق المعرفه ببعتها فورا لاصحابي

لكن الحاجات اللي من نوعية لو ما بعتوش هاتموت كمان ربع ساعه او واحد ما بعتهاش جاله شلل اطفال

هو دا المرفوض نهائي

[عنبو]

الموضوع ده من زمان اقوى يعنى افتكر ان وانا فى الاعداديه كان انتشر موضوع الورقه ده ان معرفش راجل وكان تاجر ومعرفش ايه المهم انه فى الاخر بيته اتخرب علشان مسمعش الكلام اللى فى الورقه دى ونشرها

وبعدين بحثت وعملت فيها المخبر كرومبو وطبعا مش نسيت سوبر هنيدى وصلعت ورحنا جميعا علشان نشوف ايه اساس الموضوع ده

لقينا ان الناس بتوع مكتبات التصوير هما اللى عاملين الموضوع ده لانهم طبعا مستفدين لانك هتصور عندهم

طبعا ممكن واحد يقولى يعنى وانت فى الاعداديه كان فيه المخبر كرومبو وسوبر هنيدى وصلعت

طبعا هقوله ما علينا

و ...........والسلام عليكم ورحمة الله وبركاته

[elfakhrany]

فى تساؤل أنا شايف ان معظم الردود تسير فى اتجاه واحد وهى ان الكل بيمسح الايميل بعد مايقرا أول سطرين .. طب مين اللى بيبعت بقى wst:: ممكن يكون عفريت وأقترح اننا نستعين بالمفتش كرومبو wst::

[الباشمهندس ياسر]

فى تساؤل أنا شايف ان معظم الردود تسير فى اتجاه واحد وهى ان الكل بيمسح الايميل بعد مايقرا أول سطرين .. طب مين اللى بيبعت بقى wst:: ممكن يكون عفريت وأقترح اننا نستعين بالمفتش كرومبو wst::

اجاوبك انا ع التساؤل ده يا كبيييير

الفكرة كلها اننا هنا شبه بعضنا ... يعنى كلنا تقريبا من الناس اللى بتعرف تفكر وده حقيقى رغم اختلاف الايدلوجيات بتاعتنا

عشان كده كلنا مستنكرين الموضوع من بابه

تمام يا نجم ولا لسه فيه تساؤىت تانية

[عنبو]

فى تساؤل أنا شايف ان معظم الردود تسير فى اتجاه واحد وهى ان الكل بيمسح الايميل بعد مايقرا أول سطرين .. طب مين اللى بيبعت بقى wst:: ممكن يكون عفريت وأقترح اننا نستعين بالمفتش كرومبو wst::

اجاوبك انا ع التساؤل ده يا كبيييير

الفكرة كلها اننا هنا شبه بعضنا ... يعنى كلنا تقريبا من الناس اللى بتعرف تفكر وده حقيقى رغم اختلاف الايدلوجيات بتاعتنا

عشان كده كلنا مستنكرين الموضوع من بابه

تمام يا نجم ولا لسه فيه تساؤىت تانية

كرومبو مين ياعم فخرانى ده المهندس ياسر بتاع كله مش تقولى كرومبو ده كرومبو طلع اكذوبه ربنا يعوض علينا فى سوبر هنيدى

فعلا بجد انا بحس ان احنا هنا نفس تقريبا نفس الدماغ مع اختلاف المقاسات

[pink rose]

ولو التوبيك ده ينفع يتحط في الجانكي ميل كنت حاطيته

ليه كده دا انا قولت اضحكم شوية

الشيخ سهل جداً نسي ان التوبيك في باب الابتسام

إيه يا جماعة انتو صدقتوا ولا إيه ؟!!

أنا عارف إنه الموضوع كله هزار

بس على فكرة , أنا كنت قرأته في منتدى تاني

مش نفس الكلام , ولكن نفس الفكرة

بس كان عن عدنان ولينا

ولكن دا ما يمنعش إن الموضوع ده ظريف , تسلم إيدك يا أختي إيمو

على فكرة أنا كنت متابع موضوع حضرتك بتاع الرحيق المختوم

انتي بطلتيه ليه ؟؟؟!!!!

و الله انا عارفه ان حضرتك بتهزر

ما تخافش يا استاذ سهل انا الحمدلله من النوع اللي ما بيزعلش بسرعه

موضوع الرحيق المختوم لسا شغال يا فندم هو بس اتنقل في باب هدى الاسلام في جزء الموضوعات المثبتة

الرحيق المختوم

اي خدمة يا فندم

تم تعديل 7 يونيو 2009 بواسطة remo

[احمد صفوت احمد]

بتجيلى ايميلات كتييييييييييير من النوعية دى و فعلا بمسحها على طول .. لكن فى الفترة الاخيرة لقيت الاسلوب اختلف شوية .. يكتبلك فى آخر الميل ( مش هتخسر حاجة لو بعتها لصحابك ) او ( زود حسناتك ) او أى حاجة شبة كده .. انا بصراحة بعمل فوروارد للميل و خصوصا لو فى حاجة مفيدة او فى تذكِرة او أى حاجة ممكن تزود رصيدى فى الحسنات .. اتمنى ذلك .

ايوة طبعا لو الميل في حاجة مفيدة او دعاء جميل اومعلومة تستحق المعرفه ببعتها فورا لاصحابي

لكن الحاجات اللي من نوعية لو ما بعتوش هاتموت كمان ربع ساعه او واحد ما بعتهاش جاله شلل اطفال

هو دا المرفوض نهائي

والله ياجماعه عندكم حق الموضوع مع انه في باب الابتسام لكنه فعلا خطير جدا خاصة لما بيكون مدعوم بادله باطله مثل احاديث موضوعه او مكذوبه عن الرسول عليه الصلاة والسلام وانا لما يوصل لي ليميل من النوعيه دي اقوم بالرد علي صاحبها بوضع رابط موقع جميل جدا للرد علي مثل هذه الخرافات

يمكن مرسل الايميل فعلا جاهل بمحتواه او فاكر انه بيعمل حاجه صح يكسب من وراها حسنات

وده الرابط للمواضيع الخاطئه التي لايجوز نشرهاhttp://www.islam2all.com/dont/dont.htm

وتقبلوا تحياتي

[sherifhfm]

الموضوع لو مفهوش تأليف من باب حيحصلك كذا وكذا لو مبعتش الاميل وكان فيه حاجه تدعوا للخير مثل صلاة الجامعة او ذكر الله ومفهوش طبعا احاديث متألفه يبقى كويس لو الواحد يبعته لاصدقائه من باب الاعانه على فعل الخير

لكن لو اميل فيه حاجات غربيه يبقى مسحه احسن

[الباشمهندس ياسر]

كرومبو مين ياعم فخرانى ده المهندس ياسر بتاع كله مش تقولى كرومبو ده كرومبو طلع اكذوبه ربنا يعوض علينا فى سوبر هنيدى

فعلا بجد انا بحس ان احنا هنا نفس تقريبا نفس الدماغ مع اختلاف المقاسات

اخجلتمونا يا مدير