أخبار فيروس أنفلونزا الخنازير في مصر

[pink rose]

ظهرت في مصر أول حالة اصابة بمرض انفلونزا الخنازير وهي لطفلة أمريكية تبلغ من العمر اثني عشر عاما.

الخبر على موقع bbc arabic

bbc arabic

يا ترى ايه اللي هايحصل دلوقتي بقىىىى

انا خايفة بجد من الموضوع دا انا خلاص قربت انزل مصر

خايفة انزل يقوموا يقفلوا المطارات ما اعرفش ارجع او العكس انهم يقفلوه من دلوقتي و ما اعرفش انزل اشوف اهلي

ربنا يستر

تم تعديل 8 يونيو 2009 بواسطة Mohammad
تعديل العنوان

[yono]

ربنا يستر شوفتي الخبر دة :blush2:

الرياض :

أعلنت وزارة الصحة اليوم اكتشاف إصابة أول حالة بمرض أنفلونزا الخنازير لممرضة فلبينية تعمل في مستشفى الملك فيصل التخصصي ومركز الأبحاث بالرياض .

وأوضح وزير الصحة الدكتور عبدالله بن عبدالعزيز الربيعة أنه تم اكتشاف الحالة في إطار الجهود التي تقوم بها الوزارة لمتابعة مستجدات الوضع حول أنفلونزا الخنازير، وقال في تصريح لوكالة الأنباء السعودية إن الممرضة كانت تقضي إجازتها في الفلبين، وقد عادت يوم الجمعة الماضي 5/6/1430هـ على إحدى رحلات طيران الخليج، ولم تظهر عليها أي أعراض. إلا أنه في يوم الاثنين الموافق

8/6/1430هـ بدأت الأعراض تظهر عليها، وتم إدخالها مستشفى الملك فيصل التخصصي، والقيام بإجراء الفحوصات الطبية الأولية الخاصة بأنفلونزا الخنازير، وجاء الفحص المخبري مساء يوم أمس الثلاثاء إيجابياً.

وبين وزير الصحة أنه على الفور ووفقاً للإجراءات الموصى بها من منظمة الصحة العالمية فقد تم إعادة الفحص مرة أخرى في المختبر المركزي التابع الفحوصات إصابة الممرضة بأنفلونزا الخنازير صباح اليوم.

وأشار إلى أن الوكالة المساعدة للطب الوقائي في وزارة الصحة قامت وبالتعاون مع مستشفى الملك فيصل التخصصي ومركز الأبحاث بتطبيق الإجراءات الواردة في الخطة الوطنية للوقاية من انتشار وباء الأنفلونزا، وبما يتماشى مع توصيات منظمة الصحة العالمية. حيث تم عزل المريضة، وإعطائها العلاج اللازم . إضافة إلى البدء وبصفة عاجلة بتقصي الحالات والأشخاص المخالطين للتأكد من سلامتهم، وتطبيق الإجراءات العلمية الوقائية اللازمة.

[doha]

ياستي .. قل لن يصيبنا الا ماكتب الله لنا ..

مهو ممكن ميكونش في انفلونزا خنازير ولا حمير ومع ذلك الواحد يمنع من السفر لاي سبب او يمرض لاقدر الله باي مرض تاني ..

تفائلي بالخير وان شاء الله خير

وطنشي انفلونزا الخنازير دي بالذات لانها مرض دعائي اكثر منه كمشكلة حقيقية ..

[Alrefaey]

ظهرت اليوم حالة جديدة مصابة بأنفلونزا الخنازير فى مدينة الملك فهد الطبية بالرياض

الخبر لسة لم ينشر بعد ولكن عرفته من اصدقائى الاطباء داخل المدينة ومحتمل ينشر فى صحف الغد

الخطور تكمن فى ماذا ؟

ان الحالة المصابة هى ممرضه فلبينية ذهبت اجازة وعادت من يوم الاربعاء الماضى ولم يكتشف احد اصابتها بالمرض الا اليوم السبت

ولم تظهر عليها اعراض المرض وهى داخلة من المطار ونزلت الدوام من يوم الاربعاء حتى اليوم وكانت بالطبع تتعامل مع مرضى كثيرون ومع زميلاتها بالعمل وبالسكن

ظهرت عليها اعراض المرض يوم الجمعه واليوم الصباح ذادت حدة الاعراض (حرارة -كحه -اللتهاب بالحلق - غثيان -اعياء شديد ) ذهبت لأحدى طبيبات المستشفى فشكت

فى احتمال اصابتها بالمرض فقاملت بعمل الفحوصات والتحاليل وجاءت النتيجة ايجابية

وانقلبت المدينة الطبية بعد ظهور الحالة وتم حجر الممرضه صحيا وحجر جميع المرضى التى ترددت عليهم الممرضه ووزعت الكمامات فى كل المستشفيات وادوات التعقيم

[pink rose]

مش هي دي اللي كانت في مستشفى التخصصي

تم تعديل 6 يونيو 2009 بواسطة remo

[doha]

بس الي فهمناه من الاخبار ان عدد الاصابات على مستوى العالم مقارب للـ 20 الف اصابة .. مات منهم فقط حوالي 120 واحد او اقل ..

وبالتالي فلو فرضنا ان كل الي تعامل مع الممرضه دي انتقلت له العدوى فمش كلهم هيظهر عليهم الاعراض او يصابوا بيه فعلا ولو حصل ونسبه منهم اصيبت بالمرض فعليا فاحتمال ان النسبة دي تموت ضئيل جدا ..

يعني الموضوع مهول فيه بدرجة كبيرة مش مستاهل قلق ابدا

وان كان حد مننا مات من انفلونزا الطيور يبقى له حق يخاف من انفلونزا الخنازير وعقبال مايبشرونا بظهور انفلونزا الحمار .. ولا ده كمان ملوش نِفس؟

[Alrefaey]

مش هي دي اللي كانت في مستشفى التخصصي

لا مش هى

اللى كانت فى التخصصى كانت اول واحدة واكتشفت تقريبا فى المطارلكن دى الحالة الثانية ولم تكتشف الا اليوم وبعد دوام يومان فى المستشفى

[doudy]

[وسط][/وسط]

ربنا يستر و يحفظنا و يحفظ المسلمين اجمعين

مش عارفين فيه ايه بعد كدة الاول انفلوانزا طيور

و بطلنا ناكل فراخ و طيور

و دلوقتى انفلوانزا خنازير و بطلنا ناكل لحوم

ايه هيجرا لنا بعد كدة

ربنا يسترو يلطف بينا

[se_ Elsyed]

بس الي فهمناه من الاخبار ان عدد الاصابات على مستوى العالم مقارب للـ 20 الف اصابة .. مات منهم فقط حوالي 120 واحد او اقل ..

وبالتالي فلو فرضنا ان كل الي تعامل مع الممرضه دي انتقلت له العدوى فمش كلهم هيظهر عليهم الاعراض او يصابوا بيه فعلا ولو حصل ونسبه منهم اصيبت بالمرض فعليا فاحتمال ان النسبة دي تموت ضئيل جدا ..

يعني الموضوع مهول فيه بدرجة كبيرة مش مستاهل قلق ابدا

وان كان حد مننا مات من انفلونزا الطيور يبقى له حق يخاف من انفلونزا الخنازير وعقبال مايبشرونا بظهور انفلونزا الحمار .. ولا ده كمان ملوش نِفس؟

ازاي بقى يا ضحى ؟

انفلونزا الخنازير اخطر وابشع لانه بينتقل بين البشر وكمان وصوله للخنازير جعله يتطور ويأخذ طور اخطر

وكمان يكفي انه بينتقل بين المصاب والسليم مش زي انفلونزا الطيور اللي بتنتقل بالتعامل المباشر مع الطيور فقط

[doha]

عادي جدا واقولك ازاي .

مرة من يجي عشرة خمستاشر سنه كده انتشر وباء في الهند سموه طاعون رئوي على اساس انه مرض شديد العدوى شديد الانتشار والي بيصاب بيه لا ينجوا منه ..

الحكايه دي كانت مالية نشرات الاخبار والمرض والعياذ بالله كان طاعون يعني ملوش حل ..

فاكره كويس جدا جدتي وهي بتسمع الخبر بعدين سمعتها بتتمتم بصوت خافت كده بينها وبين نفسها بأسى " وآخرتها الواحد يموت بالمرض ده .. "

طبعا جدتي كانت قد تعدت السبعين من عمرها ولما شافت الخبر والتحذيرات الي عليه خافت على نفسها بان خلاص النهاية اوشكت وانها على قدر ماعاشت ونفدت من حاجات كتير يطلع في الآخر وباء زي كده ويحصد الكل ..

جدتي كانت بتخاف من حاجات كتير يعني مرة موجة حر اجتاحت فرنسا وموتت ناس هناك وايمها قلقت لان قالوا اغلب الي ماتوا كبار في السن ,, وغيره وغيره كتير اوي كانت بتيجي اخبار في النشرات او الجرائد الي كانت بتحب تقراها عن مشاكل في انحاء العالم بتموت ( بالكوم ) وكانت بتقلق منها .. صحيح مبتقولش صراحه بس احنا كنا عارفين .. بس احلى حاجه انها كانت بتنسى بعدها بشويه وتعيش حياتها عادي ..

سبحان الله مش عارفه ليه الموقف بتاع الهند بتعليقها عليه ده مازال معلق معايا وكل مافتكره ابتسم ... بس عارفين بقولكم الكلام ده ليه؟

الله يرحمها جدتي ماتت السنه الي فاتت بس ..

عش يومك وان شاله يقولك وباء بيموت من المية تسعه وتسعين.. كلنا سنكون الناجي الوحيد

تم تعديل 6 يونيو 2009 بواسطة doha

[Alrefaey]

اكتشفت اليوم الاحد حالة اخرى فى نفس المستشفى

[أسد]

وخبر عاجل على العربية بيقول اكتشاف إصابة مواطن سعودي عائد من أمريكا بإنفلونزا الخنازير

لسه مفيش تفاصيل

الحقيقة لا أرى أي إهتمام في السعودية بوجود مثل هذا المرض

[أسد]

وده الخبر بالتفصيل من موقع آخر

عاد إلى المملكة على رحلة قادمة من واشنطن إلى جده

الربيعة يعلن اكتشاف إصابة طالب سعودي بأنفلونزا الخنازير

عبد الله العقلا (سبق) الرياض: أعلن وزير الصحة الدكتور عبدالله عبدالعزيز الربيعة انه في إطار الجهود الوقائية التي تقوم بها وزارة الصحة لمتابعة موضوع مرض أنفلونزا الخنازير فقد تم اكتشاف الحالة الثانية بمرض أنفلونزا الخنازير في المملكة العربية السعودية لطالب سعودي كان قد عاد إلى المملكة بعد نهاية دراسته بالولايات المتحدة الأمريكية يوم أمس السبت 13/6/1430هـ الموافق 6/6/2009م واختتم معاليه تصريحه سائلاً المولى عز وجل أن يحمي هذه البلاد وقادتها ومواطنيها والمقيمين على أرضها من كل سوء وان يمتع الجميع بدوام الصحة .

وأشارت وزارة الصحة إلى أن المريض عاد إلى المملكة على رحلة الخطوط الجوية السعودية رقم (032) القادمة من واشنطن لمطار الملك عبدالعزيز الدولي بجدة ثم استقل طائرة الخطوط السعودية من جدة إلى الدمام رحلة رقم (1108) الساعة السابعة صباح اليوم الأحد 14/6/1430هـ.. ولقد تم الاشتباه بالحالة من قبل الفريق الطبي الوقائي التابع لوزارة الصحة في مطار الملك عبدالعزيز الدولي بجدة والذي يستعين بتقنية الكاميرات الحرارية لرصد من عليه أعراض مرضية وتم إبلاغه بإتباع الإجراءات الإرشادية الصحية اللازمة . وبناء على الاشتباه بالحالة تم إجراء الفحص المخبري وأكدت الفحوصات إصابته بالمرض صباح اليوم ويجري استكمال الإجراءات الوقائية للمريض ومخالطيه وفقاً للخطة الوطنية الاحترازية والإجراءات الموصى بها من منظمة الصحة العالمية لهذا المرض.

وطالبت الوزارة من الركاب القادمين على الرحلة القادمة من واشنطن رقم (032) والرحلة الداخلية من جدة إلى الدمام رقم (1108) المشار إليهما أعلاه الاتصال بإدارة الطب الوقائي بصحة جدة هاتف رقم 6640288/02 والهاتف رقم 6640256/02 على مدار الساعة للتأكد من سلامتهم .

وأوضحت الوزارة أن جميع إجراءاتها الاحترازية تنطلق من رؤى وتوصيات علمية من خلال لجان علمية وطنية محلية من استشاريين متخصصين وتوصيات منظمة الصحة العالمية بما في ذلك الإجراءات المتعلقة بالسفر والمسافرين ، والوزارة حريصة على إيضاح الحقائق بكل شفافية بخصوص الموضوع وأهابت بالجميع عدم الانسياق خلف الشائعات الغير الدقيقة والغير علمية التي يتم تداولها بهذا الخصوص.

وصلة الخبر

http://www.sabq.org/?action=shownews&news=7690

[ozoozo]

حالتين تانيين من طلاب الجامعه الامريكيه علي موقع مصراوي

ماشاء الله مصر دايما بلد الرياده وزي ماكنا اول بلا في معدل الاصابات بانفلونزا الطيور هانوصل لده برضه في الخنازير .....هو ده اللي فالحين فيه انما نكسب الجزاير لا طبعا

[أسد]

حالتين تانيين من طلاب الجامعه الامريكيه علي موقع مصراوي

ماشاء الله مصر دايما بلد الرياده وزي ماكنا اول بلا في معدل الاصابات بانفلونزا الطيور هانوصل لده برضه في الخنازير .....هو ده اللي فالحين فيه انما نكسب الجزاير لا طبعا

:aslam:

لا حول ولا قوة إلا بالله ..

ياريت بلاش النغمة دي في الكلام خصوصاً عندما تكون في المصائب من هذا النوع

ثم أن المرض أمر من الله .. وهو إبتلاء ..

ماينفعش نقول إحنا شاطرين ومتفوقين .. وناجحين ... وحنحمي نفسنا وبلادنا وشعبنا من قضاء الله ..

امريكا .. اعظم دولة في العالم ..

بها أعظم علماء الطب .. والصيدلة .. والأدوية .. والأمراض ..

وأكبر عدد من الحاصلين على جائزة نوبل ..

ودولة تسود العالم كله ..

بها أكبر معدل إصابة وأكبر عدد من المصابين في العالم ..

بل أن الحالات التي تم إكتشافها في مصر .. قادمة من أمريكا ..

المصائب لايجوز فيها المزاح .. ولايجوز فيها الشماته ..

ولا يصح إلا أن نكون متكاتفين ..

وندعوا بأن يبعد الله المصائب عنا ..

[Alshiekh]

هل يمثل اعلان الجامعة الامريكية اصابة بعضا من طلابها ومن ثم تأكيد وزارة الصحة على الخبر ، وثبوت ان المصابون قدموا مؤخرا من الولايات المتحدة - أو أى مكان خارج مصر - هل يمثل هذا أن هناك شيئ ما خطأ فى منافذ الدخول لمصر ، وأعنى المطارات والموانئ؟ وان هناك تراخى واهمال فى ترصد حالات الانفلونزا فى المطارات؟

أقول هذا لان من أعلن الخبر ومن اتخذ الاجراء الاحترازى بوقف الدراسة كانت الجامعة الامريكية بالقاهرة وهو مايعنى ان الطلبة العائدين من الخارج قد خرجوا بالفعل من المطار بشكل طبيعى وذهبوا للجامعة وذهبوا لمساكن الطلبة التى يقيمون بها الى ان ظهرت أعراض المرض .

نناشد المسئولين التنبيه باتخاذ اجراءات اكثر دقة وصرامة فى التعامل مع المسألة.

[ozoozo]

خمس حالات جديده النهارده

الفاضل استاذ اسد

انا لا بسخر ولا بشمت بس انا خايف نوصل للرقم 80 بتاع الانفلونزا الطيور انت عارف اكتر حاجه ضحكتني في التصريحات في بدايه الازمه انهم كانو بيقولو ان مصر هاتبقي احسن دوله في مقاومه انفلونزا الخنازير عارف ليه ..................عشان عندها خبره في مواجهه انفلونزا الطيور-بدليل المركز الاول عالميا في الاصابه- وده كان تصريح من فتحي سعد محافظ سته اكتوبر

وبعدين عارف يعني ايه 8 حالات اصابه من بدايه ظهور المرض من شهر تقريبا يعني 10% من مجموع حالات انفلونزا الطيور اللي ظهرت من حوالي سنتين او تلاته واللي اصبحت مرض متوطن في مصر

تم تعديل 9 يونيو 2009 بواسطة ozoozo

[pink rose]

خمس حالات جديده النهارده

الفاضل استاذ اسد

انا لا بسخر ولا بشمت بس انا خايف نوصل للرقم 80 بتاع الانفلونزا الطيور انت عارف اكتر حاجه ضحكتني في التصريحات في بدايه الازمه انهم كانو بيقولو ان مصر هاتبقي احسن دوله في مقاومه انفلونزا الخنازير عارف ليه ..................عشان عندها خبره في مواجهه انفلونزا الطيور-بدليل المركز الاول عالميا في الاصابه- وده كان تصريح من فتحي سعد محافظ سته اكتوبر

وبعدين عارف يعني ايه 8 حالات اصابه من بدايه ظهور المرض من شهر تقريبا يعني 10% من مجموع حالات انفلونزا الطيور اللي ظهرت من حوالي سنتين او تلاته واللي اصبحت مرض متوطن في مصر

كده بالخمس حالات في اليوم مرة واحدة

في كل الدول كانوا بيقولوا ظهور حالة بعدها بفترة ظهور حالة تانية و هكذا

لكن احنا ما شاء الله بالخمسة عشان الحسد يعني و لا ايه

ربنا يستر علينا و على اهالينا و على ولادنا

يا رب عدي الموضوع دا على خير

[se_ Elsyed]

أومال إيه كاميرات حرارية بالمطار .. وصور ستة في تسعه

والعيال دخلوا البلد يوم 28/5 وما حدش قال لهم إنتو رايحين فين ؟

[se_ Elsyed]

الوضع أصبح في منتهى الخطورة

لما كلنا نتخيل مجتمع زي مترو الأنفاق المكتظ واللي عديم التهوية وفي كتمة الصيف .... ممكن يجيلنا حاجه وأحنا بنفكر ...

ربنا يستر وكل واحد يخلوا باله من لغاليغو ...