أخبار فيروس أنفلونزا الخنازير في مصر

[أسد]

الكاميرات الحرارية في المطارات فقط تكشف إرتفاع درجة الحرارة ..

يعني لو أي حد عنده أي مرض وحرارته مرتفعة .. وبلع له قرص فولتارين وهو في الطيارة .. حيعدي بدون أن ينكشف أمره في أي مطار في أي مكان في العالم وفي مواجهة أي كاميرا في أي مكان ..

هذا لا ينفي أن في مصر عدد محدود من الكاميرات .. والطلصقة المتعارف عليها في مصر .. ممكن تعدي أي حاجة ..

ربنا يستر

خصوصاً مع الزحام الموجود في مصر

[pink rose]

[pink rose]

الحالة الثالثة اليوم الخميس 11/6/2009

[Alrefaey]

يبدو ان السعودة حتى فى المرض

نلاحظ ان المملكة لاتعلن عن اى حالة من المقيمين بل السعوديين فقط هم اللى اعلنو عنهم بأستثناء الحالة الاولى (الممرضه )وبعدها بدأ التعتيم عن اى حالة من المقيمين

[se_ Elsyed]

السؤال للسادة الاطباء بالسعودية

هو المستشفيات الخاصة متوافر فيها تحليل فيروس انفلونزا الخنازير .. ولا ده يقتصر على المستشفيات الحكومية كالمستشفى العسكري بالرياض ؟

لإن المستشفيات الحكومية لا تقبل الكشف على الاجانب ..

طب الناس اللي مشتبه اصابتها بالفيروس يعملوا ايه ويروحوا فين ؟

[Alrefaey]

السؤال للسادة الاطباء بالسعودية

هو المستشفيات الخاصة متوافر فيها تحليل فيروس انفلونزا الخنازير .. ولا ده يقتصر على المستشفيات الحكومية كالمستشفى العسكري بالرياض ؟

لإن المستشفيات الحكومية لا تقبل الكشف على الاجانب ..

طب الناس اللي مشتبه اصابتها بالفيروس يعملوا ايه ويروحوا فين ؟

الجهاز مكلف جدا ثمنة بالملايين لذالك غير موجود بالمستشفيات الخاصة على ما اعتقد ولا حتى بالمستشفيات الحكومية كلها

بالنسبة لمدينة الرياض هو متوفر بالتخصصى الى حد علمى وسوف يتوفر الاسبوع القادم فى مدينة الملك فهد الطبية

لكنى اعتقد ان اى حالة حتى لو مقيم وراح للطوارىء فى التخصصى وبلغهم انه يشتبة به او يعانى من اعراض مماثلة انهم سوف يحجزوه فورا وسوف يقومون بعمل التحاليل الازمة

[MZohairy]

اعتقد ان الشفافيه في الدول العربيه مش بالقدر المطلوب

و اعتقد ان العدد المصاب اكبر من المعلن في اي بلد عربي

و الله اعلم

[se_ Elsyed]

الموضوع تطور ...

ودخل منحنى جديد

على السعودية أكتر من مصر

امبارح أكتشفوا حالة جديدة لأنفلونزا الخنازير في مصر لشخص كان يؤدي العُمرة ورجع مصر ...

فيا ترى يا هل ترى الراجل ده اخد العدوى منين ؟

خصوصاً إن السعودية تتعامل مع الموضوع بمنتهى البساطة وكإن ما عندهاش ملايين بييجوا عشان العمره وكل سنة وإنتو طيبين رجب بدأ وداخلين على رمضان والحج والضحايا هاتبقى للرُكب

قلنا دفع الضرر مُقدم على جلب المنافع .. ما حدش سمع

ويا جماعة اللي أدى العُمرة والحج قبل ذلك عليه أن يُفكر مره ثانية في ظل هذه الظروف ... إتهمونا بمعاداة الأسلام ...

ألا قد بلغنا اللهم فأشهد ..

[doudy]

الموضوع تطور ...

ودخل منحنى جديد

على السعودية أكتر من مصر

امبارح أكتشفوا حالة جديدة لأنفلونزا الخنازير في مصر لشخص كان يؤدي العُمرة ورجع مصر ...

فيا ترى يا هل ترى الراجل ده اخد العدوى منين ؟

خصوصاً إن السعودية تتعامل مع الموضوع بمنتهى البساطة وكإن ما عندهاش ملايين بييجوا عشان العمره وكل سنة وإنتو طيبين رجب بدأ وداخلين على رمضان والحج والضحايا هاتبقى للرُكب

قلنا دفع الضرر مُقدم على جلب المنافع .. ما حدش سمع

ويا جماعة اللي أدى العُمرة والحج قبل ذلك عليه أن يُفكر مره ثانية في ظل هذه الظروف ... إتهمونا بمعاداة الأسلام ...

ألا قد بلغنا اللهم فأشهد ..

مفيش فايدة االناس مش بتسمع الكلام

معظم الناس بيسافروا العمرة او الحج كل سنة للتفاخر و خلاص

كاتهم مسافرين يتفسحوا

بغض النظر بقى فى عدوى ولا لا

او الدنيا زخمة و المفروض يسيبوا مكانهم لحد ما يمونش راح قبل كدة

الله المستعان

[عادل أبوزيد]

حضرت إلى لندن منذ أسبوعين تقريبا و فى ذهنى الصورة الإعلامية التى نعرفها كلنا عن أنفلونزا الخنازير و أنها أصبحت رسميا وباء نتيجة زيادة درجة تحذير منظمة الصحة العالمية التى قالت أنه وصل إلى درجة 6 أى أعلى درجات الخطورة ، و كذا التصريحات "الخايبة" بأنه تم تخصيص أراضى للمقابر الجماعية.

سبق كان إستهلالا لابد منه

طوال الأسبوعين الماضيين لم أشاهد أى فرد يرتدى القناع الواقى سواء فى الشارع أو المطار أو وسائل المواصلات و بالنسبة لوسائل الإعلام لم أجد إلا أخبارا عادية فى الصفحات الداخلية و لا تزيد عن عدة سطور.

و الجديد اليوم هو قرار بعدم التركيز على منع إنتشار العدوى لأنه ثبت أن ذلك غير ممكن و التركيز على علاج الحالات المصابة و ليس هذا فقط بل الإستغناء عن التحليل المعملى لإثبات أن الحالة هى أنفلونزا خنازير أم لا و الإكتفاء بالعلاج الإكلينيكى العادى .... و عدم اللجوء للعلاج بالتاميفلو إلا فى حالات قليلة مثل كبار السن و السيدات الحوامل.

و الواضح التوصل إلى قناعة بتفاهة المرض و أنه لا يستحق كل هذه الضجة.

ووصل الأمر إلى الحديث بين العائلات عن تعمد إصابة أبنائهم بالمرض حتى يتم تقوية جهازهم المناعى مثلما هو سائد بالنسبة للجديرى الكاذب و الحصبة (و لكن صدر تحذير اليوم من "إصطحاب الأطفال إلى حفلات أنفلونزا الخنازير") و لم يثبت أن ذلك حدث فعلا.

حالات الإصابة المؤكدة فى بريطانيا كلها وصلت إلى 5937 حالة مع ثلاث حالات وفاة (الحالة الأخيرة لطفلة فى مدرسة للمعاقين فى برمنجهام و كانت تعانى من مشاكل صحية و تم إكتشاف إصابتها بأنفلونزا الخنازير بعد وفاتها و ليس هناك دليل على أن وفاتها نتيجة لإصابتها بأنفلونزا الخنازير).

كما ترون أن الوضع يختلف بشدة عما يظهر فى الإعلام المصرى.

The mild nature of the virus in most people had led scientists to question the strategy of treating everyone with anti-viral drugs. Advice was being sought on whether the standard treatment for seasonal flu – a couple of paracetamol and a hot drink – was sufficient for most people and the antivirals Tamiflu and Relenza should be restricted to certain groups at higher risk of suffering complications, such as those with chronic underlying illnesses, pregnant women and children.

الرابط http://www.independent.co.uk/life-style/he...ed-1719994.html

[زعلان]

كنت في زيارة لألمانيا وكنت بطمن نفسي ان عدد الحالات الي هناك محدود و ان المدينة الي انا رايحها مفيش اصابات دخلت الطيارة و فتحت الجرنال فطالعت الخبر الاول المنشور على الصفحة الأولى 35 اصابة جديدة في مدينة دوسلدورف بأنفلونزا الخنازير في المدرسة اليابنية العالمية وهي المدينة الي احنا رايحنها قعدنا نضحك بصراحة

أما الناس هناك فمش في بالهم الموضوع خالص و كان في احتفالات بالمهرجان اليابني (صدفة جميلة مش كده ) وكان الناس ماشيه عادي الا عدد محدود من الشباب الصغير يعد على اصابع اليد كانوا لابسين اقنعه خلال المهرجان مش عارف نوع من انواع التنكر ولا وقاية

الحمد لله رجعنا و بقالنا خمس ايام وفترة الحضانة بتاعة تقريبا ومفيش اعراض

[ozoozo]

الموضوع تطور ...

ودخل منحنى جديد

على السعودية أكتر من مصر

امبارح أكتشفوا حالة جديدة لأنفلونزا الخنازير في مصر لشخص كان يؤدي العُمرة ورجع مصر ...

فيا ترى يا هل ترى الراجل ده اخد العدوى منين ؟

خصوصاً إن السعودية تتعامل مع الموضوع بمنتهى البساطة وكإن ما عندهاش ملايين بييجوا عشان العمره وكل سنة وإنتو طيبين رجب بدأ وداخلين على رمضان والحج والضحايا هاتبقى للرُكب

قلنا دفع الضرر مُقدم على جلب المنافع .. ما حدش سمع

ويا جماعة اللي أدى العُمرة والحج قبل ذلك عليه أن يُفكر مره ثانية في ظل هذه الظروف ... إتهمونا بمعاداة الأسلام ...

ألا قد بلغنا اللهم فأشهد ..

اللي مخوفني كمان الاجراءات الاحترازيه الشكليه فقط

يعني انا كنت في دبي الاسبوع اللي فات وكنت راجع علي الخطوط السعوديه ونازل مطار جده وفي الطياره ادونا ورقه عشان نملاها فيها بيانات المسافرين كامله عشان لو اكتشفوا اصابه حد من الطياره يلموا المسافرين ويفحصوهم المهم اني قعدت املاها بكل دقه ورقم جواز سفرك ورقم تليفون شخص قريب منك وعنواين المنزل والعمل وفي الاخر ماحدش اخد مننا الورقه لا في الطياره ولا في الجوازات؟؟؟؟؟؟؟

[ozoozo]

في تطور خطير اول حاله وفاه بالمرض في مصر حدثت امس لسيده عائده من العمره

أعلنت وزارة الصحة مساء أمس «الأحد» عن أول حالة وفاة في مصر بفيروس «إتش1 إن1» المسبب لمرض «إنفلونزا الخنازير».

وذكرت وزارة الصحة - في بيان صحفي - أن الحالة لسيدة مصرية تبلغ من العمر 25 عاما قادمة من السعودية بعد أداء العمرة..والتي كانت قد عادت إلي مطار القاهرة الدولي يوم 16 يوليو الجاري.

وأشار البيان إلي أن السيدة قد تم احتجازها في مستشفي بمحافظة الغربية يوم وصولها..

وقد كانت تعاني من حمي روماتيزمية وجلطة بالشريان والتهاب حاد وفشل تنفسي ونقص شديد في نسبة الأكسجين بالدم..وتوفيت بالمستشفي أمس الأول «السبت».

وأوضحت وزارة الصحة - في بيان لوزير الصحة الدكتور حاتم الجبلي أن السيدة من محافظة المنوفية وكانت تؤدي مناسك العمرة بالسعودية، وقال «إنها سافرت لأداء العمرة يوم 6 يوليو الحالي، وحدث ارتفاع في حرارتها أثناء وجودها في مكة المكرمة وتوجهت إلي مستوصف طبي هناك وتم إعطاءها علاجًا خارجيًا، وبعد ذلك توجهت إلي المدينة المنورة حيث اشتدت أعراض المرض عليها ودخلت إحدي المستشفيات هناك، ولم تستجب إلي العلاج ».

وأضاف: وتوجهت المريضة إلي مستشفي آخر بالمدينة حيث تم حجزها في العناية المركزة وبناء علي طلب الزوج خرجت السيدة من المستشفي وعادت إلي القاهرة يوم 16 يوليو، ووصلت مطار القاهرة في الواحدة من ظهر اليوم نفسه ..وبعد ذلك عادت إلي منزلها في المنوفية، ثم توجهت بعد ذلك إلي مستشفي خاص بمدينة طنطا بمحافظة الغربية، حيث تم حجزها بالمستشفي، وكانت تعاني روماتيزم بالقلب وجلطة بالشريان الرئوي، ونتيجة اشتباه الأطباء في احتمال إصابتها بإنفلونزا الخنازير تم أخذ عينة منها يوم أمس وجاءت نتيجتها إيجابية.

من جهة أخري أعلنت الوزارة عن اكتشاف عشر إصابات جديدة بفيروس إتش 1 إن 1 المعروف بإنفلونزا الخنازير ليبلغ بذلك إجمالي عدد حالات الإصابة في مصر 130 حالة حتي الآن .

الرابط

http://dostor.org/ar/index.php?option=com_...28&Itemid=1

[بنت الشاطئ1]

بالنسبة للتطعيمات فى مدارس مصر..هل المفروض الطالب يرفض ياخد التطعيمات واللا ياخدها..لان فى مدارس بدأت فى اعطاء التطعيمات..بسرعة ردوا علينا ربنا يكرمكم

[miramikhail]

بصى هو فية مجموعة تطعيمات لازم الولاد بيأخدوهم سنة أه وسنة لأ منها الألتهاب السحائى و أنا كنت بأخلى أولادى يطعموة لأنه حاجة مهم جدا ألا إذا كنت بتطعميهم عند الدكتور كل التطعيمات.

أنا على فكرة أبنى دلوقتى فى الجامعة وبتى فبما يعادل أول ثانوى و الحمد لله عمر ماحصل مشاكل من التطعيمات دية .

هو بس لازم تبقى عارفةهعم حيطعموا بأه فلازم يبعتوا ورقة بالتطعيمات فتعرفى أية

[se_ Elsyed]

قمت بتثبيت الموضوع لاهميته

-------------

المسألة بقت في منتهى المسخرة يا جماعه

مسخره بكل معنى الكلمة

مسخرة طبية

ومسخرة تعليمية

ومسخره اعلامية

------------

المسخرة الطبيه .. هي ان الاطباء تايهين ومش عارفين مين بيودي فين

بدليل الطفل اللي مات من كام يوم .. وراح حوالي 3 مستشفيات وكل مستشفى تجرب فيه ادوية لحد ما حصل له انفجار في المخ ونزيف حاد من الانف والفم وتقريباً بعد 6 ساعات مات أكلينيكاً

امبارح والنهاردة كنت هامسك التليفزيون أكسره وأمسك جهاز الكمبيوتر أحدفه من الشباك

لما أتضح لي أن الأولاد مش هاقول الاطفال ... او الناس اللي سنهم تحت 18 سنه ممنوع منعاً باتاً يتناولوا اسبرين في حاله وجود ارتفاع في درجة الحرارة في ظروف مثل هذه .. لأن في حالة كانت الحرارة دي ناتجه عن فيروس انفلونزا الخنازير فببساطة يؤدي الأسبرين الى نتيجتين

1- تدمير الكبد

2- تدمير خلايا المخ

وهو تماماً ما حدث سنة 1918 حينما ظهرت ما تسمى الانفلونزا الاسبانيه وكان البراسيتامول الوحيد والمشهور وقتها هو الاسبرين ... وبالتالي كل من اخذ الاسبرين مات على طول ... ووجدنا ملايين البشر ميت فيما يشبه الانتحار الجماعي

الأن وبعد التقدم العلمي .... أصبح تناول اي مخفضات حرارة أو مسكنات في مثل هذه الظروف ممكن ... ألا الاسبرين

طب فين ... مين ... ايه ؟

في حد اتكلم عن كده ؟

في حد قال ما تغسلوش ايديكم وما تاخدوش اسبرين ؟

الحاجه التانية الخطيرة

نحن الان أنتقلنا الى مرحلة الوباء

شئنا ام أبينا ..

لأ ولسه ده احنا لسه بنسخن وداخلين على فصل الشتاء يعني اجدعها واحد مكتمل الصحة لازم يجيله برد ودور انفلونزا مره على الاقل

بالله عليكم .... لما الاصابات توصل الى الالاف ... حد عارف هايروح فين وييجي منين وفين المستشفيات اللي هاتستوعب ده كله وفين الكوادر المدربة لعلاج تلك الاعداد المهولة

الان يا سادة اصبحت الكوتا اليومية في مصر الان حوالي 100 حالة اصابة على الاقل يومياً

الغريبة ... معظمهم أطفال مدارس

طب بالله عليكم

الاطفال دول مالهمش اهل ؟

يعني اهل الطفل مش المفروض يتصابوا أو حد من البيت يتصاب ؟

فين الشفافية المزعومة ؟

--------------------------

المعلومة اللي عرفتها وتأكدت منها النهاردة وهي تجعلنا نطالب باعدام وزير الصحة والاعلام في ميدان عام وبحبل واحد

طبعاً انفلونزا الطيور بقى لها فترة عندنا

عارفين أن في احصائية طبية اثببت ان عندنا 30 حالة وفاة جارء هذا الفيروس

جميل قوي

تخيلوا الاجرام

24 حالة من دول توفوا نتيجة تناول ما يُسمى " مجموعة الانفلونزا " اللي بتتباع عادي في الصيدليات ولها تأثير قاتل على المصابين ....تخيلوا يا سادة ؟

طب بالله عليكم ... حد عرف كده ولا اتكلم عن كده ؟

وخلوا بالكم ... انت بتتعامل مع ناس ثقافتها محدودة وهم الذين يختلطون بالطيور

يبقى المفروض بدل ما تصرف ملايين على اعلانات شعبان عبد الرحيم والكلام الفارغ ده ... المفروض تنبه الناس لحاجه خطر زي دي وأنت عارف ان الشعب المصري عاشق للدواء وبيسفه زي ما بيسف السكر كده

خصوصاً ان أصلاً الخدمات الطبية في الارياف حيث تستوطن انفلونزا الطيور .. تكاد تكون تحت الأرض ولو الواحد لقى ثمن مجموعة الانفلونزا يبقى كويس

دي مش مسخره حقيقية يا سادة ؟

ولنا عوده

[أسد]

مرض أنفلونزا الخنازير .. قد يصيب أغلب الناس .. مثله مثل الأنفلونزا العادية ..

لأن إنتشاره لايمكن مهما حصل ومهما إتخذ من إجراءات سيستمر .. ولن يتمكن أحد من إيقافه .

تلك هي إرادة الله ..

ولكن ..

مايحدث في مجتمعنا من هلع ورعب .. هو مايزيد من قسوة الأمر ..

وغياب الوعي الصحي .. والوعي بالنظافة العامة الصحية .. لها دور كبير في زيادة المخاطر ..

ضعف الإمكانيات والخدمات في المرافق الصحية تزيد من المخاوف من انتشار هذا المرض ..

الكارثة الشائعة والموجودة في مصر والتي يجب تجريمها .. والمسماة بمجموعة الأنفلونزا .. يجب التوقف عن هذا الأمر بشكل نهائي وسريع وتجريم تواجدها في الصيدليات وتجريم الإتجار بها مثل تجريم المخدرات .. لأن لها مخاطر جسيمة ..

هناك عدد من أدوية الأنفلونزا تم منعها في أغلب دول العالم .. لأنها تسبب نزيف في المخ .. ولا زالت تستعمل .. وعلى نطاق واسع في مصر ..

اللامبالاة وعدم الإهتمام الذي يلاقيهما المريض في كثير جداً من الأحيان من الأطباء في مصر ظاهرة سلبية وغبية جداً في مصر .. تجعل منالخدمة الطبية التي يستقبلها المريض من الطبيب في أسوأ صورها على الإطلاق ..

هذه هي المسائل التي يجب أن يتم العمل عليها .. يجب علاج أي مشكلة من جذورها .. ولكن الحالة في مصر مهترئة بدرجة كبيرة جداً .. وتحتاج إلى معالجات ثورية وقوية جداً ..

الصيادلة الذين وقفوا وقفات إحتجاجية وأغلقوا صيدلياتهم إعتراضاً على الضرائب ..

عدد ليس قليل منهم يتاجر في التاميفلو بأسعار فلكية.. وأغلبهم يتاجر في مجموعة الإنفلونزا .. والتي هي عبارة عن خافض للحرارة .. ومضاد للحساسية .. ومضاد حيوي .. ومسكن .. ولكل عنصر من تلك العناصر عشرات الموانع مع بعض الناس .. فكيف في مجتمع يشكو نسبة كبيرة منه بمن أمراض مزمنة في الكلى والقلب ..

كثير من الصيادلة في مصر .. يصف أدوية ومضادات للإلتهاب ومضادات حيوية للناس من تلقاء نفسه حتى لا يضيع على نفسه زبون .... ويظن المرضى بأنه إذا ذهب للصيدلي فبذلك وكأنه راجع الطبيب ..

كثير من الصيادلة يعطي الحقن .. ويقيس الضغط والسكر .. في الصيدليات .. وهذا يعتبر مخالفة جسيمة في أغلب دول العالم .. المتحضر وحتى غير المتحضر ..

كل هذا يتم في ظل منظومة سيئة للخدمات الصحية في مصر .. وغياب رقابي غير عادي .. وشعب نسبة كبيرة منه تعاني من الأمية .. وأغلبهم ليس لديهم ثقافة صحية على الإطلاق ..

في ظل إنشغال كل وسائل الإعلام .. إما بالتهليل للحزب والحكومة .. أو بالهجوم وإظهار السلبيات والمعارضة .. أو بانشغالهم بعرض المسلسلات أو المسابقات والكليبات ورنات المحمول ..

منظومة مجتمعية فاشلة جداً .. بشكل مأسوي ..

أنفلونزا الخنازير تنتشر بأعداد كبيرة في كل دول العالم .. ويصاب بها الآلاف يومياً .. ويشفون ..

أصبت وابني بأنفلونزا الخنازير منذ أسابيع .. وحصلنا على العلاج .. وذهبت الأعراض في يومين .. وتم الشفاء التام بسرعة والحمد لله ..

المسألة ليست خطيرة ... ولكن يجب التعامل معها بجدية .. ويجب على العاملين في القطاع الصحي جميعهم .. أن يزيدوا من إهتمامهم بالمرضى .. ويجب نشر التوعية بين الناس بشكل أكبر ..

نحن في مجتمع يعاني من أمية رهيبة .. سواء الأمية بمعناها المعروف .. أو الأمية الثقافية ..

[أسد]

إلزام المستشفيات الخاصة باستقبال حالات أنفلونزا الخنازير

أصدر الدكتور حاتم الجبلى، وزير الصحة، قراراً وزارياً، أمس، يلزم جميع المستشفيات الخاصة على مستوى الجمهورية باستقبال حالات الإصابة والاشتباه بمرض أنفلونزا الخنازير، ابتداءً من السبت المقبل.وقال الجبلى فى مؤتمر صحفى إنه سيتم تخصيص ٥٪ من الأسرة فى هذه المستشفيات لحالات الطوارئ، وأنه سيتم إنزال عقوبات على المخالفين من أصحاب المستشفيات الذين لن ينفذوا هذا القرار.

هذا الخبر منشور في عدد اليوم من جريدة المصري اليوم

http://www.almasry-alyoum.com/article2.aspx?ArticleID=232646

هذا أمر هام جداً .. على أن يتم الرقابة المستمرة على تلك المستشفيات .. والضرب بيد من حديد على المخالفين

يجب أن يكون للدولة دور قوي وحقيقي في تلك الأزمة

[عصام]

أنا فى رأيي .. ان باقى الخبر واللى هو

كما قرر الجبلى السماح للمعامل الخاصة بإجراء التحاليل الخاصة بأنفلونزا الخنازير، محذراً من التلاعب فيها وزيادة أسعارها، أو إجراء «تحاليل سريعة» على العينات.

لا يقل أهمية عن الجزء الأول والخاص بالمستشفيات ..

أعتقد ان دا كان شيء متوقع

الفكرة بس ان التحليل الواحد بيتكلف فى حدود ال 1000 جنيه (مواد كاشفة) .. وبيقال ان المعامل الخاصة ممكن تتلاعب فى المسألة دى من باب تحقيق أرباح .. وان دا كان السبب الرئيسى فى رفض منحهم ترخيص إجراء التحاليل ..

[se_ Elsyed]

إلزام المستشفيات الخاصة باستقبال حالات أنفلونزا الخنازير

هذا أمر هام جداً .. على أن يتم الرقابة المستمرة على تلك المستشفيات .. والضرب بيد من حديد على المخالفين

صباح المشمش

او على رأي الشوام

صباح الموشموش

لما يبصوا جوه يبقى بعده كده يبصوا بره

قصدي لما يظبط مستشفياته الحكومية وخصوصاً مستشفى حميات العباسية اللي مرمي عليها العبء كله يبقى يضرب يا عم ابو أدهم بيد من صفيح على الباقي وخصوصاً الخاصة اللي ما بيشوفوش منهم الا كل خير

موقف واقعي عشته بحذافيره

من اسبوعين عشت لحظات من اللي بتخلي الواحد يموت في الرعب

بنت نسيبي أخو المدام هنا .... تعبت في مصر ... عندها سنة وشهرين سيادتك .... ووصلت درجة حرارتها إلى 39.5 .. فأخوه جري بيها الساعه 1 بالليل على مستشفى الحميات .... والبنت وصلت لدرجة الاغماء والتشنج ... وكان عندها بقى لها يومين أسهال .... خلي بالك من دي ... دخلوا الطواريء ... فقالوا له أقف في الدور يا سيد

والمستشفى زحمه مووووووت في الوقت ده تخيل ؟

وإحنا معاه خط مفتوح على التليفون

قولنا له أدخل للدكتور وأديله التليفون إحنا بنتلكم دولي يابني

الدكتور مشكور قال ولو ... خليك في الطابور

والبنت مغمي عليها خلي بالك وخايفين تكون زفت خنازير

فين وفين

ههههههههههههههههههههه

طردوه بره وأدوا له " تحاميل " حضرتك سوري يعني

فقلنا له يا بني أدم تحاميل إيه البنت بتموت بغض النظر عن خنازير ولا خفافيش .... وعندها أسهال كمان .. ادخل لمدير المستشفى

ههههههههؤ ؤ ؤ ؤ ؤ.. دخل للراجل وقابله بكل ترحاب وقدم له شاي بالياسمين مع تشيز كيك .. وقال له بكل ود : إطلع بره هو ده اللي عندنا

أقسم بالله زي ما بأحكي كده .... الولد يا عيني صغير وعنده 20 سنة ... وعمال يعيط وهو شايف البنت بتموت وعينيها أتقلبت وخشبت وقطعت النفس وهما شايفين كده

وكويس إن كان معاه فلوس كتير .. أخد العربية وأعصابه بايظه وطلع على مستشفى خاص في مدينة نصر وأول ما شافوا حالتها كده كانوا هايضربوه

ودخلوها العناية المركز وفضلت لحد 6 الصبح وإحنا معاه وكنا بنموت كل ثانية

والحمد لله أنقذوها

عاش جمال مبارك مفجر الثروة ... ويعيش أبوه كمان لحد ما يخلص علينا