سوال قانونى هام

[SajedSoft]

كما تشمل ملكية الوحدة المباعة حصة شاءعة فى ارض العمارة الكاءنة بها عدا سطح العمارة والبدروم ان وجد تعادل فى حالة وصول المبانى الى اقصى ارتفاع يسمح به قانونا

سللام عليكم

ما سبق بند فى عقد شراء وحد ة سكنية هل ده معناه انى لى حصة فى الارض وايه المفهوم من حصة شاءعة

شكرا ياجماعة

[Alshiekh]

كما تشمل ملكية الوحدة المباعة حصة شاءعة فى ارض العمارة الكاءنة بها عدا سطح العمارة والبدروم ان وجد تعادل فى حالة وصول المبانى الى اقصى ارتفاع يسمح به قانونا

سللام عليكم

ما سبق بند فى عقد شراء وحد ة سكنية هل ده معناه انى لى حصة فى الارض وايه المفهوم من حصة شاءعة

شكرا ياجماعة

لست قانونيا ولكن من خلال ممارستى اثناء الشراء فقد كنت اصر على تحديد قيمة " حصة المشاع " وهى غالبا تحسب فى العقد بالقيراط ، على اعتبار ان الوحدة الصحيحة لكامل الارض تبلغ 24 قيراط ، وهذا بالطبع يحدد مسبقا الارتفاع المتفق عليه.

مثال :

عمارة مكونة من ستة طوابق ، كل طابق مكون من اربعة شقق متساوية المساحة ، فيكون عدد الشقق 24 شقة متساوية المساحة وبالتالى متساوية الحصة فى كامل الارض = 1 قيراط من مساحة ارض العقار على المشاع ويعنى ايضا ان ليس للبائع الاصلى لو باع كل الحصص ( الشقق ) أن له أى ملكية فى الارض او فى العقار ومن هنا نشأت فكرة اتحاد الملاك التى يتجاهلها أو يجهلها الغالبية العظمى من مالكى الشقق.

هذه هى رؤيتى وقج يكون للقانونيين رأيا آخر.

[الباشمهندس ياسر]

كما تشمل ملكية الوحدة المباعة حصة شاءعة فى ارض العمارة الكاءنة بها عدا سطح العمارة والبدروم ان وجد تعادل فى حالة وصول المبانى الى اقصى ارتفاع يسمح به قانونا

يعنى اشتريت شقة فى عمارة و حصتها مثلا 48:1 من الارض

يبقى لما العمارة تقع بعد 100 سنة مثلا او تتهد لاى سبب م الاسباب

نصيب سعادتك ف الارض هو 48:1 و ده معناه من قيمة الارض الاجمالية

انما متجيش تاخد الجزء ده ف صورة ارض ابدا ولا تقول مثلا انا هاخد حقى كام متر ع الناصية او اى جو زى كده

و الله اعلم

[doha]

انا مش خبير قانوني بس هقولك الي اعرفه بخصوص موضوع حصة الارضية ومافهمته من كلامك ..

الحصة في الارضيه زي ماقال الاستاذ ياسر هي عباره عن نسبة شقتك لمساحة العقار الاجمالية ودي تنفعك لما ينهد العقار بعد عمر طويل في ان اي عقار هيقوم مكانه هتكون لك فيه نسبه بنفس حصتك الحالية .. يعني الحصة في الارضيه هي الفرق الفعلي مابين الايجار والتمليك لان في ناس بتشتري شقق بلا حصة في الارضية ودي تعني انهم شاريين ( حق انتفاع ) فبمجرد انتهاء العمر الافتراضي للعقار وسقوطه خلاص بترجع الارض للمالك الاصلي وبكده الناس دي ملهاش شيء كأنهم مستأجرين بس دافعين ايجار مقدم ..

بالنسبة بقى لوضعك انت بالذات اعتقد والله اعلم ان الحصة مش محدده لسبب بسيط يبدوا ان المالك لديه نية في تعلية العقار وده واضح من اشتراطه ان شقتك لا تشمل حصة في السطح ..

معنى كده انه لو على العقار فنسبة مايخصك من حصة في الارضيه هتقل وده برضه يعني ان لا قدر الله لو العقار مخالف اساسا وفيه ادورا زياده فلو تم هدمه بعد عمر طويل النسبة برضه هتكون اقل وبالتالي مش هيطلع لكل شقة شقة كامله زي الوضع الحالي ..

على كل حال دي مجرد افتراضات والصحيح انك متمضيش اي عقد خاصه عقاري الا بتسشارة محامي فاهم هو يسجله لك ويضمن لك كل بنوده لان ساعات بيكون في ( تكه ) صغيره جدا مش بياخذ باله منها غير خبير وتفرق كتير اوي في ضمان حقوقك ..