صدق او لاتصدق النيل هيلتون ايجاره جنيه في الشهر !!!!!!

[ابو محمد المصري]

الحكومة تحصل من النيل هيلتون "جنيه واحد" سنويا !!

المصريون : بتاريخ 6 - 6 - 2009بناء على القرار الجمهوري رقم 3251 لسنة 1964 تم الترخيص لشركة مصر للفنادق على استغلال أرض النيل هيلتون لمدة خمسين عاما قابلة للتجديد بإيجار سنوي قدره "جنيه واحد" !!

التعليق ده بقي من عندي

انا بدفع ايجار جديد في شقه معتبره مساحتها 75متر بالكمال والتمام 3 غرف وصاله وحميم( تصغير حمام ) ومطبخ بعد مابنوا الشقه افتكروا انهم معملهوش في احسن حي عشوائي فيكي يا مصر 400 جنيه في الشهر يعني السنه تقف عليا ب4800 والنيل هيلتون اللي يجي قد شقتي مرتين ولا تلاته ايجاره جنيه واحد في الشهر

عمار يامصر خراب يا احيائك العشوائيه

[أسد]

بفرض أن هذا الأمر صحيح ..

ما المشكلة .. ؟؟؟

الفندق مملوك للدولة .. أو لنقل أن الشركة مالكة الفندق مملوكة للدولة ..

فلماذا تأخذ الدولة من نفسها إيجار ..

الجنيه .. ما هو إلا معالجة محاسبية يعرف بها المختصين في المحاسبة ..

أضف إلى ذلك .. الفندق ليس مشروع خاص .. بل هو مشروع للمنفعة العامة .. يدر أرباح .. ويسدد عن أنشطته الضرائب .. ويعمل فيه المئات .. ويقدم خدمة للسياحة ..

أما شقة سعادتك فهي حالة مختلفة تماماً ....

ولا تستطيع أن تلوم صحب تلك الشقة غذا أجرها لولده ببلاش .. ودفع له مصروف أيضاً ..

[Falcon Crest]

بفرض أن هذا الأمر صحيح ..

ما المشكلة .. ؟؟؟

الفندق مملوك للدولة .. أو لنقل أن الشركة مالكة الفندق مملوكة للدولة ..

فلماذا تأخذ الدولة من نفسها إيجار ..

الجنيه .. ما هو إلا معالجة محاسبية يعرف بها المختصين في المحاسبة ..

شكرا لشرح حضرتك لاني لما شفت الخبر علي موقع المصريون كنت متنرفذ جدا و اعتبرته سؤ اداره للمال العام كالعاده

[ابو محمد المصري]

اسمح لي اختلف معاك يا اخانا الفاضل اسد

حتي لو كان الفندق مملوك للدوله والايجار الرمزي لسد خانه محاسبيه اري ان الامر فيه بعض سوء التصرف

كيف انظر انا ومثلي من معدومي الدخل وندفع اكثر من نص دخلنا في الايجار

صاحب عمارتنا لو اجر البيت لابنه ببلاش واداله فلوس عليه دي فلوسه وهو حر فيها ولكن الفندق ملك لي ولك وليس للدوله وعشان كل شويه ميطلعش واحد يقول ان مفيش موارد لسد العجز او لتمويل زياده المرتبات

لو دورنا في دفاترتنا القديمه هنلاقي مليون سكه لسد العجز او لتدبير موارد بدل زياده الضرايب او رفع الاسعار علينا

[ابو حودة]

في حاجة اسمها محاسبة المسئولية ودي معناها انه يتم تحديد عناصر المسئولية تبعا لطبيعة الشئ ( الشركة ، القسم ... الخ ) وعليه محاسبة ادارة النيل هيلتون تحصل على الايرادات بالسعر الحقيقي اما التتكاليف او الجزء الغالب فيها ( الايجار ) فهو بسعر رمزي جنيه واحد وبالتالي الارباح او الخسائر هي لا تعبر عن المفهوم الاقتصادي لها وبالتالي لا تستطيع ان تعتبرها معيار لمساءلة القائمين على الادارة

الا اذا كان هناك معيار اخر بتم التحاسب على اساسه وهو تكلفة المثيل

[وليد صفوت]

السلام عليكم،..

هذا الامر مشكوك فيه لأنه لو فرضنا ان الايجار فعلا جنيه واحد فهناك ضرائب و هناك فروض لابد و أن تُدفع خارج بند الايجار و هى مبالغ ضخمة للغاية.

الآمر الثانى ان المؤسسات الحكومية تتمتع بإمتيازات غير باقى المؤسسات: طيران القطرية كمثال يأخذ وقود طائراته مجاناً من الحكومة القطرية. و ليس هذا بإهدار للمال العام، بل ميزة تجعل الطيران مخفض الاسعار و قابل للمنافسة عالمياً.

تحياتى،

[ابو محمد المصري]

مع كامل احترامنا لدوله قطر الخليجيه البتروليه الغنيه مفيش حد كل كام يوم يخرج يقول معندناش موارد لدفع زياده المرتبات او مفيش امكانيات لزياده الانفاق علي الصحه او التعليم وعشان كده لابد من فرض ضريبه جديده

انا بش زعلان علي القيمه المنخفضه جدا للايجار ولكن يخلوه مجانا

طيب مالنادي الاهلي اللي بيكسب مليارات كل سنه وبيصرف علي اللعيبه ملايين برضه ايجاره للدوله منخفض جدا

ايضا نادي الزمالك بيدفع ملاليم للاوقاف

انا عامل زي الخواجه بطرس لما يفلس يقوم مدور في دفاتره القديمه

نفسي تترفع المعاناه عني وعن اللي زي بس تترفع بعيد عن زياده الخنقه عليا

[elfakhrany]

البلد دى أحنا ضيوف عليها الكام سنة اللى عايشينهم .. وبعدين دى أملاك الدولة تاخد جنيه أو متاخدش مش مشكلة المهم انها متخصخصهاش

[MoHaMMeD EgYpT]

مفيش وجه مقارنة مابين مصر و قطر

قطر التعليم فيها مجاني و العلاج مجاني و بيخدوا قسائم ( بيوت ) برده مجاني او الحكومة بتملكهم ارض و تديهم قرض بدون فوايد و يدفعهوه علي عشرين سنة مثلا و كمان مرتبات القطريين او الخليجين عموما في شهر واحد قد مرتب المصري من الحكومة يمكن طول عمره wst:: و مستحيل تلاقي في قطر حد بيشحت او حد هيموت من الجوع

يبقي مستحيل يبقي فيه وجه مقارنة بين مصر و قطر

قطر دولة خليجية غنية بالبترول زي اي دولة خليجية اخري

و مصر غنية برده لكن خيرها لغيرنا

و ما فيش شئ نقدر نعمله غير نقول حسبي الله و نعم الوكيل في الحكومة اللي واكلة خير البلد

ولا تستطيع أن تلوم صحب تلك الشقة غذا أجرها لولده ببلاش .. ودفع له مصروف أيضاً ..

تعليقا علي كلام الاستاذ اسد طب ماهو احنا برده مصريين زي صاحب فندق هيلتون النيل و احنا ولاد البلد دي برده

تم تعديل 7 يونيو 2009 بواسطة MoHaMMeD EgYpT

[ابو محمد المصري]

اشكرك اخي محمد علي ردك اللي شفا جزء من غيظي

احنا صحيح مصريين وحكامنا مصريين بس فيه فرق صغير قوي بيننا وبينهم احنا بنشوفهم كبار قوي وهما بش شايفنا خالص او ميعرفوش اساسا اننا موجودين

[أسد]

السياحة صناعة تدر دخل علىمصر كلها ..

فهل إذا كانت الدولة بنت مصنعاً حكومياً على أرض حكومية وملكته لقطاع الأعمال . بدون أن تأخذ أي قيمة من قطاع الأعمال هل في هذا الأمر مخالفة او استغلال أو أمر يحتاج لمحاسبة ..

الموضوع فيه مبالغة وإثارة لافائدة منها ..

تعليقا علي كلام الاستاذ اسد طب ماهو احنا برده مصريين زي صاحب فندق هيلتون النيل و احنا ولاد البلد دي برده

يامحمد .. هو مين صاحب هيلتون النيل ؟؟؟؟؟

صاحب الفندق هو الدولة ..

وعلى فكرة ..

لم يعد اسمه هيلتون ..

فقد تم إنتهاء عقد الإمتياز مع هيلتون .. وتم منحه لشركة أخرى .. الحقيقة مش متذكر حيكون إسمه إيه ..

وهو حالياً على ما أعتقد في مرحلة تجديدات

[زعلان]

المشكلة في عدم اخذ قيمة ايجارية حقيقية من شركة سياحية تكمن في عدم مصداقية ارباح هذه الشركة فهي تكسب رغم انها خاسرة وذلك لأن القيمة الايجارية غير صحيحة وكمثال ستجد ان هذا الامر ممنوع في دبي يعني قيمة الكهرباء و المياه و الخدمات يجب ان تدفع دون اية تخفيضات كما كان يحدث في السابق لذلك ستكون الارباح حقيقية وواضحة

[ابو محمد المصري]

ياريتهم ادوهولهم ببلاش

كل المباني السياديه من اول قصور الحكم لغايه اصغر بوسته في اخر نجع في مصر ببلاش ومحدش بيتكلم

لكن حرق دمي مبلغ الايجار وقياسا علي حالي انا ومعي ملايين من اصحاب قانون الايجار الجديد غصب عننا بنبص لحالنا يعني حتي تنفسينا عن اللي جوانا حرام

حطيت نفسي انا واهل بيتي في مقياس مع الحكزمه هما حكومه واحنا برضه حكومه مصغره

بنفس عن اللي جوايا اكثر حاجه بكرهها في حياتي من اول يوم 25 من الشهر

شايل هم الايجار

شايل هم الكهربا

شايل هم فاتوره التليفون

شايل هم فاتوره الميه

شايل هم فلوس المدرس الخصوصي

بش قادر خلاص اتخنقت

[Simba]

اكيد بعد الثورة الايجار ممكن يوصل خمسة جنيه :closedeyes: